గుంటూరు

21:51 - July 19, 2018

గుంటూరు : కేంద్రంపై అవిశ్వాసానికి సమయం దగ్గర పడుతుండడంతో టీడీపీ వ్యూహాలు రచిస్తోంది. ఇందులో భాగంగా విభజన హామీల అమలుపై అధికారులతో చంద్రబాబు సమీక్ష నిర్వహించారు. అలాగే రేపు అవిశ్వాసంపై ఏయే అంశాలు ప్రస్తావించాలో ఎంపీలకు దిశా నిర్దేశం చేశారు. అవిశ్వాసం సందర్భంగా గల్లా జయదేవ్‌, రామ్మోహన్‌నాయుడులు మాట్లాడాలని నిర్ణయించారు. 

 

19:30 - July 19, 2018

గుంటూరు : ఎంపీ జేసీ దివాకర్‌ రెడ్డి వ్యవహారంపై టీడీపీ అధిష్టానం దృష్టి పెట్టింది. కేంద్రంపై టీడీపీ పెట్టిన అవిశ్వాస తీర్మానంపై చర్చ రేపు జరుగుతున్నప్పటికీ జేసీ ఇంకా ఢిల్లీ చేరుకోలేదు. దీంతో టీడీపీ నేతలు జేసీ వ్యవహారంపై దృష్టి సారించారు. అమరావతిలో చంద్రబాబుతో ఎమ్మెల్యే ప్రభాకర్‌చౌదరి భేటీ అయ్యారు. అయితే.. తనకు జేసీతో ఎలాంటి విభేదాలు లేవని.. ఇద్దరూ కలిసి పని చేసుకోవాలని చంద్రబాబు సూచించారంటున్న ప్రభాకర్‌చౌదరితో టెన్ టివి ఫేస్‌ టూ ఫేస్‌ నిర్వహించింది. మరిన్ని వివరాలను వీడియోలో చూద్దాం...

 

19:17 - July 19, 2018

గుంటూరు : ఎన్నికలు దగ్గర పడుతుండడంతో నాయకుల ప్రచార రథాలు సిద్ధమవుతున్నాయి. పది సంవత్సరాల నుండి ఎన్నికల రథాన్ని సిద్ధం చేసే జయలక్ష్మి డిజైనర్‌ సంస్థ ఈ సారి రథాలను సిద్ధం చేస్తోంది. అభ్యర్థులు కోరుకున్న విధంగా రథాలను తీర్చిదిద్దుతోంది. ఏపీలో మాత్రమే కాకుండా వివిధ రాష్ట్రాలకు కూడా ఎన్నికల రథాన్ని అందిస్తోంది సంస్థ. టీడీపీ, టీఆర్‌ఎస్‌. వైసీపీ అభ్యర్థుల రథాలు సిద్ధమైనట్లు ఆ సంస్థ మేనేజర్‌ ప్రసాద్‌ తెలిపారు. 

 

17:06 - July 19, 2018

గుంటూరు : దేశ రాజకీయాల్లో రేపు అరుదైన ఘటన జరగబోతుందన్నారు టీడీపీ నేత డొక్కా మాణిక్యవరప్రసాద్‌. టీడీపీ పార్లమెంట్‌లో ప్రవేశపెట్టిన అవిశ్వాస తీర్మానంపై రేపు చర్చ జరుగుతుందని, ఇది మోదీకి అగ్నిపరీక్ష అన్నారు. దేశవ్యాప్తంగా బీజేపీ హింసాత్మక సంఘనలకు పాల్పడుతుందని మండిపడ్డారు. పాదయాత్రలకంటే పార్లమెంట్‌ పవిత్రమైనదని వైసీపీ గుర్తించాలన్నారు. రాష్ట్ర భవిష్యత్‌ కోసం రాజకీయాలకు అతీతంగా అవిశ్వాసానికి అందరూ మద్దతు పలకాలన్నారు. 

 

16:52 - July 19, 2018

గుంటూరు : అవిశ్వాసంపై చర్చలో తనకు అవకాశం ఇవ్వకపోవడంపై ఎంపీ కేశినేని నాని అసంతృప్తిగా ఉన్నారు. అవిశ్వాస తీర్మానం ప్రవేశపెట్టిన తనకు ఛాన్స్‌ ఎందుకు ఇవ్వడం లేదని నాని ఆవేదన వ్యక్తం చేశాడు. అవిశ్వాస తీర్మానంపై కేవలం... గల్లా జయదేవ్‌, రామ్మోహన్‌నాయుడులకు మాత్రమే అవకాశం కల్పించడంపై మిగతా ఎంపీల్లోనూ అసంతృప్తి వ్యక్తమవుతోంది. 

18:10 - July 16, 2018

గుంటూరు : ఏపీ సీఎం చంద్రబాబు నాయుడు మరోసారి కేంద్రం..ప్రతిపక్షాలపై విమర్శలు గుప్పిస్తున్నారు. విభజన హామీలు..ప్రత్యేక హోదా..తదితర సమస్యలపై కేంద్ర వైఖరిని నిరసిస్తూ టిడిపి ధర్మపోరాటాలు..దీక్షలు చేపడుతున్న సంగతి తెలిసిందే. వివిధ కార్యక్రమాల్లో పాల్గొంటున్న బాబు విమర్శలు గుప్పిస్తున్నారు. సోమవారం గుంటూరు జిల్లాలో బాబు పర్యటించారు. దోనూపూడి - కొల్లూరులో ఆయన పోతార్లంక ఎత్తిపోతల పథకాన్ని ప్రారంభించారు. అంతకంటే ముందు రచ్చబండ కార్యక్రమంలో ప్రజలను సమస్యలు అడిగి తెలుసుకున్నారు. సమస్యలను పరిష్కరిస్తానని హామీనిచ్చారు. అనంతరం కొల్లూరు గ్రామ దర్శిని సభలో ఆయన మాట్లాడారు...కేంద్రంపై ధర్మపోరాటం ఆగదని, ఏపీని ప్రధాన మంత్రి మోడీ మోసం చేశారని మరోసారి ఆరోపణలు గుప్పించారు. వైసీపీని టిడిపిపైకి ఉసి గొల్పుతోందని తెలిపారు. కేసుల భయం పెట్టారని..అంతేగాకుండా కొత్తగా వచ్చిన పవన్ ను కూడా తమపైకి ఉసి గొల్పుతున్నారని పేర్కొన్నారు. రాష్ట్రానికి అన్యాయం చేసిన వారిపై పోరాటం చేస్తామన్నారు.

రాష్ట్రంలో ప్రతిపక్షాలు అభివృద్ధి నిరోధక శక్తులుగా మారయని, కోర్టుల్లో కేసులు వేస్తూ అభివృద్ధికి ఆటంకం కలిగిస్తున్నారని విమర్శించారు. పోలవరం ప్రాజెక్టును అడ్డుకోవడానికి ప్రతిపక్షాలు కుట్ర పన్నాయన్నారు. ఎన్ని ఇబ్బందులు ఎదుర్కొన్నా ముందుకు వెళుతామని బాబు ఉద్ఘాటించారు. 

16:52 - July 16, 2018
07:56 - July 16, 2018

గుంటూరు : నేటి నుండి జ‌న‌వ‌రి వ‌ర‌కు పార్టీ నేత‌ల‌కు ఫుల్ షెడ్యూల్ ఇచ్చారు టిడిపి అధినేత చంద్రబాబు. గ్రామ‌ద‌ర్శిని...గ్రామ‌వికాసం పేరుతో ప్రతి ఒక్క ఎమ్మెల్యే నిత్యం  ప్రజల్లో ఉండాల‌ని చంద్రబాబు ఆదేశాలు జారీ చేశారు.  నేటి ఎపిలో టిడిపి  ప్రభుత్వం ఏర్పడి 1500 రోజులు పూర్తవుతున్న  సంద‌ర్బంగా ఈ కార్యక్రమాన్ని రూపొందించారు. ఈ కార్యక్రమం  ప్రజల సమస్యలు పరిష్కరిస్తూ.. ప్రభుత్వం చేసిన అభివృద్ధి, సంక్షేమ కార్యక్రమాలకు తెలియజేయాలని క్యాడర్‌ను చంద్రబాబు ఆదేశించారు.
నూతన కార్యక్రమానికి రూపకల్పన
ఏపీలో టీడీపీ ప్రభుత్వం ఏర్పడి నేటికి సరిగ్గా 1500 రోజులు. ఈ సందర్భంగా చంద్రబాబు నేటి నుంచి గ్రామదర్శిని, గ్రామ వికాసం కార్యక్రమాన్ని రూపొందించారు. నేటి నుంచి జనవరి వరకు ఈ కార్యక్రమాన్ని నిర్వహించాలని పార్టీ నేతలను ఆదేశించారు. ఈ కార్యక్రమంలో ప్రతిఒక్క ఎమ్మెల్యే, మంత్రులు, ఎమ్మెల్సీలు, ఇంచార్జీలు పాల్గొనాలని సూచించారు. ఒకవైపు పార్టీపరంగా ఈ కార్యక్రమాన్ని చేస్తూనే.. మరోవైపు అధికారులను పరుగులు పెట్టించనున్నారు. ఈ కార్యక్రమాన్ని పార్టీ పరంగానూ.. ప్రభుత్వ పరంగానూ చేయాలని నిర్ణయించారు.  నేటి నుంచి ప్రతి ఒక్కరు గ్రామాలకువెళ్లి ప్రజలతో మమేకంకావాలని సూచించారు. గ్రామాల్లో ప్రజల సమస్యలు తెలుసుకోవడంతోపాటు ఈ నాలుగేళ్ల పాలనలో ఎలాటి కార్యక్రమాలు చేపట్టిందో ప్రజలకు వివరించనున్నారు. 
గ్రామదర్శిని కోసం చంద్రబాబు రూట్‌మ్యాప్‌ సిద్ధం
ఒకవైపు పార్టీ నేతలు, అధికారులను పరుగులు పెట్టిస్తూనే.. మరోవైపు తాను గ్రామ దర్శిని, గ్రామ వికారం కార్యక్రమాల్లో పాల్గొనేలా రూట్‌మ్యాప్‌ సిద్ధం చేసుకన్నారు.  నేడు గుంటూరు జిల్లా దోనేపూడిలో చంద్రబాబు స్వయంగా ఈ కార్యక్రమాన్ని ప్రారంబించనున్నారు.  నేటి నుంచి జనవరి వరకు జరిగే ఈ  కార్యక్రమంలో మొత్తం 75 గ్రామసభల్లో చంద్రబాబు పాల్గొననున్నారు.   గ్రామంలోని ప్రతి ఒక్కరి ఇంటికి వెళ్లి సమస్యలను స్వయంగా తెలుసుకోవాలన్నారు. ఏది ఏమైనా పార్టీ నేత‌లే  వ‌చ్చే జ‌న‌వ‌రి వ‌ర‌కు ఖాళీగా లేకుండా ప్రజల్లోనే ఉంచాలని డిసైడ్‌ అయ్యారు చంద్రబాబు. మరి చంద్రబాబు ఆదేశాలను మన నేతలు ఏమేరకు ఫాలో అవుతారో చూడాలి.

10:56 - July 12, 2018

గుంటూరు : జిల్లా కేంద్రంలో తీవ్ర ఉద్రిక్తత నెలకొంది. పోలీసులు దౌర్జన్యానికి పాల్పడ్డారు. సీపీఎం రాష్ట్ర కార్యదర్శి మధును పోలీసులు అరెస్ట్ చేశారు. అరెస్టును అడ్డుకుంటున్న సీపీఎం కార్యకర్తలపై పోలీసులు లాఠీ చార్జ్ చేశారు. ఈ ఘటనలో మధుతోపాటు కార్యకర్తలకు బలమైన గాయాలయ్యాయి. పాత గుంటూరులో పోలీస్ స్టేషన్ పై దాడి ఘటనలో ముస్లిం యువకులపై అక్రమ కేసులు పెట్టారు. ఈనేపథ్యంలో అక్రమంగా అరెస్ట్ అయిన బాధిత కుటుంబాలను పరామర్శించేందుకు వెళ్తున్న మధును పోలీసులు అరెస్ట్ చేశారు. అరెస్టును అడ్డుకుంటున్న సీపీఎం కార్యకర్తలపై పోలీసులు లాఠీ చార్జ్ చేశారు. ఈ ఘటనలో మధుతోపాటు కార్యకర్తలకు బలమైన గాయాలయ్యాయి. మధును అరెస్ట్ చేసే క్రమంలో కార్యకర్తలు అడ్డుకోవటంతో పోలీసులు, ఘర్షణ వాతావరణం నెలకొనటంతో ఆ ప్రాంతంలో ఉద్రిక్తత చోటుచేసుకుంది. అర్ధరాత్రి నుండి మధు నివాసం వద్ద పోలీసులు నిఘా వేశారు. 144 సెక్షన్ విధించారు. పోలీసులు ఎన్ని అడ్డంకులు సృష్టించినా బాధితులకు న్యాయం జరిగే వరకు పోరాడుతామని మధు అన్నారు. 

 

07:33 - July 12, 2018

గుంటూరు : నేడు చంద్రబాబు పార్టీ ముఖ్యనేతలు, ఎంపీలు, ఎమ్మెల్యేలతో భేటీకానున్నారు. గ్రామదర్శిని కార్యక్రమం, అసెంబ్లీ సమావేశాల నిర్వహణ, పార్లమెంట్‌ సమావేశాల్లో అనుసరించాల్సిన వ్యూహాలపై దిశానిర్దేశం చేయనున్నారు.  ఎన్నికలు సమీపిస్తున్నకొద్దీ.. పార్టీపై నేతలు మరింత ఫోకస్‌ పెట్టేలా వ్యూహాలు రూపొందించనున్నారు. నేతల మధ్య విభేదాలను తొలగించేందుకు ప్రణాళికలను ఆయన రచిస్తున్నారు.
నేడు టీడీపీ విస్తృత స్థాయి సమావేశం
ఇవాళ చంద్రబాబు తన నివాసంలో టీడీపీ విస్తృత స్థాయి సమావేశం ఏర్పాటు చేశారు. మధ్యాహ్నం 2 గంటలకు జరిగే ఈ సమావేశానికి మంత్రులు, ఎమ్మెల్యేలు, ఎంపీలు, ఎమ్మెల్సీలు, ఇంచార్జీలు హాజరుకానున్నారు.ఈ సమావేశంలో చంద్రబాబు పలు అంశాలపై నేతలతో సుదీర్ఘంగా చర్చించనున్నారు. ఈనెల 16వ తేదీ నాటికి టీడీపీ ప్రభుత్వం అధికారంలోకి వచ్చి 1500 రోజులు పూర్తవుతున్నందుకు భారీ కార్యక్రమానికి ప్లాన్‌ చేస్తున్నారు. ఆ రోజు నుంచి సుమారు నాలుగు నెలలపాటు గ్రామదర్శిని పేరుతో నేతలు ప్రజల్లో ఉండేలా యాక్షన్‌ ప్లాన్‌ సిద్దం చేయనున్నారు.  ఈ గ్రామదర్శిని, పట్టణదర్శిని కార్యక్రమంలో ఎమ్మెల్యేలతోపాటు సీఎం చంద్రబాబు నేరుగా ప్రజలతో మమేకంకానున్నారు.  4నెలల కాలంలో 75 బహిరంగ సభల్లో చంద్రబాబు పాల్గొంటారు. ఈ కార్యక్రమం ఎక్కడి నుంచి ఎలా ప్రారంభించాలి, ఎలాంటి అంశాలు ప్రజల్లోకి తీసుకెళ్లాలన్నది ఈ సమావేశంలో చంద్రబాబు నేతలతో చర్చించనున్నారు.
అసెంబ్లీ సమావేశాల నిర్వహణపై చర్చించనున్న చంద్రబాబు
అసెంబ్లీ సమావేశాల నిర్వహణపైనా మంత్రులు, ఎమ్మెల్యేలతో చంద్రబాబు చర్చించనున్నారు.  ఈనెల 18 నుంచి పార్లమెంట్‌ వర్షాకాల సమావేశాలు  ప్రారంభం అవుతున్న నేపథ్యంలో... అదే సమయంలో అసెంబ్లీ వర్షాకాల సమావేశాలు నిర్వహించాలనే యోచనలో చంద్రబాబు ఉన్నారు. పార్లమెంట్‌ సమావేశాలు జరిగినట్టు రోజులు అసెంబ్లీ సమావేశాలు నిర్వహించి ఏపీకి కేంద్రం చేసిన అన్యాయాన్ని మరోసారి అసెంబ్లీ సాక్షిగా ఎండగట్టాలని చంద్రబాబు భావిస్తున్నారు. అయితే అసెంబ్లీ సమావేశాలు ఏరోజు నుంచి ప్రారంభిస్తే బావుంటుంది.... ఏయే అంశాలను అసెంబ్లీ వేదికగా ప్రజల్లోకి తీసుకెళ్లాలన్నే అంశాలపై చంద్రబాబు నేతలతో కూలంకశంగా చర్చించనున్నారు. 
నేడు టీడీపీ పార్లమెంటరీ పార్టీ సమావేశం
విస్తృత స్థాయి సమావేశం అనంతరం రాత్రికి పార్లమెంటరీ పార్టీ సమావేశం జరుగనుంది. పార్టీ ఎంపీలతో చంద్రబాబు ప్రత్యేకంగా సమావేశం అవుతారు. ఏపీకి జరిగిన అన్యాయంపై... కేంద్ర ప్రభుత్వం తీరుకు నిరసిస్తూ ఏం చేయాలన్న దానిపై చంద్రబాబు ఎంపీలకు దిశానిర్దేశం చేయనున్నారు. మరోసారి అవిశ్వాస తీర్మానం పెట్టాలని టీడీపీ భావిస్తోంది.

 

Pages

Don't Miss

Subscribe to RSS - గుంటూరు