డీఎస్సీ

06:39 - April 29, 2018

విజయవాడ : నిరుద్యోగులకు ఏపి ప్రభుత్వం శుభవార్త అందించింది. టెట్, డీఎస్సీ షెడ్యూల్‌ను మంత్రి గంటా శ్రీనివాసరావు విడుదల చేశారు. మొత్తం 10వేల 351 టీచర్‌ పోస్టులను జులైలో భర్తీ చేయనున్నట్లు ప్రకటించారు. మరో వారం రోజుల్లో సిలబస్‌ను ప్రకటించనున్నట్లు తెలిపారు. ఇక మే 4న టెట్‌ నోటిఫికేషన్‌ జారీ చేయనున్నట్లు మంత్రి తెలిపారు. మే 5 నుంచి 22 వరకూ ఫీజు చెల్లించవచ్చన్నారు. మే 23 వరకు దరఖాస్తు చేసుకునేందుకు గడువు విధించారు. టెట్‌ అభ్యర్థులకు మే 25 నుంచి మాక్‌టెస్టులు నిర్వహించనున్నట్లు మంత్రి తెలిపారు. టెట్‌ హాల్‌టికెట్లను జూన్‌ 3 నుంచి డౌన్‌లోడ్‌ చేసుకోవచ్చన్నారు. జూన్‌ 10 నుంచి ఆన్‌లైన్‌లో పరీక్షలు నిర్వహించనున్నట్లు గంటా తెలిపారు.

అలాగే డీఎస్సీకి సంబంధించిన వివరాలు కూడా మంత్రి వెల్లడించారు. జూలై 6న డీఎస్సీ నోటిఫికేషన్‌ను విడుదల చేస్తున్నట్లు తెలిపారు. జూలై 6 నుంచి ఆగస్టు 8 వరకు ఫీజు చెల్లించవచ్చాన్నారు. జూలై 7నుంచి ఆగస్టు 9 వరకు దరఖాస్తు చేసుకునేందుకు గడువు విధించారు. మొత్తం 10వేల 351 పోస్టుల భర్తీకి డీఎస్సీ నిర్వహించనున్నట్లు గంటా తెలిపారు. ఏపీపీఎస్సీ ద్వారా డీఎస్సీ నిర్వహించాలని భావిస్తున్నట్లు తెలిపారు. అలాగే డీఎస్సీని అన్‌లైన్‌లో నిర్వహించనున్నట్లు చెప్పారు. మరో వారం రోజుల్లో డీఎస్సీకి సంబంధించిన సిలబస్‌ను వెల్లడిస్తామన్నారు.

ఏపీని ఎడ్యుకేషన్‌ హబ్‌గా తయారు చేయడమే తమ లక్ష్యమన్నారు గంటా శ్రీనివాసరావు. అన్ని పాఠశాలల్లో మౌలిక సదుపాయాలు కల్పిస్తామని తెలిపారు. రాష్ట్రంలో లోటు బడ్జెట్‌ ఉన్నా... విద్యకు అధికంగా నిధులు కేటాయిస్తున్నామన్నారు. 

18:21 - April 28, 2018

విశాఖపట్నం : ఏపీ డీఎస్సీ,టెట్ షెడ్యూల్ ను విద్యాశాఖ మంత్రి గంటా శ్రీనివాసరావు విడుదల చేశారు. మే 4వ తేదీన టెట్ నోటిఫికేషన్ జారీచేస్తామని తెలిపారు. మే 5 నుండి 22 వరు ఫీజు చెల్లింపులు చేసుకోవచ్చన్నారు. మే 23న దరఖాస్తు గడువు పూర్తవుతుందన్నారు. జూన్ 3న టెట్ హాల్ టికెట్ల డౌన్ లోడ్ ప్రక్రియ చేసుకోవచ్చని మంత్రి తెలిపారు. జూన్ 10 నుండి ఆన్ లైన్ పరీక్షలు నిర్వహిస్తామనీ..జులై 6న డీఎస్సీ నోటిషికేషన్ విడుదల చేస్తామని తెలిపారు. దీనికి జులై 6 నుండి ఆగస్టు 8 వరకూ ఫీజు చెల్లింపు గడువు వుంటుందనీ..జులై 7 నుండి 9వరకూ దరఖాస్తులకు గడువు వుంటుందని మంత్రి గంటా శ్రీనివాస రావు తెలిపారు. 

11:22 - April 28, 2018

విజయవాడ : ఏపీ డీఎస్సీ షెడ్యూల్ ను మంత్రి గంటా విడుదల చేశారు. 10,500 పోస్టుల భర్తీకి నోటిఫికేషన్ విడుదలైంది. మే 4వ తేదీన ఏపీ టెట్ నోటిఫికేషన్, జులై 6న డీఎస్సీ నోటిఫికేషన్ లను విడుదల చేస్తామని మంత్రి తెలిపారు. మే 5 నుండి 22 వరకు టెట్ దరఖాస్తులు, జూన్ 3 నుండి హాల్ టికెట్లు జారీ చేస్తామన్నారు. జూన్ 10 నుండి 21 వరకు ఏపీ టెట్ పరీక్షలు జరుగుతాయన్నారు. టెట్ అభ్యర్థులకు మాక్ టెస్టులు నిర్వహించడం జరుగుతుందని తెలిపారు.

20:45 - December 20, 2017

విజయవాడ : డీఎస్సీని నిర్వహించడానికి ఏపీపీఎస్సీ సిద్ధంగానే ఉందని ఏపీపీఎస్సీ చైర్మన్‌ ఉదయ భాస్కర్‌ తెలిపారు. రేపు విజయవాడ ఆర్‌ అండ్‌ బీ బిల్డింగ్‌లో ఏపీపీఎస్సీ కార్యాలయాన్ని ప్రారంభిస్తున్నట్లు ఆయన తెలిపారు. జనవరి 1 నుండి ఏపీపీఎస్సీ పూర్తి స్థాయి కార్యకలాపాలు విజయవాడ నుండే నిర్వహిస్తామని అన్నారు. ప్రభుత్వం నుండి పూర్తి స్థాయి వివరాలు, క్లియరెన్స్‌ వస్తే ప్రభుత్వం ప్రకటించిన సమయానికి డీఎస్సీ నియామకాలు పూర్తి చేయవచ్చని ఉదయ భాస్కర్‌ తెలిపారు.

 

22:01 - December 6, 2017

గుంటూరు : ఆంధ్రప్రదేశ్‌ నిరుద్యోగులకు రాష్ట్ర ప్రభుత్వం తీపి కబురు పంపింది. ఈనెల 15న డీఎస్సీ నోటిఫికేషన్ విడుదల చేయనుంది. 2018 డీఎస్సీ ద్వారా 12,370 టీచర్‌ పోస్టుల భర్తీకి మంత్రి గంటా షెడ్యూల్‌ ప్రకటించారు. జూన్‌ 12 నాటికి ఉపాధ్యాయులకు పోస్టింగ్‌లు ఇవ్వాలని నిర్ణయించినట్లు స్పష్టం చేశారు. 

డీఎస్సీ ప్రకటన కోసం ఎప్పుడెప్పుడా అని ఎదురుచూస్తున్న ఏపీ నిరుద్యోగులకు ప్రభుత్వం శుభవార్త చెప్పింది. 2018 డీఎస్సీపై  మంత్రి గంటా షెడ్యూల్‌ ప్రకటించారు. మొత్తం 12వేల 370 టీచర్‌ పోస్టుల భర్తీకి ఈనెల 15న నోటిఫికేషన్ విడుదల చేస్తున్నట్లు తెలిపారు. వచ్చే ఏడాది జూన్‌12 నాటికి టీచర్‌ పోస్టింగులు ఇవ్వాలని నిర్ణయించినట్లు వెల్లడించారు. ఈనెల 26 నుంచి ఫిబ్రవరి 2 వరకు ఆన్‌లైన్‌లో దరఖాస్తులు స్వీకరించనున్నట్లు అందుబాటులో ఉంటాయన్నారు. దరఖాస్తులకు చివరి తేది ఫిబ్రవరి 8 అని తెలిపారు.  

మార్చి 23,24,26 తేదీల్లో రాత పరీక్షలు నిర్వహిస్తామన్నారు మంత్రి గంటా. మార్చి 9 నుంచి హాల్‌ టిక్కెట్లును డౌన్‌లోడ్‌ చేసుకోవచ్చన్నారు. ఏప్రిల్‌ 9న ప్రాథమిక కీ విడుదల చేస్తామని..ఈ కీపై అభ్యంతరాలను ఏప్రిల్‌ 10 నుంచి 16 వరకు స్వీకరిస్తామన్నారు. ఏప్రిల్‌30న తుది కీ విడుదల చేస్తామన్నారు. మే 5న మెరిట్‌ లిస్ట్‌ ప్రకటిస్తామని చెప్పారు. మే 11న ప్రొవిజనల్‌ సెలక్షన్‌ విడుదల చేసి అభ్యర్థులకు సమాచారమిస్తామన్నారు. మే 14 నుంచి 19 వరకు ఎంపికైన అభ్యర్థుల ధ్రువీకరణ పత్రాలను పరిశీలిస్తామన్నారు.  

ప్రకటించిన మొత్తం 12370 పోస్టుల్లో...స్కూల్‌ అసిస్టెంట్‌, ఎస్జీటీ, లాంగ్వేజ్‌ పండింట్‌ ఉద్యోగాలు 10,313... మోడల్‌ పాఠశాల టీచర్ల ఉద్యోగాలు 1197, ప్రత్యేక అవసరాలు కల్గిన విద్యార్థుల కోసం మరో 860 ఉద్యోగాలను భర్తీ చేస్తోంది ఏపీ ప్రభుత్వం. 

 

21:25 - October 24, 2017
09:59 - October 22, 2017

ఆసిఫాబాద్ : జిల్లాలో సందీప్ అనే నిరుద్యోగి ఉద్యోగం రాదనే భయంతో ఆత్మహత్య చేసుకున్నాడు. సందీప్ ఎంఎస్సీ, బీఈడీ చేశాడు. డీఎస్సీ నోటిఫికేషన్ లో తన సబ్జెక్టులో తక్కువ పోస్టులు ఉన్నాయని ఆవేదన చేందిన సందీప్ ఆత్మహత్యకు పాల్పడ్డట్టు తెలుస్తోంది. మరింత సమాచారం కోసం వీడియో చూడండి.

07:10 - October 13, 2017

 

హైదరాబాద్ : ఉపాధ్యాయ పోస్టులను భర్తీ చేసేందుకు రంగం సిద్ధమవుతోంది. 8792 టీచర్‌ కొలువుల భర్తీకి తెలంగాణ సర్కార్‌ గ్రీన్‌ సిగ్నల్‌ ఇచ్చింది. వీటి భర్తీ ప్రక్రియను టీఎస్‌పీఎస్సీకి అప్పగించింది. దీంతో పబ్లిక్‌ సర్వీస్‌ కమిషన్‌ కూడా రిక్రూట్‌మెంట్‌ ప్రక్రియను వేగవంతం చేస్తోంది. టీచర్‌ కొలువుల కోసం రాష్ట్రంలో లక్షలాదిమంది నిరుద్యోగులు ఏళ్లుగా ఎదురుచూస్తున్నారు. ఎప్పుడెప్పుడు నోటిఫికేషన్‌ వస్తుందా అన్ని కళ్లు కాయలు కాసేలా ఎదురుచూస్తున్నారు. తెలంగాణ రాష్ట్రం ఏర్పడగానే ప్రభుత్వం టీచర్‌ పోస్టులను భర్తీ చేస్తుందని అంతా భావించారు. కానీ మూడేళ్లైనా సర్కార్‌ మాత్రం జాప్యం చేస్తూ వస్తోంది.

30కి మించి ప్రకటనలు..
మూడేళ్లలో డీఎస్సీ అదిగో ... ఇదిగో.. అంటూ ప్రభుత్వం 30కి మించి ప్రకటనలు గుప్పించింది. కానీ నేటి వరకు నోటిఫికేషన్‌ విడుదలే కాలేదు. విద్యాశాఖ మంత్రిగానీ, సీఎం కేసీఆర్‌గానీ కొత్త జిల్లాలతో టీచర్‌ కొలువులకు ఇబ్బంది తలెత్తుతోందని చెప్తూ వచ్చారు. మరోవైపు నిరుద్యోగులు ప్రభుత్వంపై పోరాటం చేస్తూ వస్తున్నారు. దీంతో మొత్తానికి నిరుద్యోగుల ఆందోళనకు దిగివచ్చింది. ఉపాధ్యాయ కొలువులు భర్తీ చేసేందుకు గ్రీన్‌ సిగ్నల్‌ ఇచ్చింది. పది రోజుల్లోనే నోటిఫికేషన్‌ విడుదల చేస్తామని విద్యాశాఖ మంత్రి కడియం శ్రీహరి స్వయంగా ప్రకటించారు. దీంతో టీఎస్‌పీఎస్సీ కూడా టీచర్‌ రిక్రూట్‌మెంట్‌ ప్రక్రియను వేగవంతం చేస్తోంది. టీచర్‌ రిక్రూట్‌మెంట్‌ టెస్ట్‌ విధివిధానాలపై కమిషన్‌ సభ్యులు సమావేశమై చర్చించారు. అంతేకాదు.. సిలబస్‌పైనా చర్చ జరిగింది. అయితే దాదాపుగా పాత సిలబస్‌నే కొనసాగించేందుకు పబ్లిక్‌ కమిషన్‌ సభ్యులు సుముఖత వ్యక్తం చేసినట్టు సమాచారం.

పది రోజుల్లో నోటిఫికేషన్‌ విడుదల
ప్రభుత్వం చెబుతున్నట్టు పది రోజుల్లో నోటిఫికేషన్‌ విడుదల చేసే అవకాశాలు కనిపించడం లేదు. గతంలో 10 జిల్లాలకు సంబంధించిన డేటానే సేకరించాల్సి వచ్చేది. కానీ ఇప్పుడు 31 జిల్లాలకు సంబంధించిన డేటా తీసుకోవాల్సి ఉంది. కాబట్టి ఇందుకు మరో 15 నుంచి 20 రోజుల సమయం పట్టేలా కనిపిస్తోంది. 

17:26 - October 7, 2017

హైరదాబాద్ : ఓయూలోని ల్యాండ్ స్కేప్ చెరువులో నిరుద్యోగుల జేఏసీ ఆధ్వర్యంలో జలదీక్ష దిగారు. మెగా డీఎస్సీ కోసం జలదీక్ష చెపట్టినట్టు నిరుద్యోగులు తెలిపారు. నిరుద్యోగులను కేసీఆర్ నిండా ముంచుతున్నారంటూ వారు నినాదాలు చేశారు. వెంటనే డీఎస్సీ నోటిఫికేషన్ ఇవ్వాలని వారు డిమాండ్ చేశారు. మరింత సమాచారం కోసం వీడియో క్లిక్ చేయండి.

21:30 - September 11, 2017

ఢిల్లీ : డీఎస్సీపై వరుస ప్రకటనలు ఇస్తూ వాయిదాలు వేస్తున్న తెలంగాణ సర్కార్‌పై సుప్రీం కోర్టు సీరియస్‌ అయింది. సెప్టెంబర్‌లో డీఎస్సీ నిర్వహిస్తామని చెప్పి మళ్లీ గడువు అడగడంపై సుప్రీం మండిపడింది. విద్యాశాఖ కార్యదర్శి వెంటనే సుప్రీం కోర్టు ముందు హాజరుకావాలని ఆదేశాలిచ్చింది. తదుపరి విచారణను అక్టోబర్‌ 28కి వాయిదా వేసింది. ఇటీవలే 8 వేల 792 ఉపాధ్యాయ పోస్టులకు ఆర్థిక శాఖ ఆమోదం తెలిపింది. అయితే నోటిఫికేషన్‌ ఇవ్వడానికి ప్రభుత్వం వాయిదాలు వేస్తూవస్తోంది. ఏ పోస్టుకైనా ఆర్థిక శాఖ ఆమోదం తెలిపిన తర్వాత ప్రభుత్వం జీవో విడుదల చేయాలి. కాని ఇప్పటి వరకు డీఎస్సీకి సంబంధించి ఎలాంటి జీవో విడుదల చేయలేదు. ప్రభుత్వం కావాలనే డీఎస్సీపై జాప్యం చేస్తుందనే అనుమానాలు వ్యక్తం అవుతున్నాయి. టెట్‌ ఫలితాలు వచ్చిన రోజునే డీఎస్సీ నోటిఫికేషన్‌ విడుదల చేస్తామని డిప్యూటి సీఎం, విద్యాశాఖ మంత్రి కడియం శ్రీహరి ప్రకటించారు. కాని ఇప్పటివరకు ఎలాంటి ప్రకటన విడుదల చేయకపోవడంపై నిరుద్యోగులు ఆందోళన చెందుతున్నారు.

కొత్త జిల్లాల ఏర్పాటు వల్లే
కొత్త జిల్లాల ఏర్పాటు వల్లే నియామక ప్రక్రియ ఆలస్యమైందని తెలంగాణ ప్రభుత్వం తరపు న్యాయవాది సుప్రీంకోర్టుకు స్పష్టం చేశారు. కాని ప్రస్తుతం పాత జిల్లాల ప్రకారమే పోస్టులను భర్తీ చేయాలని భావిస్తున్నట్లు తెలుస్తోంది. అయితే ప్రభుత్వం ఒకసారి పాత జిల్లాలని, మరోసారి కొత్త జిల్లాలని చెప్పడంతో సుప్రీం ఆగ్రహం వ్యక్తం చేసింది. జీవోలో తప్పని సరిగా పోస్టులు ఏ ప్రకారం భర్తీ చేస్తారనే అంశం ఉంటుంది. ఈ విషయం బయటికి వస్తే నిరుద్యోగులు న్యాయస్థానాన్ని ఆశ్రయించే అవకాశం ఉందని ప్రభుత్వం డీఎస్సీ పై అలసత్వం వహిస్తున్నట్లు తెలుస్తోంది. రాష్ట్రంలో దాదాపు 20 వేల టీచర్ పోస్టులు ఖాళీగా ఉన్నట్టు నిరుద్యోగ సంఘాలు చెబుతున్నాయి. అయితే కేవలం 8 వేల 792 పోస్టులకు మాత్రమే ఆర్థిక శాఖ ఆమోదం తెలపడంపై నిరుద్యోగ సంఘాలు ఆగ్రహం వ్యక్తం చేస్తున్నాయి. పాఠశాలల్లో తగినంత మంది ఉపాధ్యాయులు లేక విద్యార్థుల నానా అవస్థలు పడుతున్నారు. రాష్ట్రంలో 12వేల మంది విద్యావాలంటీర్లు ఉన్నారు. విద్యాహక్కు చట్టం ప్రకారం ప్రతి తరగతికి ఒక్కో టీచర్‌ ఉండాలన్న నిబంధన పాటించినట్లయితే దాదాపు 40వేలకు పైగా ఉపాధ్యాయ పోస్టులను భర్తీ చేయాల్సి ఉంటుంది. కాని ప్రభుత్వం ఇప్పటి వరకు ఎలాంటి పోస్టుల భర్తీకి నోటిఫికేషన్‌ ఇవ్వలేదు.

సుప్రీంకోర్టు ఆగ్రహం
ఐదు సంవత్సరాలుగా ఊరిస్తున్న డీఎస్సీ నోటిఫికేషన్‌పై తెలంగాణ సర్కార్‌ ఎలాంటి నిర్ణయం తీసుకుంటుందోనని సర్వత్రా ఆసక్తిగా ఎదురుచూస్తున్నారు. సుప్రీంకోర్టు ఆగ్రహంతోనైనా తెలంగాణ ప్రభుత్వం నోటిఫికేషన్లు వేయాలని నిరుద్యోగులు డిమాండ్‌ చేస్తున్నారు. 

Pages

Don't Miss

Subscribe to RSS - డీఎస్సీ