జీహెచ్ ఎంసీ

12:56 - November 19, 2017

హైదరాబాద్ : ఘన వ్యర్థాల నిర్వహణకు బల్దియా వినూత్న పద్ధతుల్లో ముందుకు వెళ్తుంది. నగరాన్ని సుందరంగా తీర్చిదిద్దేందుకు కొత్త కొత్త ప్రణాళికలు రూపొందిస్తోంది. తాజాగా అండర్‌ గ్రౌండ్‌ డస్ట్‌ బిన్స్‌ ఏర్పాటు చేయడానికి సిద్ధమవుతుంది.
చెత్త నిర్వహణపై బల్దియా కొత్త ప్రయోగాలు 
హైదరాబాద్‌లో చెత్త నిర్వహణపై బల్దియా కొత్త కొత్త ప్రయోగాలు చేస్తోంది. ఇప్పటికే ఇంటింటికీ చెత్త బుట్టలు పంపిణీ చేయడంతో పాటు.. ప్రతి ఇంటి నుంచి చెత్త సేకరించేందుకు ఆటో టిప్పర్లను వినియోగిస్తోంది. ఇప్పుడు భూగర్భంలో  డస్ట్ బిన్‌లను ఏర్పాటు చేయడం ద్వారా మరో వినూత్న విధానాన్ని ఇంట్రడ్యూస్‌ చేయడానికి సిద్ధమైంది.  
రోడ్లపై డస్ట్‌ బిన్‌ల విధానానికి స్వస్తీ
రోడ్లపైనే డస్ట్‌ బిన్‌లు ఉండే  విధానానికి బల్దియా స్వస్తి చెప్పనుంది. అండర్‌ గ్రౌండ్‌లో డస్ట్‌ బిన్‌లు ఏర్పాటుకు జీహెచ్‌ఎంసీ స్టాండింగ్‌ కౌన్సిల్‌ ఆమోదం తెలిపింది. ఈ విధానంలో ఒకటిన్నర టన్నుల సామర్థ్యం గల డస్ట్‌ బిన్‌లను భూమిలో గొయ్యి తీసి అమరుస్తారు. ఉపరితలంపైకి కనిపించేలా అందమైన ఆకృతుల్లో రూపొందించిన  పెద్ద గొట్టాలను బయటికి ఏర్పాటు చేస్తారు. ఈ అండర్‌ గ్రౌండ్‌ డస్ట్‌ బిన్‌లో చెత్త నిండిపోయిన విషయం కూడా ఆటోమేటిక్‌గా తెలుస్తోంది. చెత్త నిండిన వెంటనే గార్బెజ్‌ కలెక్షన్‌ వాహనాలు అండర్ గ్రౌండ్‌ డస్ట్‌ బిన్‌లను ఖాళీ చేయడం లేదా వాటిని పూర్తిగా ట్రాన్స్‌ఫర్‌ కేంద్రానికి తీసుకెళ్లి అదే స్థానంలో మరో బిన్‌ ఏర్పాటు చేయడం జరుగుతుంది.  
కార్పొరేట్‌ సామాజిక బాధ్యత నిధులతో డస్ట్‌ బిన్‌ల ఏర్పాటు
తొలుత జూబ్లీహిల్స్‌, ఖైరతాబాద్‌ సర్కిళ్లలో.. చార్మినార్‌, జూపార్క్‌ల వద్ద  ఈ డస్ట్‌ బిన్‌లను పెట్టేందుకు అధికారులు ప్లాన్‌ చేస్తున్నారు. కార్పొరేట్‌ సామాజిక బాధ్యత నిధులతో ఈ డస్ట్‌ బిన్‌లను ఏర్పాటు చేయనున్నారు. అండర్‌ గ్రౌండ్స్‌ డస్ట్‌ బిన్స్‌ ఉన్న..  అక్కడి పరిసరాలు పరిశుభ్రంగా ఉంటాయని.. నగర బ్యూటిఫికేషన్‌ కూడా దెబ్బతినకుండా  ఉంటుందని అధికారులు భావిస్తున్నారు. 

 

20:40 - September 16, 2017
16:04 - September 1, 2017

హైదరాబాద్ : విధి నిర్వహణలో మృతి చెందిన జీహెచ్‌ఎంసీ హార్టీ కల్చర్‌ విభాగం కార్మికుడు సమ్మయ్య కుటుంబానికి న్యాయం చేయాలని డిమాండ్‌ చేస్తూ  కార్మికులు ఆందోళనకు దిగారు. గణేశ్‌ నిమజ్జనం కోసం జామై ఉస్మానియా వద్ద రోడ్డుకు అడ్డంగా ఉన్న చెట్లను నరికేందుకు వాటర్‌ ట్యాంక్‌ ఎక్కిన సమ్మయ్య ప్రమాదవశాత్తు జారిపడిపోయి మృతి చెందాడు. ఎటువంటి ముందు జాగ్రత్త చర్యలు తీసుకోకుండా వాటర్‌ ట్యాంకు ఎక్కి చెట్లు నరకాలని అధికారులు ఆదేశించడంతో సమ్మయ్య చనిపోయాడని  కార్మికులు ఆరోపిస్తున్నారు. సమ్మయ్య మృతితో పెద్దదిక్కు కోల్పోయామని, అధికారులు తమను ఆదుకోవాలని కుటుంబ సభ్యులు కోరుతున్నారు. 

 

15:37 - September 1, 2017

హైదరాబాద్ : గ్రేటర్ పరిధిలో విధుల్లో మృతిచెందిన జీహెచ్ ఎంసీ కార్మికుడి కుటుంబాన్ని ఆదుకోవాలంటూ తోటి కార్మికులు ఆందోళనకు దిగారు. గురువారం ఓయూ పరిధిలో కార్మికుడు సమ్మయ్య చెట్లు నరుకుతూ చనిపోయాడు. దీంతో మృతుని కుటుంబానికి న్యాయం చేయాలంటూ కార్మికులు, బంధువులు ఆందోళనకు దిగారు. ఈ సందర్భంగా కార్మికులు మాట్లాడుతూ అధికారులకు కనీసం మానవత్వం లేదని మండిపడ్డారు. సమ్మయ్య మృతదేహం వద్దకు జీహెచ్ ఎంసీ కమిషనర్, అదనపు కమిషనర్ రాలేదన్నారు. సమ్మయ్య కుటుంబానికి రూ.25 లక్షల ఎక్స్ గ్రేషియా ఇవ్వాలన్నారు.
అతని కుటుంబంలో ఒకరికి ప్రభుత్వ ఉద్యోగం ఇవ్వాలని డిమాండ్ చేశారు. కార్మికుడి మృతికి కారణమైన అధికారులపై క్రిమినల్ కేసులు పెట్టాలని డిమాండ్ చేశారు. మరిన్ని వివరాలను వీడియోలో చూద్దాం...

21:27 - August 29, 2017

హైదరాబాద్ : జీహెచ్ ఎంసీలో అదనపు కమిషనర్ జయరాజ్ కెనడీ ఏఎంసీని దుర్భాషలాడారు. చెప్పుతో కొడతానని కింది స్థాయి అధికారిని తిట్టడంపై ఉద్యోగ సంఘాలు ఆందోళన వ్యక్తం చేశారు. ఉద్యోగులు కెనడీ దిష్టిబొమ్మను దహనం చేశారు. చర్యలు తీసుకోవాలని కమిషనర్ కు ఉద్యోగ సంఘాల నేతలు ఫిర్యాదు చేశారు. వెంటనే కెనడీపై చర్యలు తీసుకోకపోతే పోరాటం ఉధృతం చేస్తామని హెచ్చరించారు. 

17:35 - August 26, 2017
12:37 - August 25, 2017

హైదరాబాద్‌ : నగరంలో మట్టి వినాయక విగ్రహాల పంపిణీ ఊపందుకుంది. జీహెచ్‌ఎంసీ ఈ ఏడాది 2 లక్షల మట్టి విగ్రహాలను పంపిణీ చేస్తోంది. వివిధ సంస్థలు పెద్ద ఎత్తున మట్టి విగ్రహాల పంపిణీ కార్యక్రమాలు చేపట్టాయి. ఇందిరా పార్క్‌ వద్ద ఎమరాల్డ్‌ ఆధ్వర్యంలో..  మట్టి విగ్రహాలను జీహెచ్‌ఎంసీ మేయర్‌ సతీమణి శ్రీదేవి.. స్థానిక కార్పొరేటర్లతో కలిసి పంపిణీ చేశారు. పర్యావరణాన్ని కాలుష్యం చేసే ప్లాస్టర్‌ ఆఫ్‌ పారిస్‌తో చేసిన విగ్రహాలను కాకుండా.. మట్టి విగ్రహాలను పూజించాలని పిలుపునిచ్చారు. 

 

19:21 - August 20, 2017

హైదరాబాద్ : వర్షాకాలం కావడంతో గ్రేటర్‌లో రోడ్ల డ్యామేజీని కంట్రోల్‌ చేయడంపై జీహెచ్ ఎంసీ దృష్టి పెట్టింది. ఇప్పటికే రోడ్ల తవ్వకాలపై నిషేధం విధించిన బల్దియా..రోడ్లపై నీరు వదులుతున్న వారిపై భారీగా చలాన్లు వేస్తున్నారు. వర్షం నీరు మెట్రో పిల్లర్లపై నుంచి రోడ్డుపై పడటంపై జీహెచ్ ఎంసీ ఫోకస్‌ చేసింది.

గ్రేటర్‌లో రోడ్లను కాపాడుకునేందుకు జీహెచ్ ఎంసీ సిద్ధమైంది. వర్షాకాలం కావడంతో చిన్నపాటి వర్షానికే రోడ్లు నీటికుంటను తలపిస్తున్నాయి. రెండు రోజులు ఏకధాటిగా వర్షం కురిస్తే చాలు రోడ్లన్నీ గుంతల్లా మారుతున్నాయి. వర్షం కురిసినప్పుడు రోడ్లపై నీరు పారుతుంటే అక్కడి రోడ్డు దెబ్బతింటుంది. ఇక రోడ్డు మధ్యలో నిర్మితమవుతోన్న మెట్రో వయోడక్టు నుంచి భారీగా నీరు రోడ్లపై పడుతోంది. కొంత ఎత్తునుండి ఈ నీరు రోడ్లపై పడటంతో రోడ్లు త్వరగా పాడవుతున్నాయి. వయోడక్టుకు ఉన్న రంద్రాల గుండా వర్షం నీరు రోడ్డుపై పడటంతో రోడ్లపై వెళ్లే వాహనదారులు కూడా తీవ్ర ఇబ్బందులు పడుతున్నారు.

మెట్రో పిల్లర్‌పై నుంచి పడే వర్షం నీటితో.. రోడ్లు డ్యామేజి అవుతున్నాయి. అయితే రోడ్ల డ్యామేజీ కంట్రోలింగ్‌పై దృష్టి పెట్టిన జీహెచ్ ఎంసీ వర్షం నీటిని రోడ్లపైకి రాకుండా తగిన చర్యలు తీసుకోవాలంటూ మెట్రో రైల్‌ అధికారులకు లేఖ రాసింది. వయోడక్టుపై నుంచి కాని, పైపుల ద్వారా కాని రోడ్లపై వర్షం నీరు రాకుండా చూడాలని బల్దియా ఆదేశించింది. 

గ్రేటర్‌లో అన్ని విభాగాల మధ్య సమన్వయంగా సమావేశాలు జరుగుతున్నప్పటికీ, ఆయా విభాగాలు కోఆర్డినేషన్‌తో పని చేయడంలేదనే ఆరోపణలున్నాయి. దాంతో ఒకరు రోడ్డు నిర్మాణ పనులు చేపడితే, మరొకరు రోడ్లను తవ్వే పనిలో ఉన్నారు. ఇలా అధికారుల మధ్య సఖ్యత లేక... రోడ్డు డ్యామేజికి కారణమవుతున్నా మెట్రో పద్దతులను ఆపే ప్రయత్నం చేయలేదు. ఇప్పుడిప్పుడే స్పందించిన అధికారులు రోడ్డు డ్యామేజిని కంట్రోల్‌ చేసే పనిలో ఉన్నారు. 

15:52 - August 19, 2017

హైదరాబాద్ : జీహెచ్ ఎంసీ కార్పొరేటర్లపై తెలంగాణ సీఎం కేసీఆర్ గుర్రుగా ఉన్నారు.. ..   అవినీతి పనులు చేస్తూ పార్టీ పరువు తీయొద్దని హెచ్చరించారు.. అప్పటికీ మార్పు రాకపోతే పార్టీ నుంచి సస్పెండ్ చేయాలని ఆదేశాలు కూడా ఇచ్చినట్లు సమాచారం.
చిక్కుల్లో టీ.ప్రభుత్వం 
గ్రేటర్  హైదరాబాద్‌లో టీఆర్ ఎస్ కార్పొరేటర్ల అవినీతి పనులు ప్రభుత్వాన్ని చిక్కుల్లో పడేస్తున్నాయి.. వ్యక్తిగత పైరవీలతో సర్కారుకు చెడ్డపేరు తెస్తున్నారు గ్రేటర్‌ నేతలు..... ముఖ్యంగా శివారు ప్రాంతాల నేతలతీరు మరిన్ని సమస్యలు తెచ్చిపెడుతోంది.. కొత్త భవనం నిర్మాణం ప్రారంభిస్తే చాలు...  భారీగా డబ్బు డిమాండ్ చేస్తున్నారు.. ఇవ్వకపోతే అనుమతులు ఎలా వస్తాయో చూస్తామంటూ బెదిరిస్తున్నారంటూ ఆరోపణలొస్తున్నాయి.... 
కార్పొరేటర్ల తీరుపై వరుసగా ఫిర్యాదులు
ఇక ఈ మధ్యే ఓ కార్పొరేటర్‌ జీహెచ్‌ఎంసీ అధికారిక వాట్సప్‌ గ్రూప్‌లో నీలి చిత్రాలను ఉంచారు.. 
ఇది వివాదాస్పదం కావడంతో కార్పొరేటర్‌ సంజాయిషీ కూడా ఇచ్చుకున్నారు.. కార్పొరేటర్లు ఇలాంటి పనులతో పార్టీ పరువు బజారున పడుతోంది.. ఇలా వరుసగా కార్పొరేటర్ల తీరుపై వస్తున్న 
ఫిర్యాదులతో సీఎం కేసీఆర్‌  సీరియస్‌ అయ్యారు.. గ్రేటర్‌ ప్రజలు ఎంతో నమ్మకంతో ఓట్లువేస్తే  కార్పొరేటర్లు ఇలాంటి పనులు చేస్తూ పార్టీని అభాసు పాలు చేస్తున్నారని ఆగ్రహం వ్యక్తం చేసినట్లు తెలుస్తోంది.. 
కార్పొరేటర్ల తీరును ప్రస్తావించిన సీఎం 
గ్రేటర్ పరిధిలోని ఇద్దరు ఎమ్మెల్యేలు తమ నియోజకవర్గంలో అభివృద్ధి పనుల ప్రారంభోత్సవాలకు రావాలంటూ సీఎంను ఆహ్వానించారు.. దీనిపై స్పందించిన సీఎం కార్పొరేటర్ల తీరు విషయం ప్రస్తావించినట్లు సమాచారం.. పార్టీకి, ప్రభుత్వానికి చెడ్డపేరు తెచ్చేలా కార్పొరేటర్లు వ్యవహరిస్తే వారిని వెంటనే సస్పెండ్‌ చేయాలని ఆదేశాలిచ్చారని ప్రచారం జరుగుతోంది.. గ్రేటర్లో పరిస్థితి మారే వరకు తాను జీహెచ్ ఎంసీ ఆహ్వానించే కార్యక్రమాలకు హాజరుకానని సిఎం స్పష్టం చేసినట్లు పార్టీ నేతలు చెబుతున్నారు. గ్రేటర్ నేతల అసలు రూపం తెలుసుకున్న కెసిఆర్ భీష్మ ప్రతిజ్ఙ చేసినా.......... ఆ లీడర్ల తీరు మారడం కష్టమేనన్న అభిప్రాయం   వ్యక్తమవుతోంది.

 

16:10 - August 18, 2017

హైదరాబాద్ : జీహెచ్ ఎంసీ ప్రధాన కార్యాలయానికి లోధా బాధితులు చేరుకున్నారు. లోధా బిల్డర్ తమని మోసం చేశారని బాధితులు అంటున్నారు. న్యాయం చేయాలని లోధా బెల్లజా, లోధా మెరిడియన్ సంక్షేమ సంఘాల ప్రతినిధులు కమిషనర్ ను కలిశారు. మరిన్ని వివరాలను వీడియోలో చూద్దాం...

Pages

Don't Miss

Subscribe to RSS - జీహెచ్ ఎంసీ