ఒత్తిడి

11:41 - May 18, 2018

కూరగాయాల్లో రాజా వంకాయ. పండ్లల్లో రాజా మామిడిపండు. మరి పువ్వుల్లో రాజా(ణీ) ఎవరు అంటే ఠక్కున గుర్తుకు వచ్చేది ఆ పువ్వే. ఎన్నో రకాల రంగులు. ఆ పువ్వును చూడగానే మనసు పవరశిస్తుంది. ప్రేమికులకు ఆరాధ్యం ఆ పువ్వే. తమ ప్రేమను తెలపాలన్నా..తన స్నేహానికి గుర్తుగా ఇవ్వాలన్నా..పరిచయాలకు..ఆహ్వానాలకు ప్రధమస్థానంలో వుండేది ఆ పువ్వే..ఆదేనండీ రోజా పువ్వు. పువ్వుల్లో రోజా సొగసుకు, రాజసానికి, నిండుతనానికి,తాజాదనానికి మారుపేరుగా కనిపించే రోజా కేవలం అందంలోనే కాదు ఔషధగుణాల్లో కూడా రాజా అని నిపుణులు చెబుతున్నారు. అందంలోనే కాదు ఆరోగ్యానికి కూడా రోజా రాజాలాంటిదంటున్నారు వైద్యులు..సాధారణంగా చాలామంది రోజా పువ్వు రేకులను తింటుంటారు. అదేమంటే మంచిద! అంటుంటారు. ఇంకా శరీరం మంచిరంగు కూడా వస్తుందట! అంటుంటారు. మరి ఆ మంచి ఏమిటో..ఆ ఆరోగ్య ప్రయోజనాలేమిటో చూద్దాం...

టీజేజర్లకు రోజా..
టీనేజ్ లో కలిగే హార్మోన్ల ప్రభావంతో యువతకు మొహంపై మొటిమలు, తద్వారా ఏర్పడే నల్లమచ్చలను పోగొట్టడంలో రోజా రేకులు సమర్థవంతంగా పనిచేసాటయట.అదెలాగో చూద్దాం..రేకులను వేడినీటిలో బాగా మరిగించి..రేకులను బైటకు తీసి ముద్దగా నూరి..దానికి ముల్తానీ మట్టి కలిపి మిశ్రమంగా చేసుకుని వారంలో ఒక్కసారి మొహంపై రాసుకుంటే ముఖం నిగారింపుగా మారుతుంది. మెటిమల వల్ల ఏర్పడే నల్లమచ్చలు క్రమేపీ తగ్గిపోతాయి. రోజా రేకులతో తయారు చేసే కషాయం ఆరోగ్యానికి చాలా మంచి చేస్తుంది. మార్కెట్లలో లభించే ఔషధాల కంటే కూడా ఇది మేలు కలిగిస్తుంది. చర్మానికి మెరుపునివ్వటమే మంచి నిగారింపును కూడా ఇస్తుంది.

మనసిక ప్రశాంతతకు రోజా..
శాస్త్రీయ పరిశోధనల రీత్యా చూస్తే రోజూ రోజా రేకులను గుప్పెడు తింటే శరీరంలోని దోషాలను పోగొట్టి తద్వారా రక్తశుద్ధి జరుగుతుందని తెలుస్తోంది. రోజా పూల నుండి వచ్చే సువాసనను ఆస్వాదిస్తే..శారీరకంగానే కాదు మనసుకు కూడా ప్రశాంతత చేకూరుతుంది. ఒత్తిడి నుండి ఉపశమనం కలిగిస్తుంది. వేడి నీటిలో రోజా రేకులతో పాటు కొంత బాత్ సాల్ట్‌ని కలిపి పీల్చితే ఒత్తిడి నుండి రిలీఫ్ కలగటమేకాక మనస్సు, శరీరం చురుగ్గా తయారవుతుంది.

నాజూకు రోజా..శరీరానికి తాజా..
రోజా రేకుల్లో ఉండే పదార్థాలు శరీరానికి నాజూకుతనం ఇవ్వటంతో పాటు ఉత్సాహాన్ని కూడా కలిగిస్తాయి. రోజా రేకులతో కాచిన కషాయాన్ని తాగితే రోజా రేకులు జీవక్రియను మెరుగుపరచటంతో..శరీరంలో పేరుకున్న కొవ్వు కరిగి బరువు తగ్గుతారని నిపుణులు తెలుపుతున్నారు. కాబట్టి మీరు రోజా పువ్వును కేవలం తలలోకి..అలంకణలోకే కాక ఆరోగ్యానికి కూడా ఉపయోగించి అందంతోపాటు ఆరోగ్యం కూడా పెంపొందించుకునే సదుపాయాన్ని ప్రకృతి మనకు రోజా పువ్వులను ఇచ్చింది. మరి ప్రకృతి కల్పించి ఈ అవకాశాన్ని అందరం ఉపయోగించుకుని అందంతోపాటు ఆరోగ్యాన్ని, ఉల్లాసాన్ని,ఉత్సాహాన్ని పెంపొందించుకుని ఒత్తిడిని దూరం చేసుకుని మానసిక, శారరక ఆనందాన్ని పొందాలని ఆశిద్దాం..


 

16:54 - May 7, 2018

భారతదేశంలోని యువతీ, యువకులలో అధికశాతం మానసిక సమస్యలతో బాధపడుతున్నారని ప్రపంచ ఆరోగ్య సంస్థ వెల్లడించింది. ప్రపంచ యువ జనాభాలో ఎక్కువ శాతం భారత్ లోనే వున్నారని ప్రపంచ నివేదిక పేర్కొంది. యువత ఎక్కువగా మానసిక సమస్యలతో నిరాశ, నిస్పృహ, ఒత్తిడికి లోనై కుంగి కృషించి పోతున్నారని తెలిపింది. ప్రపంచ జనాభాలో 32 కోట్ల మంది యంగస్టర్స్ మానసిక ఒత్తిడికి లోనవుతుండగా.. వాళ్లలో 5 కోట్ల మంది భారతీయులు ఉన్నారంటే.. యువత ఎంతలా ఆందోళనకు లోనవుతున్నారో ఊహించుకోవచ్చు..అంతర్జాతీయ ఆరోగ్య సంస్థ-2015 నివేదికలో ఈ విషయాలను ప్రచురించింది డబ్ల్యుహెచ్వో సంస్థ.

అభివృద్ధి చెందుతున్న దేశాల్లోనే ఒత్తిడి..
ఆత్మహత్యల్లో ఎక్కువ శాతం భారత వంటి అభివృద్ధి చెందుతున్న దేశాల్లోనే జరుగుతున్నాయని వెల్లడించింది. వీళ్లలో ఎక్కువ మంది ఆగ్నేయాసియా, పశ్చిమ పసిఫిక్‌ ప్రాంత దేశాలవారేనని తెలియజేసింది. ప్రపంచ యువకులలో చోటు చేసుకుంటున్న మానసి రుగ్మతలను 2005 నుంచి 2015 వరకు డబ్ల్యుహెచ్వో అధ్యయనం చేయగా ఆసక్తికర సంఘటనలు బయటపడ్డాయి.

యువతలో 18.4 శాతం పెరిగిన మానసిక రుగ్మతలు..
యువకుల్లో మానసిక రుగ్మతలు 18.4 శాతం పెరిగాయని వెల్లడించింది. దేశ జనాభా అంటే 2015లో 4.5 శాతం కుంగుబాటుకు లోనవగా… 3 శాతం మంది ఆందోళనకు గురయ్యారని ప్రపంచ ఆరోగ్య సంస్థ పేర్కొంది.

ఒత్తిడితో 7.8 శాతం మంది ఆత్మహత్యలు..
దేశంలో ప్రతి పది మందిలో ఒకరు మానసిక సమస్యలతో చిధ్రమవుతున్నారంది వాల్డ్ నివేదిక. ఈ ఏడాది ఒత్తిడి వల్ల 7.8 లక్షల మంది ఆత్మహత్యలు చేసుకున్నారని తెలిపింది. ఆత్మహత్య చేసుకున్నవాళ్లలో పురుషులతో పోల్చితే మహిళలే ఎక్కువగా ఉన్నారని తెలియజేసింది.

ఏప్రిల్ 7.. ప్రపంచ ఆరోగ్య దినోత్సవం...
ఏప్రిల్ 7.. ప్రపంచ ఆరోగ్య దినోత్సవం.డిప్రెషన్ లెట్స్ టాక్”ను 2017 సంవత్సరం నినాదంగా ప్రకటించింది డబ్ల్యుహెచ్వో. కుంగిపోతున్న యువతను… చైతన్యవంతం చేసే దిశగా అడుగులు వేయాలని పిలుపునిచ్చింది. నిరాశ, నిస్పృహలను తరిమేయాలని… ఆశావాదంతో డిప్రెషన్ నుంచి బయటపడాలని చెబుతున్నారు వైద్యులు. ప్రపంచ ఆరోగ్య సంస్థ గణాంకాల ప్రకారం ప్రస్తుతం 300 మిలియన్ల మంది డిప్రెషన్ తో బాధ పడుతున్నారు. అందుకే ఈ ఏడాదిని ”డిప్రెషన్ లెట్స్ టాక్” గా నిర్వహించాలని నిర్ణయించింది.

మారుతున్న జీవనపరిస్థితులే కారణంగా..
నవ్వుతూ పలకరించు.. ప్రేమగా మాట్లాడు.. ఆత్మీయతను పంచు.. డిప్రెషన్ తో బాధపడేవారికి ఇదే మందు అంటున్నారు డాక్టర్లు. మారుతున్న జీవన పరిస్థితుల్లో పక్కవాళ్లతో ప్రేమగా మాట్లాడటం కూడా ఆరోగ్య సందేశంగా మారిపోయింది. ఈ సందేశాన్ని మరింత విస్తృత పరచాల్సిన బాధ్యత అందరిపై ఉంది. తన సైకత శిల్పం ద్వారా ఇదే పని చేస్తున్నారు.. తరణి ప్రసాద్ మిశ్రా. ఏపీ శ్రీకాకుళం జిల్లాలోని వంశధార నదీతీరంలో ఈ సైకతశిల్పి చెక్కిన శిల్పం ద్వారా.. ఈ సందేశాన్నే వినిపిస్తున్నారు.

ఆత్మవిశ్వాసంతోనే గెలుపు..
ఏది ఏమైనా ఆత్మవిశ్వాసం అనేది మనిషిని బతికిస్తుంది. గెలిపిస్తుంది. పోరాడేపటిమను అలవరిస్తుంది. అందుకే మేధావులు, అనుభవజ్నులు చెప్పిన మాటలను వల్లె వేసుకుందాం. ఒత్తిడిని జయిద్దాం..ఆత్మవిశ్వాసాన్ని పెంపొందించుకుందాం..ఆత్మవిశ్వాసం ఉన్న కొందరి చరిత్రే ప్రపంచ చరిత్ర. ఆ విశ్వాసం వ్యక్తిలోని దివ్యత్వాన్ని, చైతన్యాన్ని వెలికి తీస్తుంది. మీరు దేనినైనా సాధించగలరు. ఒక వ్యక్తి గానీ, జాతి గానీ తనపై తాను విశ్వాసాన్ని కోల్పోతే అది మృత్యువుతో సమానం.

20:49 - March 12, 2018

పరీక్షలు దగ్గరకు వచ్చాయంటే చాలు విద్యార్ధులు తీవ్ర ఒత్తిడికి గురవటం సర్వ సాధారణంగా మారిపోయింది. కాగా గతకొంతకాలంగా విద్యార్ధుల ఆత్మహత్యలు కూడా సర్వసాధారణంగా మారిపోతున్న పరిస్థితులు నెలకొంటున్నాయి. దీనికి కారణాలేమిటి? విద్యార్ధులు ఒత్తిడి జయించాలంటే ఎటువంటి విధానాలు అవలంభించాలి? అనే అంశాలపై 10టీవీ చర్చ. ఈ చర్చలో ప్రముఖ సైకాలజిస్ట్ జవహర్ లాల్ నెహ్రూ పాల్గొన్నారు. మరి వారు ఎటువంటి సూచనలు చేశారో తెలుసుకోవాలంటే ఈ వీడియోను క్లిక్ చేయండి..

16:53 - March 5, 2018

ఢిల్లీ : ఏపీకి ప్రత్యేక హోదా ఇవ్వాలంటూ ఢిల్లీలో ఆందోళనలు ఉధృతమయ్యాయి. రేపు, ఎల్లుండి పార్లమెంట్‌ ఎదుట ధర్నాలు నిర్వహించేందుకు వామపక్షాలు సమాయత్తమయ్యాయి. రాష్ట్రానికి ప్రత్యేక తీసుకువచ్చేందుకు కేంద్రంపై ఒత్తిడి తీసుకువస్తామంటున్న సీపీఎం ఏపీ రాష్ట్ర కార్యదర్శి మధుతో టెన్ టివి ఫేస్‌ టూ ఫేస్‌ నిర్వహించింది. కేంద్రంపై ఒత్తిడి తీసుకువచ్చేలా ఆందోళనలు చేస్తామని చెప్పారు. కేసీఆర్‌ థర్డ్‌ ఫ్రంట్‌ ఆలోచన విధానపరంగా నిలబడదన్నారు. కేసీఆర్‌ విధానాలు మార్చుకోకుండా థర్డ్‌ ఫ్రంట్‌ అంటే ప్రజలు నమ్మరని తెలిపారు. రాజకీయ పార్టీల ఒత్తిడితోనే టీడీపీ కేంద్రంపై పోరాట నాటకం అన్నారు. రాష్ట్ర ప్రయోజనాల కోసం టీడీపీ పని చేయడం లేదని పేర్కొన్నారు.

19:41 - March 2, 2018

గుంటూరు : విభజన చట్టంలో పేర్కొన్న హామీల అమలుకు కేంద్రంపై ఒత్తిడి తీసుకొస్తామని టీడీపీ ఎంపీ గల్లా జయదేవ్‌ అన్నారు. ఈమేరకు ఆయనతో టెన్ టివి ఫేస్‌ టూ ఫేస్‌ నిర్వహించింది. ఏపీకి జరిగిన అన్యాయంపై దేశంలోని అన్ని పార్టీల ఎంపీలకు లేఖలు రాయనున్నట్టు తెలిపారు. ఈ సమావేశాల్లోనైనా ఏపీకి న్యాయం చేసేలా కేంద్రం నిర్ణయం తీసుకోవాలని అన్నారు. 

06:27 - February 15, 2018

హైదరాబాద్ : తెలంగాణా ప్రభుత్వం కూడా కేంద్రంపై ఒత్తిడి పెంచే మార్గాలపై దృష్టి సారించింది. కేంద్ర ప్రభుత్వం తీసుకున్న కీలక నిర్ణయాలకు సంపూర్ణంగా మద్దతు ప్రకటించిన గులాబి పార్టీ....ఇప్పుడు రాష్ట్రంపై కేంద్రం చిన్నచూపు చూస్తోందన్న వాదనను తెరపైకి తెస్తోంది. ఇప్పటికే కేంద్రంపై ఏపీ విరుచుకు పడుతుండడగా.. అదేబాటలో తెలంగాణా కూడా నడిచే అవకాశాలు కనిపిస్తున్నాయి.

సాధారణ ఎన్నికలకు ఏడాది ఉండగానే తెలుగు రాష్ట్రాల్లో రాజకీయాలు వేడెక్కాయి. కేంద్ర ప్రభుత్వ వైఖరిపై ఆంధ్రప్రదేశ్‌లో రేగిన రాజకీయ దుమారం తెలంగాణకు కూడా పాకుతోంది. ప్రత్యేక హోదా అంశం ఏపీలో హీట్ పుట్టిస్తుండగా.. నిధుల కేటాయింపు, విభజన చట్టంలోని హామీలు తెలంగాణాలోనూ ఇప్పుడు హాట్‌హాట్‌గా తెరపైకి వస్తున్నాయి. కేంద్ర ప్రభుత్వం తీసుకున్న పలు నిర్ణయాలకు అంశాల వారిగా సంపూర్ణ మద్దతు తెలిపిన గులాబి పార్టీ ఇప్పుడు కేంద్రం వైఖరిని ఎండగట్టేందుకు రెడీ అవుతున్నట్లు కనిపిస్తోంది.

కేంద్ర ప్రభుత్వం రాష్ట్రానికి అదనంగా ఎలాంటి నిధులు కేటాయించలేదన్న వాదనను తెరపైకి తెచ్చిన టీఆర్‌ఎస్‌.. ఇప్పుడు కేంద్ర వైఖరినే ఎండగట్టేందుకు రెడీ అవుతున్నట్లు కనిపిస్తోంది. కేంద్ర ప్రభుత్వం వైఫల్యం కారణంగానే తెలంగాణా రాష్ట్రంలో పలు సమస్యలకు కారణమనే అభిప్రాయాన్ని మంత్రులు బహిరంగంగానే వ్యక్తం చేస్తున్నారు. కేంద్ర నిధులు అందకపోవడంతో కంది రైతులకు గిట్టుబాటు ధర రావడం లేదన్నారు మంత్రి హరీష్‌రావు. ఇందుకనుగుణంగానే మరో మంత్రి NREGS నిధుల విడుదలలో కేంద్రం తీవ్రంగా జాప్యం చేస్తోందని, ఈ కారణంగానే ఉపాధి హామీ కూలీలకూ జీతాలు చెల్లించలేని పరిస్థితి నెలకొందని ఆరోపించారు పంచాయతీరాజ్ శాఖ మంత్రి జూపల్లి క్రిష్ణారావు. రెండో విడత బడ్జెట్ సమావేశాలు మార్చిలో మొదలు కానున్న నేపథ్యంలో పూర్తిస్థాయిలో కేంద్ర ప్రభుత్వ వైఫల్యాలను గుర్తించే పనిలో అధికార పార్టీ నేతలు పడ్డట్లు తెలుస్తోంది. పునర్విభజన చట్టం ప్రకారం హామీలు అమలు చేయకపోవడంపై కేంద్ర ప్రభుత్వంపై టీఆర్ఎస్ పూర్తిస్థాయిలో విరుచుకు పడేందుకు సిద్ధమవుతున్నట్లు సమాచారం.

16:42 - December 22, 2017
21:11 - October 16, 2017

వరుసగా ఒకరి తర్వాత మరొకరు.. కన్నవారికి కన్నీళ్లు మిగులుస్తున్నారు.. బంగారు భవిష్యత్తును కాదనుకుని వెళ్లిపోతున్నారు.. ఏ ఒత్తిడి ఆ చిన్నారులను చిదిమేస్తోంది? ఏ భారం వారిని ఆత్మహత్య దిశగా నెడుతోంది? మార్కుల వేటలో,  ర్యాంకుల గోలలో కార్పొరేట్ విద్యా సంస్కృతి చిన్నారుల చావులకు కారణమౌతోందా? ప్రభుత్వాన్నా, తల్లిదండ్రుల్నా, కార్పొరేట్ విద్యావ్యవస్థనా ఎవర్ని బాధ్యుల్ని చేయాలి? ఇదే ఈ రోజు వైడాంగిల్ స్టోరీ...
చిన్నారుల ఉసురు తీస్తున్న చదువుల నిలయాలు  
చదువంటే ఉత్సాహం.. చదువంటే ఉత్తేజం..చదువంటే భవిష్యత్తు కోసం ఈ రోజు చేసే తపస్సు...కానీ, ఈ చదువుల నిలయాలు చిన్నారుల ఉసురు తీస్తున్నాయి. అనేక కారణాలతో విద్యార్థులు నలిగిపోతున్నారు..  ప్రాణాలు తీసుకుంటున్నారు..  ఇల్లు వదిలిపోతున్నారు.. మరిన్ని వివరాలను వీడియోలో చూద్దాం...

 

21:03 - October 16, 2017

కార్పొరేట్ కాలేజీల యాజమాన్యాలు పెట్టే ఒత్తిడి, వేధింపుల వల్లే విద్యార్థులు ఆత్మహత్యలకు పాల్పడుతున్నారని వక్తలు అభిప్రాయపడ్డారు. విద్యార్థుల ఆత్మహత్యలు అనే అంశంపై నిర్వహించిన చర్చా కార్యక్రమంలో శారద ఎడ్యుకేషనల్ సొసైటీ జనరల్ మేనేజర్ జీవీఆర్, యూటీఎఫ్ రాష్ట్ర అధ్యక్షులు బాబురెడ్డి, మానసిక నిపుణులు పీఎస్ రావు పాల్గొని, మాట్లాడారు. మరిన్ని వివరాలను వీడియోలో చూద్దాం...

 

20:50 - October 12, 2017

కార్పొరేట్ కాలేజీల ఒత్తిడితోనే విద్యార్థులు ఆత్మహత్యలకు పాల్పడుతున్నారని వక్తలు అన్నారు. ఇదే అంశంపై నిర్వహించిన చర్చా కార్యక్రమంలో పేరెంట్స్ అసోసియేషన్ అధ్యక్షులు నారాయణ, డిగ్రీ, పీజీ కాలేజీల అసోసియేషన్ అధ్యక్షులు రమణారెడ్డి, క్లినికల్ సైకాలజిస్టు శైలజ, ప్రముఖ సామాజిక కార్యకర్త దేవి పాల్గొని, మాట్లాడారు. కార్పొరేట్ కళాశాలపై ప్రభుత్వం నియంత్రణ ఉండాలన్నారు. సామాజిక చైతన్య రావాలని తెలిపారు. విద్యా వ్యవస్థ మారాలని పేర్కొన్నారు. మరిన్ని వివరాలను వీడియోలో చూద్దాం...

 

Pages

Don't Miss

Subscribe to RSS - ఒత్తిడి