ట్రాఫిక్

08:00 - August 12, 2017

ట్రాఫిక్ పోలీసాయిన పని ఏందయ్యా..? ఏడ ట్రాఫిక్ జాంగాకుంట జూస్కోవాలె.. ఎవ్వలన్న వీఐపీలొస్తె ట్రాఫిక్ క్లీయర్ జెయ్యాలే..? రోజు సక్కగ డ్యూటీ జేశి ఇంటికి వోవాలె అంతేనా..? మరి తొవ్వొంట వొయ్యెటోళ్లను అమ్మని అక్కని అని తిడ్తె ఎన్కటి కాలమేనా ఇది..? జనం అంత ఒక్కటై.. ట్రాఫిక్ కానిస్టేబుల్ గాని తోలు దీశిండ్రు వీడియోలో సూడుండ్రి..

19:55 - August 8, 2017

హైదరాబాద్ : మెట్రో పనుల్లో భాగంగా గ్రేటర్‌లో పోలీసులు ట్రాఫిక్‌ ఆంక్షలు అమలు చేశారు. సికింద్రాబాద్‌ ఒలిఫెంటా బ్రిడ్జ్‌ మూసివేయడంతో వాహనదారులు అవస్థలు పడుతున్నారు. మరింత సమాచారం కోసం వీడియో క్లిక్ చేయండి.

14:12 - July 20, 2017

హాలో..ట్రాఫిక్ లో చిక్కుకున్నా..వచ్చే వరకు లేట్ అవుద్ది..అరే ట్రాఫిక్ జాం అయిపోయింది రా బాబు..వస్తున్నా..అంటూ ప్రతి రోజు ఎంతో మంది ఫోన్ లలో ఫ్యామిలీకి..మిత్రులకు తెలియచేస్తుంటారు. కానీ ఈ సమస్య తీరదా ? తీర్చే వారు ఎవరు లేరా ? ఈ ట్రాఫిక్ సమస్య తీరని సమస్యా ? అంటూ జనాలు ప్రశ్నిస్తున్నారు. స్కైవేలు..ఆకాశ మార్గాలు ఇంకా రాలేదా ? దీనికి బదులేదీ ?

ప్రధాన కూడళ్లు..
నగరంలో సాయంత్రం దాటితే చాలు ఎక్కడికక్కడ ట్రాఫిక్ జాం అవుతోంది. కిలోమీటర్ల కొలది వాహనాలు బారులు తీరి నిలిచిపోతున్నాయి. ట్రాఫిక్ లో చిక్కుకొనే వారి బాధ వర్ణనీతీతంగా ఉంటోంది. ఇక పాదాచారుల పరిస్థితి చెప్పనవసరం లేదు. రద్దీ ప్రాంతాల్లో ట్రాఫిక్ ఏర్పడకుండా చర్యలు తీసుకుంటామని చెబుతున్నారే కానీ ఇప్పటి వరకు ఆ దిశగా చర్యలు తీసుకోలేదని నగర ప్రజలు మండి పడుతున్నారు. ప్రధాన మార్గాలైన నిమ్స్..సరోజినీ దేవి, రాజ్ భవన్, యశోద ఆసుపత్రి, ఆబిడ్స్, నాంపల్లి, ట్యాంక్ బండ్, ఎస్ఆర్ నగర్, ఖైరతాబాద్, పంజాగుట్ట, మారేడ్ పల్లి, తిరుమలగిరి, బంజారాహిల్స్, బేగంపేట, చిక్కడపల్లి, ఆర్టీసీ క్రాస్ రోడ్డు ప్రధాన కూడళ్లలో నిత్యం ట్రాఫిక్ సమస్య ఏర్పడుతోంది.

తిరుమలగిరిలో చిక్కులు..
తిరుమలగిరిలో సాయంత్రం ట్రాఫిక్ నిత్యం జాం కావడం కామన్ అయిపోయింది. సికింద్రాబాద్ వైపుకు వెళ్లే మార్గం..అల్వాల్ కు వెళ్లే మార్గాల్లో వాహనాలు బారులు తీరి నిలిచిపోతున్నాయి. ఒక్కోసారి హనుమాన్ టెంపుల్ వరకు వాహనాలు నిలుస్తుండడం పరిస్థితి ఏ విధంగా ఉందో అర్థం చేసుకోవచ్చు. ఇందులో అంబులెన్స్ చిక్కుకొంటే అంతే సంగతులు. రోడ్డు చిన్నదిగా ఉండడం..వాహనాల సంఖ్య పెరిగిపోవడం ట్రాఫిక్ కు ప్రధాన కారణమని చెప్పవచ్చు. ట్రాఫిక్ లో చిక్కుకోవడం వల్ల సమయం చాలా వృధా అయిపోతోందని పలువురు పేర్కొంటున్నారు.

హామీలు ఎక్కడపాయే..
ఈ ట్రాఫిక్ సమస్యకు చెక్ పెడుతామని పాలకులు ప్రకటించి అందుకు తగిన ప్రణాళికలు రూపొందిస్తుంటారు. అందులో భాగంగా స్కై వేలు..ట్రాఫిక్ సిగ్నల్ లేకుండా చేస్తామని ప్రస్తుతం ఉన్న పాలకులు హామీలు గుప్పించారు. ఆకాశ మార్గం..స్కైవేలు నిర్మాణం చేపడుతామని ప్రకటించారు. తిరుమలగిరి ఆర్టీఏ కార్యాలయం నుంచి తిరుమలగిరి ట్రాఫిక్ పోలీస్ స్టేషన్ వరకు 40 ఫీట్ల రోడ్డు మాత్రమే ఉంది. ఇక్కడ పెద్దఎత్తున వాణిజ్య సముదాలు వెలిశాయి. వ్యాపారులు, కస్టమర్లతో ఈ ప్రాంతం నిత్యం రద్దీగా ఉంటుంది. అదేవిధంగా అనిల్ ట్రేడ్ సెంటర్ వద్ద ట్రాఫిక్ సమస్య తీవ్రంగా ఉంది. మెదక్, కరీంనగర్, నిజామాబాద్, ఆదిలాబాద్ తదితర జిల్లాలే కాకుండా మహారాష్ట్రకు సైతం రాకపోకలు సాగించేందుకు ఈ మార్గం ఉపయోగపడడంతో సమస్య పరిష్కారానికి 'ఆకాశమార్గం' నిర్మిస్తామని చెప్పింది.

ఎస్‌ఆర్‌డీపీ..
ఎస్‌ఆర్‌డీపీ(స్ట్రాటజిక్ రోడ్ డెవలప్‌మెంట్ ప్రోగ్రాం) ప్రాజెక్టులో భాగంగా ఓఆర్‌ఆర్-తూముకుంట- ఆల్వాల్-తిరుమలగిరి-జేబీఎస్(19కి.మీ.లు) ఒక ప్యాకేజీ కాగా నిర్ణయించారు. ప్రధాన కూడళ్లలో పాదచారుల కోసం ప్రత్యేకంగా సిగ్నళ్లను ఏర్పాటు చేయాలని కూడా నిర్ణయించారు. ఇలా తొలి విడతగా 25 చోట్ల ఏర్పాటు చేయనున్నట్లు గతంలో ప్రకటించారు. పాదాచారులు ఎక్క‌డైనా స‌రే రోడ్డు దాటాలంటే ఆ కూడ‌లిలో ఉన్న రెడ్ సిగ్న‌ల్స్‌ను ఆన్ చేయడంతో వాహ‌నాలు నిలిచిపోయే విధంగా సిగ్నలింగ్ వ్యవస్థను తీసుకొస్తామని చెప్పారు. దీనికి సంబంధించిన పనులు మొదలవుతున్నాయని అధికార యంత్రాంగం పేర్కొంటున్నట్లు వార్తలు వెలువడుతున్నాయి.
ఇవి ఎక్కడ ఏర్పాటు చేశారో వారికే తెలియాలి.

08:34 - July 7, 2017

కృష్ణా : రాష్ట్ర విభజన తర్వాత విజయవాడ ప్రజల అంచనాలకు అందనిరీతిలో విస్తరిస్తోంది. ఏపీ రాజధాని అమరావతికి కూతవేటు దూరంలో ఈ నగరం ఉంది. రాజధానిలో పనుల కోసం వచ్చే వారెవరైనా విజయవాడ కేంద్రంగా బసచేసి, కార్యకలాపాలు నిర్వహించుకొనేందుకే ప్రాధాన్యత ఇస్తున్నారు. ఉపాధి కోసం వలస వచ్చే వారితో నగరం అంతకంతకు విస్తరిస్తోంది. వాహనాల సంఖ్య పెరుగుతోంది. కానీ జనాభా అవసరాలకు అనుగుణంగా రోడ్లు లేకపోవడంతో ట్రాఫిక్‌ సమస్య జటిలంగా మారుతోంది.

మూడు ప్రధాన మార్గల్లోనే 90 శాతం వాహనాలు
విజయవాడలోని మూడు ప్రధాన మార్గల్లోనే 90 శాతం వాహనాలు రాకపోకలు సాగిస్తున్నాయి. విజయవాడ-హైదరాబాద్‌, చెన్నై-కోల్‌కతా జాతీయ రహదారులల్లో వాహనాల రద్దీ పెరిగింది. బందరు రోడ్డు ఇరుకుగా మారడంతో ట్రాఫిక్‌ కష్టాలు ఎదురువుతున్నాయి. మరికొన్ని మార్గాలు ఆక్రమణలకు గురవుతోండటంలో ట్రాఫిక్‌తో వాహనచోదకులు, పాదచారులకు చక్కలు కనపడుతున్నాయి. బెజవాడలోకొన్ని ఫ్లై ఓవర్లు నిర్మించారు. మరికొన్ని నిర్మాణంలో ఉన్నాయి. కీలకమైన బెంజ్‌ సర్కిల్‌ ఫ్లైఓవర్‌ నిర్మాణానికి ఎట్టకేలకు టెండర్లు పూర్తయ్యాయి. పనులు ప్రారంభించినా, ఇది ఎప్పుడు అందుబాటులోకి వస్తుందో ఎవరూ చెప్పలేని పరిస్థితి నెలకొంది. కనకదుర్గ ఫ్లైఓవర్‌ నత్తనడకన సాగుతోంది. దీంతో అమ్మవారి భక్తులతోపాటు హైదరాబాద్‌ నుంచి విజయవాడ వచ్చే ప్రయాణికులు తీవ్ర ఇబ్బందులు పడుతున్నారు. కృష్ణలంక సబ్‌వే నిర్మాణం కూడా అంతంతమాత్రంగానే తయారైంది.

బెంజ్‌ సర్కిర్‌ ఫ్లై ఓవర్‌ నిర్మాణం ఒక్కటే
బెజవాడ ట్రాఫిక్‌ సమస్యకు తరుణోపాయం బెంజ్‌ సర్కిర్‌ ఫ్లై ఓవర్‌ నిర్మాణం ఒక్కటే. దీనిని త్వరితగతిన పూర్తి చేసేందుకు చర్యలు తీసుకుంటున్నామని అధికారులు చెబుతున్నారు. బెంజ్‌ సర్కిర్‌ ఫ్లై ఓవర్‌ నిర్మాణ పనులు పూర్తి కావాలంటూ మరో ఏడాదిన్నపడుతుందని ప్రజాప్రతినిధులు చెబుతున్నారు. బెంజ్‌ సర్కిర్‌ ఫ్లై ఓవర్‌ కోసం ప్రజలు ఆరు దశాబ్దాల నుంచి ఉద్యమిస్తున్నారు. ఇప్పటికి టెండర్లు పూర్తి చేసుకుంది. 220 కోట్ల రూపాయలతో రెండు దశల్లో నిర్మాణం చేపడుతున్నారు. బెజవాడకు బైపాస్‌ రోడ్డు లేకపోవడంతో ట్రాఫిక్‌ అంతా నగరం నుంచే వెళ్లాల్సివస్తోంది. ఈ నేపథ్యంలో బెంజి సర్కిల్‌ ఫ్లై ఓవర్‌ను త్వరితగతిన పూర్తిచేసి, ట్రాఫిక్‌ కష్టాల నుంచి ప్రజలను గట్టెక్కించేందుకు చర్యలు తీసుకోవాలని కోరుతున్నారు. 

09:59 - June 21, 2017
19:09 - May 22, 2017

హైదరాబాద్ : ఎండల్లో విధులు నిర్వహించలేక అల్లాడిపోతున్న ట్రాఫిక్ కానిస్టేబుళ్లకు కూల్‌ జాకెట్స్ రాబోతున్నాయి.. ముందు పైలట్‌ ప్రాజెక్టుగా రెండువందలమంది కానిస్టేబుళ్లకు ఈ జాకెట్లు ఇచ్చారు.. వీటి పనితీరుబట్టి మిగతా పోలీసులకూ జాకెట్లు అందజేయనున్నారు.. ఏషియన్‌ ఇన్ఫో టెక్నాలజీవారు ఈ జాకెట్స్‌ను స్పాన్సర్‌ చేశారు.. మరిన్ని వివరాలకు వీడియో చూడండి.

06:54 - April 2, 2017

హైదరాబాద్ : అసలే మండుటెండలు, అపై భానుడి భగభగలు. వెరసి నిప్పుల కొలిమిలాంటి ఎండలో విధులు నిర్వహించాలంటే కత్తిమీద సాములాంటిది. అలాంటిది మండుటెండలో విధులు నిర్వహిస్తున్న ట్రాఫిక్ పోలీసుల కష్టాలు వర్ణాణాతీతంగా ఉన్నాయి. గ్రేటర్ హైదరాబాద్‌లో భానుడు రోజురోజుకు ఉగ్రరూపం దాల్చుతున్నాడు. దీంతో నిప్పుల కొలిమి లాంటి మండుటెండల్లో ట్రాఫిక్ పోలీసుల విధులు పలువురిని ఆశ్చర్యానికి గురిచేస్తోంది. ఎందుకంటే సాధారణ సమయాల్లో ట్రాఫిక్ విదులు నిర్వహించడం ఒక ఎత్తైతే మండు టెండల్లో విధులు నిర్వహిచడం మరో ఎత్తు. దీంతో దినదిన గండంగా విధులు నిర్వహిస్తున్నారు ట్రాఫిక్ పోలీసులు. ఉదయం నుంచి రెండు షిఫ్ట్‌లలో ట్రాఫిక్ పోలీసులు విధులు నిర్వహిస్తున్నారు. రోజురోజుకు పగటి ఉష్ణోగ్రతలు గరిష్టంగా నమోదవుతున్నాయి. మధ్యాహ్నం ఒంటిగంట దాటితే ట్రాఫిక్ విధులు పెద్ద సవాలుగా మారుతున్నాయి. నిప్పులు గక్కె మండుటెండల్లో కనీసం కూర్చోడానికి, సేదతీరేందుకు ట్రాఫిక్ జంక్షన్స్ వద్ద సదుపాయాలు లేకపోవడంతో పోలీసుల ఇక్కట్లు కష్టతరంగా మారాయి.

గంటల తరబడి..
ఎండల్లో గంటల తరబడి నిల్చొని ట్రాఫిక్ ను నియంత్రిస్తూ ఉంటారు. దీంతో వాయుకాలుష్యానికి తోడు ధ్వని కాలుష్యంతో అనారోగ్యానికి గురవుతున్నారు. హైదరాబాద్ లోని ప్రతి ఏరియాలో దాదాపు 8 ప్రధాన జంక్షన్ల వద్ద తప్పని సరిగా ట్రాఫిక్ విధులు నిర్వహించాల్సిందే. ప్రతి ట్రాఫిక్ పోలీసు స్టేషన్ లో 50మంది మాత్రమే పోలీసులు విధులు నిర్వహిస్తుండగా 30 మందికి పైగా హోం గార్డులు సేవలు అందిస్తున్నారు.  వాస్తవానికి వేసవికాలానికి ముందే ట్రాఫిక్ పోలీసులు, హోంగార్డులకు సేఫ్టీ మెడికల్ కిట్టులను అధికారులు అందజేయాలి. అందులో వాటర్ బాటిల్స్, ఓఆర్ఎస్, గ్లూకోస్ పాకెట్స్, ఫేస్ మాస్క్ తో పాటు ఎండ నుంచి రక్షణ కవచంగా గాగూల్స్ ను అందజేయాలి. కాని అధికార యంత్రాంగం ట్రాఫిక్ పోలీసులకు తగిన వసతులు కల్పించలేకపోతోంది. వేసవికాలంలో తప్పనిసరిగా రెండు సార్లు మెడికల్ క్యాంపులు నిర్వహించాలి. వేసవి కాలంలో తీసుకోవాల్సిన జాగ్రత్తలపై అవగాహన కల్పించాలి. ఎలాంటి ముందస్తు చర్యలు లేకుండా పోలీసులు, హోంగార్డులు విధులు నిర్వహిస్తున్నారు. తక్షణమే ట్రాఫిక్ పోలీసుల ఇబ్బందులను దృష్టిలో పెట్టుకుని వారికి కిట్టులను అందజేయాలని సామాజిక వేత్తలు కోరుతున్నారు.

21:31 - March 26, 2017
18:59 - October 19, 2016

హైదరాబాద్ : గ్రేటర్‌ హైదరాబాద్‌ వాసులకు ట్రాఫిక్‌ కష్టాలు రోజురోజుకు పెరుగుతున్నాయి. గుంతలు పడిన రోడ్లు, మెట్రో రైలు నిర్మాణానికి రహరాదుల మధ్య ఏర్పాటు చేసిన బ్యారికేడ్లతో కిలో మీటరు దూరం ప్రయాణించాలంటేనే నడుమలు ఇరిగే పరిస్థితులు నెలకొన్నాయి.

గ్రేటర్‌లో ట్రాఫిక్‌ చిక్కులు
కిలో మీటర్‌ దూరం వెళ్లాలంటే నరకాన్ని తలపించే పరిస్థితి .గుంతలు పడిన రోడ్లపై ప్రయాణంతో నడుములు విరిగే దుస్థితి.. .రోడ్లకు మధ్య ఏర్పాటు చేసిన మెట్రోరైలు బ్యారికేడ్లతో వాహనాల నత్తనడక .ఎప్పుడెప్పుడా.. అని ఎదురు చూస్తున్న మెట్రోరైలు ఎప్పటికప్పుడు వెనక్కిపోతోంది. పైగా నిర్మాణంలో జరుగుతున్న జాప్యం ట్రాఫిక్‌ కష్టాలు పెరుగుతున్నాయి. గ్రేటర్‌లో అసలే ఇరుకు రోడ్లు. ఆపై మెట్రోరైలు బ్యారికేడ్లతో రోడ్లను మూసివేయడంతో చీమల మారిదిగా ఒక వాహనం తర్వాత మరొకటి వెళ్లాల్సిన దుస్థితి దాపురించింది. కిలో మీటరు దూరం వెళ్లాలంటే నరకాన్ని తలపించే పరిస్థితులతో నగరవాసుల ట్రాఫిక్‌ కష్టాలు రోజురోజుకు పెరుగుతున్నాయి.

కోర్టు కేసులతో రోడ్ల వెడల్పుకు అవరోధాలు
హైద‌రాబాద్ మెట్రో రైలు నిర్మాణంలో ప్రభుత్వ శాఖల మధ్య సమన్వయం లోపించింది. రోడ్లను వెడల్పు చేయాల్సిన నగరపాలక సంస్థ నిమ్మకు నీరెత్తినట్టు వ్యవహరిస్తోంది. కొన్ని చోట్ల వెడల్పు చేసినా, ట్రాఫిక్‌ సాఫీగా సాగేందుకు అనుకూలంగాలేవు. ప్రార్థనా మందిరాలు ఉన్న ప్రాంతాల్లో కోర్టు కేసులు, ఇతరితర కారణాలతో రోడ్ల వెడల్పు పనులు నిలిచిపోయాయి. దీంతో మెట్రో నిర్మాణ మార్గాల్లో తరచు ప్రమాదాలు జరుగుతున్నాయి. కొన్ని చోట్ల భద్రతా లోపాలకు ప్రజలు బలైపోతున్నారు.

వర్షాలకు దారుణంగా తయారైన రోడ్లు
గతనెల్లో కురిసన వర్షాలకు పాత గాంధీ ఆస్పత్రి దగ్గర మెట్రో పిల్లర్‌ గుంతలో పడి ఓ బాలులు ప్రాణాలు కాల్పోయాడు. అంతకుముందు మలక్‌పేట దగ్గర సిమెంట్‌ లోడుతో వస్తున్న లారీ మెట్రో గుంతలో పడిపోయింది. భద్రతా లోపాలతో ఎస్‌ఆర్‌ నగర్‌లో మెట్రో నిర్మాణంలో ప్రమాదం చోటు చేసుకుంది. పైనుంచి పరికరాలు కిందపడటంతో వారహనదారులకు గాయాలైన సందర్భాలున్నాయి. మెట్రోరైలును సాధ్యమైనంత త్వరగా ప్రజలకు అందుబాటులోకి తీసుకొచ్చి ట్రాఫిక్‌ కష్టాలు తీర్చాలని ప్రజలు కోరుతున్నారు. మెట్రోరైలు నిర్మాణం జరుగుతున్న ప్రాంతాల్లో దెబ్బతిన్న రోడ్లను రిపేర్లు చేసే విషయంలో జీహెచ్‌ఎంసీ, మెట్రో రైలు నిర్మాణ సంస్థలు సమన్వయంతో పని చేస్తూ ట్రాఫిక్‌ కష్టాలు లేకుండా చూడాలని ప్రజుల కోరుతున్నారు. 

17:45 - September 22, 2016

హైదరాబాద్ : విశ్వనగరంకాదు విశ్వనరకంలా హైదరబాద్ మారింది. వర్షాలు పడితే చాలు నగర రహదారులు కాస్తా నరకపు దారులను తలపిస్తున్నాయి. రోడ్ల పై ప్రయాణిస్తూ నిత్యం నరకం చూస్తున్న ప్రజలు ప్రభుత్వం పై తీవ్ర అసంతృప్తి వ్యక్తం చేస్తున్నారు.

రోజురోజుకు దిగజారుతున్న హైదరాబాద్ రోడ్ల పరిస్ధితి
హైదరాబాద్ నగరంలోని రోడ్ల పరిస్థితి రోజు రోజుకు దిగజారుతోంది. అభివృద్ధి వైపు హైదరాబాద్ అడుగులు వేస్తోందని చెబుతున్న పాలకుల, అధికారుల మాటలు నీటిమీద రాసిన మాటలేనని నగర రోడ్లను చూస్తే అర్థమవుతోంది. వివిధ శాఖల మధ్య సమన్వయలోపం, అధికారులు నిర్లక్ష్యంగా వ్యవహరించడం, స్థానిక పాలకులు పట్టించుకోకపోవడం వంటి కారణాలతో ప్రజలకు నిత్యం ఇబ్బందులు తప్పటం లేదు. స్థానికంగా ఉండే ప్రజలు ఎన్ని విన్నపాలు చేసిన అధికారుల్లో చలనం రావడం లేదు. నగరంలోని రోడ్ల పై ప్రయాణించాలంటే ప్రాణాలు అరచేతుల్లో పెట్టుకొని వెళ్లాల్సిన పరిస్థితి ఏర్పడింది.

మల్కాజ్ గిరీ ప్రాతంలో రోడ్ల పరిస్థితి మరీ అధ్వానం
నగరంలోని ప్రధానమైన ఏరియాల్లో ఒకటైన మల్కాజ్ గిరి ప్రాతంలో రోడ్ల పరిస్థితి మరీ అధ్వానంగా తయారైంది. రోడ్ల పై పైప్ లైన్ల కోసం, టెలికం వైర్ల కోసం, నాలా పనుల కోసం తవ్వకాలు జరిపి ఏడాది గడిచినప్పటికీ మళ్లీ రోడ్డు వేయలేదు. ఇసిఐల్ నుండి నేరేడ్ మెట్, మాల్కాజ్ గిరి, సికింద్రాబాద్ ప్రధాన రహదారి పై దాదాపుగా 3 కిలోమీటకర్ల మేర రోడ్లు ప్రమాదకర స్థాయిలో ఉన్నాయి. ఇలాంటి అధ్వాన రోడ్ల పై ప్రయాణించి అనారోగ్యాల పాలవడమే కాక ప్రమాదాల భారిన పడుతున్నా ఎవరు పట్టించుకోవడం లేదని స్థానికులు ఆగ్రహం వ్యక్తం చేస్తున్నారు.

పలు ప్రాంతాల్లో రోడ్ల పరిస్థితి అధ్వాన్నం
ఇదే పరిస్థితి నగరంలోని ప్రధానమైన ప్రాంతాలు సికింద్రాబాద్, మలక్ పేట, చిలకల గూడా, ఆర్ టి సి క్రాస్ రోడ్స్, మాదాపూర్, దిల్ సుఖ్ నగర్, చాలా ప్రాంతాల్లో ఉంది. తాత్కాలికంగా రోడ్లను వేయడంతో వాటిలో నాణ్యత లోపం వలన తేలికపాటి వర్షాలకే రోడ్ల పై గోతులు పడుతున్నాయి. హైదరాబాద్ నగరాన్ని విశ్వనగరంగా తీర్చిదిద్దుతామన్న పాలకులు ముందుగా పటిష్టమైన రోడ్లను నిర్మించాలని గ్రేటర్ వాసులు డిమాండ్ చేస్తున్నారు.

 

Pages

Don't Miss

Subscribe to RSS - ట్రాఫిక్