కడప

17:34 - April 16, 2018

కడప : రాష్ర్టానికి ప్రత్యేక హోదా కోరుతూ అఖిలపక్షం పిలుపునిచ్చిన రాష్ట్ర బంద్ కడప జిల్లాలో ప్రశాతంగా కొనసాగుతోంది.  ఉదయం 4 గంటల నుండి నిరసన కార్యక్రమాలు మొదలయ్యాయి. కడప ఆర్టీసీ బస్టాండ్ నుంచి అప్సర సర్కిల్, కృష్ణా సర్కిల్ మీదుగా వామపక్ష నేతలు బైక్ ర్యాలీ నిర్వహించారు. ఇదే అంశంపై మరిన్ని వివరాలను వీడియోలో చూద్దాం... 

13:28 - April 15, 2018

కడప : రాష్ట్రానికి ప్రత్యేక హోదా ఇచ్చే వరకూ పోరాటాలు ఆపేదిలేదన్నారు కడప జిల్లా వామపక్ష నేతలు. ఉద్యమాలతోనే హోదా సాధ్యమవుతుందన్నారు. ఈ మేరకు హోదా కోరుతూ రేపటి బంద్‌కు సంఘీభావంగా వామపక్షాలు బైక్‌ ర్యాలీని నిర్వహించాయి. ప్రత్యేక హోదా ఆంధ్రుల హక్కు అంటూ కేంద్ర ప్రభుత్వానికి వ్యతిరేకంగా పెద్ద ఎత్తున నినాదాలు చేశాయి. రేపటి బంద్‌కు ప్రజలు సహకరించాలని వామపక్ష నేతలు కోరారు.

15:59 - April 10, 2018

కడప : మోదీ ప్రధాని రూపంలో నియంతలా వ్యవహరిస్తుంటే... సీఎం చంద్రబాబు కార్పొరేట్లకు రెడ్‌ కార్పెట్‌ పరుస్తున్నారని సీపీఐ రాష్ర్టకార్యదర్శి రామకృష్ణ విమర్శించారు. పేదల సమస్యలపై ఈనెల 23న ప్రభుత్వాలు దద్దరిల్లేలా ఆందోళన చేపడతామని అన్నారు. ఎమ్మెల్యేలు, ఎంపీలు, మినిస్టర్ల జీతాలు పెరిగాయి కానీ... పేదల బతుకులు మెరుగపడలేదన్నారు. పింఛన్లు, ఇళ్ళస్థలాలు, రేషన్‌ కార్డుల వంటి పేదల సమస్యలపై ప్రభుత్వ కార్యాలయాల ఎదుట భారీస్థాయిలో ఆందోళన చేస్తామని తెలిపారు. భవిష్యత్‌ రాజకీయాల్లో వామపక్షాలదే కీలక పాత్ర అన్నారు.

 

11:42 - April 10, 2018

కడప : పసుపు గోడౌన్ లో అగ్నిప్రమాదం సంభవించింది. దీంతో పసుపు నిల్వలన్నీ కాలి బూడిదయిపోయాయి. ఈ ఘటనలో కడప జిల్లా ముద్దనూరులో సంభవించింది. యశ్వంత రూరల్ గోడౌన్ లో ఈరోజు ఉదయం 7 గంటల సమయంలో షార్ట్ సర్క్యూట్ కారణంగా దాదాపు 7వేల బస్తాల పసుపు నిల్వలు అగ్నికి ఆహుతి అయినట్లుగా తెలుస్తోంది. కాగా గోడౌన్ కెపాసిటీ 1లక్షా 60వేల బస్తాల సామర్థ్యం కలిగివుండగా డి బ్లాక్ లో వున్న 30వేల బస్తాల పసుపు నిల్వ వుంది. దీంట్లో 7వేల బస్తాల పసుపు అగ్నికి ఆహుతి అయ్యింది. దీంతో రూ2కోట్ల రూపాయలు విలువ చేసే పసుపు కాలిపోయింది. సమాచారం అందుకున్న పోలీసులు, అగ్నిమాపక సిబ్బంది సకాలంలో రావటంతో పెను ప్రమాదం తప్పినట్లుగా తెలుస్తోంది. అధికారులు రైతులు వద్ద కొనుగోలు చేసిన గోడౌన్ లో భద్రపరిచారు. సమాచారం అందుకున్న అగ్నిమాపక సిబ్బంది మూడు ఫైర్ ఇంజన్లతో సంఘటనాస్థలికి చేరుకుని మంటలను అదుపు చేసేందుకు యత్నిస్తున్నారు.  

21:20 - April 8, 2018

కడప : ఏపీకి ప్రత్యేక హోదా విస్మరించిన బీజేపీకి రోజులు దగ్గరపడ్డాయని సీపీఐ, సీపీఎం రాష్ట్ర కార్యదర్శులు రామకృష్ణ, మధు అన్నారు. కడపలో సీపీఐ 26వ రాష్ట్ర మహాసభలు నిర్వహించారు. ఈ నెల 15న సీపీఐ, సీపీఎం, జనసేన ఆధ్వర్యంలో ప్రత్యేక హోదాపై పెద్ద ఎత్తున బహిరంగ సభ నిర్వహిస్తున్నట్లు వారు తెలిపారు. రాయలసీమ వ్యాప్తంగా సభలు నిర్వహించి ప్రత్యేక హోదా కోసం పోరాటాలు చేస్తామని అన్నారు. కేంద్ర రాష్ట్ర ప్రభుత్వాల మెడలు వంచైనా హోదాను సాధించుకుంటామని, ఇందులో ప్రజలందరూ భాగస్వాములు కావాలని పిలుపునిచ్చారు. 

14:42 - April 7, 2018

కడప : జిల్లాలో విషాదం చోటు చేసుకుంది. విధులు నిర్వహిస్తున్న కానిస్టేబుల్ వెంకట కిరణ్ మిస్ ఫైర్ అయ్యింది. దీనితో అతను అక్కడికక్కడనే మృతి చెందాడు. ఎస్పీ కార్యాలయంలో ఇతను విధులు నిర్వహిస్తున్నాడు. గన్ ను శుభ్ర పరుస్తుండగా ఒక్కసారిగా పేలింది. దీనితో బుల్లెట్ వెంకట కిరణ్ ఛాతిలోకి దూసుకపోడంతో కుప్పకూలిపోయాడు. ఈ శబ్దం విన్న ఇతరులు లోనికి వచ్చి చూసి సమాచారాన్ని ఉన్నతాధికారులకు తెలియచేశారు. విషయం తెలుసుకున్న వెంకట కిరణ్ కుటుంబసభ్యులు కన్నీరుమున్నీరుగా విలపిస్తున్నారు. కానిస్టేబుల్ మృతికి మిస్ ఫైర్ కారణమా ? లేక ఇతరత్రా కారణాలున్నాయా? అనేది తెలియాల్సి ఉంది. 

07:16 - April 4, 2018

కడప : జిల్లాలో పిడుగుపాటుకు తల్లీ, కూతురు మృతిచెందారు. చాపాడు మండలం వెదురూరు గ్రామంలో ఈ దుర్ఘటన చోటుచేసుకుంది. సాయంత్రం కూలీ పనులకు వెళ్ళిన ఖాసింబీ, అయేషా పిడుగు పడటంతో అక్కడికక్కడే మృతిచెందారు. మరొకరికి తీవ్రగాయాలు కావడంతో ఆసుపత్రికి తరలించారు. దీంతో గ్రామంలో విషాద ఛాయలు అలుముకున్నాయి. మృతుల కుటుంబాలకు ప్రభుత్వం ఆర్థిక సాయం చేసి ఆదుకోవాలని గ్రామస్థులు కోరుతున్నారు.

18:36 - April 2, 2018

కడప : రాయలసీమలో హైకోర్టును ఏర్పాటు చేయాలని హైకోరు రిటైర్డ్‌ జడ్జి జస్టిస్‌ లక్ష్మణ్‌రెడ్డి డిమాండ్‌ చేశారు. కేంద్రంలో మోదీ, రాష్ట్రంలో చంద్రబాబు రాయలసీమకు అన్యాయం చేస్తున్నారని ఆయన విమర్శించారు. జనచైతన్యవేదిక ఆధ్వర్యంలో కడపలో జరిగిన అభివృద్ధి వికేంద్రీకరణ-రాయలసీమలో హైకోర్టు అనే అంశంపై ఆయన మాట్లాడారు. పరిపాలనా వికేంద్రీకరణ జరగాలన్న శివరామకృష్ణన్‌ నివేదికను కేంద్ర, రాష్ట్ర ప్రభుత్వాలు బుట్టదాఖలు చేశాయని జస్టిస్‌ లక్ష్మణ్‌ అన్నారు. ముఖ్యమంత్రి చంద్రబాబు రాష్ట్రంలోని 5జిల్లాలకే సీఎంగా వ్యవహరిస్తున్నారని సదస్సులో పాల్గొన్న సీపీఎం నేతలు విమర్శించారు. ఈనెల 4న రాయలసీమ హక్కుల సాధన కోసం ఉద్యమ కార్యాచరణ ప్రకటిస్తామన్నారు. 

 

15:54 - April 2, 2018

కడప : జిల్లాలోని ఒంటిమిట్ట ఆలయం వద్ద శుక్రవారం  ప్రకృతి ప్రకోపానికి గురై 15 షెడ్లు కూలిపోయాయి. ఆ షెడ్ల కింద చిక్కుకుపోయిన వృద్ధురాలిని సజీవంగా బయటకు తీశారు. మూడురోజుల పాటు మృత్యువుతో పోరాడి ఈ రోజు బయటపడిన ఆమెను చూసి ఆధికారులు ఆశ్చర్యపోయారు. గాయాలతో ఉన్న వృద్ధురాలిని చికిత్సం నిమిత్తం ప్రభుత్వాసుపత్రికి తరలించారు. 

 

16:11 - April 1, 2018

కడప : సాగునీటి ప్రాజెక్టుల రీ టెండర్ల కోసం రాష్ట్ర ప్రభుత్వం తీసుకొచ్చిన 60 C నిబంధన అవినీతిమయంగా మారిందని బీజేపీ ఎమ్మెల్సీ సోము వీర్రాజు ఆరోపించారు. ఈ నిబంధనను అడ్డు పెట్టుకుని పాలకులు కమీషన్లు దండుకొంటున్నారని  మండిపడ్డారు. కేంద్రం రాష్ట్రానికి ఇచ్చిన లక్షా 32 వేల కోట్ల రూపాయల నిధులు మొబిలైజేషన్‌ అడ్వాన్సులు, ముడుపులకే సరిపోయాయని సోము వీర్రాజు ఆరోపించారు. 

 

Pages

Don't Miss

Subscribe to RSS - కడప