కాల్పులు

09:54 - July 12, 2018

వరంగల్ : అమెరికాలో కన్సాస్ రెస్టారెంట్‌లో ఓ ఉన్మాది కాల్పుల్లో మృతి చెందిన శరత్‌ మృతదేహం.... ఆయన స్వస్థలమైన వరంగల్‌లోని కరీమాబాద్‌కు చేరుకుంది. శరత్ మృతదేహాన్ని చూసి తల్లిదండ్రులు కన్నీరుమున్నీరైయ్యారు. పలువురు నాయకులు శరత్ మృతదేహానికి నివాళులర్పించారు. స్థానిక ప్రజా ప్రతినిధులు శరత్ తల్లిదండ్రులు మాలతి, రామ్మోహన్, కుటుంబసభ్యులను ఓదార్చారు. కరీమాబాద్ లోని స్మశాన వాటికలో అతని అంత్యక్రియలు నిర్వహించనున్నారు. ఘటనపై మంత్రి కేటీఆర్, డిజిపి మహేందర్ రెడ్డి, కేంద్రమంత్రి సుష్మాస్వరాజ్ లకు శరత్ తల్లిదండ్రులు నివేదిక ఇచ్చారు. తమకు న్యాయం చేయాలని కోరారు. అమెరికాలోని భారతీయులకు రక్షణకు చర్యలు తీసుకోవాలన్నారు. అమెరికా కన్సాస్‌లోని ఒక రెస్టారెంట్‌లో ఓ దుండగుడు దొంగతనానికి ప్రయత్నించాడు. అక్కడే ఉన్న తెలంగాణ విద్యార్థి కొప్పు శరత్‌ దొంగతనాన్ని అడ్డుకోబోయినందుకు ఆ దొంగ తుపాకీతో ఐదు రౌండ్లు కాల్పులు జరిపి పారిపోయాడు. ఈ ఘటనలో శరత్ అక్కడికక్కడే మృతి చెందాడు. 
ఘటన జరిగిన తీరు...
రెస్టారెంట్‌ యజమాని షాహిద్ తెలిపిన వివరాల ప్రకారం రెస్టారెంట్‌లో ఐదుగురు సిబ్బంది పనిచేస్తున్నారు. శుక్రవారం సాయంత్రం ఓ గుర్తుతెలియని వ్యక్తి లోపలికి వచ్చాడు. అతడిని చూడగానే అక్కడున్నవారంత భయపడ్డారు. ఆ వ్యక్తి వెంటనే గన్‌ బయటికి తీసి అందరినీ బెదిరించాడు. అయితే అతడిని శరత్‌ అడ్డుకున్నాడు. శరత్‌ను యజమాని వారించే సరికి దుండగుడి నుంచి తప్పించుకునే ప్రయత్నం చేశాడు. కానీ ఆ వ్యక్తి శరత్‌పై కాల్పులు జరిపాడు. శరత్‌ వెనకవైపు బలంగా తూటాలు తగిలాయి. దీంతో అక్కడే అతడు కుప్ప కూలిపోయాడు. పోలీసులకు కాల్‌ చేసేలోపే దుండగుడు పారిపోయాడు రెస్టారెంట్‌ యజమాని తెలిపారు. ఆస్పత్రిలో చికిత్స పొందుతూ శరత్‌ మృతి చెందినట్లు స్నేహితులు కుటుంబ సభ్యులకు సమాచారమిచ్చారు.
శరత్‌ స్వస్థలం కరీమాబాద్‌...
శరత్‌ స్వస్థలం వరంగల్‌ నగరంలోని కరీమాబాద్‌. తండ్రి రామ్మోహన్‌ హైదరాబాద్‌లో బీఎస్‌ఎన్‌ఎల్‌లో ఉద్యోగి. తల్లి మాలతి వరంగల్‌ గ్రామీణ జిల్లా పర్వతగిరిలో పంచాయతీరాజ్‌ శాఖలో ఈవోఆర్డీగా పనిచేస్తున్నారు. రామ్మోహన్‌.. కుటుంబంతో హైదరాబాద్‌ అమీర్‌పేటలోని ధరంకరం రోడ్డులో నివసిస్తున్నారు. వీరికి ఒక కుమారుడు, కుమార్తె ఉన్నారు. ఇంజినీరింగ్‌ పూర్తి చేసిన శరత్‌ హైదరాబాద్‌లోనే మూడేళ్లపాటు ఉద్యోగం చేశాడు. ఎంఎస్‌ చేసేందుకు ఆరు నెలల కిందట అమెరికా వెళ్లాడు. మిస్సోరి యూనివర్సిటీలో చదువుకుంటూనే కన్సాస్‌ నగరం ప్రాస్పెక్ట్స్‌ అవెన్యూలోని జేఎస్‌ ఫిష్‌ అండ్‌ చికెన్‌ మార్కెట్‌ అనే ఓ హోటల్‌లో తాత్కాలిక ఉద్యోగం చేస్తున్నాడు. అక్కడే కాల్పుల ఘటన చోటుచేసుకుంది.

 

09:34 - June 29, 2018

వాషింగ్టన్ : అమెరికాలో మళ్లీ దుండగులు చెలరేగారు. జర్నలిస్టులను టార్గెట్ చేసుకుని కాల్పులు జరిపారు. మేరిల్యాండ్ లోని ''క్యాపిటల్ గెజిట్'' దినపత్రికా కార్యాలయంలో కాల్పులు జరిగాయి. కాల్పుల్లో ఐదుగురు మృతి చెందారు. మరో 20 మందికి గాయాలు అయ్యాయి. కాల్పులు జరిపిన వ్యక్తిని మేరిల్యాండ్ పోలీసులు అదుపులోకి తీసుకున్నారు. పత్రిక కార్యాలయంలో పోలీసులు విస్తృత తనిఖీలు చేస్తున్నారు.  

 

18:14 - June 18, 2018

ఢిల్లీ : దేశ రాజధాని ఢిల్లీలో జరిగిన గ్యాంగ్‌ వార్‌ భయభ్రాంతులకు గురిచేసింది. బురాడీలోని సంత్‌నగర్‌లో టిల్లు, గోగి గ్యాంగ్‌లు పరస్పరం కాల్పులు జరుపుకున్నాయి. ఈ కాల్పుల్లో ఓ మహిళతో పాటు ముగ్గురు మృతి చెందారు. మరో ఐదుగురికి గాయాలయ్యాయి. మృతుల్లో టిల్లు గ్యాంగ్‌కు చెందిన రాజు కూడా ఉన్నాడు. వార్‌కు సంబంధించిన విజువల్స్‌ సిసిటివీలో రికార్డ్‌ అయ్యాయి. సమాచారం అందుకున్న పోలీసులు ఘటనా స్థలానికి చేరుకుని దర్యాప్తు చేపట్టారు. ఇరువర్గాలు వారు స్కార్పియో, ఫార్చునర్‌ వాహనాల్లో వచ్చారు. స్కార్పియో వచ్చిన యువకులు ప్రతిరోజూ జిమ్‌కు వెళ్తారు. జిమ్‌ నుంచి వెళ్లే సమయంలో ఫార్చునర్‌లో వచ్చిన దుండగులు ఇద్దరు యువకులపై కాల్పులు జరిపినట్లు పోలీసులు తెలిపారు. గోగి, టిల్లు గ్యాంగ్‌ల మధ్య చాలాసార్లు గ్యాంగ్‌ వార్‌ జరిగింది. అలీపూర్‌కు చెందిన గోగిపై ఎన్నో కేసులున్నాయని పోలీసులు చెప్పారు. 

17:40 - June 16, 2018

జమ్ము కశ్మీర్ : ఈద్‌ వేళ కూడా పాకిస్తాన్‌ కవ్వింపు చర్యలను ఆపలేదు. జమ్ముకశ్మీర్‌ నియంత్రణ రేఖ వద్ద నౌషెరా సెక్టార్‌లో పాకిస్తాన్‌ కాల్పుల విరమణ ఒప్పందాన్ని ఉల్లంఘించింది. సరిహద్దులో పాక్‌ రేంజర్లు జరిపిన కాల్పుల్లో భారత జవాను వికార్‌ గురుంగ్‌ అమరుడయ్యాడు. ఆర్నియా సెక్టార్‌లోనూ ఉదయం 4 గంటల నుంచి పాక్‌ రేంజర్స్‌ కాల్పులు జరుపుతున్నట్లు భారత ఆర్మీ వెల్లడించింది. పాకిస్తాన్‌ కాల్పులను బిఎస్‌ఎఫ్‌ సమర్థంగా తిప్పికొట్టింది. పవిత్ర రంజాన్‌ మాసంలోను పాకిస్తాన్‌ పదిసార్లు కాల్పుల విరమణను ఉల్లంఘించడం గమనార్హం. పాకిస్తాన్ తరచూ కాల్పుల విరమణ ఉల్లంఘనకు పాల్పడుతుండడంతో పండగలపై కూడా ప్రభావం చూపుతోంది. ఈద్‌ సందర్భంగా వాఘా సరిహద్దులో భారత భద్రతాదళాలు, పాక్‌ రేంజర్లు మిఠాయిలు ఇచ్చిపుచ్చుకోలేదు. జాతీయ పండగలు, ప్రత్యేక సందర్భాల్లో సరిహద్దులో ఇరు దేశాల సైనికులు స్వీట్లు ఇచ్చిపుచ్చుకోవడం ఆనవాయితీ.

10:44 - June 13, 2018

జమ్మూకాశ్మీర్ : పాకిస్తాన్ పదేపదే కవ్వింపు చర్యలకు పాల్పడుతోంది. మళ్ళీ కాల్పుల విరమణ ఒప్పందాన్ని ఉల్లంఘించింది. సాంబా జిల్లా చంబ్లియాల్ సెక్టార్‌లో పాక్ బలగాలు జరిపిన కాల్పుల్లో నలుగురు బీఎస్‌ఎఫ్ జవాన్లు మృతి చెందారు. మరో ఐదుగురు బీఎస్‌ఎఫ్ జవాన్లు గాయపడ్డారు. క్షతగాత్రులు జమ్మూకాశ్మీర్ గవర్నమెంట్ మెడికల్ కాలేజీలో చికిత్స పొందుతున్నారు. కాల్పులను సహించేదిలేదని..ధీటైన సమాధానం చెబుతామని బీఎస్ ఎఫ్ అధికారులు నుంచి 
సమాచారం వస్తోంది. రాత్రి పదిన్నర నుంచి తెల్లవారుజామున 4.30 గంటల వరకు కాల్పులు కొనసాగినట్లు తెలుస్తోంది. 

 

08:59 - June 13, 2018

జమ్మూకాశ్మీర్ : పాకిస్తాన్ మరోసారి కాల్పుల విమరణ ఒప్పందాన్ని ఉల్లంఘించింది. సాంబా జిల్లా చంబ్లియాల్ సెక్టార్ లో పాకిస్తాన్ బలగాలు కాల్పులు జరిపాయి. ఈ ఘటనలో నలుగురు బీఎస్ ఎఫ్ జవాన్లు మృతి చెందారు, మరో ఐదుగురికి గాయాలయ్యాయి.

 

16:18 - May 30, 2018

తమిళనాడు : రాష్ట్ర ప్రభుత్వ అసమర్థత వల్లే కాల్పుల ఘటన జరిగిందని రజనీకాంత్ విమర్శించారు. తమిళనాడు తూత్తుకుడిలో జరిగిన కాల్పుల ఘటనపై సూపర్‌స్టార్‌ రజనీకాంత్‌ స్పందించారు. ప్రభుత్వ అసవర్థత వల్లే కాల్పుల ఘటన జరిగిందని ఆగ్రహం వ్యక్తం చేశారు. ప్రభుత్వసుప్రతిలో చికిత్స పొందుతున్న బాధితులను పరామర్శించి మృతుల కుటుంబాలను ఓదార్చారు.  

19:13 - May 5, 2018

జమ్ముకశ్మీర్‌ : జరిగిన ఎన్‌కౌంటర్‌లో ముగ్గురు ఉగ్రవాదులు హతమయ్యారు. శ్రీనగర్ ఛత్తాబల్ ప్రాంతంలో లష్కరే తోయిబాకు చెందిన ఇద్దరు ఉగ్రవాదులు సంచరిస్తున్నట్లు భద్రతా బలగాలకు సమాచారం అందింది. ఈ నేపథ్యంలో భద్రతా బలగాలు ఉదయం కూంబింగ్ నిర్వహించాయి. ఓ ఇంట్లో తలదాచుకున్న ముగ్గురు ఉగ్రవాదులు.. భద్రతా దళాలపై కాల్పులు జరిపారు. దీంతో భద్రతా బలగాలు జరిపిన కాల్పుల్లో ముగ్గురు ఉగ్రవాదులు హతమయ్యారు. ఎదురుకాల్పుల్లో సీఆర్పీఎఫ్ జవాను గాయపడ్డాడు. ముందు జాగ్రత్తగా ఛత్తాబల్ ప్రాంతంలో ఇంటర్నెట్ సేవలను నిలిపివేశారు. ఎన్‌కౌంటర్‌ జరుగుతున్న ప్రాంతంలో ఓ పౌరుడు రోడ్డు ప్రమాదానికి గురై మృతి చెందాడు.

16:46 - May 2, 2018

ఢిల్లీ : ఉత్తర భారత దేశంలో పెళ్లి వేడుకలు, ఉత్సవాల్లో కాల్పులు జరపడం సర్వసాధారణమే.. తాజాగా బిహార్‌లో ఓ పోలీస్ ఉన్నతాధికారి ఫేర్‌వెల్‌ పార్టీలో అత్యుత్సాహం ప్రదర్శించారు. తనని సిబిఐకి ట్రాన్స్‌ఫర్‌ చేశారన్న ఆనందంలో ఎస్పీ సిద్ధార్థ్‌ మోహన్‌ జైన్ గాల్లోకి పది రౌండ్ల కాల్పులు జరిపారు. ప్రస్తుతం దీనికి సంబంధించిన వీడియో సోషల్‌ మీడియాలో వైరల్‌గా మారింది. రైల్వే గోల్ఫ్ గ్రౌండ్స్‌లో ఏర్పాటు చేసిన ఫేర్‌వెల్ పార్టీలో ఓ వ్యక్తి పాట పాడుతుండగా.. పక్కనే ఉన్న జైన్ గాల్లోకి కాల్పులు జరిపారు. ఈ ఫైరింగ్‌లో ఎవరూ గాయపడకపోయినా ఓ పోలీస్‌ అధికారి ఇలా నిర్లక్ష్యంగా కాల్పులు జరపడాన్ని తీవ్రంగా పరిగణిస్తున్నారు. దీనిపై కఠిన చర్యలు తీసుకుంటామని అధికారులు చెప్పారు.

13:14 - April 16, 2018

హైదరాబాద్ : దేశ వ్యాప్తంగా సంచలనం సృష్టించిన మక్కా మసీదు పేలుళ్ల కేసును నాంపల్లి న్యాయస్థానం కొట్టివేసింది. ఈకేసులో ఆరోపణలు ఎదుర్కొంటున్న ఐదుగురు నిందితులను ఎన్ఐఏ ప్రత్యేక కోర్టు నిర్దోషులుగా ప్రకటించింది. దేవేందర్ గుప్తా, లోకేశ్ శర్మ, స్వామి ఆసీమానంద, భరత్ భాయి, రాజేందర్ చౌదరిలపై అభియోగాలు నిరూపించడంలో ప్రాసిక్యూషన్ విఫలమైందని న్యాయస్థానం వ్యాఖ్యానించింది.

పూర్వాపరాలు..
చార్మినార్ సమీపంలోని మక్కా మసీదు ఆవరణలోల గల బాంబు పేలడంతో 9మంది మృతి చెందారు. 58మంది గాయపడ్డారు. 2007 మే 18వ తేదీ మధ్యాహ్నం ఈ ఘటన చోటు చేసుకుంది. పేలుడు అనంతరం జరిగిన అలర్లను అదుపులోకి తెచ్చేందుకు పోలీసులు జరిపిన కాల్పుల్లో మరో 9 మంది మృతి చెందారు. ఘటన తీవ్రతతో దర్యాప్తును సీబీఐ చేపట్టింది. ఈ నేపథ్యంలో 2011 ఏప్రిల్ 4వ తేదీన జాతీయ దర్యాప్తు సంస్థకు భారత హోం మంత్రిత్వ శాఖ అప్పగించింది. మొత్తం పదిమంది నిందితులను ఎన్ఐఏ గుర్తించింది. 2014 ఫిబ్రవరి 13న నిందితులపై అభియోగాలు నమోదయ్యాయి. నవంబర్ 19వ తేదీన కీలక నిందితుడు నాబకుమార్ సర్కార్ అలియాస్ ఆసీమానంద చిక్కడంతో కుట్రకోణం వెలుగు చూసినట్లైంది. ఈ పేలుడు ఘటనతో సంబంధం ఉన్న రతేశ్వర్ అలియాస్ భారత్ భాయి, మధ్యప్రదేశ్ కు చెందిన రాజేందర్ చౌదరి అలియాస్ సముందర్ పోలీసులకు చిక్కారు. సందీప్ వి డాంగే, రామచంద్ర కల్సంగ్రా రాంజీ లు ఇంకా దొరకలేదు. మరో నిందితుడు సునీల్ జోషి పేలుడు జరిగిన ఏడాదే హత్యకు గురయ్యాడు. 

Pages

Don't Miss

Subscribe to RSS - కాల్పులు