తెలుగు రాష్ట్రాలు

20:42 - February 6, 2018

రైల్వే బడ్జెట్ లో తెలుగు రాష్ట్రాలకు జరిగిన న్యాయమెంత ? తెలుగు రాష్ట్రాలకు కొత్తగా వచ్చిన ప్రాజెక్టులు ఏంటీ ? వైజాగ్ రైల్వే జోన్ పరిస్థితి ఏంటీ ? తదితర విషయాలపై టెన్ టివి చర్చను చేపట్టింది. ఈ చర్చలో కుమార్ (సౌత్ సెంట్రల్ రైల్వేస్ మజ్దూర్ యూనియన్ డివిజన్ కార్యదర్శి) పాల్గొని విశ్లేషించారు. పూర్తి వివరాలకు వీడియో క్లిక్ చేయండి. 

07:38 - February 2, 2018

కేంద్ర బడ్జెట్‌ రాష్ట్ర ప్రజలను నిరాశపరిచిందంటున్నారు అన్ని పక్షాల నేతలు. ఈ బడ్జెట్‌లో తెలుగు రాష్ట్రాలకు ఎంతో కొంతమేర అయినా న్యాయం జరుగుతుందని ఆశించిన ప్రభుత్వాలకు నిరాశే ఎదురైంది. అయితే.. 2019 ఎన్నికలు సమీపిస్తున్న తరుణంలో తెలుగు రాష్ట్రాలకు కేంద్రం మొండి చేయి ఇచ్చింది. ఈ అంశంపై టెన్ టివిలో జరిగిన చర్చా కార్యక్రమంలో వీరయ్య (విశ్లేషకులు), నరేష్ (బిజెపి) పాల్గొని అభిప్రాయం వ్యక్తం చేశారు. పూర్తి వివరాలకు వీడియో క్లిక్ చేయండి. 

22:00 - February 1, 2018

హైదరాబాద్ : కేంద్ర రైల్వే బడ్జెట్‌... తెలుగు రాష్ట్రాలకు తీవ్ర నిరాశను మిగిల్చింది.  అరకొర కేటాయింపులతో... మమ అనిపించేశారు.  విశాఖ రైల్వే జోన్‌కు మోక్షం లభించలేదు. ప్లాట్‌ఫామ్‌ల వృద్ధి.. స్టేషన్‌ల అభివృద్ధి.. అంటూ అరకొర హామీలిచ్చారు. ఈ ఏప్రిల్‌లో ఎన్నికలను ఎదుర్కోబోతున్న కర్నాటక రాజధాని బెంగళూరులోని మెట్రోకు 17వేల కోట్లు కేటాయించిన కేంద్రం.. తెలుగు రాష్ట్రాల మెట్రోల ఊసే ఎత్తలేదు. మొత్తమ్మీద, రైల్వే బడ్జెట్‌ తెలుగు ప్రజల్లో తీవ్ర ఆగ్రహాన్ని రగిలించింది. 

కేంద్రం ప్రవేశపెట్టిన రైల్వే బడ్జెట్‌ .. ఏపీ, తెలంగాణ ఆశలపై నీళ్లు జల్లింది. లక్షా 48 వేల 515 కోట్ల రూపాయలతో ప్రతిపాదించిన రైల్వే బడ్జెట్‌లో.. తెలుగు రాష్ట్రాలకు ఒరిగిందేమి లేదు. చాలీచాలని నిధులు కేటాయించి.. కేంద్రం తెలుగు ప్రజలకు... నిరుత్సాహాన్ని మిగిల్చింది. విశాఖ రైల్వే జోన్ గురించి.. బడ్జెట్‌లో అసలు ప్రస్తావించలేదు. ఏపీ ప్రజల ప్రధాన డిమాండైన  విశాఖ రైల్వే జోన్‌ గురించి.. కేంద్రం నుంచి ఏ విధమైన స్పందన రాకపోవడంతో.. విపక్షాలు మండిపడుతున్నాయి. కేంద్రం తీరును నిరసిస్తూ.. వైసీపీ విశాఖలో ఆందోళనకు దిగింది. లాభదాయకం కాకపోవడం వల్లే.. కేంద్రం మొండిచేయి చూపిందని.. ఆరోపిస్తున్నాయి.  

ఇక రైల్వేలైన్ల పునరుద్ధరణ, రైల్వే స్టేషన్‌ల అభివృద్ధిలో భాగంగా.. ఏపీ తెలంగాణాలకు  అరకొర నిధులు కేటాయింపే జరిగింది.  విజయనగరం, సబల్‌పూర్‌ మూడో రైల్వే లైన్‌  కోసం 90 కోట్లు, కాజీపేట-విజయవాడ మూడో రైల్వే లైన్‌కు వంద కోట్లు, నల్లపాడు-గుంతకల్‌ లైన్‌కు 150 కోట్లు, కోటిపల్లి-నర్సాపూర్‌ కొత్త రైల్వే లైన్‌కు 430 కోట్లు, నడికుడి-శ్రీకాళహస్తి కొత్త రైల్వే లైన్‌కు 340 కోట్లను కేటాయించారు. 

రైల్వే స్టేషన్ల ఆధునికీకరణలో భాగంగా.. కడప, తిరుపతి, మచిలీ పట్నం, మార్కాపూర్‌ , విజయవాడ, విశాఖ స్టేషన్లను అభివృద్ధి చేయనున్నట్లు రైల్వే బడ్జెట్‌లో ప్రతిపాదించారు. రాయనపాడు, గుంతకల్‌, పలాస, ఎస్‌. కోట, అరకు, బొర్ర గుహల  ప్లాట్‌ఫామ్‌లను విస్తరించనున్నారు.  రాజమండ్రి, తునిలో ఫుట్‌ ఓవర్‌ బ్రిడ్జ్‌లు నిర్మించనున్నారు. వినుకొండ, మంత్రాలయం, ఆదోని, విశాఖ, దువ్వాడ, బొబ్బిలి, పార్వతీపురం, గుంటూరు, మంత్రాలయం రోడ్డు, దొనకొండ, ఒంగోలు, రాజమండ్రి, మార్కాపూర్‌ రోడ్డు రైల్వే స్టేషన్లను ఆదర్శ రైల్వే స్టేషన్‌లుగా తీర్చిదిద్దనున్నారు. ఇవి కాకుండా .. సికింద్రాబాద్‌-విశాఖల మధ్య వీక్లి ఎక్స్‌ ప్రెస్‌, మరో ఇంటర్‌ సిటి వేయనున్నారు. 

అరకొర హామీలతో తెలుగు రాష్ట్రాలకు మొండి చేయి చూపిన రైల్వే బడ్జెట్‌పై సర్వత్రా విమర్శలు వ్యక్తమవుతున్నాయి. చెప్పుకోదగ్గట్టుగా.. ఏపీ, తెలంగాణాలకు రైల్వే బడ్జెట్‌లో.. కేటాయింపులు జరగలేదని.. రాజకీయ ప్రముఖులు భావిస్తున్నారు. ఈ మేరకు కేంద్రంపై ఒత్తిడి తేవాల్సిన అవసరం ఉందని అభిప్రాయపడుతున్నారు.  

21:52 - February 1, 2018

హైదరాబాద్ : ఆర్థిక మంత్రి అరుణ్‌ జైట్లీ ప్రవేశపెట్టిన కేంద్ర బడ్జెట్‌పై తెలుగు రాష్ట్రాలు అసంతృప్తి వ్యక్తం చేస్తున్నాయి. గంపెడాశలు పెట్టుకున్న తమను నిరాశపర్చడంతో కేంద్రంపై టీడీపీ ఎంపీలు తీవ్ర ఆగ్రహం వ్యక్తం చేస్తున్నారు. బడ్జెట్‌పై ఎంపీలతో టెలీకాన్ఫరెన్స్‌ నిర్వహించిన చంద్రబాబు... నిధుల కోసం కేంద్రంతో గట్టిగా పోరాడాలని ఆదేశించినట్లు సమాచారం. 
ప్రజలకు నిరాశ
కేంద్ర ఆర్థికమంత్రి అరుణ్‌జైట్లీ ప్రవేశపెట్టిన బడ్జెట్‌తో ఆంధ్రప్రదేశ్‌, తెలంగాణ రాష్ట్రాలకు పెద్దగా ఒరిగిందేమీ లేదంటున్నారు రాజకీయ నేతలు, ఆర్థికశాస్త్ర నిపుణులు. 2019 సార్వత్రిక ఎన్నికలకు ముందు చివరి పూర్తిస్థాయి బడ్జెట్‌ కావడంతో... మేలు జరుగుతుందని ఇరు రాష్ట్రాల ప్రభుత్వాలు ఆశించాయి. కానీ... బడ్జెట్‌ కేటాయింపులు చూసిన తర్వాత అన్ని పార్టీల నేతలు, అన్ని వర్గాల ప్రజలు నిరాశకు గురయ్యారు. 
ఏపీలో కేంద్రీయ విశ్వవిద్యాలయానికి 10 కోట్లు 
తాజా బడ్జెట్‌లో ఆంధ్రప్రదేశ్‌లో కేంద్రీయ విశ్వవిద్యాలయానికి 10 కోట్లు కేటాయించారు. అలాగే.. గిరిజన విశ్వవిద్యాలయానికి 10 కోట్లు, NITకి 54 కోట్లు, IITకి 50 కోట్లు, ట్రిపుల్‌ ఐటీకి 30 కోట్లు, IIMకు 42 కోట్లు, IISCRకు 49 కోట్లు, విశాఖ ఎయిర్‌పోర్ట్‌కు 108 కోట్లు, ఇండియన్‌ ఇనిస్టిట్యూట్‌ ఆఫ్‌ పెట్రోలియం అండ్‌ ఎనర్జీకి 32 కోట్లు, డ్రెడ్జింగ్‌ కార్పొరేషన్‌కు 19.62 కోట్ల రూపాయలు మాత్రమే కేటాయించారు. అలాగే తెలంగాణలో హైదరాబాద్‌ ఐఐటీకి 75 కోట్లు, తెలంగాణ గిరిజన విశ్వవిద్యాలయానికి 10 కోట్లు మాత్రమే కేటాయించారు. 
బడ్జెట్‌ నిరాశపరిచిందంటున్న అన్ని పక్షాల నేతలు
అయితే.. కేంద్ర బడ్జెట్‌ రాష్ట్ర ప్రజలను నిరాశపరిచిందంటున్నారు అన్ని పక్షాల నేతలు. ఏపీ రాజధాని నిర్మాణానికి నిధులు, ఆర్థిక సంఘం నిధులు, ద్రవ్యలోటును భర్తీ చేసేందుకు సాయం, పారిశ్రామిక ప్రోత్సహకాలు, రైల్వేజోన్‌ ప్రకటన.. ఇలా పలు హమీలకు బడ్జెట్‌లో నిధులు కేటాయిస్తారని ఊహించగా... వాటి ఊసే ఎత్తలేదంటున్నారు. ఇక విభజన హామీలకు బడ్జెట్‌లో మోక్షం లభిస్తుందన్న ఆశలకు కూడా గండిపడిందంటున్నారు. పోలవరం ప్రాజెక్టు స్థితిగతులు.. నిర్మాణానికి నిధుల ఊతంపై బడ్జెట్‌లో భరోసా కల్పిస్తారన్న అంచనాలను కూడా కేంద్రం విస్మరించిందంటున్నారు. మొత్తానికి కేంద్రం బడ్జెట్‌ నిరాశపర్చిందంటున్నారు టీడీపీ ఎంపీలు. నిధులు కేటాయించకపోవడంతో... గత నాలుగేళ్లుగా అనేక ప్రాజెక్టులు నిలిచిపోయాయన్నారు. మిత్రపక్షం కావడంతో మరోసారి కేంద్రంతో చర్చిస్తామన్నారు. అలాగే.. కేంద్రంపై ఒత్తిడి తీసుకువచ్చేందుకు అనేక విధాలుగా కృషి చేస్తామన్నారు. 
బడ్జెట్‌పై ఆదివారం చంద్రబాబుతో జరిగే సమావేశంలో చర్చించి.. భవిష్యత్‌ కార్యాచరణ రూపొందిస్తామన్నారు. మరోవైపు చంద్రబాబు బడ్జెట్‌పై ఎంపీలతో చర్చించారు. న్యాయపరంగా రాష్ట్రానికి రావాల్సిన నిధులపై కేంద్రంతో గట్టిగా పోరాడాలని సూచించినట్లు సమాచారం. 
బడ్జెట్‌పై ఎంపీ హరిబాబు సంతృప్తి 
ఇదిలావుంటే... కేంద్ర బడ్జెట్‌పై బీజేపీ ఎంపీ హరిబాబు సంతృప్తి వ్యక్తం చేశారు. పునర్విభజన చట్టంలో ఇచ్చిన రెండు హామీలకు బడ్జెట్‌లో కేటాయింపులు జరిగాయన్నారు. విశాఖ రైల్వేజోన్‌పై ఏర్పాటు చేసిన అధికారుల కమిటీ... సానుకూల నివేదిక ఇవ్వలేదని అయినా ఏర్పాటు చేసేందుకు కేంద్రం యోచిస్తుందన్నారు. ఈ మేరకు కేంద్రంపై ఒత్తిడి తీసుకువస్తామన్నారు హరిబాబు. 
తెలుగు రాష్ట్రాలకు మొండి చేయి
ఇక తెలంగాణలో ప్రాణహిత చేవెళ్లను జాతీయ ప్రాజెక్టుగా గుర్తించాలని, బయ్యారం ఉక్కు కర్మాగారం, కాజీపేట రైల్వే కోచ్‌ ఫ్యాక్టరీ, ఎయిమ్స్‌ హామీలు ఆచరణకునోచుకుంటాయనుకున్నా.. బడ్జెట్‌లో ఎలాంటి కేటాయింపులు చేయలేదు. అలాగే మిషన్‌ భగీరథ, మిషన్‌ కాకతీయకు నిధుల కేటాయింపుపైనా చాలా కాలంగా తెలంగాణ ప్రభుత్వం కేంద్రాన్నికోరుతూ వస్తున్నా బడ్జెట్‌లో ఆ దిశగా ఎలాంటి చర్యలూ లేకపోవడంతో ప్రజల్లో నిరాశ నెలకొంది. మొత్తానికి ఈ బడ్జెట్‌లో తెలుగు రాష్ట్రాలకు ఎంతో కొంతమేర అయినా న్యాయం జరుగుతుందని ఆశించిన ప్రభుత్వాలకు నిరాశే ఎదురైంది. అయితే.. 2019 ఎన్నికలు సమీపిస్తున్న తరుణంలో తెలుగు రాష్ట్రాలకు కేంద్రం మొండి చేయి ఇవ్వడంతో... ఆంధ్రప్రదేశ్‌, తెలంగాణ రాష్ట్ర ప్రభుత్వాలు ఎలా వ్యవహరిస్తాయో వేచి చూడాలి! 

 

16:47 - February 1, 2018

ఢిల్లీ : కేంద్ర బడ్జెట్‌తో తెలుగు రాష్ట్రాలకు పెద్దగా ఒరిగిందేమీ లేదంటున్నారు రాజకీయ, ఆర్ధిక నిపుణులు. ఏపీ, తెలంగాణకు ఆశించిన మేర కేటాయింపులు జరగలేదన్నారు. తాజా బడ్జెట్‌లో ఏపీలో కేంద్రీయ విశ్వవిద్యాలయానికి 10 కోట్లు, గిరిజన విశ్వవిద్యాలయానికి 10 కోట్లు, ఎన్ ఐటీకి 54 కోట్లు, ఐఐటీకి 50 కోట్లు, ట్రిపుల్‌ ఐటీకి 30 కోట్లు, ఐఐఎమ్ కు 42 కోట్లు, ఐఐఎస్ సీఆర్ కు 49 కోట్లు, విశాఖ ఎయిర్‌పోర్ట్‌కు 108 కోట్లు, ఇండియన్‌ ఇనిస్టిట్యూట్‌ ఆఫ్‌ పెట్రోలియం అండ్‌ ఎనర్జీకి 32 కోట్లు, డ్రెడ్జింగ్‌ కార్పొరేషన్‌కు 19.62 కోట్ల రూపాయలు మాత్రమే కేటాయించారు. అలాగే తెలంగాణలో హైదరాబాద్‌ ఐఐటీకి 75 కోట్లు, తెలంగాణ గిరిజన విశ్వవిద్యాలయానికి 10 కోట్లు మాత్రమే కేటాయించారు. అయితే.. కేంద్ర బడ్జెట్‌ రాష్ట్ర ప్రజలను నిరాశపరిచిందంటున్నారు ప్రతిపక్ష నేతలు. ఏపీ రాజధాని నిర్మాణానికి నిధులు, ఆర్థిక సంఘం నిధులు, ద్రవ్యలోటును భర్తీ చేసేందుకు సాయం, పారిశ్రామిక ప్రోత్సహకాలు, రైల్వేజోన్‌ ప్రకటన.. ఇలా పలు హమీలపై బడ్జెట్‌ సాయాన్ని ఆశించగా వాటి ఊసే లేదన్నారు. విభజన హమీలకు బడ్జెట్‌లో మోక్షం లభిస్తుందన్న ఆశలకు గండిపడిందన్నారు. పోలవరం ప్రాజెక్టు స్థితిగతులు.. నిర్మాణానికి నిధుల ఊతంపై బడ్జెట్‌లో భరోసా కల్పిస్తారన్న అంచనాలను కూడా కేంద్రం విస్మరించిందన్నారు. ఇక తెలంగాణలో ప్రాణహిత-చేవెళ్లను జాతీయ ప్రాజెక్టుగా గుర్తించాలని, బయ్యారం ఉక్కు కర్మాగారం, కాజీపేట రైల్వే కోచ్‌ ఫ్యాక్టరీ, ఎయిమ్స్‌ హామీలు ఆచరణకు నోచుకుంటాయనుకున్నా... ఆశలు ఫలించలేదు. అలాగే మిషన్‌ భగీరథ, మిషన్‌ కాకతీయకు నిధుల కేటాయింపుపైనా చాలా కాలంగా తెలంగాణ ప్రభుత్వం కేంద్రాన్నికోరుతూ వస్తున్నా బడ్జెట్‌లో ఆ దిశగా ఎలాంటి చర్యలూ లేకపోవడంతో ప్రజల్లో నిరాశ నెలకొంది. 

 

06:40 - January 31, 2018

హైదరాబాద్ : రేపు రైల్వే బడ్జెట్‌ కూతపెట్టనుంది. ఈ బడ్జెట్‌లోనైనా ఏపీకి కేంద్రం ఇచ్చిన హామీలు నెరవేరుతాయా? విజయవాడ రైల్వే డివిజన్‌ నుంచి వచ్చే ఆదాయాన్నైనా దృష్టిలో ఉంచుకుని కేటాయింపులు జరుపుతారా? లేక గతంలోలాగా.. మొండిచెయ్యే చూపుతారా? రైల్వే బడ్జెట్‌పై ఏపీ ప్రజలు పెట్టుకున్న ఆశలు నెరవేరుతాయా? దేశవ్యాప్తంగా 13 లక్షల మందికిపైగా ఉపాధి కల్పిస్తున్న అతిపెద్ద ప్రభుత్వ రంగసంస్థ ఇండియన్‌ రైల్వేస్‌.. ఇది అంచెలంచెలుగా ఎదుగుతూ ప్రజలకు సేవలందించడంలో ముందువరుసలో ఉంది. ఇంత ప్రతిష్టాత్మకమైన ఇండియన్‌ రైల్వే బడ్జెట్‌ను రేపు ప్రవేశపెట్టపోతున్నారు. మరి ఈ బడ్జెట్‌లోనైనా ఏపీకి న్యాయం జరుగుతుందా అన్నది సర్వత్రా ఆసక్తి రేపుతోంది. విజయవాడ రైల్వే డివిజన్‌కు మరిన్ని సదుపాయాలు, అభివృద్ధి, నూతన లైన్లు, డబ్లింగ్‌, విద్యుద్దీకరణ పనులు, రైల్‌నీర్‌ ప్రాజెక్ట్‌ కోసం ప్రజలు ఆశగా ఎదురు చూస్తున్నారు.

విజయవాడ నుంచి నాగపట్నానికి రైలు నడపాలనే డిమాండ్ దశాబ్దకాలంగా పెండింగ్ లో ఉంది. క్రైస్తవుల సౌకర్యార్థం ఇక్కడి నుంచి కొత్త రైలు నడపాలని రైల్వే ప్రయాణికులు కోరుతున్నారు. శాటిలైట్ స్టేషన్ల ఏర్పాటు, కొత్తరైళ్లు మంజూరుపై కేంద్రం కరుణించాలని ప్రయాణికులు కోరుతున్నారు. విజయవాడ-అమరావతి-గుంటూరు మధ్య కొత్త రైలు మార్గం ఏర్పాటు, మచిలీపట్నం, విజయవాడ నుంచి ముంబాయి, అహ్మదాబాద్, బెంగళూరు ప్రాంతాలకు కొత్త రైళ్లు ఉంటాయా లేదా అన్నది ఆసక్తి రేపుతోంది. విజయవాడ రైల్వేస్టేషన్ కు రోజూ 350కుపైగా రైళ్లు రాకపోకలు సాగిస్తున్నాయి. నిత్యం సుమారు 2 లక్షల మంది ప్రయాణాలు సాగిస్తున్నారు. దీంతో విజయవాడ స్టేషన్ పై ఒత్తిడి, ప్రయాణికుల తాకిడి తగ్గించేందుకు గుణదల, కొండపల్లి, కృష్ణా కెనాల్ రైల్వే స్టేషన్లను శాటిలైట్ స్టేషన్లుగా అభివృద్ధి చేయాలని దక్షిణ మధ్య రైల్వే భావిస్తోంది. దీన్ని బడ్జెట్ లో చేర్చాలని ప్రజలు కోరుతున్నారు. మచిలీపట్నం-ఒంగోలు మధ్య కొత్త రైలు మార్గాన్ని నిర్మించాలని, మచిలీపట్నం నుంచి విశాఖకు మరో రెండు స్లీపర్ కోచ్‌లు నడపాలన్న డిమాండ్‌ ఉంది. ఈ బడ్జెట్ లోనైనా నిధులు కేటాయించి, విజయవాడ మీదుగా పలు కొత్త రైళ్లను ప్రవేశపెట్టాలని ప్రయాణికులు డిమాండ్ చేస్తున్నారు.

రెండు తెలుగు రాష్ట్రాలపై కేంద్రం కరుణ చూపాలని, ఆదాయపరంగా విజయవాడ, సికింద్రాబాద్, విశాఖపట్నం రైల్వే డివిజన్లు పరిగణలోకి తీసుకోవాలని పలువురు కోరుతున్నారు. ఏపీ, తెలంగాణకు చెందిన ఎంపీలు ఇప్పటికే పలు ప్రతిపాదనలు ఇచ్చారు. తమ పార్లమెంట్ నియోజకవర్గాల్లో నెలకొన్న అనేక సమస్యలను కేంద్రం దృష్టికి తీసుకెళ్లారు. నూతన రైళ్లు, రైల్వేలైన్లు, నిధుల విషయమై పలు కీలక ప్రతిపాదనలు, సూచనలను కేంద్రానికి చేశారు. మరి కేంద్రం రెండు తెలుగు రాష్ట్రాలపై కరుణ చూపిస్తారా లేక... గతంలో మాదిరిగానే ప్రజల ఆశలపై నీళ్లు చల్లుతారా అనేది తేలిపోనుంది.

19:09 - January 27, 2018
11:14 - January 23, 2018

హైదరాబాద్ : త్వరలో ఏపీ-తెలంగాణ మధ్య హైస్పీడ్‌ రైలు వచ్చే అవకాశం కనిపిస్తోంది. ఈ బడ్జెట్‌లో కేంద్రం ప్రకటన చేయనున్నట్లు సమాచారం. ప్రధాన నగరాల మధ్య హైస్పీడ్‌ రైళ్లు ప్రవేశపెడతామన్న బీజేపీ హామీలో భాగంగా ఈ ప్రాజెక్ట్‌కు కసరత్తు చేస్తున్నారు. ఈ ప్రతిపాదనలు పట్టాలెక్కితే ఇరు రాష్ట్రాల్లో గణనీయమైన అభివృద్ధి జరుగుతుందని నిపుణులు అభిప్రాయపడుతున్నారు. 
హైస్పీడ్‌ రైలుతో రాష్ట్రాల రాజధానుల అనుసంధానం 
ఆంధ్రప్రదేశ్‌, తెలంగాణ రాష్ట్రాల రాజధానులను హైస్పీడ్‌ రైలుతో అనుసంధానం చేసేందుకు కేంద్రం కసరత్తు చేస్తోంది. హైదరాబాద్‌-అమరావతి మధ్య బుల్లెట్‌రైలుతో పాటు 8 లైన్ల ఎక్స్‌ప్రెస్‌ హైవేను నిర్మించాలని రెండేళ్ల క్రితమే తెలంగాణ ప్రభుత్వం కేంద్రానికి ప్రతిపాదనలు పంపగా... ఆ దిశగా అడుగులు పడుతున్నాయి. 
జపాన్‌ సహకారంతో బుల్లెట్ రైలు 
దేశంలోని అన్ని ప్రధాన నగరాలకు బుల్లెట్‌ రైలు తరహా హైస్పీడ్‌ రైళ్లు నడుపుతామని బీజేపీ ఎన్నికల్లో హామీ ఇచ్చింది. మోదీ అధికారంలోకి వచ్చిన తర్వాత... ఢిల్లీ ముంబై, అహ్మదాబాద్‌-ముంబై, ముంబై-చెన్నై, ఢిల్లీ-కోల్‌కతా, ఢిల్లీ-నాగ్‌పూర్‌ సెక్షన్లలో హైస్పీడ్‌ రైళ్లను ప్రవేశపెట్టాలని నిర్ణయించారు. గతేడాదిలో అహ్మదాబాద్‌-ముంబై మధ్య బుల్లెట్‌రైలు ప్రాజెక్ట్‌కు జపాన్‌ సహకారంతో నిర్మించేందుకు శ్రీకారం చుట్టారు. 
కోల్‌కతా మధ్య మరో ప్రాజెక్ట్‌ 
ఇక ఇందులో భాగంగానే ఢిల్లీ నుంచి వారణాసి మీదుగా కోల్‌కతా మధ్య మరో ప్రాజెక్ట్‌కు కేంద్రం సిద్దమవుతోంది. దక్షిణాదిలో కూడా బెంగళూరు చెన్నై, చెన్నై-హైదరాబాద్‌ మధ్య హైస్పీడ్‌ రైళ్లు ప్రారంభించాలని కేంద్రం యోచిస్తోంది. ఈ నేపథ్యంలోనే తెలంగాణ ప్రతిపాదన మేరకు రైల్వేశాఖ సహకారంతో రోడ్డు, రవాణా, జాతీయ రహదారుల మంత్రిత్వశాఖ హైదరాబాద్‌-అమరావతి మధ్య బుల్లెట్‌ రైలు నిర్మాణానికి సంబంధించి అధ్యయనం చేస్తోంది. గతేడాది నవంబర్‌లో హైదరాబాద్‌లో మెట్రోరైలును ప్రకటించిన మోదీ... తెలుగు రాష్ట్రాల రాజధానుల మధ్య హైస్పీడ్‌ రైలుపై ప్రకటన చేస్తారని అందరూ ఊహించారు. అయితే... అలాంటిదేమీ లేకపోవడంతో... ఈ బడ్జెట్‌లో ఖచ్చితంగా బుల్లెట్‌ రైలు ప్రస్తావని ఉంటుందని అందరూ ఆశిస్తున్నారు. 
హైదరాబాద్‌ అమరావతి మధ్య హైస్పీడ్‌ రైలు 
హైదరాబాద్‌ అమరావతి మధ్య హైస్పీడ్‌ రైలు, 8 లేన్ల ఎక్స్‌ప్రెస్‌ వే నిర్మాణ ప్రతిపాదనలు కార్యరూపం దాలిస్తే ఎంతో సమయం కలిసివస్తుందని అందరూ భావిస్తున్నారు. సికింద్రాబాద్‌ నుంచి విజయవాడకు బస్సు ద్వారా దాదాపు 6 గంటల సమయం పడుతుండగా... రైలు ద్వారా 5.30 గంటల నుంచి 6.30 గంటల సమయం పడుతుంది. ఈ మార్గంలో హైస్పీడ్‌ రైలు ఏర్పాటు చేస్తే... 270 కిలోమీటర్ల గమ్యాన్ని 40 నుంచి 50 నిమిషాల్లో చేరుకునే అవకాశం ఉంటుందని నిపుణులంటున్నారు. 
రవాణా వ్యవస్థలో విప్లవాత్మక మార్పులు 
ఈ ప్రతిపాదనలు కార్యరూపం దాలిస్తే ఇరు రాష్ట్రాల్లో రవాణా వ్యవస్థలో విప్లవాత్మక మార్పులు వస్తాయని అధికారులు భావిస్తున్నారు. ప్రస్తుతం ఉన్న జాతీయ రహదారి 65ను 8 లేన్లతో ఎక్స్‌ప్రెస్‌ హైవేగా విస్తరించడం, ఇబ్రహీంపట్నం నుంచి కృష్ణానదిపై 8 లేన్లతో వంతెన, హైస్పీడ్‌ రైల్‌ కారిడార్‌లో భాగంగా బుల్లెట్‌ రైలు కోసం మరొక వంతెన నిర్మించి అమరావతితో అనుసంధానం చేయాలని పలువురు డిమాండ్‌ చేస్తున్నారు. ఇదే సమయంలో ప్రయాణికుల సేఫ్టీకి కూడా చర్యలు తీసుకోవాలని సూచిస్తున్నారు. ఇక విజయవాడ, గుంటూరులకు సర్క్యులర్‌ రైళ్లు, మెట్రో రైళ్లను నడిపితే భవిష్యత్‌లో ట్రాఫిక్‌ సమస్యలు చాలా వరకు తగ్గుతాయని నగరవాసులు అభిప్రాయపడుతున్నారు. మొత్తానికి తెలుగు రాష్ట్రాల రాజధానుల మధ్య హైస్పీడ్‌ రైళ్లు ప్రారంభమైతే అతి తక్కువ సమయంలో గమ్యం చేరుకోవచ్చు. ఈ ప్రాజెక్ట్‌ ద్వారా ఇరు రాష్ట్రాలు గణనీయంగా అభివృద్ధి చెందుతాయని పలువురు భావిస్తున్నారు. 

 

11:37 - January 21, 2018
21:08 - January 15, 2018

Pages

Don't Miss

Subscribe to RSS - తెలుగు రాష్ట్రాలు