కేంద్రం

16:12 - August 6, 2018

ఢిల్లీ : ఏపీలోని వెనుకబడిన జిల్లాలకు నిధులు ఇచ్చిన కేంద్రం వాటిని వెనక్కి తీసుకోవడంపై లోక్ సభలో టీడీపీ ఎంపీలు నిరసన వ్యక్తం చేశారు. కేంద్రం చర్యకు నిరసనగా లోక్ సభ నుంచి టీడీపీ ఎంపీలు వాకౌట్ చేశారు. అనంతరం పార్లమెంట్ ప్రాంగణంలో టీడీపీ ఎంపీలు అవంతి శ్రీనివాస్, జేసీ దివాకర్ రెడ్డి, రామ్మోహన్ నాయుడు, మురళీమోహన్ లు మీడియాతో మాట్లాడారు. వెనుకబడిన జిల్లాలకు ఇచ్చే నిధులు వెంటనే విడుదల చేయాలని వారు డిమాండ్ చేశారు. ఏపీపై కేంద్రం వివక్ష చూపడం మానుకోవాలని, 95 శాతం యూసీలు ఇచ్చినా కేంద్రం నిధులు ఇవ్వకపోవడం కక్ష సాధింపు చర్యేనని అన్నారు. ఫిబ్రవరి 9న వెనుకబడిన జిల్లాలకు రూ.350 కోట్లు విడుదల చేశారని, వారం రోజుల్లోగా పీఎంవో చెప్పిందంటూ వెనక్కి తీసుకున్నారని, ఏపీపై వివక్ష చూపుతున్నారనడానికి ఇదే నిదర్శనమని అన్నారు. యూసీలు అందించడంలో దేశంలోనే ఏపీ 3వ స్థానంలో ఉందని, యూసీలు ఇవ్వడం లేదని ఏపీ ప్రభుత్వంపై బీజేపీ నేతలు అబద్ధాలు చెబుతున్నారని విమర్శించారు. ఏపీకి బుందేల్ ఖండ్ తరహాలో ప్యాకేజ్ అమలు చేస్తామన్నారని, అది అమలు చేస్తే రూ.22 వేల కోట్లు విడుదల చేయాలని అన్నారు. 

10:09 - August 3, 2018
07:04 - July 25, 2018

కేంద్రం పార్లమెంట్‌లో తీసుకవస్తున్న మోటర్‌ వెహికిల్‌ యాక్ట్‌ అమెండ్‌మెంట్ మీద వివిధ వర్గాల నుండి వ్యతిరేకత వ్యక్తమవుతోంది. ఇది ఇప్పుడున్న రవాణా చట్టాలను తొంగలో తొక్కేదిగా ఉందని ఇది పెట్టుబడిదారులకు మేలు చేసేదిగా ఉందని వివిధ ప్రజా సంఘాలు తమ ఆగ్రహాన్ని వ్యక్తం చేస్తున్నాయి. దీనికి నిరసనగా దేశవ్యాప్త సమ్మెకు సైతం తాము సిద్ధమని ప్రకటిస్తున్నాయి. దీనిపై స్టాఫ్‌ అండ్‌ వర్కర్‌ ఫెడరేషన్‌ తెలంగాణ రాష్ట్ర ప్రధాన కార్యదర్శి వీఎస్‌. రావు విశ్లేషించారు. పూర్తి వివరాలకు వీడియో క్లిక్ చేయండి. 

06:36 - July 25, 2018

ఢిల్లీ : ఆంధ్రప్రదేశ్‌ రాష్ట్ర విభజన చట్టం అమలు, ప్రత్యేక హోదా అంశంపై రాజ్యసభలో స్వల్పకాలిక చర్చ జరిగింది. ఏపి విభజన చట్టంలోని హామీలను నెరవేర్చేందుకు కట్టుబడి ఉన్నట్లు కేంద్రం పేర్కొంది. బిల్లులో పేర్కొన్న హామీల్లో 90 శాతం హామీలను కేంద్రం ఇప్పటికే నెరవేర్చిందని... మిగిలినవి కూడా పూర్తి చేయనున్నట్లు పేర్కొంది. రైల్వే జోన్‌పై ప్రతికూలంగా నివేదిక వచ్చినా జోన్‌ ఏర్పాటు చేస్తామని హామీ ఇచ్చింది. పోలవరం ప్రాజెక్టుకు ఇప్పటివరకూ 6754 కోట్లు మంజూరు చేసినట్లు కేంద్రం వెల్లడించింది. పోలవరం ప్రాజెక్ట్‌ కోసం తొలి కేబినెట్‌ భేటీలోనే తెలంగాణకు చెందిన 7 ముంపు మండలాలను ఏపీలో కలిపడమే తమ చిత్తశుద్ధికి నిదర్శనమని హోంశాఖమంత్రి రాజ్‌నాథ్‌సింగ్‌ స్పష్టం చేశారు. ప్రత్యేక హోదాతో సమానంగా ప్రత్యేక ప్యాకేజీకి సిఎం చంద్రబాబు అంగీకరించిన విషయాన్ని ఆయన గుర్తు చేశారు. ప్రత్యేక హోదాకు 14వ ఆర్థిక సంఘం సిఫార్సులు వ్యతిరేకంగా ఉన్నాయని మంత్రి తెలిపారు.

ఏ రాష్ట్రానికి ప్రత్యేక హోదా ఇవ్వొద్దన్న 14వ ఆర్థిక సంఘం ఏపికి మాత్రం 42 శాతం కేంద్రం నిధులు ఇవ్వాలని సూచించినట్లు ఆర్థిక మంత్రి పీయూష్‌ గోయెల్‌ అన్నారు. రెవెన్యూ లోటు కింద ఏపీకి ఐదేళ్లలో 22 వేల కోట్లు ఇవ్వాలని ఆర్థిక సంఘం సిఫారసు చేసిందన్నారు. ఏపీకి చేస్తున్న సాయానికి ధన్యవాదాలు తెలుపుతూ సిఎం చంద్రబాబు లేఖ రాసిన విషయాన్ని ఆయన గుర్తు చేశారు.

విభజన చట్టంలోని హామీల మేరకు ఆంధ్రప్రదేశ్‌కు ఉన్నత విద్యా సంస్థలను మంజూరు చేసినట్లు కేంద్ర మానవ వనరుల శాఖ మంత్రి ప్రకాశ్‌ జవదేకర్‌ తెలిపారు. తిరుపతిలో ఐఐటి, ఐసిఈఆర్‌.... వైజాగ్‌లో ఐఐఎం, కర్నూల్‌లో ట్రిపుల్‌ ఐటిలు ఇప్పటికే నడుస్తున్నాయన్నారు. అనంతపూర్‌లో సెంట్రల్‌ యూనివర్సిటీని త్వరలోనే ప్రారంభిస్తామని... గిరిజన విశ్వవిద్యాలయానికి కూడా అప్రూవర్‌ లభించిదన్నారు. ఏపికి ప్రత్యేక హోదాపై కేంద్రం తన వైఖరిని వెల్లడించిన నేపథ్యంలో టిడిపి దీనిపై ఎలాంటి నిర్ణయం తీసుకుంటుందన్నది వేచి చూడాలి. 

17:52 - July 18, 2018

ఢిల్లీ : అవిశ్వాస తీర్మానం సందర్భంగా పార్లమెంట్‌ వేదికపై అన్ని సమస్యలను ప్రస్తావిస్తామని టీడీపీ ఎంపీ రామ్మోహన్‌నాయుడు అంటున్నారు. నాలుగేళ్లైనా కేంద్రం రాష్ట్ర సమస్యలను పట్టించుకోవడం లేదని..పార్లమెంట్‌లో హామీ ఇచ్చి కూడా విస్మరించారని తెలిపారు. రాష్ట్ర సమస్యలపై ఆందోళనలు చేస్తున్నా ప్రధాని మోదీ కనీసం పట్టించుకోవడం లేదు.. అందుకే అవిశ్వాస తీర్మానం పెట్టామని పేర్కొన్నారు. రాష్ట్రానికి ఇచ్చిన హామీలపై ఎన్నిసార్లు ప్రధానిని అడిగినా స్పందించలేదని... అయితే అవిశ్వాస సందర్భంగా మోదీ ఖచ్చితంగా సమాధానం చెప్పాల్సిన అవసరముందంటున్నారు. అవిశ్వాస తీర్మానంపై వైసీపీ చేస్తున్న వ్యాఖ్యలను ఖండిస్తున్న రామ్మోహన్‌నాయుడితో టెన్ టివి ఫేస్‌ టూ ఫేస్‌ నిర్వహించింది. గత సమావేశాల్లో వైసీపీ ఎందుకు అవిశ్వాస తీర్మానం పెట్టింది అని ప్రశ్నించారు.

 

19:32 - July 13, 2018
21:20 - July 10, 2018

ఢిల్లీ : ఈజ్‌ ఆఫ్‌ డూయింగ్‌ బిజినెస్‌లో తెలుగు రాష్ట్రాలు సత్తా చాటాయి. వాణిజ్య సంస్కరణలు, కార్యాచరణ ప్రణాళికల ఆధారంగా ప్రకటించిన జాబితాలో ఆంధ్రప్రదేశ్‌ నెంబర్‌ వన్‌గా నిలువగా.. తెలంగాణ రెండో స్థానం దక్కించుకుంది. ఆ తర్వాత స్థానాల్లో హర్యానా, జార్ఖండ్‌, గుజరాత్‌లు నిలిచాయి.
తొలిస్థానంలో ఆంధ్రప్రదేశ్‌,రెండో స్థానంలో తెలంగాణ
ఈజ్‌ ఆప్‌ డూయింగ్‌ బిజినెస్‌ ర్యాంకులను కేంద్రం ప్రకటించింది. వాణిజ్య సంస్కరణలు, కార్యాచరణ ప్రణాళిలక ఆధారంగా రూపొందించిన ఈ ర్యాంకుల జాబితాను డీఐపీపీ కార్యదర్శి రమేష్‌ అభిషేక్‌ ప్రకటించారు. ఈ జాబితాలో తొలి స్థానంలో ఆంధ్రప్రదేశ్‌ నిలిచింది. రెండోస్థానంలో తెలంగాణ, మూడో స్థానంలో హర్యానా, నాలుగో స్థానంలో జార్ఖండ్‌, ఐదో స్థానంలో గుజరాత్‌ రాష్ట్రాలు నిలిచాయి. మొదటి స్థానంలో నిలిచిన ఆంధ్రప్రదేశ్‌ 98.42 శాతం స్కోర్‌ సాధించగా.. రెండో స్థానంలో ఉన్న తెలంగాణ 98.33 శాతం స్కోర్‌ సాధించింది.

టాప్‌ అచీవర్స్‌గా 95 శాతం పైబడి సంస్కరణలు అమలు చేసిన రాష్ట్రాలు
డూయింగ్‌ ఆఫ్‌ బిజినెస్‌ ర్యాంకింగ్స్‌లో ఆయా రాష్ట్రాలను నాలుగు విభాగాలుగా కేంద్రం గుర్తించింది. 95 శాతం పైబడి సంస్కరణలు అమలు చేసిన రాష్ట్రాలను టాప్‌ అచీవర్స్‌గా, 90 నుంచి 95 శాతం మేర సంస్కరణలు అమలు చేసిన రాష్ట్రాలను అచీవర్స్‌గా... 80 నుంచి 90 శాతం మేర సంస్కరణలు అమలు చేసిన రాష్ట్రాలను ఫాస్ట్‌ మూవర్స్‌గా... 80 శాతం లోపు సంస్కరణలను అమలు చేసిన రాష్ట్రాలను ఆస్పైరర్స్‌గా గుర్తించారు. ఈ సంస్కరణలను వంద శాతం సాధించిన రాష్ట్రాలుగా ఆంధ్రప్రదేశ్‌, తెలంగాణ, జార్ఖండ్‌, గుజరాత్‌లు నిలిచాయి.

టాప్‌ అచీవర్స్‌ జాబితాలో 9 రాష్ట్రాలు
అయితే... టాప్‌ అచీవర్స్‌ జాబితాలో 9 రాష్ట్రాలు, అచీవర్స్‌ జాబితాల్లో ఆరు, ఫాస్ట్‌ మూవర్స్‌ జాబితాలో మూడు, ఆస్పైరర్స్‌ జాబితాలో 18 రాష్ట్రాలు నిలిచాయి. మరోవైపు సంస్కరణల అమలు స్కోర్‌లో ఎక్కువ పురోగతి సాధించిన రాష్ట్రాల జాబితాలో అసోం, తమిళనాడులకు చోటు లభించింది. ఆస్తుల రిజిస్ట్రేషన్‌లో ఛత్తీస్‌గఢ్‌,.. నిర్మాణరంగ అనుమతుల్లో రాజస్థాన్‌,.. కార్మిక చట్టాల్లో పశ్చిమబెంగాల్‌,.. పర్యావరణ రిజిస్ట్రేషన్లలో కర్ణాటక,.. భూమి లభ్యతలో ఉత్తరాఖండ్‌,.. పన్నుల చెల్లింపులో ఒడిశా... పర్యవేక్షణ అమలులో మధ్యప్రదేశ్‌... ఐటీ పారదర్శకతలో మహారాష్ట్ర వంద శాతం స్కోర్లు సాధించాయి. ఈజ్‌ ఆఫ్‌ డూయింగ్‌లో దేశంలోనే తెలుగు రాష్ట్రాలు టాప్‌గా నిలవడం పట్ల పలువురు హర్షం వ్యక్తం చేస్తున్నారు. 

08:15 - July 7, 2018
16:59 - July 4, 2018

ఢిల్లీ : భారతదేశంలో వివాహ వ్యవస్థకు చాలా ప్రాముఖ్యత వుంది. మిగిలిన దేశాల వివాహ వ్యవస్థ, సంస్కృతులు, సంప్రదాయాలకు భారతీయ వివాహ వ్యవస్థకు చాలా తేడా వుంటుంది. దేశ సంస్కృతి.. సంప్రదాయాలకు అనుగుణంగా ఆయా పద్ధతుల్లో వివాహాలు జరుగతుంటాయి. వివాహం ఎలా జరిగినా..వివాహ సమయంలో ఖర్చులు మాత్రం గత కొంతకాలంగా విపరీతంగా ఖర్చు కావటం సర్వ సాధారణంగా మారిపోయింది. సంపన్నులు కోట్లు ఖర్చు పెడుతుంటే..సామాన్యుడు కూడా తానేమీ తక్కువకాదని అప్పులు చేసి మరీ ఆర్భాటపు ఖర్చులు పెడుతున్నాడు. తద్వారా అప్పులపాలయి ఇబ్బందులకు లోనవుతున్నా పరిస్థితులకు నెట్టబడుతున్నారు సామాన్యులు. కానీ ఇకపై వివాహాలకు ఇష్టమొచ్చినట్లుగా ఖర్చులు చేసేందుకు వీలులేదంటోంది కేంద్రప్రభుత్వం.

పెళ్లి ఖర్చులు..సబ్ రిజిస్ట్రార్ కు సమర్పించాలంటున్న కేంద్రం
పెళ్లి చేస్తే, వధూవరుల తరఫున ఎంత ఖర్చయిందన్న విషయాన్ని సబ్ రిజిస్ట్రార్ కు సమర్పించాల్సిందేనన్న కేంద్రం నిర్ణయాన్ని సుప్రీంకోర్టు పరిశీలించనుంది. సంబంధిత ప్రభుత్వ అధికారికి ఖర్చుల విషయమై అఫిడవిట్ ఇవ్వాలా? అక్కర్లేదా? అన్న విషయాన్ని తేల్చేందుకు జస్టిస్‌ ఆదర్శ్‌ గోయెల్‌, జస్టిస్‌ ఎస్‌ అబ్దుల్‌ నజీర్‌ ల ధర్మాసనం ముందుకు కదిలింది. ఈ మేరకు బెంచ్ కు సాయపడాలని అడిషనల్ సొలిసిటర్ జనరల్ పీఎస్ నర్సిహను బెంచ్ కోరింది.

వివాహాన్ని రిజిస్టర్ కు పెళ్లి ఖర్చుల వివరాలు చెప్పాలి..
ఇక పెళ్లి తరువాత వివాహాన్ని రిజిస్టర్ చేయించుకునే సమయంలో ఖర్చుల వివరాలు సబ్ రిజిస్ట్రార్ కు చెప్పాలన్న నిబంధన ఇంతవరకూ ఏమీ లేకపోగా, కేంద్ర ప్రభుత్వం ఖర్చుల వివరాలు నమోదు చేసేలా చట్ట సవరణకు ప్రయత్నిస్తోంది. భవిష్యత్తులో కట్న కానుకల విషయంలో విభేదాలు తలెత్తుకుండా చూసేందుకే ఇరు వైపులా ఖర్చు గురించిన వివరాలు ప్రభుత్వానికి చేరితే మంచిదన్నది కేంద్ర ప్రభుత్వ ఆలోచన. ఈ విషయాన్ని పరిశీలించడంతో పాటు, పెళ్లి ఖర్చులో కొంత భాగాన్ని వధువు పేరిట జమ చేయించాలన్న అభ్యర్థనలపైనా విచారిస్తామని ఈ సందర్భంగా ధర్మాసనం తెలిపింది.

12:26 - June 25, 2018

కడప : ఉక్కు పరిశ్రమ కోసం దీక్షలు చేస్తున్నా కేంద్రం దిగొస్తలేదని ఏపీ మంత్రి జవహార్ పేర్కొన్నారు. పరిశ్రమ ఏర్పాటు కోసం ఎంపీ సీఎం రమేశ్, ఎమ్మెల్సీ బీటెక్ రవిలు ఆమరణ నిరహార దీక్ష చేపడుతున్న సంగతి తెలిసిందే. ఆరో రోజు సోమవారం మంత్రి జవహార్ ఇతరులు సంఘీభావాన్ని వెల్లడించారు. ఈ సందర్భంగా ఆయన మాట్లాడుతూ...ఈడీ అటాచ్ మెంట్స్ చూస్తే ఎవరు దొంగ దీక్షలు చేస్తున్నారు..ఎవరు దివిటి దొంగలు తయారు చేశారనేది ప్రజలకు తెలుసన్నారు. జగన్ లో కడప పౌరుషం లేదని..గనులు..ఏ విధంగా దోపిడి చేయాలనేది తెలుసుకున్నాడన్నారు. జగన్ కు బుద్ది చెప్పాలని పిలుపునిచ్చారు. ఉక్కు పరిశ్రమ కోసం చేస్తున్న దీక్షకు ప్రభుత్వం సంఘీభావం తెలియచేస్తుందని, వీరి చేస్తున్న దీక్షలతో కేంద్రం దిగొస్తుందని అనుకున్నానన్నారు. ఈ దీక్షలతో కేంద్రం దిగొస్తుందని అనుకున్నానని..కానీ కేంద్రానికి చలనం లేదన్నారు. 

Pages

Don't Miss

Subscribe to RSS - కేంద్రం