టీఆర్టీ

10:22 - February 24, 2018

హైదరాబాద్ : తెలంగాణ లో టీఆర్టీ ఎగ్జామ్‌ ప్రారంభమైంది. ఇవాళ్టి నుంచి మార్చి 4వరకు ఈ పరీక్షలు జరగనున్నాయి. ఉదయం 10 గంటలకు పరీక్ష ఉండగా అభ్యర్థులు 9గంటలకు ఎగ్జామ్‌సెంటర్‌కు చేరుకున్నారు. 9.15 నుంచి లోపలికి అనుమతించిన అధికారులు.. ఓ 5 నిముషాలు లేట్‌గా వచ్చిన వారిని కూడా లోపలికి అనుమతించారు. దీంతో పరీక్షకు ఆలస్యంగా వచ్చి టెన్షన్‌ పడుతున్న అభ్యర్థులు ఊపిరి పీల్చుకున్నారు. ఈసారి మొత్తం 8వేల 792 పోస్టులకు 2లక్షల 77వేల మంది అభ్యర్థులు పోటీ పడుతున్నారు. మరింత సమాచారం కోసం వీడియో క్లిక్ చేయండి. 

09:12 - February 24, 2018

హైదరాబాద్ : తెలంగాణలో టీఆర్టీ పరీక్షలు కాసేపట్లో ప్రారంభం కానున్నాయి. ఉదయం 10గంటలకు మొదటి పరీక్ష ప్రారంభం కానుంది. మధ్యాహ్నం 2 గంటలకు రెండవ పరీక్ష జరగనుంది. మరింత సమాచారం కోసం వీడియో క్లిక్ చేయండి.

18:06 - February 23, 2018

హైదరాబాద్ : టీఆర్టీ పరీక్షలు శుక్రవారం నుండి ప్రారంభం కానున్నాయి. మార్చి 4 వరకు ఈ పరీక్షలు జరుగనున్నాయి. ఇందుకు టీఎస్పీఎస్సీ ఏర్పాట్లు పూర్తి చేసింది. తొలిసారి ఆన్ లైన్ లో పరీక్షలు నిర్వహించడం శుభపరిణామమని టీఎస్పీఎస్సీ ఛైర్మన్ ఘంటా చక్రపాణి పేర్కొన్నారు. పరీక్షల సందర్భంగా ఘంటా చక్రపాణితో టెన్ టివి మాట్లాడింది.

తొలిసారి ఆన్ లైన్ లో పరీక్షలు నిర్వహించడం శుభపరిణామమని, ప్రతిష్టాత్మకంగా పరీక్షలు నిర్వహించేందుకు ఏర్పాట్లు చేస్తున్నట్లు తెలిపారు. పరీక్షలు 2.75 లక్షల మంది అభ్యర్థులు హాజరవుతున్నారని, పరీక్ష కేంద్రాల కేటాయింపు అధికారి టీఎస్పీఎస్సీకే ఉందన్నారు. అన్ని అంశాలను పరిగణలోకి తీసుకుని పరీక్షా కేంద్రాలు కేటాయించామని, పరీక్షకు సంబంధించిన వివరాలన్నీ టీఎస్పీఎస్సీ వెబ్ సైట్ లో పొందుపరచడం జరిగిందన్నారు. పరీక్షా కేంద్రాల్లో ఇద్దరు ఇన్విజిలేటర్లు ఉంటారని, అభ్యర్థులకు ఉన్న సందేహాలను ఇన్విజిలేటర్లు పరిష్కరిస్తారన్నారు. దుష్ర్పచారాలను నమ్మవద్దని, అభ్యర్థులు మంచిగా పరీక్షలు రాసి విజయం సాధించాలని ఆకాంక్షించారు. మరింత సమాచారం కోసం వీడియో క్లిక్ చేయండి. 

20:50 - February 21, 2018

అయ్యో తెలంగాణ సర్కారును నోటికొచ్చినట్టు తిడ్తున్నరు సోషల్ మీడియాల జనం..తెలంగాణ ప్రజలారా..? మీకు తెల్సా..? మీరు ఎంత అప్పులళ్ల జిక్కిన సంగతి..? ఏ జగదీశ్వర్ రెడ్డి గురించి నేనెందుకు మాట్లాడ్త.. ఆయన తీన్ పీటుంటడు.. తెలంగాణ కాంగ్రెస్ పార్టీ రాబోయే ఎన్నికల కోసం తయ్యారైనట్టే అనిపిస్తున్నది...ఆర్ఎస్ పార్టీకి ధమ్ముంటే.. కాంగ్రెస్ పార్టీల గెల్చి టీఆర్ఎస్ పార్టీల జేరిన ఎమ్మెల్యేలు, ఎంపీలు..పదవుల కోసం మేము బుట్టలేదు.. పదవులే మాకోసం బుట్టినయ్ అంటున్నడు.. కరీంనగర్ ఎంపీ వినోద్...గొర్ల పత్కం గోవిందా గోవిందా.. ఏ గొల్లకుర్మాయిన జూడు.. జగిత్యాల జిల్లా హస్నాబాద్ కాడ.. ఒకామెకు నిన్న శిగమొచ్చిందట.. గిసొంటి ముచ్చట్లు చూడాలంటే వీడియో క్లిక్ చేయండి. 

17:58 - February 21, 2018

హైదరాబాద్ : టీఎస్పీఎస్సీ నిర్వహించే టీఆర్టీ పరీక్షా విషయంలో నెలకొన్న గందరగోళంపై టీఎస్పీఎస్సీ ఛైర్మన్ ఘంటా చక్రపాణి స్పందించారు. బుధవారం ఆయన మీడియాతో మాట్లాడారు. వివిధ జిల్లాలకు చెందిన అభ్యర్థులకు ఇతర జిల్లాల్లో పరీక్షా సెంటర్లు కేంద్రీకరించారని తమకు ఫిర్యాదులు అందాయన్నారు. హైదరాబాద్ హెచ్ఎండీఈతో పాటు కరీంనగర్, వరంగల్, నల్గొండ, ఖమ్మంలో జిల్లాలో ఆన్ లైన్ సిస్టమ్స్ అందుబాటులో ఉన్నాయని, ఆదిలాబాద్, మహబూబ్ నగర్, నిజామాబాద్ లో ఈ సదుపాయం లేదన్నారు. ఆయా జిల్లాల్లో హైదరాబాద్ ఏరియా ప్రాంతంలో ఏర్పాటు చేయడం జరిగిందని తెలిపారు. టీఆర్‌టీ తెలుగు పండిట్, స్కూల్ అసిస్టెంట్ తెలుగు పరీక్షలకు సంబంధించిన హాల్‌టికెట్లు డౌన్ లౌడ్ అవుతున్నాయని, ఈ నెల 24న తెలుగు పండిట్, స్కూల్ అసిస్టెంట్ తెలుగు పరీక్ష జరగనున్న విషయం తెలిసిందే. అనుకున్న సమయానికి పరీక్షలు జరుగుతాయన్నారు. 
టీఆర్‌టీ పరీక్ష సెంటర్ల కేటాయింపు విషయంలో తప్పులు దొర్లడంతో హాల్‌టికెట్ల డౌన్‌లోడ్‌ను నిలిపివేసిన సంగతి తెలిసిందే. 

22:08 - December 12, 2017

హైదరాబాద్ : ఉపాధ్యాయ నియామక పరీక్ష నోటిఫికేషన్‌కు తెలంగాణ రాష్ట్ర పబ్లిక్‌ సర్వీస్‌ కమిషన్‌ సవరణ చేసింది. పాత 10 జిల్లాలకు అనుగుణంగా మార్పులు చేసింది. ప్రత్యేక బీఈడీ, డీఈడీ చదివిన వారు కూడా పరీక్ష రాసేందుకు అవకాశం కల్పించింది. గతంలో 8,792 పోస్టుల భర్తీ కోసం.. 31 జిల్లాల ప్రాతిపదికన నోటిఫికేషన్‌ ఇవ్వడంతో కొంతమంది కోర్టును ఆశ్రయించారు. కోర్టు ఆదేశాల మేరకు.. రాష్ట్ర ప్రభుత్వం జీవోను సవరించి విడుదల చేసింది. ఈనెల 15తో ముగియనున్న గడువును... 30వ తేదీ వరకు పొడిగించింది. ఇప్పటికే దరఖాస్తు చేసుకున్న అభ్యర్థులు మళ్లీ దరఖాస్తు చేయాల్సిన అవసరం లేదని టీఎస్‌పీఎస్సీ స్పష్టం చేసింది. అయితే.. జిల్లాలను అభ్యర్థులు అప్‌డేట్‌ చేసుకోవాలని సూచించింది. 

19:56 - December 4, 2017

హైదరాబాద్ : హైకోర్టు ఆదేశాలకు లోబడి 10 జిల్లాలకు నోటిఫికేషన్ విడుదల చేస్తామని, కొంత మంది కావాలని ప్రతీ దానికి కోర్టుకు వెళ్తున్నారని విద్య శాఖ మంత్రి కడియం అన్నారు. కొలువులకై కొట్లాట ఎవరు చేస్తున్నారో, ఆ నాయకులు ఎవరో మాకు తెలుసు అని ఆయన అన్నారు. సిద్దాంత విభేదలున్నా వాళ్లంతా కలిసి పని చేస్తున్నారని అన్నారు. 

17:24 - December 3, 2017

హైదరాబాద్ : ఓయూలో విషాదం చోటు చేసుకుంది. ఎమ్మెస్సీ రెండో సంవత్సరం చదువుతున్న ఓ విద్యార్థి బలవన్మరణానికి పాల్పడ్డాడు. ఇతని ఆత్మహత్యకు గల కారణాలు తెలియడం లేదు. కానీ టీఆర్టీలో జరుగుతున్న జాప్యం కారణంగానే మనస్థాపానికి గురై ఆత్మహత్యకు పాల్పడ్డాడా ? అనేది తెలియాల్సి ఉంది.

మెదక్ జిల్లాకు చెందిన మురళీ ఎమ్మెస్సీ రెండో సంవత్సరం చదువుతున్నాడు. గత మూడు నాలుగు సంవత్సరాలుగా కాంపిటేటివ్ పరీక్షలకు హాజరవుతున్నాడు. అందులో భాగంగా టీఆర్టీ పరీక్ష కూడా సిద్ధమౌతున్నాడు. కానీ టీఆర్టీ విషయంలో గందరగోళ పరిస్థితులు నెలకొన్న సంగతి తెలిసిందే. ఈ నేపథ్యంలో మానేరు హాస్టల్ లో ఉంటున్న మురళీ బాత్ రూంలో ఉరి వేసుకుని ఆత్మహత్యకు పాల్పడ్డాడు. ఈ విషయం తెలుసుకున్న విద్యార్థులు..ప్రజా సంఘాలు ఘటనా స్థలికి చేరుకున్నారు. పోలీసులు కూడా అక్కడకు చేరుకుని దర్యాప్తు చేపట్టారు.

నీళ్లు..నిధులు..నియామకాలుతో ఏర్పడిన తెలంగాణ రాష్ట్రంలో ఎలాంటి ఉద్యోగాల కల్పన లేకపోవడంతో నిరుద్యోగులు తీవ్ర నిరుత్సాహంలో ఉన్న సంగతి తెలిసిందే. తెలంగాణ ఉద్యమ సమయంలో ఓయూ విద్యార్థులు కీలక పాత్ర పోషించారు. అంతే గాకుండా పలువురు ప్రాణత్యాగం కూడా చేశారు. మురళీ బలవన్మరణం వెనుక కారణాలు తెలియాల్సి ఉంది. 

11:41 - November 25, 2017

హైదరాబాద్ : టీఆర్టీ(టీచర్ రిక్రూట్ మెంట్ టెస్టు) నోటిఫికేషన్ ను హైకోర్టు రద్దు చేయలేదని మంత్రి కడియం శ్రీహరి పేర్కొన్నారు. అంబేద్కర్ ఓపెన్ యూనివర్సిటీలో ఎగ్జామినేషన్ బ్రాంచీ నిర్మాణానికి ఆయన శంకుస్థాపన చేశారు. అనంతరం మంత్రి కడియం మీడియాతో మాట్లాడారు. గిరిజన ప్రాంతాల్లోని విద్యార్థులకు న్యాయం చేసేందుకు 31 జిల్లాలను పరిగణనలోకి తీసుకుని టీఆర్టీ నోటిఫికేషన్ ఇచ్చామన్నారు. దీనిపై హైకోర్టు ఇచ్చిన తీర్పు పరిగణలోకి తీసుకుంటామని, కోర్టు ఆదేశాలపై 2, 3 రోజుల్లో చర్చించి.. తదుపరి చర్యలు తీసుకుంటామని తెలిపారు. త్వరలోనే టీఆర్టీ నిర్వహించి.. టీచర్ ఉద్యోగాలను భర్తీ చేస్తామని, దీనిపై సీఎం కేసీఆర్ తో చర్చించి త్వరలోనే నిర్ణయం తీసుకుంటామన్నారు. 

07:24 - November 25, 2017

ఉపాధ్యాయ నియామక నోటిఫికేషన్‌ టీఆర్టీపై, తెలంగాణ సర్కార్‌కు మరోసారి ఎదురుదెబ్బ తగిలింది. టీఆర్‌టీకి సంబంధించిన జీవో నంబర్ 25 ను సవరించి తీరాల్సిందేనని హైకోర్టు స్పష్టం చేసింది. 10 జిల్లాల ప్రకారమే టీఆర్‌టీ నోటిఫికేషన్ ఉండాలని ఆదేశాలు జారీ చేసింది. ఈ అంశాలపై టెన్ టివిలో జరిగిన చర్చా వేదికలో వినయ్ కుమార్ (విశ్లేషకులు), వేలూరి శ్రీనివాస రావు (టీఆర్ఎస్) పాల్గొని అభిప్రాయాలు వ్యక్తం చేశారు. 

Pages

Don't Miss

Subscribe to RSS - టీఆర్టీ