ఖమ్మం

06:53 - April 25, 2018

ఖమ్మం : జిల్లా వైరా వ్యవసాయ మార్కెట్‌లో మొక్కజొన్న రైతులు ఆందోళనకు దిగారు. సంచుల కొరత కారణంగా తెచ్చిన పంటను కొనుగోలు చేయకుండా అధికారులు నిర్లక్ష్యం వహిస్తున్నారని రైతులు మధిరా రోడ్డుపై రాస్తారోకో చేశారు. సొసైటీ ఆధ్వర్యంలో ఏర్పాటు చేసిన ధాన్యం కొనుగోలు కేంద్రంలో సంచుల కొరతతో పది రోజుల నుంచి ధాన్యాన్ని కొనుగోలు చేయడం లేదని రైతులు ఆందోళన వ్యక్తం చేశారు. వర్షం పడితే ధాన్యం తడవడం వల్ల తాము నష్ట పోతామని ఆందోళన చెందుతున్నారు. ఇప్పటికైన బస్తాల కొరత తీర్చాలని రైతులు సివిల్‌ సప్లై అధికారులను కోరారు.

19:01 - April 24, 2018
19:58 - April 17, 2018

ఖమ్మం : సీపీఎం జాతీయ మహాసభలను విజయవంతం చేయాలని రాష్ట్రవ్యాప్తంగా సీపీఎం నేతలు ర్యాలీలు నిర్వహిస్తున్నారు. మహాసభలకు భారీ ఎత్తున ప్రజలు తరలి వచ్చేలా సీపీఎం నేతలు ప్రచారం చేస్తున్నారు. ఇవాళ వినూత్నంగా జోడు గుర్రాలబండిపై ప్రచారం నిర్వహించారు. ఈ మహాసభలు తెలంగాణ రాష్ట్ర రాజకీయాల్లో పెనుమార్పులు తీసుకువస్తాయని నేతలంటున్నారు. మహాసభల విజయవంతం కోసం నేతలు చేస్తున్న ప్రయత్నాలపై మరిన్ని వివరాలు వీడియోలో చూద్దాం... 

10:10 - April 14, 2018

ఖమ్మం : డీహెచ్ఎంవో కొండల్ రావ్ వ్యవహర శైలిపై టెన్ టివిలో ప్రసారమైన కథనాలకు లభించింది. మంత్రి లక్ష్మారెడ్డి ఈ విషయంపై ఆరా తీశారు. అసలు డిపార్ట్ మెంట్ లో ఏం జరుగుతోంది ? వెంటనే వివరాలు అందించాలని మంత్రి ఆదేశాలు జారీ చేశారు. స్టాప్ నర్సు జ్యోతిపై కేసు నమోదు చేయడంపై మంత్రి తీవ్ర ఆగ్రహం వ్యక్తం చేశారు.

డీహెచ్ఎంవో కొండల్ రావ్ తనను లైంగికంగా వేధిస్తున్నాడంటూ వైద్య ఆరోగ్య శాఖలో స్టాప్ నర్సుగా పనిచేస్తున్న జ్యోతి మానవ హక్కుల కమిషన్, జిల్లా కలెక్టర్ కు ఫిర్యాదు చేయడంతో కలకలం రేపింది. కొంతకాలంగా కోరిక తీర్చాలంటూ వేధిస్తున్నాడని, వ్యతిరేకిస్తుండడంతో బదిలీలు చేస్తూ వేధిస్తున్నాడంటూ ఆమె పేర్కొంటోంది. ఈ ఘటనపై శుక్రవారం టెన్ టివిలో కథనాలు ప్రసారమయ్యాయి. దీనితో మంత్రి లక్ష్మారెడ్డి స్పందించారు. కొండల్ రావ్ పై డిపార్ట్ మెంటల్ విచారణ జరపాలని ఆదేశాలు జారీ చేశారు. కొండల్ రావ్ మరికొంతమందిని వేధించారనే ఆరోపణలు వినిపిస్తున్నాయి. 

10:25 - April 13, 2018

ఖమ్మం : మహిళలపై అఘాయిత్యాలు పెరిగిపోతున్నాయి. లైంగిక వాంఛ తీర్చాలంటూ వేధింపులకు గురి చేస్తున్నారు. కోరిక తీర్చాలంటూ వైద్యాధికారి వేధింపులకు గురి చేస్తున్నాడంటూ నర్సు ఫిర్యాదు చేయడం జిల్లాలో చర్చనీయాంశమైంది. ఏకంగా మానవ హక్కుల కమిషన్, జిల్లా కలెక్టర్ కు ఫిర్యాదు చేసింది. డీఎంహెచ్ వో కొండల్ రావ్ ఇన్ ఛార్జీగా పనిచేస్తున్నారు. బోనకల్ పీహెచ్ సీలో కాంట్రాక్టు కింద మహిళ నర్సుగా పనిచేస్తున్నారు. అయితే కొంతకాలంగా కోరిక తీర్చాలని డీఎంహెచ్ ఓ కొండల్ రావు వేధిస్తున్నాడని నర్సు పేర్కొన్నారు. కోరిక తీర్చకుంటే బ్రోతల్ కేసులో ఇరికిస్తానంటూ బెదిరింపులకు పాల్పడినట్లు పేర్కొంది. కక్ష సాధింపులో భాగంగా డిప్యూటేషన్ పై ఆరు చోట్లకు బదిలీ చేశాడని, సంవత్సరకాలంగా వేధింపులకు గురి చేస్తున్నాడని వాపోయింది. హెచ్చార్సీ, కలెక్టర్ తనకు న్యాయం చేయాలని, మహిళా సంఘాలు బాసటగా నిలవాలని కోరుతున్నారు. ఇదిలా ఉంటే వేధింపులకు సంబంధించిన వాయిస్ రికార్డు టెన్ టివి సంపాదించింది. 

16:50 - April 10, 2018

హైదరాబాద్ : ఖమ్మం నగరంలో భారీ అరుణపతాక రెపరెపలాడింది. సీపీఎం 22వ జాతీయ మహాసభల సందర్భంగా ఖమ్మం నగరంలో అతిపెద్ద ఎర్రజెండాను ప్రదర్శించారు. 11వందల అడుగుల పొడవైన రెడ్‌ఫ్లాగ్‌ను చేతబట్టిన వందలాదిమంది .. భారీ ర్యాలీ నిర్వహించారు. ఈనెల 18న  హైదరాబాద్‌లో జరిగే జాతీయ మహాసభలను జయప్రదం చేయాలని కోరుతూ.. అదిపెద్ద రెడ్‌ఫ్లాగ్‌ను సీపీఎం కార్యకర్తలు ప్రదర్శించారు.

18:14 - April 9, 2018

ఖమ్మం : జిల్లా మధిరలో టీఆర్ఎస్‌ బహిరంగసభకు..డబ్బులు ఇచ్చి మరీ జనాన్ని తరలించారు. సభను సక్సెస్‌ చేసేందుకు నేతలు జనాన్ని ప్రలోభపెట్టి బస్సుల్లో తీసుకువచ్చారు. బస్సు దిగిన వెంటనే డబ్బులు పంపిణీ చేశారు. ఈ విజువల్స్‌ను టెన్‌ టీవీ ఎక్స్‌క్లూజివ్‌గా సాధించింది. 

19:44 - April 4, 2018

ఖమ్మం : చిన్నారి తన్విత కేసు సుఖాంతం అయింది. తన్విత కేసులో జిల్లా కోర్టు తీర్పు వెలువరించింది. పెంచిన తల్లికే తన్వితను అప్పగించాలని తీర్పు ఇచ్చింది. ఇల్లందుకు చెందిన తన్వితను అధికారులు బాలల సదన్ నుంచి పెంచిన తల్లికి అప్పగించారు. కన్నతల్లి, పెంచిన తల్లి వివాదంలో అక్టోబర్ 24న తన్విత బాలల సదన్ కు చేరింది.

 

13:36 - April 4, 2018

ఖమ్మం : అకాల వర్షంతో నష్టపోయిన పంటలను సీఎల్పీ నేత జానారెడ్డి పరిశీలించారు. ఖమ్మం జిల్లాలో నష్టపోయిన వరి, మొక్కజొన్న, మిర్చి పంటలను పరిశీలించిన జానారెడ్డి... రైతులను వివరాలు అడిగి తెలుసుకున్నారు. ప్రభుత్వం రైతులకు వ్యతిరేకంగా వ్యవహరిస్తుందన్నారు. ప్రభుత్వం మొద్దు నిద్రవీడి రైతులను ఆదుకోకపోతే ఉద్యమం తప్పదని హెచ్చరించారు జానారెడ్డి. 

16:21 - April 2, 2018

ఖమ్మం : జిల్లాలో మంత్రి తుమ్మల ఇలాకాలో..డబుల్‌ బెడ్‌రూమ్‌ ఇళ్లు రాలేదని మనస్థాపం చెందిన.. ఇద్దరు గిరిజనులు ఆర్డీవో కార్యాలయంలో .. పురుగుల మందు ఆత్మహత్యాయత్నం చేశారు. ఇద్దరి పరిస్థితి విషమంగా ఉంది. ఖమ్మం రూరల్‌ మండలం ఆర్యకోడు పంచాయితీలో ఇటీవల డబుల్ బెడ్‌రూమ్ ఇళ్లు మంజూరు అయ్యాయి. అయితే వీటిలో... 16 ఇళ్లు టీఆర్‌ఎస్‌ కార్యకర్తలకు కేటాయించారు. తమకు అన్యాయం జరిగిందని... ఇద్దరు గిరిజనులు స్థానిక తహశీల్దార్‌కు, ఆర్డీవోకు ఫిర్యాదు చేసినా పట్టించుకోలేదు. దీంతో మనస్థాపం చెందిన ఇద్దరు గిరిజనులు పురుగుల మందు తాగి ఆత్మహత్యాయత్నం చేసుకున్నారు. 

 

Pages

Don't Miss

Subscribe to RSS - ఖమ్మం