తల్లిదండ్రులు

17:25 - November 13, 2017

చిత్తూరు : జిల్లాలో దారుణం జరిగింది. విద్యాబుద్ధులు నేర్పాల్సిన టీచర్ కీచక అవతారమెత్తాడు. విద్యార్థినుల పట్ల అసభ్యంగా ప్రవర్తించాడు. వి.కోట మండలం ఖాజీపేట ఊర్దూ ఉన్నత పాఠశాలలో తిరుమలప్ప ఆంగ్ల టీచర్ గా పని చేస్తునన్నాడు. గత కొంతకాలంగా తిరుమలప్ప విద్యార్థినుల పట్ల అసభ్యంగా ప్రవర్తిస్తున్నాడు. దీంతో పిల్లల తల్లిదండ్రులు.. టీచర్ తిరుమలప్పను చెట్టుకు కట్టేసి చితకబాదారు. మరిన్ని వివరాలను వీడియోలో చూద్దాం...

 

07:55 - November 2, 2017

ప్రకాశం : వైద్యుల నిర్లక్ష్యం తమ బిడ్డ ప్రాణాలను తీసిందంటూ ప్రకాశం జిల్లా ఒంగోలులో ఆసుపత్రి ముందు తల్లిదండ్రులు నిరసన తెలిపారు. ఒంగోలు ప్రకాశ్ నగర్ కి చెందిన సుల్తాన్ భాషా, షకీలా దంపతులకు అనారోగ్యంతో బిడ్డ జన్మించడంతో స్థానిక అమ్మ ఆసుపత్రిలో శిశువును చేర్పించారు. శిశువుకు ఎలాంటి ఇబ్బంది లేదని రెండు రోజుల పాటు పర్యవేక్షణలో ఉంచి ఇంటికి పంపుతామని చెప్పిన వైద్యులు.. రెండు నెలలకు పైగా ఆస్పత్రిలోనే ఉంచారు. ఈ రెండు నెలల్లో 3లక్షల రూపాయలను బిల్లుల రూపంలో తీసుకున్నారని శిశువు తల్లిదండ్రులు అంటున్నారు. ఇక డబ్బులు చెల్లించలేక  ఇంటికి వెళ్లిపోయామన్నారు. అయితే ఆస్పత్రినుంచి తీసుకొచ్చిన రెండు రోజులకే బిడ్డ మృతిచెందడంతో.. ఆగ్రహించిన బంధువులు ఒంగోలులోని అమ్మఆసుపత్రి ముందు  ధర్నాకు దిగారు. తమకు న్యాయం చేయాలని డిమాండ్‌ చేశారు.

 

11:09 - November 1, 2017

కృష్ణా : విజయవాడలో ఫాతిమా కాలేజీ విద్యార్థులు, తల్లిదండ్రుల నిరాహార దీక్ష కొనసాగుతోంది. నిరాహార దీక్షపై సీఎం చంద్రబాబు స్పందించారు. విద్యార్థులు, తల్లిదండ్రులను చర్చలకు పిలిచారు. ధర్నా చౌక్ నుంచి సీఎం వద్దకు విద్యార్థులు, తల్లిదండ్రులు బయల్దేరారు. మరిన్ని వివరాలను వీడియోలో చూద్దాం...

 

07:04 - October 27, 2017

వరుసగా ఒకరి తర్వాత మరొకరు.. కన్నవారికి కన్నీళ్లు మిగులుస్తున్నారు.. బంగారు భవిష్యత్తును కాదనుకుని వెళ్లిపోతున్నారు. ఏ ఒత్తిడి ఆ చిన్నారులను చిదిమేస్తోంది? ఏ భారం వారిని ఆత్మహత్య దిశగా నెడుతోంది? మార్కుల వేటలో, ర్యాంకుల గోలలో కార్పొరేట్ విద్యా సంస్కృతి చిన్నారుల చావులకు కారణమౌతోందా? ప్రభుత్వాన్నా, తల్లిదండ్రుల్నా, కార్పొరేట్ విద్యావ్యవస్థనా ఎవర్ని బాధ్యుల్ని చేయాలి? ఈ అంశంపై టెన్ టివి జనపథంలో మాజీ ఎమ్మెల్సీ, విద్యావేత్త లక్ష్మణరావు విశ్లేషించారు. పూర్తి వివరాలకు వీడియో క్లిక్ చేయండి. 

16:18 - October 12, 2017

ఢిల్లీ : ఆరుషి తల్వార్ హత్య కేసులో ఆమె తల్లిదండ్రులకు అలహాబాద్ హైకోర్టులో ఊరట లభించింది. తల్లిదండ్రులిద్దరు నిర్దోషులేనని అలహాబాద్ హైకోర్టు తీర్పు వెల్లడించింది. బెనిఫిట్ ఆఫ్ డౌట్ కింద నిర్దోషులుగా కోర్టు తేల్చింది. సంశయలాభం కింద నిర్దోషులుగా కోర్టు తేల్చింది. 2013 లో రాజేశ్ తల్వార్ దంపతులకు జీవిత ఖైదు విధించింది. తీర్పుపై తల్లిదండ్రులు అలహాబాద్ హైకోర్టుకు వెళ్లారు. ఆరుషి హత్య కేసు దేశవ్యాప్తంగా సంచలనం సృష్టించింది. 
2008 లో ఆరుషి తల్వార్‌ హత్య 
దేశ వ్యాప్తంగా సంచలనం సృష్టించిన 2008 లో ఆరుషి తల్వార్‌ హత్య గావించబడింది. ఈకేసులో గజియాబాద్‌లోని సిబిఐ ప్రత్యేక కోర్టు నవంబర్ 25, 2013 ఆరుషి తల్లిదండ్రులకు జీవిత ఖైదు విధించింది. సీబీఐ కోర్టు తీర్పును సవాలు చేస్తూ ఆరుషి తల్లిదండ్రులు రాజేష్‌ తల్వార్, ఆయన భార్య నుపూర్ తల్వార్‌ 2014లో హైకోర్టును ఆశ్రయించారు. 2008 మే 16వ తేదీన ఉత్తరప్రదేశ్ నోయిడాలోని జలవాయువిహార్‌లో సెక్టార్ 25లోని ఇంట్లోనే ఆరుషి హత్యకు గురైంది. మరుసటి రోజు పనిమనిషి హేమరాజ్ శవం టెర్రస్‌పై కనిపించింది. ఆరుషి, హేమరాజ్‌లను అభ్యంతరకరమైన దృశ్యంలో చూసిన రాజేష్‌ తల్వార్‌ వారిద్దరి హత్య చేశారు. రాజేష్‌ భార్య నుపూర్‌ ఆధారాలు లేకుండా చేశారన్న ఆరోపణలతో ఆరుషి తల్లిదండ్రులను అరెస్ట్‌ చేశారు. ప్రస్తుతం వీరిద్దరు గజియాబాద్‌లోని డాస్‌నా జైలులో శిక్ష అనుభవిస్తున్నారు.

13:40 - October 6, 2017

హైదరాబాద్ : సికింద్రాబాద్‌ తుకారాంగేట్‌ పీఎస్‌ పరిధిలో దారుణం చోటుచేసుకుంది. స్కూల్‌కు వెళ్లడంలేదని ఆరేళ్ల చిన్నారిపై దాష్టీకం ప్రదర్శించారు తల్లి, మారు తండ్రి. చిత్రహింసలు పెట్టడంతో చిన్నారి వళ్లంతా గాయాలయ్యాయి.  ఇది గమనించిన స్థానికులు పోలీస్‌ స్టేషన్‌లో ఫిర్యాదు చేశారు. మరిన్ని వివరాలను వీడియోలో చూద్దాం..

 

13:33 - September 29, 2017

విశాఖ : జిల్లా జీ మాడుగుల మండలం చదురుమాడిలో దారుణం జరిగింది. ఓ కసాయి కొడుకు తల్లిదండ్రులు, తమ్ముడిపై పెట్రోల్ పోసి నిప్పంటించారు. స్థానికులు ముగ్గురిని పాడేరు ఆసుపత్రికి తరలించారు. ఇద్దరి పరిస్థితి విషమంగా ఉందని డాక్టర్లు తెలిపారు. ప్రస్తుతం నింధితుడు పరారీలో ఉన్నాడు. కేసు నమోదు చేసుకున్న పోలీసులు నింధితుడి కోసం గాలింపు ప్రారంభించారు. పూర్తి వివరాలకు వీడియో క్లిక్ చేయండి.

20:13 - September 26, 2017

రంగారెడ్డి : జిల్లాలోని షాద్‌నగర్‌లో.. వైద్యం వికటించి పసికందు మృతి చెందిన సంఘటనలో డాక్టర్‌ ప్రేమ్‌కుమార్‌ను అరెస్ట్‌ చేసి కఠినంగా శిక్షించాలని చిన్నారి తల్లిదండ్రులు డిమాండ్‌ చేశారు. ప్రేమ్‌కుమార్‌ను శిక్షించడంచో పాటు ఆసుపత్రిని సీజ్‌ చేయాలన్నారు. షాద్‌నగర్‌ ముఖ్య కూడలిలో పాప తల్లిదండ్రులు, బంధువులతో కలిసి ధర్నాకు దిగారు. పాప తల్లిదండ్రులపై పెట్టిన అక్రమ కేసులను వెంటనే ఎత్తి వేయాలని డిమాండ్‌ చేశారు. వర్షం పడుతున్నా కూడా పాప మృతదేహంతో ధర్నా చేస్తుండటం పలువురిని కలచివేసింది.

 

11:53 - September 19, 2017

నల్లగొండ : జిల్లాలోని చింతపల్లి మండలం టీదేడులో దారుణం జరిగింది. పలువురు యువకులతో సన్నిహితంగా ఉంటుందని కూతురు రాధికను తల్లిదండ్రులు హత్య చేశారు. నర్సింహ, లింగమ్మ అనే దంపుతులు టీదేడులో నివాసముంటున్నారు. వీరి కూతురు రాధిక (13) ఏడో తరగతి చదువుతోంది. రాధిక పలువురు యువకులతో సన్నిహితంగా ఉంటోందని ఆరోపణ ఉంది. పరువు పోతోందని కుమార్తెపై తండ్రి ఆగ్రహం వ్యక్తం చేశారు. అయినా అమె అలాగే యువకులతో సన్నిహితంగా ఉన్నట్లు గుర్తించారు. కుమార్తె రాధికను తండ్రి నర్సింహ మందలించారు. రాధిక తంద్రికి ఎదురుదిరిగింది. దీంతో ఎదురు తిరిగిన కుమార్తెను తండ్రి గొంతు నులిమి చంపాడు. అయితే విషయం బయటకు పొక్కకుండా ఇంట్లోనే శవాన్ని తగులబెట్టి ఆత్మహత్యగా చిత్రీకరించే ప్రయత్నం చేశారు. ఈ నెల 15న పోలీసుల విచారణలో ఈఘటన వెలుగులోకి వచ్చింది. నిందితులు నర్సింహ, లింగమ్మలను పోలీసులు అరెస్ట్‌ చేసి రిమాండ్‌కు తరలించారు. మరిన్ని వివరాలను వీడియోలో చూద్దాం...

13:32 - September 15, 2017

హైదరాబాద్: పసి ప్రాయం నుంచి యవ్వనంలోకి అడుగు పెట్టిన యువత.. తెలిసీ తెలియని వయస్సులో సరి దిద్దుకోలేని తప్పులు చేస్తోంది. ఇప్పటికే హైదరాబాద్‌ నగరంలో పబ్‌ కల్చర్‌, డ్రగ్స్‌, గంజాయి వంటి దురలవాట్లు వేళ్లూనుకుపోయాయి. ఇప్పుడు చాందిని కేసులో వెలుగు చూసిన నిజాలు.. పిల్లల తల్లిదండ్రులను ఆలోచనలో పడేస్తున్నాయి. తల్లిదండ్రులు పిల్లలపై ఓ కన్నేసి ఉంచకపోతే.. వాళ్లు పతనం అంచుకు ఎలా చేరుతారో చాందిని కేసు ఓ ప్రత్యక్ష ఉదాహరణగా నిలుస్తోందంటున్నారు పోలీసులు. చాందిని మిత్రులు సుమారు 52 మంది.. ఫేస్‌బుక్‌ స్నేహంతో నేషనల్ డిప్లమాటిక్‌ సమ్మిట్ పేరిట ప్రత్యేక పేజీని ప్రారంభించారు. హైదరాబాద్‌, బెంగళూరులోని ఇంటర్నేషనల్ స్కూళ్లలో చదువుతున్న విద్యార్థినీ, విద్యార్థులందరినీ ఇందులో సభ్యులుగా చేర్చుకున్నారు.

52 మంది విద్యార్థినీ, విద్యార్థులు 23 గదులు
ఈ గ్రూప్‌ అంతా కలిసి ఈ నెల 1 నుంచి 3 వరకు లకిడీకపూల్‌లోని.. సెంట్రల్ కోర్టు హోటల్‌లో కలిసినట్లు పోలీసుల విచారణలో వెల్లడైంది.. మొత్తం 52 మంది విద్యార్థినీ, విద్యార్థులు 23 గదులను బుక్ చేసుకున్నారని, ఇక్కడ చేసిన ఖర్చంతా ఈ 52 మందీ.. తలా కొంత భరించారని పోలీసులు గుర్తించారు. ఈ మూడు రోజులు పిల్లలు ఆడమగా భేదం లేకుండా అంతా కలిసి తోచిన గదుల్లో ఎంజాయ్‌ చేసినట్లు పోలీసుల విచారణలో వెల్లడైంది. మైనర్లని తెలిసినా.. 52 మందీ బస చేసిన హోటల్ యాజమాన్యం వారికి యధేచ్చగా మద్యం కూడా సరఫరా చేసింది. ఇక్కడ బస చేసినప్పుడు, సోహెల్ అనే విద్యార్థితో చాందిని క్లోజ్‌గా మూవ్‌ అవడాన్ని గమనించిన సాయికిరణ్, ఆమెపై అనుమానం పెంచుకున్నాడని.. అదే చాందినిని చంపేలా సాయికిరణ్‌ను పురికొల్పిందని పోలీసులు తేల్చారు. ఇద్దరు ఇంటర్నేషనల్ స్కూల్ విద్యార్థుల మధ్య చిగురించిన ప్రేమకథ చివరకిలా విషాదాంతమైంది. చాందినిని చంపిన సాయికిరణ్‌ జైలు గోడల మధ్య బతకాల్సిన పరిస్థితి వచ్చింది. మరి సాయికిరణ్‌ తల్లిదండ్రులు పరిస్థితేంటి? చెట్టంత ఎదిగిన కొడుకు తమకు భవిష్యత్తులో ఆసరా అవుతాడనుకుంటే.. కళ్ల ముందే హంతకుడిగా ముద్ర వేసుకున్నాడు. అటు చాందిని కూడా తన తల్లిదండ్రుల చెంతకు ఎప్పటికీ తిరిగిరాదు. ఆమె తల్లిదండ్రుల కడుపుకోత ఎన్నటికీ తీరదు.

విద్యార్థుల మనస్సులపై తీవ్ర ప్రభావం
ఫేస్‌బుక్‌, సోషల్ మీడియా మాధ్యమాలు విద్యార్థుల మనస్సులపై తీవ్ర ప్రభావం చూపుతున్నాయి. చాందిని, సోహెల్‌తో క్లోజ్‌గా ఉండటం, ఫోటోలను ఫేస్‌బుక్‌లో అప్‌లోడ్‌ చేయడం.. వీటన్నింటినీ గమనించిన సాయికిరణ్ చాందినిని మందలించాడు. అదే క్రమంలో ఆమెను వదిలించుకోవాలనుకున్నాడు. అయితే చాందిని తరచూ పెళ్లి చేసుకోమని వేధించడంతో.. పక్కా ప్లాన్‌తో చంపేశాడని పోలీసుల విచారణలో తేలింది. చాందిని హత్యోదంతం.. విద్యార్థుల తల్లిదండ్రులకు పిల్లలతో ఉండాల్సిన అనుబంధాన్నీ.. వారి నడవడికపై శ్రద్ధ చూపాల్సిన అవసరాన్నీ సుస్పష్టం చేస్తోంది. టీనేజ్‌లో పిల్లలను తల్లిదండ్రులు ఓ కంట కనిపెట్టాలి. సెల్‌ఫోన్‌, నెట్‌లను పరిమితికి మించి వాడుతున్నా.. డబ్బు ఎక్కువ మొత్తంలో ఖర్చు చేస్తున్నా వారి ప్రవర్తన మీద ఓ కన్నేసి ఉంచాలి. అప్పుడప్పుడే ప్రపంచం గురించి తెలుసుకునే వయస్సులో.. పిల్లలకు అన్నీ కొత్తగానే కనిపిస్తాయి. ప్రతీది అందంగానే కనిపిస్తుంది. కానీ పక్కనే ప్రమాదం పొంచి ఉంటుందని వాళ్ల చిన్న బుర్రలకు తట్టదు. టీనేజ్‌లో పిల్లలు మంచికైనా, చెడుకైనా త్వరగా ఆకర్షితులవుతారు. మంచి దారిని ఎంచుకుంటే పర్లేదు కానీ చెడు వైపు ఆకర్షితులైతే పిల్లల భవిష్యత్తు ఇలా మధ్యలోనే ఆగిపోయే అవకాశం ఉంది. అందుకే మీ పిల్లలను ఓ కంట కనిపెట్టండి. 

Pages

Don't Miss

Subscribe to RSS - తల్లిదండ్రులు