కాంగ్రెస్

19:40 - March 27, 2017

హైదరాబాద్ : ప్రభుత్వం తాహతకు మించి అప్పలు చేయడం రాష్ట్రానికి మంచిది కాదన్నారు కాంగ్రెస్‌ ఎమ్మెల్యే ఉత్తమ్‌ కుమార్‌రెడ్డి అన్నారు. తెలంగాణ అసెంబ్లీలో ద్రవ్యవినిమయ బల్లుపై జరుగుతున్న చర్చలో ఆయన మాట్లాడారు. గత అరవైఏళ్లలో 69వేల కోట్లు అప్పులు తెస్తే.. టీఆర్‌ఎస్‌ ప్రభుత్వం కేవలం నాలుగేళ్లలోనే దాదాపు 90వేల కోట్ల రూపాయలు అప్పలు తెచ్చిందని.. ఇది భవిష్యత్తులో రాష్ట్రానికి చేటు తెస్తుందన్నారు.

 

06:59 - March 27, 2017

అనంతపురం : జనసేన అధినేత పవన్‌ కల్యాణ్‌ అనంతపురం జిల్లాపై ప్రత్యేక శ్రద్ద చూపిస్తున్నారు. జిల్లాలో నెలకొన్న కరవు సమస్యలను అధ్యయనం చేసేందుకు పాదయాత్ర చేయాలని ఉందని అనంతపురంలో జరిగిన సభలో ప్రకటించారు. అలాగే వచ్చే ఎన్నికల్లో జిల్లా నుంచి అసెంబ్లీకి పోటీ చేస్తానని కచ్చితంగా ప్రకటించారు. ఇందుకు అనుగుణంగా జనసేనాని ఇప్పటి నుంచే ఏర్పాట్లు చేసుకుంటున్నారు.

యువతకు ఎక్కువ సీట్లు ఇస్తానన్న పవన్‌ కల్యాణ్‌ ....

అనంతపురంలో జనసేన పార్టీ కార్యాలయం ఏర్పాటుకు చురుగ్గా ఏర్పాట్లు జరుగుతున్నాయి. పొత్తులు, ఎత్తులు విషయాన్ని పక్కన పెడితే, యువతకు ఎక్కువ సీట్లు ఇస్తానన్న హామీతో యువత ఎక్కువగా జనసేన వైపు మొగ్గు చూపుతూపడం ఖాయంగా కనిపిస్తోంది. దీంతో జిల్లాలోని ప్రధాన రాజకీయ పార్టీల నేతల వెన్నులో వణుకు పుడుతోంది. గత ఎన్నికల్లో జిల్లాలో టీడీపీ, వైపీసీల మధ్య ప్రధానంగా పోరు జరిగింది. 2019 ఎన్నికల్లో ఇది మూడు పార్టీల మధ్య పోటీకి దారితీస్తుంది. జనసేన, టీడీపీ, వైసీపీల మధ్య పోరుగా మారనుంది. జనసేన పొత్తు లేకుండా ఒంటరిగా పోటీచేస్తే టీడీపీ, వైసీపీల్లో ఎవరికి దెబ్బ అన్న అంశంపై విస్తృతంగా చర్చోపచర్చలు సాగుతున్నాయి.

అనంతపురం అర్బన్‌లో కాపు ఓటర్లు అధికం.....

వపన్‌ కల్యాణ్‌ అనంతపురం నుంచి పోటీ చేస్తే ఆ ప్రభావం రాయలసీమ మొత్తంపై పడుతుందని భావిస్తున్నారు. అనంతపురం అర్బన్‌ ఏరియాలో కాపు సామాజికవర్గం ఓటర్లు ఎక్కువగా ఉన్నారు. ఈ అంశాన్ని పరిగణలోకి తీసుకునే జనసేనాని జిల్లా నుంచి పోటీ చేస్తానని ప్రకటించి ఉంటారని విశ్లేషిస్తున్నారు. దీంతో పవన్‌ పోటీ చేస్తే తమకు ఇబ్బంది అవుతుందని ఇతర పార్టీల్లోని నేతలు ఒత్తిడికి గురువుతున్నారు. అనంత సభలో పవన్‌ ప్రధానంగా రైతులు, చేనేత కార్మికుల సమస్యలు ప్రస్తావించిన నేపథ్యంలో ఈ రెండు వర్గాలతో పాటు ఇతరులు కూడా జనసేన వైపు మొగ్గు చూపే అవకాశం ఉందని భావిస్తున్నారు.

జనసేనానితో టీడీపీ, కాంగ్రెస్‌ నేతల సంప్రదింపులు ......

మరోవైపు జిల్లాలోని టీడీపీ, కాంగ్రెస్‌ నేతల్లో కొందరు జనసేనలో చేరే అవకాశాలు ఉన్నాయని ప్రచారం జరుగుతోంది. జనసేనానితో సంప్రదింపులు జరుపుతున్నారని వినిపిస్తోంది. కాంగ్రెస్‌ నుంచి ఎక్కువ మంది జనసేనలో చేరే అవకాశం ఉందని భావిస్తున్నారు. పార్టీ నేతల అంతర్గత కుమ్ములాటలు బహిర్గతం కావడంతో జిల్లాలో టీడీపీ ప్రభ మసకబారుతోందని విశ్లేషిస్తున్నారు. పార్టీ అధినేత చంద్రబాబునాయుడు ఎన్నిసార్లు చెప్పినా నేతల్లో మార్పు రాకపోగా, నేతల గొడవలతో పార్టీ పరువు బజారుకెక్కుతోంది. దీంతో కొంత మంది టీడీపీ నేతలు జనసేన వైపు వచ్చే అవకాశం ఉందని భావిస్తున్నారు. కోవైపు జనసేన కార్యకర్తలు, పవన్‌ కల్యాణ్‌ అభిమానులు తమ నేతకు ప్రజల నుంచి మంచి ఆదరణ ఉంటుందన్న ఆశాభావంతో ఉన్నారు. ఎన్నికలకు ఇంకా రెండేళ్ల సమయం ఉంది. ఆ లోగా జనసేనాని జిల్లా సమస్యలపై మరింత ఆధ్యయనం చేసే అవకాశం ఉందని భావిస్తున్నారు. ఇది పార్టీకి మరింత కలిసొచ్చే అంశమని విశ్లేషిస్తున్నారు. ఈ నేపథ్యంలో అనంతపురం జిల్లాలో భవిష్యత్‌ రాజకీయాలు ఎలా ఉంటాయో చూడాలి.

14:32 - March 26, 2017
15:19 - March 25, 2017

హైదరాబాద్: సొంత పార్టీపై కాంగ్రెస్‌ ఎమ్మెల్యే సంపత్‌ గుర్రుగా వున్నారు. శనివారం నల్లకండువాతో అసెంబ్లీకి వచ్చారు. ఎస్సీ, ఎస్టీ సబ్‌ప్లాన్‌పై తనకు మాట్లాడే అవకాశం ఇవ్వనందుకు నిరసనగా నల్లకండువాతో అసెంబ్లీకి వచ్చారు. ఈ సందర్భంగా ఆయన '10టివి'తో మాట్లాడుతూ... పార్టీలో దళిత ఎమ్మెల్యేల పట్ల వివక్ష కొనసాగుతోదన్నారు. అసెంబ్లీలో దళితుల అభివృద్ధికి చర్చ జరుగుతుంటే పార్టీ నుంచి నాకు మాట్లాడే అవకాశం ఇవ్వలేదన్నారు. అంతే కాకుండా పార్టీ సభ్యుల నుంచి నాకు నైతిక మద్దతు లోపించిందని ఆవేదన వ్యక్తం చేశారు. శు క్రవారం అసెంబ్లీలో చర్చ జరుగుతున్న సమయంలో.. వంశీచంద్‌కు మైక్‌ ఇవ్వాలని పదే పదే కోరిన జానారెడ్డి నాకు మైక్‌ ఇవ్వాలని అడకకపోవడం బాధాకరం. సంక్షేమ పద్దులపై చర్చలో ప్రభుత్వ విధానాన్ని ఎత్తిచూపినందుకు ప్రభుత్వం కుట్ర చేసింది. అందుకే ఎస్సీ, ఎస్టీ బిల్లుపై మాట్లాడేందుకు నాకు అవకాశం ఇవ్వలేదు. సబ్‌ కమిటీ సభ్యుడినైన నాకే అవకాశం రాకుండా చేశారు. మా నాయకులు కూడా నా వైపు నిలవలేదని ఆక్రోశాన్ని వ్యక్తం చేశారు. ఏది ఏమైనప్పటికీ పార్టీతో మాట్లాడి అన్ని విషయాలను సరద్దు బాటు చేసుకుంటామని స్పష్టం చేశారు. ఇంకా అనేక అంశాలను చర్చించారు. పూర్తి వివరాల కోసం ఈ వీడియోను క్లిక్ చేయండి...

21:22 - March 24, 2017

హైదరాబాద్: ఫీజు రీయింబర్స్‌మెంట్ పథకాన్ని యథాతథంగా కొనసాగిస్తామని సీఎం కేసీఆర్ అన్నారు. అలాగే ఈ సంవత్సరం హైదరాబాద్‌లో లక్ష, గ్రామాల్లో లక్ష ఇళ్లు నిర్మించి తీరుతామని స్పష్టంచేశారు.

ఎస్సీ సబ్‌ప్లాన్ నిధులు పక్కదారి పడుతున్నాయని...

ఎస్సీ సబ్‌ప్లాన్ నిధులు పక్కదారి పడుతున్నాయని సీపీఎం సభ్యుడు సున్నం రాజయ్య ఆరోపించారు. అదే విధంగా, దళితులకు మూడు ఎకరాల భూమి ఇస్తామన్న సీఎం కేసీఆర్ ఎన్నికల హామీనీ ప్రస్తావించారు.

మూడెకరాల భూమి ఇస్తామని ఎవరూ చెప్పలేదు..

అన్ని దళిత కుటుంబాలకు మూడెకరాల భూమి ఇస్తామని ఎవరూ చెప్పలేదని సీఎం కేసీఆర్ అన్నారు. వ్యవసాయం మీద ఆధారపడ్డ, భూమి లేని దళితులకు మాత్రమే మూడెకరాలు ఇస్తామని చెప్పామని స్పష్టంచేశారు. అంబేద్కర్ 125వ జయంతిని పురస్కరించుకుని పదివేల ఎకరాలను దళితులకు పంపిణీ చేస్తామన్నారు.

మతపరమైన రిజర్వేషన్లు వద్దంటూ బీజేపీ ఎమ్మెల్యేలు ఆందోళన...

అసెంబ్లీ ప్రారంభమవ్వగానే మతపరమైన రిజర్వేషన్లు వద్దంటూ బీజేపీ ఎమ్మెల్యేలు ఆందోళన చేయగా వారిపై శాసనసభ వ్యవహారాల మంత్రి హరీష్‌ రావు ఫైరయ్యారు. ఆందోళన విరమించాలని కోరినా వినిపించకోకపోవడంతో.. స్పీకర్‌ రెండు రోజుల పాటు వారిని సస్పెండ్‌ చేశారు.

సభలో ప్రభుత్వానికి వ్యతిరేకంగా మాట్లాడిన వారి గొంతునొక్కేస్తున్నారని ...

సభలో ప్రభుత్వానికి వ్యతిరేకంగా మాట్లాడిన వారి గొంతునొక్కేస్తున్నారని కాంగ్రెస్ శాసనసభపక్షనేత జానారెడ్డి ధ్వజమెత్తారు. నిరసనలు, ఆందోళనలు చేసిన వారిని సస్పెండ్ చేయడం.. ప్రజాస్వామ్యానికి మంచిదికాదన్నారు. బీజేపీ సభ్యుల సస్పెన్షన్‌ను వ్యతిరేకిస్తూ సభ నుంచి వాకౌట్‌ చేస్తున్నట్లు తెలిపారు.

ఎస్సీ డెవలెప్‌మెంట్ బిల్లుపై సుదీర్ఘ చర్చ ....

ఎస్సీ డెవలెప్‌మెంట్ బిల్లుపై సుదీర్ఘ చర్చ తర్వాత బిల్లును మంత్రి జగదీష్‌రెడ్డి అసెంబ్లీలో ప్రవేశపెట్టగా.. సభ్యులందరూ బిల్లుకు ఆమోదం తెలిపారు.

21:31 - March 22, 2017
17:41 - March 22, 2017

హైదరాబాద్ : నీటిపారుదల ప్రాజెక్టులపై అసెంబ్లీలో ప్రభుత్వం అవాస్తవాలు చెబుతోందని ఎమ్మెల్యే పొంగులేటి సుధాకర్‌రెడ్డి అన్నారు. ప్రభుత్వం ఎంతసేపు ప్రచారంపైనే దృష్టిపెట్టిందని ఆయన విమర్శించారు. సభలో అర్థవంతమైన చర్చ జరగాలని తాము కోరుకుంటున్నామని పొంగులేటి అన్నారు. రాష్ట్రంలో తాగునీరు, ప్రజారోగ్యం, విద్య , వైద్యరంగాలు దెబ్బతిన్నాయని ఆయన మండిపడ్డారు. అర్థవంతమైన చర్చ జరగాలని, మంచిని స్వాగతిస్తామన్నారు. ప్రజాస్వామ్యానికి ఇది ఆరోగ్యకరం కాదని, ఫీజు రీయింబర్స్ మెంట్ ఇవ్వలేదని ప్రకటనలు ఆకాశంలో ఉంటాయని..అందులో కూడా కోతలుంటాయన్నారు.

 

14:00 - March 22, 2017

హైదరాబాద్ : గత ప్రభుత్వాలు ప్రాజెక్టులకు భూసేకరణ చేయలేదనడం సరికాదని కాంగ్రెస్ జానారెడ్డి అన్నారు. తెలంగాణ అసెంబ్లీలో సాగునీటిపై చర్చ జరిగింది. ఈ సందర్భంగా ఆయన మాట్లాడుతూ గత ప్రభుత్వం భూసేకరణ వల్లే ప్రాజెక్టు పనులు సాగుతున్నాయన్నాయని తెలిపారు.  

 

17:51 - March 20, 2017

హైదరాబాద్: 25 వేల కోట్లతో చేపట్టిన మిషన్‌ కాకతీయతో 46 వేల చెరువులు నింపి రాష్ట్రాన్ని సస్యశామలం చేశామని ప్రభుత్వం గొప్పలు చెప్పుకోవడం విడ్డూరంగా ఉందన్నారు మల్లుభట్టివిక్రమార్క. 9 గంటల విద్యుత్, లక్ష రుపాయల రుణమాఫీతో పాటు మిషన్‌ భగీరథ పనులు గొప్పగా జరిగితే.. రాష్ట్రంలో సాగు విస్తీర్ణం పెరగాలి కానీ తగ్గకూడదన్నారు. 2014-15లో 53 లక్షల హెక్టార్ల సాగుభూములను.. 2015-16 నాటికి 48 లక్షల హెక్టార్లకు కుదించారని ఆరోపించారు.

16:55 - March 20, 2017

హైదరాబాద్: మణిపూర్‌ ముఖ్యమంత్రి బీరేన్‌సింగ్‌ విశ్వాసపరీక్షలో నెగ్గారు. 60 మంది శాసనసభ్యులున్న మణిపూర్‌ అసెంబ్లీలో ముఖ్యమంత్రికి 32 మంది ఎమ్మెల్యేలు మద్దతుగా నిలిచారు. మణిపూర్‌ ఎన్నికల్లో 28 స్థానాలు గెలిచి కాంగ్రెస్ అతిపెద్ద పార్టీగా అవతరించింది. బిజెపికి కేవలం 21 స్థానాలు మాత్రమే వచ్చాయి. ప్రభుత్వ ఏర్పాటుకు మేజిక్‌ ఫిగర్‌ 31. ఈ నెల 15న మణిపూర్‌ ముఖ్యమంత్రిగా బీరేన్‌సింగ్‌, డిప్యూటి సిఎంగా ఎన్‌పిపికి చెందిన జయకుమార్‌ సింగ్‌ ప్రమాణం చేశారు. పీపుల్స్‌ ఫ్రంట్‌కు చెందిన నలుగురు, ఎన్‌పిపికి చెందిన నలుగురు ఎమ్మెల్యేలు, లోక్‌ జనశక్తి ఎమ్మెల్యేల మద్దతుతో బిజెపి ప్రభుత్వాన్ని ఏర్పాటు చేసింది. అతిపెద్ద పార్టీగా అవతరించిన తమకు ప్రభుత్వాన్ని ఏర్పాటు చేసేందుకు అవకాశమివ్వాలని కాంగ్రెస్‌ చేసిన విజ్ఞప్తిని గవర్నర్‌ నజ్మాహెప్తుల్లా తోసిపుచ్చారు. మణిపూర్‌లో తొలిసారిగా బిజెపి అధికారంలోకి వచ్చింది.

Pages

Don't Miss

Subscribe to RSS - కాంగ్రెస్