తెలంగాణ

12:08 - December 18, 2018

వరంగల్‌: ఒక మనిషి ప్రాణం మీదికొస్తే ఠక్కున గుర్తుకొచ్చేది 108 నంబర్. డయల్ చేస్తే కుయ్ కుయ్ మంటూ అంబులెన్స్ వచ్చేస్తుంది. ప్రాథమిక చికిత్స అందించే ఉద్యోగులకు ఇప్పుడు వేతనాలు సరైన సమయంలో అందక కష్టాల్లో ఉన్నారు. రెండు నెలలుగా వేతనాలు అందకపోయినా.. బాధ్యతలను మాత్రం వదలివేయటం లేదు. ఉద్యోగులకే కాదు.. అంబులెన్స్ డీజిల్, రిపేర్ సంబంధించి బిల్లులు కూడా విడుదల కావటం లేదు.
మొత్తం 320 వరకు 108 వాహనాలు అత్యవసర సేవలందిస్తున్నాయి. 2వేల మంది పని చేస్తున్నారు. రూ.9 కోట్ల వరకు బకాయిలు రావాల్సి ఉంది. డీజిల్‌, వాహనాల మరమ్మతుల బిల్లే రూ.4 కోట్ల ఉంది. డీజిల్‌ డబ్బులు లేక 100 వరకు వాహనాలు ఎక్కడికక్కడ నిలిచిపోయాయి. మిగతావి కూడా ఏ క్షణమైనా ఆగిపోవచ్చు. డిసెంబర్ 16వ తేదీ జయశంకర్‌ భూపాలపల్లి జిల్లాలో కాటారం-మహాముత్తారం రోడ్డులో యాక్సిడెంట్ లో గాయపడిన మహిళను కాపాడేందుకు రావాల్సిన 108 ఆలస్యంగా వచ్చింది. ఆమె మృతి చెందింది. ఈ ఎగ్జాంపుల్ చాలు.. వాటి సర్వీస్ ఏ స్థాయిలో ఉందో చెప్పటానికి. రోడ్డు ప్రమాదాలు, ఇతరత్రా అత్యవసర వైద్యం కోసం బాధితులు అవస్థలు ఎదుర్కొన్నారు. వీటిపై ప్రభుత్వం కొంత దృష్టి పెడితే బాగుంటుందని బాధితులు, ఉద్యోగులు అంటున్నారు.

19:35 - December 17, 2018

అల్లాడుతున్న వరంగల్..ఖమ్మం..భద్రాద్రి...
చాలా చోట్ల నీట మునిగిన పంట...
మార్కెట్ యార్డులో ఏర్పాట్లు లేక రైతుల ఇక్కట్లు...
వరదలో కొట్టుకపోయిన ధాన్యం...
దెబ్బతిన్న వరి..మొక్క జొన్న..పెసర..ఇతర పంటలు...

హైదరాబాద్ : పైథాయ్ తుఫాన్ రైతాంగానికి తీవ్ర కష్టాలు..కన్నీళ్లే మిగిల్చింది. రేపు..మాపో..పంట చేతికొస్తుందని ఆశించిన రైతులకు అడియాశే మిగిలింది. తెలంగాణ రాష్ట్రంలోని వరంగల్, ఖమ్మం, భద్రాద్రి, జిల్లాల్లో పెను ప్రభావం చూపెట్టింది. కొన్ని ప్రాంతాలో చేతికి అంది వచ్చిన పంట నీట మునగగా కొన్ని చోట్ల అధికారుల నిర్లక్ష్యంతో మార్కెట్ల యార్డుల ముందే ధాన్యం బస్తాలు తడిసి ముద్దయ్యాయి. 
లబోదిబోమంటున్న వరంగల్  రైతులు...
కళ్లెదుటే పంట నాశనం అవడంతో లబోదిబోమంటున్నారు. వరంగల్ రూరల్ జిల్లాలో ఉన్న వ్యవసాయ మార్కెట్‌ను అతలాకుతలం చేసింది. వర్ధన్నపేట మండలం ఇల్లందు వ్యవసాయ మార్కెట్‌లో రెండు రోజులుగా కురుస్తున్న వర్షానికి ధాన్యం తడిసి మద్దయ్యింది. జిల్లాలోని రాయపర్తి, పర్వతగిరి, సంగెం మండలాల్లో చాలా చోట్ల పంటలు దెబ్బతిన్నాయి. 
అశ్వరావుపేట నియోజకవర్గం...
భద్రాద్రి కొత్తగూడెం జిల్లాలోని అశ్వరావుపేట నియోజకవర్గంపై పైథాయ్ తుఫాన్ తీవ్ర ప్రభావాన్ని చూపెట్టింది. అన్ని మండలాల్లో పంట చేలు నీట మునిగిపోయింది. వందల ఎకరాల వరి..మొక్కజొన్న..పత్తి..అరటి పంటలు నీట మునిగిపోయాయి. వాతావరణ అధికారులు ముందే హెచ్చరించినా మార్కెట్ యార్డు అధికారులు సరైన చర్యలు చేపట్టకపోవడంతో ధాన్యం బస్తాలు నీట మునిగిపోయాయి. ఇలాగే ఉంటే ధాన్యం మొలకెత్తి తీవ్రంగా నష్టపోతామని...దీనికి బాధ్యులు అధికారులేనని..వెంటనే తమను ఆదుకోవాలని కోరుతున్నారు. 
ఖమ్మం ఉమ్మడి జిల్లా...
ఖమ్మం ఉమ్మడి జిల్లాలోనూ ఫైథాయ్ తుఫాన్ బీభత్సం సృష్టించింది. 4వేల ఎకరాల్లో ఉన్న వరి నీట మునిగిపోయింది. ఖమ్మం, వైరా, మధిర, సత్తుపల్లి, కొత్తగూడెం, ఇల్లందు, మణుగూరు, అశ్వరావుపేటలో మిర్చీ, పెసర, మొక్కజొన్న పంటలకు సైతం తీవ్ర ప్రభావం కలిగింది. మార్కెట్ యార్డులో సరైన ఏర్పాట్లు లేక రైతులు తీవ్ర ఇక్కట్లకు గురవుతున్నారు. 

14:38 - December 17, 2018

ఢిల్లీ : నూత రాష్ట్రంగా ఏర్పడిన తెలంగాణ రాష్ట్ర విభజన హామీలను నెరవేరాలని ప్రధాని నరేంద్రమోదీ ప్రభుత్వాన్ని పార్లమెంట్ లో నిలదీస్తామని టీఆర్ఎస్ ఎంపీ జితేందర్ రెడ్డి తెలిపారు. మోదీ ప్రభుత్వం మాటలతో కాలక్షేపం చేస్తు తెలంగాణ రాష్ట్రానికి రావాల్సిన నిధుల విషయంలో మోదీ ప్రభుత్వాన్ని నిలదీస్తామని ఎంపీ జితేందర్ రెడ్డి పేర్కొన్నారు. దీని కోసం కేంద్ర మంత్రులను కలిసి హామీలు అమలు చేయాలని కోరతామన్నారు. మోదీ పాలనలో దేశంలో విపత్తు కొనసాగుతోందని..కేసీఆర్‌ హయాంలో తెలంగాణ రాష్ట్రంలో 29.9 శాతం వృద్ధి నమోదైందని గుర్తు చేశారు. టీఆర్‌ఎస్‌ ప్రభుత్వం అమలు చేసిన సంక్షేమ పథకాలే తిరిగి టీఆర్ఎస్ కు అధికారాన్ని ఇచ్చాయని టీఆర్ఎస్ ఎంపీ జితేందర్ రెడ్డి అన్నారు. 
 

 

11:57 - December 17, 2018

హైదరాబాద్ : రెండవసారి ముఖ్యమంత్రిగా బాధ్యతలు తీసుకున్న కేసీఆర్ గ్రామ కార్యదర్శుల నియామకం ఉత్తర్వులపై సంతకం చేశారు. దీంతో రాష్ట్రంలో కొత్తగా 9,335 మంది గ్రామ కార్యదర్శుల నియామకం జరగనుంది. కొత్త జోనల్ వ్యవస్థ ద్వారా చేపట్టిన మొదటి నియామక ప్రక్రియ ఇది. ప్రతి గ్రామ పంచాయతీకీ ఒక గ్రామ కార్యదర్శిని నియమించాలని అన్ని జిల్లాల కలెక్టర్లను సీఎం కేసీఆర్  ఆదేశించారు. 
డిసెంబర్‌ 16న ప్రగతి భవన్‌లో పంచాయతీరాజ్‌ అంశాలు, ఎన్నికల హామీలపై సమీక్ష నిర్వహించిన కేసీఆర్ గ్రామాల అభివృద్ధితోనే రాష్ట్ర, దేశాభివృద్ధి సాధ్యమని, అందుకే గ్రామాలపై ఎక్కువ దృష్టి పెట్టాలని అధికారులకు సూచించారు. నూతన పంచాయతీరాజ్‌ చట్టంతో గ్రామాల అభివృద్ధిబాటలో నడిపేందుకు కేసీఆర్ యోచిస్తున్నారు. ఈ క్రమంలో త్వరలో పంచాయతీ ఎన్నికలు జరగనున్న నేపథ్యంలో గ్రామాలకు సంబంధించిన అంశాలపై కేసీఆర్ చర్చించారు.  
ఎన్నికల తర్వాత గ్రామాల్లో పచ్చదనం, పరిశుభ్రత కార్యక్రమాలను విస్తృతం చేయాలని ఆదేశించారు. 12,751 మంది గ్రామ కార్యదర్శులు, ఎంపీడీవోలు, ఈవోపీఆర్డీలు, డీఎల్‌పీవోలకు వారు చేయాల్సిన పనులపై డిసెంబర్‌ 27వ తేదీన ఎల్‌బీ స్డేడియంలో అవగాహన సదస్సు నిర్వహించనున్నారు. 
 

11:40 - December 17, 2018

హైదరబాద్ : నేటి మహిళలు అన్ని రంగాలలోను దూసుకుపోతున్నారు. పలు కీలక రంగాలలో సత్తా చాటు తున్నారు. మహిళలు లేని రంగం అంటు దాదాపు లేదనే చెప్పాలి. ఈ క్రమంలో వినూత్న ఆవిష్కరణల రంగంలో మహిళలు ముందడుగువేసి సరికొత్త చరిత్రను లిఖించేందుకు వీహబ్ ఇంక్యుబేషన్ కేంద్రాన్ని తెలంగాణ ప్రభుత్వం అతి తక్కువ సమంయలోనే అంటే మార్చి 8 అంతర్జాతీయ మహిళా దినోత్సవం రోజునే ఏర్పాటుచేసింది. 
టెస్సీ థామస్ చేతుల మీదుగా వీహబ్ ప్రారంభం..
మిస్సైల్ ఉమెన్ ఆఫ్ ఇండియాగా ఖ్యాతిపొందిన డీఆర్డీవో ప్రాజెక్ట్ డైరెక్టర్ టెస్సీ థామస్ చేతుల మీదుగా వీహబ్ కార్యకలాపాలను ప్రారంభించారు. వీహబ్‌కు ప్రాథమిక పెట్టుబడిగా రూ.15 కోట్లు కేటాయించారు. ఎంపికైన బృందాలకు రూ.25 లక్షల నుంచి కోటి రూపాయల వరకు అందజేసేందుకు ప్రతిపాదించారు. తొలిదశ కోహర్ట్ పూర్తయింది. కాగా, వీహబ్ ఆరంభంనాడే తన ప్రత్యేకతను చాటుకున్నది. మహిళల సాధికారత కోసం నీతి ఆయోగ్ రూపొందించిన నారీశక్తి తమ మొట్టమొదటి ఒప్పందాన్ని తెలంగాణ ప్రభుత్వంతో కుదుర్చుకున్నది. మహిళల కోసం దేశంలోనే మొట్టమొదటి హబ్‌ను ఏర్పాటుచేసిన తెలంగాణతో తాము జట్టుకట్టడం సంతోషంగా ఉందని నీతి ఆయోగ్ సీఈఓ అమితాబ్‌కాంత్ తెలిపారు.
కాగా  ప్రతిభ కలిగి ఏదన్నా సాధించాలనే అనుకునే మహిళలకు వీహబ్ చక్కటి వేదికగా తెలంగాణ ప్రభుత్వం మంచి అవకాశాన్ని కల్పిస్తోంది. ఈ వీహబ్ వేదికగా మహిళలు తమ తెలివితేటలతో వినూత్న ఆవిష్కరణలకు నాంది పలికేందుకు సిద్ధపడవచ్చు. ఇక మహిళల కోసం దేశంలోనే మొట్టమొదటి హబ్‌ను ఏర్పాటుచేసిన తెలంగాణతో నీతి ఆయోగ్ కూడా జత కట్టటం శుభ పరిణామం.

21:33 - December 16, 2018

హైదరాబాద్ : తెలంగాణ రాష్ట్ర ముఖ్యమంత్రి కేసీఆర్..రాష్ట్ర రైతులకు శుభవార్త అందించారు. ఎన్నికల కోడ్‌తో నిలిచిపోయిన రైతు బంధు చెక్కుల పంపిణీ తక్షణమే పంపిణీ చేయాలని..స్థానిక ఎన్నికల కోడ్ రాకముందే చెక్కుల పంపిణీ చేయాలని సీఎం కేసీఆర్ ఆదేశించారు. మూడు నెలలుగా ఎన్నికల కోడ్ ఉండడంతో రైతు బంధు చెక్కుల పంపిణీలో సమస్యలు ఏర్పడ్డాయి. తొలి విడతలో వివిధ కారణాల వల్ల రాని వారు రెండో విడతలో చెక్కులను పంపిణీ చేయాలని ప్రభుత్వం నిర్ణయం తీసుకుంది. ఈ నిర్ణయాన్ని ఈసీ తిరస్కరించింది. కొత్తగా 3 లక్షల మంది రైతులకు రైతు బంధు పథకం కింద పెట్టుబడిగా రూ. 250 కోట్లను జమ చేయనున్నట్లు అధికారులు వెల్లడించారు. వీరంతా ఖరీఫ్ అర్హత పొందలేదు. కొందరికి పట్టాదారు పాసు పుస్తకాలు రాకపోవడం...ఇతరత్రా వివాదాలు నెలకొనడంతో అవరోధం ఏర్పడింది. వాటిని సరిదిద్ది రబీలో అర్హులుగా మార్చినా...ఈసీ నిర్ణయంతో చెక్కుల పంపిణీ జరగలేదు. 
రబీలో 50 లక్షల మంది రైతులు...
రబీలో ఇప్పటి వరకు 50 లక్షల మంది రైతులకు రూ. 4వేల 724 కోట్లను పంపిణీ చేశారు. వీరికి అదనంగా మరో 3 లక్షల మంది రైతులకు కూడా చెక్కులు ఇవ్వనున్నారు. రైతు పథకంతో ఏడాదికి రూ. 15వేల కోట్ల ఖర్చవుతుందని అంచనా. బ్యాంకుల్లో చెక్కులు అలానే ఉండిపోయాయి. వీటిని గడువు తేదీ పెంచి వినియోగించుకోవాలని వ్యవసాయ శాఖ భావించింది. వచ్చే ఖరీఫ్ నుండి ఎకరాకు రూ. 5వేలు ఇవ్వాలని నిర్ణయించిన సంగతి తెలిసిందే. దీనితో చెక్కుల విషయంలో సమస్యలు ఏర్పడ్డాయి. రూ. 4వేలకు చెక్కులు ఇచ్చి..వెయ్యి రూపాయల నగదును వారి వారి బ్యాంకు ఖాతాలో వేయాలని అధికారులు ఆలోచిస్తున్నారు. 

18:14 - December 16, 2018

హైదరాబాద్ : పెథాయ్ తుపాన్ దూసుకొస్తోంది. ప్రధానంగా ఏపీ రాష్ట్రంపై పెను ప్రభావం పడనుంది. ఈ నేపథ్యంలో ఏడు జిల్లాలను హై అలర్ట్‌గా ప్రభుత్వం ప్రకటించింది. తూర్పు గోదావరి, పశ్చిమ గోదావరి, విశాఖపట్టణం, కృష్ణా, గుంటూరు, శ్రీకాకుళం, విజయనగరాలను అలెర్ట్‌గా ప్రకటించారు. కాకినాడ సమీపంలో తుపాన్ తీరం దాటనుంది. డిసెంబర్ 17వ తేదీన తీరం దాటే సమయంలో అతి భారీ వర్షాలు పడే అవకాశం ఉందని వాతావరణ శాఖ అంచనా వేస్తోంది. 
ఇదిలా ఉంటే తెలంగాణ రాష్ట్రంపై కూడా ప్రభావం చూపనుందని వాతావరణ శాఖ అంచనా వేస్తోంది. హైదరాబాద్‌తో పాటు ఖమ్మం, నల్గొండ, వరంగల్ ఇతర జిల్లాల్లో అతి నుండి భారీ వర్షాలు కురుస్తాయని అధికారులు అంచనా వేస్తున్నారు. తీరం దాటే సమయంలో ఈ పరిస్థితి ఉండే అవకాశం ఉందని పేర్కొంటున్నారు. 

  • పెను తుపాన్‌గా మారిన పెథాయ్ తుపాన్...
  • కృష్ణా జిల్లా వ్యాప్తంగా డిసెంబర్ 17న స్కూళ్లకు..కాలేజీలకు సెలవులు...
  • ఉత్తర వాయువ్య దిశగా కదులుతున్న పెథాయ్ తుపాన్...
  • 24గంటల్లో తీర ప్రాంతాల్లో ఉన్న జిల్లాల్లో భారీ వర్షాలు...
  • సముద్రం అల్లకల్లోలంగా ఉంటుంది. మత్స్యకార్మికులకు హెచ్చరికలు...
  • సహాయక చర్యలు చేపట్టిన ఏపీ ప్రభుత్వం...

 

14:24 - December 16, 2018

హైదరాబాద్ : తెలంగాణ అసెంబ్లీ ముందస్తు ఎన్నికల్లో టీఆర్ఎస్ విజయం సాధించి మళ్లీ అధికారాన్ని చేజిక్కుంది. తెలంగాణ ముఖ్యమంత్రిగా రెండోసారి కేసీఆర్ ప్రమాణ స్వీకారం చేశారు. హోమంత్రిగా మహమూద్ అలీ ప్రమాణ స్వీకారం చేశారు. డిసెంబర్ 12న రాజ్ భవన్ లో కేసీఆర్, మహమూద్ అలీ ప్రమాణస్వీకారోత్సవం జరిగింది. ఆ రోజు ముహూర్తం బాగుండటంతో ఇద్దరూ ప్రమాణ స్వీకారం చేశారు. అయితే సమయం తక్కువగా ఉండటంతో ఆ రోజు కేబినెట్ కూర్పు జరుగలేదు. ఇప్పుడు తెలంగాణ కేబినెట్ పై ఉత్కంఠ కొనసాగుతోంది. కేబినెట్ లోకి ఎవరెవరిని తీసుకుంటారోనని సర్వత్రా ఆసక్తి నెలకొంది. 
మంత్రి పదవుల కూర్పుపై కసరత్తు.. 
మంత్రి పదవుల కూర్పుపై కసరత్తు కొనసాగుతోంది. రేపు కేబినెట్ విస్తరణ లేనట్లేనని తెలుస్తోంది. మంగళవారం సీఎం కేసీఆర్ కాళేశ్వరం పర్యటనకు వెళ్లనుండటంతో ఎల్లుండి కూడా లేనట్లే తెలుస్తోంది. బుధ లేదా గురువారం మంత్రి వర్గాన్ని ప్రకటించే అవకాశం ఉంది. ఇప్పుడున్న ఎమ్మెల్యేల సంఖ్యా బలాన్ని బట్టి 16 మందికి మంత్రి పదువులు ఇచ్చే అవకాశం ఉంది. ఈసారి 10 మందిని కేబినెల్ లోకి తీసుకునే అవకాశం ఉంది. పార్లమెంట్ ఎన్నికల నాటికి మరో ఆరుగురికి బెర్తులు ఖాయం చేయనున్నారు. అయితే మంత్రివర్గంలోకి ఎవరిని తీసుకుంటున్నారన్న సమచారం తెలియరాలేదు. 
కేబినెట్ లో కేటీఆర్ చేరికపై సస్పెన్స్.. 
స్పీకర్ గా పోచారం శ్రీనివాస్ రెడ్డి, ఈటల రాజేందర్, పద్మా దేవేందర్ రెడ్డి, కొప్పుల ఈశ్వర్, రెడ్యా నాయక్ పేర్లను పరిశీలిస్తున్నట్లు తెలుస్తోంది. స్పీకర్ పదవిపై ఈటల, పోచారం ఆసక్తి చూపడం లేదని సమాచారం. కేబినెట్ లో కేటీఆర్ చేరికపై సస్పెన్స్ కొనసాగుతోంది. వచ్చే ఆర్నెళ్లపాటు పూర్తిగా పార్టీపైనే దృష్టి పెట్టే యోచనలో కేటీఆర్ ఉన్నారు.
ప్రతి ఉమ్మడి జిల్లా నుంచి ఒకరికి ఛాన్స్.. 
ప్రతి ఉమ్మడి జిల్లా నుంచి ఒకరికి ఛాన్స్ ఇవ్వనున్నట్లు కనిపిస్తోంది. కరీంనగర్ నుంచి ఈటెల రాజేందర్, కొప్పుల ఈశ్వర్ లకు ఛాన్స్ ఇవ్వనున్నారు. స్పీకర్ లేదా మంత్రి పదువులు గ్యారెంటీగా ఇవ్వనున్నారు. వరంగల్ నుంచి ఎర్రబెల్లి దయాకర్ రావు, రెడ్యా నాయక్ లకు అవకాశం ఇవ్వనున్నారు. కడియం శ్రీహరిని లోక్ సభకు పంపే యోచనలో కేసీఆర్ ఉన్నట్లు తెలుస్తోంది. కేబినెట్ రేసులో వినయ్ భాస్కర్ ఉన్నట్లు సమాచారం. నిజామాబాద్ నుంచి పోచారం, ప్రశాంత్ రెడ్డిలకు బెర్త్ ఖాయం అయినట్లు తెలుస్తోంది. ఆదిలాబాద్ జిల్లా నుంచి జోగు రామన్న, ఇంద్రకరణ్ లో ఒకరికే ఛాన్స్ ఇవ్వనున్నారు. బాల్క సుమన్ ను చీఫ్ విప్ గా నియమించే అవకాశం ఉంది. మెదక్ నుంచి హరీష్ రావు, పద్మా దేవేందర్ కు ఛాన్స్ ఇవ్వనున్నట్లు తెలుస్తోంది. ఖమ్మం నుంచి పువ్వాడ అజయ్ కు అవకాశం రానుంది. నల్గొండ నుంచి గుత్తా సుఖేందర్ రెడ్డికి ఛాన్స్ ఇవ్వనున్నారు. జగదీశ్ రెడ్డి, పల్లా రాజేశ్వర్ రెడ్డిలు కేబినెట్ రేసులో ఉన్నారు. మహబూబ్ నగర్ నుంచి నిరంజన్ రెడ్డికి ఛాన్స్ ఇవ్వనున్నారు. రంగారెడ్డి నుంచి పట్నం నరేందర్ రెడ్డికి ఛాన్స్ రానుంది. గ్రేటర్ నుంచి తలసాని శ్రీనివాస్ యాదవ్, దానం నాగేందర్, పద్మారావు, కేపీ వివేకానందకు అవకాశం ఇచ్చే ఛాన్స్ ఉంది. 

 

13:23 - December 16, 2018

హైదరాబాద్ : ఎన్నికల్లో ఓటమికి కారణం ప్రజలు ఆదరించలేదని, ఎదుటిపక్షం బాగా డబ్బులు పంచారని.. లేదంటే రిగ్గింగ్ జరిగిందని, సరైనా ప్రచారం చేయలేదని, సరైన అభ్యర్థిని నిలబెట్టలేదని అనూమానాలు వ్యక్తం చేస్తుంటారు. కానీ ఎన్నికలో ఓటమికి బీజేపీ సరికొత్త భాష్యం చెప్పింది. వాస్తు దోషం వల్లే ఎన్నికల్లో ఓడిపోయామని ఆ పార్టీ నేతలు అంటున్నారు. వాస్తు దోషంతో నిర్మిస్తున్న బాత్ రూమ్ లే బీజేపీ కొంపముంచాయని ఇటీవల నిర్వహించిన సమీక్ష సమావేశంలో బీజేపీ నేతలు అభిప్రాయానికొచ్చారు. బీజేపీ రాష్ట్ర కార్యాలయాన్ని ఇటీవలే ఆధుణీకరించారు. టెర్రస్ పైన నాలుగు బాత్ రూమ్ లు నిర్మించేందుకు ఏర్పాట్లు చేస్తున్నారు. ఇప్పుడివే బీజేపీ పాలిట శాపంగా మరాయంటున్నారు. అందువల్లే నలుగురు పార్టీ సిట్టింగ్ అభ్యర్థులు ఓడిపోయారని అంటున్నారు. ఈమేరకు బీజేపీ సీరియర్ నేత, వాస్తు నిపుణులు రాజారావు టెన్ టివితో ప్రత్యేకంగా మాట్లాడారు. వాస్తుదోషంతో నిర్మిస్తున్న బాత్ రూమ్ లే బీజేపీకి శాపమన్నారు. వాస్తుదోషంతో పార్టీ సిట్టింగ్ అభ్యర్థులు ఓడిపోయారని తెలిపారు. భవనానికి రెండు వైపులా వీధి పోట్లు ఉండటం దోషమే అని తెలిపారు. వాస్తుదోషం జాతీయ నేతలపైనా ప్రభావం చూపుతుందన్నారు. 

 

12:31 - December 15, 2018

హైదరాబాద్ : తెలంగాణలో అసెంబ్లీ ఎన్నికలు ముగిశాయి. ఇక పంచాయతీ ఎన్నికల నగారా మోగనుంది. పంచాయతీ ఎన్నికలకు ప్రభుత్వం కసరత్తు చేస్తోంది. వచ్చే ఏడాది ఎన్నికలు నిర్వహించాలని సర్కార్ ప్లాన్ చేస్తోంది. మూడు విడతల్లో ఎన్నికలు నిర్వహించాలని భావిస్తోంది. ఈ ఎన్నికలను జనవరి పదో తేదీ లోపు ముగించాలని హైకోర్టు ఆదేశించింది. దీంతో 3, 6, 8 తేదీల్లో ఎన్నికలు నిర్వహించాలని ప్రభుత్వం యోచిస్తోంది. ఎన్నికలకు ముందే 60 శాతం రిజర్వేషన్లపై కోర్టును ఆశ్రయించాలని ప్రభుత్వం భావిస్తోంది.
రిజర్వేషన్ల అంశం కొలిక్కిరాలేదు...
పంచాయతీ ఎన్నికలకు తేదీలను ప్రతిపాదిస్తున్నప్పటికీ రిజర్వేషన్ల అంశం కొలిక్కిరాలేదు. ఎస్సీ, ఎస్టీ, బీసీలకు కలిపి రిజర్వేషన్లు 50 శాతం మించరాదంటూ సుప్రీంకోర్టు తీర్పు చెప్పింది. దీంతో గతంలో మధ్యంతర ఉత్తర్వులు ఇచ్చిన హైకోర్టుకే వెళ్తామని తెలంగాణ సర్కార్ స్పష్టం చేసింది. రిజర్వేషన్లు 60.19 శాతం కొనసాగించేందుకు పున:పరిశీలించాలని హైకోర్టులో పిటిషన్ దాఖలు చేసే అవకాశాలు ఉన్నాయి. 

 

Pages

Don't Miss

Subscribe to RSS - తెలంగాణ