జగన్

21:26 - June 18, 2018

అమరావతి : నీతి ఆయోగ్‌ సమావేశంలో ప్రధాని మోడీతో చంద్రబాబు మాట్లాడిన మాటలను వైసీపీ నేతలు వక్రీకరించడంపై టీడీపీ ఎమ్మెల్యే అనిత మండిపడ్డారు. దైవ దర్శనానికి వెళ్లిన రోజా దేవాలయంలో రాజకీయాలను మాట్లాడటాన్ని అనిత తప్పుబట్టారు. వైసీపీ ఎంపీలు కేసుల మాఫీ కోసం పీఎంవో ఆఫీసులో ప్రధాని కాళ్లు పట్టుకున్నారని విమర్శించారు. ఒంగి ఒంగి దండాలు పెట్టటంలో సీఎం చంద్రబాబు ఒలింపిక్స్ లో మెడల్ ఇవ్వవచ్చు అని వైసీపీ ఎమ్మెల్యే రోజా ఎద్దేవా చేయగా..దీనికి ఎమ్మెల్యే అనిత అంతే తీరుగా సమాధానమిచ్చారు. పాదయాత్రలో జగన్ అందరికి ముద్దులు పెడుతున్నారనీ..మరి జగన్ కు ఏ మెడల్ ఇవ్వాలో అని కౌంటరిచ్చారు.

 

17:36 - June 12, 2018

తూర్పుగోదావరి : పశ్చిమగోదావరి, తూర్పుగోదావరి జిల్లాలను కలిపే గోదావరి రోడ్ కమ్ రైల్వే బ్రిడ్జి మీదుగా జగన్ పాదయాత్ర తూర్పుగోదావరి జిల్లాలోకి ప్రవేశించింది. ఈ క్రమంలో కోటిపల్లి బస్టాండ్ వద్ద భారీ బహిరంగసభలో జగన్ మాట్లాడుతు..సీఎం చంద్రబాబు నాయుడు పాలనపై తీవ్రస్థాయిలో విరుచుకుపడ్డారు. చంద్రబాబు నాయుడు ప్రభుత్వం పూర్తిగా అవినీతిలో కూరుకుపోయందని ఆరోపించారు. దివంగనేత రాజశేఖర్ రెడ్డి పాలన వున్న సమయంలో పోలవరం ప్రాజెక్టు 70 శాతం పూర్తయిందనీ..కానీ సీఎం చంద్రబాబు పోలవరం ప్రాజెక్టుకు సంబంధించి అంచనాలను పెంచుకుంటు పోతున్నారని జగన్ విమర్శించారు. ఇప్పటి వరకూ రూ.13,500 కోట్లు దివంగత నేత రాజశేఖర్ రెడ్డి హయాంలో ఖర్చు పెట్టారన్నారు. పోలవరం పనులు నత్తనడకన నడుస్తున్నాయని..పునాదులు కూడా దాటని పరిస్థితిలో పోలవరం ప్రాజెక్టు వుందని జగన్ ఆరోపించారు. గోదావరి పుష్కరాల పేరుతో చంద్రబాబు రూ.2వేల కోట్ల రూపాయలను దుర్వినియోగం చేశారని ఆరోపించారు. వడ్డి వీరభద్రరావు గుండు గీయించుకుని నిరసన తెలిపారని జగన్ గుర్తు చేశారు. ప్రభుత్వం కట్టి ఇచ్చే ఇళ్లను తీసుకోమని ప్రజలకు సూచించారు. వచ్చే ఎన్నికల్లో వైసీపీ అధికారంలోకి వచ్చిన తరువాత ఆ రుణాన్ని పూర్తిగా మాఫీ చేస్తానని జగన్ హామీ ఇచ్చారు. 

06:42 - June 10, 2018

విజయవాడ : బీజేపీతోపాటు.. కాంగ్రెస్‌, వైసీపీపై ఏపీ సీఎం చంద్రబాబు మండిపడ్డారు. బీజేపీకీ, ఆ పార్టీతో కుమ్మక్కైన పార్టీలకు కాంగ్రెస్‌కు పట్టిన గతే పడుతుందని హెచ్చరించారు సీఎం. అక్రమంగా సంపాదించిన జగన్‌ ఆస్తులను ఎందుకు వేలం వెయ్యకూడదంటూ ప్రశ్నించారు. పౌర సేవలను ఎలా సులభతరం చేయాలో ఆలోచిస్తున్నామని చంద్రబాబు చెప్పారు.

12:09 - June 7, 2018

పశ్చిమగోదావరి : జిల్లాలో జగన్ పాదయాత్ర కొనసాగుతోంది. 183వ రోజు నిడదవోలు నియోజకవర్గంలో పాదయాత్ర కొనసాగుతోంది. పెరవలి మండలం కానూరు వద్దకు రాగానే తేనేటీగలు ఒక్కసారిగా దాడి చేశాయి. జగన్ పాదయాత్ర చేస్తున్న ప్రాంతంలో మామిడి తోటలు న్నాయి. ఇక్కడ తేనెతుట్టలు భారీగా ఉన్నాయి. మామిడి కాయలు కోస్తుండగా తేనెటీగలు పాదయాత్రవైపుకు వచ్చాయి. దీనితో కార్యకర్తలు..నేతలు భయాందోళనలకు గురయ్యారు. జగన్ కు తేనేటీగలు కుట్టనీయకుండా జాగ్రత్తలు తీసుకున్నారు. కానీ పది మంది వైసీపీ కార్యకర్తలకు, మీడియా ప్రతినిధికి తీవ్రగాయాలయ్యాయి. చికిత్స కోసం వీరిని ఆసుపత్రికి తరలించారు. ఈ చర్యతో పాదయాత్రకు కాసేపు విరామం ప్రకటించారు. కానీ ఇదిలా ఉంటే ఎవరో కావాలనే ఇలా చేశారని వైసీపీ నేతలు ఆరోపిస్తున్నట్లు సమాచారం. 

06:52 - June 7, 2018

విజయవాడ : వైసీపీ ఎంపీల రాజీనామాలపై జగన్‌ స్పందించారు. రాష్ట్రం కోసం ఎంపీలు ధైర్యంగా రాజీనామాలు చేశారన్నారు. రాష్ట్రానికి చెందిన 25 మంది ఎంపీలు పార్టీలకు అతీతంగా రాజీనామాలు చేసి ఉంటే కేంద్రంపై ఆ ప్రభావం తీవ్రంగా ఉండేదన్నారు. టీడీపీ ఎంపీలతో రాజీనామాలు చేయించేందుకు చంద్రబాబు భయపడ్డారని జగన్‌ విమర్శించారు. తాము అధికారంలోకి వస్తే అగ్రిగోల్డ్‌ బాధితులకు న్యాయం చేస్తామన్నారు. 

20:49 - June 6, 2018

ప.గో : వైసీపీ ఎంపీల రాజీనామాలపై జగన్ స్పందించారు. పదవులకు ఇంకా పద్నాలుగు నెలల గుడువున్నా రాష్ట్రం కోసం ఎంపీలు ధైర్యంగా రాజీనామాలు చేశారని అన్నారు. అదే రాష్ట్రానికి చెందిన 25 మంది ఎంపీలు రాజీనామాలు చేసి ఉంటే కేంద్రంపై ఆ ప్రభావం తీవ్రంగా ఉండేదన్నారు. ఎంపీలతో రాజీనామా చేయించేందుకు చంద్రబాబు భయపడ్డారని పేర్కొన్నారు.

 

18:12 - May 30, 2018

తూర్పుగోదావరి : 2019 ఎన్నికల కోసం ప్రధాని మోదీ నుంచి జగన్‌ 1500 కోట్లు తెచుకొంటున్నారంటూ టీడీపీ ఎంపీ జేసీ దివాకర్‌రెడ్డి చేసిన ఆరోపణలపై విచారణ జరిపించాలని మాజీ ఎంపీ ఉండవల్లి అరుణ్‌కుమార్‌ డిమాండ్‌ చేశారు. ముఖ్యమంత్రి చంద్రబాబు... ప్రధాని మోదీపై శాపనార్థాలు మానుకొని, హోదా పోరాటాన్ని చేతల్లో చూపాలని ఉండవల్లి కోరారు. ప్రత్యేక హోదా ఎలా సాధిస్తారో.. సీఎం చంద్రబాబు.. ప్రతిపక్ష నేత జగన్‌ చెప్పాలని అరుణ్‌కుమార్‌ డిమాండ్‌ చేశారు.

08:50 - May 24, 2018

విశాఖపట్టణం : జిల్లా రాజకీయాలు ఒక్క సారిగా వేడెక్కాయి. టీడీపీపై ప్రధాన ప్రతిపక్షం విమర్శలదాడి పెంచింది. ముఖ్యమంత్రిపైనే తీవ్ర స్థాయిలో అరోపణలు ఎక్కుపెడుతోంది. దాంతోపాటు మంత్రి లోకేష్‌ సవాల్‌కు ప్రతి సవాల్ విసరడం జిల్లా రాజకీయాలను ఒక్కసారిగా హీటెక్కించాయి. టీడీపీపై వైసీపీ ఆరోపణలు తీవ్రస్థాయికి చేరాయి. తిరుమల శ్రీవారి నగలు, సంపద మాయం కావడంలో సీఎం చంద్రబాబు హస్తముందని వైసీపీ ఎంపీ విజయసాయిరెడ్డి ఆరోపించడం సంచలనంగా మారింది. ధర్మపోరాట సభలో మంత్రి లోకేషన్‌ చేసిన సవాల్‌కు వైసీపీ నేతలు ప్రతిసవాళ్లు విసరడం విశాఖ జిల్లా రాజకీయాలను రసకందాయంలో పడవేశాయి.

టీడీపీ విశాఖ అంధ్రా యూనివర్సిటీలో ధర్మపోరాట దీక్ష సందర్భంగా టీడీపీ నేతలు చేసిన ఆరోపణలకు దీటుగా వైసీపీ ప్రత్యారోపణలు మొదలు పెట్టింది. మంత్రి నారా లోకేష్ ఎంపీ విజయసాయిరెడ్డిపై విమర్శలతో విరుచుకుపడ్డారు. విజయసాయి రెడ్డి ప్రత్యేక హోదా అంటూ హడావిడి చేస్తూనే.. డిల్లీలో ప్రధాని కార్యాలయంలో తిరుగుతారని ఎద్దేవా చేయడం.. టీడీపీ - వైసీపీల మధ్య మాటయుద్ధానికి దారి తీసింది. తనపై వైసీపీ నేతలు చెస్తున్న అవినీతి అరోపణలను దమ్ముంటే నిరూపించాలని లోకేష్‌ చేసిన సవాల్‌ను స్వీకరిస్తున్నానని ప్రకటించిన ఎంపీ విజయసాయిరెడ్డి.. చంద్రబాబు, లోకేష్‌లపై పలు ఆరోపణలు చేశారు. కనిపించకుండా పోయిన తిరుమల శ్రీవారి నగలు సీఎం చంద్రబాబు ఇళ్లలో ఉన్నాయని ఆరోపించడం సంచలనంగా మారింది. హైదరాబాద్‌లోని చంద్రబాబు ఇళ్లలో తెలంగాణ పోలీసుసోదాలు చేస్తే.. నగలు బయటపడతాయని విజయసాయి రెడ్డి అనడం రాజకీయవర్గాల్లో కలకలం రేపింది. వైసీపీ నేతలు సీఎం చంద్రబాబుపై తీవ్రస్థాయిలో ఆరోపణలు చేయడం...టీడీపీ నాయకులు కుతకుతా ఉడికి పోతున్నారు. మంత్రి గంటా శ్రీనివాసరావుతోపాటు పలువురు టీడీపీ లీడర్లు వైసీపీపై విమర్శల దాడి పెంచారు. నిన్నటిదాకా టీడీపీ దూకుడును అడ్డుకోవడంలో తమపార్టీ నేతలు వెనుకంజలో ఉన్నారని భావిస్తున్న వైసీపీ కేడర్‌.. ఇపుడు ఫుల్‌ జోష్‌లోకి వచ్చేశారు. ముఖ్యంగా విజయసాయిరెడ్డి దూకుడుగా ఆరోపణలు చేయడంతో టీడీపీ ఉక్కిరిబిక్కిరి అవుతోందని వైసీపీ కార్యకర్తలు హర్షం వ్యక్తం చేస్తున్నారు. 

09:43 - May 22, 2018

ఢిల్లీ : మళ్లీ ఎన్నికలు రానున్నాయా ? ఈసారి మినీ సంగ్రామంగా మారనుందా ? అనే ప్రశ్నలు ఉదయిస్తున్నాయి. లోక్ సభ స్పీకర్ ను కలవాలని వైసీపీ ఎంపీలకు సమాచారం రావడంతో ఎన్నికల వైపు చర్చలు జరుగుతున్నాయి. ఏపీకి ప్రత్యేక హోదా..రాష్ట్ర విభజన హామలు అమలు చేయాలంటై వైసీపీ ఎంపీలు రాజీనామా చేసిన సంగతి తెలిసిందే. ఆ పార్టీ ఎంపీలు మేకపాటి రాజమోహన్‌రెడ్డి, వైవీ సుబ్బారెడ్డి, వరప్రసాద్‌, అవినాశ్‌రెడ్డి, మిథున్‌రెడ్డిలు ఏప్రిల్ ఆరో తేదీన రాజీనామా చేసిన సంగతి తెలిసిందే. స్పీకర్ ఫార్మాట్ లో బడ్జెట్ సమావేశాల ఆఖరి రోజున రాజీనామాలు సమర్పించి ఆమరణ నిరహార దీక్షకు కూర్చొన్నారు.
ఇదిలా ఉంటే లోక్ సభ స్పీకర్ ను కలవాలని వైసీపీ ఎంపీలకు మంగళవారం సమాచారం అందింది. రాజీనామా విషయంలో స్పీకర్ మరోసారి వివరణ అడిగే అవకాశం ఉంది. రాజీనామా ఎందుకు చేశారు ? ఏ పరిస్థితుల్లో చేయాల్సి వచ్చిందనే దానిపై వివరణ అడిగే అవకాశం ఉందని తెలుస్తోంది. భావోద్వేగంతో రాజీనామా చేశారని ఇంతవరకు దీనిపై స్పీకర్ నిర్ణయం తీసుకోలేదని సమాచారం.
మరోవైపు దేశ వ్యాప్తంగా ఆరు లోక్ సభ స్థానాలకు ఖాళీ అయిన సంగతి తెలిసిందే. ఒకవేళ వైసీపీ ఎంపీల రాజీనామాలు ఆమోదం పొందితే మినీ ఎన్నికల సంగ్రామం మళ్లీ రానుందని చెప్పవచ్చు. ప్రధానంగా ఏపీలో ఎన్నికల వేడి సంవత్సరం కంటే ముందుగానే రగులనుంది. 

19:26 - May 20, 2018

గుంటూరు : రాష్ట్రంలో జగన్ చేస్తున్నది పాదయాత్ర కాదని..విహార యాత్రలాగా ఉందన్నారు మంత్రి నక్కా ఆనందబాబు. గుంటూరు టీడీపీ కార్యాలయంలో మాట్లాడిన నక్కా ఆనంద్‌బాబు... గిరిజనుల గురించి కనీసం అవగాహన లేని వ్యక్తి... వారి గురించి మాట్లాడడం విడ్డూరంగా ఉందన్నారు. పడవ ప్రమాదంలో 20 మంది మృతి చెందితే కనీసం పరామర్శించని నేత జగన్‌ అని విమర్శించారు. గిరిజనుల సంక్షేమంపై బహిరంగ చర్చకు తాము సిద్ధమని... దమ్ముంటే చర్చకు రావాలని జగన్‌కు మంత్రి నక్కా ఆనంద్‌బాబు సవాల్‌ విసిరారు.

Pages

Don't Miss

Subscribe to RSS - జగన్