టెన్ టివి

16:34 - November 28, 2018

హైదరాబాద్ : తెలంగాణ రాష్ట్రంలో డిసెంబర్ 7వ తేదీన జరిగే పోలింగ్‌కు ఏర్పాట్లు సర్వంసిద్ధం చేసినట్లు తెలంగాణ రాష్ట్ర ఎన్నికల అధికారి రజత్ కుమార్ వెల్లడించారు. డిసెంబర్ 7 పోలింగ్..డిసెంబర్ 11న ఫలితాలు వెల్లడికానున్న సంగతి తెలిసిందే. గోషామహల్ బీఎల్ఎఫ్ అభ్యర్థి, ట్రాన్స్ జెండర్ చంద్రముఖి మిస్పంగ్‌పై స్పందించారు. ఆయనతో టెన్ టివి ముచ్చటించింది. రాష్ట్రంలో జరిగే ఎన్నికలకు సర్వసిద్ధం చేసినట్లు..ప్రశాంతంగా పోలింగ్ జరిగే విధంగా ఏర్పాట్లు చేసినట్లు తెలిపారు. పోలింగ్ కేంద్రాల వద్ద సీసీ కెమెరాలు, ప్రత్యేక బలగాలను మోహరించడం జరుగుతుందన్నారు.
Related imageఅభ్యర్థుల ఖర్చులు..ప్రచార సరళిపై దృష్టి సారించినట్లు..డబ్బులు..మద్యం పంపిణీ జరుగకుండా చర్యలు తీసుకున్నట్లు తెలిపారు. ఎన్నికల కోడ్ ఉల్లంఘిస్తే కఠిన చర్యలు..మావోయిస్టుల ప్రాబల్యం ఉన్న ప్రాంతాల్లో చెక్ పోస్టులు ఏర్పాటు చేసినట్లు తెలిపారు. ప్రధాన పార్టీల మేనిఫెస్టోలు ఇంకా ఎన్నికల కమిషన్‌కి సమర్పించలేదని..మూడు రోజులకు ముందే సమర్పించాల్సి ఉంటుందన్నారు. ప్రతి ప్రచార సభను వీడియో రికార్డింగ్ చేస్తున్నట్లు...బీఎల్ఎఫ్ అభ్యర్థి, ట్రాన్స్ జెండర్ చంద్రముఖి మిస్సింగ్ అయినట్లు ద‌ృష్టికి వచ్చిందని..ఎలాంటి ఘటనలు జరుగకుండా చర్యలు తీసుకోవడం జరుగుతుందని రజత్ తెలిపారు. 

 

21:04 - August 19, 2018

సింగర్ పర్ణికతో టెన్ టివి స్పెషల్ చిట్ చాట్  నిర్వహించింది. ఈ సందర్భంగా ఆమె మాట్లాడుతూ తన పాటల ప్రస్థానాన్ని వివరించింది. తన అనుభవాలను తెలిపారు. హీరోయిన్ గా తనకు ఆఫర్స్ వచ్చాయని చెప్పారు. తనకు పాటలు పాడమే ఇష్టమని వివరించారు. బిగ్ బాస్ లో గీతామాధురి విన్ అవుతుంది అని అన్నారు. ఆమె తెలిపిన పలు ఆసక్తికరమైన విషయాలు వివరించారు. పూర్తి వివరాలను వీడియోలో చూద్దాం.. 

20:10 - August 19, 2018

పద్నాలుగేళ్ళ కుర్రాడే కానీ.. చదరంగంలో చిచ్చరపిడుగు.. అద్భుతమైన ఆటతీరు.. ఒత్తిడికి చెదరని ఏకాగ్రత.. అనితర సాధ్యమైన వేగం ఈ ఆటగాడి సొంతం. గ్రాండ్‌మాస్టర్ హోదా దేశవ్యాప్తంగా ప్రశంలందుకున్న ఓరుగల్లు బిడ్డ అర్జున్‌. ఎనిమిది నెలల వ్యవధిలోనే మూడు ఇంటర్నేషనల్ నార్మ్స్.. మరో మూడు గ్రాండ్‌మాస్టర్ నార్మ్స్ అందుకున్న ఘనుడు మన అర్జునుడు.  2500 ఎలో రేటింగ్ పాయింట్ల మార్కును అధిగమించి. టీనేజ్‌లోనే చెస్ గ్రాండ్‌ మాస్టర్ హోదా పొందాడు. రాష్ట్ర తొలి .. దేశంలో 54వ గ్రాండ్‌మాస్టర్‌గా అరుదైన రికార్డు సృష్టించాడు మన ఓరుగల్లు బిడ్డ అర్జున్. 
ఈమేరకు అర్జున్, అతని తల్లిదండ్రులతో టెన్ టివి చిట్ చాట్ నిర్వహించింది. ఆ వివరాలను వీడియోలో చూద్దాం.... 

 

09:07 - June 30, 2018

శ్రీకాకుళం : అదొక అంతర్జాతీయ స్థాయి సమస్య. స్థానికులు జీవన్మరణ పోరాటంతో సతమతమవుతుంటే, పార్టీల నేతలు మాత్రం ఓటు బ్యాంకు రాజకీయాల కోసం వాడుకుంటున్నారు. రెండు దశాబ్దాలుగా సమస్యకు పరిష్కారం మాత్రం లభించడంలేదు. దీంతో పొలిటికల్‌ పరామర్శలపై ఉద్దానం మూత్రపిండాల బాధితులు ఫైర్‌ అవుతున్నారు. టెన్‌ టీవీ చొరవతో సమస్య మూలాలు పరిశోధించేందుకు ఒమిక్స్ ఇంటర్నేషల్‌ సంస్థ ముందుకొచ్చింది. 
రెడున్నర దశాబ్దాలుగా పీడిస్తున్న మూత్రపిండాల వ్యాధి
శ్రీకాకుళం జిల్లాలోని ఉద్దాన ప్రాంతం గడిచిన రెండున్నర దశాబ్దాలుగా మూత్రపిండాల వ్యాధులతో సతమతమవుతోంది. కోట్ల రూపాయలు ఖర్చు పెడుతున్నామని పాలకులు చెబుతున్నప్పటికీ సమస్య మాత్రం దూరం కావడం లేదు. సర్వేలు, రక్తపరీక్షలు, రాజకీయ పక్షాల పరామర్శలతో ఇబ్బందులు పడుతున్నామని ఇచ్చాపురం నియోజకవర్గ వాసులు అంటున్నారు. కవిటి, కంచిలి, సోంపేట, ఇచ్చాపురం, వజ్రపుకొత్తూరు, మందస ప్రాంతాలలో ప్రజలు కిడ్నీ వ్యాధితో బాధపడుతున్నారు. మరో వైపు ఉద్దాన ప్రాంతంలోని ప్రజలును రకరకాల వదంతులతో భయబ్రాంతులకు గురిచేస్తున్నారంటూ స్థానికులు ఆగ్రహం వ్యక్తం చేస్తున్నారు.
ఉద్దాన ప్రాంతంలో నేతల ఓటు బ్యాంక్‌ రాజకీయం
ప్రజాప్రతినిధులు మారుతున్నారు తప్ప తమ ఆవేదన అర్థం చేసుకోవడం లేదని బాధితులు వాపోతున్నారు. పార్టీ నేతలు ఓటు బ్యాంక్‌ రాజకీయం కోసం హడావిడి చేస్తున్నారు తప్ప మూత్రపిండాల వ్యాధులపై అధ్యయనం చెయ్యడం లేదంటూ ఉద్దాన ప్రాంతీయులు మండిపడుతున్నారు. పర్యటన పేరుతో రాజకీయ నేతలు చేస్తున్న ఖర్చు డయాలసిస్‌, యూనిట్లు నెలకొల్పడం, నెఫ్రాలజిస్ట్‌లను రప్పించడానికి వినియోగించాలని కోరుతున్నారు.
గుర్తించని కిడ్నీ వ్యాధుల మూలాలు 
ఇదిలా ఉంటే ఉద్దానం మూత్రపిడాల వ్యాధుల అధ్యయనానికి కేంద్ర, రాష్ట్ర ప్రభుత్వాలు సమన్వయంతో పనిచేయడం లేదన్న విమర్శలు వస్తున్నాయి. శాస్త్ర సాంకేతిక రంగాలలో విప్లవాత్మక మార్పులు వస్తున్న కిడ్నీ వ్యాధుల తీవ్రతకు మూలలు గుర్తించకపోవడం దురదృష్టకరమని బాధితులు అంటున్నారు. ఈ దశలో ప్రపంచ వ్యాప్తంగా గుర్తింపు పొందిన ఒమిక్స్‌ ఇంటర్నేషనల్‌ సంస్థను టెన్‌ టీవీ సంప్రదించింది. ప్రభుత్వాలు సహకరిస్తే స్థానికంగా సూపర్‌ స్పెషాలిటీ ఆసుపత్రి, కిడ్నీ రీసెర్చ్‌ సెంటర్‌ ఏర్పాటుకు కృషి చేస్తామని ఒమిక్స్‌ సంస్థ సి.ఈ.ఓ. శ్రీనుబాబు గేదెల స్పష్టం చేశారు. 6 నుంచి 18 నెలల వ్యవధిలో నిపుణుల సహకారం అందిస్తే, ప్రభుత్వం ప్రోత్సాహంతో పరిశోధన జరిపేందుకు తమ సంస్థ సిద్ధమని శ్రీనుబాబు గేదెల టెన్‌ టీవీతో అన్నారు.
అంతర్జాతీయ స్థాయిలో చర్చకు దారితీసిన కిడ్నీ వ్యాధి సమస్య 
నేతల పర్యటనలు, పార్టీ నేతల ప్రచారంతో ఉద్దానం మూత్రపిండాల వ్యాధుల సమస్య అంతర్జాతీయ స్థాయిలో చర్చకు దారితీస్తోంది. కానీ బాధితులకు పూర్తి భరోసా, మూలలు కనుగోనడంలో సమన్వయం లేకపోవడంతో ఉద్దాన ప్రాంతాల ప్రజలు విచారం వ్యక్తం చేస్తున్నారు. ఇప్పటికైన ఉద్దాన ప్రాంతంలో నేతలు పర్యటనలు ఆపి సమస్య పరిష్కారానికి కృషి చెయ్యాలని బాధితులు డిమాండ్ చేస్తున్నారు.

07:22 - March 26, 2018

దేశంలో పెరుగుతున్న దళితులపై దాడులకు కారణం పాలకులేనని ఆరోపణలు వస్తున్నాయి. చాలా చోట్ల జరిగిన దాడులపై కేసులు నమోదు కావడం లేదని..కేసులు నమోదయినా సరియైన విచారణ జరుగకుండా సాక్ష్యాలు సేకరించడం లేదన్న వాదనలున్నాయి. ఎస్సీ, ఎస్టీ చట్టాన్ని అమలు చేయడంలో కేంద్ర రాష్ట్ర ప్రభుతావలు శ్రద్ధ చూపడం లేదని దళిత సంఘాలు పేర్కొంటున్నాయి. ప్రభుత్వ ఉద్యోగులపై ఎస్సీ, ఎస్టీ కేసుల విషయంలో వెంటనే చర్యలు తీసుకోవద్దని..విచారణ జరిపిన అనంతరం చర్యలు తీసుకోవాలన్న వ్యాఖ్యలపై సుప్రీంకోర్టులో కేంద్రం రివ్యూ పిటిషన్ దాఖలు చేయాలని దళితులు డిమాండ్ చేస్తున్నారు. ఈ అంశంపై టెన్ టివి జనపథంలో ఏపీ కేవీపీఎస్ నేత మాల్యాద్రి విశ్లేషించారు. పూర్తి వివరాలకు వీడియో క్లిక్ చేయండి. 

12:00 - March 1, 2018
22:15 - February 4, 2018

2019లో బహుజన లెఫ్ట్ ఫ్రంట్ దే గెలుపు అని బీఎల్ ఎఫ్ చైర్మన్ నల్లా సూర్యప్రకాశ్ అన్నారు. ఈమేరకు ఆయనతో టెన్ టివి ఫేస్ టు ఫేస్ నిర్వహించింది. ఈ సందర్భంగా సూర్యప్రకాశ్ మాట్లాడుతూ కాంగ్రెస్, టీఆర్ ఎస్ లకు ప్రత్యామ్నాయం బీఎల్ ఎఫ్ అని..వేరే ఫ్రంట్ ఏర్పడే అవకాశమే లేదన్నారు. సైద్ధాంతిక పరంగా బీఎల్ ఎఫ్ ఏర్పాటు అయిందన్నారు. వచ్చే ఎన్నికల్లో బీఎల్ ఎఫ్ విజయం సాధిస్తుందని ధీమా వ్యక్తం చేశారు. జ్యోతిబాపూలే, అంబేద్కర్, మార్క్స్ సిద్ధాంతాలు ప్రత్యర్థులను ఎదుర్కొనగలవని అన్నారు. భారత రాజ్యాంగమే బ్రహ్మాండమైన మ్యానిఫెస్టో అని తెలిపారు. విద్య కార్పొరేట్ మయం అయిందని వాపోయారు. ఇవి విలువులు లేని ప్రభుత్వాలు అని విమర్శించారు. కేసీఆర్.. విలువలేని వ్యక్తి అని వ్యాఖ్యానించారు. మరిన్ని వివరాలను వీడియోలో చూద్దాం... 

 

22:02 - February 3, 2018

రాష్ట్ర అభివృద్ధి అంటే ప్రజల అభివృద్ధి అని సీపీఎం తెలంగాణ రాష్ట్ర కార్యదర్శి, బీఎల్ ఎఫ్ కన్వీనర్ తమ్మినేని వీరభద్రం అన్నారు. ప్రజలు అభివృద్ధి కాకుండా రాష్ట్రం అభివృద్ధి ఎలా అవుతుందన్నారు. రాష్ట్రం అభివృద్ధి కావాలంటే స్పష్టమైన విధానం ఉండాలని చెప్పారు. రాష్ట్రం అభివృద్ధి అంటే ప్రజల బతుకులు మారాలన్నారు. గతం కంటే మెరుగైన జీవనాన్ని గడపాలని, విద్య, వైద్యం, సంక్షేమ కార్యక్రమాల్లో సమాన అవకాశాలు రావాలన్నారు. ప్రత్నామ్నాయ విధానం అభివృద్ధి కావాలన్నారు. అందుకు బీఎల్ ఎఫ్ ఏర్పాటు చేశామని తెలిపారు. ప్రజా సమస్యల పరిష్కారం, ప్రజల్లో చైతన్యం, బహుజనులకు రాజ్యాధికారం సాధించాలనేదే బీఎల్ ఎఫ్ లక్ష్యమన్నారు. 2019లో దేశంలో, రాష్ట్రంలో ప్రభుత్వాలకు వ్యతిరేక గాలి ముందుకొస్తుందన్నారు. బీజేపీ అధికారంలో ఉన్న చాలా రాష్ట్రాల్లో ఎదురు గాలి వచ్చే అవకాశం ఉందన్నారు. దక్షిణ భారతంలో బీజేపీకి అవకాశం లేదని చెప్పారు. జమిలి ఎన్నికల్లు వస్తే ప్రాంతీయ పార్టీలకు నష్టం కలుగుంతుందని అభిప్రాయపడ్డారు. తమ్మినేనితో టెన్ టివి వన్ టూ వన్ నిర్వహించింది. మరిన్ని వివరాలను ఆయన మాటల్లోనే...
గత ప్రభుత్వాల విధానాలతో అభివృద్ధి శూన్యం 
'70 స.రాలు అనుభవం ఉన్న కాంగ్రెస్ తోపాటు గత ప్రభుత్వాలు, పాలకులు అవలంభించిన విధానాలతో రాష్ట్రం అభివృద్ధి కాలేదు. ప్రజల జీవన విధానంలో మార్పు రాలేదు. తెలంగాణ రాష్ట్రం వస్తే బతుకులు మారతాయని భావించారు. కానీ వచ్చాక కూడా ప్రజల బతుకుల్లో మార్పు రాలేదు. ప్రత్నామ్నాయ విధానం అభివృద్ధి కావాలన్నారు. టీఆర్ ఎస్ ఏర్పడిన సంవత్సరానికే ప్రత్యామ్నాయం విధానం ఎలా ఉండాలనేది రూపొందించామని...ఈ అంశంపై మహాజన పాదయాత్ర నిర్వహించామని తెలిపారు. ప్రజల బతుకులు మారాలంటే కార్పొరేట్ శక్తుల దోపిడీని నిర్మూళించాలి. అన్నింటిపై కార్పొరేట్ శక్తుల ఆధీపత్యం నడుస్తోంది.. దోపిడీ, అసమానతలు పెరుగుతున్నాయి. విద్య, వైద్యం, వ్యవసాయం, సంక్షేమ కార్యక్రమాల్లో ప్రజలకు పెద్ద పీట వేయాలి. కమ్యూనిస్టులను ప్రజలు పెద్ద ఎత్తున ఆదరించకపోవవడంలో ప్రజలను తప్పుబట్టలేమని... కమ్యూనిస్టులు చేపట్టే కార్యక్రమాల్లోనూ లోపాలు ఉండొచ్చని...ప్రజలకు నచ్చే విధంగా కార్యక్రమాలు రూపొందిస్తే ఆదరిస్తారు. కొన్ని సార్లు నెగెటివ్ విధానాలతో ప్రజల్లోకి వెళ్లామని చెప్పారు. పోరాటాల్లో ప్రజలు పెద్ద ఎత్తున్న పాల్గొంటేనే అవి పోరాటాలు అనిపించుకుంటాయని.. విజయవంతం అవుతాయి. కార్యకర్తలు మాత్రమే పాల్గొంటే అవి పోరాటాలు కావు. 
బీఎల్ ఎఫ్ ఎన్నికల కోసమే కాదు... 
బీఎల్ ఎఫ్ ఎన్నికల కోసమే కాదు... చివరికి వరకు ఉంటుంది. ప్రజా సమస్యలపై పోరాడుతుంది. చట్టాల ద్వారా మాత్రమే కుల వివక్షను పారదోలేం. బీఎస్ ఎఫ్.. ఎన్నికలను సాధనంగా చేసుకుని ప్రజా చైతన్యానికి ప్రాధన్యత ఇస్తాం. టీఆర్ ఎస్ వ్యతిరేకత ఓటు బీఎల్ ఎఫ్ కు పడే అవకాశం ఉంది. ఎవరి అంచనాలనైనా ప్రజలే తేల్చుతారు. బీఎల్ ఎఫ్ చెప్పేది ఏది తప్పో టీఆర్ ఎస్, కాంగ్రెస్ చెప్పాలి... లేదా కాంగ్రెస్, టీఆర్ ఎస్ అనుసరిస్తున్న విధానాల్లో తప్పులను తాము చూపిస్తాం. అందరూ బీఎల్ ఎఫ్ లోకి రావాలి. బీఎల్ ఎఫ్ లోకి సీపీఐ రావాలని కోరుకుంటున్నాం. వస్తే మరింత బలం చేకూరుతుంది.  ఇదే విషయంపై సురవరంను ఏచూరి కలిసి వచ్చారు. సీపీఐ కలుస్తుందని.. ఆశా భావంతో ఉన్నాం. పాదయాత్రలో తీసుకెళ్లిన ఎజెండాపై చర్చ జరగాలనేది ఉద్ధేశం. 
బహుహజనులు రాజ్యాధికారంలోకి రావాలనేది బీఎల్ ఎఫ్ లక్ష్యం...
సామాజిక న్యాయంతోనే తెలంగాణ సమగ్రాభివృద్ధి చెందుతుంది. టీఆర్ ఎస్ మాటలకు చేతలకు పొంతన లేదు. చరిత్రలో టీమాస్ ద్వారా 280 సంఘాలు ఒకే వేదికపై వచ్చాయి. చొరవ చేసింది నేను కావచ్చు... నడుపుతున్నది చాలా మంది బహుహజనులు రాజ్యాధికారంలోకి రావాలనేది బీఎల్ ఎఫ్ లక్ష్యం. ఈ ఎన్నికల్లోనే మాకు అవకాశం ఇవ్వాలని అడుగుతున్నాం. ఈ ప్రోగ్రామ్ ద్వారా ప్రజలకు సామాజిక న్యాయం సాధ్యం అవుతుంది. ఎన్నికల గురించి పూర్తిగా ఆలోచన చేయలేదు. 119 స్థానాల్లో పోటీ చేస్తాం. మేము కాంగ్రెస్, టీఆర్ ఎస్, బీజేపీకి వ్యతిరేకం.. కానీ మిగతా వాటికి వ్యతిరేకం కాదు. 
నిబద్ధత వున్న అభ్యర్థులు పోటీ 
విధానపరమైన, నిబద్ధత వున్న అభ్యర్థులను పోటీలో ఉంచుతాం.. అన్ని నియోజకవర్గంలో పర్యటిస్తామని చెప్పారు. మహబూబ్ నగర్ జిల్లాలో బీఎల్ ఎఫ్ మొదటి కన్వెన్షన్ నిర్వహిస్తున్నాం.. మే 1 తర్వాత అన్ని నియోకవర్గాల్లోకి వెళ్తామని చెప్పారు. బహుజనులు అంటే..బడగు, బలహీన వర్గాల వారే కాదు..అగ్రకుల కుల ఆధిపత్యంలో నలుగుతున్న ప్రజలందరూ, అగ్రకులాల్లో ఆర్థిక దోపిడీ గురయ్యే వారు కూడా బహుజనులే అన్నారు. సామాజిక పీడనతో అణిచివేత, ఆర్థిక దోపిడీ గురయ్యే వారందరూ బహుజనులు అన్నారు. హిందు మతాన్ని, కులాలకు వ్యతిరేకం కాదు...మతం వ్యక్తిగత విషయంగా ఉండాలి. అగ్రకులాకు వ్యతిరేకం కాదు. అగ్రకుల ఆధిపత్యం, భావజాలానికి వ్యతిరేకం అన్నారు.
సీపీఎం రాష్ట్ర మహాసభలు చాలా కీలకం
నల్గొండలో జరుగునున్న మహాసభలు చాలా కీలకం. బీఎల్ ఎఫ్ బలాన్ని విస్తృతంగా తీసుకెళ్లాలని ఎజెండాగా ఉంది. ప్రత్యామ్నాయ అభివృద్ధి విధానంపై, బీఎల్ ఎఫ్ ను ప్రజల్లోకి విస్తృతంగా తీసుకెళ్లడంపై చర్చించాలి. గతంలో బూర్జువా పార్టీలతో పొత్తుల వల్ల నష్టం పోయాం. రాష్ట్రంలోని కీలక అంశాలు విద్యా, వైద్యం దారుణమైన పరిస్థితుల్లోకి నెట్టబడుతున్నాయి. విద్య, వైద్యం సామాన్యులకు అందుబాటులో లేవు. మహిళలు, యువకుల సమస్యలపై చర్చించాం. మహిళలకు చేయూతనిచ్చే విధంగా కార్యక్రమాలు ఉండాలి. బేసిక్ విధానంలో కాంగ్రెస్ కు టీఆర్ ఎస్ తేడా లేదు. బేసిక్ గా ప్రజల బతుకలు మారడం లేదు. అట్టడుగు ప్రజలకు రాజకీయ, సామాజిక, ఆర్థిక అంశాల్లో అవకాశాలు ఇవ్వాలి. మాటలు మ్రాతమే కాదు ఆచరిస్తామని చెప్పారు. పార్టీలో విధానపరమైన, సిద్ధాంతపరంగా అభిప్రాయాలుంటాయి. అభివృద్ధి అంటే జీడీపీ లెక్కలు కాదన్నారు. ప్రజల బతుకులు మారాలి. 
పవన్ కళ్యాణ్ స్టేట్ మెంట్ గందరగోళం 
పవన్ కళ్యాణ్.. ప్రజల్లోకి వెళ్లడం మంచిది. అయితే పవన్ కళ్యాణ్ స్టేట్ మెంట్ గందరగోళం ఉంది. స్పష్టమైన రాజకీయ విధానం ప్రకటిస్తే పవన్ తో కలిసి వెళ్లానే విషయాన్ని ఆలోచిస్తామని చెప్పారు. తెలంగాణ టీడీపీ నేతలు అవకాశవాదంతో ఉన్నారు.
ప్రస్తుతం రాజకీయాలు తుచ్చ రాజకీయాలు
ప్రస్తుతం రాజకీయాలు తుచ్చ రాజకీయాలుగా ఉన్నాయి. ప్రజలు, ప్రజల సేవ కనిపించడం లేదన్నారు. రాజకీయాలు, వ్యాపారాలు కలిసి పోయాయి. శతకోటీశ్వరులు పేదల గురించి ఆలోచిస్తారా ? కార్పొరేట్ రాజకీయాలు అయిపోయాయి.
ప్రజలకు రాజకీయ, ఆర్థిక ప్రత్యామ్నాయం కావాలన్నారు. ఎన్నికలే లేకుండా చేయాలనే దుర్మార్గమైన కుట్ర జరుగుతుంది. 
కేంద్ర, రాష్ట్ర ప్రభుత్వాలకు వ్యతిరేక గాలి..
2019 లో దేశంలో, రాష్ట్రంలో ప్రభుత్వాలకు వ్యతిరేకత ముందుకొస్తుందన్నారు. బీజేపీ అధికారంలో ఉన్న చాలా రాష్ట్రాల్లో ఎదురు గాలి వచ్చే అవకాశం ఉందన్నార. దక్షిణ భారతంలో బీజేపీకి అవకాశం లేదు. జమిలి ఎన్నికల్లు వస్తే ప్రాంతీయ పార్టీలకు నష్టం కలుగుతుంది'. అని అన్నారు. మరిన్ని వివరాలను వీడియోలో చూద్దాం..  

 

17:12 - February 3, 2018

హైదరాబాద్ : గతనెల 29తేదీన జరిగిన బీటెక్‌ విద్యార్థిని అనూష హత్య కేసును ఛేదించిన పోలీసులు .. నిందితుడు మోతీలాల్‌ను అరెస్ట్‌ చేశారు. పోలీసుల విచారణలో బండరాయితో మోది హత్య చేసినట్టు మోతీలాల్‌ ఒప్పుకున్నాడు. వేరేవారితో సంబంధం పెట్టుకుందనే అనుమానంతోనే మోతీలాల్‌ ఈ హత్యకు పాల్పడినట్టు తెలుస్తోంది. ఇంకా ఈ కేసు దర్యాప్తు చేస్తున్నామని.. ఈ కేసులో ఎంతటి వారున్న వదిలిపెట్టే ప్రసక్తే లేదంటున్న ఎల్బీనగర్‌ డీసీపీ వెంకటేశ్వరరావుతో టెన్ టివి ఫేస్‌ టూ ఫేస్‌ నిర్వహించింది.

 

19:35 - January 29, 2018

 

విజయవాడలో భూ కబ్జాలు వెలుగు చూస్తూనే ఉన్నాయి. ఓ స్వతంత్ర సమర యోధుడి భూమి కబ్జా కావడం నగరంలో సంచలనం సృష్టిస్తోంది. ఇందులో ఎమ్మెల్యే బోండా ఉమపై ఆరోపణలు వెల్లువెత్తుతున్నాయి. 1951లో పదెకరాల స్థలాన్ని ప్రభుత్వం కేటాయించింది. నకిలీ పత్రాలు సృష్టించి కబ్జాకు కొంతమంది పాల్పడ్డారు. విషయం తెలుసుకున్న సూర్యనారాయణ రెడ్డి సురేష్ మనువడు ఖంగుతిన్నాడు. మాగంటి బాబు, బొండా ఉమ భార్య సుజాత కొన్నట్లు అభియోగాలు నమోదయ్యాయి. అర్బన్ ఎమ్మార్వోతో పాటు పోలీసులకు మనుమడు సురేష్ ఫిర్యాదు చేశారు. న్యాయం చేయాలని సురేష్ డీజీపీని వేడుకున్నాడు. దీనితో భూ కబ్జాకు పాల్పడిన ఏడుగురిపై కేసు నమోదు చేశారు. కబ్జా వ్యవహారంలో రామిరెడ్డి కోటేశ్వరరావు కీలక పాత్ర పోషించారని తెలుస్తోంది. కార్పొరేటర్ మహేష్, మాగంటి బాబు ఇరికించారని కోటేశ్వరరావు ఆరోపిస్తున్నాడు. తనకు ప్రాణహాని ఉందని కోటేశ్వరరావు పేర్కొంటున్నాడు. ఈ అంశంపై విజయవాడ టెన్ టివి స్టూడియోలో జరిగిన ప్రత్యేక చర్చలో బాబురావు (సీపీఎం), రవీందర్ రెడ్డి (న్యాయవాది), రామారెడ్డి వెంకట సురేందర్ కుమార్ (ఆరోపణలు ఎదుర్కొంటున్న వ్యక్తి) పాల్గొని అభిప్రాయాలు పూర్తి వివరాలకు వీడియో క్లిక్ చేయండి. 

Pages

Don't Miss

Subscribe to RSS - టెన్ టివి