టీడీపీ

15:17 - December 14, 2017
17:57 - December 13, 2017

నల్లగొండ : టీడీపీకి ఉమా మాధవరెడ్డి గుడ్‌బై చెప్పేశారు. పార్టీ పొలిట్‌ బ్యూరో సభ్యురాలుగా ఉన్న ఉమా మాధవరెడ్డి.. పార్టీ ప్రాధమిక సభ్యత్వానికి రాజీనామ చేశారు. రాజీనామ లేఖని చంద్రబాబుకి పంపారు. ప్రస్తుత పరిస్థితుల్లో గత్యంతరం లేకనే రాజీనామా చేస్తున్నట్లు తెలిపారు. రేపు ఉదయం సీఎం కేసీఆర్‌ సమక్షంలో ఉమామాధవరెడ్డి, ఆమె తన కుమారుడు సందీప్‌ రెడ్డితో కలిసి టీఆర్‌ఎస్‌లో చేరనున్నారు.  

18:34 - December 11, 2017

తూర్పుగోదారవరి : రాజమహేంద్రవరంలో టీడీపీ రాజకీయం రసరంజకంగా మారుతోంది. రాజమహేంద్రవరంలో టీడీపీ బలంగా ఉన్నప్పటికీ వైసీపీలోకి చేరిన ఎమ్మెల్సీ ఆదిరెడ్డి అప్పారావును చంద్రబాబు తిరిగి పార్టీలోకి ఆహ్వానించారు. ఆదిరెడ్డికి పార్టీ బాధ్యతలు అప్పగించారు. ఇటీవల ఇంటింటికి తెలుగుదేశం కార్యక్రమం నిర్వహణలో సిటీ నియోజకవర్గానికి ఆయనే నేతృత్వం వహించారు. అదే ఇప్పుడు అధికార పార్టీని అవస్థల్లోకి నెడుతున్నట్టు కనిపిస్తోంది.

ఇప్పటికే వర్గాల మధ్య వైరం
నగరంలో ఇప్పటికే ఎమ్మెల్యే గోరంట్ల బుచ్చయ్య చౌదరి, గుడా చైర్మన్‌ గన్ని కృష్ణ వర్గాల మధ్య వైరం నడుస్తోంది. మధ్యలో నగర మేయర్‌ రజనీ శేషసాయి కూడా ఇటీవల గన్ని కృష్ణ పట్ల కొంత దూకుడు ప్రదర్శించి అభాసుపాలైంది. ఈ వ్యవహారం ఇలా ఉంటే ఇప్పుడు ఆదిరెడ్డితో పాటు ఆయన తనయుడు ఆదిరెడ్డి వాసు కూడా నగరంలో తమదే పెత్తనం అన్నట్లుగా పార్టీని గుప్పిట్లో పెట్టుకునే ప్రయత్నం చేస్తున్నాడు. బుచ్చయ్య చౌదరి, గన్ని కృష్ణలను కాదని, తానే నగర పార్టీని నడిపిస్తున్న నాయకుడినని చెప్పుకుంటున్నాడు. అంతేకాకుండా వచ్చే ఎన్నికల్లో తానే ఎమ్మెల్యే కాబోతున్నట్టు ఆదిరెడ్డి ప్రకటించుకోవడంతో మిగిలిన నేతలు మండిపడుతున్నారు.

హైకమాండ్‌కు కొత్త తలనొప్పులు
ఇటు కార్పొరేషన్‌లోనూ, అటు పార్టీ కమిటీల్లోనూ పెత్తనం కోసం సాగుతోన్న ఆధిపత్య పోరు హైకమాండ్‌కు కొత్త తలనొప్పులు తెచ్చిపెడుతోంది. టీడీపీ అధిష్టానం నేతలకు క్లాస్‌ తీసుకున్నప్పటికీ పెద్దగా మార్పు రావడం లేదు. అందులోనూ ఆదిరెడ్డి వ్యవహారం తీవ్ర కలహాలకు దారితీసేలా ఉందనే అభిప్రాయం వ్యక్తమవుతోంది. ప్రెస్‌ క్లబ్‌ ఎదురుగానే ఎమ్మెల్యే బుచ్చయ్యతో ఎమ్మెల్సీ ఆదిరెడ్డి వాగ్వాదానికి దిగడం చర్చనీయాంశమైంది. ఆదిరెడ్డి అప్పారావుతో పాటు ఆయన తనయుడు కూడా నగరంలో పుట్టిన రోజు పేరుతో ఫ్లెక్సీ రాజకీయాలకు తెరలేపడం పలువురిని విస్మయానికి గురి చేస్తోంది.ఈ వ్యవహారంపై టీడీపీ సీరియస్‌గానే దృష్టిపెట్టాల్సిన అవసరం ఉంది. లేకుంటే కార్యకర్తల్లో అయోమయం ఏర్పడక తప్పదు. 

21:46 - December 10, 2017

టీడీపీ ఎంపీ జేసి దివాకర్ రెడ్డితో టెన్ టివి ప్రత్యేక ఇంటర్వ్యూ నిర్వహించింది. ఈ సందర్భంగా ఆయన పలు అంశాలపై ఆయన మాట్లాడారు. రాజకీయాల్లో యంగ్ అనేది కరెక్ట్ కాదన్నారు. రాజకీయాల నుంచి రిటైర్ అయితే బాగుంటుందేమని ఆలోచన చేస్తున్నారు. నేను వారసత్వం నుంచి రాజకీయాల్లోకి, పదవుల్లోకి రాలేదు. ముఖ్యమంత్రి కావాలనే ఆవేదనతో జగన్ మాట్లాడుతున్నారు. మరిన్ని వివరాలను వీడియోలో చూద్దాం...

 

16:30 - December 4, 2017

గుంటూరు : జిల్లా అచ్చంపేట మండలం కొండూరులో ఉద్రిక్తత నెలకొంది. పేదలకు ప్రభుత్వం ఇచ్చిన భూములను అధికార పార్టీ నేతలు అక్రమించుకుని పంట వేశారు. అక్రమణకు గురైన భూముల్లో పంటను కోసుకునేందుకు సీపీఎం ఆధ్వర్యంలో రైతులు వెళ్లారు. వారిని పోలీసులు అడ్డుకున్నారు. మరింత సమాచారం కోసం వీడియో క్లిక్ చేయండి.

14:48 - December 4, 2017

కడప : జిల్లాలో వైసీపీ ఎమ్మెల్యే రవీంద్రనాథ్‌ రెడ్డి అభివృద్ధి పనులకు అడ్డంపడుతూ టీడీపీ నాయకులపై విమర్శలు చేయడం హాస్యాస్పదం అన్నారు కమాలపురం టీడీపీ ఇంచార్జ్‌ పుత్త నరసింహారెడ్డి. కమలాపురం నియోజకవర్గ పరిధిలోని సర్వరాయసాగర్‌ ప్రాజెక్టును ఇతర చెరువులను ఆయన పరిశీలించారు. నీటితో చెరువులను చూసి హర్షం వ్యక్తం చేశారు. కమాలాపురం నియోజకవర్గంలో అభివృద్ధి పనుల్లో జాప్యం జరగడానికి కారణం రవీంద్రనాథ్‌ రెడ్డి అని ఎద్దేవా చేశారు.

11:51 - December 3, 2017

గుంటూరు : బీసీ కమిషన్‌లోని మెజారిటీ సభ్యులు ఇచ్చిన నివేదిక ఆధారంగానే కాపు రిజర్వేషన్లపై నిర్ణయం తీసుకున్నామని ఏపీ ముఖ్యమంత్రి చంద్రబాబు స్పష్టం చేశారు. నిబంధనల ప్రకారమే కాపు రిజర్వేషన్ల బిల్లును అసెంబ్లీలో పెట్టాని టీడీపీ ఎమ్మెల్యేలు, ఎమ్మెల్సీలతో నిర్వహించిన టెలికాన్ఫరెన్స్‌లో చెప్పారు. బీసీ రిజర్వేషన్లలో కోత పెట్టకుండానే కాపులకు ఈ సౌకర్యం కల్పించామన్నారు. రాజకీయలబ్ధి కోసం కొన్ని రాజకీయ పార్టీలు కులాల మధ్య చిచ్చుపెట్టేందుకు చేస్తున్న ప్రయత్నాల పట్ల అప్రమత్తంగా ఉండాలని చంద్రబాబు కోరారు. నివేదిక ఇవ్వలేదని బీసీ కమిషన్‌ చైర్మన్‌ జస్టిస్‌ మంజునాథ చేసిన వ్యాఖ్యలతో కాపు రిజర్వేషన్ల అంశం వివాదాస్పదంగా మారింది. అలాగే  కాపు రిజర్వేషన్లకు వ్యతిరేకంగా కొన్ని బీసీ సంఘాలు ఆందోళన చేస్తున్నాయి. ఈ నేపథ్యంలో ఈ వ్యవహారంపై పార్టీ ఎమ్మెల్యేలు, ఎమ్మెల్సీలు సంయమనంతో వ్యవహరించాలని చంద్రబాబు సూచించారు. ఈ మొత్తం వ్యవహారం సమన్వయ బాధ్యతలను మంత్రులు కళావెంకట్రావు, అచ్నెన్నాయుడు, ఎమ్మెల్సీ జనార్దన్‌రావుకు అప్పగించారు. 
 

 

07:09 - December 1, 2017

గుంటూరు : అనంతపురం మాజీ ఎమ్మెల్యే గుర్నాథ్‌రెడ్డి ఆయన అనుచరులు చంద్రబాబు సమక్షంలో టీడీపీలో చేరారు. ఈ కార్యక్రమానికి మంత్రులు పరిటాల సునీత, కాల్వ శ్రీనివాసులు, దేవినేని ఉమ, ఎంపీ జేసీ దివాకర్‌రెడ్డి హాజరయ్యారు. చంద్రబాబు చేపట్టిన అభివృద్ధి కార్యక్రమాలకు ముగ్దుడినై టీడీపీలో చేరుతున్నట్లు గుర్నాథ్‌రెడ్డి చెప్పారు. నేతలంతా కలిసి మెలసి పనిచేస్తారని మంత్రి దేవినేని, ఎంపీ జేసీ స్పష్టం చేశారు.

 

20:14 - November 26, 2017

గుంటూరు : నవ్యాంధ్ర రాజధాని అమరావతిలో తెలుగుదేశం పార్టీ కేంద్ర కార్యాలయ శంకుస్థాపన కార్యక్రమం అట్టహాసంగా జరిగింది. గుంటూరు జిల్లా మంగళగిరి వద్ద తెల్లవారుజామున 5 గంటల 17 నిమిషాలకు వేదపండితుల మంత్రోచ్ఛారణ మధ్య సీఎం చంద్రబాబు భూమి పూజ చేసి శిలాఫలకాన్ని ఆవిష్కరించారు. అలాగే సీఎం నివాసం పక్కనే నిర్మించిన గ్రీవెన్స్ హాలును కూడా ప్రారంభించారు.తెలుగు వాళ్లు ఎక్కడున్నా వారి సంక్షేమం కోసం టీడీపీ పనిచేస్తుందన్నారు చంద్రబాబు. పార్టీ ఆఫీసు నిర్మాణాన్ని 9 నెలల్లో పూర్తి చేయాలని, ఇందులో ప్రతి ఒక్క కార్యకర్తలు భాగస్వామ్యం కావాలన్నారు. పార్టీ కార్యాలయం అందరికీ అందుబాటులో ఉంటుందని, సొంత ఇంటికి వస్తే ఎంత గౌరవం ఉంటుందో.. పార్టీ కార్యాలయంకు వచ్చిన వారికి అంతే గౌరవం ఇవ్వాలన్నారు. టీడీపీ కార్యాలయంలో నిత్యం భోజన వసతి కల్పించడం ఆనవాయితీగా వస్తోందని, దీని కోసం ఫిక్స్‌డ్ ఫండ్ ఏర్పాటు చేస్తామని చంద్రబాబు పేర్కొన్నారు.

టీడీపీ ఓ స్వచ్ఛంద సంస్థ
అధికారంలో ఉన్నా లేకపోయినా టీడీపీ ఓ స్వచ్ఛంద సంస్థలా పనిచేస్తుందని..పార్టీక్యాడర్‌కు అండగా ఉంటుందని హోంమంత్రి చినరాజప్ప అన్నారు. దేశంలో ఏ పార్టీ ఏర్పాటు చేయని విధంగా కార్యకర్తల సంక్షేమ నిధిని ఏర్పాటు చేసిన ఘనత ఒక్క టీడీపీదే అని మంత్రి నారాలోకేష్‌ అన్నారు. పార్టీ కేంద్ర కార్యాలయం నిర్మాణానికి పలువురు నేతలు విరాళాలు ప్రకటించారు. పార్టీ కార్యాలయాన్ని మొత్తం నాలుగు బ్లాకులుగా నిర్మించనున్నారు. 3.60 ఎకరాల విస్తీర్ణంలో మూడు భవనాలుగా నిర్మిస్తారు. పరిపాలనా భవనాన్ని జీ+4 అంతస్తులతో నిర్మించనుండగా, ఐదో అంతస్తులో పార్టీ జాతీయ అధ్యక్షుడు, జాతీయ కార్యదర్శి కార్యాలయాలు, 4వ అంతస్తులో పార్టీ రాష్ట్ర అధ్యక్షుడు, ప్రధాన కార్యదర్శుల కార్యాలయాలు వుంటాయి. 

14:45 - November 25, 2017

గుంటూరు : రాజధాని అమరావతిలో టీడీపీ సెంట్రల్ ఆఫీసు శంకుస్థాపనకు రంగం సిద్ధం అయింది. రేపు ఉదయం 5గంల 15 నిముషాలకు శంకుస్థాపనకు మూహూర్తం నిర్ణయించారు. మరింత సమాచారం కోసం వీడియో చూడండి.

Pages

Don't Miss

Subscribe to RSS - టీడీపీ