గుజరాత్

19:56 - December 18, 2018

అహ్మదాబాద్: మధ్యప్రదేశ్, చత్తీస్ఘడ్ లలోఅధికారాన్ని కైవసం చేసుకున్న కాంగ్రెస్ పార్టీ, ప్రభుత్వ పగ్గాలు చేపట్టిన కొద్ది గంటలలోనే రైతురుణ మాఫీ ప్రకటించాయి. మరో వైపు గుజరాత్ లో అధికారాన్ని దక్కించుకున్నవిజయ్ రూపానీ నేతృత్వంలోని భారతీయ జనతాపార్టీ రాష్ట్రంలోని గ్రామీణ ప్రాంతాల్లోని విద్యుత్ బకాయిలను రద్దు  చేసింది. విద్యుత్‌ చౌర్యం, బిల్లులు చెల్లించకపోవడం వంటి కారణాలతో కనెక్షన్లను తొలగించిన 6లక్షల 22వేల విద్యుత్ కనెక్షన్లకు సంబంధించి పెండింగ్ లో ఉన్న విద్యుత్ బకాయిలను ప్రభుత్వం మాఫీ చేసింది. దీనివల్ల  650 కోట్ల రూపాయల మేర వినియోగదారులు లబ్దిపొందుతారని గుజరాత్ విద్యుత్ శాఖామంత్రి సౌరభ్ పటేల్ చెప్పారు. పెండింగ్‌ విద్యుత్‌ బిల్లుల మాఫీతో ఆయా విద్యుత్ కనెక్షన్లను పునరుద్ధరిస్తారు. మరోవైపు ప్రధాని సొంత రాష్ట్రం గుజరాత్‌లో కూడా రైతు రుణ మాఫీ ప్రకటించాలని పటేల్‌ ఉద్యమ నేత హార్థిక్‌ పటేల్‌ డిమాండ్‌ చేస్తున్నారు.

16:22 - December 15, 2018

సూరత్ : ఆ చిన్నారి పుట్టి రెండు గంటలే అయ్యింది..
బర్త్ సర్టిఫికెట్ వచ్చేసింది..
రేషన్ కార్డ్ వచ్చేసింది..
రేషన్ కార్డ్ వచ్చేసింది..
ఆధార్ కార్డ్ వచ్చేసింది..
ఆఖరికి పాస్ పోర్ట్ కూడా వచ్చేసింది...

అప్పుడే పుట్టిన ఓ శిశువు అమ్మ పొత్తిళ్లలోని వెచ్చదనం  ఇంకా అలవాటు కాలేదు..కానీ ఈ చిన్నారికి అన్ని రకాల గుర్తింపు కార్డులు వచ్చేశాయి. పుట్టిన రెండు గంటలకే తన తల్లిదండ్రుల దగ్గరి నుంచి ప్రత్యేకమైన బహుమతుల్ని గెలిచేసుకుంది. పుట్టిన రెండు గంటలకే ఆధార్‌, రేషన్‌కార్డు, పాస్‌పోర్టును సంపాదించి దేశంలో మొదటి డిజిటల్ బేబీ అయిపోయింది. పుట్టిన వెంటనే అన్ని గుర్తింపు పత్రాలు ఉండాలన్న ఆ తల్లిదండ్రుల కల నెరవేరింది. 
గుజరాత్‌కు చెందిన అంకిత్‌ దంపతుల కలలకు చిన్నారి రూపంలో అమ్మ ఒడికి చేరుకుంది ఓ శిశువు. ఆ దంపతుల కలల రూపానికి రమైయా  అని పేరు కూడా పెట్టేసుకున్నారు. డిసెంబరు 12 పుట్టిన ఈ చిన్నారి  రమైయా తండ్రి  తన కూతురిని ప్రధాని మోదీ తీసుకొచ్చిన డిజిటల్ ఇండియా కార్యక్రమంతో అనుసంధానం చేయాలనుకున్నాడు. తన బిడ్డ పుట్టిన వెంటనే అన్ని రకాల గుర్తింపు పత్రాలున్న చిన్నారిగా గుర్తింపు పొందాలనుకున్నాడు. అనుకున్నట్లుగానే రెండు గంటల్లోనే అన్ని ధ్రువీకరణ పత్రాలను సిద్ధం చేసేశాడు.
ఈ సందర్భంగా అంకిత్ మాట్లాడుతు..అధికారులు సాయంతో నేను అనుకున్నది చేయగలిగాననీ..నా కూతురు పుట్టినప్పటి నుంచే డిజిటల్ ఇండియా కార్యక్రమంలో భాగమైన మొదటి వ్యక్తిగా పేరు తెచ్చుకోవాలని భావించానని తెలిపాడు. బిడ్డపుట్టకుముందు నుంచే దానికి కావాల్సిన అన్ని ప్రయత్నాలు మొదలుపెట్టామని..మొదట జన్మధ్రువీకరణ పత్రం తీసుకొని తరవాత మిగతావాటికి దరఖాస్తు చేసుకొని వెంటనే పొందామని అంకిత్ దంపతులు ఆనందంగా తెలిపారు. 
కాగా గత  ఏప్రిల్‌లో కూడా మహారాష్ట్రకు చెందిన తల్లిదండ్రులు తమ బిడ్డకు జన్మనిచ్చిన 1.48 నిమిషాల్లోనే ఆధార్‌ కార్డుకోసం పేరు నమోదు చేయించిన తల్లిదండ్రులుగా గుర్తింపు పొందారు. ఇలా ఎవరి కోరికలు వారివి. తమ కలల పంట కళ్లముందుకొచ్చిన సమయాన్ని ఇలా శాశ్వతంగా గుర్తుండిపోవటానికి..అందరిలో గుర్తింపు దక్కించుకోవటానికి కొంతమంది ఆశపడతుంటారు. ఆరాటపడుతుంటారు. దీనికి ఇటువంటి సంఘటనలు ఉదాహరణగా చెప్పుకోవచ్చు.
 

09:50 - December 15, 2018

పులి.. పేరు వింటేనే వణుకు. ఎదురుగా కనిపిస్తే కాళ్లు చేతులు ఆడవు. అన్నీ తడిసిపోతాయ్. ఇదంతా వింటేనే మన ఆలోచన ఇలా ఉంటుందే. అలాంది టైగర్ కళ్ల ముందు ప్రత్యక్షం అయితే.. అనుకోని అతిధిగా అందరి ముందుకు వస్తే.. అది కోర్టు అయితే. ఇంకెలా ఉంటుందో ఊహించుకోండి. సరిగ్గా ఇదే జరిగింది. ఎక్కడో జరిగిందొో చూద్దాం.. 

గుజరాత్ రాష్ట్రం సురేంద్రనగర్ జిల్లాలోని చోటిల్లా కోర్టులో. డిసెంబర్ 14వ తేదీ శుక్రవారం మధ్యాహ్నం కోర్టు బిజీగా ఉంది. కేసులకు సంబంధించి వాదోపవాదాలు జరుగుతున్నాయి. అందరూ ఎంతో సీరియస్ గా ఉన్నారు. సడన్ గా ఓ చిరుత ఎంట్రీ ఇచ్చింది. కలలో కూడా ఊహించని ఈ ఘటనతో అందరూ షాక్. తేరుకుని పరుగులు తీశారు. వాళ్లూ వీళ్లూ అని లేదు జడ్జి, లాయర్లు, కేసు విచారణ కోసం వచ్చిన వారు, పోలీసులు, దొంగలు ఇలా అందరూ ఎటు దారి దొరికితే అటూ కాళ్లకు పని చెప్పారు. టైగర్ నుంచి తప్పించుకొని, ప్రాణాలు కాపాడుకోవటం కోసం ఎవరికి వారు దారి చూసుకున్నారు. కొందరు అయితే ఓ గదిలోకి వెళ్లి తలుపులు వేసుకున్నారు. అది కోర్టు హాలులో తీరిగ్గా కూర్చుంది. అటవీ అధికారులకు సమాచారం ఇచ్చారు. పెద్ద సంఖ్యలో వచ్చిన రెస్క్యూ టీం.. ముందుగా కిటికీలు పగులగొట్టి లోపలి వారిని బయటకు తీసుకొచ్చింది. ఆ తర్వాత పులికి మత్తు ఇంజెక్షన్ ఇచ్చి పట్టుకెళ్లారు. రెండు గంటలు సాగిన ఈ ఆపరేషన్ ఉత్కంఠ రేపింది.

కోర్టు చుట్టూ అటవీ ప్రాంతం ఉంది. అక్కడి నుంచి ఈ టైగర్ వచ్చి ఉందని తెలిపారు అధికారులు. ఈ ప్రాంతంలో ఇటీవల తరచూ పులల సంచారం పెరిగిందని అంటున్నారు స్థానికులు. 

14:16 - December 3, 2018

గుజరాత్‌ : కేంద్రంలో అధికారంలో వున్న బీజేపీ మెడకు లీకేజీల కేసు చుట్టుకంది. దీంతో ఇద్దరు బీజేపీ నేతలకు పోలీసులు అరెస్ట్ చేశారు. నిస్టేబుల్ పరీక్ష క్వశ్చన్ పేపర్ లీకేజీ ఘటన అధికార పార్టీ బీజేపీ మెడకు చుట్టుకుంటోంది. దీనిపై ఇప్పటికే ప్రభుత్వంపై పలు విమర్శలు వెల్లువెత్తుతుండగా..ప్రతిపక్షాలు ఏకి పడేస్తున్నాయి. దీనిపై కాంగ్రెస్  నేత శక్తిసిన్హ్ గోలీ మాట్లాడుతు..ప్రభుత్వ ఉద్యోగాల కోసం గంపెడాశతో ఎదురు చూస్తున్న యువత జీవితాలతో ప్రభుత్వం చెలగాటం ఆడుతోందని విమర్శించారు. 

పోలీస్ కానిస్టేబుల్ క్వశ్చన్ పేపర్ లీకేజీ కేసులో గుజరాత్ పోలీసులు ముగ్గురు నిందితులను సోమవారం అరెస్ట్ చేశారు. ఇందులో ముఖేష్ చౌదరి, మన్‌హర్ పటేల్ బీజేపీ నేతలని పోలీసులు తెలిపారు. దీంతో నష్ట నివారణ చర్యల్లో భాగంగా రాష్ట్ర నాయకత్వం వారిద్దరిని పార్టీ నుంచి సస్పెండ్ చేస్తున్నట్లు ప్రకటించింది. 

పరీక్ష సమయానికి కొన్ని గంటల ముందు క్వశ్చన్ పేపర్ సోషల్‌మీడియాలో వైరల్ కావడంతో ప్రభుత్వ పరీక్షను రద్దు చేసింది. రాష్ట్ర రాజధాని గాంధీనగర్ లో  9,713 పోలీస్‌ కానిస్టేబుల్‌ ఉద్యోగాలకు పరీక్షలు జరగాల్సి ఉండగా, ప్రశ్నాపత్రం లీక్‌ కావడంతో  పరీక్షను నిలిపివేసిన విషయం తెలిసిందే. ఈ  పరీక్షకు దరఖాస్తు చేస్తున్న 8.75 లక్షల అభ్యర్థుల పరిస్థితి అగమ్యగోచరంగా తయారయయ్యింది. ఈ అంశంపై సీఎం విజయ్ రూపానీ సమగ్ర దర్యాప్తునకు ఆదేశించారు.దీంతో రంగంలోకి దిగిన పోలీసులు అన్ని కోణాల్లో దర్యాప్తు చేపట్టారు. ముగ్గురు నిందితులను అరెస్ట్ చేశారు. వారిని మీడియా ముందు ప్రవేశపెడతామన్నారు. కాగా 30 రోజుల్లోగా తిరిగి పరీక్ష నిర్వహిస్తామని అధికారులు వెల్లడించారు. 

 

11:02 - November 5, 2018

గాంధీనగర్ (గుజరాత్): దారితప్పిన ఓ చిరుతపులి ఏకంకా రాష్ట్ర సచివాలయంలోకే ఎంటర్ అయ్యింది. గాంధీనగర్‌లోని సెక్రటేరియట్ సీసీటీవీలో చిరుత వంగిపోయి బారికేడ్ దాటటం సోమవారం తెల్లవారుఝామున రికార్డయ్యింది. అయతే దాని జాడ గర్తించడంలో అధికారులు ఇబ్బందులు ఎదుర్కొంటున్నారు. సీసీటీవీ ఫుటేజీని ఆలస్యంగా గమనించిన భద్రతా సిబ్బంది చిరుత ఎక్కడ దాక్కుందో కనుక్కోనేందుకు వెతుకులాట ప్రారంభించారు. అయితే లోపలికి చొరబడిన చిరుత బయటకు వెళ్లిపోయిందా లేదా..లోపలే ఉందా అనేది ఇంకా తెలియరాలేదు. అడవిలో నీటి వనరులు లేకపోవడంతో పాటు ఆహారం అందక ఇటీవల కాలంలో చిరుతలు జనారణ్యంలోకి అడుగు పెడుతున్నాయి. చిరుత గేటు దాటుకొని లోపలకి ఎలా ప్రవేశించిందో మీరూ చూడండి!

15:45 - November 4, 2018

గుజరాత్ :  రాష్ట్రంలోని కొంతమంది హోం గార్డులు సూరత్ పోలీసు కమిషనర్ కు రాసిన లేఖ కలకలం రేపుతోంది. కోరుకున్న చోటికి బదిలీ చేయాలంటే ఉన్నతాధికారులు కోరికలు తీర్చాలని వేధిస్తున్నారంటూ లేఖ రాయడం సంచలనం సృష్టిస్తోంది. దాదాపు 25 మంది మహిళా హోం గార్డులు శుక్రవారం ఇద్దరు ఉన్నతాధికారులపై సూరత్‌ పోలీస్‌ కమిషనర్‌ సతీష్‌ శర్మకు ఫిర్యాదు చేశారు. దీనిపై నగర పోలీసు కమిషనర్ సతీశ్ శర్మ స్పందించారు. ఈ ఫిర్యాదును డీసీపీకి పంపించడం జరిగిందని, జిల్లా స్థానిక ఫిర్యాదుల కమిటీ విచారణ ప్రారంభించిందని వెల్లడించారు. కానీ హోం గార్డులు పోలీసు శాఖలోకి రారని దీనితో స్థానిక ఫిర్యాదుల కమిటీ విచారణ జరుపుతుందని వ్యాఖ్యానించినట్లు తెలుస్తోంది. 
గత కొద్దీ రోజులుగా పై అధికారులు తమను మానసికంగా, లైంగికంగా వేధింపులకు గురి చేస్తున్నారని హోం గార్డులు లేఖలో ఆవేదన వ్యక్తం చేసినట్లు తెలుస్తోంది. బదిలీ చేయడానికి డబ్బులివ్వాలని..లేకపోతే కోరిక తీర్చాలని వేధిస్తున్నారంటూ ఆరోపణలు గుప్పిస్తున్నారు. మరి స్థానిక కమిటీ జరిపే విచారణలో ఎలాంటి అంశాలు బయటకొస్తాయో చూడాలి. 

19:24 - October 31, 2018

గుజరాత్ : మేరు నగర ధీరుడు సర్ధార్ వల్లభాయ్ పటేల్. అఖండ భారతావని తునాతునకలుగా విడిపోతున్న సమయంలో అకుంఠిత దీక్షా దక్షతతో ఉక్కు సంకల్పంతో రక్త రహితంగా 565 సంస్థానాలను భారత్ లో విలీనం చేసేందుకు పటేల్ పడిన తపన, దీక్ష, అపర చాణుక్యుడిగా సందర్భాను సారంగా సంప్రదింపులు జరిపి ఉక్కు సంకల్పంతో ఉక్కు మనిషిగా మారిన సర్ధార్ వల్లభాయ్ పటేల్ యొక్క అత్యంత భారీ విగ్రహాన్ని ‘స్టాట్యూ ఆఫ్ యూనిటీ’నిర్మించి భరత జాతి ఆయనకు జన్మదినం రోజు ఘన నివాళులర్పించింది. ఈ విగ్రహమే ప్రపంచంలో అతి ఎత్తైన విగ్రహంగా పేరొందింది. మరి మన సర్ధార్ కు ఎవరూ సాటిరారు కదా..మరి ప్రపంచంలో వున్న అతి భారీ విగ్రహాల గురించి తెలుసుకుందాం...

Image result for sardar patel statue height in modi and top 10 statesస్టాట్యూ ఆఫ్ యూనిటీ: 597 అడుగుల ఎత్తులో వున్న స్టాట్యూ ఆఫ్ యూనిటీగా పేరు పెట్టిన ఈ సర్దార్ విగ్రహం చైనాలోని బుద్ధ విగ్రహం కంటే 100 అడుగుల ఎత్తు ఎక్కువ. అంతేకాదు అమెరికాలోని స్టాట్యూ ఆఫ్ లిబర్టీ కంటే రెట్టింపు ఎత్తు మన సర్ధార్ సొంతం. Image result for Spring Temple Buddha in china

స్పింగ్ టెంపుల్ బుద్ధ : చైనాలోని హెవెన్ ప్రావిన్స్ లో నిర్మించిన డ 503 అడుగుల ఎత్తు. ఇందులో 66 అడుగుల ఎత్తున లోటస్ వుంటుంది. 
లెక్యున్ సెట్క్యార్ : లెక్యున్ సెట్క్యార్ పేరుతో వుండే ఈ విగ్రహం 427 అడుగులు. ఈ విగ్రహం కంటే సర్ధార్ పటేల్ విగ్రహం 173 అడుగుల ఎత్తు ఎక్కువ.
ఉషుకి : జపాన్ లోని ఉషుకిలో వుండే బుద్ధుడి ప్రతిమ 394 అడుగుల ఎత్తు. ఇందులో 30 అడుగులు బేస్ వుంటే మరో 30 అడుగుల ఎత్తులో లోటస్ వుంటుంది.
గునియన్ ఆఫ్ ద సౌత్ సీ ఆఫ్ సాన్యా : గునియన్ ఆఫ్ ద సౌత్ సీ ఆఫ్ సాన్యా గా పేరొందిన ఈ తదాగతుడు ప్రతిమ చైనాలో వుంది. దీని ఎత్తు 354 అడుగులు. 

ఇలా ప్రపంచ వ్యాప్తంగా ఎన్నో విగ్రహాలు ెప్రాచుర్యం పొందాయి. బుద్ధుడు, ఏసు క్రీస్తు, ఝాన్సీ లక్ష్మీభాయ్, శివుడు, మేరీ మాత ఇలా ఎన్నో, ఎన్నెన్నో. కానీ ఇప్పటి వరకూ పేరొందిన అన్ని విగ్రహాల కంటే మన  భరతజాతి ఐక్య గీతక..కార్యసాధకుడు సర్దార్ పటేల్ విగ్రహానికి సాటిరావు కదా..

 
 
 
 
16:55 - October 31, 2018

గుజరాత్ : ఐక్యత ఆయన నినాదం..ఐక్యత ఆయన గళం, ఐక్యత ఆయన ఊపిరి, ఐక్యత ఆయన సిద్ధాంతం, ఐక్యతే నినాదంగా 565 సంస్థానాలకు భారత్ లో ఉక్కు సంకల్పంతో  రక్తపాత రహితంగా విలీనం చేసిన అపర చాణుక్యుడు సర్ధార్ వల్లభాయ్ పటేల్. ఆయన విగ్రహాన్ని ప్రపంచంలోనే అత్యంత ఎతైన విగ్రహాన్ని తయారు చేసిన కేంద్ర ప్రభుత్వం ఆ విగ్రహం విశ్వమంత ఘతనను సాధించింది. ఈ నేపథ్యంలో ఐక్యత సిద్ధాంత కర్తగా పాటు పడిన సర్ధార్ వల్లభాయ్ పటేల్ పాదాల చెంత దక్షిణాదికి మరోసారి అవమానం జరిగింది. దక్షిణాది భాష అయిన తెలుగు భాష దేశంలో అత్యధికులు మాట్లాడే భాష, అంతేకాదు తెలుగు దేశంలోనే మూడో భాషగా పేరొందింది. ఈ నేథ్యంలో పటేల్ పాదాల చెంత తెలుగు భాషకు చోటు దక్కకపోవటంతో భాషాకోవిదులు అసంతృప్తిని వ్యక్తం చేస్తున్నారు.

Image resultదక్షిణాది రాష్ట్రాలపై చిన్నచూపు చూస్తున్నారని ప్రధాని నరేంద్ర మోదీపై మరోసారి విమర్శలు వ్యక్తమవుతున్నాయి. దేశ ఐక్యతకు చిహ్నాంగా ఈ రోజు ఆవిష్కరించిన సర్ధార్ వల్లభాయ్ పటేల్ మహా విగ్ర శిలా ఫలకంలో తెలుగు భాషకు చోటు దక్కక పోవడమే ఈ విమర్శలకు ప్రధాన కారణమయింది. ‘ఐక్యతా చిహ్నం’ అయితే శిలా ఫలకంలో తెలుగు భాషకు ఎందుకు చోటు దక్కలేదని తెలుగు భాషా కోవిదులు ప్రశ్నిస్తున్నారు. దేశంలో అత్యధికులు మాట్లాడే భాషల్లో తెలుగు మూడో స్థానంలో ఉందని, ఉద్దేశపూర్వకంగానే తెలుగు భాషను బీజేపీ పట్టించుకోలేదంటూ భాషాకోవిదులు అసంతృప్తిని వ్యక్తం చేస్తున్నారు.

లా ఫలకంపై మొత్తం పది భాషలకు కేంద్ర ప్రభుత్వం చోటు కల్పించింది. దక్షిణాది భాషల నుంచి కేవలం తమిళ భాషను మాత్రమే ఫలకంపై ముద్రించింది. అయితే తమిళంలో తప్పుగా రాశారని దాన్ని కూడా చెరిపేయడం గమనార్హం. దీంతో సర్దార్ చెప్పిన ఐక్యత ఇదేనా? అని, దేశ ఐక్యతకు చిహ్నంగా చెబుతున్న విగ్రహం శిలా ఫలకంపై దక్షిణాది భాషలకు చోటు ఎందుకు కల్పించలేదని పలువురు కేంద్ర ప్రభుత్వాన్ని ప్రశ్నిస్తున్నారు.

12:45 - October 31, 2018
అహ్మదాబాద్: లిబర్టీ స్టాచూ తరహాలో ‘స్టాచూ ఆఫ్ యూనిటీ’ పేరుతో సర్దార్ వల్లభాయ్ పటేల్ విగ్రహాన్ని ప్రధాని నరేంద్ర మోదీ బుధవారం జాతికి అంకితం చేశారు.  గుజరాత్‌లోని కేవదియా వద్ద ఈ మహా విగ్రహాన్ని నిర్మించారు. 
 
 
మహా విగ్రహం విశేషాలివే..
  • 597 అడుగులు (182 మీటర్లు) ఎత్తులో స్టాచూ ఆఫ్ యూనిటీని నిర్మించారు
  • ఇప్పటి వరకూ చైనాలోని బుధ్దుడి విగ్రహం ప్రపంచంలోని ఎత్తైన విగ్రహం. దీని ఎత్తు 177 అడుగులు
  • పటేల్ విగ్రహం న్యూయార్క్‌లోని లిబర్టీ స్టాచూ కంటే రెండింతలు ఎత్తైనది
  • ఈ విగ్రహం నిర్మాణానికి దాదాపు రూ 2,989 కోట్లు ఖర్చుపెట్టారు
  • పటేల్ విగ్రహాన్ని పద్మభూషణ్ పురస్కార గ్రహీత రామ్. వి సూతర్ డిజైన్ చేయగా ఎల్ అండ్ టీ మరియు సర్దార్ సరోవర్ నర్మద నిగమ్ లిమిటెడ్ ఈ విగ్రహం నిర్మాణాన్ని చేపట్టాయి. 
  • ఈ విగ్రహం సర్దార్ సరోవర్ డ్యామ్ నుండి 3.32 కిమీ దూరంలో నిర్మించారు
  • ఈ విగ్రహం తయారీకి కావాల్సిన ఉక్కును దేశం నలుమూలనుండి సేకరించారు.
  • ఈ విగ్రహాన్ని వీక్షించేందుకు 193 మీటర్ల ఎత్తులో ఒక గ్యాలరీని నిర్మించారు. దాదాపు 200 మంది ఒకేసారి వీక్షించే విధంగా ఈ గ్యాలరీని రూపొందించారు.
  • దాదాపు 40,000 పత్రాలతో, 2 వేల ఛాయాచిత్రాలతో ఒక మ్యూజియం, పరిశోధనశాలను సర్దార్ వల్లభాయ్ పటేల్‌ పేరుతో విగ్రహం బేస్‌మెంట్‌లో నిర్మించారు. 
  • స్టాచూ ఆఫ్ యూనిటీకి కావాల్సిన ఇనప ప్యానల్స్‌ను చైనాలోని ఒక ఫౌండ్రీలో పోతపోసి తెప్పించారు.
07:48 - October 31, 2018

గుజరాత్ : సర్దార్ వల్లభభాయ్ పటేల్...అఖండ బారత నిర్మాత. 562 సంస్ధానానలను భరతమాత ఒడికి చేర్చిన ధీరుడు. ఖండ, ఖండాలుగా ఉన్న భారత దేశాన్ని ఒక్కటి చేసిన ఉక్కు మనిషి. ఆయనకు నివాళిగా, గౌరవ సూచకంగా నిర్మించిన ఐక్యతా విగ్రహాన్ని ప్రధాని మోడీ ప్రారంభించనున్నారు.

గుజరాత్ లోని నడియాద్ లో 1875 అక్టోబర్ 31 న ఆయన జన్మించారు. ఆరోజును ఏక్తా దివస్ గా జరుపుకుంటున్నాం. కానీ 2018 అక్టోబర్ 31 చాలా ప్రత్యేకమైనది. ప్రదాని నరేంద్రమోడీ ప్రెస్టీజియస్ ప్రాజెక్ట్ అయిన అత్యంత ఎత్తైన పటేల్  ఐక్యతా విగ్రహం ఆవిష్కృతమైనది. 

బ్రిటీష్ పాలనలో దేశంలో 526 సంస్ధానాలు వుండేవి. స్వాతంత్ర్యం ఇస్తూ ...అవి భారత్ లో కానీ, పాకిస్తాన్ లో కానీ, స్వతంత్రంగా కానీ వుండొచ్చన్న చిచ్చురేపి తెల్లవారు వెళ్ళిపోయారు. అందులో కశ్మీర్, హైదరాబాద్, జూనాగడ్ సంస్ధానాలు ప్రధానమైనవి. వాటిని పాకిస్తాన్ లో కలవకుండా...అప్పటి ఉప ప్రధాని, హోంశాఖ మంత్రి సర్దార్ వల్లభబాయ్ పటేల్ ఉక్కు సంకల్పాన్ని ప్రదర్శించారు.ఆ సమయంలో ఆయన తీసుకున్న నిర్ణయాలు చరిత్రాత్మకమైనవి.  హైదరాబాద్ సంస్దానం భారత్ లో విలీనం చేయకుండా..  అప్పటి ఏడవ నిజాం మీర్ ఉస్మాన్ అలీఖాన్ తెగించారు. దీంతో ఆపరేషన్ పోలో చేపట్టిన సర్దార్ పటేల్ 1948 సెప్టంబర్ 14న హైదారాబాద్ లోకి దళాలతో ప్రవేశించారు.17 తేదీన తాను లొంగిపోతున్నట్టు నిజాం ప్రటించారు. దీంతో హైదరాబాద్ సంస్ధానం భారత్ లో విలీనం అయ్యింది. ఇలా చిన్న రాజ్యాలుగా వున్న 526 సంస్దానాలను భారత్ లో విలీనం చేసిన ఘనత పటేల్ దే. 

పటేల్ కు నివాళిగా గుజరాత్ లోని నర్మదానది మధ్యలో సర్దార్ సరోవర్ డ్యాంకు మూడు కిలోమీటర్ల దూరంలో అత్యంత ఎత్తైన విగ్రహం ఏర్పాటు చేశారు . ఇది ఇప్పుడు ప్రపంచ దృష్టిని ఆకర్షిస్తోంది.  స్టాచ్యూ ఆఫ్ యూనిటీ...అంటే పటేల్ ఐక్యతా విగ్రహం ప్రధాని నరేంద్రమోడీ కలల ప్రాజెక్ట్. ఒకటా, రెండా అనేక ప్రత్యేకతలు ఈ విగ్రహం రూపొందించారు. గుజరాత్ లోని 182 నియోజక వర్గాలకు అద్దం పట్టేలా ..182 మీటర్ల ఎత్తుతో దీన్ని నిర్మించారు. అంటే దాదాపు 600 అడుగుల ఎత్తన్న మాట. ప్రంపంచంలోకెల్లా అత్యంత ఎత్తైన విగ్రహంగా ఐక్యతా విగ్రహం రికార్డ్ నెలకొల్పింది. చైనా లోని స్ప్రింగ్  టెంపుల్ బుద్ద ఎత్తు 128 మీటర్లు..అమెరికాలో స్టాచ్యూ ఆఫ్ లిబర్టీ ఎత్తు..93 మీటర్లు. కానీ నర్మదా నది మధ్యలో కొలువుతీరిన పటేల్  విగ్రహం 182 మీటర్ల ఎత్తుకలిగి వుంది . అంటే స్టాచ్యూ అఫ్ లిబర్టీ కన్నా రెండు రెట్లు పెద్దది. తలపైకెత్తి చూస్తే ఆకాశాన్ని ముద్దాడుతున్నట్టుగా కనిపిస్తుంది.

3400 మంది కార్మికులు, 250మంది ఇంజనీర్లు...రాత్రి పగలు అని లేకుండా 42 నెలల పాటు శ్రమించి నిర్మించారు. 70,000 మెట్రిక్ టన్నుల సిమెంట్, 18,500 మెట్రిక్ టన్నుల రీయిన్ ఫోర్స్డ్ స్టీల్ , 6000 మెట్రిక్ టన్నుల స్ట్రక్చరల్ స్టీల్, 1700 మెట్రిక్ టన్నుల కాంస్యం , 24,500 మెట్రిక్ టన్నుల ఇనుము ఉపయోగించి సర్దార్ పటేల్ విగ్రహాన్ని నిర్మించారు. పటేల్ ఎంతటి దృఢమైన నాయకుడో...అంతే  దృఢంగా దీన్ని రూపొందించారు. బలమైన భూకంపాలను సైతం తట్టుకోగల దృఢత్వం దీని సొంతం. 216 కిమీ వేగంతో వీచే పెను గాలులు సైతం ఈ విగ్రహాన్ని ఏమీ చేయలేవు. ఇక ఈ విగ్రహంలో మరో ప్రత్యేకత...153 మీటర్ల వద్ద ఏర్పాటైన గ్యాలరీ. పటేల్ విగ్రహ ఛాతి భాగంలో   ఏర్పాటు చేసిన గ్యాలరీలో 200మంది సదర్శకులు కూర్చోవచ్చు. ఈ విగ్రహానికి 3.2 కిమీ దూరంలో ప్రత్యేక వ్యూ పాయింట్ కూడా ఏర్పాటు చేశారు. ఇక్కడి నుంచి డ్యా అందాలు, ఆహ్లాదకరమైన పరిసర ప్రాంతాలను వీక్షించవచ్చు .2010లో గుజరాత్ ముఖ్యమంత్రిగా నరేంద్ర మోడీ ఈ విగ్రహ ఏర్పాటుకు సంబంధించి ప్రకటన చేశారు. 

2011 మార్చిలో సర్దార్ వల్లభబాయ్ పటేల్ రాష్ట్రీయ ఏక్తా ట్రస్ట్ ఏర్పాటు చేశారు. 2012 జూన్ లో విగ్రహా కాన్సెప్ట్ జీజైన్ ను అనౌన్స్ చేశారు. 2013 అక్టోబర్ లో దీని నిర్మాణానికి నరేంద్రమోడీ శంకుస్దాపన చేశారు. ఈ విగ్రహనిర్మాణం అవగాహన క్లించే కార్యక్రమంతో పాటు...ఇనుము సేకరణ కార్యక్రమానికి శ్రీకారం చుట్టారు.

2014 జూన్ లో ఎల్ అండ్ టీ సంస్ధ కాంట్రాక్ట్ దక్కించుకుంది. 15 అక్టోబర్ ఐక్యతా విగ్రహానికి ప్రతిరూపాన్ని గాంధీనగర్ లోని స్వర్ణిమ్ పార్క్ లో ఏర్పాటు చేశారు. 2018 అక్టోబర్ నాటికి  ఐక్యతా విగ్రహం రూపుదిద్దుకుంది.  ప్రాజెక్ట్ లో  భాగంగా స్వతంత్రోద్యమం, జాతీయ సమైక్యత, అందులో పటేల్ పాత్ర ప్రతి బింబించేలా ఒక స్మారక మ్యూజియం ఏర్పాటు చేశారు. లాగే ఐక్యతా విగ్రహానికి, కెవాడియా ప్రాంతాన్ని కలిపే రహదారి వెంబడి పార్కింగ్,రవాణా, కన్వెన్షన్ సెంటర్లు అభివృద్ది చేయనున్నారు.   

Pages

Don't Miss

Subscribe to RSS - గుజరాత్