కరీంనగర్

12:13 - August 19, 2017
07:42 - August 15, 2017

పెద్దపల్లి : జిల్లాలో పోలీస్‌ యంత్రాంగం భారతీయ జాతీయతను చాటుతూ నిర్వహించిన కార్యక్రమానికి ఇంటర్నేషనల్‌ వండర్‌ బుక్‌ ఆఫ్‌ రికార్డ్‌లో చోటు దక్కింది. ఈ మేరకు పోలీసులు మేరా భారత్‌ మహాన్‌ పేరుతో ఇరవై వేల జాతీయ పతాకాలతో భారీ ర్యాలీ నిర్వహించారు. అనంతరం పెద్దపల్లి జూనియర్‌ కాలేజీ విద్యార్థులు భారతదేశ పటాన్ని ఆవిష్కరించారు. ఇరవై వేల విద్యార్థులతో కలిసి ఒకేసారి జాతీయ పతాకాన్ని ప్రదర్శించడంతో పెద్దపల్లి జిల్లా పోలీసులకు ఇంటర్నేషనల్‌ వండర్‌ బుక్ ఆఫ్‌ రికార్డు కోఆర్డినేటర్‌ జ్యోతి మెమోంటోను అందజేశారు.

 

06:36 - August 14, 2017

కరీంనగర్ : కరీంనగర్‌ జిల్లా జమ్మికుంట మండలంలోని వావిగాల గ్రామం. ఖద్దరు వస్త్రాల తయారీలో దేశంలోనే పేరుగాంచిన ఊరు. స్వాతంత్ర ఉద్యమంలో గాంధీజీ విదేశీ వస్తు బహిష్కరణకు పిలుపు ఇచ్చినప్పుడు జాతిపిత అనుచరులు ఖాదీ ప్రతిప్ఠాన్‌ను స్థాపించిన గ్రామం ఇదే. వావిలాల ఖాదీ పరిశ్రమకు ఘన చరిత్ర ఉంది. గాంధీజీ అనుచరులు ద్వారకా లేలే, సహస్రబుద్ధి, ఫ్రాంకేకర్‌ 1929లో ఈ ఊళ్లోనే ఖాదీ ప్రతిష్ఠాన్‌ను స్థాపించారు. అయితే స్వామి రామానందతీర్థ అఖిల భారత చరఖా సంఘం ఏర్పాటు చేసిన తర్వాతే 1947-50 మధ్య ఇక్కడ ఖాదీ వస్త్రాల ఉత్పత్తికి ఊతం లభించింది. 1951లో హైదరాబాద్‌ గాంధీ భవన్‌ వేదికగా హైదరాబాద్‌ చరఖా సంఘం, ఆ తర్వాత భాగ్యనగర్‌ ఖాదీ సమితిగా రూపుదిద్దుకుంది. ఆ తర్వాత మెట్‌పల్లి ఖాదీ పరిశ్రమ ఏర్పడటంతో 1983లో వావిలాల ఖాదీ పరిశ్రమ విడిపోయింది. వావిలాల ఖాదీ ప్రతిష్ఠాన్‌ పేరుతో ముంబయి ఖాదీ కమిషన్‌ ఆధ్వర్యంలో ఇప్పటికీ కొనసాగుతోంది. మాజీ ప్రధాని పీవీ నరసింహారావు జీవించి ఉన్నంతకాలం ఈ సొసైటీకి చైర్మన్‌గా కొనసాగారు.

యాభైకి పైగా ఉత్పత్తి కేంద్రాలు..
నాణ్యమైన ఖాదీ వస్త్రాల తయారీకి వావిలాల ఖాదీ ప్రతిష్ఠాన్‌కు మంచి పేరు ఉంది. యాభైకి పైగా ఉత్పత్తి కేంద్రాలు ఉన్నాయి. తెలంగాణ, ఏపీలో 13 ఖాదీ విక్రయశాలు ఉన్నాయి. వావిలాల ఖాదీ ప్రతిష్ఠాన్‌ జాతీయ స్థాయిలో ఎన్నో అవార్డులు అందుకుంది. ఇటువంటి వావిలాల ఖాదీకి ఇప్పుడు ప్రభుత్వ ప్రోత్సాహం కరువైంది. చేనేతను ప్రోత్సహించేందుకు కేంద్ర ప్రభుత్వం ఖాదీ వస్త్రాలపై 20 శాతం రిబేటు ఇస్తున్నా... రాష్ట్ర ప్రభుత్వం మాత్రం పైసా కూడా ఇవ్వడంలేదు. 1997 ప్రకటించిన ఐదు శాతం రాయితీ బకాయిలు 8.50 లక్షల రూపాయలు కూడా ప్రభుత్వం నుంచి ఇంకా విడుదల కాకపోవడంతో వావిలాల ఖాదీ ప్రతిష్ఠాన్‌ కుదేలైంది. ఖాదీ వస్త్రాలు కొనే నాథులు లేకపోవడంతో ఈ పరిశ్రమ కష్టాల కొలిమిలో కొట్టుమిట్టాడుతోంది.

మనుగడే ప్రశ్నార్థకం..
ఇందిరాగాంధీ, రాజీవ్‌గాంధీ, వాజ్‌పేయిలు ప్రధానులుగా పనిచేసినప్పుడు స్వాతంత్ర్య దినోత్సవం సందర్భంగా ఎర్రకోటపై ఎగురవేసిన జాతీయ జెండాను వావివాల నుంచి తీసుకెళ్లారు. ఇటువంటి వావిలాల ఖాదీ ప్రతిష్ఠాన్‌ సభ్యులకు ఇప్పుడు తినటానికి తిండిలేదు. కట్టుకోడానికి సరైన బట్టలేదు. ఖాదీకి ప్రభుత్వ ప్రోత్సాహం లేకపోవడంతో పస్తులుండే పరిస్థితుల దాపురించాయని నేత కార్మికలు ఆవేదన వ్యక్తం చేస్తున్నారు. ఖాదీ కూడు పెడుతుందని ఈ పరిశ్రమనే పట్టుకుని వేలాడటం వలన ఇప్పుడు తమ బతుకులు దర్భరంగా మారాయని వావిలాల నేతన్నలు ఆవేదన వ్యక్తం చేస్తున్నారు. ఒకప్పుడు 1200 మందికి ఉపాధి కల్పించిన వావిలాల ఖాదీ పరిశ్రమలో ఇప్పుడు పట్టుమని పది మంది కూడా పనిచేయడంలేదు. కేవలం మూడు కుటుంబాలు మాత్రమే ఈ వృత్తితో భుక్తి గడుపుకుంటున్నాయి. రోజంతా కష్టపడ్డా 150 రూపాయల కూలీ కూడా గిట్టుబాటు కాకపడంతో నేత వృత్తిని వదలి వేరే పనుల వైపు మళ్లుతున్నారు. ప్రభుత్వ ప్రోత్సాహం లేకపోవడంతో ఖాదీ పరిశ్రమ మనుగడే ప్రశ్నార్థకంగా మారింది. 

20:26 - August 13, 2017
20:19 - August 11, 2017

కరీంనగర్ : అమరుల స్ఫూర్తి యాత్రను అడ్డుకోవడాన్ని తెలంగాణ జేఏసీ చైర్మన్‌ కోదండరామ్‌ తప్పుపట్టారు. శాంతియుతంగా యాత్ర నిర్వహిస్తున్న తమను అడ్డుకోవడం సరికాదన్నారు. తెలంగాణకు వ్యతిరేకంగా పనిచేసిన ఉద్యమ శక్తులు ఇప్పుడు తెలంగాణ ఉద్యమకారులపై దాడులకు పాల్పడుతున్నాయని ఆయన ఆవేదన వ్యక్తం చేశారు. తమపై రాళ్లు వేసినా.. రక్తాలు చిందించినా.. శాంతియుత యాత్ర కొనసాగుతుందన్నారు. టీఆర్‌ఎస్‌లోకి వచ్చిన ఉద్యమ వ్యతిరేక శక్తులు ఎంత ఎక్కువ దాడులు చేస్తే తమ బలం అంత పెరుగుతుందని కోదండరామ్‌ అన్నారు.

21:06 - August 10, 2017

కరీంనగర్ : జిల్లా నేరెళ్ల ఘటనలో ప్రభుత్వం ఎట్టకేలకు చర్యలకు పునుకుంది. సీసీఎస్ ఎస్ఐ రవీందర్ ను సస్పెండ్ చేస్తున్నట్టు ఐజీ నాగిరెడ్డి ఆదేశాలు జారీ చేశారు. రవీందర్ అత్యుత్సాహంతోనే లాఠీ ఛార్జ్ చేశారని విచారణ కమిటీ తెల్చింది. సస్పెన్షన్ విసయాన్ని కేటీఆర్ ట్వీట్ చేశారు. మరింత సమాచారం కోసం వీడియో క్లిక్ చేయండి.

17:09 - August 10, 2017

కరీంనగర్ : పోచంపాడులో జరిగే సీఎం కేసీఆర్ సభకు రాకుంటే 5వందల రూపాయలు జరిమానా కట్టాలని మహిళా గ్రూపుల లీడర్లు తమను బెదిరించినట్లు మహిళలు చెబుతున్నారు. జగిత్యాల జిల్లా మేడిపల్లి మండలం మోత్కురావు పేట, బసునూర్ లంబడి తండా గ్రామాల నుంచి గ్రూపు లీడర్ల బెదిరింపులకు భయపడిన మహిళలు కేసీఆర్ సభకు పెద్ద ఎత్తున తరలివెళ్లారు. 

17:03 - August 10, 2017

కరీంనగర్ : ఎస్సారెఎస్పీ పునరుజ్జీవన సభను విజయవంతం చేయడానికి టీఆర్‌ఎస్ నేతలు నానా తంటాలు పడుతున్నారు. కరీంనగర్ నుంచి పోచంపాడుకు బస్‌లలో భారీగా జనాన్ని తరలించేందుకు నేతలు డబ్బులు పంచుతూ కెమెరాకు చిక్కిపోయారు. తీగల గుట్టపల్లిలో ప్రైవేటు బస్సులో సభకు తరలిస్తున్న వారందరికి ఒక్కొక్కరికి 5 వందల రూపాయలు చొప్పున పంచిపెట్టారు. అధినేత ఎదుట సత్తా చాటుకునేందుకు నేతలు ఇలా జనాలకు డబ్బులు ఎర వేయడంపై విమర్శలు వెల్లువెత్తుతున్నాయి.

10:40 - August 8, 2017

కరీంనగర్ : కాంగ్రెస్‌ నేత, కరీంనగర్‌ మాజీ ఎంపీ పొన్నం ప్రభాకర్‌ దీక్షను పోలీసులు భగ్నం చేశారు. నాలుగురోజులుగా దీక్ష చేస్తున్న పొన్నంను పోలీసులు తెల్లవారు ఝామున అరెస్టు చేసి ప్రభుత్వ ఆసుపత్రికి తరలించారు. బిపి, సుగర్ లెవెల్స్ తగ్గుతుండటంతో  వైద్యులు చికిత్స చేయాలని ప్రయత్నిస్తున్నప్పటికీ వైద్యానికి పొన్నం నిరాకరించారు. మెడికల్ కళాశాల ఏర్పాటు చేస్తామని ప్రభుత్వం ప్రకటించేవరకు ఆమరణ దీక్ష కొనసాగిస్తానని మాజీ ఎంపి పొన్నం ప్రభాకర్ స్పష్టం చేశారు. మరోవైపు పొన్నం అరెస్టుకు నిరసనగా ఉమ్మడి కరీంనగర్ జిల్లా వ్యాప్తంగా కాంగ్రెస్ పార్టీ పెద్ద ఎత్తున నిరసనలు, ఆందోళనలకు పిలుపునిచ్చింది. 

06:56 - August 8, 2017

కరీంనగర్‌ : కాంగ్రెస్‌ నేత, కరీంనగర్‌ మాజీ ఎంపీ పొన్నం ప్రభాకర్‌ దీక్షను పోలీసులు భగ్నం చేశారు. అర్థరాత్రి పొన్నం ప్రభాకర్‌ను పోలీసులు బలవంతంగా ఆస్పత్రికి తరలించారు. ఈ సందర్భంగా పోలీసులకు, కాంగ్రెస్‌ కార్యకర్తలకు మధ్య వాగ్వాదం జరిగింది. పోలీసుల తీరుపై కాంగ్రెస్‌ కార్యకర్తలు మండిపడ్డారు. మరోవైపు పొన్నం ఆస్పత్రిలో వైద్యానికి నిరాకరించినట్టు తెలుస్తోంది. మరిన్ని వివరాలను వీడియోలో చూద్దాం..

 

Pages

Don't Miss

Subscribe to RSS - కరీంనగర్