జార్ఖండ్

20:01 - July 17, 2018

జార్ఖండ్ : సామాజిక కార్యకర్త 80 ఏళ్ల స్వామి అగ్నివేష్‌పై బీజేపీ యువ మోర్చా కార్యకర్తలు దాడి చేశారు. జార్ఖండ్‌లోని పాకూర్‌ జిల్లాలో ఓ కార్యక్రమంలో పాల్గొనడానికి వెళ్లినపుడు ఈ ఘటన చోటుచేసుకుంది. పాకూర్‌లోని ఓ హోటల్‌లో స్వామి అగ్నివేష్ ఉన్నాడన్న విషయం తెలుసుకున్న బీజేపీ యువ మోర్చా కార్యకర్తలు భారీగా తరలివచ్చారు. హోటల్ నుంచి అగ్నివేష్ బయటకు రాగానే ఆయనపై మూకుమ్మడిగా దాడి చేశారు. ఆయనను తోసేసారు.. తన్నారు...కొట్టారు... బట్టలను చింపేశారు. నల్ల జెండాలను ప్రదర్శించి.. స్వామి అగ్నివేష్‌కు వ్యతిరేకంగా జై శ్రీరామ్‌ అంటూ నినాదాలు చేశారు. హిందూ కార్యకర్తల దాడిలో తీవ్రంగా గాయపడ్డ స్వామి అగ్నివేష్ ఓ ఆసుపత్రిలో చికిత్స పొందారు.  స్వామి అగ్నివేష్ క్రిస్టియన్ మిషనరీ సంస్థలతో చేతులు కలిపి.. జార్ఖండ్‌లోని గిరిజనులను క్రిస్టియన్లుగా మారుస్తున్నారని బిజెపి యువమోర్చా ఆరోపించింది. హింసకు తాను వ్యతిరేకమని... శాంతియుతంగా ఉండే తనపై దాడి ఎందుకు జరిగిందో అర్థం కావడం లేదని స్వామి అగ్నివేష్ అన్నారు. తాను వాళ్లతో మాట్లేడేందుకు సిద్ధంగా ఉన్నప్పటికీ వారెవరు ముందుకు రాలేదన్నారు.  

 

22:03 - May 9, 2018

జార్ఖండ్ : దాణా స్కాం కేసులో జైలుశిక్ష అనుభవిస్తున్న ఆర్జేడీ అధినేత లాలూ ప్రసాద్‌ యాదవ్‌కు కోర్టు 5 రోజుల పెరోల్‌ మంజూరు చేసింది.  మే 12న తన కుమారుడు తేజ్‌ ప్రతాప్‌ వివాహాని హాజరయ్యేందుకని 5 రోజుల పెరోల్ మంజూరు చేయాలని లాలు కోర్టుకు విజ్ఞప్తి చేశారు. పెళ్లికి హాజరయ్యేందుకు లాలూకు పెరోల్‌ ఇచ్చినట్లు న్యాయస్థానం వెల్లడించింది. దీంతో లాలు 5 రోజుల పెరోల్‌పై జైలు నుంచి బయటకు రానున్నారు. బిహార్‌కు చెందిన మంత్రి చంద్రిక రాయ్‌ కుమార్తె ఐశ్వర్య రాయ్‌ను తేజ్‌ ప్రతాప్‌ పెళ్లాడబోతున్నారు. ఇటీవల వీరిద్దరి నిశ్చితార్థ  వేడుకకు లాలూ హాజరుకాలేకపోయారు. కొంతకాలంగా అనారోగ్యంతో బాధపడుతున్న లాలూ ప్రస్తుతం ఝార్ఖండ్‌ రాజధాని రాంచిలోని రిమ్స్‌ ఆస్పత్రిలో చికిత్స పొందుతున్నారు.

21:42 - May 5, 2018

జార్ఖండ్‌ : చత్రా జిల్లా కెందువా గ్రామంలో జరిగిన గ్యాంగ్‌రేప్‌ మర్డర్ ఆలస్యంగా వెలుగుచూసింది. 16 ఏళ్ల మైనర్‌ బాలికపై సామూహిక అత్యాచారం జరిపి సజీవ దహనానికి ఒడిగట్టారు. ఈ దారుణ ఘటనలో 14 మందిని పోలీసులు అరెస్ట్‌ చేశారు. మరో ఆరుగురు పరారీలో ఉన్నారు. మే 3న నలుగురు యువకులు రాత్రి ఇంట్లో ఒంటరిగా ఉన్న మైనర్‌ బాలికపై గ్యాంగ్‌రేప్‌కు పాల్పడ్డారు. ఈ విషయాన్ని బాధితురాలి తండ్రి గ్రామపెద్దల దృష్టికి తీసుకెళ్లాడు. పంచాయితీ పెట్టిన పెద్దలు 50 వేలు జరిమానా విధించి వంద గుంజీలు తీయాలని నిందితుడిని ఆదేశించారు. పంచాయితీ విధించిన శిక్షపై అవమానంగా భావించిన ప్రధాన నిందితుడు శుక్రవారం రాత్రి బాధితురాలి ఇంటికి వెళ్లి తల్లిదండ్రులను చితకబాదాడు. బాధితురాలిపై కిరోసిన్‌ పోసి తగలబెట్టాడు. దీంతో ఆ బాలిక అక్కడికక్కడే మృతి చెందింది. పంచాయితీ పెద్దలను అదుపులోకి తీసుకుని పోలీసులు ప్రశ్నిస్తున్నారు.

13:33 - April 16, 2018

జలం ప్రాణాధారం, జలం జీవాధానం, జలమే జీవం, జలమే ప్రాణం. జలం లేకుంటే ప్రాణికోటి సమస్తం అంతం!! ఉదయం లేచింది మొదలు రాత్రి పడుకునేంత వరకూ నీటితోనే పని. అది లేకుంటే అన్ని పనులు బంద్! అసలు మానవ మనుగడే బంద్!! మనిషి బతకాలన్నా, పంట పండాలన్నా, జీవకోటి మనుగడ సాగించాలన్నా నీరే ఆధారం! అది లేకుంటే ? అసలు ఆ మాట తలచుకునేందుకే ధైర్యం చాలదు కదూ? నీటి కోసం గ్రామాలకు గ్రామాలు, జిల్లాలు, రాష్ట్రాలు, దేశాలు కొట్టుకుంటున్నాయంటే కారణం మనుగడ, బ్రతికేందుకు ఆధారం? జీవాధానం. నీటి యుద్ధాలతో దేశాలకు దేశాలకు కొట్టుకున్న దాఖలాలు కూడా లేకపోలేదు. సాధారణంగా నీటికొరత అనేది చాలా ప్రాంతాలలో వుంది. అదీ వేసవి వచ్చిందంటే ఇక చెప్పేదేముంది. స్నేహితులుగా వుండే ఇరుగు పొరుగు వారు కూడా శతృవుల్లా మారిపోతారు. కారణం నీరు.

ప్రాణి మనుగడకు నీరు..
భూమిమీద వృక్షాలు, జంతువులు, మానవాళి మనుగడకు, వాటి పెరుగుదలకు గాలి తరువాత ముఖ్యమైనది నీరు. గ్రామాల్లో, పట్టణాల్లో నివసించే కోట్లాది ప్రజలకు త్రాగునీరు సరఫరా చేయడం ఎన్నో ప్రపంచదేశాలు ఎదుర్కొంటున్న అతిపెద్ద సమస్య. వివిధ పంటల సాగుబడికి నీటి-పారుదల సౌకర్యాలు అత్యంత అవసరమైనవి. ఏ పరిశ్రమ కూడా తగినంత నీటి సరఫరా లేకపోతే స్థాపించడంగాని, నడపడంగాని సాధ్యపడదు. ఇది ప్రకృతి సమస్త జీవులకు ప్రసాదించిన ఒక అపరూపమైన పదార్థము: నీరు ప్రకృతిలో ఉన్న సమస్త జీవులకు ప్రాణాధారము. ప్రప్రథమ జీవి పుట్టుక నీటినోనె జరిగింది. నీరు ఈ భూమండలంపే 71 శాతానికి పైగా ఆవరించి యున్నది. ఈ భూమి పై నీరు మూడు రూపములలో ఉంది. ఘన రూపము. అనగా మంచు గడ్డల రూపంలోను, ద్రవ రూపం వాయు రూపంలో అటే మేఘాలు, ఆవిరి రూపాలలో అన్నమాట. మరి నీరు ప్రాణి మనుగడను సాసిస్తోంది. 

నీటికోసం మైళ్ల దూరం కాలినడక..
నీటికోసం మైళ్లకొద్దీ దూరాలు వెళ్లి తెచ్చుకునే దుస్థితి నేటి కంప్యూటర్ యుగంలో కూడా వుంది అంటే పరిస్థితులు ఎంతటి దారుణంగా వున్నాయో ఊహించుకోవచ్చు..హలో అంటే పొలో మంటు ఇంటి ముంగిట్లో వచ్చి పడిపోయే పదార్ధాలు, వస్తువులు. కానీ వేసవి వచ్చిందంటే మాత్రం లీటరు నీరు రూ.100లు పెట్టి కొనుకునే పరిస్థితులు. బీటలు వారిని నేలమ్మ తల్లి. గంగమ్మ కోసం ఎదురు చూస్తున్న పరిస్థితి. పంటే వేసిన రైతన్న వరుణుడి కోసం ఎదురు చూస్తున్నట్లు..దాహార్తితో కటకటలాడిపోతున్న నేలమ్మను అభిషేకించేందుకు వానమ్మ కానరాని దుర్భర పరిస్థితులు.

వేసవి రాకముందే దేశవ్యాప్తంగా 140 జిల్లాల్లో తీవ్ర కరువు పరిస్థితులు..
నడి వేసవి రాకముందే దేశవ్యాప్తంగా 140 జిల్లాల్లో తీవ్ర కరువు పరిస్థితులు నెలకొన్నాయి. మంచి నీటి కోసం అలమటించే పరిస్థితి ఏర్పడింది. వాతావరణ శాఖ తాజా గణాంకాల ప్రకారం... 404 జిల్లాల్లో గతేడాది అక్టోబర్ తర్వాత వర్షాల్లేకపోవడంతో కరువు పరిస్థితులు కనిపిస్తున్నాయి. ఇందులో 140 జిల్లాల్లో మాత్రం పరిస్థితి మరింత తీవ్రంగా ఉంది. మరో 109 జిల్లాల్లో ఓ మోస్తరు కరువు ఉంది.

156 జిల్లాల్లో మాత్రం స్వల్ప స్థాయిలో కరువు..
156 జిల్లాల్లో మాత్రం స్వల్ప స్థాయిలో కరువు ఉంది. నిజానికి ఏటా చాలా జిల్లాల్లో ఈ పరిస్థితులు వేసవిలో కనిపిస్తూనే ఉంటాయి. కాకపోతే ఈ ఏడాది శీతా కాలంలో అసలు వర్షాలే లేకపోవడంతో పరిస్థితి మరింత తీవ్రరూపం దాల్చింది. ఈ ఏడాది జనవరి, ఫిబ్రవరి నెలల్లో దేశవ్యాప్తంగా 63 శాతం వర్షాభావం ఉంది. గతేడాది ఇదే కాలంతో పోలిస్తే రిజర్వాయర్లలో తక్కువ నీటి లభ్యత కలిగిన రాష్ట్రాల్లో తెలంగాణ, పంజాబ్, జార్ఖండ్, ఒడిశా, గుజరాత్, ఉత్తరప్రదేశ్, చత్తీస్ గఢ్ ఉన్నాయి.

18:43 - March 30, 2018

సిద్దిపేట : కాళేశ్వరం ప్రాజెక్టు తెలంగాణ వరప్రదాయని అని అన్నారు జార్ఖండ్ మాజీ ముఖ్యమంత్రి హేమంత్ సోరెన్. ఆయన ఇవాళ భారీ నీటిపారుదల శాఖ మంత్రి హరీశ్‌రావుతో కలిసి.. మహదేవపూర్ మండలం మేడిగడ్డ బరాజ్‌ను సందర్శించారు. హైదరాబాద్ నుంచి నేరుగా మేడిగడ్డ ప్రాజెక్టు వద్దకు చేరుకుని పనులను పరిశీలించారు. ప్రాజెక్టు పనుల వివరాలను మంత్రి హరీశ్‌రావు, నీటిపారుదల శాఖ అధికారులు సోరెన్‌కు వివరించారు. అనంతరం అక్కడి నుంచి అన్నారం బరాజ్ పనులను కూడా సోరెన్ పరిశీలించారు. 

 

13:15 - March 30, 2018

ఢిల్లీ : సీబీఎస్ఈ ప్రశ్నాపత్రం పేపర్ లీక్ అవ్వటంతో విద్యార్ధులు పలు నగరాలలో ఆందోళన బాట పట్టారు. 1000మందికి పేపర్ లీక్ అయినట్లుగా సమాచారం. దీంతో సీబీఎస్ఈ కార్యాలయం ముందు విద్యార్ధులు ఆందోళన చేపట్టారు. అనంతరం సీబీఎస్ కార్యాలయంలోకి చొచ్చుకెళ్లేందుకు విద్యార్ధులు యత్నించటంతో పోలీసలు అడ్డుకుని వారిపై లాఠీచార్జ్ చేశారు. కాగా ఒకొక్క విద్యార్ధి వద్ద నుండి రూ.35వేలు వసూలు చేసినట్లుగా తెలుస్తోంది. దీనికి సంబంధించి 30మందిని సీబీఐ విచారించింది. సీబీఎస్ పదవ తరగతి గణితం, 12 వ తరగతి అర్థశాస్త్రం ప్రశ్నపత్రాలు సోషల్‌ మీడియా ద్వారా లీక్‌ అవడం దేశవ్యాప్తంగా సంచలనం సృష్టించింది. పేపర్‌ లీక్‌ బయటపడడంతో లీకైన రెండు పేపర్లకు తిరిగి పరీక్ష నిర్వహిస్తామని సిబిఎస్‌ఈ బుధవారం ప్రకటించింది. సిబిఎస్‌సి తీరును నిరసిస్తూ విద్యార్థులు జంతర్‌ మంతర్‌ వద్ద పెద్ద ఎత్తున ఆందోళన చేపట్టారు.కాగా 12వ తరగతి అర్థశాస్త్రం పరీక్ష మార్చి 26న జరగ్గా, టెన్త్‌ గణితం పరీక్ష మార్చి 28న జరిగింది. పరీక్షలకు కొద్ది గంటల ముందుగా పదో తరగతి గణితం, పన్నెండో తరగతి అర్థశాస్త్రం ప్రశ్నాపత్రాలు సోషల్ మీడియా ద్వారా లీక్ అయిన విషయం తెలిసిందే. ప్రశ్నాపత్రం లీక్ తో దేశంలోని పలు నగరాలలో విద్యార్దులు ఆందోళన బాట పట్టారు. జార్ఖండ్ లో ఆరుగురు విద్యార్ధులకు పోలీసులు అరెస్ట్ చేశారు. 

16:32 - February 23, 2018

ఢిల్లీ : పశుగ్రాసం కుంభకోణం కేసులో ఆర్జేడీ చీఫ్ లాలూ ప్రసాద్ యాదవ్ కు చుక్కెదురైంది. దాణా స్కాంలో బెయిల్ ఇచ్చేందుకు జార్ఖండ్ హైకోర్టు నిరాకరించింది. దియోఘర్ ట్రెజరీ నుండి అక్రమంగా నిధులు డ్రా చేసుకున్నారనే కేసులో బెయిల్ ఇవ్వాలని లాలూ చేసుకున్న విజ్ఞప్తిని కోర్టు కొట్టిపారేసింది. ఈ కేసులో సీబీఐ ప్రత్యేక కోర్టు లాలూకు మూడున్నరేళ్లు జైలు శిక్ష విధించిన సంగతి తెలిసిందే. జార్ఖండ్ లో ఐదు, పాట్నాలో ఒక కేసులో లాలూ విచారణ ఎదుర్కొంటున్నారు. దోషిగా తేలిన లాలూ రాంచీలోని జైలులో శిక్ష అనుభవిస్తున్నారు. 

13:13 - December 23, 2017

జార్ఖండ్ : బీహార్ లో ఉత్కంఠ కొనసాగుతోంది. లాలూ ప్రసాద్ యాదవ్ భవితవ్యం ఎలా ఉంటుంది ? ఆయనపై ఎలాంటి తీర్పు వస్తుందోనని ప్రజలు ఎదురు చూస్తున్నారు. ‘దాణా' కుంభకోణంపై శుక్రవారం సీబీఐ స్పెషల్ కోర్టు శివపాల్ సింగ్ న్యాయమూర్తి వెలువరించనున్నారు. లాలూ ప్రసాద్ యాదవ్ భవితవ్యం ఏంటో ఈ కోర్టు తీర్పు నిర్ణయించనుంది.

25 సంవత్సరాల నుండి ఈ కేసు విచారణ జరుగుతోంది. 1991-94 మధ్యకాలంలో దియోగఢ్ (ఇప్పుడు దియోగఢ్ జార్ఖండ్ లో ఉంది) ట్రెజరీ నుండి దాణా కోసం రూ. 89 లక్షలను ఫోర్జరీ సంతకాలు చేసి డ్రా చేసినట్లు లాలూతో పాటు 34 మందిపై కేసులు నమోదు చేశారు. సీబీఐ అధికారులు దీనిపై విచారణ చేపట్టారు. 1997 అక్టోబర్ 27న సీబీఐ ఛార్జీషీట్ దాఖలు చేసింది. విచారణ సమయంలో 11 మంది చనిపోగా ముగ్గురు అప్రూవల్ గా మారిపోయారు. తీర్పు సందర్భంగా లాలూ పలు వ్యాఖ్యలు చేశారు. ఈ కేసుకు తనకు ఎలాంటి సంబంధం లేదని..బీజేపీ కావాలనే తనను టార్గెట్ చేస్తోందని పేర్కొంటున్నారు. మరి లాలూతో పాటు జగన్నాథమిశ్రాలపై ఎలాంటి తీర్పు వస్తుందో వేచి చూడాలి. 

10:31 - December 23, 2017

న్యూఢిల్లీ : మొన్న 2 జి స్కాం తీర్పు వచ్చేసింది..ఆదర్శ్ స్కాంలపై కూడా తీర్పులు వచ్చేశాయి. అందులో నిందితులుగా ఆరోపణలు ఎదుర్కొంటున్న వారికి ఊరట లభించే తీర్పులు వచ్చాయి. తాజాగా 'దాణా' స్కాం పై కూడా తీర్పు రాబోతోంది. ఈ తీర్పు కూడా అదే విధంగా ఉంటుందా ? లేదా ? అనేది కాసేపట్లో తేలనుంది. సీబీఐ స్పెషల్ కోర్టు కాసేపట్లో శివపాల్ సింగ్ న్యాయమూర్తి వెలువరించనున్నారు. లాలూ ప్రసాద్ యాదవ్ భవితవ్యం ఏంటో ఈ తీర్పు నిర్ణయించనుంది.

25 సంవత్సరాల నుండి ఈ కేసు విచారణ జరుగుతోంది. 1991-94 మధ్యకాలంలో దియోగఢ్ (ఇప్పుడు దియోగఢ్ జార్ఖండ్ లో ఉంది) ట్రెజరీ నుండి దాణా కోసం రూ. 89 లక్షలను ఫోర్జరీ సంతకాలు చేసి డ్రా చేసినట్లు లాలూతో పాటు 34 మందిపై కేసులు నమోదు చేశారు. సీబీఐ అధికారులు దీనిపై విచారణ చేపట్టారు. 1997 అక్టోబర్ 27న సీబీఐ ఛార్జీషీట్ దాఖలు చేసింది. విచారణ సమయంలో 11 మంది చనిపోగా ముగ్గురు అప్రూవల్ గా మారిపోయారు. తీర్పు సందర్భంగా లాలూ పలు వ్యాఖ్యలు చేశారు. ఈ కేసుకు తనకు ఎలాంటి సంబంధం లేదని..బీజేపీ కావాలనే తనను టార్గెట్ చేస్తోందని పేర్కొంటున్నారు. మరి లాలూతో పాటు జగన్నాథమిశ్రాలపై ఎలాంటి తీర్పు వస్తుందో వేచి చూడాలి. 

12:55 - December 13, 2017

జార్ఖండ్‌ : బొగ్గు బ్లాక్‌ల కుంభకోణంలో జార్ఖండ్‌ మాజీ సీఎం మధుకోడాకు సీబీఐ ప్రత్యేక కోర్టులో ఎదురుదెబ్బ తగిలింది.  మధుకోడా సహా మరో నలుగురిని దోషులుగా తేల్చింది.  కేంద్ర బొగ్గుగనులశాఖ మాజీ కార్యదర్శి హెచ్‌సీ గుప్తా, జార్ఖండ్‌ ప్రభుత్వ మాజీ కార్యదర్శి అశోక్‌బసు, మరో ప్రభుత్వ అధికారి ఈ కేసులో దోషులుగా నిర్దారించింది.  నలుగురూ నేరపూరిత కుట్రకు పాల్పడినట్టు వెల్లడించింది. వీరికి రేపు శిక్ష ఖరారు చేయనుంది. అయితే ఇదే కేసులో న్యాయస్థానం మరో నలుగురిని నిర్దోషులుగా తేల్చింది. కలకత్తా కేంద్రంగా పనిచేస్తోన్న వినీ ఐరన్‌ అండ్‌ స్టీల్‌ ఉద్యోగ్‌ లిమిటెడ్‌కు జార్ఖండ్‌లోని రాజ్హరా బొగ్గు బ్లాక్‌ కేటాయించడానికి కోడా సహా మిగతా నిందుతులు కలిసి కుట్ర చేశారని సీబీఐ ప్రత్యేక న్యాయస్థానం స్పష్టం చేసింది. 

 

Pages

Don't Miss

Subscribe to RSS - జార్ఖండ్