దాడి

16:51 - September 8, 2018

నాగర్ కర్నూలు : జిల్లాలోని గీతాంజలి కాలేజ్ ప్రిన్సిపల్ రెచ్చిపోయాడు. మనిషిననే సంగతి మరచిపోయాడు. కనీసం ప్రిన్సిపల్ స్థానంలో వున్న విలువల్ని సైతం మరిచిపోయి పశువులా మారిపోయి విచక్షణ మరచి విద్యార్థిని గొడ్డును బాదినట్లుగా బాదాడు. ఇంటర్ విద్యార్థి ఆదిత్యపై తన ప్రతాపాన్ని చూపిన ప్రిన్సిపల్ సురేంద్ర అతన్ని చితకబాదాడు. దీనికి మరో ముగ్గురు నవీన్, లక్ష్మణాచారి, రమేశ్ అనే లెక్చరర్లు ప్రిన్సిపల్ కు సహకారం అందించారు. దీంతో ఆదిత్య పరిస్థితి విషమించటంతో ఆసుపత్రికి తరలించి చికిత్సనందిస్తున్నారు. కాగా హాస్టల్ లో వున్న ఇద్దరు విద్యార్ధుల మధ్య తలెత్తిన వివాదాన్ని తోటి విద్యార్థులు ప్రిన్సిపల్ దృష్టికి తీసుకొచ్చారు. దీంతో ఆదిత్యను పిలిచిన ప్రిన్సిపల్ సురేంద్ర జరిగిన విషయాన్ని విచారించకుండానే ఇష్టమొచ్చినట్లుగా చితకబాదారు. ఈ దారుణానికి మరో ముగ్గురు లెక్చరర్లు సహకరించటంతో తీవ్రంగా గాయపడిన ఆదిత్యను చూసిన తల్లిదండ్రులు తీవ్రంగా ఆగ్రహం వ్యక్తంచేశారు. వారిపై కఠిన చర్యలు తీసుకోవాలని డిమాండ్ చేస్తు వారు పోలీసులకు ఫిర్యాదు చేశారు. కేసు నమోదుచేసుకున్న పోలీసులు దర్యాప్తుచేపట్టారు. 

14:14 - September 5, 2018

కర్నూలు : విద్యార్థుల పట్ల ఉపాధ్యాయులు, లెక్చరర్స్ విచక్షణారహితంగా ప్రవర్తిస్తున్నారు. విద్యార్థుల పట్ల దురుసుగా ప్రవర్తిస్తూ దాడులకు పాల్పడుతున్నారు. అల్లరి చేస్తున్నారని, హోమ్ వర్క్ చేయలేదని, ఫీజులు చెల్లించలేదనే పేరుతో విద్యార్థులను చితకబాదుతున్నారు. ఇలాంటి ఘటన మరొకటి చోటుచేసుకుంది. తాజాగా నారాయణ కళాశాలలో  విద్యార్థిని ఓ లెక్చరర్ తీవ్రంగా కొట్టి గాయపర్చారు.
వివరాల్లోకి వెళితే...
స్థానికంగా ఉన్న నారాయణ కళాశాలలో జిషాన్‌ బాషా అనే విద్యార్థి చదువుతున్నాడు. జిషాన్‌ బాషా అల్లరి చేస్తున్నాడని ప్రసాద్‌ అనే కెమిస్ట్రీ లెక్చరర్‌ ఎగ్జామ్‌ ప్యాడ్‌తో అతనిపై దాడి చేశాడు. దీంతో విద్యార్థి తలకు తీవ్ర గాయాలు అయ్యాయి. తోటి విద్యార్థులు అతన్ని కర్నూలు ప్రభుత్వాసుపత్రికి తరలించారు. కాలేజీపై, లెక్చరర్‌పై చర్యలు తీసుకోవాలని బాషా కుటుంబ సభ్యులు ఆస్పత్రిలో ఆందోళనకు దిగారు. తమకు న్యాయం చేయాలని డిమాండ్‌ చేస్తున్నారు. 

 

18:42 - August 30, 2018

రంగారెడ్డి : పట్టపగలు ఓ వ్యక్తిపై దుండగుడు కత్తితో దాడికి పాల్పడ్డాడు. మైలార్ దేవుపల్లి సీఎస్ పరిధిలోని ఉడంగడ్డలో ఈ ఘటన చోటుచేసుకుంది. ఉడంగడ్డలో ఫర్నీచర్ షాపు యజమానిపై గుర్తు తెలియని వ్యక్తి కత్తితో దాడికి పాల్పడ్డాడు. ఈ దాడిలో షాపు యజమాని కడుపులో కత్తితో దాడి చేయటంతో అతను కేకలు వేయటంతో సదరు దుండగుడు పరారయ్యాడు. ఈ ఘటనలో కత్తి కడుపులో ఇరుక్కుపోయింది. షాపు యజమాని కేకలు వేయటంతో దుండగుడు పరారయ్యాడు. అనంతరం తన ప్రాణాలు కాపాడాలను బాధితుడు పీఎస్ కు పరుగులు తీశాడు. దీంతో కేసు నమోదు చేసుకున్న పోలీసులు బాధితుడిని చికిత్స నిమిత్తం ఆసుపత్రికి తరలించారు. అనంతరం సదరు నిందితుడి కోసం గాలింపు చర్యల్ని ముమ్మరం చేశారు. 

10:27 - August 22, 2018

హైదరాబాద్ : పాతబస్తీలో దారుణం జరిగింది. పరువు హత్యకు పాల్పడ్డారు. ప్రియురాలి కుటుంబ సభ్యులు ప్రియుడిపై దాడి చేయడంతో అతను మృతి చెందారు. గౌలిపురకు చెందిన యువతిని రాజేష్ ప్రేమిస్తున్నాడు. అయితే మాట్లాడుకుందామని రాజేష్ ను పిలిచి యువతి కుటుంబ సభ్యులు అతనిపై దాడి చేశారు. తమ కూతురుని ప్రేమిస్తున్నాడంటూ రాజేష్ పై యువతి కుటుంబ సభ్యులు దాడికి పాల్పడ్డారు. ఛాతీలో తీవ్ర నొప్పి రావడంతో రాజేష్ ను అతని కుటుంబ సభ్యులు ఆస్పత్రిలో చేర్పించారు. చికిత్స పొందుతూ రాజేష్ మృతి చెందారు. యువతి తల్లిదండ్రులు, సోదరులపై మొఘల్ పురా పోలీసులు కేసు నమోదు చేశారు. మరిన్ని వివరాలను వీడియోలో చూద్దాం.. 

 

13:58 - August 21, 2018

ప.గో : ప్రేమించి పెళ్ళికి నిరాకరించిన ప్రియుడిపై ప్రియురాలు దాడి చేసిన ఘటన పశ్చిమ గోదావరి జిల్లా యలమంచిలి మండలం.. ఏనుగువాని లంకలో  జరిగింది.  ఏడేళ్ళుగా ప్రేమిస్తున్నానంటూ నమ్మించిన మురళీ కృష్ణ మరో అమ్మాయితో పెళ్ళికి సిద్ధపడ్డాడు దీంతో.. గత పదిరోజులుగా మేరీమాత  తన ప్రియుడి ఇంటిముందు దీక్షకు దిగింది. బాధితురాలికి కుటుంబ సభ్యులతోపాటు.. మహిళా సంఘాలు, గ్రామస్థులు అండగా నిలిచారు. ఎట్టకేలకు మేరీమాత బంధువులు.. మురళీ కృష్ణను అంతర్వేది లాడ్జీలో  పట్టుకున్నారు. మేరీమాతతోపాటు.. మహిళా సంఘాల వారు మురళీకృష్ణను పట్టుకుని చితక్కొట్టారు. మురళీకృష్ణను శిక్షించి తనకు న్యాయం చేయాలనికోరుతోంది.

19:27 - August 15, 2018

కర్నూలు : జిల్లాలో అటవీశాఖ అధికారిపై వ్యక్తులు దాడి చేశారు. మద్యం మత్తులో వీరంగం చేశారు. అటవీ ప్రాంతంలో మద్యం సేవించడమే కాకుండా.. శ్రీశైలం వెళ్లే భక్తులను ఇబ్బందులకు గురి చేశారు. దీంతో అటవీశాఖ అధికారి స్వరూప్‌సాగర్‌ వారిని అడ్డుకునే ప్రయత్నం చేశాడు. దీంతో రెచ్చిపోయిన వ్యక్తులు... ఎమ్మెల్సీ రంగారెడ్డి కొడుకునే ప్రశ్నిస్తావా అంటూ.. ఆ అధికారిపై దాడి చేశారు. అంతటితో ఆగకుండా తమను ప్రశ్నించినందుకు క్షమించాలంటే కాళ్లు పట్టుకోవాలని డిమాండ్‌ చేశారు. దీంతో ఆ అధికారి కాళ్లపై పడి క్షమాపణలు చెప్పాడు. ఆ తర్వాత ఆ అధికారి పోలీసులకు ఫిర్యాదు చేయడంతో ఐదుగురిని శ్రీశైలం పోలీసులు అదుపులోకి తీసుకుని విచారిస్తున్నారు. మరిన్ని వివరాలను వీడియోలో చూద్దాం...

 

16:44 - August 3, 2018

నెల్లూరు : జిల్లాలోని రాపూరు సోలీస్‌ స్టేషన్‌పై దళితులు చేసిన దాడిపై ఎస్సీ,ఎస్టీ కమిషన్‌ స్పందించింది. కమిషన్‌ సభ్యులు బద్దెపూడి రవీంద్ర ఆధ్వర్యంలో ఘటనపై విచారణ చేపట్టారు. పలువురు దళిత సంఘాలు, ప్రజా సంఘాల నాయకులతో కలిసి స్టేషన్‌కు వెళ్లి, డీఎస్పీ రాంబాబుతో పాటు ఫిర్యాదు దారుడు జోసఫ్‌తో రవీంద్ర మాట్లాడారు. అనంతరం దాడికి జరిగిన కారణాలను అడిగి తెలుసుకున్నారు. 

20:59 - August 2, 2018

ఉద్యోగాల భర్తీ కాడ మంత్రి అవద్దాలు...అవద్దాలే ఆత్మహత్య జేస్కుంటయ్, ఎస్ఈ ఆఫీసు మీద మహిళ రైతుల దాడి...నీళ్లిడుస్తలేరని కుర్చీలు ఫర్నీచర్ ధ్వంసం, పోలీసోళ్లను పొర్కపొర్క గొట్టిన జనం.. ఓవరాక్షన్ జేస్తె కొట్టకపోతె ఏం జేస్తరు.??, ఆంధ్రా కాపులళ్ల రగులుతున్న సెగలు...ఉద్యమానికి సిద్దమైతున్న నాయకులు, కొత్తగూడెం ఎమ్మెల్యే గారి దత్తత దరిద్రం...ఎక్కిరిస్తున్న మోరీలు.. రోడ్లు, నల్లాలు, బైకులు పార్కింగు జేశే కాడ జాగ్రత్త సుమా...పాములు జొర్రి పంటున్నయ్ ఈ కాలంల... ఈ అంశాలపై మల్లన్నముచ్చట్లను వీడియోలో చూద్దాం... 

 

18:32 - August 2, 2018

నెల్లూరు : జిల్లా రాపూరు పోలీస్ స్టేషన్ పై దళితులు చేసిన దాడిని ఉన్నతాధికారులు సీరియస్‌గా తీసుకున్నారు. ఇప్పటికే దాడికి పాల్పడ్డ వారిలో పలువురిని అరెస్టు చేయగా.. మరికొందరి కోసం గాలింపు చేపట్టారు . దీంతో తమను కూడా అరెస్ట్‌ చేస్తారనే భయంతో హరిజనవాడలోని స్థానికులంతా ఇళ్లను వదిలి పారిపోయారు. దీంతో ఇళ్లన్నీ బోసిపోయాయి. దీనిపై మరింత సమాచారాన్ని వీడియోలో చూద్దాం.. 

09:25 - August 2, 2018

నెల్లూరు :జిల్లా రాపూరు పోలీస్‌స్టేషన్‌పై స్థానికులు దాడి ఘటన కలకలం రేపుతోంది. డ్రంక్‌ అండ్‌ డ్రైవ్‌లో పట్టుబడ్డ ఓ వ్యక్తిని ఎస్‌ఐ తీవ్రంగా కొట్టాడని ఆగ్రహించిన గ్రామస్తులు దాడికి పాల్పడ్డారు. ఈ ఘటనలో ఎస్సై లక్ష్మణ్‌ రావు, మరో ఇద్దరు కానిస్టేబుళ్లకు గాయాలయ్యాయి. దీనిపై ఐజీ గోపాల రావు, జిల్లా ఎస్పీ ఘటనపై ఆరా తీశారు. పీఎస్ కు చేరుకుని పరిస్థితిని సమీక్షించారు. అనంతరం ఆసుపత్రిలో చికిత్స పొందుతున్న వారిని వారు పరామర్శించారు. పోలీస్ స్టేషన్ పై దాడి చేసి సిబ్బందిని గాయపరచడం హేయమైన చర్య అని, నిందితులపై కేసు నమోదు చేయడం జరిగిందని జిల్లా ఎస్పీ వెల్లడించారు. మరో వైపు స్టేషన్‌పై దాడి చేసిన వారిపై కఠినచర్యలు తీసుకుంటామని పోలీసులంటున్నారు. ఇదిలా ఉంటే ఎస్ఐ లక్ష్మణ్ రావు ఫిర్యాదు దారులతో అసభ్యకరంగా మాట్లాడుతున్నాడని..నిర్లక్ష్యంగా వ్యవహరిస్తున్నాడనే ఆరోపణలు వినిపిస్తున్నాయి. 

Pages

Don't Miss

Subscribe to RSS - దాడి