కలకలం

21:18 - January 6, 2018

పెద్దపల్లి : జిల్లాలోని గోదావరిఖని జీవీకే ఇంక్లైన్‌ 1లోని 33వ డీప్‌లో విషవాయువులు వెలువడుతున్నాయి. దీంతో అప్రమత్తమైన గని అధికారులు..కార్మికులను బయటకు పంపుతున్నారు. ఈ ఘటనలో పలువురు కార్మికులు స్వల్ప అస్వస్థతకు గురయ్యారు. మరిన్ని వివరాలను వీడియోలో చూద్దాం... 

11:31 - January 4, 2018

గుంటూరు : జిల్లాలో కిడ్నీల రాకెట్ వ్యవహారం కలకలం రేపుతోంది. నర్సరావుపేటలో రోగి బంధువు పేరిట బయటి వ్యక్తి ఆధార్ మార్ఫింగ్ సృష్టించి అనుమతి పొందే ప్రయత్నం బెడిసికొట్టడంతో ఈ విషయం వెలుగు చూసింది. గుంటూరు చంద్రమౌళి నగర్ కు చెందిన శివ నాగమల్లేశ్వరరావు రెండు కిడ్నీలు చెడిపోయి వేదాంత ఆసుపత్రిలో చికిత్స పొందుతున్నాడు. కిడ్నీ మార్పిడి విషయంలో నర్సరావుపేటలోని ప్రకాష్ నగర్ కు చెందిన అతని బంధువు రవి చౌదరిని సంప్రదించాడు. వీరిద్దరూ కలిసి దుర్గి మండలం ముటుకూరుకు చెందిన ముదావత్ వెంకటేశ్వర నాయక్ ను కలిశారు. కిడ్నీ మార్పిడి విషయాన్ని వెల్లడించారు. కిడ్నీలు ఇవ్వాలంటే బంధువులు ఇవ్వాలి..లేనిపక్షంలో ఇతరులు ఇస్తే ఎమ్మార్వో అనుమతి పొందాల్సి ఉంటుంది. దీనితో వీరు ఒక డ్రామా ఆడాలని నిర్ణయించుకున్నారు. అనంతరం రావూరి రవి చౌదరి ఆధార్ కార్డును మార్ఫింగ్ చేసి వెంకటేశ్వర నాయక్ ఫొటో పెట్టారు. ఇతరత్రా..వివరాలు జోడించి ఎమ్మార్వో దగ్గర దరఖాస్తు పెట్టారు. ఎమ్మార్వో కు అనుమానం రావడంతో దర్యాప్తు చేపట్టారు. దీనితో అసలు మోసం బయటపడింది. 

13:40 - January 2, 2018

హర్యానా : రాష్ట్రంలోని పల్ వల్ జిల్లాలో ఒక్కరోజే ఆరు హత్యలు జరగడం తీవ్ర కలకలం రేపింది. ఓ సైకో ఇనుప రాడ్ తో దాడి చేసి అతి కిరాతకంగా చంపేశాడు. రాత్రి 2గంటల నుండి తెల్లవారుజాము వరకు ఈ కిరాతకం కొనసాగింది. ఐదుగురిని రోడ్డుపై హత్య చేయగా ఓ ఆసుపత్రిలో మహిళను చంపేశాడు. హత్యకు పాల్పడిన వ్యక్తిని పోలీసులు అదుపులోకి తీసుకున్నారు. మతిస్థిమితం లేకపోవడంతో ఈ ఘాతుకానికి పాల్పడినట్లు పోలీసులు భావిస్తున్నారు. ఆసుపత్రిలో సైకో సంచరిస్తుండడం దృశ్యాలు రికార్డయ్యాయి. ఒక్కసారిగా జరిగిన ఈ హత్యలతో పోలీసులు హై అలర్ట్ ప్రకటించారు. 

10:27 - December 4, 2017

జయశంకర్‌ భూపాలపల్లి : జిల్లాలోని వెంకటాపురం మండలం విజయపురి కాలనీలో వెలసిన మావోయిస్టుల పోస్టర్లు కలకలం సృష్టిస్తున్నాయి. ఈనెల 2 నుంచి 8 వరకు పీపుల్స్‌ లిబరేషన్‌ గెరిల్లా ఆర్మీ... పీఎల్‌జీఏ..  వారోత్సవాలకు మవోయిస్టుల పిలుపు ఇచ్చారు. ఈ నేపథ్యంలో  విజయపురి కాలనీ ప్రధాన రహదారిపై వెలసిన పోస్టర్లు చర్చనీయాంశంగా మారాయి. హిందు ఫాసిజానికి వ్యతిరేకంగా పోరాడాలని  కోరారు. పోలీసుల ఏజెంట్లు, ఇన్ఫార్మర్లను శిక్షించాలని, గ్రామ గ్రామాన రక్షణ దళాలు ఏర్పాటు కావాలని మావోయిస్టు చర్ల శబరి కమిటీ పిలుపు ఇచ్చింది. మరిన్ని వివరాలను వీడియోలో చూద్దాం...

 

 

12:41 - December 3, 2017

హైదరాబాద్ : అమీర్‌పేట్‌ మెట్రో స్టేషన్‌లో బ్యాగ్‌ కలకలం సృష్టించింది. బ్యాగ్‌లో బాంబ్‌ ఉందని అనుమానించిన పోలీసులు బాంబ్‌ స్వ్కాడ్‌తో తనిఖీలు చేపట్టారు. బ్యాగ్‌లో ఏమీలేదని తేలడంతో పోలీసులు, రైల్వే సిబ్బంది ఊపిరి పీల్చుకున్నారు. బ్యాగ్‌ను... మెట్రో స్టేషన్‌లో పని చేస్తున్న సెక్యూరిటీ గార్డుదిగా గుర్తించారు. 

 

13:54 - November 22, 2017

మహబూబ్ నగర్ : జిల్లాలో నరబలి కలకలం రేపింది. అక్కమహాదేవి గుహల్లో ఐదు అస్తిపంజరాలు బయటపడ్డాయి. బలి ఇచ్చిన వారి వయసు 30 ఏళ్లలోపే ఉంది. మృతులు కర్నాటక రాష్ట్ర వాసులుగా అనుమానం వ్యక్తం చేస్తున్నారు. అక్కమహాదేవి గుహల్లో గుప్తనిధులు ఉన్నాయని కొంతకాలంగా ప్రచారం జరుగుతోంది. గుహల ముందు ఐదు పుర్రెలు, ఎముకలు నిమ్మకాలయలు కనిపిస్తున్నాయి. గుహల పక్కనే చెప్పులు, దుస్తులు ఉన్నట్లు గొర్రెల కాపరులు గుర్తించారు. మరిన్ని వివరాలను వీడియోలో చూద్దాం...

12:50 - November 22, 2017

గుంటూరు : ఏపీ అసెంబ్లీ లాబీలో గన్నవరం ఎమ్మెల్యే వల్లభనేని వంశీ రాజీనామా కలకలం రేపింది. డెల్టా సుగర్స్ విషయంలో సీఎంవో తన పట్ల అమర్యాదగా ప్రవర్తించిందని వంశీ మనస్తాపానికి గురయ్యారు. సీఎంవోలో వంశీ కన్నీటి పర్యంతమయ్యారు. ఒక ప్రజా ప్రతినిధికి విలువ లేనప్పుడు ఎమ్మెల్యే పదవి ఎందుకని ఆవేదన వ్యక్తం చేశారు. వంశీ తన రాజీనామా లేఖను స్పీకర్ కు ఇవ్వడానికి సిద్ధమయ్యారు. ఇంతలో వంశీ రాసిన రాజీనామా లేఖను బోడే ప్రసాద్ తీసుకుని చించి వేశారు. వంశీకి సర్ది చెప్పేందుకు మంత్రి నారా లోకేష్ కళా వెంకట్రావును పంపారు. మరిన్ని వివరాలను వీడియోలో చూద్దాం...

 

11:58 - November 22, 2017

కృష్ణా : జిల్లాలో చిరుత సంచారం కలకలం రేపింది. ఇబ్రహీంపట్నం మండలంలో థర్మల్‌ కోల్ ప్లాంట్ దగ్గర అర్ధరాత్రి చిరుత పులి సంచరించింది. 

07:26 - November 22, 2017

ఢిల్లీ : దేశ రాజధాని ఢిల్లీలో కాల్పులు కలకలం సృష్టించాయి. ద్వారకా మెట్రో రైల్వే స్టేషన్‌ సమీపంలో పిల్లర్‌ నెంబర్‌-768 దగ్గర పోలీసులకు-క్రిమినల్స్‌ కు మధ్య కాల్పులు చోటుచేసుకున్నాయి. స్టేషన్‌కు సమీపంలోని ఓ భవనంలో క్రిమినల్స్ దాగున్నారన్న సమాచారంతో పంజాబ్‌-ఢిల్లీ పోలీసులు సంయుక్తంగా ఆపరేషన్‌ నిర్వహించారు. ఈ ఆపరేషన్‌లో భాగంగా ఐదుగురు క్రిమినల్స్‌ను పోలీసులు అరెస్ట్‌ చేశారు. ఇరువర్గాల మధ్య జరిగిన కాల్పుల్లో ఎవరికీ ఎలాంటి గాయాలు కాలేదు. ఈ దుండగుల కోసం పంజాబ్ పోలీసులు గాలిస్తున్నట్లు  నైరుతి ఢిల్లీ డీసీపీ శిబేష్ సింగ్  తెలిపారు. వీరిపై హత్య, హత్యాయత్నం, కార్‌జాకింగ్ వంటి ఆరోపణలు ఉన్నట్లు ఆయన వివరించారు. క్రిమినల్స్‌ నుంచి 13 తుపాకులు, 100 బుల్లెట్లు స్వాధీనం చేసుకున్నారు.

 

21:47 - November 11, 2017

Pages

Don't Miss

Subscribe to RSS - కలకలం