కాంగ్రెస్

10:03 - December 12, 2018

హైదరాబాద్: మంగళవారం వెలువడిన తెలంగాణా శాసన సభ ఫలితాల్లో గెలుపొందిన వారిలో మహిళల ప్రాతినిధ్యం తగ్గింది. 2014 ఎన్నికల్లో  9 మంది మహిళలు శాసనసభకుఎన్నిక కాగా  2018 ఎన్నికల్లో 6 గురు మహిళలు శాసనసభలో కొలువుదీరనున్నారు. గత ఎన్నికల్లో టీఆర్ఎస్ నుంచి ఆరుగురు,కాంగ్రెస్ పార్టీ నుంచి ముగ్గురు మహిళలు ప్రాతినిధ్యం వహించగా , ఈసారి టీఆర్ఎస్ నుంచి ముగ్గురు పద్మా దేవేందర్ రెడ్డి (మెదక్ 47,983 ఓట్లమెజార్టీ   ),రేఖానాయక్(ఖానాపూర్ 20,522 ఓట్ల మెజార్టీ),గొంగిడి సునీత(ఆలేరు 33,086 ఓట్లమెజార్టీ)  కాంగ్రెస్ నుంచి ముగ్గురు  సీతక్క(డి.అనసూయ... ములుగు 22,671 ఓట్లమెజార్టీ)   సబితా ఇంద్రారెడ్డి(మహేశ్వరం9,227 ఓట్ల మెజార్టీ ),హరిప్రియా నాయక్(ఇల్లందు 2,654 ఓట్ల మెజార్టీ  ) గెలుపొందారు. 
 

 

08:04 - December 12, 2018

రాజస్థాన్ : రాష్ట్రంలో బీజేపీకి ఘోరపరాభవం ఎదురైంది. వసుంధరా రాజే ప్రభుత్వాన్ని ప్రజలు తిరస్కరించారు. ఇక్కడ కాంగ్రెస్ ఘన విజయం సాధించింది. ఏకంగా 101 స్థానాల్లో జయకేతనం ఎగురవేసి అధికారాన్ని చేజిక్కించుకుంది. బీజేపీ మాత్రం 73 స్థానాలతో సరిపెట్టుకుంది. బీఎస్పీ 6 స్థానాల్లో గెలువగా ఇతరులు మాత్రం 19 స్థానాల్లో విజయం సాధించడం విశేషం. 
200 నియోజకవర్గాలు...
రాష్ట్రంలో 200 నియోజకవర్గాలకు 199 స్థానాల్లో డిసెంబర్ 7 పోలింగ్ జరిగింది. రామ్‌గఢ్‌ నియోజకవర్గం నుంచి బరిలో ఉన్న బీఎస్పీ అభ్యర్థి లక్ష్మణ్‌ సింగ్‌ గుండెపోటుతో మరణించడంతో ఆ స్థానానికి పోలింగ్‌ వాయిదా పడింది. బీజేపీ 199, కాంగ్రెస్‌ 194, ఆర్‌ఎల్‌డీ 2, ఎన్‌సీపీ 1, ఎల్‌జేడీ 2 స్థానాల్లో పోటీ చేశాయి. 
వసుంధరా రాజే రాజీనామా...
ఓటమిని అంగీకరించిన సీఎం వసుంధరా రాజే పదవికి రాజీనామా చేశారు. రాజస్థాన్ రాష్ట్ర ప్రభుత్వం తీసుకున్న నిర్ణయాలే కొంప ముంచాయని విశ్లేషకులు అభిప్రాయాలు వ్యక్తం చేస్తున్నారు. నోట్ల రద్దు కారణంతో రాష్ట్రంలో అనేక పరిశ్రమలు మూతపడడం...నిరుద్యోగం అధికం కావడం..రైతులు తీవ్ర సమస్యలు ఎదుర్కొనడంతో ప్రజల్లో తీవ్ర అసంతృప్తి వ్యక్తమౌనట్లు ఓటింగ్ సరళిని బట్టి అర్థమౌతోంది. 
డిసెంబర్ 11 బుధవారం ఉదయం జైపూర్‌లో సమావేశం కానున్నామని..ముఖ్యమంత్రి ఎవరనేది అప్పుడే కొలిక్కి వచ్చే అవకాశం ఉందని కాంగ్రెస్ నేత కేసి వేణుగోపాల్ తెలిపారు. 

07:20 - December 12, 2018

ఛత్తీస్ గడ్ : అధికారం కోసం 15 ఏండ్ల పాటు నిరీక్షణ...సీఎం పీఠంపై కన్ను...అధికారం కోసం దగ్గరగా వచ్చినా ఓటమి...ఎలాగైనా విజయం సాధించాలనే తపన..ఎట్టకేలకు ఆ పార్టీకి ప్రజలు బ్రహ్మరథం పట్టారు. పాలించమని ఓటర్ తీర్పు చెప్పాడు. ఛత్తీస్ గడ్‌లో 15 సంవత్సరాల బీజేపీ పాలన వద్దని..అధికారాన్ని కాంగ్రెస్ చేతికి అందించారు అక్కడి ఓటర్లు. ఇక్కడ హంగ్ ఏర్పడుతుందని ఎగ్జిట్ పోల్స్ అంచనా వేసినా..అది నిజం కాదని తేలింది. 
90 స్థానాలు...
90 స్థానాలకు జరిగిన ఎన్నికల్లో కాంగ్రెస్ 62 స్థానాలు..బీజేపీ 16 స్థానాలు..జనతా కాంగ్రెస్ ఛత్తీస్ గడ్ (జేసీసీ) - బీఎస్పీల కూటమి 6 స్థానాలు సాధించాయి. అధకారానికి దూరంగా ఉండి తీవ్ర నిరాశ నిస్ర్పహల మధ్య ఉన్న కాంగ్రెస్ నేతలు ప్రస్తుతం సంబరాల్లో మునిగితేలుతున్నారు. 
భూపేశ్ భఘాల్ క‌ృతజ్ఞతలు...
ఘన విజయాన్ని అందించిన ప్రజలకు రాష్ట్ర పీసీసీ అధ్యక్షుడు భూపేశ్ భఘాల్ క‌ృతజ్ఞతలు తెలియచేశారు. ప్రభుత్వంపై వ్యతిరేకత ఉందని ప్రజల ఓటు తీర్పు ద్వారా తెలిసిందన్న ఆయన..రాహుల్ గాంధీ నేతృత్వంలో రాష్ట్రంలో బలపడ్డమన్నారు. సీఎం ఎవరనేది అధిష్టానం నిర్ణయిస్తుందన్నారు. 
రాజ్‌నందగావ్‌ నియోజకవర్గంలో రమణ్‌సింగ్‌ గెలుపు...
> వాజ్‌పేయి మేనకోడలు కరుణ్‌ శుక్లా ఓటమి...
బిలాస్‌పూర్‌ నుంచి పోటీ చేసిన పట్టణాభివృద్ధి, కమర్షియల్‌ టాక్స్‌ శాఖ మంత్రి అమర్‌ అగర్వాల్‌ పరాజయం.. 
బిలాస్ పూర్‌లో కాంగ్రెస్‌ అభ్యర్థి శైలేశ్‌ పాండే విజయం...
మంత్రి రాజేశ్‌ మునాత్‌ ఓటమి...

15:57 - December 11, 2018
తెలంగాణ ఎన్నికల ఫలితాలు కొందరికి విచిత్రమైన పరిస్థితిని ఇచ్చాయి. ఒకే ఇంట్లో ఆనందాలు - అపజయాలు ఇచ్చారు ఓటర్లు. అన్నదమ్ములుగా బరిలోకి దిగిన సోదరుల్లో ఒక్కరికి మాత్రమే విజయం ఇచ్చారు. తాండూరు నుంచి టీఆర్ఎస్ పార్టీ నుంచి బరిలోకి దిగిన పట్నం మహీందర్ రెడ్డి ఓడిపోతే.. కొడంగల్ నుంచి బరిలోకి దిగిన అతని తమ్ముడు పట్నం నరేందర్ రెడ్డి సంచలన విజయం సాధించాడు. రేవంత్ రెడ్డిపైనే గెలిచి తెలుగు రాష్ట్రాల్లోనే ఒక్కసారిగా ఫేమస్ అయిపోయారు.
ఖమ్మం జిల్లా మధిర నుంచి పోటీ చేసిన కాంగ్రెస్ వర్కింగ్ ప్రెసిడెంట్ భట్టి విక్రమార్క విజయం సాధిస్తే.. అతని సోదరుడు మల్లు రవి మాత్రం మహబూబ్ నగర్ జిల్లా జడ్చర్లలో ఓడిపోయారు.
మరో టాప్ ఫ్యామిలీ అయిన కోమటిరెడ్డి ఇంట్లోనూ ఇలాంటి పరిస్థితే. నల్గొండ నుంచి పోటీ చేసిన కోమటిరెడ్డి వెంకటరెడ్డి ఓడిపోతే.. అతని తమ్ముడు రాజగోపాల్ మాత్రం మునుగోడు నుంచి గెలుపొందారు. ఇలా ఒకే ఇంట్లో ఆనందాలు - అపజయాలు పలకరించాయి. ఒకరు ఓడినందుకు బాధపడాలో.. మరొకరు గెలిచినందుకు ఆనంద పడాలో కూడా తెలియని అయోమయ పరిస్థితి ఆ కుటుంబ సభ్యుల్లో ఉంది.
పీసీసీ చీఫ్ ఉత్తమ్ కుమార్ రెడ్డి ఇంట్లోనూ బాధాకరమైన వాతావరణం నెలకొంది. పార్టీని అధికారంలోకి తీసుకొచ్చి సీఎం అవుతారు అనుకున్న భర్త ఉత్తమ్ హుజూర్ నగర్ నుంచి గెలుపొందాడు. భార్య పద్మావతి మాత్రం కోదాడ నుంచి ఓడిపోయారు. తాను గెలిచి పార్టీని ఓడించిన భర్తపై సానుభూతి వ్యక్తం చేయాలా లేక పార్టీతోపాటు తాను కూడా ఓడినందుకు చింతించాలా అనే విచిత్రమైన బాధాకరమైన ఆందోళన ఆ ఇంట్లో నెలకొంది.
15:10 - December 11, 2018

తెలంగాణలో టీఆర్ఎస్ ఘన విజయం సాధించింది. ప్రతిపక్షాలు అన్నీ కలిసి కూటమి కట్టినా ప్రయోజనం లేకుండా పోయింది. వచ్చేది మహాకూటమి అనే భ్రమలో.. సీఎం సీటు కోసం తీవ్రంగా ప్రయత్నాలు చేసిన ఎందరో కాంగ్రెస్ నేతల అడ్రస్ గల్లంతు అయ్యింది. సీనియర్లు సైతం ఓటమి పాలయ్యారు.
ఓడిపోయిన కాంగ్రెస్ లీడర్స్ :
జానారెడ్డి, జీవన్ రెడ్డి, దామోదర రాజనర్సింహ, కోమటిరెడ్డి వెంకటరెడ్డి, డీకే అరుణ, రేవంత్ రెడ్డి, పొన్నాల లక్ష్మయ్య, షబ్బీర్ అలీ, సంపత్ కుమార్, పొన్నం ప్రభాకర్, కొండా సురేఖ, వంశీచందర్ రెడ్డి, సర్వే సత్యనారాయణ, మల్లు రవి, ఉత్తమ్ కుమార్ భార్య పద్మావతి రెడ్డి, ఆర్. దామోదర్ రెడ్డి ఉన్నారు.

 

14:07 - December 11, 2018

ఛత్తీస్ గఢ్ : ఛత్తీస్ గఢ్ లో కాంగ్రెస్ హవా కొనసాగుతోంది. అసెంబ్లీ ఎన్నికల ఫలితాల్లో కాంగ్రెస్ జోరులో ఉంది. కాంగ్రెస్ 63 స్థానాల్లో లీడ్ లో కొనసాగుతోంది. బీజేపీ 21 స్థానాల్లో ఆధిక్యంలో ఉంది. జేసీపీ 5 స్థానాల్లో లీడ్ లో ఉంది. ఇతరులు 1 స్థానంలో ఆధిక్యంలో కొనసాగుతున్నారు. మొత్తం 90 స్థానాలకు కౌంటింగ్ జరుగుతోంది. 

 

13:50 - December 11, 2018

భూపాల్ : మధ్యప్రదేశ్ అసెంబ్లీ ఎన్నికల ఫలితాలు హోరా హోరిగా సాగుతున్నాయి. కాంగ్రెస్, బీజేపీ నువ్వానేనా రీతిలో కొనసాగుతున్నాయి. కాంగ్రెస్ 111 స్థానాల్లో, బీజేపీ 108 స్థానాల్లో, బీఎస్ పీ 5 స్థానాల్లో ఆధిక్యంలో ఉన్నాయి. ఇతరులు 12 స్థానాల్లో ఆధిక్యంలో కొనసాగుతున్నారు. సర్వత్రా ఉత్కంఠ నెలకొంది. మొత్తం 230 అసెంబ్లీ స్థానాలకు కౌంటింగ్ జరుగోంది. 

 

 

13:29 - December 11, 2018

జైపూర్ : రాజస్థాన్ అసెంబ్లీ ఎన్నికల ఫలితాల్లో కాంగ్రెస్ ముందజలో ఉంది. హస్తం పార్టీ ఆధిక్యంలో కొనసాగుతోంది.  9 స్థానాల్లో కాంగ్రెస్ విజయం సాధించింది. 3 స్థానాల్లో బీజేపీ గెలుపొందింది. ఇతరులు 1 స్థానంలో విజయం సాధించించారు. కాంగ్రెస్ 92 స్థానాల్లో, బీజేపీ 69 స్థానాల్లో ఆధిక్యంలో ఉన్నాయి. ఇతరులు 25 స్థానాల్లో ఆధిక్యంలో కొనసాగుతున్నారు. మొత్తం 199 అసెంబ్లీ స్థానాలకు కౌంటింగ్ జరుగుతోంది. ఎన్నికల ఫలితాల విడుదల నేపథ్యంలో సర్వత్రా ఉత్కంఠ నెలకొంది.

 

13:17 - December 11, 2018

తెలంగాణ అసెంబ్లీ ఎన్నికల ఫలితాల్లో టీఆర్ఎస్ సీనియర్ నేతలు, మాజీ మంత్రులు తుమ్మల నాగేశ్వరరావు, జూపల్లి కృష్ణారావులకు ఊహించని షాక్ తగిలింది. పాలేరులో తుమ్మల నాగేశ్వరరావు, కొల్లాపూర్‌లో జూపల్లి కృష్ణారావు పరాజయం పాలయ్యారు. పాలేరులో కాంగ్రెస్ అభ్యర్థి కందాల ఉపేందర్‌రెడ్డి 1950 ఓట్ల తేడాతో తుమ్మలపై గెలుపుపొందారు. కొల్లాపూర్‌లో కాంగ్రెస్ అభ్యర్థి బీరం హర్షవర్ధన్ రెడ్డి గెలిచారు. రాష్ట్రం అంతా టీఆర్ఎస్ ప్రభంజనం కనిపించింది. ఇలాంటి పరిస్థితుల్లో తుమ్మల, జూపల్లి ఓడిపోవడం టీఆర్ఎస్ శ్రేణులను షాక్‌కు గురి చేసింది.

06:35 - December 11, 2018

హైదరాబాద్: తెలంగాణ ఎన్నికల్లో విజయం సాధించేదెవరు..? అధికారాన్ని అందుకునేదెవరు..? ఈ ప్రశ్నలకు సమాధానం ఇచ్చే.. కౌంటింగ్‌ ప్రక్రియ ఉదయం 8 గంటలకు మొదలవుతుంది. గంటలోనే పోలింగ్ సరళి తెలిసిపోనుంది. విజేతలెవరో తేల్చే కౌంటింగ్‌ను పక్కాగా నిర్వహించడానికి ప్రత్యేక ఏర్పాట్లు చేసింది ఈసీ. కట్టుదిట్టమైన భద్రత నడుమ లెక్కింపు కార్యక్రమాన్ని నిర్వహించనుంది.
మ.12గంటలకు విజేతలపై క్లారిటీ:
119 నియోజకవర్గాల్లో ఎన్నికలు ముగిశాయి. ప్రజాతీర్పు ఈవీఎంలలోకి చేరింది. ఆ తీర్పు ఎటువైపు ఉండనుందో తెలిసేందుకు సమయం దగ్గర పడుతోంది. ప్రజలు ఎవరికి పట్టం కట్టనున్నారో తేలిపోనుంది. 119 స్థానాలకు కౌంటింగ్ ఉ.8గంటలకు ప్రారంభమవుతుంది. మధ్యాహ్నం 12గంటల వరకే ఎవరు గెలుస్తారనే దానిపై స్పష్టత వచ్చే అవకాశం ఉంది. అయితే తుది ఫలితం మాత్రం సాయంత్రం నాలుగు తర్వాతే రానుంది. ఈ ప్రక్రియకు సంబంధించిన ఏర్పాట్లను ఎన్నికల సంఘం ఇప్పటికే పూర్తి చేసింది. ఒక్కో కౌంటింగ్ కేంద్రంలో 14 టేబుళ్లతో పాటు రిటర్నింగ్‌ అధికారికి అదనంగా మరో టేబుల్‌ను సిద్ధం చేసింది.
తొలుత పోస్టల్ బ్యాలెట్ ఓట్ల లెక్కింపు:
కౌంటింగ్‌కు ముందు ప్రిసైడింగ్‌ అధికారి సంతకంతో ఉన్న 17 సీ ఫారం వివరాలు ఏజెంట్లకు తెలియచేస్తారు. ఇందులో పోలైన ఓట్ల వివరాలు నమోదై ఉంటాయి. దీని ఆధారంగా పోలైన ఓట్లు, ఈవీఎం వారీగా లెక్క సరి చూసుకుంటారు. అనంతరం కౌంటింగ్‌ ప్రక్రియ మొదలవుతుంది. మొదటి అరగంటలో పోస్టల్‌ బ్యాలెట్‌ ఓట్లను లెక్కించి.. ఆ తర్వాత ఈవీఎంల్లోని ఓట్లను లెక్కిస్తారు. ఒక్కో రౌండ్‌లో 14 ఈవీఎంల ఫలితాలు వెల్లడిస్తారు. పోలింగ్ కేంద్రాల సంఖ్యను బట్టి...రౌండ్ల లెక్కింపు ఉంటుంది. ప్రతి కౌంటింగ్ టేబుల్ వద్ద సూపర్‌వైజర్, అసిస్టెంట్ సూపర్‌వైజర్, మైక్రో అబ్జర్వర్‌ ఉంటారు. ఈ ప్రక్రియ అంతా అధికారుల పర్యవేక్షణలో.. అన్ని పార్టీల ఏజెంట్ల సమక్షంలో జరగనుంది. ప్రతి రౌండ్ ఫలితాన్ని వారు పరిశీలించిన తర్వాతనే వెల్లడిస్తారు. కౌంటింగ్‌ పూర్తయిన తర్వాత అభ్యర్థులు, ఏజెంట్ల సమక్షంలో ఏదయినా వీవీ ప్యాట్‌లోని ఓటర్‌ స్లిప్పులను లెక్కిస్తారు. ఈ ప్రక్రియనంతా పరిశీలించేందుకు ప్రత్యేక బృందాలను కూడా నియమించింది ఈసీ. ఫ్లయింగ్‌ స్క్వాడ్‌లు, స్పెషల్‌ టీమ్‌లను ఏర్పాటు చేసింది.
ఎలాంటి సమస్య వచ్చినా వెంటనే పరిష్కారం:
ఇక ఈవీఎంలలో ఎలాంటి ప్రాబ్లమ్‌ వచ్చినా వెంటనే బాగు చేయడానికి టెక్నీషియన్స్‌ను కూడా కౌంటింగ్‌ సెంటర్ల దగ్గర ఉండేలా చర్యలు తీసుకుంది. ఇక రిజల్ట్‌ ఎప్పటికప్పుడు డిస్‌ప్లే అయ్యేలా కౌంటింగ్‌ సెంటర్లలో స్క్రీన్స్‌ను కూడా ఏర్పాటు చేసింది. మరోవైపు కౌంటింగ్‌ సెంటర్స్‌ దగ్గర మూడంచెల్లో భద్రతా సిబ్బందిని నియమించింది. మొత్తంగా కౌంటింగ్‌ కోసం పకడ్బందీ ఏర్పాట్లతో సిద్ధమైంది ఈసీ.

Pages

Don't Miss

Subscribe to RSS - కాంగ్రెస్