ట్రైలర్

17:45 - November 7, 2017

టైగర్ జిందా హై మూవీ ట్రైలర్ విడుదల అయింది. సల్మాన్ ఖాన్, కత్రినా కైఫ్ ప్రధాన పాత్రల్లో నటిస్తున్నారు. డిసెంబర్ 22న సినిమా విడుదల కానుంది.

 

15:20 - October 16, 2017

నటి సన్నీలియోన్ ఓ సాంగ్‌లో స్పెషల్‌గా నటిస్తున్న సినిమా 'గరుడవేగ' హీరో బాలకృష్ణ చేతుల మీదుగా దీని ట్రైలర్‌ను విడుదల చేయనున్నారు .హీరో రాజశేఖర్‌- పూజాకుమార్‌- శ్రద్ధాదాస్‌ కాంబినేషన్‌లో రానున్న మూవీ అన్నిపనులు పూర్తికావడంతో రిలీజ్‌కి రెడీ అయ్యింది. ఈ కార్యక్రమానికి బంజారాహిల్స్‌లోని ఆర్కే సినీ కాంప్లెక్స్‌ వేదిక కానుంది. ఇటీవల రిలీజైన టీజర్‌ హాలీవుడ్‌ స్థాయిలో పలువురు ప్రముఖులు ట్విటర్‌ వేదికగా ప్రశంసించారు. ఆర్కే ఫిల్మ్స్‌ సంస్థ రూ.25 కోట్ల బడ్జెట్‌తో తెరకెక్కిస్తున్నారు.

15:48 - October 9, 2017

సినిమా : అభిమానులు ఎప్పుడెప్పుడా అని ఎదురుచూస్తున్న పద్మావతి ట్రైలర్‌ వచ్చేసింది. ట్రైలర్‌ మొత్తంలో అల్లాఉద్దీన్‌ ఖిల్జీ క్రూరత్వాన్ని, మహారావల్‌ రతన్‌ సింగ్‌, రాణి పద్మావతి అనుబంధాన్ని, ఖిల్జీ-రతన్‌ సింగ్‌ల మధ్య జరిగే యుద్ధాన్ని చూపించారు. ఖిల్జీ పాత్రలో రణ్‌వీర్‌, మహారావల్‌ రతన్‌ సింగ్‌ పాత్రలో షాహిద్‌ కపూర్‌, పద్మావతి పాత్రలో దీపిక పదుకొణె నటిస్తున్నారు. రాజ్‌పుత్‌ల ఖడ్గంలో ఎంత శక్తి ఉంటుందో వారి కంకణంలోనూ అంతే శక్తి ఉంటుందని దీపిక...రాజ్‌పుత్‌ల గురించి గొప్పగా చెబుతున్న డైలాగ్‌ ఆకట్టుకుంటోంది. 

11:05 - September 20, 2017

ఓంకార్ డైరెక్షన్ లో వచ్చిన రాజుగారి గది మూవీ సీక్వెల్ రాజుగారి గది-2 ట్రైలర్ రిలీజ్ అయింది. రాజుగారి గది 2 మాత్రం హార్రర్.. ఎంటర్‌టైనర్‌గా కనిపిస్తోంది. కళ్లల్లో చూస్తూ.. గుండెలో ఏముందో చెప్పగలిగే మెంటలిస్ట్‌గా నాగార్జున యాక్ట్ చేశారు. సమంత, కాజల్ అగర్వాల్ ముఖ్య భూమిక పోషిస్తున్నారు. వెన్నెల కిషోర్, శకలక శంకర్, రాజేష్ ఈ మూవీలో మంచి కామెడీని పంచారు. పీవీపీ సినిమా, మ్యాట్నీ ఎంటర్‌టైన్‌మెంట్‌, ఓక్‌ ఎంటర్‌టైన్‌మెంట్ సంయుక్తంగా ఈ మూవీని నిర్మిస్తున్నాయి.

12:00 - September 11, 2017

వరుస విజయాలతో దూసుకుపోతోన్న యంగ్ టైగర్ 'ఎన్టీఆర్' హీరోగా నటిస్తున్న తాజా చిత్రం 'జై లవ కుశ' చిత్ర ట్రైలర్ ఆదివారం విడుదల అయ్యింది. ఏకంగా ఎన్టీఆర్ సినిమాలో మూడు పాత్రలను పోషిస్తుండడంతో చిత్రంపై ఆసక్తి నెలకొంది. సోదరుడు కళ్యాణ్ రామ్ నిర్మాణంలో ఎన్టీఆర్ ఆర్ట్స్ పతాకం పై 'జై లవ కుశ' రూపొందుతోంది. బాబీ దర్శకత్వంలో ప్రతిష్టాత్మకంగా తెరకెక్కిన సినిమాలో ఎన్టీఆర్ సరసన రాశీ ఖన్నా, నివేదిత థామస్ లు హీరోయిన్స్ నటించారు.

13:38 - August 28, 2017

హీరో నాగ చైత‌న్య హీరోగా ప్రముఖ నిర్మాణ సంస్థ వారహి బ్యానర్ పై కృష్ణ ఆర్వి ముత్తు ద‌ర్శ‌క‌త్వంలో యుద్ధం శ‌ర‌ణం అనే చిత్రాన్ని చేస్తున్నాడు. ఈ మూవీ పోస్ట్ ప్రొడ‌క్ష‌న్ వ‌ర్క్ చివ‌రి ద‌శ‌కు చేరుకోగా మూవీ రిలీజ్ డేట్ ని సెప్టెంబ‌ర్ 8కి ఫిక్స్ చేశారు. ఇక ఈ చిత్రంలో లావణ్య త్రిపాఠి హీరోయిన్ గా నటిస్తుండగా సీనియర్ నటుడు శ్రీకాంత్ పూర్తి స్థాయి విలన్ గా కనిపించనున్నాడు. వారాహి చలన చిత్రం బ్యానర్ పై సాయి కొర్రపాటి నిర్మిస్తున్న నికేత్ బొమ్మి సినిమాటోగ్రఫీ చేస్తున్నారు ‘పెళ్లి చూపులు’ ఫేమ్ వివేక్ సాగర్ సంగీతం అందిస్తున్నాడు. ఇక‌.. ఈ మూవీ టీజ‌ర్ ను ఇదివ‌ర‌కే రిలీజ్ చేసిన మూవీ యూనిట్ తాజాగా మూవీ అఫీషియ‌ల్ ట్రైల‌ర్ ను రిలీజ్ చేసింది. 

10:18 - August 18, 2017

 

'మేరా నామ్ తేడా..తేడా సింగ్..36 దోపిడీలు..24 మర్డర్లు..36 స్టాపింగ్‌లు..దిస్ ఈజ్ మై విజిబుల్ రికార్డ్ ఇన్ వికీపీడియా’ అంటూ బాలయ్య పలికిన డైలాగ్స్ దుమ్ము రేపుతున్నాయి. ఆయన నటించిన తాజా చిత్రం 'పైసా వసూల్' సినిమా థ్రియాట్రికల్ ట్రైలర్ ను గురువారం ఖమ్మంలో విడుదల చేశారు. చివరిలో 'శవాన్ని పైకి లేపి మళ్లీ చంపేస్తా' అంటూ పంచ్ డైలాగ్ విసిరారు.

బాలయ్య వందో చిత్రం 'గౌతమి పుత్ర శాతకర్ణి' విజయం అనంతరం ఆయన పూరీ జగన్నాథ్ దర్శకత్వంలో 101వ సినిమా 'పైసా వసూల్' చిత్రం చేస్తున్నాడు. పూర్తిగా మాస్ గా బాలయ్య కనిపిస్తుండడంతో అభిమానులు సంతోషం వ్యక్తం చేస్తున్నారు. ఈ సినిమాపై అభిమానులు భారీ అంచనాలు పెట్టేసుకుంటున్నారు.

సినిమా ప్రారంభోత్సవం రోజునే విడుదల తేదీని చిత్ర యూనిట్ ప్రకటించిన సంగతి తెలిసిందే. కానీ ప్రకటించిన తేదీ కంటే నెల ముందుగానే సినిమా విడుదల చేస్తున్నారు. సెప్టెంబ‌ర్ 1న రిలీజ్ డేట్ గా ప్ర‌కటించారు. ఈ సినిమాలో బాలయ్య సరసన మరోసారి 'శ్రియ' జత కట్టగా ప్రముఖ బాలీవుడ్‌–హాలీవుడ్‌ నటుడు కబీర్‌ బేడి ప్రత్యేక పాత్ర పోషించారు. అనూప్ రూబెన్స్ సంగీత దర్శకత్వం వహిస్తున్న ఈ చిత్రం సంచనాలు సృష్టిస్తుందా ? లేదా ? అనేది చూడాలి. 

@page { margin: 2cm } p { margin-bottom: 0.25cm; line-height: 120% }

07:48 - August 11, 2017

బాలీవుడ్ నటుడు 'సంజయ్ దత్' ఈజ్ బ్యాక్ అంటున్నారు ఆయన అభిమానులు. ఎందుకంటే ఆయన నటించిన తాజా చిత్రం 'భూమి' ట్రైలర్ విడుదలైంది. ఈ చిత్ర ట్రైలర్ చూసిన ఆయన అభిమానులు సంతోషం వ్యక్తం చేస్తున్నారు. జైలు శిక్ష కారణంగా సినిమాలకు దూరమైన సంజయ్ దత్.... శిక్ష ముగిసిన తర్వాత తొలి సినిమా కావడంతో భారీ అంచనాలు నెలకొన్నాయి. సంజయ్ దత్, అదితి రావు హైదరి ప్రధాన పాత్రలు పోషిస్తున్న 'భూమి' చిత్రానికి ఓమంగ్ కుమార్ దర్శకత్వం వహిస్తున్నారు.

ఈ సినిమాలో ఆదితి..సంజయ్ దత్ లు తండ్రి కూతుళ్లుగా నటిస్తున్నారు. గురువారం విడుదలైన ఈ చిత్ర ట్రైలర్ కు అద్భుతమైన స్పందన వస్తోంది. ట్రైలర్ లో సంజయ్ ఫెర్మామెన్స్ చూసిన అభిమానులు ఫిదా అయిపోతున్నారు. ట్రైలర్ చూసిన అనంతరం చిత్రంపై మరింత అంచనాలు పెరిగిపోయాయని పేర్కొంటున్నారు.

కూతురును ఎంతగానే ప్రేమించే తండ్రి పాత్రలో కనిపించిన సంజయ్.... కొన్ని సంఘటనల కారణంగా ఇబ్బందుల్లో పడ్డ తన కూతురును కాపాడుకోవడానికి ఏం చేశాడు అనేది ఈ చిత్రంలో చూపించబోతున్నారు. సెప్టెంబర్ 22, 2017న ఈ మూవీ ప్రేక్షకుల ముందుకు రాబోతోంది.

15:30 - August 10, 2017

హైదరాబాద్: దాదాపు రెండున్న‌ర ఏళ్ళ త‌ర్వాత భూమి అనే చిత్రంలో న‌టించిన సంజ‌య్ ద‌త్ తాజాగా త‌న చిత్ర ట్రైల‌ర్ తో ప్రేక్ష‌కుల ముందుకు వ‌చ్చాడు. ఈ ట్రైల‌ర్ ప్ర‌తి ఫేం ఆడియ‌న్స్ కి గూస్ బంప్స్ తెప్పిస్తుంది. ట్రైల‌ర్ చూసిన ఫ్యాన్స్ మూవీపై భారీగా హోప్స్ పెట్టుకున్నారు. చిత్రం త‌ప్ప‌క విజ‌యం సాధిస్తుంద‌నే ఆశాభావం వ్య‌క్తం చేశారు. ఒమంగ్ కుమార్ దర్శకత్వంలో తెరకెక్కుతున్న భూమి చిత్రం తండ్రి, కూతురు నేపథ్యంలో రూపొందుతుండగా ఇందులో సంజయ్ కూతురిగా అదితి రావు హైదరి నటిస్తుంది. సందీప్ సింగ్ మరియు భూషన్ కుమార్ సంయుక్తంగా ఈ చిత్రాన్ని టీ- సిరీస్ బేనర్ పై నిర్మిస్తున్నారు. సెప్టెంబర్ 22, 2017న ఈ మూవీ విడుద‌ల కానుండ‌గా ఈ చిత్రం ఫ్యాన్స్ కి ప‌క్కా ట్రీట్ ఇస్తుంద‌ని మేక‌ర్స్ చెబుతున్నారు. ఈ మూవీ పూర్తైన త‌ర్వాత సంజ‌య్ ద‌త్ మ‌రికొన్ని సినిమాలు చేయ‌నున్నాడు. ప్ర‌స్తుతం అవి ప్రీ ప్రొడ‌క్ష‌న్ కార్య‌క్ర‌మాలు జ‌రుపుకుంటున్నాయి.

09:45 - July 31, 2017

టాలీవుడ్ యంగ్ హీరో 'నితిన్' తాజా చిత్రం 'లై' సినిమా షూటింగ్ శరవేగంగా కొనసాగుతోంది. ఎక్కువ భాగం విదేశాల్లో షూటింగ్ జరుపుకున్న ఈ చిత్రంపై భారీ అంచనాలు నెలకొంటున్నాయి. హను రాఘవపూడి దర్శకత్వంలో ఈ సినిమా రూపొందుతోంది. నితీన్ సరసన మేఘ ఆకాష్ హీరోయిన్ గా నటిస్తోంది.

యాక్షన్ ప్రధానంగా చిత్రం ఉంటుందని అందరికీ వినోదాన్ని కలిగిస్తుందని నిర్మాతలు పేర్కొన్నారు. ఇటీవలే విడుదలైన పాటలు..టీజర్ కు భారీ రస్పాన్స్ వస్తోందని, ఆగస్టు 11న చిత్రం విడుదల చేస్తామన్నారు. వైవిధ్యమైన పాత్రలు ఎంచుకుంటూ ముందుకెళుతున్న 'నితిన్' ‘లై' చిత్రంలో మరోసారి భిన్నంగా కనిపించనున్నాడని టాక్. ఈ సినిమా పోస్టర్స్..టీజర్ చూస్తుంటే నిజమనిపిస్తోంది. 'నితిన్' కు విలన్ గా యాక్షన్ కింగ్ 'అర్జున్' నటిస్తుండడం ప్రాధాన్యత సంతరించుకుంది. ఇదిలా ఉంటే ఆగస్టు మొదటి వారంలో ట్రైలర్ రిలీజ్ చేయనున్నారని తెలుస్తోంది. 

Pages

Don't Miss

Subscribe to RSS - ట్రైలర్