చిరంజీవి

21:54 - December 6, 2018

హైదరాబాద్: టాలీవుడ్‌ హీరోలంతా ఎలక్షన్‌ పోలింగ్‌ సెంటర్ల బాట పట్టనున్నారు. తెలంగాణలో జరగనున్న ఎన్నికల్లో తమ ఓటు హక్కును వినియోగించుకోనున్నారు. సినిమాలే కాదు రాజకీయ అవగాహన కూడా ఉందని చాటి చెప్పేందుకు తెలుగు సినీ ప్రముఖులు సిద్ధమవుతున్నారు.
జూబ్లిహిల్స్‌ క్లబ్‌లో మెగాస్టార్, భారతీయ విద్యాభవన్ స్కూల్‌లో సూపర్‌స్టార్:
తెలుగు సినిమా తారాగణం.. ఓటు వేసేందుకు క్యూ కట్టనుంది. సినిమాలే కాదు సమాజం పట్ల బాధ్యత కూడా ఉందని నిరూపించనుంది. హైదరాబాద్‌లోని పలు ప్రాంతాల్లో పలువురు ప్రముఖ హీరోలు తమ ఓటు హక్కును వినియోగించుకోనున్నారు. టాలీవుడ్‌ అగ్రహీరోల్లో చాలా మంది హైదరాబాద్‌లో సెటిలయ్యారు. వీరంతా శుక్రవారం(డిసెంబర్ 7) జరగనున్న తెలంగాణ ఎన్నికల్లో తమ ఓటును వేసేందుకు రెడీ అవుతున్నారు. మెగాస్టార్‌ చిరంజీవి, ఆయన తనయుడు రామ్‌చరణ్‌ జూబ్లిహిల్స్‌ క్లబ్‌లో.. సూపర్‌స్టార్‌ మహేష్‌బాబు భారతీయ విద్యాభవన్ స్కూల్‌లో తమ ఓటు హక్కును వినియోగించుకోనున్నారు. యంగ్‌ టైగర్‌ జూనియర్‌ ఎన్టీఆర్‌ జూబ్లిహిల్స్‌లో ఓటును వేయనున్నారు. టాలీవుడ్‌ మన్మధుడు నాగార్జున, స్టైలిష్‌ అల్లు అర్జున్‌, కల్యాణ్‌రామ్‌ జూబ్లీహిల్స్‌లోని వేరువేరు పోలింగ్ బూత్‌లలో ఓటు వేయనున్నారు. వీరితో పాటు చాలా మంది టాలీవుడ్‌ సినీ స్టార్స్‌ తమ ఓటు హక్కును వినియోగించుకోనున్నారు.
ఇలా సినీ ప్రముఖులంతా సమజా పౌరులుగా తమ బాధ్యత నిర్వర్తించేందుకు సిద్ధమవుతున్నారు. వారికి కేటాయించిన పోలింగ్‌ సెంటర్లలో తమ ఓటు హక్కును వినియోగించుకొని.. అభిమానులకు ఓటు విలువ తెలియచేయనున్నారు.

 

11:43 - November 26, 2018

హైదరాబాద్ : మట్టిలోని మాణిక్యానికి నిలువెత్తు నిదర్శనమైన ఆమె పాట. సోషల్ మీడియా వేదిక ఆమె టాలెంట్ ను ప్రపంచానకి చాటి చెప్పింది. ఓ చెలియా నా ప్రియసఖియా అంటు ఆమె గళం ఇప్పుడు తెలుగు రాష్ట్రాల్లో హాట్ టాపిక్ గా మారిపోయింది. అంతేకాదు ఎక్కడో మారుమూల గ్రామంలో అణగిపోయి వున్న ఆమె ప్రతిభ మోగాస్టార్ చిరంజీవి వద్దకు చేర్చింది. అంతేకాదు ఆమెను స్వయంగా మెగాస్టార్ ఇంటికి పిలిపించుకుని మరీ అభినందించారు. ఆమె పసల బేబీ. ఆమె పాటకు వారు వీరు అనకండా అందు ఫిదా అయిపోతున్నారు. ఇళ్లలో పనిచేసే ఆమె సరదాగా పాడిన పాటను ఒకరు సోషల్ మీడియాలో పోస్టు చేయడంతో వైరల్ అయింది. చదువు రాని, సంగీతం తెలియని ఆమె శ్రుతి లయలు తప్పకుండా పాడుతుంటే టాప్ సింగర్లను తలపించేలా పాడుతున్న ఆమె గాన మాధుర్యానికి అచ్చెరువొందుతున్నారు. 
చిరును మెస్మరైజ్ చేసిన పసల బేబీ పాట..
ఇటీవల ఆమె పాటను విన్న మెగాస్టార్ చిరంజీవి భార్య సురేఖ కూడా బేబీకి ప్యాన్‌గా మారిపోయారు. ఆమెను చూడాలని, ఆమె పాటను వినాలన్న కోరికను చిరంజీవి వద్ద వ్యక్తపరిచారు. దీంతో ఆమె గురించి వాకబు చేసిన చిరంజీవి ప్రముఖ సంగీత దర్శకుడు కోటి సహకారంతో ఆదివారం ఆమెను ఇంటికి పిలిపించుకున్నారు. చిరంజీవి అంతటి వ్యక్తి తన ఇంటికి పిలిపించుకోవడంతో బేబీ ఆనందాన్ని పట్టలేక ఉబ్బితబ్బిబ్బవుతోంది. ఈ సందర్బంగా కొన్ని పాటలు పాడిన ఆమె చిరూ ఫ్యామిలీని మెస్మరైజ్ చేసింది. తనకు ఈ అవకాశం కల్పించిన కోటికి ధన్యవాదాలు తెలిపింది.
బేబీని సన్మానించిన రాజకీయ నేతలు..
తొలుత ఆమెను గుర్తించిన టీడీపీ నేత, ఎంపీ మురళీ మోహన్ సన్మానించి, సినిమాల్లో అవకాశాలు కల్పిస్తానని హామీ ఇచ్చారు. దీంతో ఆమె పేరు ఒక్కసారిగా మార్మోగింది. ఆ తర్వాత ఏ ఆర్ రహమాన్ కూడా ఆమె పాటను విని అభినందించాడు.
 

 

21:02 - November 24, 2018

అనంతపురము: జనసేన అధినేత పవన్ కళ్యాణ్‌పై ఏపీ సీఎం చంద్రబాబు నాయుడు ఫైర్ అయ్యారు. పవన్‌ను చిరంజీవితో పోల్చారు చంద్రబాబు. గతంలో చిరంజీవి ప్రజారాజ్యం పార్టీని అమ్ముకుని వెళ్లిపోయారని... ఇప్పుడు అదే పని చేయడానికి పవన్ వచ్చారని చంద్రబాబు విమర్శించారు. గతంలో తన సిద్ధాంతాలు కరెక్ట్ అని చెప్పిన పవన్.. ఇప్పుడు తననే మోసగాడు అంటున్నారని మండిపడ్డారు. పవన్ ఒక ఊసరవెళ్లిలాంటివాడని చంద్రబాబు ధ్వజమెత్తారు. ప్రజలను మోసం చేయడానికి వైసీపీ, జనసేనలు వచ్చాయని అన్నారు.
కోడికత్తి డ్రామానే:
వైసీపీ అధినేత జగన్‌పైనా చంద్రబాబు ఆగ్రహం వ్యక్తం చేశారు. కోడికత్తి జగన్ డ్రామానే అని ఆరోపించారు. నిజాయతీగా పని చేస్తున్న తమపై సీబీఐ దాడులు జరుపుతున్నారని... ఇది ఎంత వరకు సబబని చంద్రబాబు ప్రశ్నించారు. అనంతపురం పర్యటనలో టీడీపీ కార్యకర్తల సమావేశంలో చంద్రబాబు మాట్లాడారు. పార్టీ కేడర్‌కు దిశానిర్దేశం చేశారు. అందరి జాతకాలు తన వద్ద ఉన్నాయని పార్టీ నేతలను చంద్రబాబు హెచ్చరించారు. జిల్లాలోని 14 ఎమ్మెల్యే, 2 ఎంపీ స్థానాలను గెలిపించాల్సిన బాధ్యత మీదే అని స్పష్టం చేశారాయన.
కేసీఆర్‌కు హక్కు లేదు:
తెలంగాణ సీఎం కేసీఆర్‌పైనా చంద్రబాబు ఫైర్ అయ్యారు. కేసీఆర్‌కు తనను విమర్శించే హక్కు లేదన్నారు. ఒక గొప్ప హైదరాబాద్ నగరాన్ని ఇచ్చినా... సరిగా పాలించడం చేతకానివారికి తనను విమర్శించే హక్కు ఎక్కడుందని చంద్రబాబు ప్రశ్నించారు. ప్రధాని మోడీతో లాలూచి పడటం వల్లే కేసీఆర్ తనను విమర్శిస్తున్నారని చంద్రబాబు ఆరోపించారు.  ఎక్కువ ఆదాయం ఉన్న హైదరాబాద్‌ను తెలంగాణకు ఇచ్చామని.. ఏపీ ఆదాయం తక్కువగా ఉందని, అందుకే ఏపీకి ప్రత్యేక హోదా ఇచ్చేందుకు తాము కట్టుబడి ఉన్నామని సోనియాగాంధీ చెప్పారని చంద్రబాబు తెలిపారు.

08:31 - November 19, 2018

అమరావతి: తెలుగుదేశం పార్టీని, చంద్రబాబు ప్రభుత్వాన్ని టార్గెట్ చేస్తున్న జనసేన అధినేత పవన్ కల్యాణ్‌పై టీడీపీ నేతలు ఎదురుదాడికి దిగారు. ఏపీ మంత్రి కళా వెంకట్రావు పవన్‌పై సంచలన ఆరోపణలు చేశారు. విశాఖపట్నంలో యలమంచిలి రవి ఇంట్లో జగన్‌తో రహస్యంగా సమావేశం కావడం, 2014 ఎన్నికల్లో పోటీ చేసేందుకు జగన్‌ని 40 సీట్లు డిమాండ్ చేయడం నిజం కాదా అని పవన్‌ను ప్రశ్నించారు మంత్రి కళా వెంకట్రావు. 2009 ఎన్నికల్లో తన సోదరుడు, మెగాస్టార్ చిరంజీవిని గెలిపించుకోలేని పవన్, గత అసెంబ్లీ ఎన్నికల్లో టీడీపీని గెలిపించానని ప్రచారం చేసుకోవడం విడ్డూరంగా ఉందన్నారాయన. 
ఏపీ ప్రజలను నమ్మించి నట్టేట ముంచిన ప్రధాని నరేంద్ర మోడీ, బీజేపీ జాతీయ అధ్యక్షుడు అమిత్ షాల నిరంకుశ పాలనకు పవన్ వంత పాడుతున్నారని  మంత్రి కళా వెంకట్రావు మండిపడ్డారు. ఎన్నికల నేపథ్యంలో పవన్ చేసిన వ్యవహారాలపై సైతం ఆయన ధ్వజమెత్తారు. ఈ మేరకు పవన్‌కు మంత్రి కళా వెంకట్రావు 19 ప్రశ్నలతో బహిరంగ లేఖను సంధించారు. 
ఆంధ్రప్రదేశ్ ప్రజల కోసం పవన్ ఏనాడూ నిజాయతీ, నిబద్ధతతో పనిచేయలేదని కళా వెంకట్రావు విమర్శించారు. బీజేపీ హిందుత్వ పార్టీ కాదని పవన్ కల్యాణ్ చెప్పడాన్ని లేఖలో మంత్రి తప్పుపట్టారు. ఏపీకి రూ.75వేల కోట్లు రావాలన్న నిజనిర్ధారణ కమిటీ నివేదికపై పవన్ ఎందుకు మౌనం వహిస్తున్నారని ప్రశ్నించారు.  కల్యాణ్ రహస్యంగా సమావేశం అయ్యారని ఆరోపించారు. జనసేన పోరాటయాత్ర పేరుతో ఏసీ బోగీల్లో కూర్చున్న పవన్ సామాన్యులను ఎలా కలవగలిగారో చెప్పాలన్నారు.
బాక్సైట్ సహా ఇతర గనులకు మాజీ సీఎం దివంగత వైఎస్ రాజశేఖరరెడ్డి హయాంలోనే అనుమతులు వచ్చాయని తెలిసినా పవన్ మౌనం వహించారని విమర్శించారు. ప్రసంగాల్లో పరుష పదజాలం వాడుతూ యువతకు ఏం సందేశం ఇవ్వదలచుకున్నారని ప్రశ్నించారు. రాఫెల్ యుద్ధ విమానాల కొనుగోలు ఒప్పందం, జీఎస్టీ, పెద్దనోట్ల రద్దు, సీబీఐతో వేధింపులు, ఐటీ దాడులపై పవన్ స్పందించాలని ఆయన డిమాండ్ చేశారు. ఎలా కలిశారో చెప్పాలన్నారు. సుప్రీంకోర్టు వ్యవహారంలో, గవర్నర్‌ వ్యవస్థలపై కేంద్ర ప్రభుత్వం అధికార దుర్వినియోగాన్ని ప్రశ్నిస్తే బాగుంటుందని బహిరంగ లేఖలో పవన్‌కు మంత్రి కళా వెంకట్రావు సూచించారు. రాష్ట్రంలోని యువత, బడుగుబలహీన వర్గాల సంక్షేమం కోసం పాటుపడుతున్న సీఎం చంద్రబాబుపై పవన్ విమర్శలు చేయడం దారుణమని కళా వెంకట్రావు అన్నారు.

14:57 - November 5, 2018

హైదరాబాద్ : టాలీవుడ్‌లో ‘విజయ్ దేవరకొండ’ ఇమేజ్ రోజు రోజుకు పెరిగిపోతోంది. అర్జున్ రెడ్డి చిత్రం అనంతరం ఇతని ఇమేజ్ ఒక్కసారిగా మారిపోయింది. తనదైన స్టైల్..నటనతో అభిమానులను విపరీతంగా ఆకట్టుకున్నాడు. ప్రస్తుతమున్న యూత్‌లో విజయ్ దేవరకొండ అంటే ఒక క్రేజ్. ప్రస్తుతం ఇతను టాప్ హీరోల స్థానానికి ఎగబాకేందుకు ప్లాన్స్ వేసుకుంటున్నాడంట. 
దిగ్గజ దర్శకులు కొరటాల శివ..సుకుమార్‌తో విజయ్ దేవరకొండ పనిచేయడానికి సిద్ధమౌతున్నాడని టాలీవుడ్‌లో ప్రచారం జరుగుతోంది. మెగాస్టార్ చిరంజీవి కోసం కొరటాల ఓ లైన్ రాసుకుంటున్నారు. Image result for koratala chiruప్రస్తుతం చిరు ‘సైరా’ చిత్రంతో బిజీగా ఉన్న సంగతి తెలిసిందే. మరోైవైపు టాలీవుడ్ ప్రిన్స్ మహేష్ బాబు కోసం సుకుమార్ కథ సిద్ధం చేస్తున్నాడని తెలుస్తోంది. Image result for sukumar and koratala film with vijay devarakondaదీని అనంతరం విజయ్ దేవరకొండతో చిత్రం తీయాలని సుకుమార్ భావిస్తున్నాడని తెలుస్తోంది. దీనిపై సంప్రదింపులు కూడా జరుగుతున్నాయని టాక్. వీరిద్దరితో విజయ్ దేవరకొండ చిత్రాలు ఉంటే మాత్రం అతను చిత్రాలు ఖచ్చితంగా టాప్ లీడ్‌లోకి ప్రవేశిస్తారని అంచనా వేస్తున్నారు. 
మరోవైపు ‘గీత గోవిందం’ చిత్రంతో రూ. 70 కోట్ల బిజినెస్ చేసిన ఈ అర్జున్ రెడ్డి ‘నోటా’ సినిమాతో ఒక్కాసారిగా బోల్తాపడ్డాడు. అనంతరం ‘టాక్సీవాలా’తో ప్రేక్షకుల ముందుకు రానున్నాడు. మరి సుకుమార్..కొరటాలతో విజయ్ సినిమాలు ఉంటాయా ? లేదా ? అనేది చూడాలి. 

 
 
08:50 - November 3, 2018

విజయవాడ: ఏపీలో అధికారంలోకి వచ్చేందుకు తీవ్ర కృషి చేస్తోన్న కాంగ్రెస్ ప్రయత్నాలకు అడుగడుగునా అడ్డంకులు ఎదురవుతున్నాయా..? పార్టీకి పూర్వవైభవం తెచ్చేందుకు నానా తంటాలు పడుతోందా..? ఇంటింటికి  కాంగ్రెస్ కార్యక్రమానికి స్పందన అంతంత మాత్రంగానే ఉందా..? కార్యక్రమానికి పార్టీ ముఖ్య నేతలు దూరంగా ఉంటున్నారా..?  అంటే అవుననే సమాదానం వస్తోంది.

బీజేపీ, టీడీపీ ప్రభుత్వాలు అవలంభిస్తున్న ప్రజా వ్యతిరేక విధానాలపై జనాల్లోకి వెళ్లి వివరిస్తామంటూ బయలుదేరిన కాంగ్రెస్ పార్టీ నేతలకు భంగపాటు తప్పడం లేదు. రాష్ట్ర వ్యాప్తంగా ఎంతో  ప్రతిష్టాత్మకంగా చేపట్టిన ఇంటింటికి కాంగ్రెస్ కార్యక్రమానికి ఆ పార్టీ ముఖ్య నేతలు అంటీ ముట్టనట్టుగా హాజరవుతుండడంతో....ద్వితీయ శ్రేణి నాయకులు, కార్యకర్తలు మేనిఫెస్టోను ప్రజల్లోకి క్షేత్రస్ధాయిలో  తీసుకెళ్లలేక పోతున్నారన్న ఆరోపణలు బలంగా వినిపిస్తున్నాయి. మరోవైపు అధిష్టానం కలసి కట్టుగా ప్రచారం చేయాలని ఆదేశించినా అక్టోబర్ 2న శ్రీకాకుళం నుంచి రఘువీరా, ఏలూరు నుంచి రాష్ట్ర  వ్యవహారాల ఇంచార్జి ఉమెన్ చాంది ప్రారంభించడం చర్చకు దారితీసింది. అయితే ఈ విషయాన్ని కాంగ్రెస్ ముఖ్య నేతలు కొందరు అధిష్టానం దృష్టికి తీసుకెళ్లడంతో...ఢిల్లీ పెద్దలు సీరియస్ అయినట్లు తెలుస్తోంది.

మరోవైపు మాజీ ముఖ్యమంత్రి కిరణ్ కుమార్‌రెడ్డి తిరిగి కాంగ్రెస్ పార్టీలో చేరడంతో పార్టీకి పూర్వవైభవం తెచ్చేందుకు కృషి చేస్తారని అంతా భావించారు. కానీ ఆయన ఇంటింటికి కాంగ్రెస్ కార్యక్రమంలో ఎక్కడా పాల్గొనకపోవడం ప్రధాన చర్చకు దారితీసింది. చిరంజీవి సినిమా షూటింగ్‌లో బిజీగా మారడంతో కాంగ్రెస్ కార్యక్రమాలకు దూరంగానే ఉంటున్నారు. మరికొంతమంది నేతలు కూడా దూరంగా ఉండడంతో...నేతలంతా కార్యక్రమంలో పాల్గొనాలని అందుకు నవంబర్ 19 వరకు ఇంటింటికి కాంగ్రెస్ కార్యక్రమాన్ని పొడిగిస్తున్నట్లు రఘువీరా ప్రకటించారు. 

మరి మిగిలిన రోజుల్లోనైనా పార్టీ ముఖ్య నేతలు ఇంటింటికి కాంగ్రెస్ కార్యాక్రమంలో పాల్గొంటారా...క్షేత్రస్థాయిలో పార్టీని ప్రజల్లోకి తీసుకెళ్లి పూర్వ వైభవం కోసం ఏ మేరకు కృషి చేస్తారన్నది ఇప్పుడు ప్రశ్నార్థకంగా మారింది.

11:33 - October 27, 2018

హైదరాబాద్ : మెగాస్టార్ చిరంజీవి ఇంట్లో జరిగిన ఓ కార్యక్రమానికి సంబంధించిన ఫొటోలు వైరల్ అవుతున్నాయి. ఈ ఫొటోలో అందరూ రాక్షసుల వేషాల్లో ఉండడమే. మెగాస్టార్ చిరంజీవి, కూతుర్లు, కోడలు, ఇతరులు అందరూ వేషాల్లో కనిపిస్తూ భయకరంగా కనిపంచారు. చిరంజీవి తనయుడు రామ్ చరణ్ మాత్రం వేషం మాత్రం వేసుకోలేదు. ఈ రాక్షస పార్టీ ఫొటోను కొణిదెల వారమ్మాయి నిహారిక ఈ ఫొటోలను పోస్టు చేసింది. ఓ ఇంగ్లీష్ చిత్ర పేరును పేర్కొంటూ ఫొటోలను ట్వీట్ చేసింది. 

14:31 - October 26, 2018

హైదరాబాద్ : మెగాస్టార్ చిరంజీవి తనయుడు రామ్ చరణ్ తేజ ఆయన సతీమణి ఉపాసన...సామాజిక మాధ్యమాలను ఎక్కువగా ఉపయోగిస్తుంటారు. సినిమాలకు సంబంధించిన విశేషాలు...వారి కుటుంబ వ్యవహారాలకు సంబంధించిన వాటిపై పోస్టు చేస్తుంటారు. తాజాగా ఉపాసన ఓ ఫొటోను షేర్ చేసింది. ఈ ఫొటోను చూసిన చెర్రీ అభిమానులు సంతోష పడుతున్నారు. 
ఆ ఫొటోలో ఉపాసన వెయిట్ తగ్గి కనిపిస్తోంది. 2012లో అపోలో హాస్పటిల్స్ అధినేత వారసురాలు అయిన కామినేని ఉపాసనకు...రామ్‌చరణ్‌కు పెళ్లి జరిగిన సంగతి తెలిసిందే. ఆ సమయంలో ఉపాసన చాలా లావుగా ఉందనే విమర్శలు వచ్చాయి. 
గత కొన్ని రోజులుగా ఉపాసన ‘మిసెస్ సీ’... జిమ్‌లో వ్యాయామాలు చేస్తోంది. దీనికి సంబంధించిన పలు వీడియోలను కూడా పోస్టు చేసింది. ‘అదే శారీ... అదే నేను... ఎప్పుడు ఆనందమే, పాజిటివ్! కేవలం 14 కిలోలు తగ్గారు. శరీరం, మనసు, ఆత్మ! ’ అంటూ ఉపాసన పోస్ట్ చేసిన ఫోటోలు అభిమానులను విశేషంగా ఆకట్టుకుంటున్నాయి.

12:23 - October 19, 2018

హైదరాబాద్ : మెగాస్టార్ చిరంజీవి హీరోగా 151 సినిమా ‘సైరా’ సినిమాపై భారీ అంచనాలు నెలకొంటున్నాయి. ప్రతిష్టాత్మకంగా ఈ చిత్రాన్ని తెరకెక్కిస్తున్నారు. రామ్ చరణ్ నిర్మాణ సారథ్యంలో సురేందర్ రెడ్డి దర్శకత్వంలో రూపొందుతోంది. ఈ సినిమాలో వివిధ వుడ్‌లకు సంబంధించిన నటులు విజ‌య్ సేతుప‌తి, అమితాబ్ బ‌చ్చ‌న్‌లు నటిస్తున్నారు. మెగాస్టార్ సరసన నయనతార నటిస్తోంది. వార్ సీన్స్..మరిన్ని కీలక సన్నివేశాల చిత్రీకరణ కోసం ఇటీవలే చిత్ర యూనిట్ జార్జియాకు వెళ్లిన సంగతి తెలిసిందే. గతంలో వచ్చిన ‘గౌతమి పుత్ర శాతకర్ణి’ చిత్ర షూటింగ్ కూడా జార్జియాలో జరిగింది. 
హాలీవుడ్ స్టంట్ కొరియోగ్ర‌ఫ‌ర్ లీ విక్ట‌ర్ ఆధ్వ‌ర్యంలోనే వార్ సీన్స్ చిత్రీక‌రించారు. కేవలం 8 నిమిషాల సీన్ కోసం ఏకంగా 54 కోట్లు ఖర్చు చేశారని టాక్ వినిపిస్తోంది. అమితాబ్, నయనతార, విజయ్ సేతుపతి షూటింగ్‌లో పాల్గొన్నట్లు తెలుస్తోంది.  
తాజాగా షూటింగ్ పూర్తి చేసుకుంది. అనంతరం హైదరాబాద్‌కు చిత్ర యూనిట్ పయనమైనట్లు సమాచారం. రామోజీ ఫిల్మ్ సిటీలో తదుపరి షూటింగ్ జరుపుకొనుంది. సుమారు నెల రోజు పాటు షూటింగ్‌ను చిత్ర యూనిట్ జరుపనుంది. డిసెంబర్ నాటికి షూటింగ్‌ను పూర్తి చేయాలని చిత్ర యూనిట్ ప్లాన్ చేస్తోంది. సంక్రాంతి కానుకగా జనవరిలో ప్రపంచ వ్యాప్తంగా ప్రేక్షకుల ముందుకు రానుంది.

14:45 - October 16, 2018

హైదరాబాద్‌ : కేంద్ర మాజీ మంత్రి, సినీ నటుడు మెగాస్టార్ చిరంజీవి రాజకీయాలకు దూరంగా ఉండాలని నిర్ణయించుకున్నట్లు తెలుస్తోంది. ఇటీవల చిరంజీవి కాంగ్రెస్‌ పార్టీ సభ్యత్వ కాలపరిమితి ముగియగా.. దాన్ని పునరుద్ధరించుకోలేదు. దీంతో ఆయన ఆ పార్టీకి దూరమైనట్లేనని తెలుస్తోంది. సార్వత్రిక ఎన్నికలు సమీపిస్తున్నందున పార్టీలో క్రియాశీలకంగా ఉండాలని ఇటీవల రాహుల్‌గాంధీ.. చిరంజీవిని కోరినట్లు తెలుస్తోంది. దీనికి ఆయన నుంచి స్పందన లేనట్లు సమాచారం. దీంతో ఆయన కాంగ్రెస్‌ పార్టీకి ఇక దూరమైనట్లేనని భావిస్తున్నారు.

ప్రజారాజ్యం పార్టీని కాంగ్రెస్‌లో విలీనం చేసిన చిరంజీవి అప్పటి నుంచి ఆ పార్టీ నేతగానే కొనసాగుతున్నారు. రాజ్యసభకు ఎన్నికై కేంద్ర మంత్రిగానూ పని చేశారు. అనంతరం రాష్ట్ర విభజన జరగడం, కాంగ్రెస్‌ పార్టీలో చోటుచేసుకున్న పరిణామాలతో ఆ పార్టీకి దూరంగా ఉంటూ వచ్చారు. 

Pages

Don't Miss

Subscribe to RSS - చిరంజీవి