గుజరాత్

11:06 - September 21, 2018

ఝునాఘడ్: గుజరాత్‌లోని గిర్ అడవుల్లో గత కొద్దికాలంగా 11 సింహాలు మృత్యువాతపడినట్టు అటవీశాఖ అధికారులు గుర్తించారు. వీటి మృతికి కారణాలు అన్వేషించాల్సిందిగా రాష్ట్ర ప్రభుత్వం అటవీశాఖ అధికారులను ఆదేశించింది.  

ఎక్కువ శాతం సింహాలు మరణించడానికి ఊపిరితిత్తులకు సోకిన ఇన్ఫెక్షన్ కారణమని అటవీశాఖకు చెందిన వెటర్నరీ అధికారులు తెలిపారు. ఈ ఇన్ఫెక్షన్ ఇతర భాగాలకు విస్తరించడంతో సింహాలు మృతి చెందిఉంటాయని భావిస్తున్నారు.

ఈ ఇన్ఫెక్షన్ ఇతర సింహాలకు, పులులకు సోకకుండా తగు చర్యలు తీసుకుంటున్నట్టు.. వాటికి అవసరమైన చికిత్స చేపట్టినట్టు  హితేష్ వంజా అనే వెటర్నరీ డాక్టర్ తెలిపారు. చనిపోయిన సింహాల అంతర్గత అవయవాల శాంపుల్స్‌ను సేకరించి ల్యాబ్ పరీక్షలకు పంపారు. అయితే కొన్ని సింహాలు వాటి మధ్య జరిగిన పోరాటంలో కొన్ని సింహాలు మరణించినట్టు గుర్తించినట్టు వైల్డ్‌లైఫ్ కన్సర్వేషన్ సొసైటీ సభ్యులు తెలిపారు.  

14:08 - September 19, 2018

ఢిల్లీ : గుజరాత్ ఎమ్మెల్యేలకు భారీగా జీతాలు పెరిగాయి. ఈ మేరకు అసెంబ్లీలో బిల్లును పాస్ చేశారు. వేతనాలు రూ. 45వేలు పెరగడం గమనార్హం. ఇంతకుముందున్న రూ. 70, 727 నుండి రూ. 1,16,000కు పెరిగింది. డిసెంబర్ 22, 2017 నుండి పరిగణలోకి తీసుకుంటారని ప్రభుత్వం పేర్కొంది. ఎమ్మెల్యేల అలవెన్్స కూడా పెంచుతూ నిర్ణయం తీసుకుంది. రూ. 1000కి పెంచారు. గుజరాత్ అసెంబ్లీలో మొత్తం ఎమ్మెల్యేలు 182 మంది ఉన్నారు. భారతీయ జనతా పార్టీ 99 సీట్లను గెలుచుకుంది. అత్యధికంగా తెలంగాణ రాష్ట్ర ఎమ్మెల్యేలు వేతనాలు తీసుకుంటున్నారు. వీరికి రూ. 2,50,000 వేతనాలు అందుతున్నాయి. 

16:53 - August 27, 2018

ఢిల్లీ : 2002 గోద్రా రైలు మారణహోమం కేసులో ఇద్దరు నిందితులకు గుజరాత్‌లోని సిట్ ప్రత్యేక కోర్టు జీవిత ఖైదు శిక్ష విధించింది. మరో ముగ్గురు నిందితులను నిర్దోషులుగా విడుదల చేసింది. ఈ కేసులో దాదాపు దశాబ్దకాలం పాటు తప్పించుకు తిరిగిన ఐదుగురిని 2015-16 మధ్య అరెస్టు చేశారు. 2002 ఫిబ్రవరి 27న సబర్మతి ఎక్స్‌ప్రెస్‌ రైలులోని ఓ బోగికి అల్లరి మూకలు నిప్పు పెట్టాయి. దీంతో ఎస్-6 కోచ్‌లో ప్రయాణిస్తున్న మొత్తం 59 మంది సజీవదహనం అయ్యారు. ఈ ఘటన కారణంగా గుజరాత్‌లో పెద్ద ఎత్తున మత ఘర్షణలు చెలరేగాయి. రాష్ట్ర వ్యాప్తంగా దాదాపు 1000 మంది ప్రాణాలు కోల్పోయారు. దీనిపై సుదీర్ఘ విచారణ జరిపిన సిట్‌ ప్రత్యేక కోర్టు 2011లో 11 మందికి ఉరిశిక్ష విధించగా... 20 మందికి జీవిత ఖైదు విధించింది. మరో 63 మందిని నిర్దోషులుగా విడుదల చేసింది. తమకు విధించిన శిక్షలపై నిందితులు హైకోర్టులో సవాల్‌ చేశారు. దీనిపై విచారణ జరిపిన గుజరాత్‌ హైకోర్టు 11 మందికి విధించిన మరణ శిక్షను జీవితఖైదుగా మారుస్తూ గత ఏడాది అక్టోబర్‌లో తీర్పు చెప్పింది. 

17:43 - August 6, 2018

హైదరాబాద్ : పాతబస్తీ షాహిన్ నగర్ లో ని ఓ ఇంట్లో ఎన్ ఐ ఏ అధికారులు తనిఖీలు చేపట్టారు. ఈ నేపథ్యంలో ఇద్దరు అనుమానుతులను అదుపులోకి తీసుకున్నారు. కాగా ఈ తనిఖీల విషయాన్ని అధికారులు గోప్యంగా వుంచారు. కర్ణాటక, గుజరాత్ కు చెందిన రెండు ఎన్ ఐఏ అధికారులు అర్థరాత్రి నుండి తనిఖీలు స్థానిక పోలీసుల సహాయంతో ఎన్ ఐఏ అధికారులు ఇద్దరు వ్యక్తులను అరెస్ట్ చేశారు. వారి వద్ద నుండి కీలక డాక్యుమెంట్స్ ను స్వాధీనం చేసుకున్నారు. 

17:21 - July 25, 2018

గుజరాత్ : పాటీదార్ ఉద్యమనేత హార్దిక్ పటేల్‌కు గుజరాత్‌లోని ఓ స్థానిక కోర్టు రెండేళ్ల జైలు శిక్ష విధిస్తూ సంచలన తీర్పు వెలువరించింది. 2015లో పాటిదార్ ఆందోళన సందర్భంగా విస్‌నగర్‌లోని బీజేపీ ఎమ్మెల్యే రుషికేశ్ పటేల్ కార్యాలయంపై దాడి చేసి విధ్వంసం సృష్టించారు. ఈ కేసులో హార్దిక్ పటేల్‌తో పాటు లాల్‌జీ పటేల్‌‌ను విస్‌నగర్ న్యాయస్థానం దోషులుగా నిర్దారించింది. వీరికి రెండేళ్ల జైలుశిక్షతో పాటు 50 వేల చొప్పున జరిమానా కూడా విధించింది. జరిమానా ద్వారా వచ్చిన లక్ష రూపాయలను బాధితుడికి నష్టపరిహారంగా చెల్లించనున్నారు. ఆందోళన సందర్భంగా హార్దిక్‌ పటేల్‌ నేతృత్వంలో 5 వందల మంది కార్యకర్తలు బిజెపి ఎమ్మెల్యే కార్యాలయంపై దాడి చేశారు. విద్యా, ఉద్యోగాల్లో తమకు ఓబీసీ కేటగిరీ కింద రిజర్వేషన్ కల్పించాలంటూ పటేల్ వర్గీయులు ఆందోళన చేపట్టిన విషయం తెలిసిందే. రిజర్వేషన్లపై ఆగస్టు 25 నుంచి హార్దిక్‌ పటేల్‌ మళ్లీ దీక్ష చేపట్టనున్న నేపథ్యంలో కోర్టు తీర్పు వెలువడడం గమనార్హం.

08:30 - June 6, 2018

గుజరాత్‌ : కచ్ జిల్లాలో భారత వాయుసేనకు చెందిన జాగ్వార్‌ ఫైటర్‌ జెట్ విమానం కూలిపోయింది. శిక్షణలో భాగంగా జామ్‌నగర్ నుంచి వెళ్లిన కాసేపటికే ముంద్రా గ్రామం వద్ద పొలాల్లో ఉదయం పదిన్నరకు విమానం కూలిపోయినట్లు డిఫెన్స్‌ అధికార ప్రతినిధి లెఫ్ట్‌నెంట్‌ కల్నల్‌ మనీష్‌ ఓఝా ధృవీకరించారు. ఈ ప్రమాదంలో ఎయిర్‌ కమాండర్‌ సంజయ్ చౌహాన్ ప్రాణాలు కోల్పోయాడు. ఈ ఘటనపై భారత వాయుసేన అధికారులు విచారణకు ఆదేశించారు.

13:43 - May 21, 2018

గుజరాత్‌ : రాష్ట్రం రాజ్‌కోట్‌లో దారుణం జరిగింది. ఫ్యాక్టరీలో దొంగతనం చేశాడన్న ఆరోపణలతో ఓ వ్యక్తిని కొట్టి చంపారు సిబ్బంది. కర్రలతో విచక్షణారహితంగా దాడి చేశారు. దీంతో దెబ్బలకు తాళలేక బాధితుడు ముఖేశ్‌ మృతి చెందాడు. విషయం తెలుసుకున్న పోలీసులు దాడికి పాల్పడ్డ వారిని అరెస్ట్‌ చేశారు. 

17:24 - April 20, 2018

గుజరాత్‌ : నరోదా పటియాలో జరిగిన అల్లర్ల కేసులో గుజరాత్‌ హైకోర్టు తీర్పు వెల్లడించింది. బిజెపి మాజీ మంత్రి మాయా కొద్నానీ నిర్దోషిగా ప్రకటించింది. సంశయ లాభం కింద కొద్నానిని నిర్దోషిగా ప్రకటిస్తున్నాట్లు హైకోర్టు పేర్కొంది. కొద్నాని 2014లో బెయిలుపై విడుదలయ్యారు. కాగా ఈ కేసులో భజరంగ్‌దళ్‌ నేత బాబు భజరంగీని దోషిగా తేల్చింది. 2012లో ప్రత్యేక కోర్టు విధించిన జీవితఖైదు శిక్షను హైకోర్టు ఖరారు చేసింది. మరో 29 మందిని నిర్దోషులుగా విడుదల చేసింది. నరోదా అల్లర్ల బాధితులకు పరిహారం ఇవ్వాలన్న పిటిషన్‌ను కోర్టు తోసిపుచ్చింది. 2002లో నరోదా నరమేథంలో 100 మంది ముస్లింలు సజీవదహనమయ్యారు. వృత్తి రీత్యా వైద్యురాలైన కొద్నానీ అల్లర్లకు పురిగొల్పారని ఆరోపణలతో అరెస్ట్‌ అయ్యారు. ప్రత్యేక కోర్టు ఆమెకు 28 ఏళ్ల జైలుశిక్ష విధించింది.

13:33 - April 16, 2018

జలం ప్రాణాధారం, జలం జీవాధానం, జలమే జీవం, జలమే ప్రాణం. జలం లేకుంటే ప్రాణికోటి సమస్తం అంతం!! ఉదయం లేచింది మొదలు రాత్రి పడుకునేంత వరకూ నీటితోనే పని. అది లేకుంటే అన్ని పనులు బంద్! అసలు మానవ మనుగడే బంద్!! మనిషి బతకాలన్నా, పంట పండాలన్నా, జీవకోటి మనుగడ సాగించాలన్నా నీరే ఆధారం! అది లేకుంటే ? అసలు ఆ మాట తలచుకునేందుకే ధైర్యం చాలదు కదూ? నీటి కోసం గ్రామాలకు గ్రామాలు, జిల్లాలు, రాష్ట్రాలు, దేశాలు కొట్టుకుంటున్నాయంటే కారణం మనుగడ, బ్రతికేందుకు ఆధారం? జీవాధానం. నీటి యుద్ధాలతో దేశాలకు దేశాలకు కొట్టుకున్న దాఖలాలు కూడా లేకపోలేదు. సాధారణంగా నీటికొరత అనేది చాలా ప్రాంతాలలో వుంది. అదీ వేసవి వచ్చిందంటే ఇక చెప్పేదేముంది. స్నేహితులుగా వుండే ఇరుగు పొరుగు వారు కూడా శతృవుల్లా మారిపోతారు. కారణం నీరు.

ప్రాణి మనుగడకు నీరు..
భూమిమీద వృక్షాలు, జంతువులు, మానవాళి మనుగడకు, వాటి పెరుగుదలకు గాలి తరువాత ముఖ్యమైనది నీరు. గ్రామాల్లో, పట్టణాల్లో నివసించే కోట్లాది ప్రజలకు త్రాగునీరు సరఫరా చేయడం ఎన్నో ప్రపంచదేశాలు ఎదుర్కొంటున్న అతిపెద్ద సమస్య. వివిధ పంటల సాగుబడికి నీటి-పారుదల సౌకర్యాలు అత్యంత అవసరమైనవి. ఏ పరిశ్రమ కూడా తగినంత నీటి సరఫరా లేకపోతే స్థాపించడంగాని, నడపడంగాని సాధ్యపడదు. ఇది ప్రకృతి సమస్త జీవులకు ప్రసాదించిన ఒక అపరూపమైన పదార్థము: నీరు ప్రకృతిలో ఉన్న సమస్త జీవులకు ప్రాణాధారము. ప్రప్రథమ జీవి పుట్టుక నీటినోనె జరిగింది. నీరు ఈ భూమండలంపే 71 శాతానికి పైగా ఆవరించి యున్నది. ఈ భూమి పై నీరు మూడు రూపములలో ఉంది. ఘన రూపము. అనగా మంచు గడ్డల రూపంలోను, ద్రవ రూపం వాయు రూపంలో అటే మేఘాలు, ఆవిరి రూపాలలో అన్నమాట. మరి నీరు ప్రాణి మనుగడను సాసిస్తోంది. 

నీటికోసం మైళ్ల దూరం కాలినడక..
నీటికోసం మైళ్లకొద్దీ దూరాలు వెళ్లి తెచ్చుకునే దుస్థితి నేటి కంప్యూటర్ యుగంలో కూడా వుంది అంటే పరిస్థితులు ఎంతటి దారుణంగా వున్నాయో ఊహించుకోవచ్చు..హలో అంటే పొలో మంటు ఇంటి ముంగిట్లో వచ్చి పడిపోయే పదార్ధాలు, వస్తువులు. కానీ వేసవి వచ్చిందంటే మాత్రం లీటరు నీరు రూ.100లు పెట్టి కొనుకునే పరిస్థితులు. బీటలు వారిని నేలమ్మ తల్లి. గంగమ్మ కోసం ఎదురు చూస్తున్న పరిస్థితి. పంటే వేసిన రైతన్న వరుణుడి కోసం ఎదురు చూస్తున్నట్లు..దాహార్తితో కటకటలాడిపోతున్న నేలమ్మను అభిషేకించేందుకు వానమ్మ కానరాని దుర్భర పరిస్థితులు.

వేసవి రాకముందే దేశవ్యాప్తంగా 140 జిల్లాల్లో తీవ్ర కరువు పరిస్థితులు..
నడి వేసవి రాకముందే దేశవ్యాప్తంగా 140 జిల్లాల్లో తీవ్ర కరువు పరిస్థితులు నెలకొన్నాయి. మంచి నీటి కోసం అలమటించే పరిస్థితి ఏర్పడింది. వాతావరణ శాఖ తాజా గణాంకాల ప్రకారం... 404 జిల్లాల్లో గతేడాది అక్టోబర్ తర్వాత వర్షాల్లేకపోవడంతో కరువు పరిస్థితులు కనిపిస్తున్నాయి. ఇందులో 140 జిల్లాల్లో మాత్రం పరిస్థితి మరింత తీవ్రంగా ఉంది. మరో 109 జిల్లాల్లో ఓ మోస్తరు కరువు ఉంది.

156 జిల్లాల్లో మాత్రం స్వల్ప స్థాయిలో కరువు..
156 జిల్లాల్లో మాత్రం స్వల్ప స్థాయిలో కరువు ఉంది. నిజానికి ఏటా చాలా జిల్లాల్లో ఈ పరిస్థితులు వేసవిలో కనిపిస్తూనే ఉంటాయి. కాకపోతే ఈ ఏడాది శీతా కాలంలో అసలు వర్షాలే లేకపోవడంతో పరిస్థితి మరింత తీవ్రరూపం దాల్చింది. ఈ ఏడాది జనవరి, ఫిబ్రవరి నెలల్లో దేశవ్యాప్తంగా 63 శాతం వర్షాభావం ఉంది. గతేడాది ఇదే కాలంతో పోలిస్తే రిజర్వాయర్లలో తక్కువ నీటి లభ్యత కలిగిన రాష్ట్రాల్లో తెలంగాణ, పంజాబ్, జార్ఖండ్, ఒడిశా, గుజరాత్, ఉత్తరప్రదేశ్, చత్తీస్ గఢ్ ఉన్నాయి.

20:47 - March 27, 2018

భారతదేశంలో దళితులకు, యువకులకు ప్రతీకగా, ప్రతినిథిగా రోహిత్ వేముల బలిదానం అనంతరం అన్నింటిని మించి మోదీకి గుజరాత్ ఎన్నికల కుదుపు అనంతరం భారత్ లో ఒక సరికొత్త చైతన్యానికి ప్రతినిథిగా..సామాజిక న్యాయానికి ప్రతిధ్వనిగా వెలుగొందుతున్నయువనేత, గుజరాత్ వడగాం ఎమ్మెల్యే జిగ్నేష్ మేవానీతో 10టీవీ స్పెషల్ ఇంటర్వ్యూ..

Pages

Don't Miss

Subscribe to RSS - గుజరాత్