తీర్మానం

13:23 - July 18, 2018

హైదరాబాద్ : విభజన చట్టంలోని అంశాల అమలుకోసం కేంద్రంపై మరింత ఒత్తిడి పెంచుతామంటున్నారు టీఆర్‌ఎస్‌ ఎంపీ కవిత. అవిశ్వాస తీర్మానం చర్చకు స్పీకర్ అంగీకరిస్తే.. పరిస్థితులకు అనుగుణంగా నిర్ణయం తీసుకుంటామన్నారు. ఈ పార్లమెంట్ సమావేశాల్లో చర్చలకు పూర్తిగా సహకరిస్తామని చెప్పారు. అదే సమయంలో తమ డిమాండ్లను గట్టిగా వినిపిస్తామంటున్న ఎంపీ కవిత పేర్కొన్నారు. అవిశ్వాస తీర్మానంపై.. పరిస్థితులకు అనుగుణంగా నిర్ణయం తీసుకుంటామని టీఆర్ఎస్ ఎంపీ కవిత తెలిపారు. 

21:06 - July 15, 2018

హైదరాబాద్ : పార్లమెంటు వర్షాకాల సమావేశాలు ఈనెల 18 నుంచి ప్రారంభం కానున్నాయి. ప్రధాని మోదీ నేతృత్వంలోని ఎన్డీయే ప్రభుత్వంపై అవిశ్వాసం ప్రవేశపెట్టాలని టీడీపీ పార్లమెంటరీ పార్టీ నిర్ణయించింది. ఈ విషయంలో ఇతర పార్టీల మద్దతు కూడగట్టేందుకు టీడీపీ ఎంపీలు ప్రయత్నిస్తున్నారు. ఇప్పటికే టీఆర్‌ఎస్‌ ఎంపీలను కలిసి.. అవిశ్వాసానికి మద్దతు ఇవ్వాలని కోరారు. బృందాలుగా విడిపోయిన టీడీపీ ఎంపీలు ఇతర పక్షాలనేతలను కలవనున్నారు. ఈనెల 18 నుంచి ప్రారంభం కానున్న పార్లమెంటు వర్షాకాల సమావేశాల్లో కేంద్రంపై ఒత్తిడి పెంచేందుకు టీడీపీ పార్లమెంటరీ పార్టీ వ్యూహాత్మకంగా అడుగులు వేస్తోంది. విభజన హామీల్లో విఫలమైన ప్రధాని మోదీ నేత్వంలోని ఎన్డీయే ప్రభుత్వంపై మరోసారి అవిశ్వాస తీర్మానం ప్రవేశపెట్టాలని నిర్ణయించారు. ఈ విషయంలో ఇతర పక్షాల మద్దతు కూడగట్టేందుకు ప్రయత్నాలు ప్రారంభించారు. దీనిలో భాగంగా రాజ్యసభ సభ్యుడు సుజనాచౌదరి నేతృత్వంలోని ఎంపీల బృందం టీఆర్‌ఎస్‌ ఎంపీలతో భేటీ అయ్యింది. మోదీ ప్రభుత్వంపై ప్రవేశపెట్టే అవిశాస తీర్మానంతోపాటు విభజన చట్టంలోని హామీ అమలుపై చర్చించారు.

టీడీపీ ఎంపీలు సుజనాచౌదరి, కొనకళ్ల నారాయణ, నిమ్మల కిష్టప్ప.. టీఆర్‌ఎస్‌ ఎంపీలు కేశవరావు, జితేందర్‌రెడ్డితో భేటీ అయ్యారు. విభజన చట్టంలోని హామీల అమలు కోసం కేంద్ర ప్రభుత్వంపై ఒత్తిడి పెంచే విషయంలో సహకారం అందించాలని విజ్ఞప్తి చేశారు. కేంద్ర ప్రభుత్వంపై ప్రవేశపెట్టే అవిశ్వాస తీర్మానానికి మద్దతు ఇవ్వాలని కోరారు. టీడీపీ ప్రవేశపెట్టే అవిశ్వాసంపై పార్టీలోచర్చించి నిర్ణయం తీసుకుంటామని హామీ ఇచ్చిన టీఆర్‌ఎస్‌... విభజన చట్టంలోని హామీల అమలు కోసం తెలుగుదేశం చేసే పోరాటానికి మద్దతు ఇస్తామని హామీ ఇచ్చింది. కేంద్ర ప్రభుత్వంపై ప్రవేశపెట్టే అవిశ్వాస తీర్మానానికి ఇతర పార్టీల మద్దతు కూడగట్టే ప్రయత్నాల్లో టీడీపీ ఎంపీలు ఉన్నారు. పార్టీ అధినేత చంద్రబాబు ఆదేశాలతో డీఎంకే, అన్నా డీఎంకే, బీజేడీ, శివసేన, ఎన్సీపీ, సమాజ్‌వాదీ పార్టీల నేతలను కలిసేందుకు ఏర్పాట్లు చేసుకున్నారు. రాజ్యసభ సభ్యుడు సీఎం రమేశ్‌ నేతృత్వంలోని టీడీపీ ప్రతినిధి బృందం చెన్నైలో డీఎంకే, అన్నా డీఎంకే నేతలతో భేటీ అవుతారు. తోట నరసింహం, రవీంద్రబాబు...ముంబై వెళ్లి శివసేన, ఎన్సీపీ నేతలను కలవాలని నిర్ణయించింది. మరో బృందం పశ్చిమ బెంగాల్‌ ముఖ్యమంత్రి మమతా బెనర్జీతో భేటీ కానుంది. విభజన హామీలపై కేంద్రం చేసిన మోసాన్ని ఎండగడుతూ.. ముఖ్యమంత్రి చంద్రబాబు రాసిన ఎనిమిది లేఖను ఆయా పార్టీల నేతలకు అందజేయనున్నారు. విభజన హామీల అమలుపై బడ్జెట్‌ సమావేశాల్లో పార్లమెంటును స్తంభింప చేసిన టీడీపీ.. వర్షాకాల సమావేశాల్లో కూడా మోదీ సర్కారును ఎండగట్టేందుకు చేస్తున్న ముమ్మర ప్రయత్నాలు ఎంతవరకు ఫలిస్తాయో చూడాలి. 

21:46 - April 23, 2018

ఢిల్లీ : భారత ప్రధాన న్యాయమూర్తిపై ప్రతిపక్ష పార్టీలు తీసుకొచ్చిన అభిశంసన నోటీసును ఉపరాష్ట్రపతి వెంకయ్యనాయుడు తిరస్కరించారు. న్యాయ నిపుణులతో చర్చల అనంతంరం ఆయన ఈ నిర్ణయం తీసుకున్నారు. ఉపరాష్ట్రపతి నిర్ణయంపై కాంగ్రెస్‌ సుప్రీంకోర్టును ఆశ్రయించేందుకు సిద్ధమవుతోంది.

చీఫ్‌ జస్టిస్‌పై విపక్షాల అభిశంసన తీర్మానాన్ని తిరస్కరించిన ఉపరాష్ట్రపతి
సుప్రీంకోర్టు చీఫ్‌ జస్టిస్‌ దీపక్‌ మిశ్రాపై ప్రతిపక్షాలు అభిశంసన కోసం ఇచ్చిన తీర్మానాన్ని రాజ్యసభ ఛైర్మన్, ఉపరాష్ట్రపతి వెంకయ్యనాయుడు తిరస్కరించారు. చీఫ్‌ జస్టిస్‌ దీపక్‌ మిశ్రాను తొలగించాలని కోరుతూ కాంగ్రెస్‌ పార్టీ నేతృత్వంలో 7 ప్రతిపక్షపార్టీలు ఉపరాష్ట్రపతికి నోటీసు ఇచ్చాయి. ఈ అభిశంసన తీర్మానంపై వెంకయ్యనాయుడు న్యాయ, రాజ్యాంగ నిపుణులతో సంప్రదింపులు జరిపి ఈ నిర్ణయం తీసుకున్నారు. సంతకం చేసిన ఎంపీలకు తమ కేసుపై వారికే కచ్చితత్వం లేదని వెంకయ్యనాయుడు పేర్కొన్నారు. ప్రధాన న్యాయమూర్తిపై అభిశంసన తీర్మానం తీసుకురావడం సరైంది కాదని పలువురు న్యాయమూర్తులు, రాజ్యాంగ నిపుణులు అభిప్రాయపడ్డారు.

అభిశంసనపై సుప్రీంకోర్టుకు ఆశ్రయించాలని కాంగ్రెస్‌ నిర్ణయం
అభిశంసన నోటీసును రాజ్యసభ ఛైర్మన్‌ తిరస్కరిస్తే ఏం చేయాలన్నదానిపై ప్రతిపక్ష పార్టీలు ముందుగానే ప్రణాళిక సిద్ధం చేసుకున్నట్లు సమాచారం. ఈ వ్యవహారంపై వారు సుప్రీంకోర్టు వెళ్లనున్నట్లు కాంగ్రెస్‌ వర్గాలు పేర్కొన్నాయి.

ఉపరాష్ట్రపతి నిర్ణయంపై న్యాయవాది ప్రశాంత్‌ భూషణ్‌ తీవ్ర అసంతృప్తి
అభిశంసన తీర్మానాన్ని ఉపరాష్ట్రపతి తిరస్కరించడంపై ప్రముఖ న్యాయవాది ప్రశాంత్‌ భూషణ్‌ తీవ్ర అసంతృప్తి వ్యక్తం చేశారు. 50 మంది కంటే ఎక్కువ ఎంపీలు సంతకాలు చేశారా...లేదా అన్నదే ఉపరాష్ట్రపతి చూడాలి కానీ...తిరస్కరించే అధికారం లేదని ఆయన ట్వీట్టర్‌ ద్వారా అభిప్రాఅభిశంసన నోటీసుపై విపక్షాలకు చెందిన 64 మంది ఎంపీలు సంతకాలు చేశారు. వీరిలో కాంగ్రెస్‌, ఎన్‌సీపీ, ఎస్‌పీ, బీఎస్‌పీ, ముస్లిం లీగ్, జెఎంఎం, సిపిఐ ఎంపీలు ఉన్నారు. జస్టిస్‌ దీపక్‌ మిశ్రాపై విపక్షాలు 5 తీవ్రమైన ఆరోపణలు చేశాయి. సుప్రీంకోర్టు పాలనా వ్యవస్థ సరిగా లేదని...కేసుల కేటాయింపులపై సిజెఐ వివక్ష చూపుతున్నారని ఆరోపించాయి. దీపక్‌ మిశ్రా తనకున్న మాస్టర్‌ ఆఫ్‌ రోస్టర్‌ అధికారాలను దుర్వినియోగం చేస్తూ.. సున్నితమైన అంశాలను కొన్ని ప్రత్యేక ధర్మాసనాలకు కట్టబెట్టారని మీడియా సమావేశంలో నలుగురు న్యాయమూర్తులు చేసిన ఆరోపణలను కూడా ప్రస్తావించారు. సుప్రీంకోర్టు ప్రధాన న్యాయమూర్తిపై అభిశంసన నోటీసు తీసుకురావడం దేశ చరిత్రలోనే ఇదే తొలిసారి కావడం గమనార్హం.

10:39 - March 28, 2018

ఢిల్లీ : ప్రజలకు వుండే సమస్యలను రాజ్యాంగానికి అనుగుణం పరిష్కరించవలసిన దేశ అత్యున్న వ్యవస్థ పార్లమెంట్. కానీ నేడు పార్లమెంట్ ఉభయసభలు పొలిటికల్ 'రంగస్థలం'గా మారిపోయాయా? అనే ప్రశ్న ఇప్పుడు అందరి మదిలోను తలెత్తుతున్న ప్రశ్న. గత వారం రోజుల నుండి పార్లమెంట్ ఉభయసభల్లో నాటకీయ పరిణామాలు చోటుచేసుకుంటున్నాయి. ఈ నేపథ్యంలో ఏపీ ఎంపీలు ప్రతీరోజు ఇస్తున్న అవిశ్వాస తీర్మానాలపై చర్చ వస్తే కర్ణాటక, రాజస్థాన్, మధ్యప్రదేశ్ ఎన్నికలపై ఫలితాలపై ప్రభావం పడే అవకాశంతో సభను వాయిదాలతోనే ముగించాలనే యోచనలో ఎన్డీయే ప్రభుత్వం వున్నట్లుగా తెలుస్తోంది. ఇప్పటికే 8 పార్టీలు 13 అవిశ్వాస తీర్మానాలు ఇచ్చిన విషయం తెలిసిందే.

సీన్ రిపీట్ కొనసాగనుందా?
గత కొన్ని రోజులుగా పార్లమెంట్ లో కొనసాగుతున్న సీన్ రిపీట్ కానుందా? నేడు కూడా అదే సీన్ రిపీట్ అయ్యే అకాశం వుందా అనే విషయంలో సేమ్ సీన్ రిపీట్ అయ్యే అవకాశమే కనిపిస్తోంది. ఈ నేపథ్యంలో అన్నాడీఎంకే ఎంపీలపైనే అందరి దృష్టి వుంది. కావేరీ బోర్టు ఏర్పాటు చేయాలనే డిమాండ్ తో గత వారం రోజుల నుండి సభను ఆర్డర్ లో లేకుండా చేస్తున్న అన్నాడీఎంకే ఎంపీల గందరగోళాన్ని సాకుగా చూపిస్తు స్పీకర్ సుమిత్రా మహాజన్ , ఇటు రాజ్యసభలో చైర్మన్ వెంకయ్యనాయుడు అదే తీరును అవలంభిస్తున్న తీరు సంగతి తెలిసిందే.ఈ నేపథ్యంలో వాయిదాలతోనే సభను ముగించేలా ఎన్డీయే ప్రభుత్వం యోచిస్తున్నట్లుగా తెలుస్తోంది. 

09:44 - March 27, 2018
19:01 - March 26, 2018

ఢిల్లీ : అవిశ్వాస తీర్మానానికి రోజురోజుకు మద్దతు పెరుగుతోంది. లోక్‌సభ స్పీకర్‌ వద్ద ఐదు అవిశ్వాస తీర్మాన ప్రతిపాదనలు వచ్చాయి. ఇప్పటికే టీడీపీ, వైసీపీ, కాంగ్రెస్‌లు అవిశ్వాస తీర్మానాలు ఇవ్వగా.. తాజాగా సీపీఎం, ఆర్‌ఎస్పీ కూడా అవిశ్వాస తీర్మానాలు ఇచ్చాయి. లోక్‌సభలో అవిశ్వాస తీర్మానంపై చర్చ చేపట్టాలంటే 50 మంది సభ్యుల మద్దతు కావలసి ఉండగా... ఇప్పటికి 81 మంది సభ్యుల మద్దతు ఉన్నట్లు తెలుస్తోంది. ఇక పార్లమెంట్‌లో ఆందోళనలు చేస్తున్న టీఆర్‌ఎస్‌ కూడా వెల్‌లోకి వెళ్లి ఆందోళనలు చేయమని ప్రకటించింది. దీంతో పార్లమెంట్‌లో అవిశ్వాసంపై చర్చకు కేంద్రం అంగీకరించాల్సిన అనివార్యత ఏర్పడింది. ఇక టీడీపీ ఎంపీలతో చంద్రబాబు టెలీ కాన్ఫరెన్స్‌ నిర్వహించారు. టీడీపీ ఎంపీలంతా వెంటనే ఢిల్లీ వెళ్లాలని ఆదేశించారు. రేపు సభకు అందరూ పసుపు పచ్చ కండువాలతో హాజరుకావాలని ఆదేశించారు. 

18:35 - March 26, 2018

హైదరాబాద్ : రిజర్వేషన్ల అంశంపై పార్లమెంట్‌లో ఆందోళనలు చేస్తూనే... అవిశ్వాస తీర్మానం చర్చకు వస్తే పాల్గొంటామన్నారు టీఆర్‌ఎస్‌ ఎంపీలు. అవిశ్వాస తీర్మానం చర్చకు రాకుండా అడ్డుకుంటున్నామన్న ఏపీ నాయకుల ఆరోపణలు సరికాదన్నారు. రిజర్వేషన్లపై మా పోరాటం కొనసాగుతుందని.. కానీ వెల్‌లోకి మాత్రం వెళ్లకూడదని నిర్ణయించినట్లు తెలిపారు. అవిశ్వాస తీర్మానం చర్చకు వస్తే... విభజన చట్టం ప్రకారం కేంద్రం చేసిన మోసాన్ని ఎండగడుతామన్నారు. కేంద్రంపై పోరాటం చేయాలంటే ఇరు రాష్ట్రాలు ఆరోపణలు చేసుకోవడం కాకుండా... కలిసి కట్టుగా పోరాటం చేయాల్సిన అవసరముందన్నారు టీఆర్‌ఎస్‌ ఎంపీలు. 

14:50 - March 23, 2018

న్యూఢిల్లీ : అవిశ్వాస తీర్మానం..ఇంకా సందిగ్ధత కొనసాగుతూనే ఉంది. ఏపీకి ప్రత్యేక హోదా..రాష్ట్ర విభజన హామీలు తదితర సమస్యలు పరిష్కరించాలంటూ వైసీపీ..టిడిపి అవిశ్వాస తీర్మానాలు ఇచ్చిన సంగతి తెలిసిందే. కానీ గత కొన్ని రోజులుగా లోక్ సభలో ఇతర విపక్ష పార్టీలు ఆందోళన చేపడుతుండడంతో సభ ఆర్డర్ లేకపోవడంతో తీర్మానం టేకప్ చేయడం లేదని స్పీకర్ ప్రకటిస్తున్నారు. ఈ తరుణంలో శుక్రవారం ఏపీ కాంగ్రెస్ అవిశ్వాస తీర్మానం నోటీసు ఇచ్చింది. లోక్ సభా సెక్రటరీ జనరల్ కు అవిశ్వాస నోటీసును పంపించింది. మంగళవారం నాడు జరిగే సభా కార్యకలాపాల్లో అవిశ్వాసం నోటీసు చేర్చాలని కాంగ్రెస్ కోరింది. ఏపీ సమస్యలపై కాంగ్రెస్ కు చిత్తశుద్ధి ఉందని, ఏపీకి ప్రత్యేక హోదా అంశం చర్చకు వచ్చేలా ఇతర పార్టీలను ఒప్పిస్తామని పేర్కొంది. ఈ సందర్భంగా టెన్ టివితో జేడీ శీలం మాట్లాడారు. ఏ నాడు పార్లమెంట్ లో అభివృద్ధిపై ప్రధాన మంత్రి మోడీ మాట్లాడలేదని, కేవలం కాంగ్రెస్ నేతలను తిట్టడమే పని పెట్టుకున్నారని విమర్శించారు. ఏం చేశారో ? ఎలాంటి అభివృద్ధి చేశారో పార్లమెంట్ లో చెబితే గౌరవిస్తామన్నారు. పార్లమెంట్ లో రభస..రగడ జరుగుతుంటే అఖిలపక్ష సమావేశాన్ని స్పీకర్ పిలుస్తుంటారని, సమస్య పరిష్కరించే విధంగా చొరవ తీసుకొంటారని పేర్కొన్నారు. 

21:45 - March 21, 2018

ఢిల్లీ : నాలుగు రోజులు.. 8 అవిశ్వాసాలు.. నిర్ణయం మాత్రం మళ్లీ అదే. పార్లమెంట్‌లో నాలుగురోజులుగా ఇదే తంతు కొనసాగుతోంది. టీడీపీ, వైసీపీ నేతలు అవిశ్వాస తీర్మానాలు పెట్టడం.. సభ ఆర్డర్‌లో లేదంటూ స్పీకర్‌ వాయిదా వేయడం రిపీటవుతోంది. అవిశ్వాసంపై ఓటింగ్‌ జరిపే వరకు.. ఏపీకి ప్రత్యేక హోదా వచ్చే వరకు తమ పోరాటం కొనసాగిస్తామని టీడీపీ, వైసీపీ అంటుండగా.. కేంద్రం మాత్రం అవిశ్వాస పరీక్షను ఎదుర్కొనేందుకు సిద్ధమని తెలిపింది.

చర్చ జరగకుండానే పార్లమెంట్‌ ఉభయ సభలు వాయిదా
అవిశ్వాసంపై చర్చ జరగకుండానే పార్లమెంట్‌ ఉభయ సభలు వాయిదా పడ్డాయి. లోక్‌సభ ప్రారంభంలోనే.. రిజర్వేషన్లపై-టీఆర్‌ఎస్‌, కావేరీ జలాలపై- ఏఐడీఎంకే సభ్యులు ఆందోళన చేపట్టారు. పోడియాన్ని చుట్టుముట్టి ఫ్లకార్డులు ప్రదర్శించారు. దీంతో సభను మధ్యాహ్నం 12 గంటల వరకు వాయిదా వేశారు స్పీకర్‌ సుమిత్రా మహజన్‌. అనంతరం సభ ప్రారంభం కాగానే.. మళ్లీ టీఆర్‌ఎస్‌, ఏఐడీఎంకే ఆందోళన చేపట్టాయి. టీడీపీ ఎంపీ తోటనర్సింహులు, వైసీపీ ఎంపీ వైవీ సుబ్బారెడ్డి ఇచ్చిన అవిశ్వాస నోటీసులను స్పీకర్‌ చదివి వినిపించారు. సభ ఆర్డర్‌లో లేనికారణంగా చర్చను చేపట్టలేనని స్పష్టం చేశారు. ఈ నేపథ్యంలో పార్లమెంటరీ వ్యవహారాల శాఖ మంత్రి అనంత కుమార్‌ కీలక ప్రకటన చేశారు. విశ్వాస పరీక్షను ఎదుర్కోవడానికి మోదీ సర్కార్‌ సిద్ధంగా ఉందని, ఓటింగ్‌లోనూ నెగ్గుతామన్నారు. చర్చ జరగాలంటే మాత్రం సభ ఆర్డర్‌లో ఉండాలన్నారు.

రాజ్యసభలోనూ ఇదే పరిస్థితి
సభ్యులు ఎవరిస్థానాల్లో వారు కూర్చోవాలని స్పీకర్‌ సుమిత్రా మహజన్‌ కోరినా ఫలితం లేకపోవడంతో.. సభను గురువారానికి వాయిదా వేశారు. అటు రాజ్యసభలోనూ ఇదే పరిస్థితి నెలకొంది. సభ ప్రారంభం కాగానే.. వైసీపీ, టీడీపీ, కాంగ్రెస్‌ ఎంపీలు పోడియం వద్దకు వెళ్లి ఆందోళన చేపట్టారు. ప్రత్యేక హోదా ఏపీ ప్రజల హక్కు అంటూ నినదించారు. దీంతో చైర్మన్‌ వెంకయ్యనాయుడు సభను గురువారానికి వాయిదా వేశారు. మరోవైపు పార్లమెంట్‌ వెలుపల వైసీపీ, టీడీపీ ఎంపీలు ఎవరికి వారుగా ఆందోళన చేపట్టారు. విభజన చట్టంలోని హామీలను నెరవేర్చాలంటూ ఫ్లకార్డులను ప్రదర్శించారు. టీడీపీ ఎంపీ శివప్రసాద్‌ హరిశ్చంద్రుని వేశంలో పార్లమెంట్‌కు వచ్చి నిరసన తెలిపారు. కేంద్రం హరిశ్చంద్రున్ని ఆదర్శంగా తీసుకోవాలని కోరారు.

సహనాన్ని పరీక్షిస్తే... గతంలో కాంగ్రెస్‌కు పట్టిన గతే : టీడీపీ
నాలుగురోజులుగా పరిణామాలను చూస్తుంటే ఎన్డీయే కావాలనే సభ జరగకుండా చూస్తుందని టీడీపీ ఎంపీలు ఆరోపించారు. తమ సహనాన్ని పరీక్షిస్తే... గతంలో కాంగ్రెస్‌కు పట్టిన గతే పడుతుందన్నారు. కేంద్రానికి ధైర్యముంటే అవిశ్వాసంపై చర్చ జరపాలని డిమాండ్‌ చేశారు.

అవిశ్వాసంపై చర్చజరిగేవరకూ నోటీసులు : వైసీపీ
అవిశ్వాసంపై చర్చజరిగేవరకూ నోటీసులు ఇస్తామని వైసీపీ నేతలు స్పష్టం చేశారు. హోదా విషయంలో చంద్రబాబుకు చిత్తశుద్ధి లేదన్నారు. టీఆర్‌ఎస్‌, ఏఐడీఎంకే ఎంపీల ఆందోళలనను తప్పుపట్టలేమన్న వైసీపీ ఎంపీలు.. సభను ఆర్డర్‌లో పెట్టే బాధ్యత కేంద్రానిదే అన్నారు. అవిశ్వాస తీర్మానం తమకు ప్రాధాన్యత కాదని టీఆర్‌ఎస్‌ మరోసారి స్పష్టం చేసింది. పక్క రాష్ట్రం సమస్యల విషయంలో తాము జోక్యం చేసుకోబోమని టీఆర్‌ఎస్‌ ఎంపీ బూర నర్సయ్యగౌడ్‌ అన్నారు. ఇతర రాష్ట్రాల ఫ్లకార్డులు పట్టుకోవడానికి తాము ఛీర్స్‌గర్ల్స్‌మా అంటూ ఘాటుగా వ్యాఖ్యానించారు.

జీత, భత్యాలు నిలిపివేయాలి : ఎంపీ మనోజ్‌ తివారి
భా కార్యక్రమాలకు అడ్డుపడుతున్న ఎంపీలకు నో వర్క్‌ నోపే కింద జీత, భత్యాలు నిలిపివేయాలని కాంగ్రెస్‌ ఎంపీ మనోజ్‌ తివారి కేంద్రానికి రాసిన లేఖను విపక్షాలు ఖండించాయి. తమ ప్రాంత సమస్యలపై పోరాడుతున్న తమకు ఇది వర్తించదని వైసీపీ, టీఆర్‌ఎస్‌ కొట్టిపారేశాయి.

09:47 - March 20, 2018

ఢిల్లీ : దేశ రాజధాని ఢిల్లీలో మరోసారి అవిశ్వాస తీర్మానపు వేడి కొనసాగుతోంది. పార్లమెంట్ ఉభయ సభల్లో మరోసారి అవిశ్వాసపు సెగ రాజుకోనుంది. ఏపీకి ప్రత్యేక హోదా ఇవ్వాలంటూ ఏపీ ఎంపీలు గత నాలుగేళ్లగా వేడుకుంటునే వున్నా..ఎన్డీయే ప్రభుత్వం నిర్లక్ష్యంగా వ్యవహరించటంతో టీడీపీ, వైసీపీ పార్టీలు తమ పోరాటాన్ని కొనసాగిస్తున్నారు. ఈ నేపథ్యంలో అవిశ్వాసం తీర్మానంపై చర్చ చేపట్టకుండానే స్పీకర్ వాయిదా వేయటంతో ఈరోజు కూడా అవిశ్వాసంపై చర్చ కొనసాగుతుందా లేదా అనే అంశంపై తీవ్ర ఉత్కంఠ నెలకొంది. ఈ నేపథ్యంలో అవిశ్వాస తీర్మానంపై చర్చ జరపాలను టీడీపీ, వైసీపీ పట్టుపట్టనున్నాయి. ఈ క్రమంలో శివసేన ఎన్డీయేకే మద్దతునిస్తామని ప్రకటించింది. 

Pages

Don't Miss

Subscribe to RSS - తీర్మానం