కరీంనగర్

13:15 - December 8, 2018

కరీంనగర్ : జిల్లాలో ఎన్నికల పోలింగ్ ముగిసిపోయింది...ఇక కౌంటింగ్ పక్రియ తరువాయి..ఓట్ల లెక్కింపుకు అధికారులు అన్ని ఏర్పాట్లు చేశారు. నాలుగు అసెంబ్లీ నియోజకవర్గాలకు పోలింగ్‌కు అన్ని ఏర్పాట్లు చేసినట్లు...ఎస్ఆర్ఆర్ డిగ్రీ కాలేజీలో ఈవీఎంలను భద్రపరిచినట్లు కరీంనగర్ జేసీ టెన్ టివికి తెలిపారు. మూడంచెల సెక్యూర్టీ ఏర్పాటు చేయడం జరిగిందని..ఇతరులు ఎవరూ కూడా లోనికి వచ్చే అవకాశం లేదన్నారు. స్ట్రాంగ్ రూంల వద్ద సీసీ కెమెరాలున్నాయని...కరెంటు పోయినా అవి పనిచేస్తాయన్నారు. కౌంటింగ్ కేంద్రాల్లో 754 సిబ్బంది ఉంటారని..వీరందరికీ పాస్‌లివ్వడం జరిగిందన్నారు. ఉదయం 8గంటలకు తొలుత పోస్టల్ బ్యాలెట్ లెక్కిస్తామని..అరగంట పాటు ఈ కౌంటింగ్ జరుగుతుందన్నారు. అనంతరం ఈవీఎంలో నిక్షిప్తమైన ఓట్లను కౌంటింగ్ చేస్తామని...ఇందుకు 14 టేబుళ్లు ఏర్పాటు చేసినట్లు వెల్లడించారు. 

  • మంథని జెఎన్టీయూ కాలేజీలో పెద్దపల్లి జిల్లా మూడు నియోజకవర్గాల కౌంటింగ్...
  • బద్దెనపల్లి సాంఘీక సంక్షేమ పాఠశాలలో సిరిసిల్ల జిల్లా రెండు నియోజకవర్గాల కౌంటింగ్...
  • ఇందూరు కళాశాలలో హుస్నాబాద్ నియోజకవర్గం కౌంటింగ్...
07:38 - December 7, 2018

కరీంనగర్ : జిల్లాలో ఎంపీ వినోద్ సతీసమేతంగా ఓటు హక్కును వినియోగించుకున్నారు. తెలంగాణ రాష్ట్ర వ్యాప్తంగా 119 నియోజకవర్గాలకు డిసెంబర్ 7వ తేదీన పోలింగ్ ప్రారంభమైంది. ఈ సందర్భంగా ఓటు హక్కును వినియోగించుకున్న అనంతరం ఎంపీ వినోద్ మీడియాతో మాట్లాడారు....1952లో ఎన్నికలు జరిగాయని..అప్పుడు జనాభా మాత్రం 43 కోట్లు..ప్రస్తుతం 130 కోట్ల జనాభా ఉందన్నారు. అతిపెద్ద ప్రజాస్వామ్యమైన దేశం..భారతదేశమని..ఎన్నికల్లో ఎలాంటి ఇబ్బందులు కలుగకుండా..ఓటు శాతం పెంచేందుకు ఎన్నికల సంఘం ఏర్పాట్లు చేయడం అభినందనీయమన్నారు. తెలంగాణ రాష్ట్రంలో తొలిసారి జరుగుతున్న ఎన్నికలకు అధికారులు సర్వం సిద్ధం చేశారని...ఓటు హక్కును అందరూ వినియోగించుకోవాలని ఎంపీ వినోద్ పిలుపునిచ్చారు.

07:24 - December 7, 2018

కరీంనగర్ : తెలంగాణ రాష్ట్రంలో డిసెంబర్ 7వ తేదీన ఎన్నికల పోలింగ్ ప్రారంభమైంది. కరీంనగర్‌లో ఎన్నికల అధికారులు అన్నీ ఏర్పాట్లు చేశారు. ఉదయం 7గంటల నుండి సాయంత్రం 5గంటల వరకు పోలింగ్ జరుగనుంది. తెల్లవారుజామునే ఓటు వేసేందుకు ఓటర్లు బారులు తీరారు. పది నిమిషాలు ఆలస్యంగా పోలింగ్ ప్రారంభమయ్యే సూచనలున్నాయి. టీఆర్ఎస్ ఎంపీ వినోద్ కుమార్ సతీసమేతంగా పోలింగ్ కేంద్రానికి చేరుకున్నారు. ఓటు హక్కు వినియోగించుకోవడానికి వచ్చే ఓటర్లకు ఎలాంటి అసౌకర్యాలు కలుగకుండా ఏర్పాట్లు చేశారు. ఓటింగ్ ప్రారంభం కాకముందు మాక్ పోలింగ్ నిర్వహించారు. కరీంనగర్ జిల్లాలో 25 మంది అభ్యర్థులు పోటీ పడుతున్నారు. 13 నియోజకవర్గాలున్నాయి. మంథని నియోజకవర్గంలో ఒక గంట ముందుగానే పోలింగ్ ముగిసేందుకు ఎన్నికల అధికారులు అనుమతినిచ్చారు. 
13 అసెంబ్లీ నియోజకవర్గాలు...
ఇక ఉమ్మడి కరీంనగర్ జిల్లాలో 13 అసెంబ్లీ నియోజకవర్గాలున్నాయి. మొత్తం 181 మంది అభ్యర్థులు పోటీ పడుతున్నారు. కరీంనగర్‌లో అత్యధికంగా 25 మంది పోటీ పడుతున్నారు. 27 లక్షల 85 వేల 787 మంది ఓటు హక్కును వినియోగించుకోవడానికి సిద్ధంగా ఉన్నారు. 3519 పోలింగ్ కేంద్రాలుండగా... 735 సమస్యాత్మక పోలింగ్ కేంద్రాలు గుర్తించిన అధికారులు బందోబస్తును కూడా ఏర్పాటు చేశారు. 

06:28 - December 7, 2018

కరీంనగర్ : ఉమ్మడి జిల్లాలో ఎన్నికలకు సర్వం సిద్ధమైంది. అధికారులు..సిబ్బంది అందరూ ఏర్పాట్లు పర్యవేక్షించారు. తొలుత ఈవీఎంలు పరిశీలించగా..ఓటర్ లిస్టులను సరి చూసుకుంటున్నారు. ఉదయం 6గంటలకు మాక్ పోలింగ్ స్టార్ట్ చేయనున్నామని ఎన్నికల సిబ్బంది తెలిపారు. 
ఇక ఉమ్మడి కరీంనగర్ జిల్లాలో 13 అసెంబ్లీ నియోజకవర్గాలున్నాయి. మొత్తం 181 మంది అభ్యర్థులు పోటీ పడుతున్నారు. కరీంనగర్‌లో అత్యధికంగా 25 మంది పోటీ పడుతున్నారు. 27 లక్షల 85 వేల 787 మంది ఓటు హక్కును వినియోగించుకోవడానికి సిద్ధంగా ఉన్నారు. 3519 పోలింగ్ కేంద్రాలుండగా... 735 సమస్యాత్మక పోలింగ్ కేంద్రాలు గుర్తించిన అధికారులు బందోబస్తును కూడా ఏర్పాటు చేశారు. ఉదయం 7గంటల నుండి సాయంత్రం 5గంటల వరకు పోలింగ్ జరుగనుంది. 

08:56 - December 6, 2018

కరీంనగర్ : తెలంగాణ రాష్ట్రంలో బీజేపీ గెలిస్తే...కరీంనగర్ జిల్లా పేరును కరిపురంగా మారుస్తామని ఉత్తర్ ప్రదేశ్ ముఖ్యమంత్రి యోగి ఆదిత్యనాథ్ వెల్లడించడం కలకలం రేపుతోంది. అసలు కరిపురం అంటే ఏమిటీ ? కరిపురంగా ఎందుకు మారుస్తారు ? అనే చర్చ జరుగుతోంది. ఎన్నికల ప్రచారంలో జిల్లాకు వచ్చిన యోగి ఆదిత్యనాథ్ కరీంనగర్‌ నియోజకవర్గ అభ్యర్థి బండి సంజయ్‌కుమార్‌ను భారీ మెజారిటీతో గెలిపించాలని కోరారు. 
యూపీలో బీజేపీ అధికారంలోకి వచ్చిన తరువాత పలు నగరాల పేర్లను మార్చేశారు. దీనిని వ్యతిరేకించినా యోగి మాత్రం వెనక్కి తగ్గలేదు. అలాగే హైదరాబాద్ పేరును భాగ్యనగరంగా..వికారాబాద్..కరీంనగర్ పేర్లను మార్చేస్తామని బీజేపీ నేతలు వెల్లడిస్తున్నారు. 
కరీంనగర్ కు ఆ పేరు ఎలా వచ్చింది అంటె ?...సయ్యద్ కరీముద్దీన్ ఖిలాదారు పేరుమీదుగా నామకరణము చేయబడినది. పురాతన కాలము నుండి వేద అభ్యాసన కేంద్రముగా ప్రసిద్ధికెక్కినది. పూర్వము ఈ ప్రాంతమునకు 'సబ్బినాడు' అని పేరు. కరీంనగర్ మరియు శ్రీశైలములలో దొరికిన, కాకతీయ రాజులు ప్రోల II మరియు ప్రతాపరుద్రుని శాసనాలు ఈ ప్రాంత ఘనమైన చరిత్రకు నిదర్శనాలు. కరినగరము కరి అనగా ఏనుగు, ఏనుగులు తిరిగే నగరము కావున ఈ నగరానికి కరినగరము అని పేరు వచ్చినది, కాలక్రమేనా కరీంనగర్ అని పిలువబడుతున్నది.

11:54 - November 26, 2018

హైదరాబాద్ : ఎన్నికల ప్రచారం స్పీడందుకున్న నేపథ్యంలో నేడు గులాబీ బాస్ ఒకటి, రెండూ కాదు ఏకంగా 9 సభల్లో కేసీఆర్ ప్రసంగించనున్నారు. ప్రజాశీర్వాద సభలతో కార్యకర్తల్లో కొత్త ఉత్సాహాన్ని నింపుతున్న గులాబీ బాస్ ఇప్పటికే పలు జిల్లాల్లో నిర్వహించిన సభల్లో పాల్గొన్న కేసీఆర్ సోమవారం నవంబరు 26న పలు జిల్లాల పరిధిలో జరిగే తొమ్మిది ప్రజాశీర్వాద సభల్లో పాల్గొన్ననున్నారు. కామారెడ్డి, నిజమాబాద్ రూరల్, బోధన్, మోర్తాడ్, జగిత్యాల, పరకాల, కరీంనగర్, స్టేషన్ ఘన్‌‌పూర్, వరంగల్ సభల్లో పాల్గొనున్నారు. 
కేసీఆర్ సభల షెడ్యూలు..
ఉ. 11 గంటలకు కామారెడ్డి బహిరంగ సభ... 
ఉ. 11.45 గంటలకు నిజామాబాద్ రూరల్‌లో బహిరంగ సభ... 
మ. 12.30 గంటలకు బోధన్ బహిరంగ సభ..
మ. 1.15 గంటలకు బాల్కొండ నియోజకవర్గంలోని మోర్తాడు.. 
మ.2 గంటలకు జగిత్యాలలోని ధర్మపురి, కోరుట్ల, జగిత్యాల, చొప్పదండి నియోజకవర్గాలతో ఉమ్మడి సభ ఉంటుంది.

 

 

15:47 - November 15, 2018

కరీంనగర్ : అందరూ ఊహించినట్టే జరిగింది. చొప్పదండి టికెట్ ఆశించిన బొడిగె శోభ గులాబీ కండువా వదిలి కాషాయ కండువా కప్పుకున్నారు. టికెట్ రాకపోవడంతో ఆమె తీవ్ర మనస్థాపానికి గురై బీజేపీ పార్టీలో చేరారు. బీజేపీ అధిష్టానం కూడా ఆమెకు చొప్పదండి టికెట్ కేటాయిస్తున్నట్లు తెలుస్తోంది. నవంబర్ 15వ తేదీన గురువారం ఉదయం బీజేపీ రాష్ట్ర అధ్యక్షులు లక్ష్మణ్, పార్టీ ఎమ్యెల్యే అభ్యర్థి కిషన్ రెడ్డి సమక్షంలో బొడిగె శోభ బీజేపీలో చేరారు. ఈ సందర్బంగా ఆమె మీడియాతో మాట్లాడుతూ...తెలంగాణ ఉద్యమ సమయంలో ఉద్యమకారిణిగా..దళిత బిడ్డనైనా తనకు అవమానం ఎదురైందని, కార్యకర్తల ఒత్తిడి మేరకు బీజేపీలో చేరాలని నిర్ణయం తీసుకున్నట్లు వెల్లడించారు. కేసీఆర్ సడ్డకులు రవీంద్ర రావు, ఎంపీగా కొనసాగుతున్న సంతోష్ వల్ల తాను అవమానానికి గురయ్యాయన్నారు. బీజేపీ నాయకత్వంలో అభివృద్ధి చేసుకోవాలని లక్ష్యంతో తాను చేరినట్లు చెప్పారు బొడిగె శోభ.. 
పార్టీ టికెట్ కోసం బొడిగె శోభ తీవ్రంగా ప్రయత్నించారు. అందులో భాగంగా ముఖ్యమంత్రి కేసీఆర్ ను కలువాలని ప్రయత్నించినా అది వీలు కాలేదు. ఇటీవలే కేటీఆర్ ను కలిసినా టికెట్ పై స్పష్టమైన హామీనివ్వలేదు. కాంగ్రెస్ పెద్దలు పార్టీలో చేరాలని ఆహ్వానించినట్లుగా ప్రచారం జరిగింది. చివరకు కార్యకర్తలతో సమావేశమైన బొడిగె బీజేపీలో చేరాలని నిర్ణయం తీసుకున్నారు. ప్రస్తుతం చొప్పదండి బరిలో ఎవరు గెలుస్తారు ? అనేది చూడాలి. 

14:00 - November 13, 2018

కరీంనగర్ : జిల్లాలోని కాంగ్రెస్‌లో అలకలు, అసంతృప్తులు మొదలయ్యాయి. తొలి జాబితాలో చోటు దక్కని ఆశావహులు అసంతృప్తి వ్యక్తం చేస్తున్నారు. తమకు టికెట్ దక్కకపోవడంతో తీవ్ర నిరసన వ్యక్తం చేస్తున్నారు. మాజీ మంత్రి సుద్దాల దేవయ్యకు కాంగ్రెస్ మొండిచేయి చూపింది. చొప్పదండి టికెట్ ఆశించిన ఆయనకు టికెట్ దక్కలేదు. మేడిపల్లి సత్యంకు చొప్పదండి టికెట్‌ను కేటాయించారు. సుద్దాల దేవయ్య, మేడిపల్లి సత్యంతోపాటు గజ్జెల కాంతం చొప్పదండి టికెట్ ఆశించారు. కానీ ఫైనల్‌గా మేడిపల్లి సత్యంకు టికెట్ కేటాయించారు.

అయితే గతకొంత కాలంగా చొప్పదండి టికెట్ తనకే వస్తుందని దేవయ్య ధీమాతో ప్రచారం కూడా చేశారు. టికెట్ తనకు కేటాయించకపోవడంతో దేవయ్య అలకబూనారు. టీడీపీ నుంచి కాంగ్రెస్‌లో చేరిన మేడిపల్లి సత్యంకి టికెట్ ఇవ్వడంపై దేవయ్య కాంగ్రెస్‌కు గుడ్ బై చెప్పే యోచనలో ఉన్నట్లు కనిపిస్తోంది. టికెట్లు అమ్ముకున్నారంటూ కాంగ్రెస్ పెద్దలపై దేవయ్య విమర్శలు చేసినట్లు తెలుస్తోంది. దేవయ్య ఎన్నికల్లో పోటీ చేస్తానంటున్నారు. కాంగ్రెస్ లోకి వచ్చిన తర్వాత ఇల్లు, స్థలాలు, డబ్బులు నష్టపోయాయని వాపోయారు. 

 

12:51 - November 3, 2018

కరీంనగర్ : కోదండరాంకు టీఆర్ఎస్ నేత, తాజా మాజీ ఎమ్మెల్యే సత్యనారాయణ సవాల్ విసిరారు. దమ్ముంటే కోదండరాం రామగుండంలో పోటీ చేయాలన్నారు. ఈమేరకు రామగుండంలో నిర్వహించిన ప్రచార కార్యక్రమంలో సత్యనారాయణ పాల్గొని, మాట్లాడారు. గెలిస్తే కోదండరాంపైనే గెలవాలన్నారు. 

 

10:27 - November 1, 2018

కరీంనగర్ : టీఆర్ఎస్‌లో అసమ్మతి సెగ రగులుతోంది. సీటు ఆశించిన ఆశావహులు జాబితాలో పేరు రాకపోవడంతో నిరసన గళం వినిపిస్తున్నారు. అభ్యర్థుల జాబితాలో పేరు ప్రకటించకపోవడంతో కొండా సురేఖ దంపతులు, బాబుమోహన్‌తోపాటు పలువురు నేతలు టీఆర్ఎస్‌, కేసీఆర్‌పై తీవ్ర విమర్శలు చేసి పార్టీకి గుడ్ బై చెప్పారు. తాజాగా గులాబీ పార్టీలో మరో అసమ్మతి స్వరం వినిపిస్తోంది. చొప్పదండి ప్రచారంలో బొడిగ శోభ కీలక వ్యాఖ్యలు చేశారు. చొప్పదండి నుంచి ఎమ్మెల్యేగా బరిలోకి దిగుతానని ఆమె స్పష్టం చేశారు. 60 రోజులు ఓపిక పట్టానని తెలిపారు. తన మీద ఫిర్యాదు చేసిన వారికి టికెట్ ఇస్తే సహించే ప్రస్తక్తే లేదని తేల్చి చెప్పారు. చొప్పదండి నుంచి దళిత బిడ్డకు అవకాశం ఇవ్వాలని.. అది కూడా తనకు (బొడిగ శోభ)కు ఇవ్వాలని సీఎంను కోరారు. 

తనతో లబ్ధి పొందిన నాయకులే తనను దూషిస్తున్నారని ఆవేదన వ్యక్తం చేశారు. 18 సంవత్సరాలు టీఆర్ఎస్‌లో పని చేశానని తెలిపారు. ముఖ్యమంత్రి కేసీఆర్‌ను అరెస్టు చేసినప్పుడు తాను కారం పొడి పట్టుకుని నిలబడ్డానని తెలిపారు. కేసీఆర్ ప్రకటించిన 107 మంది అభ్యర్థులలో ఒక్క దళిత మహిళ కూడా లేరని పేర్కొన్నారు. ముఖ్యమంత్రి పిలుపు కోసం వేచి చూస్తున్నామని తెలిపారు. ఇప్పటికే ఎంపీ కవిత, కేశవరావు, మంత్రి హరీష్‌రావు, మంత్రి ఈటెల రాజేందర్‌ను కలిశానని తెలిపారు. తన పని ప్రకారం సీటు ఇవ్వాలనకుంటే.. చొప్పదండి సీటు తనకే ఇవ్వాలన్నారు. ఒక మాదిగ బిడ్డను అభ్యర్థిగా ప్రకటించడంలో ఇంత జాప్యమా అని వాపోయారు. ఓట్ల దగ్గర దళిత మహిళల అవసరం ఉంటుంది... కానీ ఒక దళిత మహిళ అభ్యర్థిని ప్రకటించే విషయంలో ఆలస్యం చేస్తారా? ఇది ఏ విధంగా ప్రజాస్వామ్యం అనిపించుకుంటుందని ప్రశ్నించారు. 

Pages

Don't Miss

Subscribe to RSS - కరీంనగర్