జనసేన

14:54 - December 12, 2018

అమెరికా : జనసేనాని పవన్ కళ్యాణ్ 2019 ఎన్నికల్లో భాగంగా పలు పర్యటలు  జరుపుతున్నారు. దీంట్లో భాగంగా పవన్ అమెరికాలోని వాషిగ్ టన్ లో పర్యటనకు వెళ్లారు. వాషింగ్టన్ లోని హౌసింగ్ అండ్ అర్బన్ డెవలప్ మెంట్ సెక్రటరీ బెన్ కార్సన్ తదితరులతో ఆయన భేటీ అయ్యారు. భేటీ అనంతరం పవన్ మాట్లాడుతూ, వెనుకబడ్డ ప్రాంతాల్లో పెట్టుబడులు రాబట్టేందుకు గల సాధ్యాసాధ్యాలపై బెన్ కార్సన్ తో చర్చించానని తెలిపారు. ఈ పర్యటనలో పవన్ తో పాటు ఆ పార్టీ నేత నాదెండ్ల మనోహర్ కూడా ఉన్నారు. కాగా రాష్ట్ర విభజన అనంతరం అజ్నాతంలోకి వెళ్లిపోయిన నాందెండ్ల భాస్కర్ రావు ఇటీవల జనసేన పార్టీలో చేరిన విషయం తెలిసిందే. కాగా రానున్న 2019 ఎన్నికల్లో పవన్ పోటీలోకి దిగనున్న నేపథ్యంలో వెనుకబడిన ప్రాంతాలో పర్యటించి వారి కష్టసుఖాలను తెలుసుకుంటున్న విషయం తెలిసిందే.దీంతో రానున్న ఎన్నికల్లో జనసేన అధికారంలోకి వస్తే తీసుకొవాల్సిన జాగ్రత్తలు..దానికి కావాల్సిన పెట్టుబడుల విషయంలో ఇప్పటి నుండే పవన్ ముందస్తుగా అమెరికా పర్యటనలో భాగంగా వాషింగ్ టన్ లోని హౌసింగ్ అండ్ అర్బన్ డెవలప్ మెంట్ సెక్రటరీ బెన్ కార్సన్ తదితరులతో ఆయన భేటీ అయినట్లుగా భావించవచ్చు.  

10:25 - December 12, 2018

అమరావతి : తెలంగాణలో ఎన్నికల విషయంలో దేశం యావత్తు ఆసక్తిగా గమనించింది. అంతేకాదు ఎన్నికల ఫలితాలపై భారీగా విశ్లేషణలు, చర్చలు జరిగాయి. టీఆర్ఎస్ ఓటమే లక్ష్యంగా ఏర్పడిన మహాకూటమి ఒక పక్క, టీఆర్ఎస్ 2018 ఎన్నికలను ప్రతిష్టాత్మకంగా తీసుకున్నాయి.  దీంతో దేశవ్యాప్తంగా ఐదు రాష్ట్రాలలో ఎన్నికలు జరిగినా.. తెలంగాణ ఎన్నికల ఫలితాలపై మాత్రం దేశం మొత్తం దృష్టి సారించింది అంటే అతిశయోక్తి కాదు. రాజకీయాలలో ఏదైనా జరగవచ్చు అనే మాటను మరోసారి నిజమైంది ఆంధ్రప్రదేశ్ లో జరిగిన సంఘటన గురించి వింటే.
పాలనా సమయం ఇంకా వున్నాగానీ ముందస్తుకు వెళ్లి తెలంగాణ ఎన్నికల ఫలితాల్లో టీఆర్ఎస్ 2014 ఎన్నికల కంటే అత్యధిక స్థానాల్లో గెలిచి ఘన విజయం సాధించింది. దీంతో ఆ టీఆర్ఎస్ పార్టీ నేతలతో పాటు కార్యకర్తలు సంబురాల్లో మునిగిపోయారు. అంది సహజమే. కానీ ఎవ్వరూ ఊహించని విధంగా తెలంగాణలో టీఆర్ఎస్ విజయం సాధిస్తే ఏపీలోనూ సెలబ్రెట్ చేసుకుంటున్నారు. ఇది ఆశ్చర్యం. 
ఆంధ్రాలో అధికారంలో ఉన్న టీడీపీ.. అక్కడి పార్టీలతో పొత్తు పెట్టుకుని మహాకూటమిగా ఏర్పడటం.. దానిని ప్రజలు చిత్తుగా ఓడించడం తెలిసిందే. దీంతో టీడీపీయేతర పక్షాలు ఏపీలో పండగ చేసుకుంటున్నాయి. రాజధాని ప్రాంతానికి చెందిన జనసేన కార్యకర్తలు, నేతలు టీఆర్ఎస్‌కు అభినందనలు తెలుపుతున్నారు.

అంతేకాదు..జనసేత  అగ్రనేత కేటీఆర్‌ ఫ్లెక్సీలకు పాలాభిషేకం చేయటం..జనసేన పార్టీ టీఆర్ఎస్ కు మద్దతు పలికిందనే ఆరోపణలను ఈ సెలబ్రేషన్స్ నిజం చేసింది. మంగళగిరి మండలం ఎర్రబాలెం గ్రామానికి చెందిన జనసేన కార్యకర్తలు.. మంత్రి కేటీఆర్ ఫ్లెక్సీకి పాలాభిషకం చేసారు.టీడీపీకి వ్యతిరేకంగా నినాదాలు చేశారు. ఈ ఘటన ఏపీ వ్యాప్తంగా చర్చనీయాంశంగా మారిపోయింది. 
తెలంగాణ ఎన్నికల ఫలితాలు వెలువడిన వెంటన జనసేన అధినేత పవన్ కల్యాణ్..ట్వీట్టర్ ద్వారా టీఆర్ఎస్‌కు శుభాకాంక్షలు తెలిపారు. కేసీఆర్,కేటీఆర్, హరీశ్‌రావుతో పాటు పార్టీ కార్యకర్తలకు అభినందనలు తెలిపారు. ఈ మేరకు ఆయన ఓ లేఖను విడుదల చేశారు.  తెలంగాణ ముందస్తు ఎన్నికల్లో అఖండ విజయం ఇచ్చిన ఓటర్లు తెలంగాణ ప్రజల విజ్ఞత మరోసారి రుజువైందని లెటర్ లో పేర్కొన్నారు. తెలంగాణ ప్రజల ఆశలు, ఆకాంక్షలను కేసీఆర్ గారు నెరవేరుస్తారన్న నమ్మకం వుంది. ఈ ఎన్నికలలో అత్యధిక మెజార్టీతో గెలుపొందిన శ్రీ హరీష్ రావు గారికి నా శుభాకాంక్షలు. విజయం సాధించిన ప్రతి ఒక్కరితోపాటు టీఆర్ఎస్ నాయకులు, కార్యకర్తలకు నా అభినందనలు..ఈ అఖండ విజయానికి సారధులైన శ్రీ కేసీఆర్ గారు, వారి కుమారుడు శ్రీ కేటీఆర్ గారికి మనస్ఫూర్తిగా అభినందనలు తెలుపుతున్నానని పవన్ కళ్యాణ్ తన లేఖలో తెలిపారు. రాజకీయాలలో ఏమైనా జరగొచ్చు..

20:50 - December 9, 2018

జనసేన అధినేత పవన్ కల్యాణ్ సోదరుడు, నటుడు నాగబాబు సంచలన వ్యాఖ్యలు చేశారు. నందమూరి నటసింహం బాలకృష్ణ ఎవరో తనకు తెలిదయని అన్నారు. నాగబాబు ఇలా అనడం చర్చనీయాంశంగా మారింది. తెలుగు సినిమా ఇండ‌స్ట్రీలో బాల‌కృష్ణ తెలియ‌ని వారు ఉండరు. మరి నాగబాబు ఎందుకలా అన్నారు? అన్నది ఆసక్తికరంగా మారింది. మొన్న‌టికి మొన్న కేఏ పాల్ త‌న‌కు బాల‌య్య అంటే ఎవ‌రో తెలియ‌ద‌ని కామెడీ చేసిన సంగతి తెలిసిందే. ఇప్పుడు నాగ‌బాబు సైతం అదే కామెడీ చేశారు.
బాలయ్య ఎవరో నాకు తెలీదండీ బాబూ:
ఓ ఇంటర్వ్యూలో బాలయ్య గురించి చెప్పమని నాగబాబుని యాంకర్ అడిగారు. అందుకు నాగబాబు.. ఆయనెవరో నాకు తెలియదు, ఐయామ్ వెరీ సారీ అని వెంటనే సమాధానం ఇచ్చారు. తర్వాత ఆయనే కల్పించుకుని ‘బాలయ్య గురించి తెలియదు అని అన్నానేంటి? బాలయ్యగా.. చాలా పెద్ద ఆర్టిస్ట్. సీనియర్ మోస్ట్.. ‘నేరము శిక్ష’ సినిమాలో కృష్ణగారితో కలిసి నటించారు’ అని చెప్పారు. అయితే నేను అడిగింది పాత యాక్టర్, అమృతా ఫిలింస్ అధినేత, ప్రముఖ దర్శక నిర్మాత బాలయ్య గురించి కాదని.. నందమూరి బాలయ్య గురించి అని యాంకర్ వివరించారు. దీనికి సమాధానంగా నేనెప్పుడు ఆయన పేరు వినలేదు అని నాగబాబు మళ్లీ చాలా సింపుల్‌గా సమాధానం చెప్పారు. ఆర్టిస్టులు అయిన మీ అందరిది ఒకే కుటుంబం. రాజకీయంగా విభేదాలు వుండి ఇలా మాట్లాడుతున్నారా అని మళ్లీ యాంకర్ అడిగారు. అందుకు నాగబాబు ఆయనెవరో నాకు తెలీదండీ బాబూ.. నేనెప్పుడూ ఆ పేరు వినలేదని మళ్లీ అదే సమాధానం ఇచ్చారు. దీంతో యాంకర్ బిగ్గరగా నవ్వుకుని ఊరుకున్నారు. మీ అభిప్రాయం అదే అయినప్పుడు దాన్ని కంటిన్యూ చెయ్యటం ఎందుకని ఆ టాపిక్‌ని అక్కడితో వదిలేశారు. కొన్ని రోజులుగా తెలుగుదేశం పార్టీకి.. జ‌న‌సేన‌కు మ‌ధ్య మాటల యుద్ధం జరుగుతోంది. దాంతో నాగబాబు కావాలనే ఇలాంటి స‌మాధానం ఇచ్చి ఉంటారని అంతా అనుకుంటున్నారు.

21:32 - December 3, 2018

హైదరాబాద్:  తెలంగాణ లో జరుగుతున్నముందస్తు ఎన్నికల్లో  జనసేన పార్టీ అధినేత పవన్ కళ్యాణ్ తన మద్దతు ఎవరికివ్వనున్నారనే దానిపై  బుధవారం డిసెంబరు 5న ఒక  క్లారిటీ వచ్చే అవకాశం ఉంది. ప్రస్తుత ఎన్నికల్లో జనసేన తెలంగాణ లో  పోటీలోలేదు. పార్లమెంట్ ఎన్నికల్లో పోటీచేస్తామని గతంలోనే పవన్ కళ్యాణ్ చెప్పారు.
" తెలంగాణా ముందస్తు ఎన్నికల నేపధ్యంలో మిత్రులు, జనసైనికులు,ప్రజలతోపాటు పోటీ చేస్తున్న అభ్యర్ధులు కూడా  పార్టీఅభిప్రాయాన్ని తెలియ చెయ్యమని కోరుతున్నారు. జనసేన పార్టీ అభిప్రాయాన్ని 5 వ తారీఖున తెలియ పరుస్తాము" అని పవన్ కళ్యాణ్ ట్వీట్ చేశారు. 

18:41 - November 30, 2018

టీడీపీ సభ్యత్వానికి రాజీనామా చేశారు మాజీ మంత్రి రావెల కిషోర్ బాబు. మంత్రి పదవి నుంచి తొలగించిన తర్వాత ఆయన పార్టీ కార్యక్రమాలకు దూరంగా ఉంటున్నారు. రెండేళ్లుగా పార్టీ కూడా ఆయన్ను దూరం పెట్టింది. ఈ క్రమంలోనే పార్టీ మారతారని ప్రచారం జరిగింది. ఈ వార్తలను నిజం చేస్తూ.. టీడీపీకి గుడ్ బై చెప్పారు రావెల. తన రాజీనామా లేఖను స్పీకర్ కార్యాలయంలో అందించారు. అక్కడి నుంచి నేరుగా బెజవాడలోని పార్టీ ఆఫీస్ కు వెళ్లారు. పార్టీ ప్రాథమిక సభ్యత్వానికి కూడా రాజీనామా లేఖ ఇచ్చారు. సీఎం చంద్రబాబు క్యాంప్ ఆఫీసులోనూ మరో లేఖ అందించారు.
జనసేనలోకి రావెల :
టీడీపీకి గుడ్ బై చెప్పిన గుంటూరు జిల్లా ప్రత్తిపాడు ఎమ్మెల్యే రావెల.. డిసెంబర్ 1వ తేదీన పవన్ కల్యాణ్ సమక్షంలో ఆ పార్టీలో జాయిన్ అవుతున్నారు. గుంటూరు నుంచి భారీ ర్యాలీ నిర్వహించబోతున్నారు. వేలాది మంది యువకులతో బైక్ ర్యాలీతో  బెజవాడ వెళ్లి.. పవన్ చేతుల మీదుగా జనసేన కండువా కప్పుకోబోతున్నారు. సీటు విషయంలో జనసేన నుంచి స్పష్టమైన హామీ వచ్చిన తర్వాతే అటుగా అడుగులు వేసినట్లు సమాచారం. గుంటూరు జిల్లాలోని సిట్టింగ్ స్థానం అయిన ప్రత్తిపాడు లేదా వేమూరు నియోజకవర్గాల్లో ఏదో ఒకటి ఖాయం కానుందని సమాచారం. 

14:50 - November 30, 2018

గుంటూరు : సీఎం చంద్రబాబు కేబినెట్ లో మంత్రిగా..గుంటూరు జిల్లా ప్రత్తిపాడు ఎమ్మెల్యే గా, టీడీపీ నేత అయిన  రావెల కిశోర్ బాబు పార్టీకి వీడ్కోలు పలకనున్నట్లుగా ప్రచారం జరుగుతోంది. పవన్ కల్యాణ్ సమక్షంలో రావెల జనసేన తీర్థం పుచ్చుకుంటారని రాజకీయ వర్గాల సమాచారం. ఇప్పటికే రావెల పవన్‌తో రెండు సార్లు  భేటీ అయ్యారు. పలు ఆరోపణలతో మంత్రివర్గం నుంచి తప్పించినప్పటి నుంచి రావెల ముఖ్యమంత్రి చంద్రబాబు నాయుడుపై అసహనంతో వున్నట్లుగా తెలుస్తోంది. దీంతో పార్టీ కార్యక్రమాలకు సైతం దూరంగా ఉంటున్నారు. ఈ నేపథ్యంలో పార్టీ వీడుతున్నారనే వార్తలతో టీడీపీ అధిష్టానం కొంతమంది రాజకీయ పెద్దలతో బుజ్జగింపుల రాయబారాలు నడుపుతున్నట్లుగా కూడా సమాచారం. రావెల మెత్తబడతారా లేక జనసేనలోకి వెళేందుకే సిద్ధపడతారా? అనే విషయం తెలియాల్సివుంది. 
 

 

18:20 - November 26, 2018

విజయవాడ: జగన్ ఎందుకు అసెంబ్లీకి వెళ్లడం లేదని జనసేన అధినేత పవన్ కళ్యాణ్ చేసిన విమర్శలకు వైఎస్ఆర్ కాంగ్రెస్ పార్టీ నాయకులు బదులిచ్చారు. చంద్రబాబుని రక్షించేందుకు జనసేన పార్టీ పెట్టిన పవన్ కళ్యాణ్‌కు జగన్‌ను విమర్శించే స్థాయి లేదని వైఎస్ఆర్ కాంగ్రెస్ పార్టీ అధికార ప్రతినిధి అంబటి రాంబాబు అన్నారు. ముఖ్యమంత్రి చంద్రబాబుని రక్షించేందుకు పుట్టిన పార్టీలే జనసేన, లోక్‌సత్తా అని అంబటి విమర్శించారు. చంద్రబాబును అధికారంలోకి తెచ్చేందుకు పవన్, జేపీ, లక్ష్మీనారాయణ యత్నిస్తున్నారని అంబటి ఆరోపించారు. బండికి కొత్త డ్రైవర్‌ వచ్చినట్లుగా.. లోక్‌సత్తా పార్టీకి కొత్త అధ్యక్షుడిగా సీబీఐ మాజీ జేడీ లక్ష్మీనారాయణ వచ్చారని అంబటి రాంబాబు ఎద్దేవా చేశారు.
నీతి, నియమాల గురించి మాట్లాడే లోక్‌సత్తా నాయకులు.. ఈ నాలున్నరేళ్ల చంద్రబాబు అవినీతి, కాల్‌మనీ, సెక్స్‌రాకెట్‌పై ఎందుకు స్పందించలేదని ప్రశ్నించారు. చంద్రబాబు కోసం పుట్టిన కవలల్లో ఒకటి లోక్‌సత్తా పార్టీ కాగా, మరొకటి జనసేత పార్టీ అని ఆయన ఎద్దేవా చేశారు. ప్రభుత్వ వ్యతిరేక ఓట్లను చీల్చేందుకే చంద్రబాబు ఇలాంటి ప్రయత్నాలు చేస్తున్నారని మండిపడ్డారు. ఎన్నికల సమయం దగ్గరపడుతుండటంతో గోదావరి-పెన్నా నదుల అనుసంధానం పేరుతో చంద్రబాబు ఎన్నికల ప్రచారం చేస్తున్నారని విమర్శించారు. పట్టిసీమ నుంచి రాయలసీమ వరకు చంద్రబాబు అంతా దోచేశారని అంబటి అన్నారు.

19:13 - November 25, 2018

రాజమండ్రి: జనసేన అధినేత పవన్ కళ్యాణ్ ఏపీ ముఖ్యమంత్రి చంద్రబాబు నాయుడుపై ఫైర్ అయ్యారు. ప్రజల కన్నీళ్లు తుడవలేని 40ఏళ్ల అనుభవం ఎందుకు? అని ప్రశ్నించారు. రాష్ట్రంలో ఏ మూలకెళ్లినా అవినీతి జరుగుతోందని పవన్ ఆరోపించారు. ఆఖరికి స్మశానాలు కూడా కబ్జా చేస్తున్నారని మండిపడ్డారు. తూర్పుగోదావరి జిల్లా రావులపాలెంలో పవన్ కళ్యాన్ బహిరంగ సభలో ప్రసంగించారు. అధికార, ప్రతిపక్షాలపై పవన్ విరుచుకుపడ్డారు.
వైసీపీ, టీడీపీ నాయకులు ఇసుక దందా చేస్తున్నారని పవన్ ఆరోపించారు. వైఎస్ఆర్ కాంగ్రెస్ అధినేత జగన్ అసెంబ్లీకి ఎందుకు వెళ్లడం లేదని పవన్ ప్రశ్నించారు. అసెంబ్లీకి వెళ్లాలంటే జగన్‌కు గుండె ధైర్యం లేదన్నారు. మోడీ, కేసీఆర్, చంద్రబాబు అంటే జగన్‌కు భయపట్టుకుందన్నారు.
ప్రజల కష్టాలను తీర్చేందుకు జనసేన పార్టీ పుట్టిందని పవన్ పేర్కొన్నారు. జనం మీద బతికే నాయకులు కాదు జనంపై బతికే నాయకులు కావాలని పవన్ అన్నారు.

12:56 - November 25, 2018

రాజమండ్రి : బ్రాహ్మణులు లేకపోతే భారతదేశానికి స్వాతంత్రం రాకపోయేదని...బ్రాహ్మణులకు ఆత్మగౌరవం ఇచ్చేందుకు జనసేన కృషి చేస్తుందని జనసేన అధినేత పవన్ కళ్యాణ్ వెల్లడించారు. తూర్పుగోదావరి జిల్లాలో జనసేన పార్టీ అధినేత పవన్‌ కల్యాణ్‌ ప్రజా పోరాట యాత్ర కొనసాగుతోంది. ప్రజాపోరాట యాత్రలో భాగంగా నవంబర్ 25వ తేదీ ఆదివారం రాజమండ్రి బీవీఆర్‌ ఫంక్షన్‌హాల్‌లో పవన్‌ కల్యాణ్‌ అర్చకులతో సమావేశమయ్యారు. ఈ సందర్భంగా వారు ఎదుర్కొంటున్న సమస్యలు విన్న పవన్..జనసేన వైఖరిని వెల్లడించారు. 
Related imageబ్రాహ్మణ సమాజంపై గౌరవం కలిగించింది..తన నాన్నగారు అని తెలిపారు. కులాలు..మతాలు ప్రస్తావన అధికంగా ఉంటుందని..ధర్మం అనేది చాలా ముఖ్యమన్నారు. లంచాలు..అక్రమాలతో తాను చిన్నప్పటి నుండే విసుగు చెందేవాడన్నారు. చదువు ఇష్టం లేక వదిలేశానని..సమాజం మారాలని అనుకొనే వాడినన్నారు. ధర్మానికి కులం..మతం..లేదని తెలిపారు. బ్రాహ్మణులకు ఏదో కమిటీలు..నిధులు ఇవ్వడం కాదని..తొలుత ఆత్మగౌరవం రావాలన్నారు..ఆత్మగౌరవం జనసేన ఇస్తుందన్నారు. బ్రాహ్మణులను కించపరిచే విధంగా మాట్లాడడం..సినిమాలో వీరిని అవహేళనగా చూపిస్తుంటారని విమర్శించారు. సమాజంలో ఉన్న కులాలను కించపరచడం ఏంటీ ? అని ప్రశ్నించారు. బ్రాహ్మణులు లేకపోతే భారత దేశానికి స్వాతంత్రం వచ్చి ఉండేది కాదన్నారు. మనుషులు..మనుషులుగా ఎప్పుడు చూస్తారని ప్రశ్నించారు. 

21:02 - November 24, 2018

అనంతపురము: జనసేన అధినేత పవన్ కళ్యాణ్‌పై ఏపీ సీఎం చంద్రబాబు నాయుడు ఫైర్ అయ్యారు. పవన్‌ను చిరంజీవితో పోల్చారు చంద్రబాబు. గతంలో చిరంజీవి ప్రజారాజ్యం పార్టీని అమ్ముకుని వెళ్లిపోయారని... ఇప్పుడు అదే పని చేయడానికి పవన్ వచ్చారని చంద్రబాబు విమర్శించారు. గతంలో తన సిద్ధాంతాలు కరెక్ట్ అని చెప్పిన పవన్.. ఇప్పుడు తననే మోసగాడు అంటున్నారని మండిపడ్డారు. పవన్ ఒక ఊసరవెళ్లిలాంటివాడని చంద్రబాబు ధ్వజమెత్తారు. ప్రజలను మోసం చేయడానికి వైసీపీ, జనసేనలు వచ్చాయని అన్నారు.
కోడికత్తి డ్రామానే:
వైసీపీ అధినేత జగన్‌పైనా చంద్రబాబు ఆగ్రహం వ్యక్తం చేశారు. కోడికత్తి జగన్ డ్రామానే అని ఆరోపించారు. నిజాయతీగా పని చేస్తున్న తమపై సీబీఐ దాడులు జరుపుతున్నారని... ఇది ఎంత వరకు సబబని చంద్రబాబు ప్రశ్నించారు. అనంతపురం పర్యటనలో టీడీపీ కార్యకర్తల సమావేశంలో చంద్రబాబు మాట్లాడారు. పార్టీ కేడర్‌కు దిశానిర్దేశం చేశారు. అందరి జాతకాలు తన వద్ద ఉన్నాయని పార్టీ నేతలను చంద్రబాబు హెచ్చరించారు. జిల్లాలోని 14 ఎమ్మెల్యే, 2 ఎంపీ స్థానాలను గెలిపించాల్సిన బాధ్యత మీదే అని స్పష్టం చేశారాయన.
కేసీఆర్‌కు హక్కు లేదు:
తెలంగాణ సీఎం కేసీఆర్‌పైనా చంద్రబాబు ఫైర్ అయ్యారు. కేసీఆర్‌కు తనను విమర్శించే హక్కు లేదన్నారు. ఒక గొప్ప హైదరాబాద్ నగరాన్ని ఇచ్చినా... సరిగా పాలించడం చేతకానివారికి తనను విమర్శించే హక్కు ఎక్కడుందని చంద్రబాబు ప్రశ్నించారు. ప్రధాని మోడీతో లాలూచి పడటం వల్లే కేసీఆర్ తనను విమర్శిస్తున్నారని చంద్రబాబు ఆరోపించారు.  ఎక్కువ ఆదాయం ఉన్న హైదరాబాద్‌ను తెలంగాణకు ఇచ్చామని.. ఏపీ ఆదాయం తక్కువగా ఉందని, అందుకే ఏపీకి ప్రత్యేక హోదా ఇచ్చేందుకు తాము కట్టుబడి ఉన్నామని సోనియాగాంధీ చెప్పారని చంద్రబాబు తెలిపారు.

Pages

Don't Miss

Subscribe to RSS - జనసేన