కేరళ

12:00 - September 24, 2017

కేరళ : అక్టోబర్‌ విప్లవ శత వార్షికోత్సవాలను పురస్కరించుకుని కేరళలోని కొచ్చిలో దక్షిణాసియా దేశాల వామపక్షాల సమావేశాలు ప్రారంభమయ్యాయి. సీపీఎం ఆధ్వర్యంలో జరుగుతున్న ఈ ఉత్సవాలకు బంగ్లాదేశ్‌, నేపాల్‌, శ్రీలంక నుంచి ప్రతినిధులు హాజరయ్యారు. సమావేశాలను ప్రారంభించిన సీపీఎం జాతీయ ప్రధాన కార్యదర్శి సీతారాం  ఏచూరి అక్టోబర్‌ విప్లవ ప్రాముఖ్యతను వివరించారు. సామ్యవాద సమాజం స్థాపనకు ఈ విప్లవం ఎంతగానో దోహదం చేసిందన్నారు. సార్వభౌమాధికారాన్ని కాపాడుకునేందుకు దక్షిణాసియా దేశాలు సామాజ్ర్యవాదం, మతతత్వానికి వ్యతిరేకంగా పోరాడిన విషయాన్ని గుర్తు చేశారు. కార్మికులు, కర్షకులను ఏకం చేసిన గొప్ప చరిత్ర అక్టోబర్‌ విప్లవానికి ఉందని సీతారాం ఏచూరి చెప్పారు. సీపీఎం పాలిత కేరళ, త్రిపురల్లో ఉద్రిక్తతలను సృష్టించేందుకు మతోన్మాద శక్తులు చేసిన ప్రయత్వాలు ఫలించలేదని సమావేశాలకు అధ్యక్షత వహిస్తున్న కేరళ ముఖ్యమంత్రి పనిరయి విజయన్‌ చెప్పారు.  ప్రజల్లో లౌకిక భావాలను పెంపొందించేందుకు ప్రగతిశీల వామపక్ష శక్తులు చేసిన కృషే ఇందుకు కారణమన్నారు. 
-------

17:58 - September 17, 2017

కేరళ : జిమిక్కి కమల్‌ సాంగ్‌ దుమ్ము రేపుతోంది.. కేరళలోని కొచ్చిలో ఇండియన్‌ స్కూల్‌ ఆఫ్ కామర్స్‌ కాలేజ్‌ స్టుడెంట్స్‌ చేసిన డ్యాన్స్‌కు వ్యూయర్స్‌ ఫిదా అయిపోయారు.. యూ ట్యూబ్‌లో ఆగస్టు 30న రిలీజైన ఈ డ్యాన్స్‌ను దాదాపు కోటిన్నర మంది ఈ పాటను చూశారు.. ప్రముఖ మ‌ల‌యాళీ న‌టుడు మోహ‌న్ లాల్ న‌టించిన‌ వెలిప‌డింతె పుస్తకం అనే సినిమాలోని సాంగే ఈ జిమిక్కి క‌మల్‌.. ఓనం పండుగ రోజు సంప్రదాయ దుస్తులు వేసుకున్న కాలేజీ విద్యార్థినులు, కాలేజీ స్టాఫ్ క‌లిసి జిమిక్కి క‌మల్‌కు స్టెప్పులేశారు.. 
నటి సుమా అదిరిపోయే డ్యాన్స్‌
జిమిక్కి పాటకు యాంకర్‌ సుమ కూడా స్టెప్పులేశారు.. ఈ పాటకు వేసిన డ్యాన్స్‌ను వీడియో తీసి నెట్‌లో పెట్టారు.. సుమ పాటకు కూడా వీక్షకులు లైకుల మీద లైకులు కొట్టేస్తున్నారు..

 

20:45 - September 5, 2017

హైదరాబాద్ : కేరళ ప్రభుత్వం అమలు చేస్తున్న వ్యవసాయదారుల రుణ ఉపశమనం చట్టాన్ని తెలంగాణలో కూడా అమలు చేయాలని అఖిల భారత రైతు పోరాట సమన్వయ కమిటీ నేత సారంపల్లి మల్లారెడ్డి డిమాండ్ చేశారు. ఖమ్మం సీపీఎం కార్యాలయంలో జరిగిన సమావేశంలో మల్లారెడ్డితో పాటు పలువురు సీపీఎం నేతలు పాల్గొన్నారు. అన్ని పంటలకు ఉత్పత్తి ఖర్చులపై 50 శాతం గిట్టుబాటు ధర ఇవ్వాలన్న సారంపల్లి ఈనెల 16న తెలంగాణలో రైతు విముక్తి యాత్ర ప్రారంభిస్తున్నట్లు తెలిపారు. 

18:59 - August 28, 2017

హైదరాబాద్ : దేశ వ్యాప్తంగా కుల దురంహాకార హత్యలు, దళితులపై దాడులు ఆందోళన కలిగిస్తున్నాయని డీఎస్ ఎమ్ ఎమ్ నాయకులు అభిప్రాయపడ్డారు. హైదరాబాద్‌లోని సుందరయ్య విజ్ఞాన కేంద్రంలో రెండు రోజుల పాటు సాగిన దళిత్‌ శోషన్ ముక్త్‌  మంచ్‌ జాతీయ సమావేశాలు ముగిశాయి. బీజేపీ అధికారంలోకి వచ్చాక.. దళితులు, ఆదివాసీలు, మహిళలపై దాడులు పెరిగిపోయాయని.. కేరళ మాజీ స్పీకర్‌ రాధాకృష్ణన్‌ అన్నారు. దీనికి వ్యతిరేకంగా పోరాడాల్సిన అవసరం ఉందన్నారు. దేశంలో కుల దురంహకార హత్యలు , సాంఘిక బహిష్కరణకు జరగకుండా కఠిన చట్టాలు తీసుకురావాలని.. డీఎస్‌ఎమ్‌ఎమ్‌ జాతీయ నాయకురాలు మమత డిమాండ్‌ చేశారు.

 

21:40 - August 23, 2017

తిరుగునంతపురం : ఎస్ఎన్ సీ లావలిన్ కేసులో కేరళ ముఖ్యమంత్రి పినరయి విజయన్‌ను కేరళ హైకోర్టు నిర్దోషిగా ప్రకటించింది. అవినీతి కేసులో పినరయి విజయన్‌ పేరును సీబీఐ చేర్చడం సరికాదని హైకోర్టు తేల్చిచెప్పింది. విజయన్‌కు వ్యతిరేకంగా ఆధారాలు సమర్పించడంలో సిబిఐ విఫలమైందని కోర్టు పేర్కొంది. దీంతో 20 ఏళ్లుగా పినరయి విజయన్‌ను వెంటాడుతున్న ఎస్ఎస్‌సీ-లావలిన్ కేసు నుంచి ఆయనకు విముక్తి లభించింది. కోర్టు తీర్పు పట్ల సిఎం విజయన్‌ హర్షం వ్యక్తం చేశారు. రాజకీయంగా తనను ఇరికించేందుకు కుట్ర జరిగిందని చివరకు నిజమే విజయం సాధించిందని పేర్కొన్నారు. 1996-98లో విజయన్‌ విద్యుత్‌శాఖ మంత్రిగా ఉన్నారు. కెనడియన్ సంస్థ ఎన్‌ఎన్‌సీ-లావలిన్ గ్రూప్‌కు విద్యుత్ ఆధునికీకరణ కాంట్రాక్టును అప్పగించడం ద్వారా ప్రభుత్వానికి 374 కోట్ల నష్టం జరిగిందని సిబిఐ ఆరోపణ. 2013లో సీబీఐ కోర్టు విజయన్, మరో ఆరుగురుని నిర్దోషులుగా ప్రకటించింది. సిబిఐ కోర్టు ఇచ్చిన తీర్పును హైకోర్టు సమర్థించింది. 

19:44 - August 7, 2017

కేరళ : క్రికెటర్‌ శ్రీశాంత్‌కు ఊరట లభించింది. అతనిపై బీసీసీఐ విధించిన జీవితకాల నిషేధాన్ని ఎత్తివేస్తూ కేరళ హైకోర్టు తీర్పు వెలువరించింది. గతేడాది ఢిల్లీలోని ఓ కోర్టు కూడా స్పాట్‌ ఫిక్సింగ్‌ కేసులో శ్రీశాంత్‌ను నిర్దోషిగా తేల్చింది. ఈ తీర్పు అనంతరం తనపై ఉన్న నిషేధాన్ని ఎత్తివేయాలంటూ శ్రీశాంత్‌ బీసీసీఐని కోరినా.. బోర్డు తిరస్కరించింది. దీంతో శ్రీశాంత్‌ కేరళ హైకోర్టును ఆశ్రయించాడు. కోర్టు క్లీన్‌చిట్‌ ఇచ్చినా.. బోర్డు తనను కావాలని వేధిస్తున్నాడని శ్రీశాంత్‌ పిటిషన్‌ వేశాడు. తనకు అనుకూలంగా తీర్పు రావడంతో శ్రీశాంత్‌ ట్విట్టర్‌లో ఆనందం వ్యక్తం చేశాడు. 

 

19:42 - August 7, 2017

తిరువనంతపురం : కేరళలో పలుచోట్ల బిజెపి దాడులకు పాల్పడే అవకాశముందని నిఘావర్గాలు హెచ్చరించినట్లు ముఖ్యమంత్రి పినరయి విజయన్‌ అసెంబ్లీలో తెలిపారు. దీనికి సంబంధించిన నిఘా రిపోర్టు ప్రభుత్వం వద్ద ఉందని...దాడులు జరగకుండా ప్రభుత్వం ముందస్తు చర్యలు చేపట్టిందని విజయన్‌ వెల్లడించారు. బిజెపి దాడులకు సంబంధించి విచారణ కోసం సిబిఐకి అప్పగించేందుకు ప్రభుత్వం సిద్ధంగా ఉందని ఆయన స్పష్టం చేశారు. హింసాత్మక ఘటనలపై పోలీసులు దర్యాప్తు జరుపుతున్నారని విజయన్‌ పేర్కొన్నారు. కేరళ అస్తిత్వాన్ని నాశనం చేసేందుకే బిజెపి తప్పుడు ప్రచారానికి పాల్పడుతోందని సిఎం ఆరోపించారు. 

 

07:48 - July 23, 2017

కేరళ : కేరళలో ఓ మహిళను రేప్‌ చేసినట్లు ఆరోపణలు ఎదుర్కొంటున్న కాంగ్రెస్‌ పార్టీ ఎమ్మెల్సే విన్సెంట్‌ను పోలీసులు శనివారం అరెస్ట్‌ చేశారు. ఈ కేసులో విన్సెంట్‌ను పోలీసులు ఐదుగంటలపాటు ప్రశ్నించిన అనంతరం ఆయనను అదుపులోకి తీసుకున్నారు. విన్సెంట్‌ 51 ఏళ్ల మహిళను వెంటాడి అత్యాచారం చేసి.. ఆత్మహత్యకు పురిగొల్పినట్టు అభియోగాలను ఎఫ్‌ఐఆర్‌లో నమోదు చేశారు. ఈ కేసులో పోలీసులు పలువురు సాక్ష్యుల వాంగ్మూలం సేకరించారు. ఇందులో బాధితురాలి భర్త, సోదరుడు, ఇరుగుపొరుగువారితోపాటు బంధువులు ఉన్నారు. కొల్లం సిటీ పోలీసు కమిషనర్‌ అజితా బేగం నేతృత్వంలో ఈ కేసు విచారణ కొనసాగుతోంది.

16:30 - July 22, 2017

కేరళ : ప్రముఖ మలయాళీ రచయిత కేపీ రమనున్నికి బెదిరింపు లేఖ వచ్చింది. ముస్లిం యువకులను రెచ్చగొట్టేలా రచనలు చేస్తున్నారని గుర్తుతెలియని వ్యక్తులు ఆరోపించారు. ఆరు నెలల్లోగా ఇస్లాం మతంలోకి మారాలని.. లేదంటే కుడి చేయి, ఎడమ కాలు నరికేస్తామని లేఖలో ఆయనను హెచ్చరించారు. మలప్పురం జిల్లాలోని మంజేరీ నుంచి ఈ లేఖను పంపించినట్లు తెలుస్తోంది. అయితే ఎవరు ఈ పనిచేశారో తనకు తెలియడం లేదని.. తనకు ఎవరితో శత్రుత్వం లేదని రమనున్ని చెబుతున్నారు. ఆరు రోజుల క్రితమే రమనున్నికి ఈ లేఖ రావడంతో ఆయన పోలీసులకు ఫిర్యాదు చేశారు. మా ఆజ్ఞ పాటించకుంటే గతంలో ప్రొఫెసర్‌ జోసఫ్‌ లాగే మీకు శిక్షను అమలు చేస్తామని హెచ్చరించారు. 2010లో ప్రశ్నాపత్రంలో మతాన్ని కించపరిచేలా వ్యాఖ్యలు రాశారంటూ..  ఓ ముస్లిం సంస్థకు చెందిన వ్యక్తులు ప్రొఫెసర్‌ జోసెఫ్‌ కుడిచేయిని నరికారు. రమనున్ని మంచి వక్త, కథలు రాస్తుంటారు.

20:57 - June 25, 2017

విజయవాడ : బిజెపి, ఆర్‌ఎస్‌ఎస్‌లు తమ రాజకీయ లబ్ధి కోసం దేశంలో మతోన్మాదాన్ని పెంచి పోషిస్తున్నాయని కేరళ ఆర్ధిక మంత్రి థామస్ ఐజాక్ అన్నారు. విజయవాడ ఎంబీ విజ్ఞాన కేంద్రంలో సిపిఎం ఆధ్వర్యంలో జరిగిన 'మతోన్మాదం.. సవాళ్లు' అనే అంశంపై జరిగిన రాష్ట్ర స్ధాయి సదస్సుకు ఆయన హాజరయ్యారు. ఆర్‌ఎస్‌ఎస్‌ దేశంలో హిందువుల తప్ప మిగిలిన వాళ్లంతా పరాయివాళ్లుగా భావిస్తున్నందునే మైనార్టీ, దళితులపై దాడులకు తెగబడుతున్నారని థామస్ ఐజాక్ అభిప్రాయపడ్డారు. కేరళ రాష్ట్రంలో సుపరిపాలన అందిస్తున్నామని, సంక్షేమ పథకాల అమలులో దేశంలోనే ముందున్నామని ఆయన చెప్పారు. 

 

Pages

Don't Miss

Subscribe to RSS - కేరళ