కేవీపీ

15:28 - April 8, 2018

ఢిల్లీ : అమరావతి నిర్మాణం కోసం సీఎం చంద్రబాబు నాయుడు కూడా త్యాగాలు చేయాలని కాంగ్రెస్ సీనియర్ నేత కేవీపీ పేర్కొన్నారు. రాజధాని నిర్మాణం కోసం రైతులు త్యాగాలు చేస్తే సరిపోదని, మూడేళ్లలో వచ్చే లాభాలను రాజధాని నిర్మాణ బాండ్లలో పెట్టుబడులు పెట్టాలని డిమాండ్ చేశారు.

21:57 - March 3, 2018

ఢిల్లీ : కాంట్రాక్టర్లు తన చేతిలో ఉండాలనే కక్కుర్తితోనే చంద్రబాబు పోలవరం ప్రాజెక్ట్ అథారిటీకి సహకరించకూడదని తన అధికారులకు దిశా నిర్దేశం చేశారన్నారు కాంగ్రెస్‌ రాజ్యసభ సభ్యుడు కేవీపీ రామచంద్రారావు. పోలవరం ప్రాజెక్ట్‌ తన చేతి నుండి చేజారిపోకుండా శతవిధాలా ప్రయత్నించారన్నారు. ఏ కారణం చేతనైనా ప్రాజెక్ట్‌ నిర్మాణం రాష్ట్రం చేతికి రాకపోతే... కాంట్రాక్టర్లకు మేలు చేయాలని... వారికి లాభాలు తగ్గకూడదని 2015లో జీవో 22 విడుదల చేశారన్నారు. పోలవరం ప్రాజెక్ట్‌ విషయంలో జరుగుతున్న పరిణామాలతో నష్టపోయేది రాష్ట్ర ప్రజలేనన్నారు. ఈ ప్రాజెక్ట్‌ రాష్ట్రం చేతికి రావడం వెనక ఎన్నో లొసుగులు ఉన్నాయని.. అందుకే శ్వేతపత్రం విడుదల చేసేందుకు చంద్రబాబు జంకుతున్నారన్నారు. ఇప్పుడు మళ్లీ ఎన్నికలు వస్తున్న నేపథ్యంలో.. కేంద్రం విభజన హామీలు నెరవేర్చలేదని విమర్శలు చేస్తున్నారన్నారు కేవీపీ. ఇప్పటికైనా చంద్రబాబు తప్పులన్నీ తెలుసుకుని.. పోలవరం ప్రాజెక్ట్‌కు నిధులన్నీ కేంద్రమే ఇచ్చేలా లిఖిలపూర్వకంగా కోరాలని.. చంద్రబాబుకు కేవీపీ బహిరంగ లేఖ రాశారు. 

11:33 - February 9, 2018

ఢిల్లీ : ఏపీపై వైఖరి మార్చుకోకపోతే దేశంలో బీజేపీ కనుమరుగు కాక తప్పదని కాంగ్రెస్ ఎంపీ కేవీపీ అన్నారు. ఏపీపై కేంద్రానికి సానుభూతి కూడా లేకుండా పోయిందన్నారు. ఏపీ ప్రజలకు న్యాయం జరగడం వారికి ఇష్టం లేదన్నారు. బీజేపీ అంగీకారంతోనే రాష్ట్ర విభజన జరిగిందన్నారు. ఇది ఇప్పుడు నేషనల్ అంశం అయిందన్నారు. బీజేపీకి ఏపీకి న్యాయం చేసే ఉద్దేశం లేదని చెప్పారు. అరుణ్ జైట్లీకి అవగాహన రాహిత్యంతో ఉన్నారని అనుకోవడానికి వీల్లేదని చెప్పారు. జైట్లీ అబద్దాన్ని వల్లించి... వల్లించి దాన్ని నీజం చేయాలని చూస్తున్నారని పేర్కొన్నారు. రాష్ట్ర ప్రయోజనాల కోసం పార్టీలకతీతంగా పోరాడాలన్నారు. మిత్రపక్షాలతోటి సంప్రదించి, కార్యాచరణ ప్రకటిస్తామని అన్నారు. 

15:01 - February 8, 2018

ఢిల్లీ : ఏపి విభజన హామీలపై రాజ్యసభలో వాడి వేడి చర్చ జరిగింది. విభజన హామీలను అమలుచేయాలని వైఎస్‌ఆర్‌సీపీ కాంగ్రెస్‌ ఎంపీలు డిమాండ్‌ చేశారు. విభజన చట్టాన్ని గౌరవించాలని, బిల్లులో పొందుపరిచిన అంశాలను అమలు చేయాలని కాంగ్రెస్‌ ఎంపీ కేవీపీ రామచంద్రరావు కోరారు. కేంద్ర మంత్రి సుజనా చౌదరి కేబినెట్‌ నిర్ణయానికి విరుద్ధంగా మాట్లాడారంటూ వైఎస్‌ఆర్‌సీపీ ఎంపీ విజయసాయిరెడ్డి పాయింట్‌ ఆఫ్‌ ఆర్డర్‌ లేవనెత్తారు. కేంద్ర మంత్రులకు సమిష్టి బాధ్యత ఉంటుందని, కేబినెట్‌లో బడ్జెట్‌కు ఆమోదం తెలిపి సభలో విభేదించడం రాజ్యాంగ విరుద్ధమని అభ్యంతరం వ్యక్తం చేశారు. మంత్రి పదవిలో కొనసాగుతూ కాబినెట్‌ నిర్ణయాన్ని ఎలా వ్యతిరేకిస్తారని విజయ్‌సాయిరెడ్డి ప్రశ్నించారు. సభ్యుల ఆందోళనల నడుమ రాజ్యసభ మధ్యాహ్నం 2 గంటల వరకూ వాయిదా పడింది.

సభలో ఇచ్చిన హామీలకే న్యాయం జరగకపోతే ఎలా అని కేవీపీ ప్రశ్నిస్తున్నారు. విభజన హామీలో ఇచ్చిన హామీలన్నీ నెరవేర్చాలని కేవీపీ డిమాండ్‌ చేశారు. రాజ్యసభలో తాను ఇచ్చిన నోటీసుపై చర్చకు అంగీకరించకపోవడంతో.. పార్లమెంట్‌ ఆవరణలో ఆయన నిరసన తెలిపారు. రాష్ట్రానికి న్యాయం చేసే వరకు తన పోరాటం జరుగుతుందన్నారు కేవీపీ.

12:29 - February 5, 2018
13:22 - February 4, 2018

ఢిల్లీ : రాజ్యసభ డిప్యూటీ చైర్మన్ కురియన్ కు కేవీపీ లేఖ రాశారు. కురియన్ వ్యాఖ్యలపై కేవీపీ ఘాటుగా స్పందించారు. కురియన్ రాజ్యసభ సంప్రదాయాల్ని గౌరవించాలని కేవీపీ సూచించారు. తనను పిచ్చోడిగా సంభోదించినందుకు బాధగా లేదు కానీ ఏపీకి జరిగిన అన్యాయం చూసి నిజంగానే పిచ్చోడినయ్యానని కేవీపీ అన్నారు. మరింత సమాచారం కోసం వీడియో క్లిక్ చేయండి.

06:45 - February 3, 2018

ఉత్తర ప్రదేశ్‌ : రాష్ట్రంలోని కాస్‌గంజ్‌లో చెలరేగిన అల్లర్లపై రాజ్యసభ అట్టుడికింది. కాస్‌గంజ్‌లో ముస్లింలను టార్గెట్‌ చేస్తున్నారని ఎస్‌పి మండిపడింది. అక్కడ హిందువును హిందువే చంపాడని...ముస్లింలపై ఆరోపణలు చేస్తున్నారని పేర్కొంది. మరోవైపు బడ్జెట్‌లో ఏపికి జరిగిన అన్యాయంపై కెవిపి వెల్‌లోకి వెళ్లి నిరసన తెలిపారు. యుపీ ప్రభుత్వం మతతత్వాన్ని రెచ్చగొడుతోందని సమాజ్‌వాదీ పార్టీ ఆరోపించింది. కాస్‌గంజ్‌లో హిందువును హిందువే చంపితే ముస్లింలపై ఆరోపణలు చేస్తున్నారని ఎస్పీ నేత రామ్‌గోపాల్‌ యాదవ్‌ బిజెపిపై ధ్వజమెత్తారు. ముస్లింల ఇళ్లలోకి వెళ్లి వారిని కొడుతున్నారని...తప్పుడు ఆరోపణలతో అరెస్ట్‌ చేస్తున్నారని ఆయన మండిపడ్డారు. ముస్లింల ఆస్తులను తగలబెడుతూ తీవ్ర నష్టం కలిగించారని పేర్కొన్నారు. ఎవరు ఎవరిని చంపారో తుపాకి పేల్చిన వీడియోలో స్పష్టంగా ఉందని రామ్‌గోపాల్‌ యాదవ్‌ అన్నారు.

కాస్‌గంజ్‌పై చర్చకు ముందస్తు నోటీసు ఇవ్వాలని కోరుతూ డిప్యూటీ చైర్మన్ కురియన్ ఎస్పీ నేతకు మాట్లాడేందుకు నిరాకరించారు. మరోవైపు బడ్జెట్‌ కేటాయింపుల్లో ఏపీకి జరిగిన అన్యాయంపై కాంగ్రెస్ ఎంపి కేవీపీ రామచంద్రరావు ఆందోళన చేశారు. సభ ప్రారంభం కాగానే వెల్‌లోకి వెళ్లి 'సేవ్‌ ఆంధ్రప్రదేశ్' ప్లకార్డుతో నిరసన తెలిపారు.

నిరసన విరమించి సీట్లో కూర్చోవాలని డిప్యూటి చైర్మన్‌ ఎంత చెప్పినా కేవీపి వెనక్కి తగ్గలేదు. దీంతో సహనం కోల్పోయిన కురియన్‌ ఈయనకేమైనా పిచ్చిపట్టిందా అంటూ వ్యాఖ్యానించారు. ఆప్‌ నుంచి కొత్తగా ఎన్నికైన సభ్యుల సైతం వెల్‌లోకి దూసుకొచ్చి ఆందోళన తెలిపారు. దేశరాజధానిలో చేపట్టిన సీలింగ్ డ్రైవ్‌పై తీవ్ర నిరసన వ్యక్తం చేశారు. తీవ్ర గందరగోళం మధ్య రాజ్యసభ కొద్దిసేపు వాయిదా పడింది. తిరిగి ప్రారంభమైన సభలో ప్రశ్నొత్తరాలు కొనసాగాయి.

16:17 - December 17, 2017

ఢిల్లీ : ఏపీ కాంగ్రెస్‌ నాయకులు ఢిల్లీలో లోక్‌సభలో కాంగ్రెస్‌ పక్ష నేత మల్లికార్జున ఖర్గేతో భేటీ అయ్యారు. రాష్ట్ర విభజన చట్టంలోని హామీల అమలుకు పార్లమెంటులో కేంద్ర ప్రభుత్వంపై ఒత్తిడి తెచ్చే అంశంపై చర్చించారు. లోక్‌సభ చట్టంలోని 184వ రూల్‌ కింది ఈ అంశంపై నోటీసు ఇచ్చి చర్చకు వచ్చే విధంగా చూడాలని కోరారు. రాష్ట్రానికి ప్రత్యేక హోదా, పోలవరం ప్రాజెక్టుకు నిధుల మంజూరు, విశాఖ రైల్వే జోన్‌ వంటి అంశాలు పార్లమెంటులో చర్చకు వచ్చేలా చర్యలు తీసుకోవాలని విజ్ఞప్తి చేశారు. కాంగ్రెస్ పార్లమెంటరీ పార్టీలో చర్చించి, దీనిపై నిర్ణయం తీసుకుంటామని ఖర్గే హామీ ఇచ్చారు. ఈ సందర్భంగా ఏపీ కాంగ్రెస్ నేతలు మీడియాతో మాట్లాడారు.

పోలవరం ప్రాజెక్టుకు వ్యతిరేకంగా పనిచేస్తున్నారని టిడిపి నేతలు ఆరోపించడం పట్ల కాంగ్రెస్ రాజ్యసభ సభ్యుడు కేవీపీ తప్పుబట్టారు. ఈ విషయాన్ని ఆధారాలతో సహా రుజువు చేయాలని సవాల్ చేశారు. రుజువు చేస్తే రాజ్యసభ సభ్యత్వాన్ని రాజీనామా చేయడమే కాకుండా ఏపీ ప్రజలకు ముఖం చూపెట్టకుండా ఎక్కడో ఒక చోట తలదాచుకుంటానని కేవీపీ పేర్కొన్నారు. 

18:38 - December 4, 2017

ఢిల్లీ : కాంగ్రెస్‌వి వారసత్వ రాజకీయాలన్న బీజేపీ నేతల వ్యాఖ్యలపై రాజ్యసభ సభ్యుడు కేవీపీ రామచంద్రరావు మండిపడ్డారు. వారసత్వ రాజకీయాల గురించి బీజేపీ మాట్లాడటం హాస్యాస్పదంగా ఉందన్నారు. దేశం కోసం ఇందిరాగాంధీ కుటుంబం ఆత్మబలిదానాలు చేసిందని గుర్తు చేశారు. అలాంటి కుటుంబం నుంచి వచ్చిన రాహుల్‌గాంధీపై విమర్శలు చేయడమేంటని KVP ప్రశ్నించారు. 

20:43 - December 3, 2017

పోల‌వ‌రం ప్రాజెక్టు నిర్మాణం కేంద్రమే నిర్మాణం చేయాలని కాంగ్రెస్ ఎంపీ కేవీపీ పేర్కొన్నారు. ఆయన ఇటీవలే హైకోర్టును ఆశ్రయించిన సంగతి తెలిసిందే. ఆర్తిక సమస్యలతో సతమతమౌతున్న అవసరం లేని పోలవరం భారాన్ని మోయాల్సినవసరం లేదన్నారు. కానీ రాష్ట్రమే నిర్మాణం చేయాలన్న ఏపీ రాష్ట్ర ప్రభుత్వ నిర్ణయం వెనుక మతలబేంటో తెలియడం లేదన్నారు. పోలవరం నిర్మాణానికి అన్ని అనుమతులూ తీసుకువచ్చింది దివంగత సీఎం వైఎస్ రాజశేఖరరెడ్డేనని ఆయన చెప్పారు. పోలవరం నిర్మాణంపై రాష్ట్ర ప్రభుత్వం తీసుకుంటున్న వైఖరి..కేంద్రం స్పందన..ఇతర విషయాలపై తెలుసుకొనేందుకు టెన్ టివి ప్రయత్నించింది. అందులో భాగంగా ఆయనతో ఇన్ పుట్ ఎడిటర్ కృష్ణ సాయిరాం ముచ్చటించారు. పూర్తి విషయాలకు వీడియో క్లిక్ చేయండి. 

Pages

Don't Miss

Subscribe to RSS - కేవీపీ