టీడీపీ

22:02 - July 21, 2018

హైదరాబాద్ : అవిశ్వాస తీర్మాన పరిణామాలపై జనసేనాని ట్విట్టర్‌లో స్పందించారు. ప్రత్యేక హోదా నీరుగారడానికి కారణం ఎవరని ప్రశ్నించారు? గతంలో యూ టర్న్‌ తీసుకున్న చంద్రబాబు.. భవిష్యత్‌లో వైఖరి మార్చుకోరన్న గ్యారంటీ ఏంటని ప్రశ్నించారు. ప్రత్యేక హోదాపై యువత మౌనం వీడి.. పోరాటానికి సిద్దం కావాలని పిలుపునిచ్చారు. మోదీ సర్కార్‌పై టీడీపీ పెట్టిన అవిశ్వాస తీర్మానం వీగిన తర్వాత జనసేన అధినేత పవన్‌కల్యాణ్‌ తనదైన శైలిలో ట్విట్టర్‌లో స్పందించారు. చంద్రబాబు, టీడీపీ, బీజేపీ తీరును తీవ్రంగా విమర్శించారు. 

ప్రత్యేక హోదాను నీరు గార్చింది ఎవరు అని జనసేనాని ట్విట్టర్‌లో ప్రశ్నించారు. బీజేపీ రహస్య ఒప్పందం చేసుకుని పరిస్థితిని ఇంతవరకు తీసుకువచ్చింది ఎవరో టీడీపీ గతాన్ని గుర్తు చేసుకోవాలని సూచించారు. గతంలో ప్రత్యేక హోదా వద్దని.. ప్రత్యేక ప్యాకేజీకి ఒప్పుకున్న చంద్రబాబు.. ఇప్పుడు చెబుతున్న వైఖరి మార్చుకోరన్న గ్యారంటీ ఇవ్వగలరా అని టీడీపీని ప్రశ్నించారు. ఏపీ అంటే 175 మంది ఎమ్మెల్యేలు, 25 మంది ఎంపీలు కాదని... నిర్ణయం తీసుకునే ప్రతిసారి ఐదు కోట్ల మంది ప్రజలకు జవాబుదారీగా ఉండాలని సూచించారు. టీడీపీ గజినీ సినిమా హీరో 'షార్ట్‌ టైం మెమొరీలాస్‌'తో ఎలా బాధపడతాడో ఆ విధమైన 'కన్వినియెంట్‌ మెమొరీ లాస్‌ సిండ్రోమ్‌'తో బాధపడుతుందని పవన్‌కల్యాణ్‌ ఎద్దేవా చేశారు. విభజన హామీల్లో ఎవరికి వారు రాజకీయ ప్రయోజనాలకు అనువుగా మార్చుకుంటున్నారన్నారు. రాష్ట్ర ప్రయోజనాలను బీజేపీ, టీడీపీలు రెండు పార్టీలు దెబ్బతీశాయన్నారు. ఓవైపు టీడీపీ ఎంపీలు బీజేపీని విమర్శిస్తూనే... మరోవైపు ప్రధాని మోదీ కాళ్లు మొక్కుతున్నారని విమర్శించారు. లోక్‌సభలోనే రాజ్‌నాథ్‌సింగ్‌ చంద్రబాబు తమ స్నేహితుడు అని చెప్పడం చూస్తుంటే.. చంద్రబాబు చేస్తున్న ధర్మపోరాటం ఎలా నమ్మగలుగుతామని పవన్‌కల్యాణ్‌ ప్రశ్నించారు. 

జనసేన ఎప్పుడూ సొంత ప్రయోజనాల కోసం పని చేయదని... రాష్ట్ర ప్రయోజనాలే తనకు ముఖ్యమని ట్వీట్‌ చేశారు పవన్‌కల్యాణ్‌. విభజన నష్టపోయిన ప్రజలకు న్యాయం చేసేవరకు పోరాటం చేయాలని పవన్‌ సూచించారు. ఒకరోజు బంద్‌తోనో... కాగడాల ప్రదర్శనలతోనో సరిపెట్టుకోలేమన్నారు. ప్రత్యేక హోదా సాధన, విభజన చట్టంలో పేర్కొన్న హామీలను సాధించుకోవడం కోసం నిరంతరం పోరాటం చేయాలన్నారు. ప్రస్తుత సమయంలో యువత మౌనం వీడి... పోరాటానికి సిద్దం కావాలని పిలుపునిచ్చారు. తాము చేపట్టిన జనసేన పోరాట యాత్ర అందులోనే భాగమే అన్నారు. పాలకుల ద్వంద్వ వైఖరిని, అన్యాయం చేస్తున్న తీరును ప్రజలకు వివరిస్తామన్నారు. ఐదు కోట్ల ప్రజల ఆకాంక్షను ఢిల్లీకి వినిపించేలా.. రాష్ట్రానికి న్యాయం జరిగే వరకు జనసేన పోరాడుతుందని పవన్‌కల్యాణ్‌ స్పష్టం చేశారు. 

మొత్తానికి ప్రత్యేక హోదాపై ఢిల్లీలో పోరాటం చేయాలని టీడీపీ నిర్ణయించగా.. ప్రస్తుత పరిస్థితికి టీడీపీ వైఖరే కారణమని పవన్‌కల్యాణ్‌, జగన్‌లు తప్పుపడుతున్నారు. మరీ ప్రస్తుత పరిస్థితుల నేపథ్యంలో రాష్ట్రంలో ఎలాంటి పరిణామాలు చోటు చేసుకుంటాయోనన్న ఆసక్తి నెలకొంది. 

21:49 - July 21, 2018

ఢిల్లీ : టీడీపీ తీరుపై బీజేపీ నేతలు తీవ్రస్థాయిలో మండిపడ్డారు. తెలుగుదేశం నేతలు ఏపీ, తెలంగాణల మధ్య చిచ్చు పెట్టే ప్రయత్నం చేస్తున్నారని బీజేపీ ఎంపీ జీవీఎల్‌ నరసింహరావు విమర్శించారు. చంద్రబాబుకు నైతికత లేదని.. ప్రతి విషయంలో యూ టర్నులు తీసుకోవడం వల్లే ప్రతిపక్షాలు ఆయనను నమ్మలేదన్నారు. ఏపీ అభివృద్ధికి కేంద్రం కట్టుబడి ఉందని బీజేపీ నాయకురాలు పురందేశ్వరి స్పష్టం చేశారు.

పక్క రాష్ట్రం మద్ధతు కూడా కూడగట్టలేకపోయిన టీడీపీ.. ఏపీ, తెలంగాణాల మధ్య చిచ్చు పెట్టే ప్రయత్నం చేసిందని బీజేపీ అధికార ప్రతినిధి జీవీఎల్‌ నరసింహారావు విమర్శించారు. ప్రత్యేక హోదాపై పదే పదే వైఖరి మార్చుకుంటున్న చంద్రబాబుకు ప్రతీ విషయంలోనూ యూటర్న్‌ తీసుకోవడం అలవాటైందన్నారు. కేవలం రాజకీయ ప్రయోజనాల కోసమే కేంద్రంపై అవిశ్వాస తీర్మానం పెట్టారని ఆయన ఆరోపించారు. చంద్రబాబుకు విశ్వసనీయత లేదు కాబట్టే టీడీపీ మాటలను ఎవరూ పట్టించుకోలేదన్నారు. ప్రత్యేక హోదా బదులు ప్రత్యేక ప్యాకేజీకి చంద్రబాబు ఒప్పుకున్నారని.. అసెంబ్లీలో, మహానాడులో ప్రత్యేక ప్యాకేజీని కొనియాడారని జీవీఎల్‌ గుర్తు చేశారు. ఇప్పుడు మళ్ళీ ఎందుకు యూటర్న్ తీసుకున్నారని అన్నారు. 

ఆంధ్రప్రదేశ్‌కు నిజమైన దోషులెవరో తేలిపోయిందని కేంద్ర మాజీమంత్రి, బీజేపీ నేత పురందేశ్వరి అన్నారు. అవిశ్వాస చర్చ సందర్భంగా పార్లమెంట్‌లో జరిగిన పరిణామాలపై ఆమె బీజేపీ కార్యాలయంలో ప్రస్తావించారు. కాంగ్రెస్‌కు వ్యతిరేకంగా దివంగత నేత ఎన్టీఆర్‌ టీడీపీని స్థాపిస్తే.. ఆ కాంగ్రెస్‌ మద్దతుతోనే అవిశ్వాసం పెట్టి పార్లమెంట్‌లో తెలుగు ప్రజల ఆత్మగౌరవాన్నిటీడీపీ నాయకులు తాకట్టు పెట్టారని మండిపడ్డారు. పార్లమెంట్‌లో రాహుల్‌ ఏపీ ప్రస్తావనే తీసుకురాలేదన్నారు. ఏపీకి ఇలాంటి పరిస్థితి రావడానికి కారణం కాంగ్రెస్సేనన్నారు. అశాస్త్రీయంగా జరిగిన విభజనలో సీఎం చంద్రబాబుకు భాగం ఉందని పురందేశ్వరి ఆరోపించారు. 

ఏపీకి ఏమడిగినా ప్రధాని నరేంద్ర మోదీ, కేంద్ర హోంశాఖ మంత్రి రాజ్‌నాథ్‌ సింగ్‌లు ఇస్తామని పార్లమెంట్‌ సాక్షిగా చెప్పారని పురందేశ్వరి గుర్తు చేశారు. పార్లమెంట్‌లో బీజేపీపై టీడీపీ అబద్ధాలు చెప్పిందన్నారు. ఏపీకి కేంద్రం ఇచ్చిన హామీలన్నింటినీ అమలు చేస్తుందని పురందేశ్వరి అన్నారు. కొన్ని పథకాల జాప్యానికి టీడీపీ ప్రభుత్వమే కారణమన్నారు. ఏపీ అభివృద్ధి విషయంలో రాజకీయాలు చేయడలేందని, ఆంధ్రప్రదేశ్‌ అభివృద్ధికి కట్టుబడి ఉన్నామని బీజేపీ నేతలు స్పష్టం చేశారు. 

21:43 - July 21, 2018

ఢిల్లీ : ప్రత్యేక హోదాపై పోరాటం చేసేందుకు టీడీపీ సిద్ధమవుతోంది. కేంద్రంపై తాము పెట్టిన అవిశ్వాస తీర్మానం వీగిపోయినా... తమ సమస్యలు దేశం దృష్టికి తీసుకువచ్చామని టీడీపీ సంతృప్తి వ్యక్తం చేస్తోంది. కేంద్రాన్ని ఇరుకున పెట్టేందుకు పార్లమెంట్‌ వెలుపలా, లోపలా పోరాటాలు ఉధృతం చేయాలని చంద్రబాబు ఎంపీలకు దిశా నిర్దేశం చేశారు. రాష్ట్రానికి ఇచ్చిన హామీలు నెరవేర్చమని డిమాండ్‌ చేస్తే... తనపైనే విమర్శలు చేయడం ఎంతవరకు సబబు అని చంద్రబాబు ప్రశ్నించారు. 

కేంద్రంపై తాము పెట్టిన అవిశ్వాస తీర్మానానికి మద్దతిచ్చిన పార్టీలకు టీడీపీ జాతీయ అధ్యక్షుడు చంద్రబాబు కృతజ్ఞతలు తెలిపారు. పార్లమెంట్‌లో మోదీ సర్కార్‌కు సంఖ్యాబలం ఉందని తెలిసినా రాష్ట్రానికి ఇచ్చిన హామీలు విస్మరించడంతో అవిశ్వాస తీర్మానం పెట్టామని ఢిల్లీలో చంద్రబాబు తెలిపారు. అవిశ్వాస తీర్మానం సందర్బంగా మద్దతిచ్చిన పార్టీలు.. భవిష్యత్‌లోనూ ప్రజలకు న్యాయం చేసేందుకు సహకరిస్తాయన్న ఆశాభావాన్ని వ్యక్తం చేశారు. 15 ఏళ్ల తర్వాత కేంద్రంపై తామే అవిశ్వాస తీర్మానం పెట్టామన్నారు. మెజారిటీకి, నైతికతకు మధ్య పోరాటం జరుగుతుందని... ప్రజలకు విశ్వాసం కల్పించాల్సిన కేంద్రం... ఆ పని చేయలేకపోయిందని చంద్రబాబు తీవ్రంగా విమర్శించారు. 

రాష్ట్రానికి ఇచ్చిన హామీలను నెరవేర్చాలని నాలుగేళ్లుగా ప్రధాని మోదీని కలిసి విన్నవించినా పట్టించుకోలేదన్నారు. ఓపిక నశించాకే మంత్రివర్గం నుంచి తప్పుకున్నామని స్పష్టం చేశారు. ప్రత్యేక హోదా ఇవ్వొద్దని 14వ ఆర్ధికసంఘం చెప్పిందనడం అవాస్తవమని... ఆర్ధికసంఘం సభ్యుడు టి.గోవిందరావు అలాంటి సిఫార్సు చేయలేదన్నారు. 

రాష్ట్ర విభజనతో నష్టపోయామని.. ఆదుకోమని అడిగితే తమ పైనే విమర్శలు చేస్తున్నారని చంద్రబాబు అన్నారు. ఎవరికీ ప్రత్యేక హోదా లేదని చెబుతున్న కేంద్రం.. ఇప్పటికీ 11 రాష్ట్రాలకు రాయితీలు ఇస్తున్నారన్నారు. తాను యూ టర్న్‌ తీసుకున్నానని.. వైసీపీ ట్రాప్‌లో పడ్డారని మోదీ అనడం ఎంతవరకు సబబు అని ప్రశ్నించారు. విభజన తర్వాత రాష్ట్ర సమస్యలు పరిష్కరించడంతో కేసీఆర్‌ పరిణితితో వ్యవహరించిందని నన్ను విమర్శించడం ప్రధాని స్థాయికి తగదన్నారు. తాను ఇప్పుడున్న వారికంటే ముందుగానే సీఎం అయ్యానని... రాష్ట్రానికి ఇచ్చిన హామీలను నెరవేర్చమని అడిగితే.. విమర్శలు చేయడం ఎంతవరకు సబబు అని చంద్రబాబు ప్రశ్నించారు. 

ప్రధాని మోదీ ఇచ్చిన సమాధానంపై టీడీపీ ఎంపీలు అసంతృప్తి వ్యక్తం చేశారు. రాష్ట్ర సమస్యలపై టీడీపీ అవిశ్వాసం పెడితే... ఆ అంశాలపై చర్చించకుండా రాజకీయాలు మాట్లాడారన్నారు. ఇచ్చిన హామీలను నెరవేర్చకుండా పక్కదారి పట్టించారంటున్నారు. తమ హక్కులను సాధించుకోవడం పోరాటాన్ని ఉధృతం చేస్తామని ఎంపీలు అన్నారు. 

కేంద్రంపై తాము పెట్టిన అవిశ్వాస తీర్మానం వీగిపోవడంతో టీడీపీ భవిష్యత్‌ కార్యాచరణను ప్రకటించింది. ఢిల్లీలో ఎంపీలతో భేటీ అయిన చంద్రబాబు పార్లమెంట్‌లో ఏ విధంగా పోరాటం చేయాలో దిశానిర్దేశం చేశారు. పార్లమెంట్‌ ఆవరణలో ప్లకార్డులతో ఆందోళనలు చేపట్టాలని సూచించారు. కేంద్రాన్ని ఇరుకున పెట్టేందుకు ప్రతి అవకాశాన్ని సద్వినియోగం చేసుకుని పోరాటం చేయాలని చంద్రబాబు సూచించారని ఎంపీలంటున్నారు. తాము రాజీనామా చేయబోమని... సభలోనే ఉండి రాష్ట్ర హక్కుల కోసం పోరాడుతామంటున్నారు. మొత్తానికి ప్రత్యేక హోదా కోసం టీడీపీ ఎంపీలు ప్రత్యక్ష కార్యాచరణకు దిగబోతున్నారు. రాష్ట్రానికి కేంద్రం చేసిన మోసాన్ని ఎండగడుతూ పార్లమెంట్‌ లోపల, వెలుపల ఆందోళన చేయనున్నారు. 

21:21 - July 20, 2018

ఢిల్లీ : కేంద్ర ప్రభుత్వంపై టీడీపీ ఎంపీ రామ్మోహన్ నాయుడు తీవ్రస్థాయిలో మండిపడ్డారు. మోడీ ప్రభుత్వ విధానాలను ఆయన ఎండగట్టారు. ఏపీకి బీజేపీ ప్రభుత్వం అన్యాయం చేసిందని మండిపడ్డారు. అవిశ్వాసంపై చర్చ సందర్భంగా ఆయన మాట్లాడారు. విశాఖ రైల్వేజోన్ విషయం కేంద్ర ప్రభుత్వం మోసం చేసిందన్నారు. ఏపీకి ప్రత్యేక హోదా ఇవ్వాలని నాటి ప్రధాని రాజ్యసభలో అన్నారని..హోదా ప్రకటనను జైట్లీ కూడా సమర్థించారని గుర్తుం చేశారు. ప్రత్యేక హోదా ఐదేళ్లు కాదు..పదేళ్లు కావాలని బీజేపీ డిమాండ్ చేసిందన్నారు. హామీల అమలుపై అన్నీ అబద్ధాలే చెబుతున్నారని పేర్కొన్నారు.

 

20:44 - July 20, 2018

ఢిల్లీ : కాంగ్రెస్ వ్యతిరేకంగా ఏర్పడిన పార్టీ టీడీపీ అని బీజేపీ ఎంపీ కంభంపాటి హరిబాబు అన్నారు. అవిశ్వాసంపై చర్చ సందర్భంగా లోక్ సభలో ఆయన మాట్లాడారు. 30 సం.రాలుగా కాంగ్రెస్ తో ఫైట్ చేస్తున్న టీడీపీ ఇప్పుడు ఆ పార్టీతో చేతులు కలిపిందన్నారు. మూడు దశాబ్ధాలుగా కాంగ్రెస్ పై టీడీపీ పోరాడుతోంది.. ఇప్పుడు టీడీపీ కాంగ్రెస్ లో కలిసినట్లు వార్తలు వస్తున్నాయని అన్నారు. టీడీపీకి ఎవరితోనైనా స్నేహం చేసే హక్కు ఉందన్నారు. కాంగ్రెస్ తో చేతులు కలిపి సభలో టీడీపీ వ్యవహరిస్తున్న తీరును చూస్తుంటే... ఎన్ టీఆర్ ఆత్మ క్షోభిస్తుందన్నారు. ఇవాళ టీడీపీ కాంగ్రెస్ పార్టీతో చేతులు కలపడం చూస్తుంటే ఆశ్చర్యంగా ఉందన్నారు. ఏపీపై కాంగ్రెస్ మొసలి కన్నీరు కారుస్తోందని విమర్శించారు. 
 

12:36 - July 20, 2018

ఢిల్లీ : విభజన అనంతం ఏపీకి జరుగుతున్న అన్యాయంపై టీడీపీ ప్రభుత్వం పార్లమెంట్ లోక్ సభలో అవిశ్వాస తీర్మానంపై గల్లా ప్రసంగం ముగిసిన తరువాత మధ్యప్రదేశ్ బీజేపీ ఎంపీ రాకేశ్ సింగ్ మాట్లాడుతు..టీడీపీ ఎంపీ బీజేపీని శపిస్తున్నామంటున్నారు కానీ టీడీపీ శాపగస్తులు కాబట్టే కాంగ్రెస్ తో కలిసి అవిశ్వాస తీర్మానం పెట్టారని ఎద్దేవా చేశారు. ప్రజలు అధికారం ఎవరికి కట్టబెడితే వారు పరిపాలన చేయటమే ప్రజాస్వామ్య లక్షణమన్నారు. అవిశ్వాసం విషయంలో కాంగ్రెస్ తో టీడీపీ కలవటం శోచనీయమన్నారు. కాంగ్రెస్ హయాంలో కుటుంబ పాలనపై తప్ప ఇతర ప్రభుత్వాలపై నమ్మకం లేదన్నారు. కాంగ్రెస్ తో కలిసిన జేడీఎస్ కుమార స్వామి కన్నీళ్లు పెట్టుకుంటున్నారని గుర్తు చేశారు. యూపీఏ హయాంలో జరిగిన స్కాంలతో భారత ప్రతిష్ట దిగజారిపోయిందని విమర్శించారు. 
మోదీ దేశానికి దశ,దిశ : రాకేశ్ కుమార్ 
ప్రధాని నరేంద్ర మోదీ దేశానికి దశ, దిశ ఆయనేనని బీజేపీ మధ్యప్రదేశ్ ఎంపీ రాకేశ్ కుమార్ పార్లమెంట్ లో పేర్కొన్నారు. కుల మతాలకు అతీతంగా సబ్ కా సాథ్ సబ్ కా వికాస్ పేరుతో అందరికీ అభివృద్ధి జరిగిందనీ..మోదీ అధికారంలోకి వచ్చాక దేశంలో స్వచ్ఛమైన పాలన అందించారన్నారు. దేశంలో మొదటిసారిగా ఇంత మెజార్టీతో..దేశ ప్రజల ఆశలతో, ఆకాంక్షలతో కాంగ్రేసేతర ప్రభుత్వం ఏర్పడిందన్నారు. 
వచ్చే ఎన్నికల్లో ఎన్డీయేదే అధికారం : రాకేశ్ కమార్
 2019 ఎన్నికల్లో ప్రధాని నరేంద్రమోదీ నేతృత్వంలోని ఎన్డీయే ప్రభుత్వం మరోసారి అధికారంలోకి వస్తుందని మధ్యప్రదేశ్ బీజేపీ ఎంపీ రాకేశ్ కుమార్ ధీమా వ్యక్తంచేశారు. కాంగ్రెస్ రైతులను కేవటం ఓటుబ్యాంకుగా వాడుకుందని..వ్యవసాయ ఉత్తత్తులకు గిట్టుబాటు ధర ప్రకటించిన ఘనత ఎన్డీయే ప్రభుత్వానిదన్నారు. 

12:07 - July 20, 2018

ఢిల్లీ : లోక్ సభలో అవిశ్వాసంపై చర్చ ప్రారంభమయ్యింది. ఈ చర్చలో తక్కువ సమయం ఇవ్వటంపై కాంగ్రెస్ అభ్యంతరం వ్యక్తంచేసింది. చర్చ ప్రారంభమైన కొద్ది సేపటికే సభ నుండి బీజేడీ వాకౌట్ చేసింది. ఒడిషాకు కేంద్రం న్యాయం చేయనందుకు వాకౌట్ చేస్తున్నామని బీజేడీ ప్రకటించి వాకౌట్ చేసింది. భరత్ అను నేను సినిమాలో సీఎంగా వున్న తండ్రి చనిపోతే ఎన్నారైగా వుండే యంగె సన్ సీఎం అయిన ఇచ్చిన వాగ్ధానాలను నిలబెట్టిన 'భరత్ అను నేను' సినిమా లైన్ తో గల్లా జయదేశ్ చర్చను ప్రారంభించారు. ఇచ్చిన మాటను నిలబెట్టుకోవటం ఎంత ముఖ్యమో భరత్ అను నేను సినిమాలో చూపించారన్నారు.

ఏపీ సమస్యలు టీడీపీ, బీజేపీ వార్ కాదు : గల్లా
భారత దేశ చరిత్రలో ఇది చాలా ముఖ్యమైన రోజన్నారు. ఇప్పుడు ఏపీ కూడా ఇచ్చిన మాట నిలబెట్టుకోవటం గురించే పోరాడుతోందన్నారు. ఇది ఒక్క ఆంధ్రప్రదేశ్ సమస్య కాదనీ..జాతీయ సమస్యగా గల్లా అభివర్ణించారు. 24వేల కోట్ల లోటు బడ్జెట్ తో ఏపీ విభజన జరిగిందని తెలిపారు. ఇది టీడీపీకి, బీజేపీకి మధ్య వార్ కాదనీ..మోజారిటీకి, మోరాలిటీకి జరిగే యుద్ధమన్నారు. ఎన్డీయే ప్రభుత్వం నుండి టీడీపీ రాగానే ఏపీ రాష్ట్రంపై కేంద్ర ప్రభుత్వం కక్షపూరితంగా వ్యవహరిస్తోందని గల్లా ఆరోపించారు. కేంద్రం తీసుకున్న అనాలోచిన నిర్ణయంతో ఏపీ తీవ్రంగా నష్టపోయిందన్నారు. జనాభా ప్రాతిపదికన ఏపీకి, తెలంగాణకు అప్పులు పంచటంలో ఏపీకి రూ.34 వేల కోట్ల నష్టం వాటిల్లిందన్నారు.విభజన తరువాత ఏపీనే కొత్త రాష్ట్రం కానీ తెలంగాణ కొత్త రాష్ట్రం కాదనీ..పరిశ్రమలన్నీ తెలంగాణలోనే వుండిపోయనీ గుర్తు చేశారు. ఏపీకి రాజధాని కూడా లేకుండా విడగొట్టారన్నారు. ఆదాయంలో ఏపీకి, తెలంగాణ తీవ్రంగా వ్యత్యాసం వుందన్నారు.

అప్పులు ఏపీకి, తెలంగాణ ఆస్తులు : గల్లా
ఉమ్మడి రాష్ట్రంగా వున్నప్పుడు అన్ని ప్రాంతాల వారు హైద్రాబాద్ లో పెట్టుబడులు పెట్టారని గుర్తు చేశారు. ఏపీకి అప్పులు, తెలంగాణకు ఆస్తులు ఇచ్చారని విమర్శించారు. దీంతో గల్లా ప్రసంగానికి టీఆర్ఎస్ ఎంపీలు అడ్డుతగిలారు. దీంతో టీడీప, టీఆర్ఎస్ నేతలకు మధ్య చిన్నపాటి వాగ్వాదం చోటుచేసుకుంది. దీంతో స్పీకర్ సర్ధి చెప్పిటంతో టీఆర్ ఎస్ ఎంపీలు సర్ధుమణిగారు. దీంతో గల్లా తన ప్రసంగాన్ని కొనసాగించారు. కేంద్రం మాపై కక్ష గట్టం చూస్తుంటే మేము భారతదేశంలో భాగం కాదా? అనే అనిపించేలా వుందని ఆవేదన వ్యక్తంచేశారు. అప్రజాస్వామికంగా విభజించిన పాపం కేవలం కాంగ్రెస్ ది మాత్రమే కాదని దాంట్లో బీజేపీ కూడా భాగస్వామిగా వుందని గుర్తుచేశారు.

అని విధాలుగా ఏపీ విభజనలో నష్టంపోయింది : గల్లా
పారిశ్రామికంగా, వ్యవసాయపరంగా ఏపీ తీవ్రంగా నష్టపోయిందని..90 శాతం విద్యాసంస్థలు తెలంగాణకే పోయాయని తెలిపారు. రెండు జాతీయ పార్టీలు కలిసి ఏపికి అన్యాయం చేశాయన్నారు. షెడ్యూల్ 9లోని కంపెనీలలో ఏపీకి వాటా ఇవ్వలేదని తెలిపారు. పార్లమెంట్ ఆనాటి ప్రధాని మన్మోహన్ సింగ్ ఇచ్చిన వాగ్ధానాలేమి అమలు కాలేదని గల్లా తెలిపారు. ఏపీకి కేంద్రం ఇచ్చిన ప్రాజెక్టులన్నీ నత్తనడకన నడుస్తున్నాయని గల్లా గుర్తుచేశారు. ప్రధాని మోదీ ప్రజలను మోసం చేస్తున్నారని..ఏపీని అన్ని విధాలుగా మోసం చేసిన కేంద్ర ప్రభుత్వానికి ప్రజలు బుద్ధి చెబుతారని ఎద్దేవా చేశారు. ఆర్ఠికల్ 4 ప్రకారం ప్రత్యేక హోదాను పార్లమెంట్ ఇవ్వాల్సి వున్నా ఎందుకివ్వలేదని ప్రశ్నించారు. ఫైనాన్స్ కమిషన్ నుఅడ్డం పెట్టుకుని ఏపీకి ప్రత్యేక హోదా ఇవ్వకపోవటం ఏపీకి చేసిన ద్రోహమని కుండబద్దలు కొట్టారు.

ప్రత్యేక ప్యాకేజీతో మరో మోసం..
ఆర్ఠికల్ 4 ప్రకారం ప్రత్యేక హోదాను పార్లమెంట్ ఇవ్వాల్సి వున్నా ఎందుకివ్వలేదని ప్రశ్నించారు. ఫైనాన్స్ కమిషన్ నుఅడ్డం పెట్టుకుని ఏపీకి ప్రత్యేక హోదా ఇవ్వకపోవటం మోసమైతే..ప్రత్యేక ప్యాకేజీ అని చెప్పి కేంద్రం ఏపీని మరోసారి ద్రోహం చేసిందని గల్లా తీవ్రంగా విమర్శించారు. ఈ మోసాన్ని గ్రహంచిన సీఎం చంద్రబాబు 'ప్రత్యేక హోదా'ను మరోసారి తెరపైకి తెచ్చి డిమాండ్ చేశారని తెలిపారు. విగ్రహాలకు వేలకోట్లు ఖర్చు పెడుతున్న కేంద్రం ఏపీ రాజధానికి మాత్రం నిధులు జారీ చేయటంలో మాత్ర వివక్ష చూపుతోందని గుర్తు చేశారు.

మేము చెప్పుకోవాల్సింది చాలా వుంది సమయం పెంచండి : గల్లా
అవిశ్వాసంపై చర్చలో భాగంగా తెలుగుదేశం పార్టీకి కేవలం 13 నిమిషాలు మాత్రమే ఇచ్చిన సంగతి తెలిసిందే. అయితే, ఏపీ జరగిన అన్యాయానికి సంబంధించి అంశాల వారీగా గల్లా జయదేవ్ సభలో వివరిస్తున్నారు. విభజన వల్ల తెలంగాణకు కలిగిన లబ్ధి, ఏపీకి జరిగిన అన్యాయం, కేంద్ర ప్రభుత్వ ద్రోహం గురించి ఆయన పలు అంశాలను లేవనెత్తుతున్నారు. ఈ క్రమంలో టీడీపీకి ఇచ్చిన సమయం ఎప్పుడో అయిపోయింది. గల్లా ప్రసంగం మాత్రం అనర్ఘళంగా కొనసాగింది. ఈ నేపథ్యంలో స్పీకర్ సుమిత్రామహాజన్ కలగజేసుకుని ఇంకా ఎంతసేపు మాట్లాడతారని ప్రశ్నించారు. ఇంకెంత సమయం కావాలని అడిగారు. దీనికి సమాధానంగా, ఇది చాలా కీలకమైన సమావేశమని, తాము చెప్పుకోవాల్సింది చాలా ఉందని, అన్నీ వివరించడానికి తనకు మరో అరగంట సమయం కావాలని కోరారు. అంత సమయం ఇవ్వడం కుదరదని, ఐదు నిమిషాల సమయం మాత్రమే ఇస్తానని స్పీకర్ చెప్పారు. దీనికి సమాధానంగా, అవిశ్వాసంపై తీర్మానానికి సంబంధించి గంట కన్నా తక్కువ సయమంలో తమ సమస్యలను చెప్పుకోవడం కుదరదని గల్లా అన్నారు. అనంతరం తన ప్రసంగాన్ని కొనసాగించారు. 

09:39 - July 20, 2018

ఢిల్లీ : హస్తినలో అవిశ్వాసపు వేడి రాజుకుంది. అధికార, విపక్షాల మధ్య అవిశాస్వపు సెగ రాజుకుంది. రాష్ట్రానికి కేంద్రం ప్రభుత్వం విభజన హామీలను నెరవేర్చకుంట కక్ష సాధింపు ధోరణిని అవలంభిస్తోందనే కారణంతో కేంద్ర ప్రభుత్వపు తీరును ఎండగట్టేందుకు పార్లమెంట్ ను వేదికగా చేసుకుని ఏపీకి జరిగిన..జరుగుతున్న అన్యాయాన్ని కూలకషంగా తెలిపేందుకు టీడీపీ అన్ని అస్త్ర శస్త్రాలు సిద్ధం చేసుకుంది. దీని కోసం ఎప్పటినుండి వేచి చూస్తున్న సీఎం చంద్రబాబు అన్ని విధాలుగాను రంగం సిద్ధం చేసుకున్నారు. కాగా ఏపీకి ఇచ్చిన అన్ని వాగ్ధానాలను నెరవేర్చేశామని అడ్డగోలుగా వాదిస్తు ఏపీపై ఎదురు దాడికి సిద్ధమయిన బీజేపీ ప్రభుత్వం ముఖ్యంగా టీడీపీని టార్గెట్ గా అవిశ్వాస తీర్మానంపై చర్చకు సిద్ధమయ్యింది. ఈ క్రమంలో పార్లమెంట్ లో జరగనున్న అవిశ్వాసపు తీర్మానంపై చర్చ, ఓటింగ్ విషయంలో జరనున్న ఉత్కంఠభరితమైన సందర్భాన్ని చూసేందుకు దేశం మొత్తం ఆసక్తిగా,ఉత్కంఠగా ఎదురు చూస్తోంది. ఈ అంశంపై 10టీవీ బిగ్ డిబేట్ ను చేపట్టింది. ఈ బిగ్ డిబేజ్ లో 10టీవీ ఇన్ పుట్ ఎడిటర్ కృష్ణ సాయిరామ్, ప్రముఖ విశ్లేషకులు తెలకపల్లి రవి, టీడీపీ నేత గోరంట్ల బుచ్చయ్య చౌదరి, కాంగ్రెస్ నేత తులసిరెడ్డి, బీజేపీ నేత లక్ష్మీనారాయణ పాల్గొన్నారు. 

09:30 - July 20, 2018

ఢిల్లీ : దేశంలో ఈరోజు 'బిగ్ ఫ్రైడే' జరగనుంది. లోక్‌సభలో సమరానికి అధికార, విపక్షాలు సిద్ధమయ్యాయి. మాటల కత్తులు దూసుకోవడానికి వ్యూహాలకు పదును పెట్టుకున్నాయి. ఈ నేపథ్యంలో టీడీపీ ఇచ్చిన అవిశ్వాస తీర్మానం అంశంపై దేశం యావత్తు ఆసక్తిగా, ఉత్కంఠగా ఎదురుచూస్తోంది. పూర్తి మోజారిటీ వున్నాగానీ అధికార పార్టీ అవిశ్వాసాన్ని తేలిగ్గా తీసుకోవటంలేదు. అలాగే అవిశ్వాస తీర్మానంలో పూర్తి స్థాయి మెజారిటీ తమకు లేదని విపక్షాలకు తెలుసు కానీ..అధికార పార్టీ యొక్క నియంతృత్వ పాలన ఎండగట్టేందుకు విపక్షాలన్ని సిద్ధమయ్యాయి. ఈ క్రమంలో ప్రధాని నరేంద్ర మోదీ దేశ ప్రజలకు ఉద్ధేశించి ట్విట్టర్ వేదికగా మాట్లాడారు. దేశం అంతా పార్లమెంట్ వైపే చూస్తోందనీ..భారత ప్రజాప్వామ్యంలో ఇదొక ముఖ్యమైన రోజనీ..గాణాత్మమైన చర్చటో ఎంపీలంతా పాల్గొనాలని పేర్కొన్నారు. మరి అవిశ్వాసం విషయంలో విపక్ష సభ్యులుఎంతమంది అనుకూలంగా వున్నారు? ఎంతమంది అననుకూలంగా వున్నారు. మరి ఇంకెంతమంది తటస్థంగా వున్నారు అనే విషయం మరికొద్ది గంటల్లో తేలిపోనుంది. 

08:39 - July 20, 2018

ఢిల్లీ : పార్లమెంట్ లో ఓ ప్రతిష్టాత్మక అధ్యాయానికి తెరతీసింది. విభజన హామీలను అమలు చేయలేదనే విభజన చట్టపరంగా ఆంధ్రప్రదేశ్‌కు ఇచ్చిన ప్రత్యేకహోదా హామీ అమలులో విఫలమైన కేంద్ర ప్రభుత్వ వైఖరిని దేశవ్యాప్తంగా అందరికీ తెలియజెప్పాలన్న ఉద్దేశంతో తెదేపా ఇచ్చిన అవిశ్వాస తీర్మానంపై ఉదయం 11 గంటలకు గల్లా జయదేవ్‌ ప్రసంగంతో చర్చ మొదలై సాయంత్రం 6కు ముగుస్తుంది. అనంతరం ప్రధాని ఇచ్చే సమాధానంపై సభ్యులు వివరణ కోరవచ్చు. ఆ తర్వాత ఓటింగ్‌ జరుగుతుంది. ఏది ఏమైనా అధికార పక్షమీద పైచేయి సాధించాలని విపక్షాలు యత్నిస్తున్నాయి.

ప్రభుత్వానికి అనుకూలంగా వుండే పార్టీలు : భాజపా-273, శివసేన- 18, లోక్‌జనశక్తి-6, శిరోమణి అకాలీదళ్‌-4, రాష్ట్రీయ లోక్‌సమతా పార్టీ-3, అప్నాదళ్‌-3, జేడీయూ-2, పీఎంకె-1, ఎన్‌ఆర్‌ కాంగ్రెస్‌-1, స్వాభిమానపక్ష-1, సిక్కిం డెమొక్రటిక్‌ ఫ్రంట్‌-1, ఎన్‌డీపీ-1, ఎన్‌పీపీ-1, ఇండిపెండెంట్‌-1, మొత్తం 316

అవిశ్వాసానికి అనుకూలం: కాంగ్రెస్‌-48, తృణమూల్‌ కాంగ్రెస్‌-34, తెలుగుదేశం-16, సీపీఎం-9, ఎన్సీపీ-7, ఎస్‌పీ-7, ఆప్‌-4, ఆర్‌జేడీ-4, ఏఐయూడీఎఫ్‌-3, ఐఎన్‌ఎల్‌డీ-2, ఐయూఎంఎల్‌-2, జేఎంఎం-2, ఇండిపెండెంట్‌-2, ఎంఐఎం-1, ఎన్‌సీ-1, పీడీపీ-1, జేడీఎస్‌-1, సీపీఐ-1, ఆర్‌ఎస్‌పీ-1, మొత్తం -146

తటస్థం ఉండే పార్టీలు : అన్నాడీఎంకె-37, బీజేడీ-19, తెరాస-11, మొత్తం 67, వైసీపీ పేరుమీద ఉన్నవారు-4, మొత్తం ఈ నేపథ్యంలో లోక్ సభలో ఆయా పార్టీలు మాట్లాడే సమయాన్ని స్పీకర్ సుమిత్రా మహాజన్ కేటాయించారు. ఆయా పార్టీల బలాల వారీగా సమయం కేటాయింపు జరిగింది. బీజేపీకి - 3.33 గంటలు,కాంగ్రెస్ కి 38 నిమిషాలు,,అన్నాడీఎంకేకి 29 నిమిషాలు,,టీఎంసీకి 27 నిమిషాలు,,బీజేడీకి - 15 నిమిషాలు,,శివసేనకి -14 నిమిషాలు,,టీడీపీకి - 13 నిమిషాలు,,టీఆర్ఎస్ కి 9 నిమిషాలు,,సీపీఐకి 7 నిమిషాలు,,ఎస్పీకి 6 నిమిషాలు,,ఎల్జీఎస్పీకి 5 నిమిషాల పాటు సమయాన్ని కేటాయించారు. 

Pages

Don't Miss

Subscribe to RSS - టీడీపీ