టీఆర్ ఎస్

15:24 - September 21, 2018

హైదరాబాద్ : తెలంగాణ రాష్ట్రంలో ముందస్తు హడావుడి నెలకొంది. ఆయా పార్టీలు అభ్యర్థులను ఖరారు చేయడంలో నిమగ్నమయ్యాయి. ఇప్పటికే 105 మంది అభ్యర్థులను గులాబీ బాస్ ఖరారు చేసిన సంగతి తెలిసిందే. దీనితో టికెట్ వస్తుందని ఆశించిన పలువురు భంగపడ్డారు. ఇతర పార్టీల్లోకి జంప్ అవ్వడానికి చూస్తున్నారు. ఆదిలాబాద్ జిల్లా ఖానాపూర్ టికెట్ ను తాజా మాజీ ఎమ్మెల్యే రేఖా నాయక్ కు కేటాయించడంపై ఆ పార్టీ నేత రమేష్ తీవ్ర అసంతృప్తికి లోనయ్యారు. 

రేఖా నాయక్ కూడా ఆయపై తీవ్ర విమర్శలు గుప్పించారు. ఈ నేపథ్యంలో ఆయన పార్టీ మారాలని నిర్ణయం తీసుకున్నారు. శుక్రవారం తెలంగాణ కాంగ్రెస్ వ్యవహారాల ఇన్ ఛార్జ్ కుంతియా, టీపీసీసీ అధ్యక్షుడు ఉత్తమ్ కుమార్ రెడ్డి, సీనియర్ నేత జానారెడ్డిల సమక్షంలో ఆయన కాంగ్రెస్ లో చేరారు. ఆయన అనుచరులు, మద్దతుదారులు కూడా పార్టీ తీర్థం పుచ్చుకున్నారు. చేరారు. ఖానాపూర్ టికెట్ ఇస్తామని కాంగ్రెస్ పెద్దలు హామీ ఇచ్చారా ? అనేది తెలియాల్సి ఉంది. 

ఈ సందర్భంగా రాథోడ్ మాట్లాడుతూ...టీఆర్ ఎస్ కు వ్యతిరేకంగా రాష్ట్రమంతటా పర్యటిస్తానని వెల్లడించారు. టికెట్ ఇస్తానని కేసీఆర్ మోసం చేశారని, 47 నియోజకవర్గాల్లో తమ జాతి ప్రభావిత శక్తిగా ఉందన్నారు. ఇక గత విషయానికి వస్తే ఉమ్మడి రాష్ట్రంలో టీడీపీలో రమేష్ చక్రం తిప్పారు. అయితే విభజన తరువాత తెలంగాణలో టీడీపీ ప్రాభల్యం తగ్గిపోవడంతో ఏడాది క్రితం గులాబీ కండువాను కప్పుకున్నారు. మరి ఎన్నికల్లో ఆయనకు కాంగ్రెస్ టికెట్ కేటాయిస్తే గెలుపొందుతారా ? లేదా ? అనేది చూడాలి. 

13:46 - September 8, 2018

హైదరాబాద్ : టీఆర్ఎస్ పై కొండా సురేఖ తిరుగుబాటు బావుటా ఎగరవేశారు. జాబితాలో తన పేరును ప్రకటించకపోవండపై ఆమె తీవ్రస్థాయిలో మండిపడ్డారు. తనకు టికెట్ కేటాయించకపోవడంపై తీవ్రమనస్థాపాన్ని వ్యక్తం చేశారు. తనకు టికెట్ ఎందుకు ఇవ్వలేదో వివరణ ఇవ్వాలని సురేఖ డిమాండ్ చేశారు. నాలుగు సార్లు వరుసుగా గెలిచిన తనను ఆపడానికి కారణం ఏంటని ప్రశ్నించారు. వరంగల్ లో 12 టిక్కెట్లు ప్రకటించి తనను మాత్రమే ఎందుకు ఆపారని నిలదీశారు. 'పార్టీలో మేం చేసిన తప్పేంటి ? మేం చేసిన నష్టమేంటీ ?' అని అడిగారు. తనకు టికెట్ ఇవ్వనందుకు స్పష్టంగా సమాధానం చెప్పాలన్నారు. తనకు టికెట్ ఇవ్వకపోవడం అంటే బీసీలను అవమానపరచడమేనని స్పష్టం చేశారు. ఎవరి ప్రభావంతో తనకు టికెట్ ఇవ్వలేదో చెప్పాలని డిమాండ్ చేశారు. అందరి సర్వే రిపోర్టులను బహిర్గతం చేయాలన్నారు. బీఫామ్ ఇచ్చిన వారికి నూటికి నూరుపాళ్లు సీటు ఇస్తామని చెప్పాలన్నారు. ఇప్పుడు ప్రకటించిన 105 మందికీ బీ.ఫాం ఇస్తారా? అని ప్రశ్నించారు. 105 మంది జాబితాలో ఎన్నికల నాటికి సగం మందిని లేపేస్తారని పేర్కొన్నారు. 
కేటీఆర్ పై విమర్శలు 
కేటీఆర్ పై సురేఖ తీవ్రస్థాయిలో విమర్శలు చేశారు. కేటీఆర్ ద్వారానే తాము టీఆర్ ఎస్ లో చేరామని... కానీ కేటీఆర్ తమకు ఏ రోజూ అండగా నిలబడలేదన్నారు. తమకు అన్యాయం చేసింది కేటీఆరే అని ఆరోపించారు. కేటీఆర్ తన కోటరీని తయారు చేసుకుంటున్నారని పేర్కొన్నారు. ఎన్నికల్లో గెలిస్తే కేటీఆర్... తన వాళ్లకే మంత్రి పదువులు ఇచ్చుకుంటారని తెలిపారు. అందుకే తమలాంటి వాళ్లను బలి చేస్తున్నారని ఆవేదన వ్యక్తం చేశారు. 
పొమ్మనలేక పొగబెడుతున్నారు... 
తమ ఫోన్లు, డ్రైవర్ల ఫోన్లు ట్యాప్ చేస్తున్నారని మండిపడ్డారు. ఇప్పుడు తమ అనుచరులపైనే రౌడీ షీట్లు తెరిపించారని పేర్కొన్నారు. తమపై దుష్ప్రచారం చేస్తున్నారని..'మమ్మల్ని పొమ్మనలేక పొగబెడుతున్నారు' అని వాపోయారు. తనకు గానీ, తన కుమార్తెకు గానీ ఎవరో ఒకరికే టికెట్ ఇస్తామన్నారని తెలిపారు. భూపాలపల్లి ఇవ్వడం కుదరదు, పరకాకల ఇస్తామన్నారని చెప్పారు. పార్టీ ఎక్కడ పోటీ చేయమంటే అక్కడే చేస్తామన్నామని తెలిపారు. వరంగల్ ఈస్ట్ కే టికెట్ ఇవ్వమని చివరగా చెప్పామన్నారు. భూపాలపల్లిలో మధుసూదనాచారికి టికెట్ ఇవ్వకపోతోనే తమకివ్వమని చెప్పామని తెలిపారు. భూపాలపల్లిలో మధుసూదనాచారిపై వ్యతిరేకత ఉందన్నారు. తమ సపోర్టుతోనే మధుసూదనాచారి గెలిచారని పేర్కొన్నారు. 
పార్టీ గుర్తుపై గెలిచిన మేం చేదయ్యామా?  
తనపై ఒత్తిడి చేసి వరంగల్ ఈస్ట్ నుంచి పోటీ చేయించారని పేర్కొన్నారు. కేసీఆర్ మాట మేరకు వరంగల్ ఈస్ట్ నుంచి పోటీ చేశానని తెలిపారు. పార్టీ నుంచి ఒక్క రూపాయి కూడా తీసుకోకుండా ఎన్నికల్లో గెలిచానని తెలిపారు. వరంగల్ ఎంపీ సీట్ నుంచి కడియం నిలబడితే ఖర్చంతా తామే పెట్టుకున్నామన్నారు. ఎమ్మెల్సీ, జిల్లా పరిషత్ ఎన్నికల్లోనూ తామే ఖర్చు పెట్టామని తెలిపారు. ఆయన ముద్దై, పార్టీ గుర్తుపై గెలిచిన మేం చేదయ్యామా? అని ప్రశ్నించారు. 
తెలంగాణ.. కల్వకుంట్ల వారి ఇల్లు కాదు...
తనకు మంత్రి పదవి, మురళికి ఎమ్మెల్సీ ఇస్తామని గతంలో కేసీఆర్ హామీ ఇచ్చారని గుర్తు చేశారు. తనకు మంత్రి పదవి ఇవ్వకపోయినా పార్టీకి వ్యతిరేకంగా ఎక్కడా మాట్లాడలేదన్నారు. తనకు, మురళికి బిఫామ్ లు తప్ప టీఆర్ ఎస్ నుంచి తమకేమీ రాలేదన్నారు. మమ్మల్ని వ్యతిరేకించే ఎర్రబెల్లిని పార్టీలోకి తెచ్చుకున్నారని పేర్కొన్నారు. సారయ్య, గుండు సుధారాణి, ఎర్రబెల్లిని పార్టీలో చేర్చుకునేటప్పుడూ తమకు చెప్పలేదన్నారు. మహిళకు మంత్రి పదవి ఇవ్వకుండా టీఆర్ ఎస్ చరిత్రలో నిలిచిందని ఎద్దేవా చేశారు. తెలంగాణ అనేది కల్వకుంట్ల వారి ఇల్లు కాదన్నారు. తనకు టికెట్ ఇవ్వకపోవడంపై వివరణ వచ్చాకే తమ నిర్ణయం ప్రకటిస్తామని తెలిపారు. కార్యకర్తలు ఉన్నంత వరకు తనకు ఎలాంటి భయం లేదన్నారు. ఎక్కడైనా పోటీ చేసి గెలిచే సత్తా ఉందన్నారు. రాజకీయంగా ఏ నిర్ణయం తీసుకుంటామన్న విషయంపై బహిరంగ ప్రకటన చేస్తామని చెప్పారు. వారు తీసుకునే నిర్ణయంపై తన నిర్ణయం ఆధారపడి ఉంటుందని చెప్పారు. 

 

12:49 - September 8, 2018

హైదరాబాద్ : తనకు టికెట్ ఎందుకు ఇవ్వలేదో వివరణ ఇవ్వాలని కొండా సురేఖ డిమాండ్ చేశారు. నాలుగు సార్లు వరుసుగా గెలిచిన తనను ఆపడానికి కారణం ఏంటని ప్రశ్నించారు. వరంగల్ లో 12 టిక్కెట్లు ప్రకటించి తనను మాత్రమే ఎందుకు ఆపారని నిలదీశారు. 'పార్టీలో మేం చేసిన తప్పేంటి ? మేం చేసిన నష్టమేంటీ ?' అని అడిగారు. 

12:42 - September 7, 2018

హైదరాబాద్ : మాజీ స్పీకర్ సురేష్ రెడ్డి టీఆర్ ఎస్ లో చేరారు. మాజీ మంత్రి కేటీఆర్ సమక్షంలో ఆయన టీఆర్ ఎస్ లో చేరారు. కేటీఆర్ సురేష్ రెడ్డిని పార్టీలోకి ఆహ్వానించారు. అంతకుముందు సురేష్ రెడ్డితో కేటీఆర్ భేటీ అయ్యారు. అనంతరం సురేష్ రెడ్డి, కేటీఆర్ కలిసి మీడియా సమావేశం ఏర్పాటు చేశారు. టీఆర్ ఎస్ లో చేరినట్లు సరేష్ రెడ్డి ప్రకటించారు. 

17:12 - September 2, 2018
11:58 - August 27, 2018
17:43 - August 25, 2018

హైదరాబాద్ : టీఆర్‌ఎస్‌ పార్టీ ప్రగతి నివేదన సభకు ఏర్పాట్లు ముమ్మరంగా సాగుతున్నాయి. జాతరలా ప్రగతి నివేదన సభ నిర్వహించేందుకు ఏర్పాట్లు చేస్తున్నారు. కొంగరకలాన్‌లో టీఆర్‌ఎస్‌ శ్రేణులు ఏర్పాట్లను పర్యవేక్షిస్తున్నారు. బహిరంగ సభను ప్రతిష్టాత్మకంగా తీసుకున్నారు. నిన్న సభాస్థలిని పరిశీలించిన సీఎం కేసీఆర్‌ ఏర్పాట్లపై సంతృప్తి వ్యక్తం చేశారు. సభను సక్సెస్ చేయాలని పిలుపునిచ్చారు. సభకు ఓయూ జేఏసీ, అంబేద్కర్ యువజన సంఘం మద్దతు తెలిపాయి. సభాస్థలి దగ్గర భద్రత ఏర్పాట్లను రాచకొండ సీపీ మహేష్‌ భగవత్‌ పరిశీలించారు. 
శేఖర్ రెడ్డి..
'సభకు 25 లక్షల మంది హాజరవుతారు. ప్రతి నియోజకవర్గం నుంచి 30 వేల మందిని సమీకరించాలని సీఎం చెప్పారు. కానీ 40 వేల మంది వచ్చే అవకాశం ఉంది. రోడ్డు, మంచినీరు, వైద్య సదుపాయాలు కల్పిస్తున్నాము' అని చెప్పారు.
వెంకటేష్.....
'3 వేల మంది వాలంటీర్లు ఉంటారు. 20 గేట్లు ఏర్పాటు చేస్తున్నాం. సభకు 7వేలకు పైగా వాహనాల్లో ప్రజలు వస్తారని అంచనా వేస్తున్నాం. ప్రత్యేకంగా పార్కింగ్ స్థలం  ఉంటుంది. పార్కింగ్ కు వెయ్యి ఎకరాలను కేటాయించాం. విద్యుత్ సౌకర్యం కల్పించాము' అని అన్నారు. మరిన్ని వివరాలను వీడియోలో చూద్దాం.. 

16:15 - August 25, 2018

హైదరాబాద్ : టీఆర్‌ఎస్‌ పార్టీ ప్రగతి నివేదన సభకు ఏర్పాట్లు ముమ్మరంగా సాగుతున్నాయి. జాతరలా ప్రగతి నివేదన సభ నిర్వహించేందుకు ఏర్పాట్లు చేస్తున్నారు. కొంగరకలాన్‌లో టీఆర్‌ఎస్‌ శ్రేణులు ఏర్పాట్లను పర్యవేక్షిస్తున్నారు. నిన్న సభాస్థలిని పరిశీలించిన సీఎం కేసీఆర్‌ ఏర్పాట్లపై సంతృప్తి వ్యక్తం చేశారు. సభాస్థలి దగ్గర భద్రత ఏర్పాట్లను రాచకొండ సీపీ మహేష్‌ భగవత్‌ పరిశీలించారు. సభకు 7వేలకు పైగా వాహనాల్లో ప్రజలు వస్తారని అంచనా వేస్తున్నారు. విద్యుత్ సౌకర్యం కల్పించారు. మరిన్ని వివరాలను వీడియోలో చూద్దాం.. 

 

13:50 - August 24, 2018

హైదరాబాద్‌ : నగర శివారులోని కొంగర్‌కలాన్‌లో సెప్టెంబర్‌ 2న టీఆర్‌ఎస్‌ పార్టీ ప్రగతి నివేదన సభ నిర్వహించనున్నారు. ఇందుకోసం భారీ ఎత్తున ఏర్పాట్లు చేస్తున్నారు. ఇప్పటికే టీఆర్‌ఎస్‌ పార్టీ శ్రేణులు ఏర్పాట్లను పర్యవేక్షిస్తున్నారు. కాసేపట్లో సభ నిర్వహించే ప్రాంతాన్ని సీఎం కేసీఆర్‌ పర్యవేక్షించనున్నారు. ఈ సందర్భంగా ఆ పార్టీ నేత శేఖర్ రెడ్డి మాట్లాడుతూ సభకు ప్రజలు భారీగా తరలొస్తారని చెప్పారు.

 

12:57 - August 24, 2018

హైదరాబాద్‌ : నగర శివారులోని కొంగర కలాన్‌లో సెప్టెంబర్‌ 2న టీఆర్‌ఎస్‌ పార్టీ ప్రగతి నివేదన సభ నిర్వహించనున్నారు. ఇందుకోసం భారీ ఎత్తున ఏర్పాట్లు చేస్తున్నారు. ఇప్పటికే టీఆర్‌ఎస్‌ పార్టీ శ్రేణులు ఏర్పాట్లను పర్యవేక్షిస్తున్నారు. కాసేపట్లో సభ నిర్వహించే ప్రాంతాన్ని సీఎం కేసీఆర్‌ పర్యవేక్షించనున్నట్లు తెలుస్తోంది. 
చరిత్రలో చిరస్థాయిగా నిలిచిపోతుంది : మధు
బహిరంగ సభ చరిత్రలో చిరస్థాయిగా నిలిచిపోతుందని టీఆర్ ఎస్ రాష్ట్ర కార్యదర్శి మధు అన్నారు. 1600 ఎకరాల్లో సభ ఏర్పాట్లు అవుతున్నాయని చెప్పారు. కొన్ని వేల బస్సుల్లో వేలలో ప్రజలు తరలిరావడానికి సిద్ధంగా ఉన్నారని తెలిపారు. 119 నియోజకవర్గాల నుంచి కార్యకర్తలు, ప్రజలు తరలివస్తారని చెప్పారు. 20 వేల నుంచి 30వేల మందిని సమీకరించాలని పిలుపునిచ్చారని తెలిపారు. ఎన్నికలు అనేది తమకు ఇష్యూ కాదన్నారు. 

Pages

Don't Miss

Subscribe to RSS - టీఆర్ ఎస్