జీఎస్టీ

09:43 - May 21, 2018

ప్రతిరోజు పెరుగుతున్న పెట్రోల్‌, డీజిల్‌ ధరలు ప్రజలను భయపెడుతున్నాయి. ఇప్పటికే లీటర్ పెట్రోల్ ధర 80 రూపాలయలు దాటేసింది. డీజిల్ సైతం 73రూపాయలకు చేరుకుంది. పెట్రోరేట్ల పెరుగుదలతో .. నిత్యావసరాల ధరలు ఎక్కడ పెరుగుతాయోనని సామాన్యుడు ఆందోళన పడుతున్నాడు. ఎన్నో వస్తువులను జీఎస్టీ పరిధిలోకి తీసుకొచ్చిన కేంద్రం పోట్రోల్, డీజిల్ ధరలను ఎందుకు తీసుకురాలేదనే విమర్శలు వెల్లువెత్తుతున్నాయి. మరోపక్క చూసుకుంటే భారత్ పొరుగు దేశాలైన పాకిస్థాన్ లో లీటర్ పెట్రోలు 41.15,నేపాల్ 61.35, చైనా64.42,బంగ్లాదేశ్ 69.46 గా వుంటే ఆఫ్గానిస్థాన్ లో 41.15,శ్రీలంక 53.72, భారత్ లో మాత్రం రై.80లుగా ఎందుకుంది? దీంట్లో రాష్ట్ర ప్రభుత్వాల మతలబేమిటి? అటు కేంద్రం, ఇటు రాఊ ప్రభుత్వాల విధానాలతో సామాన్యుడు అల్లాడిపోతున్నాడు. ఈ అంశంపై చర్చను చేపట్టింది 10టీవీ..ఈ చర్చలో బీజేపీ నేత విష్ణు, టీడీపీ నేత మన్నెవ సుబ్బారావు, కాంగ్రెస్ అధికార ప్రతినిధి రామశర్మ,సీఐటీయూ ఏపీ రాష్ట్ర అధ్యక్షలు, సీపీఎం రాష్ట్ర కమిటీ సభ్యులు నర్శింగరావు పాల్గొన్నారు. 

07:22 - April 4, 2018

ప్రస్తుతం ఎండాకాలం ఎండల కంటే పెట్రోల్‌ డీజిల్‌ ధరలు మండిపోతున్నాయి. నాలుగేళ్ల గరిష్టానికి పెట్రోల్‌ ధర చేరింది. అంతర్జాతీయ మార్కెట్‌లో క్రూడాయిల్‌ ధర పెరగడమే దీనికి కారణమని పాలకులు చెబుతున్నారు. కానీ పాలకులు చెబుతున్న కారణాలపై సర్వత్రా విమర్శలు వినిపిస్తున్నాయి. అన్నింటికీ జీఎస్టీ వర్తించినప్పుడు.. పెట్రోల్‌, డీజిల్‌కు ఎందుకు వర్తించదని జనం నుంచి బలమైన వాదన వినిపిస్తోంది. అసలు పెట్రోల్‌ డీజిల్‌ ధరలు పెరగడానికి కారణాలేంటి ? తగ్గించడానికి పాలకులు తీసుకోవాల్సిన చర్యలు ఏమిటి ? వీటిని జీఎస్టీ పరిధిలోకి తీసుకురావడానికి కేంద్రానికి ఉన్న అభ్యంతరాలేంటి ? ఈ అంశంపై ప్రముఖ ఆర్థిక విశ్లేషకులు శశికుమార్‌ విశ్లేషించారు. పూర్తి వివరాలకు వీడియో క్లిక్ చేయండి. 

11:58 - March 7, 2018

విశాఖపట్టణం : ప్రముఖ సినీ దర్శకుడు రాంగోపాల్ వర్మ విశాఖకు వస్తున్నారని తెలుసుకున్న మహిళా సంఘాలు ఎయిర్ పోర్టు వద్దకు చేరుకుని నిరసన వ్యక్తం చేశాయి. గత కొద్ది రోజుల కింద 'జీఎస్టీ' పేరిట వర్మ షార్ట్ ఫిల్మ్ ను తీసిన సంగతి తెలిసిందే. ఈ సినిమాపై మహిళా సంఘాలు తీవ్ర అభ్యంతరం వ్యక్తం చేశాయి. తెలంగాణ రాష్ట్రంలో పీఎస్ లో ఫిర్యాదు చేయగా యూ ట్యూబ్ ఛానెల్ లో ఉన్న ఫిల్మ్ ను ఆపుచేయడం..విచారణకు హాజరు కావాలని వర్మకు నోటీసులు జారీ చేసిన సంగతి తెలిసిందే. కానీ ఏపీ రాష్ట్రంలో మాత్రం వర్మపై కేసు నమోదు చేయకపోవడంపై మహిళా సంఘాలు తీవ్ర ఆందోళన చేపట్టాయి. చివరకు ఆయనపై కేసు నమోదు చేశాయి. కానీ మహిళలపై వర్మ అనుచిత వ్యాఖ్యలు చేయడంపై మహిళా సంఘాలు తీవ్ర నిరసన వ్యక్తం చేస్తున్నాయి. మహిళా దినోత్సవం సందర్భంగా విశాఖకు వస్తానని..తాను వచ్చి మహిళలకు సమాధానం చెబుతానని తెలిపారు. దీనితో విశాఖ ఎయిర్ పోర్టుకు మహిళా సంఘాలు చేరుకుని ఆందోళన చేపట్టాయి. పూర్తి వివరాలకు వీడియో క్లిక్ చేయండి. 

18:31 - February 21, 2018

విశాఖపట్టణం : జీఎస్టీ షార్ట్ ఫిల్మ్ తీసిన వర్మ ఎన్నో చిక్కులు ఎదుర్కొంటున్నారు. ఆయన్ను అరెస్టు చేయాల్సిందేనంటూ మహిళా సంఘాలు పిడికిలి బిగిస్తున్నాయి. తెలంగాణ రాష్ట్రంలో కేసును బుక్ చేసినా ఏపీలో మాత్రం అలాంటిదేమి చేయకపోవడం పట్ల మహిళా సంఘాలు కన్నెర్ర చేస్తున్నారు. వర్మపై కేసు నమోదు చేయాల్సిందే..ఆయన్ను అరెస్టు చేయాల్సిందేనంటూ డిమాండ్ చేస్తున్నారు. అందులో భాగంగా ప్రభుత్వ వైఖరిని నిరసిస్తూ విశాఖ జీవీఎంసీ ఎదుట 48గంటల పాటు నిరహార దీక్షకు దిగారు. మరింత సమాచారం కోసం వీడియో క్లిక్ చేయండి. 

15:53 - February 8, 2018

హైదరాబాద్ : ఎప్పుడూ వివాదాల్లో ఉండే 'రాం గోపాల్ వర్మ'కు తెలంగాణ సీసీఎస్ పోలీసులు షాక్ ఇచ్చారు. ‘జీఎస్టీ' సినిమాపై నమోదైన కేసులో ఆయనకు నోటీసులు జారీ చేశారు. కానీ ఆయన సీసీఎస్ ఎదుట హాజరు కాలేదు. సమాచారం తెలుసుకున్న 'వర్మ' పోలీసులకు తన న్యాయవాది ద్వారా సమాచారం అందించారు.

ఇటీవలే 'జీఎస్టీ' షార్ట్ ఫిలింను ఆయన తన యూ ట్యూబ్ లో విడుదల చేసిన సంగతి తెలిసిందే. దీనిపై మహిళా సంఘాలు..మహిళలు తీవ్ర నిరసన వ్యక్తం చేశాయి. సామాజిక కార్యకర్త దేవి ఏకంగా సీసీఎస్ పోలీసులకు ఫిర్యాదు చేశారు. దీనితో 'జీఎస్టీ' షార్ట్ ఫిలింపై పోలీసులు కఠినంగా వ్యవహరిస్తున్నారు. వెబ్ సైట్ నిర్వాహకులతో మాట్లాడి...తెలంగాణలో షార్ట్ ఫిలింను ప్రసారం కాకుండా అడ్డుకున్నారు. దీనిపై సామాజిక కార్యకర్త దేవి ఇచ్చిన ఫిర్యాదుతో పోలీసులు స్పందించారు.

తమ ఎదుట హాజరు కావాలని..వివరణ ఇవ్వాలని పోలీసులు నోటీసుల్లో పేర్కొన్నారు. కానీ విచారణకు హాజరు కాలేనని న్యాయవాది ద్వారా పోలీసులకు సమాచారం అందించారు. ముంబైలో జరుగుతున్న సినిమా షూటింగ్ లో బిజీగా ఉండడమే కారణమని, మళ్లీ నోటీసులు పంపితే వచ్చే వారం హాజరువతానని వర్మ తెలిపారు. దీనిపై టెన్ టివి సామాజిక కార్యకర్త దేవి, ఏపీ మహిళా నేత మణితో మాట్లాడింది. పూర్తి వివరాలకు వీడియో క్లిక్ చేయండి. 

12:15 - January 31, 2018

విజయవాడ : ఏపీ రాష్ట్రంలో ఓ అవినీతి తిమింగలం ఏసీబీకి చిక్కింది. ఉన్నతాధికారులను గుప్పిట్లో పెట్టుకుని కమర్షియల్ ట్యాక్స్ కమిషనర్ లక్ష్మీ ప్రసాద్ నివాసంపై ఏసీబీ అధికారులు బుధవారం తెల్లవారుజామున సోదాలు నిర్వహించారు. ఈ సోదాల్లో భారీగా అక్రమాస్తులు బయటపడ్డాయి. సుమారు రూ. 100 కోట్లకు పైగానే ఆస్తులున్నట్లు ఏసీబీ భావిస్తోంది.

1987లో వాణిజ్య పన్నుల శాఖలో సీటీఓగా లక్ష్మీ ప్రసాద్ పనిచేశారు. ఆర్థిక మంత్రి యనమల రామకృష్ణుడి వద్ద ఓఎస్డీగా పనిచేశారు. 2006-11 మధ్య కమిషనర్ ఆఫీసులో కూడా కీలక బాధ్యతలు నిర్వర్తించారు. కమిషనర్ కార్యాలయంలో విధుల్లో ఉన్న సమయంలోనే ఇతనిపై పలు ఆరోపణలు వచ్చాయి. జీఎస్టీ అనంతరం కమర్షియల్ ట్యాక్స్ కమిషనర్ గా లక్ష్మీ ప్రసాద్ కు పదోన్నతి లభించింది.

సీటీఓ నుండి కమర్షియల్ ట్యాక్స్ కమిషనర్ గా పనిచేసే సమయంలోనే భారీగా అవినీతి అక్రమాలకు పాల్పడినట్లు తెలుస్తోంది. గత కొద్ది రోజులుగా ఏసీబీ అధికారులు ఈ అధికారిపై నిఘా పెట్టినట్లు సమాచారం. పక్కా ఆధారాలు సేకరించిన అనంతరం బుధవారం దాడులు నిర్వహించినట్లు తెలుస్తోంది.

విజయవాడ, గుంటూరు, విశాఖ, శ్రీకాకుళం, హైదరాబాద్ అశోక్ నగర్ లో ఉన్న నివాసాల్లో తనిఖీలు కొనసాగుతున్నాయి. ఏపీ, తెలంగాణ రాష్ట్రంలోని 20 ప్రాంతాల్లో ఈ సోదాలు కొనసాగుతున్నాయి. విశాఖలో -3, గుంటూరులో -3, శ్రీకాకుళంలో -3 చోట్ల ఏసీబీ తనిఖీలు కొనసాగిస్తోంది. శ్రీకాకుళంలోని సోదరుడి నివాసంపై, నర్సన్నపేటలోని బంధువుల ఇళ్లపై దాడులు కొనసాగించారు. సాయంత్రం మీడియా సమావేశంలో అక్రమాస్తుల విలువ..తదితర వివరాలను ఏసీబీ అధికారులు వెల్లడించే అవకాశం ఉంది. 

13:22 - January 25, 2018
06:23 - January 18, 2018

హైదరాబాద్ : పెట్రో ధరలు భగ్గుమంటున్నాయి. చాపకింద నీరులా వినియోగదారుల జేబుకు చిల్లిపెడుతున్నాయి. పెట్రోల్‌, డీజిల్‌ ధరలపై నియంత్రణ ఎత్తివేసి.. రోజువారిగా మార్చు విధానం అమలు చేసినప్పటి నుండి ధరలు పెరుగుతూనే ఉన్నాయి. పైసల్లో తగ్గుతూ.. రూపాయల్లో పెరుగుతూ.. వినియోగ దారులకు చుక్కలు చూపిస్తున్నాయి. బండి బయటికి తీద్దామంటే భయపడే పరిస్థితి నెలకొంది. అంతర్జాతీయ మార్కెట్లో క్రూడ్‌ ఆయిల్‌ ధరలు తగ్గిన సమయంలో కూడా ... దేశీయంగా పెరుగుతూనే ఉన్నాయి. రాష్ట్రాలు ఇష్టం వచ్చినట్లుగా పన్నులు వేస్తూ పోవడంతో ధరలు అమాతం పెరిగిపోతున్నాయి. తెలంగాణ, ఆంధ్రప్రదేశ్‌ రాష్ట్రాల్లో పరిస్థితి మరీ దారుణంగా ఉంది. డీజిల్‌ ధర అయితే దేశంలోనే అత్యధికంగా ఉండడం గమనార్హం.

చమురు సంస్థలు గతంలో ప్రతి 15 రోజులకోసారి పెట్రోల్, డీజిల్‌ల ధరలను సవరించేవి. అలా చేసినప్పుడు ఒక్కోసారి రెండు మూడు రూపాయల వరకు పెంపు ఉండేది. దాంతో ప్రజల్లో వ్యతిరేకత వ్యక్తమయ్యేది. దీంతో ప్రభుత్వం గతేడాది జూన్‌ 16 నుంచి రోజువారీ ధరల సవరణ విధానాన్ని తెరపైకి తెచ్చింది. నామమాత్రంగా తొలి 15 రోజుల పాటు ధరలు తగ్గించగా... ఆ తర్వాతి నుంచి మెల్లమెల్లగా మోత మొదలైంది. హైదరాబాద్‌లో గతేడాది జూలై 16న రూ.67.11గా ఉన్న లీటర్‌ పెట్రోల్‌ ధర ప్రస్తుతం రూ.75.47కు.. డీజిల్‌ ధర రూ.60.67 నుంచి రూ.67.23కు చేరింది. ప్రస్తుతం ఆంధ్రప్రదేశ్‌లోని విజయవాడలో లీటర్‌ పెట్రోల్‌ ధర రూ.76.92కు, డీజిల్‌ ధర రూ.68.79కు చేరాయి.

రెండేళ్ల క్రితం క్రూడ్‌ ఆయిల్‌ ధరలు భారీగా తగ్గినప్పడు.. ధరలను తగ్గించకుండా ప్రభుత్వాలు సొమ్ముచేసుకున్నాయి. గతేడాది నుండి రోజువారీ ధరల సవరణ విధానాన్ని తీసుకొచ్చారు. అప్పటి నుండి పది పన్నెండు పైసలు పెంచడం, నాలుగైదు పైసలు తగ్గించడం చేస్తూ.. మొత్తంగా పెట్రోల్, డీజిల్‌ల ధరలు బాగా పెంచేశారు. ప్రస్తుతం కేంద్ర ప్రభుత్వం ఎక్సైజ్‌ డ్యూటీ కింద ఒక్కో లీటర్‌ పెట్రోల్‌పై ఇరవై ఒక్క రూపాయల నలభై ఎనిమిదిపైసలు.. డీజిల్‌పై పదిహేడు రూపాయల ముప్పైమూడు పైసలు వసూలు చేస్తోంది. ఈ పన్ను తర్వాతి మొత్తం ధరపై రాష్ట్ర ప్రభుత్వాలు వ్యాట్‌ పన్ను మోత మోగిస్తున్నాయి. మొత్తంగా కేంద్ర, రాష్ట్ర ప్రభుత్వాల పన్నులు కలిపి పెట్రోల్‌పై 57 శాతం, డీజిల్‌పై 44 శాతం భారం పడుతున్నట్లు తెలుస్తోంది.

పెట్రోల్‌ ఉత్పత్తుల అమ్మకాలపై వ్యాట్, అదనపు సుంకాల విధింపులో తెలుగు రాష్ట్రాలు దేశంలోనే రెండో స్థానంలో ఉన్నాయి. మహారాష్ట్ర పెట్రోల్‌పై 26 శాతం వ్యాట్‌తో పాటు ప్రతి లీటర్‌పై రూ.9 చొప్పున అదనపు సుంకం వసూలు చేస్తోంది. ఇక ఆంధ్రప్రదేశ్‌లో పెట్రోల్‌పై 31 శాతం వ్యాట్‌కు తోడు ప్రతి లీటర్‌పై రూ.4 అదనపు సుంకం వసూలు చేస్తున్నారు. దీంతో పన్ను 38.82 శాతానికి చేరింది. డీజిల్‌పై 22.25 శాతం పన్ను, ప్రతి లీటర్‌పై రూ.4 సుంకంతో పన్నుశాతం 30.71కి చేరింది. తెలంగాణలో పెట్రోల్‌పై 35.20 శాతం, డీజిల్‌పై 27 శాతం పన్ను వసూలు చేస్తున్నారు. ఢిల్లీలో పెట్రోల్‌పై పన్ను 27 శాతం ఉండగా.. గోవాలో అతి తక్కువగా 17 శాతం మాత్రమే ఉన్నాయి. అంతర్జాతీయంగా నెలకొన్న పరిస్థితులు.. చమురు ఉత్పత్తి దేశాలు క్రూడాయిల్‌ ఉత్పత్తిని తగ్గించాలని నిర్ణయం తీసుకోవడం నేపథ్యంలో.. ధరలు ఎగసిపడుతున్నాయి. ప్రస్తుతం మార్కెట్‌లో ఇండియన్‌ క్రూడ్‌ బ్యారెల్‌ ధర రూ.4,085గా ఉంది. ప్రస్తుతమున్న ధరల్లో దాదాపు సగం మాత్రమే అసలు ధరలుగా ఉండగా.. మిగతాదంతా పన్నుల భారమే.
దేశవ్యాప్తంగా జీఎస్టీ అమల్లోకి వచ్చినా.. పెట్రోలియం ఉత్పత్తులను మాత్రం అందులో చేర్చలేదు. పెట్రోల్‌ ఉత్పత్తులతో భారీగా ఆదాయం వస్తుండడంతో జీఎస్టీ పరిధిలోకి తీసుకురావడంపై రాష్ట్రాలు వ్యతిరేకత వ్యక్తం చేస్తున్నాయి. అదే జీఎస్టీ పరిధిలోకి పెట్రో ఉత్పత్తులను తీసుకువస్తే ద్వంద్వ పన్నుల భారం తగ్గి ధరలు తగ్గే అవకాశాలు ఉన్నాయని విశ్లేషకులు చెబుతున్నారు. 

18:45 - December 19, 2017

ఢిల్లీ : పెట్రోల్ ఉత్పత్తులను జీఎస్టీ పరిధిలోకి చేర్చే విషయాన్ని రాజ్యసభలో కాంగ్రెస్‌ ప్రభుత్వాన్ని ప్రశ్నించింది.  బీజేపీ 19 రాష్ర్టాల్లో అధికారంలో ఉన్నందున... పెట్రోల్‌ను జీఎస్టీ పరిధిలోకి  తెచ్చేందుకు కేంద్రానికి ఉన్న అడ్డంకి ఏంటని కాంగ్రెస్‌ నేత చిదంబంరం ప్రశ్నించారు. దీనికి జైట్లీ సమాధానమిస్తూ...పెట్రోల్ ఉత్పత్తులను జీఎస్టీ పరిధిలోకి చేర్చేందుకు కేంద్ర ప్రభుత్వం సిద్ధంగా ఉందన్నారు. జీఎస్టీ కిందికి పెట్రోల్‌ను తీసుకురావాలంటే రాష్ర్టాలు అంగీకరించాల్సి ఉంటుందని పేర్కొన్నారు. ఈ అంశంపై రాష్ట్రాలు త్వరలో ఏకాభిప్రాయం సాధిస్తాయన్న ఆశాభావాన్ని జైట్లీ వ్యక్తం చేశారు. 

06:33 - November 12, 2017

ఢిల్లీ : జీఎస్టీ స్లాబుల తగ్గింపు నిర్ణయం గుజరాత్‌ ఎన్నికల కోసమే అని సీపీఐ జాతీయ ప్రధాన కార్యదర్శి సురవరం సుధాకర్‌ రెడ్డి విమర్శించారు. అత్యవసరంగా జీఎస్టీ అమలు చేయాల్సిన అవసరం కేంద్రానికి ఎందుకొచ్చిందో దేశప్రజలకు చెప్పాలని ప్రశ్నించారు. ఇప్పటికైనా తప్పుచేశామని అంగీకరించే నైతిక ధైర్యం ఆర్థికమంత్రికి ఉండాలన్నారు. ఈ విషయంలో దేశానికి క్షమాపణ చెప్పాలని ఆయన డిమాండ్‌ చేశారు.  

Pages

Don't Miss

Subscribe to RSS - జీఎస్టీ