చర్చ

19:41 - August 20, 2018

కేరళ రాష్ట్రం భారీ వర్షాలతో వరదలతో అతలాకుతం అయిపోయింది. జన జీవనం అస్తవ్యస్థంగా తయారయ్యింది. లక్షలాదిమంది నిరాశ్రయులయ్యారు. వందలాదిమంది ప్రాణాలు కోల్పోయారు. ప్రకృతితో అలరారే కేరళ ఎక్కడ చూసినా హృదయవికారమైన దృశ్యాలతో భయానకంగా తయారయ్యింది. సుమారు 10లక్షలమంది పునరావాసాల్లో రక్షణ పొందుతున్నారు. మరి ప్రకృతి భూమితో అలరించిన కేరళకు ఇటువంటి దుస్థితి నెలకొనటానికి కారణాలేమిటి? ప్రకృతి ఇంతగా పగబట్టటానికి కారణాలేమిటి? ప్రకృతి అందాలకు నెలవుగా పేరుగాంచిన కేరళ ప్రజల జీవితాన్ని వరదలు చిన్నాభిన్నం చేశాయి. దీనికి కారణమేమిటి? ఇంతటి విలయానికి మానవ తప్పిదమే కారణమంటున్నారు పర్యావరణ వేత్తలు ఈ అంశంపై 10టీవీ బిగ్ డిబేట్..ఈ డిబేట్ లో పర్యావరణవేత్త పురుషోత్తం, ఎన్ ఎండీఏ మాజీ వైస్ చైర్మన్ మర్రి శశిధర్ రెడ్డి పాల్గొన్నారు. 

20:18 - August 17, 2018

మాజీ ప్రధాని వాజ్ పేయి విలువలున్న వ్యక్తి అని వక్తలు అభిప్రాయపడ్డారు. ఆదర్శప్రాయుడని అన్నారు. వాజ్ పేయి దౌత్య నీతి...నైతిక విలువలు అనే అంశంపై నిర్వహించిన చర్చ కార్యక్రమంలో సీనియర్ పాత్రికేయులు, రాజకీయ విశ్లేషకులు, ప్రెస్ అకాడమీ మాజీ చైర్మన్ పొత్తూరు వెంకటేశ్వర్ రావు, లోక్ సత్తా వ్యవస్థాపక అధ్యక్షులు జయప్రకాశ్ నారాయణ, సీనియర్ పాత్రికేయులు నడింపల్లి సీతారామరాజు పాల్గొని, మాట్లాడారు. వాజ్ పేయి మంచి లౌకికవాదని...ఈ విషయాన్ని ప్రస్తుతం ప్రధాని మోడీ ఆచరిస్తే బాగుంటుందని సూచించారు. మరిన్ని వివరాలను వీడియోలో చూద్దాం.. 

21:07 - August 16, 2018

ఢిల్లీ : మాజీ ప్రధాని అటల్‌ బిహారీ వాజ్‌పేయి కన్నుమూశారు. గత కొన్నేళ్లుగా అనారోగ్యంతో బాధపడుతున్న వాజ్‌పేయి ఏయిమ్స్‌లో తుదిశ్వాస విడిచారు. గురువారం సాయంత్రం తుదిశ్వాస విడిచారని ఎయిమ్స్‌ వైద్యులు ధ్రువీకరించారు. మధుమేహం, ఛాతీలో అసౌకర్యం, మూత్రపిండాలు, మూత్ర నాళాల సంబంధిత సమస్యలతో పాటు డెమెన్షియాతో ఆయన కొంతకాలంగా బాధపడుతున్నారు. ఈ ఏడాది జూన్‌ 11వ తేదీన ఎయిమ్స్‌లో చేరారు. రెండు రోజులుగా ఆయన ఆరోగ్యం మరింత క్షీణించడంతో వెంటిలేటర్‌పై చికిత్స అందించినా ప్రయోజనం లేకుండాపోయింది. ఇదే అంశంపై నిర్వహించిన చర్చా కార్యక్రమంలో రాజకీయ విశ్లేషకులు లక్ష్మీనారాయణ, కాంగ్రెస్ నేత మీసాల రాజేశ్వర్ రావు, జంగారెడ్డి పాల్గొని, మాట్లాడారు. వాజ్ పేయి మృతి బాధాకరమన్నారు. ఆయన అత్యుత్తమ పార్లమెంటేరియన్ అని కొనియాడారు. విలక్షణమైన, విశిష్టమైన స్థానాన్ని ఆయన నిలబెట్టుకున్నారని పేర్కొన్నారు. మరిన్ని వివరాలను వీడియోలో చూద్దాం... 

20:43 - August 15, 2018

ఢిల్లీలో 72వ స్వాతంత్ర్య దినోత్సవ వేడుకలు ఘనంగా జరిగాయి. ఎర్రకోటలో ప్రధాని నరేంద్రమోదీ జాతీయ పతాకాన్ని ఎగురవేశారు. దేశ ప్రజలందరికీ స్వాతంత్ర్య దినోత్సవ శుభాకాంక్షలు తెలిపారు. అణగారిన వర్గాల అభివృద్ధికి తమ ప్రభుత్వం కట్టుబడి ఉందని ప్రధాని తెలిపారు. శ్రీకాకుళం జిల్లాలో స్వాతంత్ర్య దినోత్సవ వేడుకల్లో సీఎం చంద్రబాబు పాల్గొన్నారు. జిల్లాలోని ఆర్ట్స్‌ కాలేజీ గ్రౌండ్‌లో జాతీయ జెండాను ఎగరువేసి, ప్రజలకు స్వాతంత్ర్య దినోత్సవ శుభాకాంక్షలు తెలిపారు. ఈ సందర్భంగా చంద్రబాబు మాట్లాడుతూ ఆంధ్రప్రదేశ్‌ అభివృద్ధే తన లక్ష్యమని చంద్రబాబు తెలిపారు. హైదరాబాద్ లోని గోల్కొండ కోటలో స్వాతంత్ర్య దినోత్సవ వేడుకలు ఘనంగా జరిగాయి. గోల్కొండ కోటపై తెలంగాణ ముఖ్యమంత్రి కేసీఆర్‌ జాతీయ జెండాను ఎగురవేశారు. ప్రజలందరికీ స్వాతంత్ర్య దినోత్సవ శుభాకాంక్షలు తెలిపారు. రైతాంగం ప్రయోజనాలు రక్షించేందుకు రాజీలేని వైఖరితో ముందుకు పోతామన్నారు. ఇదే అంశంపై నిర్వహించిన చర్చా కార్యక్రమంలో విశ్లేషకులు, ది హిందూ మాజీ ఎడిటర్ నగేష్, కాంగ్రెస్ అధికార ప్రతినిధి అద్దంకి దయాకర్, టీడీపీ నేత రామకృష్ణ, బీజేపీ నేత రాకేశ్ రెడ్డి పాల్గొని, మాట్లాడారు. మోడీ, కేసీఆర్, చంద్రబాబు ప్రసంగాల్లో పస లేదన్నారు. మరిన్ని వివరాలను వీడియోలో చూద్దాం...  

21:42 - August 14, 2018

సార్వత్రిక ఎన్నికలు సమీపిస్తున్న వేళ జనసేన అధినేత పవన్‌కల్యాణ్‌ దూకుడు పెంచారు. పార్టీ మేనిఫెస్టో విజన్‌ డాక్యుమెంట్‌ని విడుదల చేశారు. భీమవరంలో పార్టీ సిద్ధాంతాలు, హామీలను ప్రకటించారు. జనసేన అధికారంలోకి వస్తే ఇచ్చిన హామీలన్నీ అమలు చేస్తామని అన్నారు. సోమవారం పార్టీ గుర్తును ప్రకటించిన పవన్‌, ఇవాళ జనసేన విజన్‌ మేనిఫెస్టోని విడుదల చేశారు. ఇదే అంశంపై నిర్వహించిన చర్చా కార్యక్రమంలో విశ్లేషకులు తెలకపల్లి రవి, వైసీపీ ప్రధాన కార్యదర్శి లక్ష్మీపార్వతి, టీడీపీ నేత పట్టాభిరామ్, జనసేన అధికార ప్రతినిధి అద్దెపల్లి శ్రీధర్ పాల్గొని, మాట్లాడారు. మరిన్ని వివరాలను వీడియోలో చూద్దాం.. 

08:47 - August 10, 2018

ఏపీలో టీడీపీ, వైసీపీల మధ్య మాటల యుద్ధం నెలకొంది. ఇదే ఏపీ రాజకీయాలపై నిర్వహించిన న్యూస్ మార్నింగ్ చర్చా కార్యక్రమంలో విశ్లేషకులు లక్ష్మీనారాయణ, టీడీపీ నేత సూర్యప్రకాశ్, వైసీపీ కిలారి రోశయ్య పాల్గొని, మాట్లాడారు. ఏపీలోని  విపక్షాల మధ్య ఐక్యత లోపించదన్నారు. రాష్ట్ర హక్కుల కోసం కేంద్రంపై పోరాడాల్సింది పోయి పరస్పరం విమర్శలు చేసుకుంటున్నారని తెలిపారు. అందరూ ఐక్యంగా హక్కుల సాధన కోసం కేంద్రంపై పోరాడాలని సూచించారు. మరిన్ని వివరాలను వీడియోలో చూద్దాం...

 

08:08 - August 9, 2018

ఇవాళ రాజ్యసభ డిప్యూటి ఛైర్మన్‌ పదవికి ఎన్నిక జరగనుంది. ఎన్డీయే తరపున జెడియు ఎంపి హరివంశ్‌ నారాయణ్‌ సింగ్‌, విపక్షాల తరపున కాంగ్రెస్‌ అభ్యర్థి బికె హరిప్రసాద్‌ పోటీ పడుతున్నారు. తమ తమ అభ్యర్థుల గెలుపుపై ఇరుపక్షాలు ధీమాతో ఉన్నాయి. పార్లమెంట్‌ వర్షాకాల సమావేశాలు ముగియడానికి ఒకరోజు ముందు ఈ ఎన్నిక జరుగుతోంది. ఇదే అంశంపై నిర్వహించిన న్యూస్ మార్నింగ్ చర్చా కార్యక్రమంలో కాంగ్రెస్ నేత గోసుల శ్రీనివాస్ యాదవ్, బీజేపీ నేత ఆచారి పాల్గొని, మాట్లాడారు. తమ తమ అభ్యర్థుల గెలుపుపై ఇరువురూ ధీమా వ్యక్తం చేస్తున్నారు. వారు తెలిపిన మరిన్ని వివరాలను వీడియోలో చూద్దాం.. 

20:43 - August 2, 2018

దళితాగ్రహానికి కేంద్రం దిగి వచ్చింది. మరో విడత ఆందోళనల అగ్గి రాజుకోకముందే జాగ్రత్త పడింది. ఎస్సీ, ఎస్టీ అత్యాచార నిరోధక చట్టంపై సుప్రీంకోర్టు ఇచ్చిన తీర్పును పక్కన పెట్టాలని తీర్మానించింది. ఈ చట్టం మునుపటిలాగా కఠినంగా, పటిష్టంగా ఉండేలా చూడాలని నిర్ణయించింది. ఎస్సీ, ఎస్టీ అత్యాచార నిరోధక చట్టంపై మోడీ సర్కార్ కు ఉన్న కమిట్ మెంట్ ఎంత ? ఇదే అంశంపై నిర్వహించిన చర్చా కార్యక్రమంలో కాంగ్రెస్ అధికార ప్రతినిధి సతీష్ మాదిగ, కేవీపీఎస్ తెలంగాణ రాష్ట్ర ప్రధాన కార్యదర్శి స్కైలాబ్ బాబు, బీజేపీ తెలంగాణ రాష్ట్ర కార్యదర్శి కుమార్, సామాజిక విశ్లేషకులు ప్రొ. శ్రీపతిరాముడు పాల్గొని, మాట్లాడారు. ఎస్సీ, ఎస్టీ అట్రాసిటీ చట్టాన్ని 9వ షెడ్యూల్ లో చేర్చాలని సూచించారు. మరిన్ని వివరాలను వీడియోలో చూద్దాం... 

20:41 - August 1, 2018

ఇక లంచం ఇస్తే కటకటాలపాలే..లంచం ఇచ్చిన వారికి కూడా ఏడేళ్ల జైలు శిక్ష పడనుంది. ఇక లంచం తీసుకోవడంతోపాటు ఇవ్వడం నేరమే.. లంచం ఇస్తే జైలుకు పోకతప్పదు.. ఈ విషయాన్ని రాష్ట్రపతి ఉత్తర్వులు స్పష్టం చేశాయి. వీటిపై భిన్నాభిప్రాయాలు వెల్లువెత్తున్నాయి. ఇదే అంశంపై నిర్వహించిన ప్రత్యేక చర్చా కార్యక్రమంలో విశ్లేషకులు రాజేంద్రప్రసాద్ పాల్గొని, మాట్లాడారు. చట్టాల ద్వారా అవినీతిని కంట్రోల్ చేయలేమన్నారు. రాజకీయ అవినీతిని కంట్రోల్ చేయాలని పేర్కొన్నారు. మరిన్ని వివరాలను వీడియోలో చూద్దాం... 

07:39 - July 31, 2018

గ్రామ పంచాయతీ సర్పంచ్‌ల పదవీకాలం మంగళవారంతో ముగియనుంది. దీంతో వీరి స్థానంలో ప్రత్యేకాధికారులను నియమిస్తూ తెలంగాణ ప్రభుత్వం నిర్ణయం తీసుకుంది. కోర్టు కేసుల కారణంగానే పంచాయితీ ఎన్నికలను వాయిదా వేశామని నిన్న గవర్నర్ భేటీలో కూడా తెలంగాణ ప్రభుత్వం స్పష్టంచేసింది. ఈ క్రమంలో ఆగస్టు 2వ తేదీ నుంచి పంచాయతీలు ప్రత్యేకాధికారులు ఏలుబడిలోకి వెళ్తాయి. కొత్తగా ఏర్పాటు చేసిస పంచాయతీలు కలుపుకుని మొత్తం 12,751 పంచాయతీలకు ప్రత్యేకాధికారులను నియమిస్తున్నారు. దీన్ని కొందరు వ్యతిరేకిస్తున్నారు. కానీ దీనిపై ముందుకే వెళ్లేందుకు సీఎం కేసీఆర్ నిర్ణయించుకున్నారు. కచ్చితంగా ప్రత్యేక అధికారులకే పంచాయితీల ఏలుబడులు వుంటాయని..అందుకనే కార్యదర్శుల సంఖ్య పెంచామని సీఎం కేసీఆర్ స్పష్టంచేశారు. తెలిపారు. మరి ఇది గులాబీ బాస్ ఎత్తుగడగా చూడాలా? లేక టెక్నికల్ గా ప్రత్యేక అధికారుల చేతిలో పంచాయితీలు వుండటం కరక్టేనా? వంటి అంశంపై 10టీవీ న్యూస్ మార్నింగ్ లో చర్చ చేపట్టింది. ఈ చర్చలో సీపీఎం రాష్ట్ర కమిటీ సభ్యులు వెంకట్, కాంగ్రెస్ నేత శ్రీనివాస్ యాదవ్, టీఆర్ఎస్ నేత విద్యాసాగర్ పాల్గొన్నారు.

Pages

Don't Miss

Subscribe to RSS - చర్చ