తమ్మినేని వీరభద్రం

19:05 - May 14, 2018

కరీంనగర్ : వచ్చే ఎన్నికల్లో తెలంగాణలోని 119 స్థానాల్లో బహుజన లెఫ్ట్ ఫ్రంట్‌ పోటీ చేస్తుందని సీపీఎం రాష్ట్ర కార్యదర్శి తమ్మినేని వీరభద్రం అన్నారు. కరీంనగర్‌ జిల్లా ముకుందాలాల్ మిశ్రా భవన్‌లో ఏర్పాటు చేసిన బీఎన్‌ఎఫ్‌ పార్లమెంటరీ స్థాయిలో సమావేశం తమ్మినేని పాల్గొన్నారు. ప్రస్తుతం నెలకొన్న రాజకీయ స్థితుగతులతో పాటు భవిష్యత్ కార్యచరణను వివరించారు. రైతు బంధు పథకానికి తాము వ్యతిరేకం కాదన్న తమ్మినేని.. కౌలు, పోడు భూములు సాగు చేసే రైతులకు పెట్టుబడి సాయం అందించాలని డిమాండ్ చేశారు. 

18:03 - May 12, 2018

యాదాద్రి భువనగిరి : తెలంగాణలో బహుజన రాజ్యాధికారమే లక్ష్యంగా ముందుకు సాగాలని సీపీఎం రాష్ట్ర కార్యదర్శి తమ్మినేని వీరభద్రం పిలుపునిచ్చారు. బీజేపీ, టీఆర్‌ఎస్‌ ప్రభుత్వాల ప్రజా వ్యతిరేక పాలనకు నిరసనగా జూన్‌ 25, 26, 27 తేదీల్లో కలెక్టరేట్లను ముట్టడిస్తామని చెప్పారు. యాదాద్రి జిల్లా భువనగిరిలో జరిగిన బీఎల్‌ఎఫ్ సమావేశంలో పాల్గొన్న తమ్మినేని పెట్టుబడి సాయం సామాన్య రైతులకు అందడం లేదన్నారు. ప్రభుత్వం పెట్టుబడిసాయం లాంటివి కాకుండా పండిన పంటకు గిట్టుబాటు ధరను అందించాలని తమ్మినేని డిమాండ్‌ చేశారు.

08:49 - May 3, 2018

హైదరాబాద్ : రాబోయే ఎన్నికల్లో తెలంగాణలోని అన్ని అసెంబ్లీ, పార్లమెంట్‌ స్థానాలకు బీఎల్‌ఎఫ్‌ పోటీ చేస్తుందని సీపీఎం రాష్ట్ర కార్యదర్శి తమ్మినేని వీరభద్రం అన్నారు. హైదరాబాద్‌ ఎస్వీకేలో మీడియాతో మాట్లాడిన ఆయన.. కలిసొచ్చే అన్ని పార్టీలను కలుపుకుపోతామన్నారు. సమాజ్‌వాదీపార్టీ అధినేత అఖిలేశ్‌యాదవ్‌ కేసీఆర్‌ నేతృత్వంలోని ఫెడరల్‌ ఫ్రంట్‌లో కలవడం సామాజిక న్యాయానికి అర్థం లేదన్నారు. 
 

 

08:02 - May 1, 2018

హైదరాబాద్ : సుందరయ్య విజ్ఞాన కేంద్రంలో జలజం సత్యనారాయణ రచించిన కబీర్‌గీత పుస్తక ఆవిష్కరణ సభ జరిగింది. ఈ సభకు ముఖ్యఅతిధిలుగా సీపీఎం రాష్ట్ర కార్యదర్శి తమ్మినేని వీరభద్రం, కేంద్ర సాహిత్య అకాడమి అవార్డు గ్రహిత ఎన్ గోపి హాజరయ్యారు. శాస్త్రవిజ్ఞానం అందుబాటులో ఉన్నా... సమాజంలో ముఢానమ్మాకాలను విశ్వసించే వారు ఎక్కువయ్యారని తమ్మినేని అన్నారు. పాలకులు కూడా ఈ ముఢానమ్మకాలను పెంచడానికి పరోక్షంగా దోహదం చేస్తున్నారని వక్తలు అభిప్రాయపడ్డారు.  

 

14:18 - April 24, 2018

హైదరాబాద్ : తెలంగాణలో ఎర్రజెండాలదే భవిష్యత్ అని సీపీఎం తెలంగాణ రాష్ట్ర కార్యదర్శి తమ్మినేని వీరభద్రం అన్నారు. మహాసభలు అద్భుతంగా జరిగాయని తెలిపారు. సభలు బాగా నిర్వహించారని తమకు పల్లెల నుంచి ఫోన్ లు వస్తున్నాయని చెప్పారు. యువత కమ్యూనిస్టుల వైపు ప్రధానంగా సీపీఎం వైపు చూస్తుందని...అందుకు రెడ్ షెర్ట్ వాలంటీర్ల కవాతులో పాల్గొన్న యువత నిదర్శనం అన్నారు. ఈమేరకు ఆయన మీడియాతో మాట్లాడారు. మహాసభల విజయవంతానికి ప్రజలతోపాటు ప్రతి పత్రిక, ప్రతి చానెల్ బాగా సహకరించాయని కొనియాడారు. మహాసభల జయప్రదానికి ప్రభుత్వ యంత్రాంగం బాగా సహకరించిందన్నారు. హామీలు అమలులో, పరిపాలనలో మోడీ, కేసీఆర్ ప్రభుత్వాలు  వైఫల్యం చెందాయని విమర్శించారు. కేంద్రలోని బీజేపీ చేయరాని పనులు చేస్తోందన్నారు. దేశాన్ని కాపాడుకోవడానికి ప్రతి ఒక్కరు కదిలిరావాలన్నారు. ప్రస్తుతం దేశంలో, రాష్ట్రంలో తుచ్చమైన రాజకీయాలు ఉన్నాయన్నారు. స్వచ్ఛ రాజకీయ వ్యవస్థను తీసుకావాలన్నారు. 28న తమ పార్టీ రాష్ట్రకార్యదర్శివర్గం సమావేశం ఉంటుందని, 29న రాష్ట్ర కమిటీ సమావేశం ఉంటుందని.. బివి.రాఘవులు పాల్గొంటారని తెలిపారు. బీఎల్ ఎఫ్ బలోపేతానికి మే, జూన్, జులై మాసాల్లో కార్యాచర, ప్రణాళికను రచిస్తామన్నారు. రాబోయే కాలంలో బీఎల్ ఎఫ్ అధ్వర్యంలో కార్యక్రమాలను రూపొందిస్తామని చెప్పారు. ఇప్పటికిప్పుడు బీఎల్ ఎఫ్ బలంగా లేదని...క్రమేణాబలం పుంజుకుంటుందన్నారు. అయితే బీఎల్ ఎఫ్ బలంగా లేకపోవచ్చు కానీ.. ఎజెండా చాలా బలైమందన్నారు. తమ నినాదం ప్రజల్లోకి చేరాలన్నారు. అన్ని పల్లెల్లోకి బీఎల్ ఎఫ్ నినాదం చేరే విధంగా కార్యక్రమాలు చేస్తామని అన్నారు.  

20:50 - April 17, 2018

హైదరాబాద్‌ : నగరంలో సీపీఎం జాతీయ మహాసభలకు సర్వం సిద్ధమైంది. బుధవారం ఉదయం జెండా ఆవిష్కరణతో సీపీఎం జాతీయ మహాసభలు ప్రారంభమవుతాయని తెలంగాణ రాష్ట్ర కార్యదర్శి తమ్మినేని వీరభద్రం అన్నారు. బుధవారం మధ్యాహ్నం సెంట్రల్‌ కమిటీ ఆమోదించిన రాజకీయ తీర్మానాలపై 846 మంది ప్రతినిధులు చర్చిస్తారన్నారు. బీజేపీ మతోన్మాదానికి వ్యతిరేకంగా అనుసరించాల్సిన రాజకీయ వ్యూహాల గురించి మహాసభల్లో చర్చిస్తామని తెలిపారు. అలాగే జాతీయస్థాయిలో ప్రాంతీయ పార్టీల పొత్తుల గురించి ఈ మహాసభల్లో చర్చిస్తామన్నారు. బీజేపీని ఓడించడం ప్రధాన లక్ష్యం  అన్నారు. ఈనెల 22న జరిగే మహాసభ.. దేశ రాజకీయాలతో పాటు తెలంగాణ రాష్ట్ర రాజకీయాలపై పెద్ద ఎత్తున ప్రభావం చూపిస్తుందని చెప్పారు. బహిరంగ సభకు మూడు లక్షలమంది హాజరవుతారని తెలిపారు. 

10:28 - April 17, 2018

హైదరాబాద్ : సీపీఎం పార్టీ జాతీయ మహాసభలకు సంబంధించి భారీ బహిరంగ సభ సరూర్ నగర్ గ్రౌండ్ లో జరగనుంది. ఈ బహిరంగ సభకు దాదాపు మూడు లక్షలమంది సీసీఎం కార్యకర్తలు వస్తారని అంచనా వేస్తున్నామని రాష్ట్ర కార్యదర్శి తమ్మినేని వీరభద్రం పేర్కొన్నారు. వచ్చే క్యాడర్ కు తగినంతగా సరూర్ నగర్ స్టేడియం సరిపోదనే ఉద్ధేశ్యంతో పరేడ్ గ్రౌండ్ కోసం ప్రభుత్వానికి విజ్నప్తి చేసినా కక్షపూరితంగా వ్యవహరించిన ప్రభుత్వం పరేడ్ గ్రౌండ్ లో బహిరంగ సభకు అనుమతిని ఇవ్వలేదని తమ్మినేని ఆరోపించారు. కాగా బీజేపీ అవలంభిస్తున్న విధానాలపై ఈ కాన్ఫరెన్స్ లో సీపీఎం నేతలు చర్చించనున్నారు.

మార్క్సిస్ట్‌ 22వ జాతీయ మహాసభలకు ముస్తాబైన భాగ్యనగరం
ఎర్రజెండా పండుగకు ఏర్పాట్లు చివరిదశకు చేరుకున్నాయి. భారత కమ్యూనిస్టుపార్టీ మార్క్సిస్ట్‌ 22వ జాతీయ మహాసభలకు హైదరాబాద్‌ నగరం ముస్తాబవుతోంది. మహాసభల ప్రధాన వేదిక అయిన ఆర్టీసీ కల్యాణమండపం పరిసరాలు అరుణవర్ణాన్ని సంతరించుకున్నాయి. రేపటి నుంచి ప్రారంభమవుతున్న మహాసభల ఏర్పాట్లను సీపీఎం ఆగ్రనేతలు దగ్గరుండి మరీ పర్యవేక్షిస్తున్నారు. ఈనెల 22న జరుగనున్న బహిరంగసభ ఏర్పాట్లు కూడా చకచకా పూర్తవుతున్నాయి. బహిరంగసభకు తెలుగు రాష్ట్రాల నుంచి లక్షలాది మంది కార్యకర్తలు, అభిమానులు తరలి వస్తారని సీపీఎం నేతలు చెబుతున్నారు. సిపిఎం 22వ అఖిల భారత మహాసభలకు అన్ని ఏర్పాట్లు పూర్తయ్యాయి. దేశ నలుమూలల నుండి వచ్చే ప్రతినిధులు నాలుగు రోజులపాటు సాగే మహాసభల్లో వివిధ తీర్మాణాలపై చర్చించనున్నారు. మహాసభల ముగింపు రోజు ఈ నెల 22న సరూర్ నగర్ ఇండోర్ స్టేడియంలో లక్షలాది మందితో భారీ బహిరంగ సభ నిర్వహిస్తున్నట్టు అందుకు తగ్గ ఏర్పాట్లు తుది దశకు చేరుకున్నాయని ఆ పార్టీ నేతలంటున్నారు. నగరంలో జరిగే పార్టీ ఆలిండియా మహాసభలకు భారీగా ఏర్పాట్లు చేస్తోంది సిపిఎం తెలంగాణ రాష్ట్ర శాఖ. అత్యంత వేగంగా సాగుతున్న పనులను పార్టీ అగ్రనాయకులు స్వయంగా పర్యవేక్షిస్తున్నారు. 8 వందలకు పైగా వాలంటీర్లు ఈ ఏర్పాట్లలో తలమునకలయ్యారు. ఇప్పటికే రాష్ట్రంలోని అన్ని జిల్లాల్లో వీధివీధినా ఎర్రజెండాల రెపరెపలాడుతున్నాయి. ఇటు హైదరాబాద్‌ నగర వ్యాప్తంగా ఎర్రజెండాలు, తోరణాలు, వాల్ రైటింగ్‌లతో అరుణవర్ణం సంతరించుకుంది. ప్రధాన కూడల్లలో స్వాగత తోరణాలను ఏర్పాటు చేసిన సీపీఎం కార్యకర్తలు మహాసభల విశిష్టతను విస్తృతంగా ప్రచారం చేస్తున్నారు.

20:54 - April 14, 2018

రంగారెడ్డి : రాష్ట్రంలో 50శాతంగా ఉన్న బీసీలకు 19 అసెంబ్లీ సీట్లు మాత్రమే కేటాయించిన టీఆర్‌ఎస్‌ పాలకులు... సామాజిక న్యాయం అంటూ డైలాగులు కొడుతున్నారని సీపీఎం తెలంగాణ రాష్ట్ర కార్యదర్వి తమ్మినేని వీరభద్రం ఎద్దేవా చేశారు. దేశవ్యాప్తంగా మతోన్మాద శక్తులు దళితులపై దాడులకు తెగబడుతున్నా.. కేంద్ర ప్రభుత్వం స్పందించడంలేదని విమర్శించారు. సీపీఎం జాతీయ మహాసభల సందర్భంగా ఈనెల 22న హైదరాబాద్‌ సరూర్‌నగర్‌లో బహిరంసభకు తరలి రావాలని తమ్మినేని ప్రజలకు పిలుపునిచ్చారు. 

09:44 - April 14, 2018

హైదరాబాద్ : గొర్రెనో..బర్రెనో..ఇస్తే సామాజిక న్యాయం కల్పించినట్లు కాదని సీపీఎం తెలంగాణ రాష్ట్ర కార్యదర్శి తమ్మినేని వీరభద్రం పేర్కొన్నారు. ట్యాంక్ బండ్ పై అంబేద్కర్ విగ్రహానికి పూలమాలలు వేసి ఘనంగా నివాళులర్పించారు. అనంతరం మీడియాతో మాట్లాడుతూ...ఇవి కేవలం సామాజిక సహాయాలు సంక్షేమాలు మాత్రమేనని, గత ప్రభుత్వాలు అన్ని సంక్షేమ పథకాలు అమలు పరిచాయన్నారు. కొంత లబ్ధి జరిగినా అవి బతుకులు మార్చిన స్కీంలు కాదని, బతుకులు మారాలంటే సామాజిక న్యాయం జరగాలన్నారు. చట్టబద్ధమైన అధికారాలు...రక్షణలు ఉండాలని, రాజ్యాంగపరమైన రక్షణాలుండాలన్నారచు. దేశంలో దళితులపై జరుగుతున్న దాడులు అరికట్టాలని పేర్కొన్నారు. అంతిమంగా అసెంబ్లీలో..పార్లమెంట్ లో బహుజనులందరికీ వారి వారి జనాభాను బట్టి వాటాలు లభించాయని, ఇది నెరవేరినప్పుడే సామాజిక న్యాయం అమలైనట్లు భావించాలన్నారు. సామాజిక న్యాయం అంటూ పెద్ద పెద్ద మాటలు చెబుతున్నారని, 119 అసెంబ్లీ సీట్లలో బీసీలకు ఎన్ని సీట్లు కేటాయిస్తారనే దానిపై చెప్పడం లేదన్నారు. 65-70 తక్కువ కాకుండా బీసీలకు సీట్లు కేటాయిస్తామని ఇప్పటికే ప్రకటించామన్నారు. బీఎల్ఎఫ్ చేస్తున్న పని తీరును గమనించి మద్దతివ్వాలని కోరారు. 

19:32 - April 8, 2018

హైదరాబాద్ : ముఖ్యమంత్రి కేసీఆర్ ఫెడరల్ ఫ్రంట్ పై వ్యూహాలు రచిస్తున్నారు. ఇప్పటికే ఆయన పశ్చిమబెంగాల్ ముఖ్యమంత్రి మమత బెనర్జీతో భేటీ అయిన సంగతి తెలిసిందే. ఫెడరల్ ఫ్రంట్ పై సీపీఎం తెలంగాణ రాష్ట్ర కార్యదర్శి తమ్మినేని అభిప్రాయం తెలిపారు. టెన్ టివిలో జరిగిన ప్రత్యేక చర్చా వేదికలో ఆయన పాల్గొన్నారు. ఫెడరల్ ఏదైనా కాంగ్రెస్..బిజెపికి వ్యతిరేకంగా ఫ్రంట్ ఏర్పడడమని..కేసీఆర్ ఈ మాట మాట్లాడడం మంచి విషయమన్నారు. కానీ మాట వరుసకు వ్యతిరేకిస్తే మాత్రం స్థిరంగా ముందుకు సాగదని తమకు గత విషయాల బట్టి అర్థమైందన్నారు. ప్రాంతీయ అవసరాల కోసం..ప్రభుత్వాల మనుగడ కోసం..కేంద్రంలో ఉన్న బిజెపి..కాంగ్రెస్ జత కలవడం జరుగుతోందన్నారు. రాష్ట్ర అవసరాల కోసం ఒకసారి బలపర్చడం..మరొక్కసారి వ్యతిరేకించడం సరిపోదన్నారు. ప్రత్యామ్నాయ విధానాలతో ముందుకు రావాలని..విధాన స్పష్టత లేకుండా అది సక్సెస్ కాదని తెలిపారు. ప్రస్తుతం మూడో ఫ్రంట్ లో భాగస్వాములు కాబోమని తేల్చిచెప్పారు. మరింత విషయాల కోసం వీడియో క్లిక్ చేయండి. 

Pages

Don't Miss

Subscribe to RSS - తమ్మినేని వీరభద్రం