చంద్రబాబు నాయుడు

09:40 - November 17, 2018

హైదరాబాద్: నందమూరి సుహాసిని తన కూతురితో సమానమని, ఆమెని గెలిపించడం తన బాధ్యత అని టీడీపీ సీనియర్ నేత పెద్దిరెడ్డి అన్నారు. కూకట్‌పల్లి టీడీపీ అభ్యర్థిగా సుహాసిని బరిలోకి దిగుతున్న సంగతి తెలిసిందే. ఈ సందర్భంగా బాబాయ్ బాలకృష్ణ, కుటుంబసభ్యలతో కలిసి ఆమె ఈ ఉదయం ఎన్టీఆర్ ఘాట్ వద్ద నివాళి అర్పించి ఆయన ఆశీస్సులు తీసుకున్నారు. సుహాసిని వెంట పెద్దిరెడ్డి కూడా ఉన్నారు.
తానెప్పుడూ కూకట్‌పల్లి అభ్యర్థిని అని చెప్పలేదని పెద్దిరెడ్డి స్పష్టం చేశారు. కాబట్టి పోటీ నుంచి తప్పుకుంటున్నట్లు చెప్పాల్సిన అవసరం కూడా లేదన్నారాయన. బరిలో ఎవరున్నా గెలిపించడం తమ బాధ్యత అన్నారు. పార్టీ హైకమాండ్ నిర్ణయాన్ని స్వాగతిస్తామని, సుహాసిని విజయానికి కృషి చేస్తామని పెద్దిరెడ్డి స్పష్టం చేశారు. నందమూరి సుహాసినికి ఎలాంటి స్వార్ధం లేదని, ప్రజాసేవ కోసమే ఆమె రాజకీయాల్లోకి వచ్చారని పెద్దిరెడ్డి వెల్లడించారు. కొత్త వాళ్లకు కూడా అవకాశం కల్పించే చర్యలో భాగంగా సుహాసినికి టికెట్ ఇచ్చినట్టు పెద్దిరెడ్డి పేర్కొన్నారు. బరిలో ఎవరున్నా గెలిపిస్తానని చెప్పారు. సుహాసినిని గెలిపించడమే కాకుండా కూకట్‌పల్లి ప్రజల సమస్యలను పరిష్కరిస్తామని పెద్దిరెడ్డి హామీ ఇచ్చారు. ప్రజలు మెచ్చుకునే విధంగా పాలన అందిస్తామన్నారు. ఈ నెల 22 తర్వాత ఎన్నికల ప్రచారం ఊపందుకుంటుందని, పార్టీ జాతీయ అధ్యక్షుడు చంద్రబాబు నాయుడు ప్రచారానికి వస్తారని పెద్దిరెడ్డి వెల్లడించారు.

08:42 - November 17, 2018

కోల్‌కతా: కేంద్ర దర్యాఫ్తు సంస్థ(సీబీఐ) ఆంధ్రప్రదేశ్ రాష్ట్రంలోకి అడుగుపెట్టేందుకు వీలు లేదంటూ ముఖ్యమంత్రి చంద్రబాబు సంచలన నిర్ణయం తీసుకున్న సంగతి తెలిసిందే. సీబీఐ ఏపీలో కేసులను విచారణ చేసేందుకు అనుమతి నిరాకరిస్తూ ఏపీ సర్కార్ జీవోను విడుదల చేయడం చర్చనీయాంశంగా మారింది. ఏపీలో సీబీఐకు సాధారణ అనుమతిని ఉపసంహరించింది. కాగా చంద్రబాబు బాటలోనే మరో ముఖ్యమంత్రి పయనించారు. పశ్చిబెంగాల్ సీఎం మమతా బెనర్జీ సైతం సీబీఐకి చెక్ చెప్పారు. తమ రాష్ట్రంలో కేసులను విచారణ చేసేందుకు అనుమతి నిరాకరిస్తూ మమతా బెనర్జీ సైతం ఉత్తర్వులు జారీ చేశారు. దీంతో మరిన్ని రాష్ట్రాలు ఇదే స్టాండ్ తీసుకునే అవకాశం కనిపిస్తోంది. ఇదే కొనసాగితే సీబీఐ అనే సంస్థే ప్రశ్నార్థకంగా మారే అవకాశం లేకపోలేదని విశ్లేషకులు భావిస్తున్నారు. చంద్రబాబు నిర్ణయాన్ని మమత సమర్థించడమ కాకుండా మంచి పని చేశారని మమతా బెనర్జీ ప్రశంసించారు.
కేంద్ర విచారణ సంస్థపై రాష్ట్ర ప్రభుత్వాలు ఆగ్రహంగా ఉన్నాయి. తమ రాష్ట్రంలో ఉన్న కేసుల విచారణను తామే చేసుకుంటామని... సీబీఐకి తమ రాష్ట్ర భూభాగ పరిధిలోని కేసులను విచారణ చేసేందుకు అనుమతి నిరాకరిస్తున్నాయి. సీబీఐ తమ రాష్ట్రంలో విచారణ చేపట్టరాదని ఏపీ ప్రభుత్వం రహస్యంగా జీవో విడుదల చేయడం రాజకీయంగా పెద్ద దుమారమే రేపింది. తన అనుచరులపై ఉన్న అవినీతి కేసులకు భయపడే చంద్రబాబు ప్రభుత్వం ఈ తరహా ఆలోచన చేసిందని విపక్షాలు ఆరోపించాయి. అయితే ఏపీ ప్రభుత్వం తమ నిర్ణయాన్ని సమర్థించుకుంది. వివరణ కూడా ఇచ్చింది. సీబీఐ వ్యవస్థలోనే అవినీతి ఆరోపణలు రావడంతో ఆ సంస్థను విశ్వసించే ప్రసక్తే లేదని చెప్పింది. అంతేకాదు బీజేపీ నేతృత్వంలోని ఎన్డీఏ కనుసన్నుల్లో సీబీఐ నడుస్తోందని, రాజకీయ లబ్ది కోసం సీబీఐని పావుగా వాడుకుంటున్నారని ఏపీ ప్రభుత్వం ఆరోపించింది.
తమ రాష్ట్రాల్లో సీబీఐ దర్యాప్తు చేసేందుకు దేశంలోని పది రాష్ట్రాలే సాధారణ అనుమతి ఇచ్చిన విషయాన్ని ఏపీ ప్రభుత్వం ప్రస్తావించింది. మిగిలిన రాష్ట్రాల్లో సీబీఐ దర్యాప్తు చేయాలంటే ఆయా రాష్ట్ర ప్రభుత్వాల అనుమతి తప్పనిసరి అని గుర్తు చేస్తోంది. బీజేపీ పాలిత రాష్ట్రాలైన ఛత్తీస్‌గఢ్, మహారాష్ట్ర, హిమాచల్‌ప్రదేశ్ వంటి రాష్ట్రాల్లో సీబీఐకి సాధారణ అనుమతి ఇవ్వలేదని, కోర్టులు ఆదేశిస్తే సీబీఐ ఎక్కడైనా దర్యాప్తు చేయవచ్చని తెలిపింది. ఢిల్లీ పోలీస్ చట్టం చదివితే సీబీఐ పరిధి ఏంటన్నది తెలుస్తుందని విమర్శలు గుప్పిస్తున్న ప్రతిపక్షాలకు ఏపీ ప్రభుత్వం సూచించింది.

15:32 - November 16, 2018

అమరావతి : రాజకీయాలలో అపర చాణుక్యుడిగా పేరొందిని ఏపీ సీఎం చంద్రబాబు సీబీఐని ఏపీలో నిషేధిస్తున్న తీసుకున్న నిర్ణయం హాట్ టాపిక్ గా నిలిచింది. రాజకీయ విశ్లేషకుల నుండి న్యాయ విశ్లేషకుల వరకూ ఈ అంశంపైనే చర్చిస్తున్నారు. అంతేకాదు చంద్రబాబు వ్యూహం ఏమిటా? అని విశ్లేషకులు సైతం ఆలోచిస్తున్నారు. ఈ అంశంపై తెలుగు రాష్ట్రాలలోనే కాదు దేశ వ్యాప్తంగా చర్చనీయాంశంగా మారింది. మరి చంద్రబాబు వ్యూహం ఏమిటీ? 

Image result for CHANDRABABU ON CBI NO ENTRYఉప్పు, నిప్పుగా వున్న కేంద్ర ప్రభుత్వం ఏపీపై విమర్శనాస్త్రాలను సంధిస్తోంది. వేల కోట్ల అవినీతి ఏపీలో జరుగుతోందని బీజేపీ నేత జీవిఎల్ లాంటి వారు తీవ్ర విమర్శలు గుప్పిస్తున్నారు. దీనిపై సీపీబీఐ విచారణకు డిమాండ్ చేశారు. దీంతో ఇటీవల విశాఖ పట్నం ఎయిర్ పోర్టులో జగన్ పై హత్యాయత్నం కేసును సీబీఐకి అప్పగించాలని పలువురు హైకోర్టుకెక్కారు. ఈ నేపథ్యంలోనే సీబీఐ దాడులు జరగవచ్చన్న అనుమానం చంద్రబాబుకు చాలా కాలంగానే ఉందన్న ప్రచారం జరుగుతోంది. అందుకే ఇప్పుడు సీబీఐ రాష్ట్రంలో దాడులకు రాకుండా చేయాలనే ఉద్దేశంతోనే చంద్రబాబు సీబీఐని ఏపీలోకి రాకుండా నిషేధించినట్టు ప్రచారం జరుగుతోంది..

Image result for CHANDRABABU and mamata banerjeeజగన్ పై హత్యాయత్నం జరిగాక చంద్రబాబు ఏర్పాటు చేసిన సిట్ ఇంతవరకూ ఏమీ తేల్చలేదు. నిందితుడు శ్రీనివాస్ వెనుక ఎవరున్నారన్నది కనిపెట్టలేదు. అయినా సిట్ బాబు కనుసన్నల్లోనే నడిచి కేసు నీరుగారుస్తోందన్న విమర్శలు వ్యక్తమవుతున్నాయి. ఈ నేపథ్యంలోనే జగన్ పై హత్యాయత్నం కేసు హైకోర్టు కెక్కడం.. సీబీఐ విచారణ జరిపించాలని వైసీపీ నేతలు కోరుతున్న నేపథ్యంలోనే చంద్రబాబు సర్కారు సీబీఐని నిషేధిస్తూ నిర్ణయం తీసుకోవడం ఆసక్తి రేపుతోంది. కాగా సీఎం చంద్రబాబు తీసుకున్న నిర్ణయాన్ని హర్షించిన పశ్చిమ బెంగాల్ సీఎం మమతా బెనర్జీ కూడా తమ రాష్ట్రంలో సీబీఐకి ఇచ్చిన అనుమతిని ఉపసంహరించే దిశగా నిర్ణయాలు తీసుకునేందుకు యత్నిస్తున్నామని తెలపటం విశేషంగా చెప్పుకోవచ్చు. 

దీంతో జగన్ పై దాడి కేసు నుండి దృష్టి మళ్లించేందుకే చంద్రబాబు అలెర్ట్ అయ్యి సీబీఐ ఏపీలోకి రాకూడదంటూ తాజాగా ఉత్తర్వులు జారీ చేసినట్లుగా వార్తలు వస్తున్నాయి. మరోపక్క కానీ న్యాయనిపుణులు మాత్రం చంద్రబాబు వేసిన ఎత్తులు కోర్టుల ముందు నిలబడే అవకాశం లేదంటున్నారు. ఈ నేపథ్యంలో చంద్రబాబు వ్యూహం ఫలించేనా? ఏపీలో సీబీఐ దాడులు ఆగేనా? కోడి కత్తి వ్యవహారం తేలేనా? అనే విషయాలు తేలాలంటే కొంతకాలం వేచి చూడాల్సిందే.
 

14:53 - November 16, 2018

పశ్చిమబెంగాల్ : ఇటీవల కాలంలో ఏపీలో పలు ప్రాంతాలలో సీబీఐ హఠాత్తుగా దాడులకు పాల్పడిన విషయం తెలిసిందే ఈ నేపథ్యంలో రాష్ట్రంలోకి కేంద్ర దర్యాప్తు సంస్థ ప్రవేశాన్ని కట్టడి చేస్తూ ఏపీ ప్రభుత్వం నిర్ణయం తీసుకున్న సంగతి తెలిసిందే. ఈ క్రమంలో సీఎం చంద్రబాబు బాటలోనే పశ్చిమబెంగాల్ సీఎం మమతా బెనర్జీ కూడా అనుసరించబోతున్నారు. సీబీఐ చట్టాన్ని తాము కూడా పరిశీలిస్తున్నామని... తదుపరి చర్యలను త్వరలోనే తీసుకుంటామని మమతా  స్పష్టం చేశారు. రాష్ట్రాల పరిధిలో కేంద్రం తప్పుడు వైఖరిని అనుసరిస్తోందని ఆమె మండిపడ్డారు. అధికారాన్ని బీజేపీ దుర్వినియోగం చేస్తోందని.. సీబీఐ, ఈడీ, ఆర్బీఐలను తన చెప్పుచేతల్లో ఉంచుకోవాలని కేంద్రం భావిస్తోందనీ..ఈ క్రమంలోనే కేంద్రం తీసుకుంటున్న పలు నిర్ణయాలు రాష్ట్ర ప్రభుత్వాలను ఇబ్బందులకు గురిచేస్తోందని ఆమె విమర్శించారు. బీజేపీ కుతంత్రాల వల్ల దేశానికే ముప్పు వాటిల్లే అవకాశం ఉందని అన్నారు. ఈ నేపథ్యంలో, ఏపీ మాదిరే తమ రాష్ట్రంలో కూడా సీబీఐకి ఇచ్చిన అనుమతిని ఉపసంహరించుకునేందుకు యత్నిస్తున్నామని పశ్చిమ బెంగాల్ సీఎం మమతా బెనర్జీ తెలిపారు. కాగా ఏపీలో సీబీఐకి ఎంట్రీ లేదంటూ ఏపీ ప్రభుత్వం తీసుకున్న సంచలన నిర్ణయం తీసుకున్న విషయం తెలిసిందే.
 

 

15:34 - November 15, 2018

అమరావతి: మహాకూటమిలో రంగారెడ్డి సీట్ల పంపకం మంటలు రేపుతోంది. సీట్ల సర్దుబాటు విషయంలో సరైన నిర్ణయాలు తీసుకోలేదనే వాదనలు గట్టిగా వినిపిస్తున్నాయి. ఇందుకు ఇబ్రహీంపట్నం నియోజకవర్గం వ్యవహారమే నిదర్శనం. పొత్తుల్లో భాగంగా ఇబ్రహీంపట్నం స్థానాన్ని టీడీపీకి కేటాయించారు. ఈ స్థానం నుంచి టీడీపీ తమ అభ్యర్థిగా సామా రంగారెడ్డి పేరు ప్రకటించింది. అయితే సామా రంగారెడ్డి మాత్రం పోటీకి ససేమిరా అంటున్నారు. తాను ఎల్బీనగర్ అడిగితే... ఇబ్రహీంపట్నం ఇవ్వడం ఏంటని ఆయన పార్టీపై అలకపూనారు. ఈ అంశంపై చర్చించేందుకు ఏకంగా ఏపీ రాజధాని అమరావతి వెళ్లి మరీ చంద్రబాబును కలిశారాయన.
తాను ఎల్బీనగర్‌లో పని చేశానని... ఇప్పటికిప్పుడు ఇబ్రహీంపట్నం నుంచి పోటీ చేయమని అంటే ఎలా అని, అక్కడి నుంచి పోటీ చేస్తే, గెలిచే అవకాశాలు తక్కువని చంద్రబాబు వద్ద సామా రంగారెడ్డి వాపోయినట్టు సమాచారం. ఎల్బీనగర్ ప్రాంతంలో గత నాలుగేళ్లుగా ప్రజలకు దగ్గరగా ఉంటూ ఎంతో సేవ చేశానని, ఈ దఫా తనకు టికెట్ లభిస్తుందని ఎంతో ఆశపడ్డానని, ఎల్బీనగర్ నుంచి అయితే, 25వేల ఓట్ల మెజారిటీతో విజయం సాధించడం ఖాయమని ధీమా వ్యక్తం చేశారట. ఇబ్రహీంపట్నంలో తాను కాంగ్రెస్‌పై ఆధారపడాల్సి ఉంటుందని, వారు ఏ మేరకు సహకరిస్తారోనన్న అనుమానాలు తనకున్నాయని చెప్పారట. తన సీటును మార్పించాలని సామా రంగారెడ్డి.. చంద్రబాబుకు విన్నవించారట. 2014 ఎన్నికల్లో ఆర్ కృష్ణయ్యను నిలపాలని టీడీపీ నిర్ణయిస్తే, తాను ఆయన గెలుపుకోసం ఎంతో కృషి చేశానని సామా రంగారెడ్డి గుర్తు చేశారట.
అయితే సర్దుకుపోవాలని చంద్రబాబు రంగారెడ్డికి సూచించారట. పరిస్థితిని చక్కదిద్దాలని నామా నాగేశ్వరరావుకు చంద్రబాబు సూచించడంతో.. సామా రంగారెడ్డిని బుజ్జగించేందుకు నామా ప్రయత్నాలు మొదలుపెట్టారు. 
మరోవైపు ఇబ్రహీంపట్నంలో స్థానిక టీడీపీ నేత భీంరెడ్డి అసంతృప్తి వ్యక్తం చేశారు. తనకు టికెట్ ఇవ్వకపోవడంతో రెబల్‌గా నామినేషన్‌ వేస్తానంటూ భీంరెడ్డి ప్రకటించారు.
ఈసారి ఎలాగైనా ఇబ్రహీంపట్నం నుంచి పోటీ చేయాలని నిర్ణయించుకున్న రంగారెడ్డి జిల్లా కాంగ్రెస్ అధ్యక్షుడు క్యామ మల్లేశం... ఈ సీటును పొత్తుల్లో భాగంగా టీడీపీకి కేటాయించడంపై ఆగ్రహంగా ఉన్నారు. రెబల్‌గా బరిలోకి దిగాలని ఆయన డిసైడ్ అయినట్లు సమాచారం. 
గత ఎన్నికల్లో ఇబ్రహీంపట్నం నుంచి టీడీపీ అభ్యర్థిగా బరిలోకి దిగి విజయం సాధించిన మంచిరెడ్డి కిషన్‌రెడ్డి... ఈసారి టీఆర్ఎస్ అభ్యర్థిగా బరిలో ఉన్నారు.

13:47 - November 14, 2018

హైదరాబాద్ : తెలంగాణ కాంగ్రెస్ విడుదల చేస్తున్న జాబితాల్లో పలువురి పేర్లు లేకపోవడంతో నేతల్లో ఉత్కంఠ నెలకొంటోంది. నామినేషన్ల దాఖలు కూడా ఇప్పటికే ప్రారంభమైన సంగతి తెలిసిందే. నవంబర్ 14వ తేదీ బుధవారం ఉదయం కాంగ్రెస్ పది మందితో కూడిన రెండో జాబితా విడుదలైంది. ఈ లిస్టులో కూడా పలువురి ప్రముఖుల పేర్లు లేకపోవడం గమనార్హం. 

కాంగ్రెస్ రెండో జాబితా : - 
>
 ఖానాపూర్‌ (ఎస్టీ) - రమేష్‌ రాథోడ్‌   ఎల్లారెడ్డి - జాజల సురేందర్‌    ధర్మపురి (ఎస్సీ) - అదూరి లక్ష్మణ్‌ కుమార్‌    సిరిసిల్ల  -  కేకే మహేందర్‌ రెడ్డి    మేడ్చల్‌ - కిచ్చెన్నగారి లక్ష్మారెడ్డి    ఖైరతాబాద్‌ - దాసోజు శ్రవణ్‌   జూబ్లీహిల్స్‌ - పి విష్ణువర్ధన్‌ రెడ్డి   షాద్‌నగర్‌ - సీ ప్రతాప్‌రెడ్డి     భూపాలపల్లి - గండ్ర వెంకట రమణారెడ్డి   పాలేరు -  కాందాల ఉపేందర్‌రెడ్డి

Image result for sabitha indra reddy karthik reddyవివిధ పార్టీలు..ఇతరులు కాంగ్రెస్ కండువాలు కప్పుకున్న కొంతమందికి టి.కాంగ్రెస్ టికెట్లు కేటాయించింది. టికెట్ వస్తుందని ఆశించిన వారు తీవ్ర భంగపాటుకు గురవుతున్నారు. అందులో సినీ నటుడు, నిర్మాత బండ్ల గణేష్ కూడా ఉన్నారు. ఇటీవలే ఆయన కాంగ్రెస్ తీర్థం పుచ్చుకున్న సంగతి తెలిసిందే. ఈసారి ఎన్నికల్లో పోటీ చేస్తానని బాహాటంగానే ప్రకటించారు కూడా. అంతేగాకుండా ఎన్నికల్లో కాంగ్రెస్ గెలిచి అధికారంలోకి వస్తుందని ముందే చెప్పారు. అయితే విడుదల చేసిన జాబితాలో ఆయనకు కాంగ్రెస్ మొండి చేయి చూపింది. బండ్ల గణేష్ రాజేంద్రనగర్ స్థానాన్ని కో్రుతున్నారు. ఈ స్థానం కోసం మాజీ మంత్రి సబితా ఇంద్రారెడ్డి కుమారుడు కార్తీక్ రెడ్డి పోటీ పడుతున్నారు. తన కొడుకుకు టికెట్ కోసం సబిత ప్రయత్నాలు ముమ్మరం చేస్తున్నట్లు వినికిడి. కాంగ్రెస్ అధిష్టానం మాత్రం రాజేంద్రనగర్ స్థానాన్ని సస్సెన్ష్ పెడుతూ ఉత్కంఠ కంటిన్యూ చేస్తోంది. మహాకూటమి పొత్తులో భాగంగా ఈ స్థానం తమకు కేటాయించాలంటూ టీటీడీపీ కోరుతోంది. గత ఎన్నికల్లో రాజేంద్రనగర్ స్థానం నుండి టీడీపీ అభ్యర్థి ప్రకాష్ గౌడ్ బరిలోకి దిగి గెలుపొందారు. అనంతరం టీఆర్ఎస్ పార్టీ తీర్థం పుచ్చుకుని ఈసారి కూడా ఎన్నికల బరిలో నిలుచున్నారు. మరి కాంగ్రెస్ అధిష్టానం బండ్లగణేష్ కు ఛాన్స్ ఇస్తుందా ? కార్తీకరెడ్డి వైపు మొగ్గు చూపుతుందా ? లేక వీరిద్దరినీ కాదని టీటీడీపీకి వదిలేస్తుందా ? అనేది చూడాలి. 

 

18:59 - November 13, 2018

విజయవాడ: అమరావతిలో టీడీపీ వ్యూహ కమిటీ ప్రతినిధులతో భేటీలో సీఎం చంద్రబాబు నాయుడు కీలక సూచనలు చేశారు. రాష్ట్రానికి బీజేపీ చేసిన నమ్మక ద్రోహాన్ని ఇంటింటికీ తిరిగి వివరించాలని చంద్రబాబు సూచించారు. కరపత్రాలు, వాల్‌పోస్టర్ల ద్వారా ప్రచారం చేయాలన్నారు. పార్టీ సంస్థాగత కార్యకలాపాలు, ఎలక్షన్-2019 మిషన్‌పైనా చంద్రబాబు సమీక్షించారు. ఇక అభ్యర్థులకు టికెట్లు విషయంపైనా చంద్రబాబు కీలక వ్యాఖ్యలు చేశారు. ఎమ్మెల్యేలపై ప్రజామోదం ఎప్పటికప్పుడు తెలుసుకుంటున్నానని చెప్పిన చంద్రబాబు ఈసారి గెలిచే వారికి, ప్రజామోదం ఉన్న వారికే టికెట్లు కేటాయిస్తామన్నారు. నిరంతరం ప్రజల్లో ఉండే వారికే పార్టీ తరపున ప్రాధాన్యత ఉంటుందని స్పష్టం చేశారు. ఎమ్మెల్సీ అభ్యర్థుల ఎంపికపై ప్రజాభిప్రాయం తీసుకోవాలని, ఐవీఆర్ఎస్ ద్వారా అభిప్రాయ సేకరణ జరపాలని సూచించారు.

ఈ నెల 20న నెల్లూరులో, 27న విజయనగరంలో ధర్మపోరాట సభలు ఉంటాయన్నారు. ఆ తర్వాత శ్రీకాకుళం, అనంతపురం జిల్లాల్లో నిర్వహిస్తామని చెప్పారు. చివరగా, కృష్ణా, గుంటూరు జిల్లాల్లో ఉమ్మడి ధర్మపోరాట సభను నిర్వహిస్తామని, ఈ సభకు జాతీయ పార్టీల నేతలు హాజరవుతారని చంద్రబాబు తెలిపారు. ఈ నెల 15, 16 తేదీల్లో నిర్వహించనున్న ‘జయహో బీసీ’ కార్యశాలను జయప్రదం చేయాలని, కార్యశాలలో వివిధ బీసీ కులాల నేతలు హాజరై చర్చించాలని చంద్రబాబు సూచించారు.

16:16 - November 11, 2018

నిజామాబాద్: ఓవైపు ఎన్నికల ప్రచారాన్ని ముమ్మరం చేసిన టీఆర్ఎస్.. మరోవైపు మహాకూటమిని టార్గెట్ చేశారు. సందర్భం వచ్చినప్పుడల్లా మహాకూటమిపై విమర్శలతో విరుచుకుపడుతున్నారు. అమరాతిలో కాంగ్రెస్ జాబితా ఫైనల్ కావడం కాంగ్రెసోళ్ల దురదృష్టమని టీఆర్ఎస్ ఎంపీ కవిత వ్యంగ్యాస్త్రాలు సంధించారు. కనీసం తమ అభ్యర్థులను కూడా ఖరారు చేసుకోలేని పరిస్థితిలో కాంగ్రెస్ పార్టీ ఉందని ఆమె విమర్శించారు. కాంగ్రెస్ అభ్యర్థుల జాబితాను అమరావతి తీసుకెళ్లి చంద్రబాబుతో ఆమోద ముద్ర వేయించుకోవడం కాంగ్రెస్ దయనీయ దుస్థితికి అద్దం పడుతుందన్నారు. నిజామాబాద్ జిల్లా వేల్పూర్ మండలం లక్కోరలో దళితుల ఆత్మీయ సమ్మేళనంలో కవిత పాల్గొన్నారు. తెలంగాణలో చంద్రబాబు బ్యాక్‌డోర్ రాజకీయాలు చేస్తున్నారని ఆమె మండిపడ్డారు. జగిత్యాల నియోజకవర్గ అభివృద్ధికి నిరంతరం పాటుపడతామని హామీ ఇచ్చారు. ఎన్నికల్లో మహాకూటమికి ఓటమి తప్పదని, ఆ కూటమికి ప్రజలే బుద్ధి చెబుతారని కవిత వ్యాఖ్యానించారు. గత 40ఏళ్లలో రాష్ట్రంలో జరగని అభివృద్ధి ఈ నాలుగేళ్లలోనే జరిగిందని కవిత చెప్పారు. దేశంలోనే అత్యంత అభివృద్ధి చెందిన రాష్ట్రంగా తెలంగాణను నిలుపుదామని కవిత పిలుపునిచ్చారు. ఎంపీ కవిత సమక్షంలో జగిత్యాలకు చెందిన ప్రముఖ వైద్యుడు శైలేందర్‌రెడ్డి టీఆర్ఎస్‌లో చేరారు.

11:51 - November 10, 2018

అమరావతి: 2019ఎన్నికల్లో కేంద్రంలో బీజేపీ అధికారంలోకి రాకుండా, దేశంలోని బీజేపీ వ్యతిరేక శక్తులను కూడగట్టే ప్రయత్నంలో ఆంధ్రప్రదేశ్ ముఖ్యమంత్రి చంద్రబాబు నాయుడు ఇటీవల జేడీఎస్,డీఎంకే  అధ్యక్షులతో సమావేశం అయ్యారు. అందులో భాగంగా కాంగ్రెస్ పార్టీ జాతీయ ప్రధాన కార్యదర్శి, రాజస్ధాన్ మాజీ ముఖ్యమంత్రి అశోక్ గెహ్లాట్ శనివారం  ఆంధ్రప్రదేశ్ ముఖ్యమంత్రి చంద్రబాబునాయుడు తో అమరావతిలో భేటీ అవుతున్నారు. కాంగ్రెస్ పార్టీ అధ్యక్షుడు రాహుల్ గాంధీ దూతగా  ఆయన చంద్రబాబుతో  చర్చలు జరపనున్నారు.  ఇప్పటికే చంద్రబాబు నాయుడు ఢిల్లీలో  రాహుల్‌గాంధీ, శరద్‌పవార్‌, ఫరూక్‌ అబ్దుల్లా, కేజ్రీవాల్  తదితర ఉత్తారిది నాయకులతో సమావేశమై ప్రస్తుతం దక్షిణాది పార్టీల నాయకులను సంఘటితం చేసే పనిలో ఉన్నారు. ఈ నేపధ్యంలో శనివారం కాంగ్రెస్‌ సీనియర్‌ నాయకుడు అశోక్‌ గెహ్లాట్ అమరావతిలో చంద్రబాబుతో సమావేశంకావడం మరో ముందడుగుగా పార్టీ వర్గాలు భావిస్తున్నాయి.

21:49 - November 9, 2018

చెన్నై: బీజేపీని గద్దె దించేందుకు అన్ని ప్రయత్నాలు చేస్తామని ఏపీ సీఎం, టీడీపీ జాతీయ అధ్యక్షుడు చంద్రబాబు నాయుడు అన్నారు. విభేదాలను వదిలేసి, బీజేపీ వ్యతిరేక పార్టీలన్నీ పని చేస్తాయని ఆయన తెలిపారు. బీజేపీ వ్యతిరేక కూటమి ఏర్పాటు దిశగా చంద్రబాబు ప్రయత్నాలను ముమ్మరం చేశారు. ఇందులో భాగంగా చెన్నై వెళ్లిన చంద్రబాబు డీఎంకే చీఫ్ స్టాలిన్‌ను కలిశారు. తాజా రాజకీయాలు, కూటమి ఏర్పాటుపై ఇరువురు చర్చించారు. 
దేశాన్ని కాపాడేందుకు సహకరించాలని, బీజేపీ వ్యతిరేక కూటమి ఏర్పాటులో తమతో కలిసి రావాలని స్టాలిన్‌ను కోరానని చంద్రబాబు తెలిపారు. త్వరలోనే పశ్చిమబెంగాల్ ముఖ్యమంత్రి మమతా బెనర్జీ, బీఎస్పీ అధినేత్రి మాయావతితో భేటీ అవుతానని చంద్రబాబు చెప్పారు. తమిళనాడులో ప్రస్తుతం రిమోట్ కంట్రోల్ ప్రభుత్వం నడుస్తోందని చంద్రబాబు ఆరోపించారు. ప్రధాని మోడీ తీసుకున్న నిర్ణయాలతో దేశ ఆర్థిక వ్యవస్థ కుప్పకూలిందని విమర్శించారు. పెద్ద నోట్ల రద్దు వ్యవహారం అపహాస్యం పాలైందని, బ్యాంకింగ్ వ్యవస్థ నాశనమైందని, బ్యాంకులపై ప్రజలకు నమ్మకం పోయిందని వ్యాఖ్యానించారు. నోట్ల రద్దుతో బ్లాక్ మనీ వైట్‌గా మారిందని ఆరోపించారు. నోట్ల రద్దుతో సామాన్యులు, రైతులు తీవ్ర ఇబ్బందులు పడుతున్నారని చంద్రబాబు వాపోయారు. దేశ భవిష్యత్ కోసమే కాంగ్రెస్‌తో కలవాల్సి వచ్చిందని చంద్రబాబు వివరించారు. తమతో కలిసి వచ్చే నేతలందరితోనూ చర్చలు జరుపుతామన్నారాయన. 
మోడీని గద్దె దించేందుకు నా సహకరాం ఉంటుందని చంద్రబాబుకి స్టాలిన్ హామీ ఇచ్చారు. రాష్ట్రాల హక్కులను మోడీ సర్కార్ కాలరాస్తోందని స్టాలిన్ మండిపడ్డారు. మతవాద బీజేపీని గద్దె దించేందుకు చంద్రబాబుతో చేతులు కలిపామన్నారాయన.

Pages

Don't Miss

Subscribe to RSS - చంద్రబాబు నాయుడు