కర్నూలు

08:19 - April 24, 2018

కర్నూలు : రాష్ట్ర బీజేపీ నాయకులు అభివృద్ధి నిరోధకులుగా మారారని టీడీపీ ఎమ్మెల్యే ఎస్వీ మోహన్‌రెడ్డి విమర్శించారు. కేంద్రం నుంచి రాష్ట్రానికి ప్రాజెక్టులు తీసుకురావడంతో బీజేపీ ఎమ్మెల్యేలు ఘోరంగా విఫలమయ్యారని మండిపడ్డారు. ప్రత్యేక హోదా కోసం కర్నూలులో సైకిల్‌ ర్యాలీ నిర్వహించిన మోహన్‌రెడ్డి... బీజేపీ ఎమ్మెల్యేలపై విరుచుకుపడ్డారు. ముఖ్యమంత్రి చంద్రబాబుపై విమర్శలు, ఆరోపణలు చేస్తున్న బీజేపీ నాయకుల వైఖరిని ఎస్వీ మోహన్‌రెడ్డి తప్పుపట్టారు. 

07:56 - April 24, 2018

కర్నూలు : ఆళ్లగడ్డలో ఏవీ సుబ్బారెడ్డి మీద రాళ్ల దాడిపై టీడీపీ అధిష్టానం సీరియస్‌ అయ్యింది. అఖిలప్రియ, సుబ్బారెడ్డిల మధ్య ఎన్నిసార్లు రాజీ కుదిర్చే ప్రయత్నం చేసినా ఫలితం లేకుండాపోయిందని హైకమాండ్‌ భావిస్తోంది. సుబ్బారెడ్డిపై దాడిని చంద్రబాబు తీవ్రంగా పరిగణిస్తున్నారు. ఇవాల అమరావతి రావాల్సిందిగా అఖిలప్రియ, సుబ్బారెడ్డిలను చంద్రబాబు ఆదేశించారు. 

 

21:38 - April 23, 2018

కర్నూలు : సమస్యల పరిష్కారం కోసం అంగన్ వాడీ కార్యకర్తలు కర్నూలు కలెక్టరేట్‌ ఎదుట ఆందోళనకు దిగారు. తెలంగాణ ప్రభుత్వం ఇస్తున్న విధంగా ఏపీ ప్రభుత్వం కూడా వేతనాలు పెంచాలని డిమాండ్ చేశారు. జీతాలు పెంచమని ప్రభుత్వానికి అనేక సార్లు తెలియజేసినా పట్టించుకోవడం లేదని వారు ఆగ్రహం చేస్తూ... కలెక్టరేట్‌లోకి చొచ్చుకెళ్లే ప్రయత్నం చేశారు. దీంతో పోలీసులు వారిని అడ్డుకున్నారు. దీంతో కలెక్టరేట్ వద్ద ఉద్రిక్తత నెలకొంది. 

09:54 - April 17, 2018

కర్నూలు : బనగానపల్లిలో రోడ్డు ప్రమాదం సంభవించింది. పాలిటెక్నిక్ కళాశాల టాటా సుమో ఆటో ఢీ కొనటంతో వద్ద ఈ ప్రమాదం చోటుచేసుకుంది. ఈ ఘటనలో ముగ్గురు మృతి చెందారు. మరొకరి పరిస్థితి విషమంగా వున్నట్లుగా తెలుస్తోంది. మృతుల్లో ఇద్దరు విద్యార్ధులు, ఆటో డ్రైవర్ వున్నారు. 

18:10 - April 16, 2018

కర్నూలు : జిల్లాలో బంద్‌ ప్రశాంతంగా కొనసాగుతోంది. వామపక్షాలు, జనసేన కార్యకర్తలు పెద్ద ఎత్తున నిరసనలకు దిగారు. బంద్‌తో ప్రజారవాణ వ్యవస్థ పూర్తిగా స్తంభించింది. వాహనాలు నిలిచిపోయాయి. ఆర్టీసి బస్సులు డిపోలకే పరిమితం అయ్యాయి. మరిన్ని వివరాలను వీడియోలో చూద్దాం.. 

17:38 - April 16, 2018

కర్నూలు : జిల్లాలో విషాదం ఘటన చోటుచేసుకుంది. జిల్లాలోని దిన్నదేవరపడులో గ్రామంలో ఒకే కుటుంబానికి చెందిన ఐదుగురు ఆత్మహత్యాయత్నం చేశారు. అప్పులబాధతో ముగ్గురు పిల్లలకు విషం ఇచ్చి.. బోయ మధు దంపతులు ఆత్మహత్యకు పాల్పడ్డారు. ఈ ఘటనలో భర్త మృతి చెందగా, భార్యా ముగ్గురు పిల్లల పరిస్థితి విషమంగా ఉంది. చికిత్స కోసం వీరిని కర్నూలు ఆసుపత్రికి తరలించారు. 

 

18:37 - April 15, 2018

కర్నూలు : హెల్త్ కేర్ నోబుల్ మల్టీ స్పెషాలిటి ఆసుపత్రిలో గర్భిణీ మృతి వివాదాస్పదమౌతోంది. జిల్లాలోని సి.బెళగల్లు మండలం పల్లదొడ్డికి గ్రామానికి చెందిన గర్భిణీ సావిత్రి డెలివరీ కోసం ఆసుపత్రిలో చేరింది. ఇవాళ సావిత్రి అనుమానాస్పద స్థితిలో మృతి చెందింది. వైద్యుల నిర్లక్ష్యం వల్లే చనిపోయిందంటూ... బంధువులు ఆందోళనకు దిగారు. తమకు న్యాయం చేయాలని డిమాండ్ చేస్తున్నారు. 

 

 

15:22 - April 10, 2018

కర్నూలు : ప్రత్యేక హోదా పోరును వైసీపీ ఉధృతం చేసింది. ఆ పార్టీ నేతలు కర్నూలులో హైవేను దిగ్బంధించారు.   అడగాల్సివాళ్ళు అడక్కుండా.. ఇవ్వాల్సినవాళ్ళు ఇవ్వకుండా మోసం చేశారంటున్న వైసీపీ నేతలతో టెన్ టివి ఫేస్ టూ ఫేస్ నిర్వహించింది. మరిన్ని వివరాలను వీడియోలో చూద్దాం... 

16:41 - April 1, 2018

కర్నూలు : ప్రత్యేకహోదా విషయంలో కేంద్ర, రాష్ట్ర ప్రభుత్వాలు ఏపీ ప్రజలను మోసం చేశాయని.. విద్యార్థి జేఏసీ నేతలు విమర్శించారు. 5కోట్ల మంది ప్రజలను ఫూల్స్‌  చేశారంటూ  చెవిలోపూలు పెట్టుకుని వినూత్న నిరసనకు దిగారు. కర్నూలు కలెక్టరేట్‌ ముందు ఆందోళన నిర్వహించిన విద్యార్థి జేఏసీ నేతలతో టెన్ టివి ఫేస్‌ టూ ఫేస్‌ నిర్వహించింది. ఆ వివరాలను వీడియోలో చూద్దాం...  

 

15:33 - March 31, 2018

కర్నూలు : విద్యార్థులు సృజనాత్మకతను వెలికి తీసి నూతన ఆవిష్కరణలకు శ్రీకారం చుట్టాలని దేశ ప్రధానమంత్రి మోదీ సూచించారు. కర్నూలులోని పెద్దటేకూరు సమీపంలోని బృందావన్‌ ఇంజనీరింగ్‌ కాలేజీలో రెండు రోజుల పాటు నిర్వహిస్తున్న స్మార్ట్‌ ఇండియా హ్యాకథాన్‌ 2018 కార్యక్రమంలో.... ప్రధాని వీడియోకాన్ఫరెన్స్‌ ద్వారా పాల్గొన్నారు. దైనందిన సమస్యలు, సాఫ్ట్‌వేర్‌ పరిష్కారాలను రూపొందించేవిధంగా స్మార్ట్‌ ఇండియా హ్యాకథాన్‌ ఉండాలన్నారు. దేశాభివృద్ధికి విద్యార్థులే కీలకమన్నారు. ఈ కార్యక్రమంలో 51 బృందాలుగా విద్యార్థులు పాల్గొన్నారు. ఇలాంటి కార్యక్రమాలు మరిన్ని నిర్వహించాలని విద్యార్థులు కోరారు. 

 

Pages

Don't Miss

Subscribe to RSS - కర్నూలు