జూబ్లీహిల్స్

20:12 - July 8, 2017
16:37 - June 22, 2017

హైదరాబాద్: నగరంలోని జూబ్లీహిల్స్‌లో రూ. 7 కోట్ల పాత నోట్లను టాస్క్ ఫోర్స్ పోలీసులు పట్టుకున్నారు. దీనికి సంబంధించి రవి, శ్రీనివాస్ అనే ఇద్దరిని అదుపులోకి తీసుకున్నారు. గతంలో శ్రీనివాస్ డ్రగ్స్ కేసులో అరెస్ట్ జైలుకు వెళ్లి వచ్చాడు. అయితే శ్రీనివాస్ నటి జీవిత తమ్ముడు అని మీడియాలో వార్తలు హల్ చల్ చేస్తున్నాయి. దీనిపై స్పందించిన జీవిత '10టివి'తో మాట్లాడుతూ.. మాకూ శ్రీనివాస్ కు ఎలాంటి సంబంధం లేదని తేల్చి చెప్పారు. మా బ్రెదర్ శ్రీనివాస్ అపోలో చికిత్స పొందుతున్నాడని పేర్కొన్నారు. రద్దయిన నోట్ల తో పట్టుబడిన శ్రీనివాస్ మాసినిమా మేనేజర్స్ లో ఒకరని తెలిపారు. అయితే మాకూ అతనికి ఎలాంటి సంబంధం లేదని, ఇంతా మీడియా సృష్టేనని, మీడియాలో వార్తను ప్రచురించేటపుడు వివరణ తీసుకుంటే బాగుండేదని ఆవేదన వ్యక్తం చేశారు.

15:43 - June 22, 2017

హైదరాబాద్: రద్దైన పెద్దనోట్ల మార్పిడి ఇంకా కొనసాగుతూనే ఉంది. తాజాగా హైదరాబాద్‌ నగరంలోని జూబ్లీహిల్స్‌లో పెద్ద ఎత్తున రద్దైన పాత కరెన్సీ నోట్లు పట్టుబడ్డాయి. పెద్ద మొత్తంలో నోట్ల మార్పిడి జరుగుతోందనే సమాచారంతో రంగంలోకి దిగిన పోలీసులు..ఇద్దరు వ్యక్తులను అదుపులోకి తీసుకున్నారు. జూబ్లీహిల్స్‌ పీఎస్‌ పరిధిలో శ్రీనివాస్‌ ఎంటర్‌ ప్రైజెస్‌ పేరుతో కంపెనీ నడుపుతున్న శ్రీనివాస్‌తో పాటు రవి అనే మరో వ్యక్తిని సెంట్రల్‌ జోన్‌ టాస్క్‌ఫోర్స్‌ పోలీసులు అరెస్ట్‌ చేశారు. వారి వద్ద నుంచి 7 కోట్ల రద్దైన పాతనోట్లను స్వాధీనం చేసుకున్నారు. అదుపులోకి తీసుకున్న వారిలో ఒకరు సినీనటి జీవితా రాజశేఖర్‌కు సమీప బంధువుగా తెలుస్తోంది. ఈ అంశంలో దీంట్లో సినీనటి జీవిత ప్రమేయం ఉందా అనే కోణంలో పోలీసులు దృష్టి సారించారు. ఇంత పెద్ద మొత్తంలో డబ్బు ఎక్కడి నుంచి వచ్చిందనే కోణంలో దర్యాప్తు చేస్తున్నారు. 

08:27 - May 31, 2017

హైదరాబాద్ : దాసరి నివాసం వద్ద విషాద ఛాయలు అలుముకున్నాయి. కిమ్స్ ఆసుపత్రిలో చికిత్స పొందుతూ ప్రముఖ దర్శకులు దాసరి నారాయణ రావు మంగళవారం సాయంత్రం కన్నుమూసిన సంగతి తెలిసిందే. ఈ వార్త తెలిసిన సిని పరిశ్రమ తీవ్ర దిగ్ర్భాంతికి గురైంది. పలువురు సినీ, రాజకీయ నేతలు సంతాపం ప్రకటించారు. కిమ్స్ ఆసుపత్రి నుండి బంజారాహిల్స్ లోని ఆయన నివాసానికి దాసరి పార్థీవ దేహాన్ని తరలించారు. మంగళవారం రాత్రి చాలామంది సినీ ప్రముఖులు, రాజకీయ నేతలు నివాళులర్పించారు. బుధవారం ఉదయం అభిమానులు ఆయన నివాసానికి తరలివచ్చి ఘనంగా నివాళులర్పిస్తున్నారు. ఈ సందర్భంగా నివాళులర్పించేందుకు వచ్చే వారికి ఎలాంటి అసౌకర్యం కలుగకుండా ఉండేందుకు అధికారులు, పోలీసులు పలు ఏర్పాట్లు చేశారు. ఇండ్రస్ట్రీ దురదృష్టమని ప్రముఖ దర్శకులు కోడి రామకృష్ణ టెన్ టివితో పేర్కొన్నారు. పలువురు అభిమానులు దాసరితో తమకున్న అనుబంధాన్ని జ్ఞాపకం చేసుకున్నారు.

06:36 - May 10, 2017

హైదరాబాద్: నగరంలో జరిగిన రోడ్డు ప్రమాదంలో ఏపీ మంత్రి నారాయణ కుమారుడు నిషిత్‌ నారాయణతో పాటు మరోవ్యక్తి మృతిచెందారు. స్నేహితుడు రాజా రవివర్మతో కలిసి నిషిత్ బెంజ్ కారులో వెళ్తుండగా, జూబ్లీహిల్స్ రోడ్డు నెం.36లో వీరి వాహనం మెట్రో పిల్లర్ ను ఢీకొట్టింది. ఈ ప్రమాదంలో నిషిత్ నారాయణతో పాటు ఆయన స్నేహితుడు రాజా రవివర్మ మృతిచెందాడు. నిషిత్ ప్రయాణించిన బెంజ్ కారు నెంబర్ టీఎస్ 07 ఎఫ్‌కే 7117 అని సమాచారం. ఈ ఏడాదే నారాయణ గ్రూప్స్ డైరెక్టర్‌గా నిషిత్ బాధ్యతలు చేపట్టారు. మరోవైపు నిషిత్ తండ్రి ఏపీ మంత్రి నారాయణ ప్రస్తుతం లండన్ పర్యటనలో ఉన్నారు. మితిమీరిన వేగమే ఈ ప్రమాదానికి కారణమని పోలీసులు ప్రాధమిక సమాచారం.

15:06 - May 4, 2017

హైదరాబాద్: తెలంగాణ పోలీసులపై అభ్యంతరకర వ్యాఖ్యలు చేశారని కాంగ్రెస్‌ నేత దిగ్విజయ్‌సింగ్‌పై జూబ్లీహిల్స్‌ పోలీస్‌స్టేషన్‌లో కేసు నమోదైంది. టీఆర్‌ఎస్‌ నేతల ఫిర్యాదు మేరకు.. న్యాయ నిపుణుల సలహాలు తీసుకున్న పోలీసులు.. ఐపీసీ 505 (1), 505(2) సెక్షన్ల ప్రకారం కేసు నమోదు చేశారు.

17:45 - March 20, 2017

హైదరాబాద్‌: యూసుఫ్‌గూడలోని ఓ అపార్టుమెంట్‌ వద్ద దొరికిన డ్రైవర్ నాగరాజు డెడ్‌బాడీ కేసులో పురోగతి సాధించారు పోలీసులు.. పక్కా ప్లాన్‌ ప్రకారమే నాగరాజును అంతం చేసిన ఐఏఎస్‌ అధికారి వెంకటేశ్వర్‌రావు పుత్రరత్నం వెంకట్‌ సుకృత్‌ బయటపడకుండా జాగ్రత్త పడ్డాడు..సీసీ ఫుటేజీలు..ఇతర ఆధారాలు దొరికిన తర్వాత పోలీసులు సుకృత్‌ను అదుపులోకి తీసుకున్నారు...ఈ కేసులో కొడుకుకి సాయం చేసినందుకు వెంకటేశ్వర్‌రావును కూడా అదుపులోకి తీసుకుని విచారిస్తున్నారు పోలీసులు....

ఆలస్యంగా వెలుగులోకి ఘటన..

17న ఐఏఎస్‌ అధికారి వెంకటేశ్వర్‌రావు వద్ద డ్రైవర్‌గా పనిచేస్తున్న నాగరాజు డ్యూటీ వెళ్లి ఇంటికి రాలేదు.. మధ్యలో భార్య ఫోన్ చేస్తే స్విచ్చాఫ్‌ రాగా..ఆ తర్వాత తానే ఫోన్ చేసి సారు వద్ద ఉన్నానని చెప్పాడు..ఆ తర్వాత తిరిగి రాలేదు...ఇదిలా ఉంటే అదే అర్ధరాత్రి నాగరాజు ఓ యువకుడితో కలసి యూసుఫ్‌గూడలోని సాయికల్యాణ్‌ అపార్ట్‌మెంట్‌ పైకి వెళ్లాడు...ఆ తర్వాత ఎవరూ చూడలేదు.. మర్నాడు ఉదయం అదే యువకుడు అపార్ట్‌మెంట్‌పైకి వెళ్లి ఓ మూటను తరలించేయత్నం చేయగా వృద్దుడు ప్రశ్నించడంతో అక్కడే వదిలేసి వెళ్లాడు...తీరా అది విప్పిచూస్తే అందులో డెడ్‌బాడీ ఉంది....

హత్యకు గురయింది డ్రైవర్ నాగరాజు..

కేసు నమోదు చేసిన పోలీసులు లోతుగా పరిశోధిస్తే వివరాలు బయటపడ్డాయి...సీసీ ఫుటేజీ పరిశీలించగా అందులో ఉన్న యువకుడు ఐఏఎస్‌ వెంకటేశ్వర్‌రావు కొడుకు వెంకట్‌ సుకృత్‌గా గుర్తించారు..నాగరాజును దారుణంగా చంపి మూటగట్టి తరలించే ప్రయత్నం చేసినట్లు తేలడంతో పోలీసులు అదుపులోకి తీసుకున్నారు...

ఐఏఎస్‌ కొడుకు మహిళను చిత్రహింసలు చేశాడా..?

డ్రైవర్ నాగరాజును ఎందుకు హత్య చేశాడన్నది అనుమానం...పోలీసుల దర్యాప్తు చేస్తుంటే తెలిసిన విషయాలను బట్టి చూస్తే వెంకట్‌ సుకృత్‌ తీరే బాగోలేదని తెలుస్తోంది...కొద్ది రోజులు క్రితమే వెంకట్ ఓ మహిళను తీసుకొచ్చి ఆమెని చిత్ర హింసలకు గురి చేశాడు .. అయితే సమయం లో ఆమ్మాయిని వేదిస్తున్న దృశ్యాలు ను డ్రైవర్ నాగరాజు సెల్ ఫోన్ లో చిత్రికారించాడా ? ఆ భయం తోనే నాగరాజు ను హత్యకు కారణామా ? లేక నాగరాజు భార్యపై వెంకట్ కన్నేశాడా..? ఇలా ఎన్నో అనుమానాలు కలుగుతుండడంతో అసలు కథ తెలుసుకునేందుకు పోలీసులు దర్యాప్తు వేగం చేశారు... ఈ హత్య కేసులో ఐఏఎస్ కుమారుడు నిందితుడుగా ఉండడంతో తప్పించే ప్రయత్నాలు చేస్తున్నారని బాధిత కుటుంబం ఆందోళన చేసింది...అయితే కేసులో అన్ని కోణాల్లో దర్యాప్తు చేసి పూర్తి స్థాయిలో శిక్ష పడేలా వ్యవహరిస్తామని పోలీసు అధికారులు చెప్పారు...మూడు కోణాల్లో దర్యాప్తు చేయాల్సి ఉందంటున్నారు పోలీసులు...నాగరాజు , వెంకట్ సుకృత్‌ కాల్‌డేటాను పోలీసులు పరిశీలిస్తున్నారు.

06:29 - February 28, 2017

హైదరాబాద్ : అమెరికాలోని కేన్సస్‌లో జరిగిన జాత్యహంకార దాడిలో ప్రాణాలు కోల్పోయిన కూచిభొట్ల శ్రీనివాస్‌ మృతదేహం హైదరాబాద్‌ చేరుకుంది. ప్రత్యేక విమానంలో అమెరికా నుంచి శంషాబాద్‌ విమానాశ్రయానికి చేరుకున్న శ్రీనివాస్‌ మృతదేహాన్ని అధికారులు ఆయన కుటుంబ సభ్యులకు అప్పగించారు. శ్రీనివాస్‌ భార్య సునయనతో పాటు ఆయన సోదరుడు, సోదరుడి భార్య , మరో మిత్రుడు మృతదేహాంతో పాటు కార్గో విమానంలో హైదరాబాద్‌ చేరుకున్నారు. తెలంగాణ ప్రభుత్వం తరుపున రవాణ శాఖ మంత్రి మహేందర్‌రెడ్డి శ్రీనివాస్‌ మృతదేహంపై పుష్ఫగుచ్చాలు ఉంచి నివాళులు అర్పించారు. కుటుంబ సభ్యులకు సానుభూతి తెలిపారు. ఆ తర్వాత విమానాశ్రయం నుంచి నేరుగా బాచుపల్లిలోని శ్రీనివాస్‌ నివాసానికి మృతదేహాన్ని ప్రత్యేక వాహనంలో తరలించారు. శ్రీనివాస్‌ మృతదేహాన్ని చూసిన తల్లిదండ్రులు, కుటుంబ సభ్యులు బోరున విలపించారు. ఇవాళ ఉదయం 11.30 గంటలకు జూబ్లీహిల్స్‌లోని మహాప్రస్తానంలో శ్రీనివాస్‌ అంత్యక్రియలు జరుగనున్నాయి.

07:50 - February 26, 2017

హైదరాబాద్ : మద్యం తాగి వాహనాలు నడపవద్దూ..నడిపితే కఠిన చర్యలు తీసుకుంటాం..అంటూ నగర పోలీసులు పలు హెచ్చరికలు చేస్తూనే ఉన్నారు. కానీ మద్యం తాగుతూ పలువురు పట్టుబడడం కామన్ అయిపోయింది. ఇందులో పలువురు మహిళలు పట్టుబడుతుండడం గమనార్హం. తాజాగా శనివారం రాత్రి జూబ్లీహిల్స్ రోడ్ నెంబర్ 10లో పోలీసులు డ్రంక్ అండ్ డ్రైవ్ నిర్వహించారు. బ్రీత్ ఎనలైజర్ టెస్ట్ కు ఓ మహిళ నిరాకరించింది. మహిళతో పాటు మద్యం సేవించిన పలువురిపై కేసు నమోదు చేశారు. 12 వాహనాలను పోలీసులు సీజ్ చేశారు.

11:57 - February 17, 2017

హైదరాబాద్: తెలంగాణ సీఎం కేసీఆర్ జన్మదినం సందర్భంగా మంత్రి తలసాని శ్రీనివాస్‌ యాదవ్‌ జూబ్లీహిల్స్‌లోని పెద్దమ్మగుడిలో ప్రత్యేక పూజలు నిర్వహించారు. పెద్దమ్మతల్లి దీవెనలతో కేసీఆర్‌ నిండు నూరేళ్లు జీవించాలని తలసాని అన్నారు.

Pages

Don't Miss

Subscribe to RSS - జూబ్లీహిల్స్