కేటీఆర్

17:13 - December 12, 2018

హైదరాబాద్ : వివాదాస్పద, సంచనల వ్యాఖ్యలకు ఎంఐఎం అధినేత, ఎంపీ అసదుద్దీన్ ఒవైసీ కేరాఫ్ అడ్రస్ గా వుంటారు. తెలంగాణ ఎన్నికల్లో ఏపీ సీఎం చంద్రబాబు నాయుడు ప్రచారంతో అటు గులాబీ బాస్ కేసీఆర్, ఇటు ఎంఐఎం నేత అసదుద్దీన్ తీవ్ర ఆగ్రహంతో వున్నారు. దీంతో ఒవైసీ సంచలన వ్యాఖ్యలు చేశారు. చంద్రబాబుకు తన సొంత రాష్ట్రంలోనే వ్యతిరేకత ఉందనీ..వచ్చే ఎన్నికల్లో ఎంపీ స్థానాలు రెండు కూడా గెలవలేరని జోస్యం చెప్పారు. ఏపీలో తాను ప్రచారం చేస్తే ఎలా వుంటుందో? ఆ  ప్రభావం ఎలా ఉంటుందో చంద్రబాబుకు రుచి చూపిస్తాననీ..ఏపీకి వెళ్లి జగన్ కు మద్దతిస్తానని ఎంఐఎం అధినేత అసదుద్దీన్ ఒవైసీ సంచలన వ్యాఖ్యలు చేశారు. కోట్ల రూపాయలు ఖర్చు పెట్టి ప్రచారం చేసినా తెలంగాణలో చంద్రబాబు ఫలితాలు సాధించలేకపోయారని అసదుద్దీన్ ఎద్దేవా చేశారు. మరి దీనిపై చంద్రబాబు ఎలా స్పందిస్తారో? తనకు మద్దతిస్తానని అసదుద్దీన్ ప్రటకటించంపై జగన్ ఎలా స్పందిస్తారో చూడాలి. ఈ క్రమంలో ఏపీలో 2019లో రానున్న అసెంబ్లీ ఎన్నికలు తెలంగాణ ఎన్నికల కంటే వాడీ వేడీగా జరగనున్నట్లుగా తెలుస్తోంది. కాగా ఏపీ ఎన్నికలల్లో తాము కూడా వేలు పెడతామనీ కేసీఆర్, కేటీఆర్ కూడా ప్రకటించటంతో ఏపీ ఎన్నికలు ఊహించినదానికంటే వేడిగా జరుగుతాయనే సంకేతాలు వినిపిస్తున్నాయి.
 

22:04 - December 11, 2018

గుంటూరు: తెలంగాణా రాష్ట్రంలో టీఆర్ఎస్ పార్టీ ఘన విజయం సాధించటం పట్ల ఆంధ్రప్రదేశ్ లో కూడా ప్రజలు సంబరాలు చేసుకున్నారు. తెలంగాణాలో టీఆర్ఎస్ శ్రేణులు ఆనందోత్సాహలతో పండుగ చేసుకుంటే, ఆంధ్రప్రదేశ్ లో  టీడీపీయేతర పార్టీల కార్యకర్తలు సంబరాలు చేసుకున్నారు. గుంటూరు జిల్లా మంగళగిరి మండలం ఎర్రుబాలెం గ్రామంలో జనసేన పార్టీ కార్యకర్తలు కేటీఆర్ ఫ్లెక్సీ కి పాలాభిషేకం చేసి టీడీపీకి వ్యతిరేకంగా నినాదాలు చేశారు. తెనాలిలో కేసీఆర్ ఫౌండేషన్ ఆధ్వర్యంలో  కేసీఆర్ ఫౌండేషన్ ఆధ్వర్యంలో కేక్ కట్ చేసి సంబరాలు చేసుకున్నారు. 

 

15:08 - December 11, 2018

తెలంగాణ అసెంబ్లీ ఎన్నికల్లో టీఆర్ఎస్ సత్తా చాటింది. భారీ మెజార్టీతో అఖండ విజయం సాధించింది. కారు జోరు ముందు కూటమి కుదేలైంది. ప్రజలు మరోసారి టీఆర్ఎస్‌కే పట్టం కట్టారు. అత్యధిక స్థానాలను గులాబీ పార్టీకి కట్టబెట్టారు. దీంతో టీఆర్ఎస్ శ్రేణుల్లో నూతనోత్సాహం నెలకొంది. ఎన్నికల ఫలితాలపై టీఆర్ఎస్ నేత కేటీఆర్ ట్వీట్ చేశారు. తెలంగాణ ప్రజలకు ఆయను ధన్యవాదాలు తెలిపారు. కేసీఆర్‌పై నమ్మకం ఉంచి మరోసారి గెలిపించినందుకు థ్యాంక్స్ చెప్పారు. ప్రజలకు సేవ చేసుకునేందుకు మరో అవకాశం ఇవ్వడం ఆనందంగా ఉందన్నారు.
ఎన్నికల ఫలితాలు వెల్లడి అవుతున్న వేళ కేటీఆర్ తన అఫీషియల్ ట్విట్టర్ ఖాతాలో కొత్త ప్రొఫైల్ ఫొటో పెట్టారు. తుపాకీ పట్టుకొని గురి చూసి కొడుతున్నట్లుగా ఉన్న ఈ ఫోటో సోషల్ మీడియాలో వైరల్ అయింది. ఈ ఫోటోకి వేలల్లో లైకులు, వెయ్యికి పైగా రీట్వీట్‌లు వచ్చాయి. కేటీఆర్ పెట్టిన ఈ ఫొటో టీఆర్ఎస్ శ్రేణుల్లో నూతనోత్సాహం నింపింది.

21:36 - December 9, 2018

హైదరాబాద్: ఎన్నికల ప్రక్రియ ముగియడంతో.. సర్వేలన్నీ టీఆర్ఎస్‌కే పట్టం కట్టాయి. దీంతో గులాబీ నేతలు మెజార్టీపై దృష్టి పెట్టారు. బావమరుదులు కేటీఆర్, హరీశ్‌‌రావు ఏ నియోజకవర్గంలో ఎంత మెజార్టీ వస్తుందనే దానిపై లెక్కలు వేస్తున్నారు. ఎన్నికల అనంత‌రం కేటీఆర్, హ‌రీష్‌రావు పార్టీ అభ్యర్థుల‌తో పోలింగ్ స‌ర‌ళిపై ఆరా తీశారు. పోటీచేసిన అధికార పార్టీ అభ్యర్థుల‌తో ఫోన్‌లో సంప్రదించి నియోజ‌క‌వ‌ర్గాల వారిగా స‌మాచారం తెలుసుకున్నారు. ప్రతిప‌క్ష పార్టీలు కూట‌మిగా ఏర్పడ‌డంతో కొన్ని నియోజ‌క‌వ‌ర్గాల్లో ప‌రిస్థితి హోరాహోరిగా మారింద‌న్న అభిప్రాయాన్ని గులాబీ నేతలు వ్యక్తం చేశారు. సిద్దిపేటలో పోలింగ్‌ సరళిని పరిశీలించిన కేటీఆర్‌... బావ హరీశ్‌రావుకు లక్ష మెజార్టీ దక్కుతుందంటూ ముందుగానే అభినందనలు తెలిపారు. పోలింగ్‌ పూర్తయిన అనంతరం ట్విట్టర్ ద్వారా తన అభిప్రాయన్ని వెల్లడించారు. మూడు నెలలు కష్టపడ్డ కార్యకర్తలకు ధన్యవాదాలు తెలిపారు.
వంద సీట్లు ఖాయం:
తెలంగాణలో వంద సీట్లు గెలుస్తామని కేటీఆర్ ధీమాతో ఉన్నారు. ఎన్నికల వేళ మొత్తం అసెంబ్లీ స్థానాల్లో 25 శాతానికి పైగా స్థానాలు కలిగిన హైదరాబాద్, రంగారెడ్డిపైనే కేటీఆర్ ప్రత్యేక దృష్టి పెట్టారు. గ్రేటర్ హైదరాబాద్ ఎన్నికల్లో అనుసరించిన వ్యూహాన్నే.. అసెంబ్లీ ఎన్నికల్లోనూ కేటీఆర్ అమలు చేసినట్లు కనిపిస్తోంది. అసెంబ్లీ ఎన్నికల్లో హైదరాబాద్‌, రంగారెడ్డి జిల్లాలను రోడ్‌ షోలతో చుట్టేశారు. నాడు గ్రేటర్‌లో 100సీట్లు గెలుస్తామని సవాల్ చేసిన కేటీఆర్.. టీఆర్ఎస్ పార్టీకి 99సీట్లు సాధించి పెట్టారు. ఇప్పుడు కూడా ఆయన హైదరాబాద్, రంగారెడ్డి జిల్లాల్లో మెజార్టీ స్థానాల్లో గెలుస్తామని విశ్వాసం వ్యక్తం చేస్తున్నారు. 100సీట్లు గెలిచి టీఆర్ఎస్ పార్టీ తెలంగాణలో అతి పెద్ద పార్టీగా ఆవిర్భవిస్తుందంటున్నారు. తెలంగాణలో టీఆర్ఎస్ విజయం సాధించకుంటే.. రాజకీయ సన్యాసం చేస్తానన్న మాటలకు కట్టుబడి ఉన్నానని పునరుద్ఘాటించారు కేటీఆర్.
కాంగ్రెస్ కీలక నేతల ఓటమి:
మంత్రి కేటీఆర్ పోలింగ్ సరళిపై దృష్టి పెడితే.. మంత్రి హరీశ్‌రావు నియోజకవర్గాల్లో పరిస్థితిపై ఆరా తీస్తున్నట్లు తెలుస్తోంది. ముఖ్యంగా కొడంగల్, గద్వాల, నాగార్జునసాగర్, హుజూర్‌నగర్, కోదాడ నియోజకవర్గాల్లో పోలింగ్ ఎలా జరిగింది? గెలుపు ఓటములు ఎలా ఉండబోతున్నాయనే దానిపై టీఆర్ఎస్ నాయకులతో మంతనాలు జరిపినట్లు సమాచారమందుతోంది. మెజార్టీ స్థానాల్లో కాంగ్రెస్ కీలక నేతలు ఓడిపోతారని టీఆర్ఎస్ వర్గాలు చెప్పినట్లు ప్రచారం జరుగుతోంది. తెలంగాణలో 85సీట్లకు పైగా గెలిచే అవకాశం ఉందని హరీశ్‌కు స్పష్టత ఇచ్చినట్లు తెలుస్తోంది. పార్టీ శ్రేణుల సమాచారాన్ని మంత్రి హరీశ్‌.. ఎప్పటికప్పుడు పార్టీ అధినేత కేసీఆర్‌కు చేరవేస్తున్నారు.

17:36 - December 8, 2018

హైదరాబాద్: ఎలాంటి అవాంఛనీయ సంఘటనలు జరుగకుండా,రీపోలింగ్ అవసరం లేకుండా,పోలింగ్ ప్రశాంతంగానిర్వహించినందుకు అధికారులకు, పోలీసులకు మంత్రి కేటీఆర్  కృతజ్ఞతలు తెలిపారు. శనివారం ఆయన తెలంగాణ భవన్ లో విలేకరులతో మాట్లాడుతూ ఎన్నికల్లో  పాల్గోన్న ప్రజలకు  టీఆర్ఎస్ పార్టీ తరఫున ధన్యవాదాలు తెలియ చేశారు. పోలింగ్ లో  మహిళలు  వయో వృధ్దులు పెద్ద ఎత్తున ఓట్లు వేశారని ఓటింగ్ శాతం పెరగడం  శుభ పరిణామమని ఆయన  చెప్పారు, ఎగ్జిట్ పోల్ ఫలితాల కంటే మిన్నగా 100 సీట్లుగెలుచుకుని 12వ తేదీ తిరిగి టీఆర్ఎస్ పార్టీ అధికారం చేపట్టబోతోందని ఆయన చెప్పారు. 
కాంగ్రెస్ పార్టీ కన్నకలలు, కల్లలు అవుతాయని ఈనెల టీఆర్ఎస్ పార్టీ సంబరాలు చేసకుందాం అని కేటీఆర్ అన్నారు. చంద్రబాబునాయుడుతో పొత్తువల్ల  ప్రజాకూటమికి నష్టం వాటిల్లందని కేటీఆర్ అన్నారు. ప్రజాకూటమి పొత్తు ఒక  అపవిత్ర కలయిక అని, వందల కోట్ల రూపాయలు ఖర్చు పెట్టారని కేటీఆర్ తెలిపారు. 
ఈవీఎంల పనితీరుపై మాకు ఎటువంటి సందేహం లేదనికేటీఆర్ తెలిపారు.  కౌంటింగ్ రోజు కౌంటింగ్ ఏజెంట్లను నియమించుకుని కార్యకర్తలు హుషారుగా ఉండాలని కోరారు. తెలంగాణా రాకతో లగడపాటి రాజకీయ సన్యాసం తీసుకున్నారని, 11 తర్వాత సర్వేల సన్యాసం తీసుకుంటారని  కేటీఆర్ చెపుతూ ఫలితాలు నిక్షిప్తమై ఉన్నాయని మిగిలిన విషయాలు 11న చెపుతానని ప్రజలు ఏకపక్షమైన తీర్పు ఇవ్వబోతున్నారని  చెప్పారు. 

21:32 - December 7, 2018

హైదరాబాద్: తెలంగాణ అసెంబ్లీ కి  శుక్రవారం జరిగిన ఎన్నికల్లో  టీఆర్ఎస్పార్టీ 100 సీట్లు గెలుపొంది అధికారంలోకి వస్తుందని  టీఆర్ఎస్ పార్టీ నాయకుడు కేటీఆర్  ఆశాభావం వ్యక్తం చేశారు. గడిచిన 3 నెలలుగా పార్టీ విజయం కోసం కృషి చేసిన  పార్టీ నేతలు, లక్షలాది మంది కార్యకర్తలకు మనస్ఫూర్తిగా  ధన్యవాదాలు చెపుతూ ఆయన ట్వీట్ చేశారు. 

16:02 - December 7, 2018

సిద్దిపేట: తెలంగాణ రాష్ట్ర వ్యాప్తంగా జరుగుతున్న ఎన్నికల మధ్య టీఆర్ఎస్ నేతలు కేటీఆర్, హరీశ్ రావుల మధ్య సరదా సరదా ముచ్చట్లు జరిగాయి. హైద్రాబాద్‌లో ఓటు హక్కును వినియోగించుకొని సిరిసిల్లకు వెళ్తున్న కేటీఆర్ మార్గమధ్యలోని సిద్దిపేటలో  హరీష్ రావు‌ను కలిశారు. ఇద్దరూ కొద్దిసేపు ఆప్యాయంగా..ఆదరంగా పలకరించుకున్నారు. అంతేకాదు బావా!లక్ష మెజారిటీతో గెలవడం ఖాయమని హరీష్‌తో కేటీఆర్ అంటు సరదాగా..ధీమాగా..ఆప్యాయంగా పలకరించుకోవటంతో ఆహ్లాదకరణ వాతావరణం నెలకొంది. 
సిద్దిపేట అసెంబ్లీ నియోజకవర్గంలో  పోలింగ్ ఎలా వుందో తెలుసుకుంటు హరీష్ రావు  నియోజవర్గంలోని  గ్రామాలు తిరుగుతున్న సమయంలో  గుర్రాలగొంది గ్రామం వద్ద మంత్రి కేటీఆర్, హరీశ్ రావుల కాన్వాయ్ లు  ఎదురెదురుగా వచ్చాయి. దీంతో ఇద్దరు కార్లు దిగి రానున్న మెజారిటీపై ముచ్చటించుకున్నారు. 
అంతేకాదు నీకు వచ్చే మెజారిటీలో కనీసం సగం మెజారిటీ అన్న తెచ్చుకొంటానని కేటీఆర్ వ్యాఖ్యానించారు. సిరిసిల్ల పోతున్నానను.. మీ వాళ్లంతా అక్కడ నీ కోసం ఎదురుచూస్తున్నారని హరీష్ రావుతో కేటీఆర్ అన్నారు. 
ఈ మాటలు అనగానే  హరీష్ రావు నవ్వుతూ ఆప్యాయంగా  కేటీఆర్ ను హత్తుకొన్నారు. వీరిద్దరి మధ్య సంభాషణను విన్న కార్యకర్తలు  సరదాగా నవ్వుకున్నారు.
 

16:37 - December 5, 2018

రాజన్న సిరిసిల్ల : పంచ్ డైలాగ్స్ తోను, మాటల చతురతతోను ఆకట్టుకునే టీఆర్ ఎస్ నేత కేటీఆర్ మరోసారి రాజన్న సిరిసిల్ల జిల్లాలో పంచ్ డైలాగ్స్ తో అలరించారు. ఏ పార్టీలు ఏం చెప్పినా..ఎన్ని హామీలు ఇచ్చినా రాష్ట్రం మొత్తం ‘సారు’, ‘కారు’, ‘సర్కార్’ ట్రెండ్ నడుస్తోందని..కుర్చీ కోసమే కాంగ్రెస్ పార్టీ నేతల కొట్లాట అని సార్ అంటే కేసీఆర్ అని..కారు అంటే టీఆర్ఎస్ పార్టీ అని కేటీఆర్ పంచ్ లు వేశారు. ప్రతిపక్షాలకు ఓట్లపై ఉన్న మక్కువ ప్రజలపై లేదని విమర్శించారు. ఇంటింటికి నల్లా నీళ్లు వచ్చేలా చేస్తామని కేటీఆర్ హామీ ఇచ్చారు. 
 

 

11:33 - December 5, 2018

హైదరాబాద్ : తెలంగాణలో ఎన్నికలు పార్టీల్లోనే కాదు ప్రజల్లో కూడా వేడిపుట్టిస్తున్నాయి. ఈ నేపథ్యంలో ఆయా పార్టీల అభ్యర్థులు ఎటువంటివారు? వారిపై వున్న కేసుల వివరాలపై ఓ నివేదిక విడుదల అయ్యింది. ఆ వివరాలు చూద్దాం..
181 మందిపై క్రిమినల్ కేసులు..
తెలంగాణ శాసనసభకు పోటీలో ఉన్న ప్రధాన పార్టీల అభ్యర్థుల్లో 181 మందిపై క్రిమినల్ కేసులు నమోదై ఉన్నాయని ‘తెలంగాణ ఎలక్షన్ వాచ్’ అనే సంస్థ ప్రకటించింది. టీఆర్‌ఎస్, మహాకూటమి, బీజేపీ, ఎంఐఎం తదితర పార్టీల తరఫున 365 మంది పోటీ చేస్తుండగా, వీరిలో 181 మంది క్రిమినల్ కేసుల్లో వున్నారని  ప్రకటించారు. ఫోరం ఫర్ గుడ్ గవర్నెన్స్‌తో సహా మొత్తం 30 స్వచ్ఛందసేవా సంస్థలు కలిసి ‘తెలంగాణ ఎలక్షన్ వాచ్’ అనే ప్రత్యేక స్వచ్ఛంద సేవా  ఓ నివేదికను విడుదల చేసింది.అనే విషయంపై తెలంగాణ ఎన్నికల కోసం అసోసియేషన్ ఫర్ డెమోక్రాటిక్ రిఫార్మ్స్ (ఎడిఆర్) డిసెంబర్ 3వ తేదీన ఒక నివేదికను విడుదల చేసింది. 
పార్టీలు, అభ్యర్థులు, కేసులు వివరాలు..
టీఆర్‌ఎస్ తరఫున 119 మంది అభ్యర్థులు పోటీలో ఉండగా వీరిలో 57 మందిపై క్రిమినల్ కేసులు నమోదై ఉన్నాయని..అలాగే మహాకూటమి తరఫున 119 మంది పోటీ చేస్తుండగా వీరిలో 77 మందిపై కేసులు నమోదై ఉన్నాయని, బీజేపీ తరఫున 119 మంది పోటీలో ఉండగా, 40 మందిపై కేసులు ఉన్నాయని, ఎంఐఎం తరఫున 8 మంది రంగంలో ఉండగా ఏడుగురిపై కేసులు నమోదై ఉన్నాయని వివరించారు. 
కేసులున్న అభ్యర్థులు వీరే..
ఆపద్ధర్మ ముఖ్యమంత్రి కేసీఆర్‌తో పాటు కేసీఆర్ కొడుకైన ఆపద్ధర్మ మంత్రి కేటీఆర్, మంత్రులు టి. హరీష్‌రావు, జోగురామన్న, పోచారం శ్రీనివాస్‌రెడ్డి, ఈటెల రాజేందర్, తలసాని శ్రీనివాసయాదవ్, స్పీకర్ మధుసూదనాచారితో పాటు పలువురు తాజా మాజీ ఎమ్మెల్యేలపై కేసులు నమోదై ఉన్నాయని వివరించారు. అలాగే మహాకూటమిలో భాగంగా ఉన్న టీపీసీసీ అధ్యక్షుడు ఉత్తం కుమార్‌రెడ్డి, మాజీ ఎంపీ పొన్నం ప్రభాకర్, మాజీ మంత్రులు దామోదర రాజనర్సింహ, వి. సునీత, జే. గీతారెడ్డి, నాగం జనార్దన్‌రెడ్డి, పి. సబితా ఇంద్రారెడ్డి, టీపీసీసీ వర్కింగ్ ప్రెసిడెంట్ కే. రేవంత్‌రెడ్డి తదితరులు కేసులు నమోదైన వారిలో ఉన్నారు. బీజేపీ తరఫున పోటీలో ఉన్న ఈ పార్టీ రాష్ట్ర అధ్యక్షుడు కే. లక్ష్మణ్, మాజీ ఎమ్మెల్యేలు, ఎమ్మెల్సీలు కూడా ఉన్నారు. ఎంఐఎం తరఫున పోటీలో ఉన్న అక్బరుద్ధీన్ ఒవైసీతో సహా ఏడుగురు అభ్యర్థులపై క్రిమినల్ కేసులు నమోదై ఉన్నాయని వెల్లడించారు.
పార్టీలు..క్రిమినల్ అభియోగాల అభ్యర్థులు..
టిఆర్ఎస్ అభ్యర్థులలో 44 మంది, కాంగ్రెస్ నుంచి 45 మంది, బిజెపికి చెందిన 26 మంది అభ్యర్థులతో సహా ఇతర పార్టీలకు చెందిన మొత్తం 181 మందిపై తీవ్రమైన క్రిమినల్ కేసులు నమోదయ్యాయినట్లుగా ఈ సంస్థ తెలిపింది. ఏడీఆర్ నివేదిక విశ్లేషించబడిన  1,777 మంది అభ్యర్థులలో, 368 మంది అభ్యర్థులు క్రిమినల్ కేసులను వున్నారు. వీరిలో 231 మంది అభ్యర్థులు తీవ్రంగా నేరారోపణలు ఎదుర్కొంటున్నారు.
పూర్తి వివరాలు తెలపని అభ్యర్థులు..
799 మంది అభ్యర్థులు వారి విద్యా అర్హతను ప్రకటించగా.. ఐదుగురు అభ్యర్థులు మాత్రం పూర్తి వివరాలను తెలపలేదు. మిగిలినవారు గ్రాడ్యుయేట్ లేదా పైన విద్యా అర్హతను కలిగి ఉన్నారని ప్రకటించింది. 
తీవ్రమైన క్రిమినల్ కేసులు..ఆయా పార్టీల అభ్యర్థులు..
తీవ్రమైన క్రిమినల్ కేసులు అంటే 5 సంవత్సరాల కంటే ఎక్కువ శిక్ష వుండటం, ఉదాహరణకు దాడి, హత్య, కిడ్నాప్, కేసులు అత్యాచారం, అవినీతి నిరోధక చట్టం కింద వంటి కేసులున్నట్లుగా తెలుస్తోంది.  వారిలో ఆరు మంది అభ్యర్థులు హత్య కేసులు వుండగా..24 మందిపై హత్యాయత్నాల కేసులున్నాయి.
కేసులున్న అభ్యర్థులు వీరే..
ఎస్సీ వర్గానికి చెందిన  స్వతంత్ర అభ్యర్థి బొమతి విక్రమ్, వరంగల్ వెస్ట్, బహదూర్పురా నుండి కాంగ్రెస్ పార్టీకి చెందిన  షిక్ మొహద్ కలీముద్దీన్, టీఆర్ఎస్ కు చెందిన వేములా వీరేశం, టీడీపీకి చెందిన మహబూబ్ నగర్ స్వతంత్ర అభ్యర్థి మెరుగు శ్రీనివాస్, చంద్ర షీకర్, జంగాన్ లపై కేసులున్నట్లుగా నివేదిక లో వెల్లడయ్యింది. అలాగే టిఆర్ఎస్ నాయకుడైన తన్నేరు హరీష్ రావుపై  ఐపిసి సెక్షన్ 354 కింద కేసు వుండగా.. కాంగ్రెస్ నేత అనుముల రేవంత్ రెడ్డిపై కూడా పలు అభియోగాల కేసులున్నట్లుగా తెలుస్తోంది.  
ఇక అభ్యర్థుల ఆస్తుల వివరాలు..
టీఆర్ఎస్ అభ్యర్థి అమీర్ మెహ్మద్..
టిఆర్ఎస్ టిక్కెట్  బోధన్ నుంచి పోటీ చేస్తున్న షాకిల్ అమీర్ మొహమ్మద్ సంపద 1311 శాతం పెరిగి రూ .1,34,08,582 నుండి 18,91,55,539 కు చేరినట్లుగా నివేదికలో వెల్లడయ్యింది.
గువ్వల బాలరాజు: 
ఎస్సీ వర్గానికి చెందిన టిఆర్ఎస్ అభ్యర్థి  ఆస్తుల విలువ 1336% పెరిగి రూ .48,51,000 నుంచి రూ .6,96,74,000 కు పెరిగింది.
దాస్యం వినయ్ భాస్కర్:
టిఆర్ఎస్ అభ్యర్థి వరంగల్ వెస్ట్ నుండి పోటీ పడుతున్న దాస్యం వినయ్ భాస్కర్ ఆస్తుల విలువ  1671% పెరిగి రూ .31,69,198 నుండి 5,61,23,057 కు పెరిగింది.
రాజా సింగ్: 
గోషమహాల్ నుంచి పోటీ చేస్తున్న బీజేపీ అభ్యర్థి  రాజాసింగ్ తన పదవీకాలంలో 3376 శాతం ఆస్తులుండగా..రూ. 9,52,738 నుంచి 3,31,17,897 కు పెరిగింది.
గాదరి కిషోర్ కుమార్: 
ఎస్సీ వర్గానికి చెందిన గాదరి కిషోర్ కుమార్ తంగతుర్తి  నుండి తెలంగాణ అభ్యర్థిగా పోటీ చేస్తున్నారు.  తెలంగాణ ఉద్యమంలో ప్రముఖ నాయకుడు కిషోర్ ఆదాయం గత నాలుగున్నర సంవత్సరాల్లో 5718 శాతం పెరిగింది. అతని ఆదాయం ప్రస్తుతం  రూ .1,82,328 నుండి 1,06,08,445 గా వున్నట్లు గా ఏడీఆర్ నివేదిక వెల్లడించింది. 
 

 

08:04 - December 5, 2018

హైదరాబాద్: తెలంగాణ అసెంబ్లీ ఎన్నికల్లో ప్రజాకూటమిదే హవా అంటూ మాజీ ఎంపీ లగడపాటి రాజగోపాల్ వెల్లడించిన ఎన్నికల సర్వేపై మంత్రి కేటీఆర్‌ ట్విట్టర్‌లో ఘాటుగా స్పందించారు. లగడపాటిది సర్వే కాదని.. చిలక జోస్యం అని అన్నారు. చివరి నిమిషంలో సర్వేల పేరుతో గందరగోళం సృష్టించే ప్రయత్నం చేస్తున్నారని మండిపడ్డారు. లగడపాటి, చంద్రబాబు పొలిటికల్‌ టూరిస్టులని విమర్శించారు. ఈ నెల 11న తట్టాబుట్టా సర్దేసుకుని వెళ్తారని కేటీఆర్‌ ఎద్దేవా చేశారు.
చంద్రబాబు ఒత్తిడితోనే సర్వే:
మరోవైపు లగడపాటి సర్వేని తాను ఎందుకు ఖండించాల్సి వచ్చిందో కూడా మరో ట్వీట్‌ ద్వారా కేటీఆర్‌ వివరించారు. ఈ ఎన్నికల్లో టీఆర్‌ఎస్‌ 65-70 స్థానాల్లో విజయం సాధిస్తుందని లగడపాటి గతంలో తనకు మెసెజ్‌ చేసిన చాట్‌ స్క్రీన్‌షాట్‌ను కేటీఆర్‌ ట్వీట్‌ చేశారు. రాజగోపాల్‌ ఇప్పుడు బయటపెట్టింది కుట్రపూరిత సర్వే కాబట్టి తాను ఖండిస్తున్నట్లు కేటీఆర్‌ తెలిపారు. నవంబర్‌ 20వ తేదీన టీఆర్‌ఎస్‌ గెలుస్తుందన్న లగడపాటి... చంద్రబాబునాయుడు ఒత్తిడితో అంకెలు మార్చి చెప్పారన్నారు. జరిగిన కుట్రను బయటపెట్టేందుకే ఈ చాట్‌ను ట్వీట్‌ చేస్తున్నానని కేటీఆర్‌ వివరించారు.
అసెంబ్లీ ఎన్నికల్లో ప్రస్తుతానికి కూటమిదే హవా అని.. పోలింగ్ శాతం పెరిగితే కూటమి విజయం సాధిస్తుందని, తగ్గితే హంగ్ వస్తుందని, బీజేపీకి సీట్లు పెరుగుతాయని లగడపాటి వెల్లడించిన సర్వే వివరాలు దుమారం రేపుతున్నాయి.
* లగడపాటిది సర్వే కాదు.. చిలక జోస్యం
* చివరి నిమిషంలో సర్వేల పేరుతో గందరగోళం సృష్టించే ప్రయత్నం
* లగడపాటిది కుట్రపూరిత సర్వే
* టీఆర్‌ఎస్‌ 65-70 స్థానాల్లో గెలుస్తుందని నవంబర్‌ 20న చెప్పిన లగడపాటి
* చంద్రబాబు ఒత్తిడితో అంకెలు మార్చారు

Pages

Don't Miss

Subscribe to RSS - కేటీఆర్