కృష్ణా

15:45 - August 20, 2018

కృష్ణా : రెండు రోజులుగా కురుస్తున్న భారీ వర్షాలతో కృష్ణాజిల్లా వ్యాప్తంగా జనజీవనం స్తంభించిపోయింది. లోతట్టు ప్రాంతాలు జలమయం అయ్యాయి. అనేక కాలనీలోకి వరద నీరు వచ్చి చేరడంతో స్థానికులు ఇబ్బందులు పడుతున్నారు. వాగులు, వంకలు పొంగి పొర్లడంతో రాకపోకలకు తీవ్ర ఇబ్బంది తలెత్తింది. కృష్ణా జిల్లాలో వరద పరిస్థితి మరింత దారుణంగా తయారయ్యింది. 

11:21 - August 20, 2018

కృష్ణా : గత మూడు రోజులుగా జిల్లా వ్యాప్తంగా వర్షాలు చుట్టుముట్టాయి. వర్షాలకు వాగులు..వంకలు పొంగి పొర్లుతున్నాయి. దీనితో జనజీవనం..రవాణా వ్యవస్థ స్తంభించింది. జగ్గయ్యపేట, నందిగామ, తిరువూరు తదితర ప్రాంతాల్లో రహదారులు కొట్టుకపోయాయి. దాదాపు 35 గ్రామాలకు రాకపోకలు నిలిచిపోయాయి. మున్నలేరు, తమ్మిలేరులలో భయానక పరిస్థితులు నెలకొన్నాయి. రోడ్లపైకి వరదనీరు ప్రవహిస్తోంది. ఉంగుటూరు మండలంలో ఒక వాగు తీవ్రత వల్ల రోడ్డు కొట్టుకపోడంతో 8 గ్రామాలకు సంబంధాలు కట్ అయ్యాయి. వాగులు..వంకలు పొంగి పొర్లుతుండడంతో పాములు కొట్టుకొస్తున్నాయి. దీనితో పలు గ్రామాల ప్రజలు పాము కాటుకు గురవుతున్నారు. ఇప్పటి వరకు 40 మంది పాము కాటు బాధితులు ఆసుపత్రిలో చేరినట్లు సమాచారం. 

జగ్గయ్యపేట నియోజకవర్గంలో మున్నెరు వాగు ఉధృతంగా ప్రవహిస్తోంది. చందర్లపాడు, వీర్లపాడు గ్రామాల్లో ఇదే పరిస్థితి నెలకొంది. పలు గ్రామాలకు రవాణా వ్యవస్థ నిలిచిపోయింది. పన్నేరువాగు ఉధృతికి నాలుగు గ్రామాలకు సంబంధాలు తెగిపోయాయి. విజయవాడ దుర్గగుడి ఘాట్ వద్ద కొండచరియలు విరిగిపడుతున్నాయి. మొదట విరిగిన కొండచరియకు ఎలాంటి ప్రమాదం జరగలేదు. కానీ తాజాగా మరో కొండచరియ విరిగిపడడంతో నలుగురికి గాయాలయాయ్యాయని తెలుస్తోంది. విజయవాడ పరిసర ప్రాంతాల్లో నీళ్లు నిలిచిపోయాయి. మరింత సమాచారం కోసం వీడియో క్లిక్ చేయండి. 

10:14 - August 20, 2018

కృష్ణా : జిల్లా వ్యాప్తంగా భారీ వర్షాలు కురుస్తున్నాయి. ఉంగుటూరు మండలం వెంటక్రామపురంలో పన్నేరు వాగు ఉధృతంగా ప్రవహిస్తోంది. దీని ఉధృతికి రహదారి కొట్టుకపోయింది. నాలుగు గ్రామాల ప్రజలు జలదిగ్భందంలో చిక్కుకపోయాయి. తాగునీటి సరఫరా గ్రామాలకు నిలిచిపోయింది. నందిగామ మండలంలో కూడా ఇదే పరిస్థితి నెలకొంది. చందాపురం నల్లవాగు వద్ద వరదనీరు బ్రిడ్జీ మీదకు వచ్చి చేరింది. దీనితో వాహనదారులు తీవ్ర ఇబ్బందులు పడుతున్నారు.

తిరువూరు, ఛాత్రాయి మండలాల్లో రహదారులు కొట్టుకపోవడంతో రాకపోకలు స్తంభించిపోయాయి. విజయవాడలోని దొగ్గుగొడలో కొండచరియలు విరిగిపడిపోవడంతో ముగ్గురికి గాయాలయ్యాయి. కృష్ణా నదికి వరద ఉధృతి పెరగడంతో గేట్లను ఎత్తివేశారు. లోతట్టు ప్రాంతాల వాసులు బిక్కు బిక్కుమంటూ గడుపుతున్నారు. కృష్ణా..పశ్చిమగోదావరి జిల్లాల్లో పాఠశాలలకు సెలవులు ప్రకటిస్తున్నట్లు ఆయా జిల్లాల కలెక్టర్లు ప్రకటించారు. ఎన్డీఆర్ఎఫ్ బృందాలు, రెవెన్యూ యంత్రాంగం, పోలీసులు రంగంలోకి దిగి ప్రజలను సురక్షిత ప్రాంతాలకు తరలించేందుకు ఏర్పాట్లు చేస్తున్నారు. 

20:04 - August 19, 2018

విజయవాడ : అభివృద్ధికి ఆమడ దూరంలో ఉంది విజయవాడ రైల్వేస్టేషన్‌. ట్రాఫిక్‌ ఇబ్బందుల వల్ల బస్సులు ఆలస్యమవుతుండడం మనం ఎక్కువగా చూస్తుంటాం. కాని ఇక్కడ రైళ్లే ఆలస్యంగా వస్తుంటాయి. దీంతో ప్రయాణికుల విలువైన సమయం వృధా అవుతోంది. ఈ తీరు మారకపోతే మున్ముందు ఇబ్బందులు ఎదుర్కోవాల్సి వస్తుందని స్వయంగా కాగ్‌ తన నివేదికలో పేర్కొంది. 
రైల్వేస్టేషన్‌ తీరుపై నివేదిక సిద్ధం చేసిన కాగ్‌
దేశంలోనే రైల్వేలకు అధిక ఆదాయాన్ని సమకూరుస్తున్న విజయవాడ రైల్వే జంక్షన్‌ అభివృద్ధిలో మాత్రం పట్టాలెక్కడంలేదు. స్టేషన్‌ అభివృద్ధి ఎలా ఉన్నా రైళ్ల రాకపోకల్లో తీవ్ర జాప్యం జరుగుతుండడం ప్రయాణికులను విస్మయానికి గురి చేస్తుంది. ఈ తీరు మారకపోతే ఇబ్బందులు తప్పవని కాగ్‌ తన నివేదికలో పేర్కొనడం రైల్వేశాఖలో హాట్‌ టాపిక్‌గా మారింది. 
స్టేషన్‌లో నిత్యం 750కి పైగా రైళ్ల రాకపోకలు
స్టేషన్‌లో నిత్యం 750కి పైగా రైళ్ల రాకపోకలు సాగిస్తుంటాయి. సాధారణ రోజుల్లో లక్ష మంది, పండగ సమయాల్లో 1.50 లక్షల మంది ప్రయాణాలు సాగిస్తుంటారు. ఇంత మంది ప్రయాణికులకు అనుగుణంగా మౌలిక వసతులు, రైల్వే సమాచారం చేరివేయడం, రైళ్ల రాకపోకల సమయాల్లో ఉన్న పూర్తి వైఫల్యాలను కాగ్‌ ఎండగట్టింది. ప్రతి రోజూ గంటల కొద్దీ ఆసల్యం కారణంగా ప్రయాణికులు ఇబ్బంది పడుతున్నట్లు కాగ్‌ పరిశీలనలో తేలింది. సగటున 18 నిమిషాల చొప్పున ప్రయాణికుల టైమ్‌ వేస్ట్‌ అవుతున్నట్లు కాగ్‌ లెక్కలతో సహా నివేదికల్లో పొందుపర్చింది. 
రైల్వే ఇంటర్‌ లింకింగ్‌ సిగ్నల్‌ వ్యవస్థ ఆధునికీకరణ
ఇటేవలే రైల్వే రూట్‌ ఇంటర్‌ లింకింగ్‌ సిగ్నల్‌ వ్యవస్థను ఆధునీకరించారు. వారం రోజుల పాటు 241 రైళ్లను రద్దు చేయగా 361 రైళ్లను పాక్షికంగా రద్దు చేశారు. 215 రైళ్లను దారి మళ్లించారు. 50 కోట్ల వ్యయంతో లాకింగ్‌ సిగ్నల్‌ వ్యవస్థను ఆధునీకరించినా ప్రయోజనం లేదు. కేవలం సిగ్నల్‌ వ్యవస్థ ఆధునికీకరణ సరిగా లేకపోవడం, ప్లాట్‌ ఫారంల సంఖ్యను పెంచకపోవడం, యార్డు ఆధునికీకరణ చేయకపోవడంతో ఈ పరిస్థితి తలెత్తింది. తక్షణం ప్లాట్‌ ఫామ్‌ల విస్తరణ పెంచి, యార్డు పునరుద్ధరించి, ఆటోమేటిక్‌ బ్లాక్‌ సిగ్నలింగ్‌ వ్యవస్థను త్వరితగతిన పూర్తి చేయాలని కాగ్‌ అధికారులకు తెలిపింది. ఇక రైల్వే స్టేషన్‌ పరిస్థితిపై ప్రయాణికులు తీవ్ర అసంతృప్తితో ఉన్నారు. ప్రయాణికుల సమస్య తలెత్తకుండా చూడాలని, త్వరిత గతిన సౌకర్యాలను మెరుగుపరచాల్సిన అవసరం ఉందని ప్రయాణికులు కోరుతున్నారు. 
లోపాలను సరిదిద్దుకునేందుకు దృష్టిసారించిన అధికారులు  
కాగ్‌ ఎత్తి చూపిన లోపాలను సరిదిద్దుకునేందుకు రైల్వేశాఖ అధికారులు దృష్టిసారించారు. స్టేషన్‌లో నెలకొన్న ఇబ్బందులను తొలగించేందుకు ఉన్నతాధికారులు సిద్ధమయ్యారు. ప్రయాణికులకు కావాల్సిన రైల్వే సమాచారాన్ని తెలిపేందుకు 450 పేజీలతో దక్షిణ జోన్‌ రైళ్ల వివరాలతో పుస్తకాన్ని విడుదల చేశారు. స్టేషన్‌ను మరింత అభివృద్ధి చేసేలా ప్రణాళికలు సిద్ధం చేస్తున్నారు. రైల్వే స్టేషన్‌ బయట రైళ్లు ఎక్కువసేపు నిలిచిపోకుండా ప్లాన్‌ చేస్తున్నారు. 

 

19:26 - August 19, 2018

కృష్ణా : జిల్లాలో రెండు రోజులుగా భారీ వర్షం కురుస్తోంది. దీంతో జిల్లాలోని నందిగామ అగ్నిమాపక కార్యాలయం నీట మునిగింది. వర్షం నీరు కార్యాలయంలోకి చేరడంతో సిబ్బంది ఇబ్బంది పడుతున్నారు. ఈ విషయమై ఉన్నతాధికారులకు ఎన్ని సార్లు ఫిర్యాదు చేసినా పట్టించుకోవడంలేదని ఆవేదన చెందుతున్నారు. ఇప్పటికైనా అధికారులు స్పందించాలని కోరుతున్నారు. 

 

16:57 - August 15, 2018

కృష్ణా : విజయవాడలో వ్యభిచారం పేరిట ఆన్ లైన్ మోసం బట్టబయలు అయింది. సోషల్ మీడియాలో యువతుల ఫేక్ ఫొటోలు పెట్టి ముఠా మోసాలకు పాల్పడుతోంది. ఫేక్ అకౌంట్లతో ముఠా దోచుకుంటోంది. రాజేశ్వరి, ఆమె అల్లుడు రూ.20లక్షలు వసూలు చేశారు. సోషల్ మీడియాలో విజయవాడకు చెందిన ఓ యువతి ఫొటో పెట్టారు. ఆ యువతి పోలీసులకు ఫిర్యాదు చేసింది. రాజేశ్వరీతోపాటు ఓ యువకుడిని పోలీసులు అదుపులోకి తీసుకున్నారు. ఇద్దరికి కోర్టు 14 రోజుల రిమాండ్ విధించింది.
 

11:32 - August 13, 2018

విజయవాడ : కృష్ణా, పశ్చిమగోదావరి జిల్లాల్లో భారీ వర్షాలు కురుస్తున్నాయి.  48 గంటలుగా కుండపోత వానలు పడుతున్నాయి. ప్రకాశం బ్యారేజీకి వరద నీరు పోటెత్తింది. బ్యారేజీ 40 గేట్లు ఎత్తి 30 వేల క్యూసెక్కుల నీటిని సముద్రంలోకి విడుదల చేశారు. మరిన్ని వివరాలను వీడియోలో చూద్దాం...

 

10:22 - August 12, 2018

ప్రకాశం : బ్యారేజీకి వరద పోటెత్తుతోంది. ఎగువ నుంచి వస్తున్న వరదతో ప్రకాశం బ్యారేజి జలకళను సంతరించుకుంది. ఎగువ నుంచి వస్తున్న వరదతో నిండుకుండలా మారింది. పాలేరు, మధిర, వైరా ప్రాంతాల్లో వాగులు, వంకలు పొంగి ప్రవహిస్తున్నాయి. దీంతో ప్రకాశం బ్యారేజికి భారీగా వరద నీరు చేరుతోంది. దీంతో అధికారులు ఐదు గేట్లు ఎత్తి దిగువకు నీరు విడుదల చేస్తున్నారు. ఇన్‌ఫ్లో 17 వేల క్యూసెక్కులు, ఔట్‌ఫ్లో 5 వేల క్యూసెక్కులుగా ఉంది. మరిన్ని వివరాలను వీడియోలో చూద్దాం...

 

18:52 - August 9, 2018
13:45 - August 9, 2018

కృష్ణా : జిల్లాలో వృద్ధ దంపతులు ఆత్మహత్యకు పాల్పడ్డారు. ముసునూరుకు చెందిన కొమ్మన రామదాసు, అచ్చాయమ్మ పురుగు మందు తాగి ఆత్మహత్య చేసుకున్నారు. కుమారులు పట్టించుకోకపోవడంతో జీవితంపై విరక్తి చెంది ఆత్మహత్యకు పాల్పడినట్లు తెలుస్తోంది. మృతదేహాలను ఏలూరు ప్రభుత్వాసుపత్రికి తరలించారు. ముసునూరు పోలీసులు కేసు నమోదు చేసుకుని దర్యాప్తు చేస్తున్నారు. 

 

Pages

Don't Miss

Subscribe to RSS - కృష్ణా