దాడులు

13:25 - October 20, 2017

హైదరాబాద్ : ట్యాంక్‌బండ్‌ సమీపంలోని హోటల్‌ మారియట్‌లో నార్త్‌జోన్‌ టాస్క్‌ఫోర్స్‌ పోలీసులు దాడులు చేశారు. పేకాట ఆడుతున్న 40 మందిని అదుపులోకి తీసుకున్నారు. భారీ మొత్తంలో నగదు స్వాధీనం చేసుకున్నారు. వీరిలో సంపన్నవర్గాలకు చెందిన మహిళలు కూడా ఉన్నట్లు తెలుస్తోంది. 

10:11 - October 18, 2017

రంగారెడ్డి : జిల్లాలోని శంషాబాద్‌ మండలం కిషన్‌గూడాలో ఆర్టీఏ దాడులు చేపట్టింది. హైదరాబాద్‌-బెంగళూరు జాతీయ రహదారిపై ప్రైవేటు బస్సులను తనిఖీలు చేపట్టారు. నిబంధనలు ఉల్లంఘించి ఐదు బస్సులపై కేసులు నమోదు చేశారు. ఒక బస్సును సీజ్‌ చేశారు. మరిన్ని వివరాలను వీడియోలో చూద్దాం...

 

13:55 - October 17, 2017

ఢిల్లీ : కేరళలో ఆర్‌ఎస్‌ఎస్‌, బిజెపి అనుసరిస్తున్న అప్రజాస్వామిక విధానాలకు వ్యతిరేకంగా సిపిఎం ఢిల్లీలో ర్యాలీ నిర్వహించింది. పినరయి విజయన్‌ ప్రభుత్వంపై బిజెపి చేస్తున్న అసత్య ప్రచారాలను ఆపాలని సిపిఎం డిమాండ్‌ చేసింది. కేరళలో సిపిఎం కార్యకర్తలపై జరుగుతున్న దాడులను, హత్యాకాండను తీవ్రంగా ఖండించింది. మతతత్వ శక్తుల దాడులకు బలైపోయిన కార్యకర్తల ఫ్లెక్సీలను సిపిఎం ర్యాలీలో ప్రదర్శించింది. ఆర్ఎస్‌ఎస్‌ గుండాగిరీని సహించేది లేదని  హెచ్చరించింది. బిజెపి అధ్యక్షుడు అమిత్ షా కేరళలో హింసాకాండను ఆపాలని కోరుతూ బిజెపికి వ్యతిరేకంగా కార్యకర్తలు నినాదాలు చేశారు. ఈ ర్యాలీలో సీపీఎం జాతీయ ప్రధాన కార్యదర్శి సీతారాం ఏచూరి, పోలిట్ బ్యూరో సభ్యులు ఎండి సలీం, సుభాషిణీ అలీ, బివి రాఘవులు తదితరులు పాల్గొన్నారు.

 

09:44 - October 17, 2017

సీపీఎం కార్యాలయాలపై బీజేపీ దాడులకు పాల్పడడం అప్రజాస్వామిక చర్య అని వక్తలు అన్నారు. ఇదే అంశంపై నిర్వహించిన న్యూస్ మార్నింగ్ చర్చా కార్యక్రమంలో సీపీఎం రాష్ట్ర కార్యదర్శివర్గ సభ్యులు జూలకంటి రంగారెడ్డి, కాంగ్రెస్ అధికార ప్రతినిధి ఎం.రాంచంద్రారెడ్డి, బీజేపీ సీనియర్ నేత ఎన్ వి సుభాష్ పాల్గొని, మాట్లాడారు. బీజేపీ దాడులను వక్తలు తప్పుబట్టారు. ఒక పార్టీ కార్యాలయాలపై మరోపార్టీ నేతలు దాడులు చేయడం సరికాదన్నారు.
దేశంలో బీజేపీ మతోన్మాద పోకడలకు పోతోందని తెలిపారు. బీజేపీ జాతీయ అధ్యక్షుడు అమిత్ షా కుమారు జయ్ షా ఆస్తులపై విచారణ జరిపించాలన్నారు. మరిన్ని వివరాలను వీడియోలో చూద్దాం..

 

21:59 - October 16, 2017

ఢిల్లీ : ప్రజా వ్యతిరేక విధానాలను ప్రశ్నించినందుకే బీజేపీ శక్తులు తమపై దాడులకు పాల్పడుతున్నాయని సీపీఎం జాతీయ ప్రధాన కార్యదర్శి సీతారాం ఏచూరి ఆరోపించారు. ఢిల్లీలో మూడు రోజుల పాటు జరిగిన సీపీఎం  కేంద్రకమిటీ సమావేశాల అనంతరం ఏచూరి మీడియాతో మాట్లాడారు. రెండువారాలుగా సీపీఎం కార్యాలయాలపై బీజేపీ చేస్తున్న దాడిని సీతారం ఏచూరి ఖండించారు. ప్రజాస్వామ్య విలువలు హరించేలా బీజేపీ వ్యవహరిస్తోందన్నారాయన. కేరళ, ఢిల్లీలలో బీజేపీ చేస్తున్న ఆందోళనలు విఫలమయ్యాయని విమర్శించారు. బీజేపీ వైఫల్యాలను ఎండగడుతూ రేపు ఢిల్లీలో ప్రజా ర్యాలీ నిర్వహించనున్నట్లు సీతారాం ఏచూరి తెలిపారు. 

 

18:42 - October 13, 2017

కరీంనగర్‌ : జిల్లాలో కాషాయదళం దాష్టీకానికి తెగబడింది. జిల్లా కేంద్రంలోని సీపీఎం, సీఐటీయూ కార్యాలయాలపైకి దాడికి తరలివచ్చింది. వామపక్ష కార్యాలయాల ముట్టడికి సంఘ్‌ శ్రేణులు యత్నించడం ఉద్రిక్తానికి దారి తీసింది. పరివార్‌ దుర్మార్గ చర్యకు నిరసనగా.. సీపీఎం, సీఐటీయూ శ్రేణులు నిరసన ప్రదర్శన చేపట్టారు. సంఘ్‌ పరివార్‌ చర్యల నేపథ్యంలో.. పోలీసులు, వామపక్ష పార్టీల కార్యాలయాల వద్ద భారీ బందోబస్తు ఏర్పాటు చేశారు. పరివార్‌ చర్యల కారణంగా.. కరీంనగర్‌లో ఉద్రిక్త పరిస్థితులు ఏర్పడ్డాయి. కేరళలో వామపక్ష కార్యకర్తలపైనే దాడులు చేస్తూ.. కాషాయదళం.. దానికి భిన్నంగా ప్రచారం చేస్తూ.. సీపీఎంను అప్రతిష్టపాలు చేసేందుకు ప్రయత్నిస్తున్నారని, వామపక్ష పార్టీల నేతలు వివరించారు. బీజేపీ శ్రేణుల చర్యను సీపీఎం నేతలు ఖండించారు. బీజేపీ శ్రేణుల దాడులను ఎదుర్కొంటామని సీపీఎం, సీఐటీయూ నేతలు తెలిపారు.  

 

07:32 - October 10, 2017

కేరళలో రాగులుతున్న అందరు ఖండిస్తున్నామని, అక్కడ బీజేపీ హత్య రాజకీయాలు ప్రొత్సహిస్తోందని, గవర్నర్ ద్వారా విచారణ చేయించాలి తప్ప ఇలా గొడవ దిగడం సమాంజసం కాదని, పార్టీ కార్యాలయాల ముందు వెళ్లడం మంచి పద్దతి కాదని కాంగ్రెస్ నేత రామచంద్ర రెడ్డి అన్నారు. బీజేపీ జనరక్షక్ యాత్ర బీజేపీ కార్యకర్తల కోసం చేస్తోందని, బీజేపీ ఎప్పుడు శాంతియుతంగా యాత్ర చేస్తోందని, రక్తపాతం ప్రజాస్వామ్యాంలో పనిరాదని, చాలా స్పష్టంగా నిరసన తెలియజేసే హక్కు ఉందని బీజేపీ నేత నరేష్ అన్నారు. వారి ఉద్దేశం శాంతయుతమైతే పినరమ్ గెలిచిన విజయోత్సవ ర్యాలీ పై ఎందుకు దాడి చేశారని, ఈ రోజు 120 రేపు 200 కావచ్చు ఇవన్నీ బుటకపు మాటలని, మధ్యప్రదేశ్ పర్యటనకు పినరయ్ విజయన్ వెళ్తామంటే ఆ రాష్ట్ర సీఎం అడ్డుకున్నారు. హత్య రాజకీయాలు ఆర్ఎస్ఎస్ అలవాటని ఐద్వా నాయకురాలు రమాదేవి అన్నారు. పూర్తి వివరాలకు వీడియో క్లిక్ చేయండి.

07:28 - October 10, 2017

నెల్లూరు : న్యూటాక్స్‌ హాలు దగ్గర చెత్త ఏరుకునే వ్యక్తుల మధ్య ఘర్షణ చోటు చేసుకుంది. దీంతో ఓ గ్రూప్‌కు చెందినవారు... మరో గ్రూప్‌కు చెందిన ముగ్గురి గొంతులను కత్తితో కోశారు. ప్రస్తుతం వీరి పరిస్థితి విషమంగా ఉంది. వారిని హుటాహుటిన ఆస్పత్రికి తరలించారు. 

14:53 - October 9, 2017

ఢిల్లీ : దేశవ్యాప్తంగా దళితులు, కమ్యూనిస్ట్‌లపై దాడులకు పాల్పడుతున్న బీజేపీ కుయుక్తులను తిప్పికొడతామన్నారు.. సీపీఎం పొలిట్‌బ్యూరో సభ్యులు బృందాకరత్‌. అబద్దాన్ని పదే పదే చెప్పినంత మాత్రాన నిజం మరుగున పడదన్నారు. కేరళలో హింసను రెచ్చగొట్టేందుకు బీజేపీ, ఆర్‌ఎస్‌ఎస్‌లు ప్రయత్నిస్తున్నాయిని బృందాకరత్‌ విమర్శించారు. 

14:09 - October 9, 2017

కృష్ణా : సీపీఎం కార్యాలయాలపై బీజేపీ, ఆర్‌ఎస్‌ఎస్‌ దాడులను నిరసిస్తూ.. విజయవాడలో సీపీఎం భారీ మహా ప్రదర్శన నిర్వహించింది. విజయవాడ పాత బస్తాండ్‌ నుంచి లెనిన్‌ సెంటర్‌ వరకూ మహా ప్రదర్శన సాగింది. బీజేపీ అనుసరిస్తున్న మతతత్వ విధానాలకు వ్యతిరేకంగా సీపీఎం నేతలు పెద్ద ఎత్తున నినాదాలు చేశారు. సీపీఎం ఏపీ రాష్ట్ర కార్యదర్శి మధు మహా ప్రదర్శనకు నాయకత్వం వహించారు. బీజేపీ మతతత్వ విధానాలకు స్వస్తి చెప్పాలని మధు డిమాండ్‌ చేశారు. సీపీఎం కార్యాలయాలపై దాడులకు దిగితే చూస్తూ ఊరుకోబోమని హెచ్చరించారు. దీనిపై మరిన్ని వివరాలను వీడియోలో చూద్దాం...

 

Pages

Don't Miss

Subscribe to RSS - దాడులు