టిడిపి

19:21 - September 9, 2018

హైదరాబాద్ : తెలంగాణ రాష్ట్రంలో టీఆర్ఎస్ ను ఓడించాలంటే ఇతర పార్టీల మద్దతు తప్పనిసరి అని..ఇందుకు మహా కూటమి ఏర్పాటు చేయాలని టి.టిడిపి భావిస్తోంది. తెలంగాణ రాష్ట్రంలో ముందస్తు ఎన్నికల నేపథ్యంలో టిడిపి జాతీయ అధ్యక్షుడు, ఏపీ సీఎం చంద్రబాబు నాయుడు తెలంగాణ రాష్ట్ర టిడిపి నేతలతో సమాలోచనలు జరిపారు. మహా కూటమి ఏర్పాటు చేయాలని..అన్నీ పార్టీలను ఏకతాటిపైకి తీసుకొచ్చేందుకు కృషి చేయాలని బాబు నేతలకు సూచించారు. ఇందుకు ఆయా పార్టీల నేతలతో చర్చలు ప్రారంభించాలని..పొత్తులకు సంబంధించి మూడు కమిటీలను ఏర్పాటు చేశారు.

అందులో భాగంగా మొదటి అడుగు విజయవంతమైందని తెలుస్తోంది. ఆదివారం సాయంత్రం సీపీఐ నేతలతో సంప్రదింపుల కమిటీ భేటీ అయ్యింది. ఈ సమావేశంలో టి.టిడిపి సీనియర్ నేతలు కూడా పాల్గొన్నారు. ఈ చర్చలు ఫలప్రదమయ్యాయని టిడిపి నేతలు పేర్కొంటున్నారు. అన్ని పార్టీల నేతలను కలుస్తామని..చర్చలు కొనసాగిస్తామని ప్రకటించారు. ఏ ఏ నియోజకవర్గాల్లో సీపీఐ పోటీ చేస్తుందో వాటి వివరాలను ఆ పార్టీ నేత చాడ వెంకట్ రెడ్డి వివరించినట్లు తెలుస్తోంది. ఈ భేటీకి సంబంధించి పూర్తి వివరాలు తెలియాల్సి ఉంది. 

11:27 - August 30, 2018

హైదరాబాద్ : సినీ నటుడు, టిడిపి నేత హరికృష్ణ పార్థీవ దేహానికి సినీ, రాజకీయ రంగ ప్రముఖులు నివాళులర్పించారు. ఏపీ మంత్రులు, పలువురు ప్రజాప్రతినిధులు హైదరాబాద్ కు వస్తున్నారు. టిడిపి మంత్రులు సోమిరెడ్డి, గంటా శ్రీనివాసరావు, ఎమ్మెల్యే చింతమనేని, ఎంపీలు సీఎం రమేష్, టి.జి.వెంకటేశ్ లు నివాళులర్పించారు. ఈ సందర్భంగా పలువురు మాట్లాడుతూ ఆయన ఎంతో మంచి వ్యక్తి అని, నిబద్ధతో కలిగిన నేత అని అభివర్ణించారు. పూర్తి వివరాలకు వీడియో క్లిక్ చేయండి. 

10:53 - August 30, 2018

హైదరాబాద్ : సినీ నటుడు, టిడిపి నేత నందమూరి హరికృష్ణ మృతి తనను దిగ్ర్భాంతికి గురి చేసిందని టిడిపి రాజ్యసభ మాజీ సభ్యుడు దేవేందర్ గౌడ్ పేర్కొన్నారు. ఆయన టెన్ టివితో మాట్లాడారు. రాజ్యసభలో తనకు ఆప్తుడిగా ఉండేవారని, రాజ్యసభ సభ్యుడిగా ఉన్న సమయంలో అందరితో కలగొలుపుగా ఉండే వారన్నారు. ఆయన ఆత్మకు శాంతి కలగాలని కోరుకుంటున్నట్లు తెలిపారు. 

10:42 - August 29, 2018

హైదరాబాద్ : నటుడు, నిర్మాత, టిడిపి నేత హరికృష్ణ మృతి పలువురిని కలిచివేసింది. నల్గొండ జిల్లాలో రోడ్డు ప్రమాదంలో మృతి చెందిన సంగతి తెలిసిందే. కామినేని ఆసుపత్రిలో ఆయన భౌతికకాయాన్ని ఉంచారు. ఇదిలా ఉంటే ఆయన రాసిన లేఖ బయటపడింది. తన బర్త్ డే సందర్భంగా అభిమానులకు, శ్రేయోభిలాషులకు రాసిన లేఖ ఇప్పుడు సోషల్ మీడియాలో వైరల్ అవుతోంది.

'సెప్టెంబర్ 2వ తేదీన 62వ రోజు పుట్టిన రోజు సందర్భంగా ఎలాంటి వేడుకలు జరుపవద్దు. మన రాష్ట్రంలోని కొన్ని జిల్లాల్లో, కేరళ రాష్ట్రంలో వరదలు, వర్షాల కారణంగా ఎంతో మంది మరణించారు. వేల మంది నిరాశ్రులయ్యారు. ఇది మన అందరికి ఎంతో విషాదాన్ని కలిగించిన విషయం. ఇందుచేత జన్మదిన సందర్భంగా బేనరులు, ఫ్లెక్సీలు ఏర్పాటు చేయవద్దని, పుష్పగుచ్చాలు, దండలు తీసుకరావద్దని, వీటికి అయ్యే ఖర్చు వరదలు..వర్షాలతో నష్టపోయిన వారి కుటుంబాలకు అందచేయాలని కోరుతున్నా. అంతేగాకుండా నిరాశ్రుయలయిన వారికి దుస్తులు, వంట సామాగ్రీ, నిత్యావసర వస్తువులు శక్తి కొలది అందచేయాలని కోరుతున్నా' అంటూ హరికృష్ణ లేఖ రాశారు. 

21:14 - August 27, 2018

గుంటూరు : మంగళవారం గుంటూరు బ్రహ్మానందరెడ్డి స్టేడియంలో టీడీపీ మైనారిటీల భారీ బహిరంగ సభ నిర్వహిస్తోంది. 'నారా హమారా-టీడీపీ హమారా' అనే నినాదంతో నిర్వహించనున్న ఈ సభకు లక్షమంది ముస్లిం మైనారిటీలు తరలిరానున్నట్లు పార్టీ వర్గాలంటున్నాయి. ఎలాంటి ఇబ్బందులు తలెత్తకుండా టీడీపీ శ్రేణులు ఏర్పాట్లు చేస్తున్నాయి. సభ ఏర్పాట్లపై మరిన్ని వివరాల కోసం వీడియో క్లిక్ చేయండి. 

19:23 - August 27, 2018

గుంటూరు : 'నారా హమారా టిడిపి హమారా' పేరిట టిడిపి సభ నిర్వహిస్తోంది. ఈ సభను విజయవంతం చేయాలని కోరుతూ ఏపీ రాష్ట్ర వ్యాప్తంగా ముస్లింలు భారీ ర్యాలీలు నిర్వహించారు. గుంటూరు జిల్లాలో టీఎన్ఎస్ఎఫ్ ఆధ్వర్యంలో ప్రదర్శన నిర్వహించారు. మైనార్టీలు నిర్వహిస్తున్న ఈ ర్యాలీపై మరింత సమాచారం కోసం వీడియో క్లిక్ చేయండి. 

21:10 - August 26, 2018

ఢిల్లీ : కేంద్ర ఎన్నికల కమిషన్‌ సోమవారం అన్ని రాజకీయ పార్టీలో సమావేశం ఏర్పాటు చేసింది. ఏడు జాతీయ 51 ప్రాంతీయ పార్టీలతో ఈసీ భేటీ కానుంది. రాజకీయ పార్టీల కమిటీల్లో మహిళలకు రిజర్వేషన్లు, ఎమ్మెల్సీ ఎన్నికలకు వ్యయపరిమితి నిర్ణయించడం, ఓటర్ల జాబితాల సవరణకు శాశ్వత యంత్రాంగం ఏర్పాటు వంటి అంశాలపై చర్చించనుంది. ఈ సమావేశానికి టిడిపి నుండి కనమేడల రవీంద్ర కుమార్ హాజరు కానున్నారు. ఈవీఎంలకు వీవీ పాట్ లను తప్పనసరి చేయాలని టిడిపి కోరనుంది. 

18:18 - August 26, 2018

శ్రీకాకుళం : మరో నేత జంప్ కానున్నారు. కాంగ్రెస్ నేత కొండ్రు మురళి టిడిపి పార్టీలో చేరనున్నారు. ఆయన కార్యకర్తలతో సమావేశం అనంతరం ఈ నిర్ణయం తీసుకున్నారు. పార్టీ మార్పుపై కార్యకర్తలతో సంప్రదింపులు జరపగా, కార్యకర్తల అభీష్టం మేరకే టిడిపిలో చేరనున్నట్లు ప్రకటించారు. ఈనెల 31 న పార్టీ అధినేత చంద్రబాబు, రాష్ట్ర పార్టీ అధినేత కళావెంకట్రావు ఆధ్వ‌ర్యంలో అమరావతి చంద్రబాబు నివాసంలో పార్టీలో చేరనున్నట్లు ప్రకటించారు. ప్రజల కోసం సీఎం చంద్రబాబు పడుతున్న తపన..అభివృద్ధి చూసి తాను టిడిపిలో చేరుతున్నట్లు వెల్లడించారు.

 

18:55 - August 12, 2018

విజయవాడ : ఒకప్పుడు వాక్చాతుర్యంతో ప్రత్యర్థులను మట్టి కరిపించిన నేతలు... పదునైన మాటలతో ఎదుటి వారికి చెమటలు పట్టించిన నాయకులు.... వారు మైక్‌ పట్టుకుంటే ప్రత్యర్థుల గుండెల్లో రైళ్లు పరిగెత్తేవి. కానీ అదంతా గతం... ఇప్పుడు సీన్‌ రివర్స్‌ అయ్యింది. మాటలు మరాఠీలు మూగబోయారు. ఇంతకీ ఎవరా నాయకులు ? ఏంటా స్టోరీ. దృఢమైన దేహం కాదు... పదునైన మాట కలిగినవాడే నిజమైన నాయకుడు అంటారు. ఎంత వాక్చాతుర్యం ఉంటే అంత పవర్‌ఫుల్‌ లీడర్‌ అవుతారన్నది జగమెరిగిన సత్యం. ఆనాడు నందమూరి తారక రామారావు ఢిల్లీ మెడలు వంచాలి అన్న పిలుపు... ప్రజల్ని ఎంతగానో ప్రభావితం చేసింది. యువత రాజకీయాల్లోకి రావాలంటూ ఆయనిచ్చిన సందేశం తెలుగు నేలపై ఎంతో బలమైన వాగ్ధాటి కలిగిన నాయకులకు రూపునిచ్చింది.

ఎన్టీఆర్‌ పార్టీ స్థాపించిన తొలినాళ్లలో యువతను పెద్ద ఎత్తున టీడీపీలోకి ఆహ్వానించారు. బలమైన నాయకత్వ లక్షణాలున్న యువనేతల్ని పార్టీలోకి చేర్చుకున్నారు. వాగ్ధాటి కలిగిన వారిని వెన్నుతట్టి ప్రోత్సహించారు. స్పీకర్‌ కోడెల శివప్రసాద్‌ రావు, గాలి ముద్దుకృష్ణమనాయుడు, ఎర్రన్నాయుడు, యనమల రామకృష్ణుడు, కోటగిరి విద్యాధరరావు, మోత్కుపల్లి, నాగం, ఉమ్మారెడ్డి, ప్రస్తుత తెలంగాణ ముఖ్యమంత్రి కేసీఆర్‌ లాంటి ఎంతో పదునైన మాటతీరు కలిగిన నేతలంతా రూపుదిద్దుకున్నారు. ఫలితంగా టీడీపీ స్థాపించిన తొలినాళ్లలోనే అనేక విజయాలను సొంతం చేసుకుంది.

అప్పట్లో మెడికల్‌ కాలేజీల కేటాయింపులో జరిగిన అవినీతిపై పెద్ద ఎత్తున పోరాటం చేసి నేదురుమల్లి జనార్ధన్‌ రెడ్డి ప్రభుత్వాన్నే మార్చిన చరిత్ర నాటి తెలుగుదేశం నేతలది. కోడెల, యనమల, విద్యాధర్‌ రావు, అశోక్‌గజపతిరాజు, మోత్కుపల్లి, ఇంద్రారెడ్డి, కరణం బలరాం, దేవినేని లాంటి నేతలు అసెంబ్లీలో బలమైన వానిని వినిపించగా... తుమ్మల నాగేశ్వరరావు, ఎర్రబెల్లి దయాకర్‌ రావు, నాగం జనార్ధన్‌ రెడ్డి, దేవేందర్‌ గైడ్‌ లాంటి నేతలు అసెంబ్లీ బయట ప్రజాక్షేత్రంలో తమ వాగ్ధాటితో నాటి అధికార పార్టీని ఎండగట్టేవారు.
2004 సంవత్సరం తర్వాత పయ్యావుల కేశవ్‌, అచ్చెన్నాయుడు, దూళిపాళ్ల నరేందర్, సోమిరెడ్డి చంద్రమోహన్‌ రెడ్డి, దేవినేని ఉమామహేశ్వరరావు, ఎర్రబెల్లి, రేవంత్‌ రెడ్డి వంటి నేతలు తమ వాగ్ధాటిని ప్రదర్శించేవారు. నన్నపనేని రాజకుమారి లాంటి నేతలు సైతం తమ వంతుగా ప్రతిపక్షాలపై మాటల తూటాలు పేలుస్తూ.. వైఎస్‌ రాజశేఖర్‌రెడ్డిపై పోరాటం చేశారు.

అయితే ఇదంతా ఒకప్పుడు.. ఇప్పుడు పరిస్థితి ఇందుకు భిన్నంగా ఉంది. రాష్ట్ర విభజన తర్వాత ప్రత్యేక పరిస్థితుల్లో తెలంగాణలో బలమైన నాయకులు పార్టీకి దూరం కాగా.. ఏపీలో అధికారంలో ఉన్నప్పటికీ స్పందించే నేతల సంఖ్య అంతంత మాత్రంగానే ఉంది. అధికారం వచ్చిన తొలినాళ్లలో ప్రతిపక్షాలకు సమాధానం చెప్పినప్పటికీ... ప్రస్తుతం నాయకులంతా మూగబోయారు. దీంతో ప్రతిపక్షాలకు సరైన సమాధానం చెప్పే వాగ్దాటి లేమి టీడీపీలో కొట్టొచ్చినట్లు కనబడుతోంది. అటు రాజ్యసభలోనూ టీడీపీ ఎంపీల పేలవమైన ప్రదర్శన పార్టీకి మైనస్‌గా మారింది.

టీడీపీకి స్పీకర్‌ల లేమిపై సీఎం చంద్రబాబు దృష్టి పెట్టినట్లు తెలుస్తోంది. సమస్యలను అధిగమించేందుకు యువతను ప్రోత్సహించాలని సీఎం భావిస్తున్నారు. ఈ నేపథ్యంలోనే యువ ఎంపీ రామ్మోహన్‌ నాయుడు, గల్లా జయదేవ్‌ లాంటి నేతలకు అవకాశం ఇవ్వడంతో పార్లమెంట్‌లో టీడీపీ సత్తా చాటారు. ఈ నేపథ్యంలో లోక్‌సభలో యువనేతలను ప్రోత్సహించి సక్సెస్‌ సాధించడంతో ఇటు రాష్ట్రంలోనూ ఇదే తరహా ఫార్ములా వర్కవుట్‌ చేసేందుకు రెడీ అవుతున్నారు చంద్రబాబు. పదునైన వాయిస్‌ ఉన్న నేతలకు ఫ్రీ హ్యాండ్‌ ఇచ్చేందుకు సిద్ధమవుతున్నట్లు తెలుస్తోంది. 

15:09 - August 12, 2018

ప్రకాశం : ఈడీ ఛార్జీషీట్ లో వైఎస్ భారతి పేరు చేర్చడం...దానిపై తీవ్రస్థాయిలో స్పందించిన వైసీసీ అధ్యక్షుడు జగన్ బహిరంగంగా ప్రజలకు లేఖ రాయడం..దీనిపై ఏపీ టిడిపి మంత్రులు విమర్శలు చేయడం..ప్రతిగా వైసీపీ నేతలు ప్రతి విమర్శలు చేస్తున్నారు. తాజాగా రోజా ఏపీ సీఎం చంద్రబాబు నాయుడిపై దుమ్మెత్తిపోశారు. టిడిపి మంత్రులు దిగజారి వైఎస్ భారతిపై ఆరోపణలు చేస్తున్నారని ఎమ్మెల్యే రోజా పేర్కొన్నారు. ఏడేళ్లుగా సీబీఐ విచారణలో లేని భారతి పేరు ఇప్పుడు ఎక్కడి నుండి వచ్చిందని ప్రశ్నించారు. జగన్ సతీమణి భారతిని రాజకీయ వివాదాల్లోకి లాగడం సరికాదని, ముఖ్యమంత్రి చంద్రబాబుకు కూడా కుటుంబసభ్యులున్నారని పేర్కొన్నారు. కుటుంబసభ్యులను వివాదలోకి లాగడం నీచమని, తప్పు చేయని కుటుంబాన్ని రాజకీయంగా కుంగదీయాలని ప్లాన్ చేస్తున్నారని తెలిపారు. ఒక రోజు వస్తుందని రోజా పేర్కొన్నారు.

Pages

Don't Miss

Subscribe to RSS - టిడిపి