జేసీ దివాకర్ రెడ్డి

21:49 - September 21, 2018

అనంతపురం : వినాయక చవితి సందర్భంగా రాజుకున్న అనంతపురం జిల్లా రగడ చిలికి చిలికి గాలివానగా మారుతోంది. సీఐ మాధవ్, ఎంపీ జేసీ దివాకర్ రెడ్డిల మధ్య నెలకొన్న గొడవ నువ్వా? నేనా? అన్నట్లుగా రాజుకుంటోంది. సాధారణంగానే జేసీ ఫైర్ బ్రాండ్. దానికి తోడు ఇగో హర్ట్ అయ్యింది. ఇక ఇంకేముంది. ఇద్దరి మధ్య మాటల తూటాలు పేలుతున్నాయి. ఇరువురు సై అంటే సై అంటున్నారు. టంగ్ స్లిప్ అయితే నాలుక కోస్తా అని సీఐ మాధవ్ అంటే ఎక్కడికి రావాలో చెప్పు అంటూ జేసీ దివాకర్ రెడ్డి సవాల్ విసురుతున్నారు. అక్కడితో ఆగని జేసీ తాజాగా సీఐ మాధవ్‌పై తాడిపత్రి పోలీస్‌స్టేషన్‌లో ఫిర్యాదు చేశారు. ఎంపీ, ఎమ్మెల్యేల నాలుకలు కోస్తానన్న వ్యాఖ్యలను జేసీ ఫిర్యాదులో పేర్కొన్నారు. దివాకర్‌రెడ్డి ఫిర్యాదు నేపథ్యంలో తాడిపత్రి పోలీస్‌ స్టేషన్‌ ఎదుట పోలీసు బందోబస్తు ఏర్పాటు చేశారు.
కాగా ప్రభోదానంద ఆశ్రమ వివాదంలో దివాకర్‌ రెడ్డి పోలీసులపై ఆగ్రహం వ్యక్తం చేశారు. సిగ్గులేని పోలీసులు, నిర్వీర్యమైన వ్యవస్థ, ఉన్నట్టా చచ్చిపోయినట్లా అంటూ మండిపడ్డారు. మీరు ఇంతే అట్టు పోలీసుల ముందు హిజ్రాలతో నృత్యాలు చేయించారు. జేసీ వ్యాఖ్యలు చేష్టలతో పోలీసులు అధికారులు సంక్షేమ సంఘం ఆగ్రహం వ్యక్తం చేసింది. ఏ పార్టీ వారైనా, ఏ నాయకుడైనా పోలీసు వ్యవస్థను కించపరిచేలా మాట్లాడితే నాలుక తెగ్గోస్తాం. తస్మాత్‌ జాగ్రత్త అని కదిరి సీఐ మాధవ్ హెచ్చరించారు. ఈ నేపథ్యంలో జేసీ దివాకర్ రెడ్డి మాధవ్ పై ఫిర్యాదు చేశారు. 

 

18:13 - September 21, 2018

అనంతపురం : టీడీపీ ఎంపీ జేసీ దివాకర్ రెడ్డిపై ప్రబోధానంద స్వామి తీవ్ర ఆరోపణలు చేశారు. 2003లో ఆశ్రమంలోని కృష్ణ మందిరం ప్రారంభోత్సవానికి దివాకర్ రెడ్డిని తాము పిలిచామని ఆయన తెలిపారు. ఆయనకు తాము డబ్బు ఇవ్వలేదనే కారణంతో తమపై ఆయన కక్షగట్టారని, తమను ఎంతో వేధించారని ఆవేదన వ్యక్తం చేశారు. కక్షతో పక్క గ్రామాల ప్రజలను ఉసిగొల్పారని ప్రబోధానంద మండిపడ్డారు. తమ ఆశ్రమంలో ఎలాంటి అసాంఘిక కార్యకలాపాలు జరగడం లేదని స్పష్టం చేశారు. ఐఏఎస్ లు, ఐపీఎస్ లు కూడా ఆశ్రమానికి వస్తుంటారని..ప్రచారం కోసం తాము పాకులాడటం లేదని ప్రభోదానంద అన్నారు. 

 

19:31 - September 16, 2018

అనంతపురం : పోలీసులపై టీడీపీ ఎంపీ జేసీ దివాకర్ రెడ్డి తీవ్రంగా మండిపడ్డారు. పోలీసులకు ఇంగితం లేదా అంటు పీఎస్ ముందు బైఠాయించారు. చిన్నపొలమాడలో పోలీసుల వైఫల్యానికి నిరసనగా జేసీ పీఎస్ ముందు బైఠాయించి ఆందోళన చేపట్టారు. ఇంతమందిని చావగొడుతుంటే పట్టించుకోరా? అంటు మండిపడ్డారు. ఆశ్రమంలోకి వెళ్లటానికి పోలీసులకు ఇంత భయం ఎందుకు? పోలీసులకు , ఆ వాళ్లకు ఏం సంబంధాలున్నాయో నంటు అనుమానం వ్యక్తం చేశారు. అందర్నీ అరెస్ట్ చేసేదాకా తాను పీఎస్ ముందునుండి కదిలేది లేదని జేసీ స్పష్టంచేశారు. డేరా బాబా చేసినట్లే  ప్రబోధానంద చేస్తున్నాడని ఆయన ఆశ్రమంలోకి వెళ్లేందుకు పోలీసులు ఎందుకు భయపడుతున్నారని ప్రశ్నించారు. 
ఈ రోజు జరిగిన ఘర్షణల్లో దుండగులు ఇద్దరు వ్యక్తుల గొంతు కోశారు. ఇరువర్గాలు పరస్పరం దాడి చేసుకోవడంతో దాదాపు 10 మంది తీవ్రంగా గాయపడ్డారు. వీరిలో ముగ్గురి పరిస్థితి విషమంగా ఉంది. ఈ ఘటనలో పలు ప్రభుత్వ, ప్రైవేటు వాహనాలు ధ్వంసమయ్యాయి. దాదాపు 2,000 మంది ప్రబోధానంద అనుచరులు, చిన్న పొడమల గ్రామస్తులకు ఈ ఘర్షణ చోటుచేసుకుంది. గ్రామస్తులకు మద్దతుగా నిలిచిన అనంతపురం ఎంపీ జేసీ దివాకర్ రెడ్డి.. ఆశ్రమ నిర్వాహకులను వెంటనే అరెస్ట్ చేయాలని డిమాండ్ చేశారు.

 

12:20 - August 3, 2018

ఢిల్లీ : పార్లమెంట్ వేదికగా తాము చేస్తున్న పోరాటం..ఆందోళనకు ఏపీ ప్రజలు అభినందిస్తున్నారని టిడిపి ఎంపీ జేసీ దివాకర్ రెడ్డి వెల్లడించారు. శుక్రవారం కూడా టిడిపి ఎంపీల ఆందోళన కొనసాగింది. గాంధీ విగ్రహం వద్ద ప్లకార్డులు పట్టుకుని నినాదాలు చేశారు. విభజన హామీలు అమలు చేయాలి...ప్రత్యేక హోదా కల్పించాలంటూ నినాదాలు చేశారు. ఈ సందర్భంగా జేసీ దివాకర్ రెడ్డి మీడియాతో మాట్లాడారు. తమ పోరాటం..ఆందోళనలను ప్రజలు అభినందిస్తున్నారని, ప్రజలకు మూడు పార్టీల మీద సానుభూతి లేదని, కేవలం సీఎం చంద్రబాబు నాయుడిపైనే ఉందన్నారు. కేంద్రం ఇంకా మౌనంగానే ఉంటోందని..తమ పోరాటం మాత్రం కొనసాగిస్తూనే ఉంటామని తెలిపారు. 

15:20 - July 23, 2018

అనంతపురం : జిల్లాలో కీలక నేత..టిడిపి ఎంపి జేసీ దివాకర్ రెడ్డి మెత్తబడ్డారా ? గత కొన్ని రోజులుగా టిడిపి అధిష్టానం..రాజకీయ పరిణామాలపై ఆయన కొంత అసంతృప్తిగా ఉన్న సంగతి తెలిసిందే. అవిశ్వాస తీర్మానంలో తాను ఢిల్లీకి వెళ్లనని..రాజీనామా చేస్తానని ఆయన వెల్లడించడంతో జిల్లాలో ఒక్కసారిగా హాట్ హాట్ చర్చలు మొదలయ్యాయి. ఈ నేపథ్యంలో సోమవారం ఏపీ సీఎం చంద్రబాబు నాయుడితో ఎంపీ జేసీ దివాకర్ రెడ్డి ఏకాంతంగా భేటీ అయ్యారు. సుమారు 20 నిమిషాల పాటు ఈ సమావేశం జరిగింది.

ప్రభాకర్ చౌదరితో విబేధాలు..రూ. 45 కోట్ల జీవో విడుదల..ఏడు అసెంబ్లీ నియోజకవర్గాల్లో ఎదురవుతున్న ఇబ్బందులపై చర్చించారు. అభివృద్ధి విషయంలో ఎంపీనైనా తనను పట్టించుకోవడం లేదని..ఎమ్మెల్యేలు చెబుతున్న వాటినే అమలు చేస్తున్నారని బాబుతో పేర్కొన్నట్లు సమాచారం. జిల్లా అభివృద్ధిపై దృష్టి సారిస్తానని..ఎన్నికలు వస్తున్న తరుణంలో అందరూ కలిసి కట్టుగా ముందుకెళ్లాలని...బాబు సూచించినట్లు తెలిపారు. ఈ భేటీ అనంతరం జేసీ కొంత మెత్తబడినట్లు సమాచారం. కానీ విలేకరులతో ఆయన తాజా రాజకీయ పరిణామాలపై అసంతృప్తి వ్యక్తం చేశారు. హోదాపై సీడబ్ల్యూసీ తీసుకున్న నిర్ణయంపై మండిపడ్డారు. 

16:42 - July 19, 2018

విజయవాడ : పార్లమెంటు వర్షా కాల సమావేశాలకు హాజరుకాదని భీష్మించిన అనంతపురం టీడీపీ ఎంపీ జేసీ దివాకర్‌రెడ్డిపై ఆ పార్టీ ఎమ్మెల్యే బుద్దా వెంకన్న మండిపడ్డారు. శుక్రవారం లోక్‌సభలో టీడీపీ ప్రవేశపెట్టిన అవిశాస తీర్మానంపై చర్చ జరుగనున్న తరుణంలో జేసీ తీసుకున్న ఈ నిర్ణయాన్ని బుద్దా వెంకన్న తప్పుట్టారు. పార్టీ అధినాయకత్వం ఆదేశాలను బేఖారు చేసే ఎవరిపైనా చర్యలు తీసుకునే అధికారం  టీడీపీ అధినేత చంద్రబాబుకు ఉందన్నారు. 

 

13:44 - July 19, 2018

అనంతపురం : ఎంపీ జేసి దివాకర్‌ రెడ్డి మరోసారి సంచలన వ్యాఖ్యలు చేశారు. ఓవైపు కేంద్రంపై అవిశ్వాసానికి ఎంపీలంతా రెడీ అవుతుంటే.. తాను పార్లమెంటుకు హాజరు కాబోనని ప్రకటించారు. అవిశ్వాసం తీర్మానం వల్ల కేంద్ర ప్రభుత్వానికి వచ్చిన ముప్పేమి లేదన్నారు. కోట్లాది మంది ప్రజలు రోడ్డు మీదకు వచ్చి నిరనసన తెలుపిన సందర్భాల్లోనే స్పందించని కేంద్రం.. ప్రయోజనం లేని అవిశ్వాసం వల్ల ఎలా స్పందిస్తుందని వ్యాఖ్యానించారు. కేవలం 25 మంది ఎంపీలు అవిశ్వాసంతో ఏం సాధిస్తారని జేసి దివారకర్‌ రెడ్డి ఎద్దేవా చేశారు. 

20:28 - July 11, 2018

అమ్మయ్య మొత్తం మీద థాయ్ లాండ్ బొయ్యారం కథ సుఖాంతమైంది..జేసీ దివాకర్ రెడ్డి అంటె ఫీలైతవ్ గని.. నీది నాల్కెనా తాటి మట్టనా..? అరే నీయక ఆ పోరని పేరేంది ఆ లోకేశం.. ఆ పోరన్ని ఎవ్వలికన్న మంచి డాక్టరుకు సూపెట్టుండ్రివా ఓ తెల్గుదేశమోళ్లు..అనంతపురం కాడ తెల్గుదేశం ఎంపీలు దీక్ష జేస్తున్నరు ఎందుకు..? ఓయమ్మనే ఈ ముచ్చట మూడు రోజులు ముందు దెలిస్తె చంద్రాలు ఆంధ్రరాష్ట్రమంత పండుగ జేసునో ఏమో..?అయ్యో హైకోర్టు ఎంత పనిజేశే.. ఇంకో నాల్గొద్దులు ఆగినా.. ఎన్నికలు అయిపోవు అప్పుడు ఏం జెప్పినా ఏంగాకపోతుండే..మంత్రి జగదీశ్వర్ రెడ్డిగారు తమరేమో గడ్కోపారి రచ్చగెలుస్తాని..పెద్దల పెద్దరికం పర్వు మర్యాదలు.. అన్ని గల్పి నిజామాబాద్ జిల్లా నందిపేట్ మండలం తేవెధ ఊర్లె ఒక శవాన్ని తయ్యారు జేశ్నయ్..గీ గరం గరం ముచ్చట్లు జూడాలంటే వీడియో క్లిక్ జేయండి...

20:08 - June 2, 2018
21:43 - May 29, 2018

విజయవాడ : జన్మభూమి కమిటీలు ప్రజా ప్రతినిధుల కొంపముంచుతున్నాయని టీడీపీ ఎంపీ జేసీ దివాకర్‌రెడ్డి అన్నారు. ఈ కమిటీలతో ఎంపీలు, ఎమ్మెల్యేలతోపాటు తెలుగుదేశం పరువుపోతోందని మహానాడు వేదికగా ఆవేదన వ్యక్తం చేశారు. చంద్రబాబు టెలికాన్ఫరెన్స్‌లతో అధికారులు పనిచేయడం మానుకున్నారంటూ.. ముఖ్యమంత్రికి సుతిమెత్తగా చురకలు అంటించారు. వైసీపీ అధినేత జగన్‌కు అన్నీ తన తాత రాజరెడ్డి బుద్ధులే వచ్చాయని జేసీ మండిపడ్డారు.

జగన్‌... 1500 కోట్లు తెచ్చుకొంటున్నాడు..
టీడీపీ మహానాడులో అనంతపురం ఎంపీ జేసీ దివాకర్‌రెడ్డి.. తనదైన శైలిలో ప్రసంగించారు. కేంద్ర ప్రభుత్వ విధానాలను ఎండగడుతూనే.. ముఖ్యమంత్రి చంద్రబాబు సర్కారులోని లోపాలను వేలెత్తిచూపారు. జన్మభూమి కమిటీలు, చంద్రబాబు టెలికాన్ఫరెన్స్‌లపై జేసీ దివాకర్‌రెడ్డి తనదైన రీతిలో చురకలు అంటించారు. వైసీపీ అధినేత జగన్‌కు అన్నీ వాళ్ల తాత రాజారెడ్డి బుద్ధులే వచ్చాయని దివాకర్‌రెడ్డి ఆరోపించారు. జగన్‌కు డబ్బుమీద ధ్యాస మినహా ప్రజాసేవపై శ్రద్ధలేదని మండిపడ్డారు. వచ్చే ఎన్నికల కోసం ప్రధాని మోదీ నుంచి జగన్‌... 1500 కోట్లు తెచ్చుకొంటున్నారని దివాకర్‌రెడ్డి ఆరోపించారు.

మోదీకి బాబు గుడ్డిగా నమ్మారు :జేసీ
మరోవైపు మోదీ ప్రత్యేక హోదా ఇవ్వరన్న విషయం చంద్రబాబుకు తెలిసినా గుడ్డిగా నమ్మారంటూ అటు ప్రధాని, ఇటు ముఖ్యమంత్రిని వేలెత్తి చూపారు. 2014 ఎన్నికల్లో కాంగ్రెస్‌ అధినేత సోనియాగాంధీకి ఏ గతిపట్టిందో.. 2019 ఎన్నికల్లో కూడా మోదీకి అదే గతి పడుతుందని దివాకర్‌రెడ్డి హెచ్చరించారు. దేశం, రాష్ట్రం బాగుండాలంటే చంద్రబాబు దేశానికి ప్రధాని, లోకేశ్‌ రాష్ట్రానికి ముఖ్యమంత్రి కావాలని దివాకర్‌రెడ్డి ఆకాంక్షించారు.

Pages

Don't Miss

Subscribe to RSS - జేసీ దివాకర్ రెడ్డి