డాక్టర్లు

06:49 - November 21, 2017

పశ్చిమగోదావరి : ఏలూరు ప్రభుత్వాస్పత్రిలో దారుణం చోటు చేసుకుంది. ఆక్సిజన్‌ అందక చిన్నారి మృత్యువాతపడింది. నిన్న పుట్టిన చిన్నారి ఆరోగ్య పరిస్థితి విషమించడంతో... ఏలూరు నుంచి విజయవాడకు అంబులెన్స్‌లో తరలిస్తున్నారు. అయితే.. మార్గమధ్యలో అంబులెన్స్‌లో ఆక్సిజన్‌ అయిపోయింది. దీనిని ముందే సిబ్బంది గమనించకపోవడంతో... తిరిగి ఏలూరు ప్రభుత్వాస్పత్రికి బయల్దేరారు. అయితే.. చిన్నారి ఆస్పత్రికి చేరుకునే లోపే చనిపోయింది. ఆస్పత్రి సిబ్బంది నిర్లక్ష్య వైఖరిపై చిన్నారి బంధువులు ఆగ్రహం వ్యక్తం చేస్తున్నారు. తమకు న్యాయం చేయాలంటూ ఆస్పత్రి ఎదుట ఆందోళనకు దిగారు. 

 

20:58 - November 4, 2017

ఆరోగ్యం వేరు..రోగం వేరు..కానీ దేశంలో ప్రజారోగ్యం ఎలా ఉందంటే రోగం రాకుండా చేసుకునే చర్యలు లేవని జనవిజ్ఞాన వేదిక జాతీయ అధ్యక్షులు డా.వి.బ్రహ్మారెడ్డి మాట్లాడారు. ప్రస్తుతం దేశంలో ఆరోగ్య రంగం ఎలా ఉంది ? వైద్యుల పరిస్థితి..ఇతరత్రా అంశాలపై టెన్ టివి ఆయనతో ముచ్చటించింది. ఈ సందర్భంగా ఆయన పలు ఆసక్తికర విషయాలు వెల్లడించారు.

ఉచిత వైద్యం సాధ్యం కాదనే మాట కరెక్టు కాదని, పలు ప్రాంతాల్లో ఇప్పటికీ ఉచిత వైద్యం అందిస్తున్నారని పేర్కొన్నారు. ప్రభుత్వాలు పన్నులు కట్టించుకుంటున్నారు కదా ? అని ప్రశ్నించారు. ఎవడికి రోగం వస్తే వాడే బాగు చేసుకోవాలనే పరిస్థితి ఏర్పరిచారని, చూడటానికి అందంగా ఉంటుంది..కానీ చాలా ప్రమాదకరమని హెచ్చరించారు. ప్రైవేటుపై ప్రభుత్వాలకు ప్రేమగా ఉంటుందని..కార్పొరేట్ శక్తులకు లక్షలు..కోట్ల రాయితీలు ఇస్తారని తెలిపారు. ప్రైవేటు ఆసుపత్రుల్లో పనిచేసే వైద్యులకు శిక్షణ ఇచ్చింది గాంధీ..ఉస్మానియాలేనన్నారు.

వైద్యులు ఉంటే సరిపోదని..సౌకర్యాలు కల్పిస్తే చాలా బాగా పనిచేస్తారని, గాంధీ..ఉస్మానియాలో నైపుణ్యమైన వైద్యులున్నారని పేర్కొన్నారు. ఆరోగ్య రంగంలో జీఎస్టీ ద్వారా డబ్బులు తీసుకుంటే ప్రజలకు ఏం చేస్తున్నారని ప్రశ్నలు ఉత్నన్నమౌతాయన్నారు. కోటి రూపాయలు పెట్టిన విద్యార్థి ఆ డబ్బులు ఎలా వస్తుందనే ఆలోచన వస్తుందని, ఒక్క విద్యార్థి మీద ప్రభుత్వం పెట్టే ఖర్చు ప్రజలదే కదా అన్నారు. ఎంబీబీఎస్ పూర్తయిన తరువాత 50 నైపుణ్యాలు వచ్చి ఉండాలని, కానీ వాస్తవానికి పరీక్షలు చేస్తే ఒక వైద్యుడికి ఇంజక్షన్ ఇవ్వడం తప్ప తప్ప ఇంకేమీ రాదన్నారు. వృత్తిపరమైన నైపుణ్యంతో పాటు ప్రజలతో ఎలా మెలగాలనే దానిపై శిక్షణ ఉండాలని సూచించారు. ఇలాంటి మరిన్ని ఆసక్తికర విషయాలు తెలుసుకోవాలంటే వీడియో క్లిక్ చేయండి. 

17:45 - October 30, 2017
11:05 - September 28, 2017

అనంతపురం : జిల్లా ప్రభుత్వ ఆసుపత్రిలో మృత్యుఘోష కొనసాగుతోంది. ఈ రోజు నలుగురు రోగులు మృతి చెందడంతో ఇప్పటి వరకు మృతుల సంఖ్య 14 మందికి చేరింది. మరో 11మంది పరిస్థితి విషమంగా ఉందని తెలుస్తోంది. ఆసుపత్రికి వస్తున్న రోగులు చనిపోతుండడంతో రోగులు భయాందోళనకు గురవుతున్నారు. పూర్తి వివరాలకు వీడియో చూడండి.

19:11 - September 4, 2017

వరంగల్ : ఇఎస్‌ఐ..ఎంప్లాయీస్‌ స్టేట్‌ ఇన్సూరెన్స్‌ పథకం...అనేక ప్రయోజనాలతో కూడిన సామాజిక భద్రతా పథకం. ఉద్యోగులకు, వారిపై ఆధారపడిన వారికి ఖర్చుల పరంగా ఎలాంటి గరిష్టపరిమితీ లేకుండా పూర్తిగా ఉచితంగా సేవలు అందిస్తుంది. ఆరోగ్యం బాగా లేనప్పుడు ఉద్యోగి నగదు ప్రయోజనాలు కూడా అందిస్తున్న ఆరోగ్య బీమా పథకం. కానీ వరంగల్‌ జిల్లాలో వైద్యుల నిర్వాకం.. ఇఎస్‌ఐ పథకాన్ని నీరుగార్చేలా చేస్తోంది. వరంగల్ జోన్‌లోని 4 ఇఎస్‌ఐ డిస్పెన్సరీల్లో జరుగుతున్న వైద్యుల భాగోతాన్ని 10 టీవీ బయటపెట్టింది. పేదరోగులకు వైద్యమందించే విషయంలో డాక్టర్లు ఏ స్థాయిలో నిర్లక్ష్యం వహిస్తున్నారో బయటపెట్టింది. ఒక్కో డిస్పెన్సరీని ఒకటికి రెండు సార్లు విజిట్‌ చేసి అక్కడి వాస్తవ పరిస్థితిని కళ్లకు కట్టింది.

మధ్యవర్తులదే రాజ్యం...
ముందుగా గిర్మాజీపేట డిస్పెన్సరీని 10టీవీ బృందం సందర్శించింది. ఇక్కడ వైద్యులు, వైద్య సిబ్బంది కన్నా మధ్యవర్తులదే రాజ్యం. అంతా వారి కనుసన్నల్లోనే జరిగిపోతోంది. వైద్యులు ఆసుపత్రికి మొక్కుబడిగా వచ్చిపోతుండటంతో దళారీలు విజృంభించేస్తున్నారు. రహస్యంగా మందులు తీసుకెళ్లి బయట విక్రయిస్తున్నారన్న ఆరోపణలున్నాయి. పెరకవాడ రైల్వే గేట్ సమీపంలోని డిస్పెన్సరీలో ఇద్దరికి గాను ఒకరే వైద్య సేవలందిస్తున్నారు. ఇక్కడి వైద్యులు విధులను షేరింగ్‌ చేసుకుంటున్నారన్న ఆరోపణలున్నాయి. అంటెడెన్స్‌ వేసి కనిపించకుండా పోతున్నారని రోగులు అంటున్నారు. ఇదే కాక.. గతంలో ఈ డిస్పెన్సరీ కరీమాబాద్‌లో ఉండేది. ఓ మెడికల్ ఏజెన్సీ కాంట్రాక్టర్ స్వలాభం కోసమే.. పెరకవాడలోని సొంత బిల్డింగ్‌కు మార్చాడాన్నది మరో ఆరోపణ. అయితే స్థలం సరిపోక పోవడంవల్లే ఆస్పత్రిని ఇక్కడకు మార్చామని.. ఆరోపణల్లో ఏ మాత్రం నిజం లేదని వైద్యులు చెప్పుకొస్తున్నారు. ఇండస్ట్రీయల్‌ కాలనీలోని డిస్పెన్సరీలో ఇద్దరు మహిళా డాక్టర్లు ఉన్నా..కాంట్రాక్టు వైద్యుడే దిక్కయ్యారు. తొలుత డాక్టర్లు విధులకు వచ్చారని బుకాయించిన..కాంట్రాక్టు వైద్యుడు..చూపించమని అడగడంతో నీళ్లు నమిలారు. సెలవుల్లో ఉన్నారన్న విషయాన్ని చెబుతూనే..జీతం తక్కువన్న కారణంతో శ్రద్ధ కనబరచడం లేదన్న విషయాన్ని ఆలస్యంగా సెలవిచ్చారు.

ఆఫీసర్ యాదగిరిదే హవా...
ఇక హన్మకొండ డిస్పెన్సరీ నిత్యం రోగులతో కిటకిటలాడుతుంది. అయినా ఒక్క డాక్టరే అందుబాటులో ఉంటారు. డిస్పెన్సరీ ఇన్‌చార్జ్ మీటింగ్‌ పేరుతో హైదరాబాద్ వెళ్లగా.. మరో డాక్టర్ సెలవుల్లో ఉన్నారు. ఇక జాయింట్‌ డైరెక్టర్‌ కార్యాలయంలో సీనియర్ ఆఫీసర్ యాదగిరిదే హవా. అన్నింటికీ ఆయన చెప్పిందే సమాధానం. జెడీ విధులకు రాకపోయినా.. అన్నీ తానై చూసుకుంటాడు. వరంగల్‌ జోన్‌లో ఇఎస్‌ఐ డిస్పెన్సరీలపై 10 టీవీ నిఘా పెట్టిందన్న సమాచారాన్ని.. అన్ని ఆస్పత్రులకు చేరవేసి అప్రమత్తం చేశారు. ఇక ఇఎస్‌ఐ ఆస్పత్రుల్లో 2003 నుంచి వైద్యుల కొరత తీవ్రంగా ఉందని జేడీ చెప్పుకొస్తున్నారు. వరంగల్‌లోని ఇఎస్‌ఐ ఆస్పత్రుల్లో వైద్యుల నిర్లక్ష్యంపై ఉన్నతాధికారులు, ప్రజా ప్రతినిధులు తక్షణం స్పందించాలని రోగులు డిమాండ్ చేస్తున్నారు.

19:10 - September 4, 2017

వరంగల్ : వరంగల్‌ జోన్‌లో ఇఎస్‌ఐ వైద్యుల తీరు.. రోగుల సహనాన్ని పరీక్షిస్తోంది. ఈఎస్‌ఐ డిస్పెన్సరీల్లో వైద్యులు ఎప్పుడుంటారో, ఎవరుంటారో తెలియదు. ఒకవేళ ఆస్పత్రికి మొక్కుబడిగా వచ్చినా.. ఎంత సమయం ఉంటారో అంతకన్న తెలియదు. దీంతో డిస్పెన్సరీలకు వచ్చే రోగులు చికిత్స అందక నరకయాతన పడుతున్నారు. ఎంతో ఆశతో ఆస్పత్రికి వచ్చే రోగులు...వైద్యులు లేరన్న సమాధానంతో ఉస్సురంటూ వెనుతిరుగుతున్నారు. గత్యంతరం లేక ప్రైవేట్‌ ఆస్పత్రులను ఆశ్రయిస్తూ..వారి దోపిడీకి బలైపోతున్నారు.

రోజూ వందకు పైగా ఔట్‌పేషంట్లు
వరంగల్ పట్టణ ప్రాంతంలో నాలుగు ఈఎస్‌ఐ డిస్పెన్సరీలు వున్నాయి. ఇండస్ట్రియల్ ఏరియా, గిర్మాజీపేట, హన్మకొండ రెడ్డి కాలనీ, అండర్ బ్రిడ్జ్ దగ్గర ఈ డిస్పెన్సరీలున్నాయి. ఒక్కో డిస్పెన్సరీకి రోజూ వందకు పైగా ఔట్‌పేషంట్లు వస్తుంటారు. ప్రతి డిస్పెన్సరీలోనూ ఇద్దరు లేదా ముగ్గురు వైద్యులు.. ఇంచార్జి మెడికల్ ఆఫీసర్ ఉంటారు. డిస్పెన్సరీల్లో పనిచేసే వైద్యులను సమస్వయం చేస్తూ ఇన్‌చార్జీ మెడికల్‌ ఆఫీసర్‌ వైద్య సేవలు అందించాల్సి ఉంటుంది. కానీ ఇఎస్ఐ డిస్పెన్సరీల్లో దుర్బిణి వేసి చూసినా వైద్యులు కనిపించరు. ఇన్‌చార్జీ మెడికల్‌ ఆఫీసర్లదీ.. అదే పరిస్థితి. దీంతో కిందిస్థాయి వైద్యులే అన్నితామై చూసుకుంటున్నారు. ఇక ప్రతి డిస్పెన్సరీకి ఒక యూడీసీ సీనియర్ అసిస్టెంట్, ఎల్డీసీ జూనియర్ అసిస్టెంట్ ఉంటారు. ఆస్పత్రిలో ఏం కావాలన్న వీరే పర్యవేక్షిస్తుంటారు. అయితే వీరి మాటను డాక్టర్లు బేఖాతర్‌ చేయడం షరా మాములుగా మారింది. వైద్యులు వస్తున్నారా అని ఎవరైనా అడిగితే నీళ్లు నములుతూ..సర్దిచెప్పుకోవడానికి వీరు నానా తంటాలు పడుతుంటారు. నాలుగు డిస్పెన్సరీల్లో పని చేసే వైద్యుల్లో ఎక్కువ మంది డిప్యూటేషన్ మీదా పని చేస్తున్నావారే కావడం గమనార్హం. 

19:09 - September 4, 2017

వరంగల్ : వరంగల్‌లో ఇఎస్‌ఐ వైద్యుల అంతులేని నిర్లక్ష్యం..చుట్టపుచూపుగా ఆస్పత్రులకు వస్తున్న వైద్యులు..అటెండెన్స్‌ రిజిస్టర్‌లో సంతకం చేయగానే అదృశ్యం..సొంత క్లినిక్కుల్లో సేవలందించేందుకు తహతహ..10 టీవీ నిఘాలో బయటపడ్డ వైద్యుల బండారం. రౌతు మెత్తనైతే గుర్రం మూడు కాళ్లపై పరుగెత్తిందట. వరంగల్‌ జోన్‌లో ఈఎస్‌ఐ వైద్యుల తీరు ఇలాగే ఉంది. అధికారుల ఉదాసీనత కారణంగా.. ఈఎస్‌ఐ వైద్యులు ఆడిందే ఆట పాడిందే పాటగా సాగుతోంది. వేలకు వేలు జీతం తీసుకుంటూ.. పేదలకు వైద్యం అందించకుండా.. డిస్పెన్సరిలకు చుట్టపుచూపుగా వచ్చి వెళ్తున్నారు. సొంత క్లినిక్కుల్లో వైద్యమందించేందుకే తహతహలాడుతున్నారు. అటు ప్రభుత్వ జీతం.. ఇటు క్లినిక్‌ ఆదాయంతో రెండు చేతుల బాగానే సంపాదిస్తున్నారు. కార్మికులు, పేద రోగులు వైద్యం కోసం అల్లాడిపోతున్నా..అవేమీ తమకు పట్టనట్లుగా వ్యవహరిస్తున్నారు. గట్టిగా నిలదీస్తే సెలవుల్లో ఉన్నట్లుగానో.. ఉన్నతాధికారుల పర్మిషన్‌తో పనిమీద బయటికెళ్లినట్లుగానో చెప్పుకొస్తున్నారు. ఇఎస్‌ఐ వైద్యుల నిర్వాకాన్ని..10 టీవీ బృందం గుట్టురట్టు చేసింది.  

13:08 - September 4, 2017

మెదక్ : మంత్రుల రాక రోగులకు ప్రాణ సంకటంగా మారింది. మెదక్‌ జిల్లా నర్సాపూర్‌లో వంద పడకల ఆస్పత్రిని ప్రారంభించేందుకు మంత్రులు లక్ష్మారెడ్డి, హరీశ్‌రావు వస్తున్నారని డాక్టర్లు వైద్యం చేయడం  మానేశారు. దీంతో రోగులు చెట్లు కింది పడిగాపులు కాయాల్సి వచ్చింది. పురటి నొప్పులతో బాధపడుతున్న మహిళలను డాక్టర్లు పట్టించుకోలేదు. మంత్రులకు సాదర స్వాగతం పలకాలన్న ఉద్దేశంతో వైద్యం మానేసిన డాక్టర్ల తీరుపై రోగులు బంధువులు మండిపడ్డారు. 

14:57 - August 2, 2017

హైదరాబాద్ : కాల్పుల కేసులో విక్రమ్‌గౌడ్‌ను అరెస్టు చేసేందుకు పోలీసులు చేసిన ప్రయత్నానికి అపోలో డాక్టర్లు బ్రేక్‌ వేశారు. కాల్పుల్లో గాయపడ్డ విక్రమ్‌కు చికిత్స కొనసాగిస్తున్నామని పోలీసుల దృష్టికి తెచ్చారు. ఈ దశలో అరెస్టుకు వీలులేదని చెప్పారు.   దీంతో విక్రమ్‌ను అరెస్టు చేసేందుకు అపోలో ఆస్పత్రికి వచ్చిన టాస్క్‌ఫోర్స్‌ పోలీసులు వెనుతిరిగి వెళ్లారు. ఆస్పత్రి నుంచి డిశ్చార్జ్‌ చేసిన తర్వాతే విక్రమ్‌గౌడ్‌ను అరెస్టు చేసే అవకాశం ఉంది. మరోవైపు  విక్రమ్‌ గౌడ్‌పై కాల్పుల కేసులో అరెస్టు చేసిన ఆరుగురు నిందితులను పోలీసులు మీడియా ముందు ప్రవేశపెట్టనున్నారు. ఇండోర్‌కు చెందిన షార్ప్‌ షూటర్‌ నందు, హైదరాబాద్‌కు చెందిన అహ్మద్‌తోపాటు మరో నలుగుర్ని పోలీసులు అరెస్టు చేశారు. వీరిపై ఆయుధాల చట్టంతోపాటు, ఐపీసీలోని వివిధ సెక్షన్ల కింది కేసు నమోదు చేశారు. 

15:34 - June 22, 2017

తూ.గో : ఓ వ్యక్తి ఛాతిలో దిగబడిన గునపాన్ని వైద్యులు చాకచక్యంగా తొలగించి అతని ప్రాణాలు నిలబెట్టారు. ఇంట్లో పాత గోడ కూలగొడుతుండగా రాజమండ్రిలోని.. దివాన్ చెరువుకు చెందిన చిటికిన వెంకటేశ్వరరావుకు ప్రమాదవశాత్తు కుడివైపు ఛాతిలో గునపం దిగబడింది. దీంతో వెంకటేశ్వరరావును కిమ్స్‌కు తరలించారు. బాధితుడిని పరీక్షించిన వైద్యులు అరుదైన శస్త్ర చికిత్స చేసి గునపాన్ని తొలగించారు. అయితే రక్తస్రావం ఎక్కువగా జరిగిందని, ప్రస్తుతం వెంకటేశ్వరరావు కొలుకుంటున్నాడని డాక్టర్ సతీష్ చెప్పారు.

Pages

Don't Miss

Subscribe to RSS - డాక్టర్లు