కడప

09:11 - February 20, 2018

కడప : జిల్లా రాజంపేట లో సోము అనే బీటెక్ విద్యార్థి హత్యకు గురైయ్యాడు. సోము డెడ్ బాడీని దుండగుడు రైల్వేస్టేషన్ వద్ద పడసేసి పరారైయ్యారు. సాయి అన్నమాచార్య ఇంజనీరింగ్ కళాశాలలో బీటెక్ రెండో సంవత్సరం చదువుతున్నాడు. పాత కక్షలే హత్యకు కారణమని అనే అనుమానాలు వ్యక్తం అవుతున్నాయి. మరింత సమాచారం కోసం వీడియో క్లిక్ చేయండి.

14:34 - February 18, 2018

కడప : జిల్లా ఒంటిమిట్టలో విషాదం జరిగింది. చెరువలో దూకి ఏడుగురు తమిళ కూలీలు మృతి చెందారు. మూడు రోజుల క్రితం కూలీలు అడవిలోకి వెళ్తుండగా పోలీసులు వెంటపడడంతో వారి నుంచి తప్పించుకోవడానికి కూలీలు చెరువులోకి దూకారు. మరింత సమాచారం కోసం వీడియో క్లిక్ చేయండి.

18:43 - February 14, 2018

కడప : జనసేన అధినేత పవన్‌కల్యాణ్‌ జేఏసీ ఎందుకు ఏర్పాటు చేస్తున్నారో అర్థం కావడంలేదన్నారు మాజీ మంత్రి రామచంద్రయ్య. పెద్ద పెద్ద నేతలను జేఏసీ ఏర్పాటు కోసం వాడుకోవడం సమంజసం కాదన్నారు. అలాగే రాష్ట్ర ప్రయోజనాల కోసం ఇంత వరకు సీఎం చంద్రబాబు నాయుడు అఖిలపక్షం భేటీ నిర్వహించకపోవడం దారుణమన్నారు. తక్షణం రాజకీయ జేఏసీ ఏర్పాటు చేసి పార్టీలకతీతంగా ఢిల్లీకి వెళ్లి పోరాడదామని పిలుపునిచ్చారు రామచంద్రయ్య. 

15:38 - February 10, 2018
17:35 - February 8, 2018

విజయవాడ : కేంద్ర ప్రభుత్వ బడ్జెట్‌లో ఏపీకి అన్యాయం జరిగిందంటూ వామపక్షాలు బంద్‌ చేపట్టాయి. దీంతో కర్నూలు జిల్లాలో ఉదయం నుండే బస్సు డిపోల వద్ద వామపక్ష పార్టీ నేతలు ఆందోళనకు దిగారు. బస్సులు బయటకు రానీయకుండా అడ్డుకున్నారు. జిల్లాలోని ప్రైవేటు, ప్రభుత్వ కార్యాలయాలు స్వచ్ఛందంగా బంద్‌ పాటించాయి. జిల్లాలోని 14 నియోజకవర్గాల్లో బంద్‌ ప్రశాంతంగా కొనసాగుతోంది.

కడప జిల్లాలో...
వామపక్షాలు చేపట్టిన బంద్ కడప జిల్లాలో ప్రశాంతంగా కొనసాగుతోంది. వామపక్షాలతో పాటు వైసీపీ, కాంగ్రెస్‌లు బంద్‌లో పాల్గొన్నాయి. కడపలో స్టీలు ఫ్యాక్టరీ, హైకోర్టు ఏర్పాటుతో పాటు ఏపీ విభజన చట్టంలోని హామీలు వెంటనే అమలు చేయాలని వామపక్ష నేతలు డిమాండ్ చేశారు. మరింత సమాచారం కోసం వీడియో క్లిక్ చేయండి.

20:12 - February 1, 2018

కడప : ఎందరో విద్యార్థులను తీర్చిదిద్దిన ప్రభుత్వ కళాశాల అది. పచ్చని చెట్లతో కళకళలాడాల్సిన కళాశాల ప్రాంగణం పిచ్చి మొక్కలు, చెత్తా చెదారంతో నిండిపోయింది. పగలు పందుల స్వైర విహారానికి, రాత్రి మందుబాబులకు అడ్డాగా మారింది కడప జిల్లా రైల్వే కోడూరులోని ప్రభుత్వ జూనియర్‌ కళాశాల. 

ఇదే ఎందరికో విద్యాబుద్ధులు నేర్పించి ఉన్నతస్థాయికి ఎదిగేలా చేసిన కడప జిల్లా రైల్వే కోడూరులోని ప్రభుత్వ జూనియర్‌ కళాశాల. ఇందులోనే ప్రభుత్వ పాఠశాల కూడా ఉంది. ఇక్కడ చదువుకున్న విద్యార్థులు ఎందరో పెద్ద పెద్ద ఉద్యోగాలలో రానిస్తున్నారు. పచ్చపచ్చని చెట్లు, పూలమొక్కలతో నిండి ఉండాల్సి ప్రాంగణం పిచ్చి మొక్కలకు కేరాఫ్‌ అడ్రస్‌గా మారింది. చెత్తా చెదారం నిండి పోయి పందుల స్వైర విహాంతో కంపుకొడుతోంది. 

చూసేందుకు అరణ్యంలా తలపిస్తున్న ఈ కాలేజీ గ్రౌండ్‌ను కాలేజీ యాజమాన్యం పట్టించుకున్న పాపాన పోలేదు. ఇక ఇదే ఆసరాగా తీసుకున్న మందుబాబులు రాత్రి అయ్యే సరికి అసాంఘిక కార్యక్రమాలకు పాల్పడుతున్నారు. సాయంత్రం అయితే చాలు మందుబాబులు గ్రౌండ్‌లోకి చేరి జల్సాలు చేస్తున్నారు. తరగతి గదుల్లో మందు బాటిళ్లు దర్శనమివ్వడంతో  విద్యార్థులు తీవ్ర ఇబ్బందులు ఎదుర్కొంటున్నారు. 

ఈ కలేజీ కోసం ప్రభుత్వం లక్షలు ఖర్చుచేసి క్రీడల కోసం బిల్డింగ్‌ను అసంపూర్తిగా కట్టి వదిలేశారు. ప్రస్తుతం ఈ బిల్డింగ్‌ గొర్రెలు, మేకలు సేద తీరేందుకు పనికివస్తుంది. కాలేజీ గ్రౌండ్‌ పెద్దగా ఉండటంతో ఉదయంపూట నడక కోసం స్థానికులు వస్తుంటారు. చిన్న పిల్లలు, విద్యార్థులు ఆటలు ఆడేందుకు గ్రౌండు సౌకర్యంగాలేదు. దీంతో వీరు ఇబ్బందులు పడుతున్నారు. 

ఇక కళాశాల భవనం విషయానికి వస్తే కూలిపోవడానికి సిద్ధంగా ఉందని చెప్పవచ్చు. తలుపులు కిటికీలు చెదలు పట్టి ఊడిపోయి ఉన్నాయి. ఈ పరిస్థితి చూసి తల్లిదండ్రులు తమ పిల్లలను ప్రభుత్వ కాలేజీలో చేర్పించడంలేదు. ప్రైవేటు కాలేజీలను ఆశ్రయించడంతో అధిక ఫీజుల బారిన పడుతున్నారు. ఇప్పటికైన సంబంధిత అధికారులు స్పందించి కాలేజీని అభివృద్ధి చేయాలని స్థానికులు, విద్యార్థులు కోరుతున్నారు. 

11:33 - January 31, 2018

కడప : ప్రఖ్యాత అమీన్ పీర్ దర్గాలో ఉర్సు ఉత్సవాలు ఘనంగా జరిగాయి. ఈ ఉత్సవాలను ప్రభుత్వం అధికారికంగా నిర్వహిస్తుండడంతో అధికారులు పలు ఏర్పాట్లు చేశారు. ఉత్సవాల్లో భాగంగా గంధోత్సవ కార్యక్రమాన్ని పెద్దలు చేపట్టారు. ఈ గంధోత్సవానికి ప్రముఖ సంగీత దర్శకుడు రెహమాన్ విచ్చేశారు. రెహమాన్ ను చూసేందుకు అభిమానులు భారీగా తరలివచ్చారు.

10:54 - January 28, 2018

కడప : జిల్లా విద్యుత్‌శాఖ అధికారి లంచావతారం బయటపడింది. పుల్లంపేట విద్యుత్‌శాఖలో లైన్‌ఇన్‌స్పెక్టర్‌ శివయ్య లంచం తీసుకుంటూ దొరికిపోయాడు. కొత్తగా ఇల్లుకట్టుకోవాలని, అడ్డంగా ఉన్న విద్యుత్‌ లైన్లను తొలగించాలని అర్జీపెట్టుకున్నా  విద్యుత్‌ అధికారి స్పందించలేదు. చివరికి 15వేలు లంచం ఇస్తే విద్యుత్‌ వైర్లను తొలగిస్తానని చెప్పడంతో.. ఆమేరకు 12వేల రూపాయలకు ఒప్పందం కుదిరింది. అనుకున్న ప్రకారం బాధితులు లంచం ముట్టజెప్పారు. అధికారి డబ్బు తీసుకుంటుండగా సెల్‌ఫోన్‌తో రికార్డు చేశారు. సీక్రెట్‌ కెమెరా సాక్షిగా లంచం తీసుకుంటూ దొరికిపోయినా.. లైన్‌ఇన్‌స్పెక్టర్‌ శివయ్య తాను ఎలాంటి డబ్బు డిమాండ్‌ చేయలేదని బుకాయించడం కొసమెరుపు. 

18:22 - January 23, 2018
15:17 - January 23, 2018

కడప : జిల్లా కలెక్టరేట్ వద్ద తండ్రికొడుకులు ఆత్మహత్యాయత్నం చేశారు. భార్య కాపురానికి రాకపోవడంతో తండ్రి గంగరాజు, కొడుకు రాజేష్ విషం తాగారు. రాజేష్ పరిస్థితి నిలకడగా ఉందని, గంగరాజు పరిస్థితి విషమంగా ఉందని డాక్టర్లు తెలిపారు. గంగరాజు పులివెందుల మండలం మోటనుందలపల్లి చెందినవారు. పూర్తి వివరాలకు వీడియో క్లిక్ చేయండి.

Pages

Don't Miss

Subscribe to RSS - కడప