గుంటూరు

13:16 - October 23, 2017

గుంటూరు : ఏపీ టీడీపీ నేత పయ్యావుల కేశవ్ రేవంత్ రెడ్డి వ్యాఖ్యలపై తీవ్రంగా ఖండించారు. చంద్రబాబు ప్రోత్సాహం వల్లే నేను, రేవంత్ రెడ్డి ఈస్థాయికి ఎదిగామని, 6 నెలలుగా రేవంత్ రెడ్డి ఢిల్లీ పర్యటనలపై పూర్తి వివరాలున్నాయని ఆయన అన్నారు. రేవంత్ చంద్రబాబును కలిశాఖ ఆ వివరాలపై స్పందస్తానాని, రేవంత్ రెడ్డి కి వ్యక్తిగత అజెండాలే ప్రధానమని ఆయన ఆరోపించారు. రేవంత్ జైలుకు వెళ్తే మొదట స్పందించిన వ్యక్తిని నేనే అని పయ్యావుల తెలిపారు. పూర్తి వివరాలకువ వీడియో చూడండి.

11:24 - October 23, 2017

గుంటూరు : పశ్చిమగోదావరి జిల్లా పాలకొల్లు పంచారామ క్షేత్రంలో కార్తీక సోమవారం, నాగుల చవితి పర్వదినాన్ని భక్తులు ఘనంగా నిర్వహించారు. మొదటి కార్తీక సోమవారం కావడంతో.. క్షీరా రామ లింగేశ్వర స్వామి ఆలయానికి భక్తులు పోటెత్తారు. రాజమండ్రిలోని గోదావరి ఘాట్లన్నీ భక్తుల పుణ్యస్నానాలతో కిటకిటలాడాయి. దీనికి తోడు నాగుల చవితి పర్వదినం కూడా కలిసి రావడంతో భక్త జనం నదీ తీరానికి చేరుకుని పుణ్యస్నానాలు ఆచరించి.. దీపాలను వెలిగించి నదిలో వదిలారు. శివాలయాలన్నీ భక్తుల అభిషేకాలతో కిటకిటలాడాయి. ప్రకాశం జిల్లా వ్యాప్తంగా శివాలయాల్లో భక్తులు పోటెత్తారు. తెల్లవారుజామునుంచే ఒంగోలు, మార్కాపురం, వైపాలెం, త్రిపురాంతకం, పాపులపాడు, చీరాల, యర్రగొండ పాలెంలోని శివాలయాలకు భక్తులు భారీగా తరలివచ్చారు. నాగుల చవితి కూడా ఇవాళే కావడంతో పుట్టలో పాలుపోసి మొక్కులు తీర్చుకున్నారు. 

18:23 - October 22, 2017

గుంటూరు : 2020 నాటికి ఏషియన్ బీచ్ వాలీబాల్ పోటీలు విశాఖపట్నంలో నిర్వహించేలా ప్రయత్నాలు చేస్తున్నామని ఎంపీ గల్లా జయదేవ్ చెప్పారు. గుంటూరులోని జరిగిన ఏపీ ఒలింపిక్ అసోసియేషన్ కార్యవర్గ సమావేశంలో జయదేవ్ పాల్గొన్నారు. స్పోర్ట్స్ సిటీ నిర్మాణం కోసం రాజధాని అమరావతిలో వంద ఎకరాల భూమిని కేటాయించాలని సీఎంని కోరతామని జయదేవ్ అన్నారు. 2018లో గోవాలో జరిగే జాతీయ క్రీడల్లో పాల్గొంటున్న క్రీడాకారులకు మెరుగైన శిక్షణ ఇవ్వనున్నట్లు ఆయన తెలిపారు.

 

18:21 - October 22, 2017

విజయవాడ : అట్టహాసంగా.. ఆడంబరంగా శిలాఫలకాలు ఆవిష్కరించారు. వందల కోట్లు ఖర్చు పెట్టి శంకుస్థాపన చేశారు. కానీ రాజధాని నిర్మాణాన్ని మాత్రం మరచారు. ఏపీ రాజధాని నిర్మాణ పనులు ముందుకు కదలకపోవడంపై ప్రభుత్వంపై విమర్శలు వెల్లువెత్తుతున్నాయి. ఏపీ రాజధానికి శంకుస్థాపన చేసి రెండేళ్లు గడుస్తున్న సందర్భంగా 10టీవీ స్పెషల్ స్టోరీ. అక్టోబర్‌ 22, 2015.. నవ్యాంధ్ర చరిత్రలో నూతన శకానికి నాంది పలికిన రోజు.. రాజధాని లేని రాష్ట్రంగా ఏర్పడిన ఆంధ్రప్రదేశ్‌ ప్రజలకు ప్రభుత్వం నమ్మకాన్ని తెచ్చిన రోజు.. నవ్యాంధ్రప్రదేశ్ రాజధాని అమరావతి నిర్మాణానికి శంకుస్థాపన జరిగిన రోజు.

ఏపీలోని 13 జిల్లాల నుండి మట్టి, నీరు..
సరిగ్గా రెండేళ్ల క్రితం ఇదే రోజు ఆంధ్రప్రదేశ్‌లో రాజధాని అమరావతి నిర్మాణానికి శంకుస్థాపన జరిగింది. మన దేశ ప్రధాని నరేంద్రమోడీ రాజధాని నిర్మాణానికి శంకుస్థాపన చేశారు. ఇతర రాష్ట్రాల ముఖ్యమంత్రులు, విదేశీ ప్రతినిధులు వందల మంది అతిరధమహారధుల సమక్షంలో అమరావతి నిర్మాణానికి శంకుస్థాపన జరిగింది. దేశంలోని వివిధ పుణ్య క్షేత్రాల నుంచి మట్టి నీరు తీసుకొచ్చి.. ఈ ప్రాంతంలో కలిపారు. ఏపీలోని 13 జిల్లాల నుండి మట్టి, నీరు ప్రత్యేకంగా తీసుకొచ్చి ఇక్కడ మట్టిలో కలిపారు. ప్రధాని నరేంద్రమోదీ స్వయంగా పార్లమెంట్ నుండి మట్టిని, గంగా నది నీటిని తీసుకొచ్చి ముఖ్యమంత్రి చంద్రబాబునాయుడికి అందించారు. కానీ రెండేళ్ల క్రితం ఇక్కడ ఎలా ఉందో ఇప్పుడు అలానే ఉంది.

రైతుల్లో పోతున్న నమ్మకం..
ఏళ్లు గడుస్తున్నా కొద్దీ అటు ప్రజల్లో ఇటు భూములిచ్చిన రైతుల్లో నమ్మకం పోతోంది. రాజధాని నిర్మాణం కోసం 33,500 ఎకరాల భూమిని ఇచ్చిన రైతులు ఎప్పుడెప్పుడు నిర్మాణాలు ప్రారంభిస్తారా అని ఎదురు చూస్తున్నారు. గ్రాఫిక్స్ డిజైన్స్‌లో కల్పిత కట్టడాలను మాత్రమే ప్రభుత్వం చూపిస్తోందని రైతులు విమర్శిస్తున్నారు. 

అమరావతి నిర్మాణానానికి సంబంధించి ప్రభుత్వం గత రెండేళ్లుగా కసరత్తులు చేస్తూనే ఉంది. మాస్టర్‌ ప్లాన్‌, స్టార్టప్‌ ఏరియా, సీడ్ క్యాపిటల్, ప్రభుత్వ భవనాలు ఇలా రకరకాల పేర్లతో డిజైన్స్‌ ఖరారు చేసే పనిలో ఉంది. ప్రపంచదేశాల్లో మించిన కట్టడాలను నిర్మించాలనే భావనతో సమయం ఎక్కువ తీసుకున్నా ఫర్వాలేదని ప్రభుత్వం భావిస్తోంది. ప్రస్తుతం విదేశీ పర్యటనలో ఉన్న చంద్రబాబు ఈ నెల 24, 25 తేదీల్లో అమరావతి డిజైన్స్‌ ఖరారు చేసే అవకాశం ఉంది. 

ఏపీని నిధుల కొరత వెంటాడుతోంది. కేంద్రం నుండి అంతగా సహకారం లేకపోవడంతో ఏపీ ప్రభుత్వం ఇబ్బందికర పరిస్థితులను ఎదురుకుంటోంది. దీంతో ఏపీ ప్రభుత్వం ప్రపంచ బ్యాంక్‌ నుండి ఇప్పటికే 3 వేల కోట్లు రుణం పొందగా.. మరో 3 వేల కోట్లు త్వరలోనే పొందబోతోంది. 2018 నాటికి మొదటి దశ పనులు పూర్తి చేస్తామని ప్రభుత్వం ప్రకటించింది. మరి ప్రభుత్వం ఏ మేరకు రాజధాని నిర్మాణ పనులు ముందుకు తీసుకెళ్తుందో చూడాలి. 

08:37 - October 22, 2017

రుణామాఫీ విడుదల చేసిన మాట వాస్తమే అని టీడీపీ ఎమ్మెల్యే శ్రావణ్ కుమార్ అన్నారు. రుణామాఫీ అనేది మంచి పథకం అని సీపీఎం నేత గఫుర్ అన్నారు. రుణామాఫీలో ప్రభుత్వం విఫలం చెందిందని కాంగ్రెస్ నేత విష్ణు అన్నారు. పూర్తి వివరాలకు వీడియో చూడండి.

13:26 - October 20, 2017

గుంటూరు : టీడీపీ ఎంపీ రాయపాటి సంచలన వ్యాఖ్యలు చేశారు. ఏపీ టీడీపీ నేతలు తెలంణాణలో కాంట్రాక్టు పనులు పొందితే తప్పేంటి అని రాయపాటి అన్నారు. కాంట్రాక్టుల కోసం త్వరలోనే తెలంగాణ సీఎం కేసీఆర్‌ను కలుస్తానన్నారు. కేసీఆర్‌ తనకు మంచి మిత్రుడన్నారు రాయపాటి. పోలవరం విషయంలో తీవ్రంగా నష్టపోయామన్నారు. త్వరలో ప్రధాని మోదీ కలుస్తానని...అందుకోసం అపాయింట్‌మెంట్‌ అడిగానన్నారు. పోలవరం, రాజధాని నిర్మాణానికి కేంద్రం నిధులు ఇవ్వకపోవడం వల్లే.. చంద్రబాబు నిధుల కోసం ఇతర దేశాల చుట్టూ తిరుగుతున్నారన్నారు రాయపాటి. పూర్తి వివరాలకు వీడియో చూడండి.

21:21 - October 18, 2017

గుంటూరు : అగ్నిప్రమాదం స్థానికులను భయపెట్టింది. శ్రీనగర్‌కాలనీలోని 3వలైన్లో ఉన్న పాతపేపర్ల దుకాణంలో మంటలు అంటుకున్నాయి. భారీగా మంటలు ఎగిసి పడటంతో స్థానికులు భయంతో పరుగులు తీశారు. మంటలు ఆర్పేందుకు అగ్నిమాపక సిబ్బంది ప్రయత్నిస్తున్నారు. 

12:02 - October 18, 2017

గుంటూరు : జిల్లాలోని తెనాలి రైల్వే స్టేషన్‌ సిబ్బంది మానవత్వాన్ని చాటుకున్నారు. ఉత్తరప్రదేశ్‌, గోరఖ్‌పూర్‌కు చెందిన రేఖ అనే గర్భిణి రైల్లో ప్రయాణిస్తుండగా హఠాత్తుగా పురిటి నొప్పులు వచ్చాయి. దీంతో ఆమె రైల్లోనే శిశువుకు జన్మనిచ్చింది. తెనాలిలో స్టాప్‌ లేకపోయినప్పటికీ రైల్వే సిబ్బంది రైలును నిలిపివేసి రేఖను 108లో ఆస్పత్రికి తరలించారు. రప్తి సాగర్ సూపర్‌ ఫాస్ట్‌ ఎక్స్‌ప్రెస్‌లో ఈ ఘటన జరిగింది. 

 

14:01 - October 17, 2017

గుంటూరు : కర్నూలు ఎంపీ బుట్టా రేణుక... సీఎం చంద్రబాబును కలిశారు. రాష్ట్ర అభివృద్ధి కోసం టీడీపీ సంపూర్ణ మద్దతిస్తున్నట్లు ఆమె తెలిపారు. త్వరలోనే కర్నూలులో భారీ బహింరగ సభ ఏర్పాటు చేసి... పార్టీలో చేరనున్నట్లు స్పష్టం చేశారు. ఆమె అనుచరులు చంద్రబాబు సమక్షంలో టీడీపీ తీర్థం పుచ్చుకున్నారు. రాష్ట్ర అభివృద్ధి కోసం రేణుక మద్దతివ్వడం పట్ల చంద్రబాబు హర్షం వ్యక్తం చేశారు. మంచిని ప్రోత్సహించేవారు టీడీపీ మద్దతివ్వాలన్నారు చంద్రబాబు. కొంతమందికి టీడీపీకి మద్దతివ్వాలని లోపల అనుకున్నా.... వాళ్లు బయటపడడం లేదన్నారు. ఈమేరకు బుట్టా రేణుకతో టెన్ టివి ఫేస్ టు ఫేస్ నిర్వహించింది. ఆ వివరాలను వీడియోలో చూద్దాం...

 

12:59 - October 17, 2017

గుంటూరు : విద్యార్థుల ఆత్మహత్యల నివారణకు ప్రభుత్వం ఎన్ని చర్యలు తీసుకుంటున్నా... ఫలితం లేకుండాపోతోంది. తాజాగా గుంటూరు జిల్లాలో టెన్త్‌ విద్యార్థి రైలు కిందపడి ఆత్మహత్య చేసుకున్నాడు. వినుకొండలోని నారాయణ స్కూల్‌లో పదో తరగతి చదువుతున్న అఖిబ్‌ జావేద్‌... తోటి విద్యార్థుల మధ్య ఘర్షణ జరిగింది. ఈ విషయం తల్లిదండ్రులకు తెలుస్తుందేమోనన్న భయంతో జావేద్‌ రైలు కిందపడి ఆత్మహత్య చేసుకున్నాడు. 

 

Pages

Don't Miss

Subscribe to RSS - గుంటూరు