జయప్రద

12:36 - November 23, 2018

ఈ రోజుల్లో చిన్నదైనా, పెద్దదైనా ఒక సినిమాని జనాల్లోకి తీసుకెళ్ళాలంటే పబ్లిసిటీ అనేది చాలా ఇంపార్టెంట్. గతకొద్ది రోజులుగా హైటెక్నికల్ వాల్యూస్‌తో రూపొందిన సినిమాగా ప్రమోట్ చేసుకున్న శరభ మూవీ నిన్న ప్రేక్షకుల ముందుకు వచ్చింది.
సీనియర్ నటి జయప్రద ఇంపార్టెంట్ రోల్ చెయ్యడంతో సినిమాపై ఆడియన్స్‌కి ఆసక్తి కలిగింది. మరి, ఆ ఆసక్తి సినిమా కలిగించిందా, లేదా? అనేది ఇప్పుడు చూద్దాం.


కథ :


సిరిగిరిపురం అనే పళ్ళెటూరు పాడిపంటలతో, సుఖసంతోషాలతో కళకళలాడుతుంటుంది. ఎప్పటినుండో క్షుద్ర సామ్రాజ్య స్థాపన చెయ్యాలని ప్రయత్నిస్తున్న మాంత్రికుడు చండ్రాక్ష (పునీత్ ఇస్సార్) చూపు సిరిగిరిపురంపై పడుతుంది. ఇంకొక్క బలి ఇస్తే తను కోరిక నెరవేరుతుందని, ఆ ఊరికి చెందిన కాంతమరాయుడు (నెపోలియన్)ని చంపేసి, అతని భార్య పార్వతమ్మ (జయప్రద)ని, ఆమె కడుపులో పెరుగుతున్నబిడ్డని కూడా చంపాలనుకుంటాడు. 
ఆ ప్రయత్నంలో అతని బారినుండి తప్పించుకున్న పార్వతమ్మ, పండంటి మగబిడ్డ శరభ (ఆకాశ్ కుమార్)కి జన్మనిస్తుంది. పెరిగి పెద్దవాడైన శరభకి, పార్వతమ్మ తన తండ్రి చావు గురించి ఏం చెప్పింది. చండ్రాక్ష తను అనుకున్నది సాధించాడా అనేది ఈ శరభ కథ.

నటీనటులు & సాంకేతిక నిపుణులు : 


దాదాపు 11 ఏళ్ల తర్వాత జయప్రద తెలుగులో నటించిన సినిమా ఇది. ప్రమోషన్స్‌లో ఆమె.. ఈ సినిమా, నటిగా నాకు పునర్జన్మనిచ్చింది అని చెప్పినట్టుగానే, శరభలో ఆమె క్యారెక్టర్ ఉంది. ఓ వైపు భాధ్యతగల తల్లిగా ఉంటూనే, తనలోకి ప్రేతాత్మ ప్రవేశించే సీన్‌లో ఆమె నటన అద్భుతంగా ఉంది. జయప్రద తర్వాత, హీరోయిన్ మిస్తీ చక్రవర్తి కూడా రెండు కోణాలున్న పాత్రలో చాలాబాగా నటించింది. హీరో ఆకాశ్ కొత్తవాడు కావడంతో చాలామటుకు ఒకేరకమైన ఎక్స్ ప్రెషన్‌తో సరిపెట్టాడు. చండ్రాక్షగా, పునీత్ ఇస్సార్.. అతనికొడుకు రక్తాక్షగా చరణ్ దీప్ మెప్పించారు. కోటి నేపథ్య సంగీతం, రమణ సాల్వ కెమెరా పనితనం సినిమాకే హైలెట్ అయ్యాయి. సాయి మాధవ్ బుర్రా మాటలు సినిమాకి తగ్గట్టుగా ఉన్నాయి. నిర్మాత అశ్వని కుమార్ బడ్జెట్ పరంగా కాంప్రమైజ్ కాలేదు. ప్రొడక్షన్ వాల్యూస్ బాగున్నాయి. దర్శకుడు నరసింహరావు తను వ్రాసుకున్న కథకి, సాంకేతిక అంశాలను జోడించి, చక్కటి టెక్నికల్ టీమ్‌తో క్వాలిటీ అవుట్‌పుట్ రాబట్టుకున్నాడు. విజువల్ ఎఫెక్ట్స్ సినిమాకి ప్లస్ అయ్యాయి. కథ, విఎఫ్ఎక్స్, జయప్రద, మిస్తీ చక్రవర్తిల నటన, క్లైమాక్స్ సీన్స్ సినిమాలో ఆకట్టుకునే అంశాలు. దుష్టశక్తికీ, దైవ శక్తికీ మధ్య పోరాటం అనే పాయింట్‌తో తెరకెక్కిన శరభ ప్రేక్షకులను మెప్పిస్తుంది.

తారాగణం : ఆకాశ్ కుమార్, మిస్తీ చక్రవర్తి, జయప్రద, నెపోలియన్, పునీత్ ఇస్సార్, చరణ్ దీప్, నాజర్, షియాజి షిండే తదితరులు..

కెమెరా     :  కోటి

సంగీతం  : రమణ సాల్వ

నిర్మాత    :  అశ్వని కుమార్ సహదేవ్

మాటలు సాయి మాధవ్ బుర్రా 

కథ, స్క్రీన్ ప్లే, దర్శకత్వం : ఎన్.నరసింహరావు    

రేటింగ్      :    2/5

మూవీ రివ్యూ - 5 స్టార్ రేటింగ్‌ విధానం...
3.5 స్టార్ - ఉత్తమ చిత్రం
3 స్టార్స్  - చాలా బావుంది! తప్పక చూడాల్సిన సినిమా
2.75 స్టార్స్  - ఉన్నంతలో బావుంది
2.5 స్టార్స్ - సినిమా చూడొచ్చు 
2.25 స్టార్స్ - ఇంకొంచెం శ్రద్ధపెట్టాల్సి ఉంది 
2 స్టార్స్ - చాలా మెరుగుపర్చుకోవాలి

09:34 - September 18, 2016

టాలీవుడ్ లో విలక్షణ నటుడు ఎవరు అంటే ఠక్కున 'మోహన్ బాబు' అని చెప్పేస్తారు. ఆయన నటించిన ఎన్నో చిత్రాలు విజయవంతమయ్యాయి. విలనిజం, మేనరిజం, హీరోయిజాన్ని కలబోసుకున్న ఈ నటుడికి విశాఖలో సన్మాన కార్యక్రమం జరిగింది. టి.సుబ్బరామిరెడ్డి పుట్టినరోజు వేడుకల సందర్భంగా మోహన్‌బాబుకు 40 సంవత్సరాల సినీ ప్రస్థాన సన్మాన కార్యక్రమం జరిగింది. ఈ వేడుకల్లో సినీ తారలు, రాజకీయ నేతలు పాల్గొన్నారు. ఈ కార్యక్రమంలో ప్రసంగించిన మోహన్‌బాబు పలు విషయాలు ప్రస్తావించారు. ఇప్పటి జనరేషన్‌లో చాలా మంది హీరోయిన్లు వస్తున్నారని, కానీ 'జయప్రద' వాట్ ఏ బ్యూటీ అంటూ ఆమెను పొగిడారు. ఇప్పటికీ చూస్తే అంటూ.. ‘నా భార్య ఉంది గానీ లేకపోతే తాను అప్పుడప్పుడూ 'జయప్రద'ను చూసినప్పుడు లొట్టలేసుకుంటూ ఉంటానని సరదా వ్యాఖ్యలు చేశారు. 'జయప్రద' ఓ మంచి నటి అని తాను అసిస్టెంట్ డైరక్టర్‌గా చేసినప్పుడే ఆమె హీరోయిన్‌ అని అన్నారు. 'జయప్రద'తో హీరోగా, విలన్‌గా చేశానని, అలాంటి 'జయప్రద' ఎంతో దూరం నుంచి రెండు మూడు ఫ్లైట్‌లు మారుతూ వైజాగ్ కు చేరుకున్నారని తెలిపారు. ఇందుకు తాను హృదయపూర్వకంగా అభినందనలు 'జయప్రద'కు తెలిజేస్తున్నానని అన్నారు. 

14:40 - March 21, 2016

హైదరాబాద్ :వాయవును స్వరాలుగా మలచడం ..సుమధుర రాగాలుగా పలికించడం ..శ్రమతో కూడినది.. సాధనతో మాత్రమే సాధ్యపడేది.. అంకుఠిత దీక్షతో మాత్రమే సొంతమయ్యేది.. అలాంటి వేణుగానంతో మంత్రముగ్దులను చేస్తున్న ఫ్లూటిస్ట్ స్వరవిన్యాసంతో , మీ ముందుకొచ్చింది ఇవాళ్టి స్పూర్తి.

సంప్రదాయ సంగీత ప్రపంచంలో....

సంప్రదాయ సంగీత ప్రపంచంలో ఆడపిల్లలు, గాత్రానికో, లేక నాట్యానికో పరిమితమవడమే సహజంగా కనిపిస్తుంది. కానీ, అసాధ్యమనిపించిన దాన్ని సుసాధ్యం చేసుకుని, వేణుగానంలో అత్యున్నత స్థాయికి చేరడం మాత్రం అరుదుగానే జరుగుతుంది.

తెలుగు రాష్ట్రాల్లో తొలి ఫ్లూటిస్ట్ గా....

తెలుగు రాష్ట్రాల్లో తొలి ఫ్లూటిస్ట్ గా ప్రత్యేకత సాధించిన జయప్రద కు మానవి అభినందనలు తెలియచేస్తోంది. జాతీయ, అంతర్జాతీయ స్థాయిలో మరింతగా రాణించాలని ఆకాంక్షిస్తోంది. ఎందరికో స్పూర్తిని కలిగించాలని ఆశిస్తోంది.  

పూర్తి వివరాలకోసం ఈ వీడియోను క్లిక్ చేయండి.

06:29 - November 8, 2015

హైదరాబాద్ : నగరంలోని జూబ్లీ హిల్స్ రోడ్‌ నెంబర్‌ 4లో ట్రాఫిక్‌ పోలీసులు డ్రంక్‌ అండ్‌ డ్రైవ్‌ నిర్వహించారు. ఈ సందర్భంగా వాహనదారులను బ్రీత్‌ ఎనలైజర్‌తో పరీక్షించారు. తనిఖీల్లో భాగంగా సినీనటి, మాజీ ఎంపీ జయప్రద వాహనాన్ని సైతం బ్రీత్‌ ఎనలైజర్‌ పరీక్షలు చేసేందుకు ఆపారు. అయితే వాహనంలో ప్రయాణిస్తున్న జయప్రద పోలీసుల పట్ల తీవ్ర అసహనం వ్యక్తం చేశారు. మీడియాలో పబ్లిసిటీ కోసం కాకపోతే.. ఎందుకు ఆపినట్లు అని ఆగ్రహంగా ప్రశ్నించారు. ఇది సరైంది కాదంటూ తీవ్ర ఆగ్రహం వ్యక్తం చేశారు. 

18:44 - July 20, 2015

రాజమండ్రి: ప్రముఖ నటి, మాజీ ఎంపీ జయప్రద గోదావరి పుష్కరాలకు విచ్చేశారు. రాజమండ్రిలోని వీఐపీ ఘాట్‌లో సోదరి, సోదరుడితో కలిసి ఆమె పుణ్యస్నానం ఆచరించారు. జన్మభూమి రాజమండ్రిలో పుష్కర స్నానం చేయడం ఎంతో ఆనందంగా ఉందని జయప్రద అన్నారు.

 

Don't Miss

Subscribe to RSS - జయప్రద