చెన్నై

12:43 - July 22, 2018

చెన్నై : తూతుకుడిలోని ప్రైవేట్‌ పాఠశాలలో చెలరేగిన ఘర్షణ ఓ విద్యార్ధి ప్రాణాలు పోగొట్టాయి. ఈనెల 16న వడయారు, నరసింహం అనే విద్యార్ధుల మధ్య క్లాస్‌రూమ్‌లో ఘర్షణ జరిగింది. దీంతో వడయార్‌ అనే విద్యార్ధి నరసింహంను తీవ్రంగా కొట్టి నేలకేసి కొట్టాడు. దీంతో నరసింహం స్పృహ తప్పిపోగా.. భయంతో వడయారు ఊరునుంచి పారిపోయాడు. ఆ తర్వాత విద్యార్ధి ప్రాణాలు కోల్పోయాడు.

 

07:29 - July 22, 2018

తమిళనాడు : చెన్నై నగరంలో విషాదం చోటుచేసుకుంది. నగరంలోని పాత మహాబలిపురం కందన్‌చావడిలో నిర్మాణంలో ఉన్న నాలుగు అంతస్తుల భవనం కుప్పకూలింది. ఈ భవనం శిథిలాల కింద సుమారు 35 మందికి పైగా కూలీలు చిక్కుకున్నట్టు సహాయక బృందాలు అనుమానిస్తున్నాయి.  స్థానికులు, సహాయక బృందాలు కలిసి సుమారు 23 మందిని సురక్షితంగా బయటకు తీశారు. వీరిలో గాయపడిన వారిని చికిత్స నిమిత్తం నగరంలోని పలు ఆస్పత్రులకు తరలించారు. సమాచారం అందుకున్న సహాయక బృందాలు ఎనిమిది అంబులెన్సులు, ఫైరింజన్లు, మూడు జేసీబీలతో ఘటనా స్థలానికి చేరుకొని శిథిలాల కింద చిక్కుకున్నవారిని బయటకు తీసేందుకు తీవ్రంగా ప్రయత్నిస్తున్నారు. ఇక్కడ పనిచేసే కూలీలంతా దక్షిణ తమిళనాడు ప్రాంతానికి చెందిన వారిగా తెలుస్తోంది.

 

17:22 - July 18, 2018

చెన్నై : తమిళ నటి ప్రియాంక ఆత్మహత్య చేసుకుంది. తమిళనాట పలు సినిమాలు, సీరియల్స్‌లలో ప్రియాంక నటించింది. అయితే కుటుంబకలహాలే ప్రియాంక ఆత్మహత్యకు కారణమని పోలీసులు అనుమానం వ్యక్తం చేస్తున్నారు.

 

18:50 - July 17, 2018

చెన్నై : మైనర్ బాలికపై అత్యాచారం చేసిన నిందితులను పోలీసులు చెన్నై కోర్టులో ప్రవేశపెట్టారు. నిందితులపై న్యాయవాదులు దాడికి పాల్పడ్డారు. దీంతో కోర్టులో ఉద్రిక్తత వాతావరణం నెలకొంది. చెన్నైలో 13 ఏళ్ల అంగవైకల్యం గల బాలికపై 7 నెలలుగా 18 మంది అత్యాచారానికి పాల్పడుతున్నారు. బాలికకు మత్తు మందు ఇచ్చి... లిఫ్టులు, బాత్‌రూమ్‌లలో ఈ అఘాయిత్యానికి పాల్పడ్డారు. బాలిక అనారోగ్యానికి గురి కావడంతో విషయం బయటపడింది. దీంతో తల్లిదండ్రులు పోలీసులకు ఫిర్యాదుచేశారు. 17 మంది నిందితులను పోలీసులు అదుపులోకి తీసుకుని విచారిస్తున్నారు. అత్యాచారానికి పాల్పడిన వారిలో సెక్యూరిటీ గార్డులు, ఇళ్లల్లో పని చేసే వాళ్లు ఉన్నారు. 

17:31 - July 17, 2018

చెన్నై : ఐనవరంలో దారుణం జరిగింది. 13 ఏళ్ల అంగవైకల్యం గల బాలికపై 7 నెలలుగా 18 మంది అత్యాచారానికి పాల్పడుతున్నారు. బాలికకు మత్తు మందు ఇచ్చి... లిఫ్టులు, బాత్‌రూమ్‌లలో ఈ అఘాయిత్యానికి పాల్పడ్డారు. బాలిక అనారోగ్యానికి గురి కావడంతో విషయం బయటపడింది. దీంతో తల్లిదండ్రులు పోలీసులకు ఫిర్యాదుచేశారు. 17 మంది నిందితులను పోలీసులు అదుపులోకి తీసుకుని విచారిస్తున్నారు. అత్యాచారానికి పాల్పడిన వారిలో సెక్యూరిటీ గార్డులు, ఇళ్లల్లో పని చేసే వాళ్లు ఉన్నారు. 

 

16:40 - July 7, 2018

చెన్నై : తమిళ రాజకీయాలపై సినీ నటుడు ప్రకాష్ రాజ్ సంచలన వ్యాఖ్యలు చేశారు.  తమిళ రాజకీయాలు రియల్ ఎస్టేట్ వ్యాపారంలా మారాయన్నారు ప్రకాష్‌ రాజ్‌.  అన్నాడిఎంకె భవిష్యత్తులో తిరిగి ప్రభుత్వంలో ఉండదనే వాస్తవమే రాబోయే రోజుల్లో ప్రమాదకరంగా మారనుందని ఆందోళన వ్యక్తం చేశారు. చెన్నైలో జరిగిన తూత్తుకుడి మృతుల సంతాప సభలో ప్రకాష్‌ రాజ్‌  మాట్లాడుతూ.. నేను రాజకీయాల్లోనే ఉన్నాను కానీ.. ఎన్నికల్లో నిలబడే రాజకీయ నాయకుడిలా కాదన్నారు. తమిళనాట అన్ని రాజకీయ పార్టీలు ఒకేలా ఉన్నాయన్నారు. భవిష్యత్తులో వాటన్నింటికీ వ్యతిరేకంగా ప్రజాస్వామ్య ఉద్యమం రానుందన్న అభిప్రాయాన్ని వ్యక్తం చేశారు.  ప్రకాష్ రాజ్ తమిళ రాజకీయాలపై చేసిన వ్యాఖ్యలు హాట్ టాపిక్‌గా మారాయి. 

 

09:05 - June 17, 2018

తమిళనాడు : చెన్నైలో ప్రముఖనటి కస్తూరి నివాసం ముందు హిజ్రాలు ఆందోళన చేపట్టారు. భారతీయుడు, అన్నమయ్య, సోగ్గాడి పెళ్లాం వంటి పలు తెలుగు, తమిళ చిత్రాల్లో నటిగా గుర్తింపు పొందిన నటి కస్తూరి ఇటీవల చేసిన వ్యాఖ్యలు హిజ్రాలకు ఆగ్రహం తెప్పించాయి. దినకరన్‌కు చెందిన 18 ఎమ్మెల్యేలను సగంగా చీలిస్తే హిజ్రాలవుతారంటూ కస్తూరి తన ట్విట్టర్‌లో కామెంట్స్‌ చేసింది. దీంతో భగ్గుమన్న హిజ్రాలు ఆమె తమకు క్షమాపణలు చెప్పాలని లేదంటే ఆందోళన ఉధృతం చేస్తామని హెచ్చరించారు.

15:54 - June 14, 2018

చిత్తూరు : కూనూరు జిల్లాలో ఘోర దుర్ఘటన చోటు చేసుకుంది. బస్సు లోయలో పడిపోయిన ఘటనలో ఏడుగురు దుర్మరణం చెందారు. ఓ బస్సు ఊటీ నుండి కూనూరు మీదుగా కోయంబత్తురూకు వెళ్లాల్సి ఉంది. మరికాసేపట్లో కూనూరు స్టేషన్ చేరుకుంటుందనగా బస్సు అదుపు తప్పి లోయలో పడిపోయింది. సుమారు వంద అ అడుగుల లోతులో పడిపోవడంతో ఏడుగురు అక్కడికక్కడనే మృతి చెందారు. సుమారు 15 మందికి గాయాలయ్యాయి. మలుపులు తిరుగుతూ ఉండే ఈ రహదారిపై జాగ్రత్తగా ప్రయాణించాల్సి ఉంటుంది. బాగా నిపుణులైన..సుశిక్షితులైన డ్రైవర్లు మాత్రమే వాహనాలు నడుపుతుంటారు. మరి ఈ బస్సు ఎలా ప్రమాదానికి గురైంది ? అనేది తెలియరావడం లేదు. గత మూడు రోజులుగా ఈ ప్రాంతంలో భారీ వర్షాలు పడడంతో బస్సు అదుపుతప్పినట్లు తెలుస్తోంది. మృతుల సంఖ్య పెరిగే అవకాశం ఉందని సమాచారం. సమాచారం అందుకున్న అధికారులు ఘటనాస్థలికి చేరుకుని సహాయక చర్యలు చేపట్టారు. 

06:41 - June 11, 2018

చెన్నై : నిర్బంధంతో తెలుగు భాషను రాష్ట్రం నుంచి తరిమేస్తుంటే.. తెలుగు నేర్చుకోండంటూ ఓ ప్రధానోపాధ్యాయుడు ఇంటింటికి తిరుగుతున్నాడు. అవగాహన కల్పిస్తూ.. ఆఫర్లు కూడ ఇస్తున్నాడు. మాతృభాషను విద్యార్థులకు అందజేయాలని ఆ ప్రధానోపాధ్యాయుడు చేస్తున్న ప్రయత్నం ఇప్పుడు తమిళనాడులోని తెలుగువారిలో ఆశలు రేకిత్తిస్తోంది. ఇది తమిళనాడులోని తిరువళ్లూరు జిల్లా పళ్లిపట్టు మండలంలోని వడకుప్పం ప్రభుత్వ పాఠశాల. తమిళనాడు, ఆంధ్రప్రదేశ్‌ రాష్ట్రాల సరిహద్దు గ్రామం కావటంతో ఈ పాఠశాలలో తెలుగు భాష నేర్చుకునేందుకు ప్రభుత్వం అన్ని ఏర్పాట్లు చేసింది. అయితే తమిళనాడులో నిర్భంద తమిళం అమల్లోకి రావటంతో రాష్ట్రంలోని పలు పాఠశాలల్లో తెలుగు పాఠ్యాంశాలు తొలగించటమే కాకుండా తెలుగు విద్యాభ్యాసాన్ని మూసివేస్తున్నారు. దీంతో తెలుగు విద్యార్థుల తల్లిదండ్రులు తమ పిల్లలను ప్రయివేటు స్కూళ్లలోని ఇంగ్లీష్ మీడియంలో చేర్పిస్తున్నారు. అయితే తెలుగు పాఠశాలలు మూతపడే ప్రమాదం నుంచి ఎలాగైనా రక్షించాలని భావించిన వడకుప్పం పాఠశాల ప్రధానోపాధ్యాయుడు భూపతి ... వినూత్న ప్రయత్నానికి శ్రీకారం చుట్టారు.

వడకుప్పంతో పాటు మిగతా సరిహద్దు గ్రామాల్లో తిరుగుతూ.. ప్రభుత్వ పాఠశాలల్లో పిల్లలను చేర్పించాలని భూపతి కోరుతున్నారు. ఫస్ట్‌ క్లాస్‌తో పిల్లలను చేర్పిస్తే... గ్రాము బంగారు కాయిన్‌ అందజేస్తానని ప్రకటించారు. ప్రభుత్వ పాఠశాల్లో పిల్లలను చదివిస్తే ఎలాంటి లాభాలు ఉంటాయనే విషయాన్ని ఇంటింటికి తిరిగి చెబుతూ.. తల్లిదండ్రులకు అవగాహన కల్పిస్తున్నారు. దీంతో పలువురు తల్లిదండ్రులు తమ పిల్లలను ప్రభుత్వ పాఠశాల్లో చేర్పించేందుకు ఆసక్తి చూపుతున్నారు.

భాష కోసం ప్రాణాలిచ్చే తమిళుల నడుమ తెలుగు భాషను కాపాడుకోవటానికి ప్రధానోపాధ్యాయుడు భూపతి చేస్తున్న ప్రయత్నాన్ని తమిళనాడులోని తెలుగు వారందరూ అభినందిస్తున్నారు. మరోవైపు సరిహద్దు పాఠశాల విద్యార్థుల జీవితాలను ప్రభుత్వం నాశనం చేస్తుందని మండిపడుతున్నారు. అవసరం లేదని తమిళ ప్రభుత్వం, పట్టించుకోని తెలుగు ప్రభుత్వ తీరుపై ఆవేదన వ్యక్తం చేస్తున్నారు. ఇప్పటికైన తెలుగు ప్రభుత్వాలు తమిళ ప్రభుత్వంతో చర్చలు జరిపి సరిహద్దు తెలుగు విద్యార్థుల భవిష్యత్తును కాపాడాలని తమిళనాడులోని తెలుగువారు డిమాండ్‌ చేస్తున్నారు. 

19:11 - June 9, 2018

చెన్నై : దుబాయ్‌ నుండి చెన్నైకు బంగారం స్మగ్లింగ్‌ చేస్తున్న మహిళను పోలీసులు అరెస్ట్‌ చేశారు. కర్నాటకలోని చిక్కమంగలూరుకు చెందిన పద్మ అనే మహిళను విమానాశ్రయ పోలీసులు అదుపులోకి తీసుకున్నారు. మహిళ వద్ద నుండి 4 కోట్ల విలువ చేసే 13 కిలోల బంగారు చైన్లు స్వాధీనం చేసుకున్నారు.

 

Pages

Don't Miss

Subscribe to RSS - చెన్నై