క్లీన్ గంగ

17:11 - October 11, 2018

ఢిల్లీ : గంగా నదిని కాపాడేందుకు ప్రత్యేక చట్టం తీసుకురావాలంటూ డిమాండ్ చేస్తున్న ప్రొఫెసర్ జి.డి.అగర్వాల్ (స్వామి జ్ఞానస్వరూప్ సనంద్ జీ) కన్నుమూశారు. 112 రోజులుగా ఆయన ఉపవాస దీక్ష చేస్తున్న సంగతి తెలిసిందే. బుధవారం ఆయన్ను బలవంతంగా పోలీసులు రిషికేష్ లోని ఏయిమ్్స ఆసుపత్రికి తరలించారు. కానీ గురువారం శరీరంలో పొటాషియం, ఇతర ప్రోటీన్లు పడిపోవడంతో మధ్యాహ్నం 1గంటకు తుదిశ్వాస విడిచారని వైద్యులు పేర్కొన్నారు. 
గంగా నదిని కాపాడేందుకు ఆయన జూన్ 22వ తేదీ నుండి ఉపవాస దీక్ష చేస్తున్నారు. నదిని కాపాడేందుకు ప్రత్యేక చట్టం తీసుకరావాలని కేంద్రాన్ని ఆయన డిమాండ్ చేస్తున్నారు. ఐఐటి కాన్పూర్‌లో ఆయన ప్రొపెసర్‌గా పనిచేశారు. సీపీసీబీలో ఆయన సభ్యుడిగా పనిచేశారు. 2011లో ఆయన స్వామిగా అవతారమెత్తారు. భగరీథి నదిపై డ్యామ్‌లు కట్టవద్దని ఆయన కోరారు. 

Don't Miss

Subscribe to RSS - క్లీన్ గంగ