దాడులు

20:46 - June 12, 2018

ఎస్పీ, ఎస్టీ, అట్రాసిటీ చట్టం నిర్వీర్యమైపోతోందని ఇటీవల ఆందోళన పెరుగుతోంది. ఈ చట్టాన్ని రాజ్యాంగంలోని 9వ షెడ్యూల్ లోకి చేర్చాలనే డిమాండ్స్ పెరుగుతున్నాయి. ఈ చట్టాన్ని బలోపేతం చేసి అమలు చేయాలని దళిత, ప్రజాసంఘాలు కోరుతున్నాయి. ఎస్సీ, ఎస్టీలపై జరుగుతున్న దాడులను అరికట్టటంలో ప్రభుత్వాలు వైఫల్యం చెందుతున్నాయా? ఈ చట్టాన్ని 9వ షెడ్యూల్ లోకి చేర్చినంత మాత్రాల దాడులకు అడ్డుకట్ట పడుతుందా? వంటి అంశాలపై దళిత ఏక్టివిస్ట్ జే.బి.రాజు విశ్లేషణ..

12:55 - June 1, 2018

మహబూబ్‌నగర్‌ : జిల్లా ఇండస్ట్రీస్ మేనేజర్‌ ఇళ్లపై ఏసీబీ దాడులు నిర్వహిస్తోంది. మియాపూర్‌ బాలాజీనగర్‌, మహబూబ్‌నగర్‌లోని సురేశ్‌కుమార్‌ ఇళ్లలో సోదాలు కొనసాగుతున్నాయి. ఏక కాలంలో ఐదు చోట్ల సోదాలు చేస్తున్నారు. దాడుల్లో 13 లక్షల 45 వేల నగదు, 30 తులాల బంగారం, నగరంలోని ప్లాబ్ లు స్వాధీనం చేసుకున్నారు. వీటి విలువ మార్కెట్ లో 9 కోట్లు ఉంటుందని అంచనా. 

 

21:29 - May 20, 2018
17:20 - May 10, 2018

కర్నూలు : జిల్లా నంద్యాలో ఎండోమెంట్‌ ఈవో రంపా వీరయ్య ఇంటిపై ఏసీబీ దాడులు నిర్వహించింది. ఆదాయానికి మించి ఆస్తులు కలిగి ఉన్నారన్న అభియోగంతో ఈ దాడులు చేపట్టింది. కర్నూలు, ప్రకాశం, కడప జిల్లాల్లోని వీరయ్య ఇండ్లల్లలో ఏకకాలంలో సోదాలు నిర్వహిస్తోంది ఏసీబీ.  సుమారు 8 కోట్ల మేర ఆక్రమాస్తులను గుర్తించారు. వీరయ్యకు బినామీగా భార్య, బంధువులు ఉన్నట్లు గుర్తించారు. 


 

18:24 - May 9, 2018

కర్నూలు : జిల్లా కేంద్రంలోఐపీఎల్‌ క్రికెట్‌ బెట్టింగ్‌లు జోరుగా సాగుతున్నాయి. వన్ టౌన్ పోలీస్ స్టేషన్ పరిధిలోని క్రికెట్ బెట్టింగ్ నిర్వాహకుల ఇళ్లపై పోలీసులు దాడులు చేశారు. ఈ దాడిలో ఆరుగురిని అరెస్ట్ చేశారు. వీరి వద్ద నుంచి 6 లక్షల 10 వేల నగదు, 5 సెల్ ఫోన్, 3 పాస్ పోర్టులు స్వాధీనం చేసుకున్నారు.

 

16:42 - May 5, 2018

కర్నూలు : దేశంలో మహిళలు, బాలికలపై జరుగుతున్న అత్యాచారాలను అరికట్టాలని డిమాండ్‌ చేస్తూ కర్నూలులో మహిళలు రోడ్డెక్కారు. నగరంలోని రాజ్‌ విహార్‌ సెంటర్‌లో ఐద్వా సంఘం నేతలు, మహిళలు మానవహారం నిర్వహించి నిరసన వ్యక్తం చేశారు. బీజేపీ, టీడీపీ ప్రభుత్వాలు అధికారం చేపట్టాక మహిళలకు రక్షణ లేకుండా పోయిందని మండిపడ్డారు. బాలికలపై అఘాయిత్యాలు చేస్తున్న వారిని వెంటనే శిక్షించాలని లేదంటే పెద్ద ఎత్తున ఆందోళనలు చేపడతామని హెచ్చరించారు. 

08:52 - May 5, 2018

కరీంనగర్ : జిల్లాలో టాస్క్ ఫోర్స్ అధికారులు ఆకస్మిక తనిఖీలు చేశారు. పట్టణంలోని హోల్‌సేల్‌ పండ్ల దుకాణాలు, రెస్టారెంట్లపై దాడులు చేశారు. చైనాకు చెందిన ఆర్గానిక్ కెమికల్స్ సాయంతో పండ్లను మగ్గబెడుతున్నట్లు గుర్తించిన అధికారులు పలు దుకాణాలను సీజ్ చేశారు.  దాంతోపాటు ముకరపురలో నూతనంగా వెలిసిన క్లాసిక్ రెస్టారెంట్‌లోనూ సోదాలు చేశారు. కుళ్లిపోయిన మాంసం నిల్వలను అధికారులు గుర్తించి సీచ్‌ చేశారు. ఈ దాడుల్లో  టాస్క్ ఫోర్స్ పోలీసులతో పాటు సానిటేషన్, ఫుడ్ ఇన్స్ పెక్టర్లు కూడా పాల్గొన్నారు.

 

17:09 - May 2, 2018

ఢిల్లీ : ఉత్తర భారతంలో దళితులపై దౌర్జన్యాలు మితిమీరుతున్నాయి. ఆధునిక సమాజం ఎంత ముందుకు వెళ్తున్నా...ఆటవిక చర్యలు ఆగడం లేదు. అగ్రకుల దురహంకారంతో కనీసం తోటి మానవుడని కూడా గుర్తించకుండా నీచమైన చర్యలకు పాల్పడుతున్నారు. తమ పంటను కోయడానికి రాలేదన్న కారణంతో కొందరు అగ్ర కులస్తులు ఓ దళితుడితో మూత్రం తాగించిన ఘటన ఉత్తరప్రదేశ్‌లో ఆలస్యంగా వెలుగు చూసింది.

ఉత్తరప్రదేశ్‌లోని బదౌన్‌ జిల్లా అజంపూర్‌ బిసౌరియా గ్రామానికి చెందిన సీతారాం వాల్మికీ తనకున్న కొద్దిపాటి పొలంలో గోధుమ సాగు చేశారు. తన పంట కోతకు రావడంతో ఆ పనుల్లో నిమగ్నమై ఉన్నారు. ఊర్లోని అగ్ర కులానికి చెందిన కొందరు రైతులు ముందు తమ పొలంలో పంటను కోయడానికి రావాలని సీతారాంను ఆదేశించారు. దీనికి నిరాకరించడంతో అతడిపై దౌర్జన్యానికి దిగారు. చెప్పులతో దాడి చేశారు. మీసాలను బలంగా లాగుతూ మూత్రం తాగించారని సీతారాం ఆరోపించారు. ఏప్రిల్‌ 24న ఈ ఘటన చోటుచేసుకుంది.

తనపై పాశవికంగా ప్రవర్తించిన వారిపై ఫిర్యాదు చేయడానికి హజరత్‌పూర్‌ పోలీస్‌స్టేషన్‌కు వెళ్తే ఇన్‌స్పెక్టర్‌ కేసు నమోదు చేసేందుకు నిరాకరించాడు. దీంతో బాధితుడు ఎస్పీని ఆశ్రయించాడు. ఎస్పీ ఆదేశంతో స్పందించిన స్థానిక పోలీసులు సీతారాంపై దాడి చేసిన విజయ్‌ సింగ్‌, విక్రమ్‌ సింగ్‌, సోమ్‌పాల్‌ సింగ్‌, పింకు సింగ్‌లను అరెస్ట్‌ చేశారు. వీరిపై ఎస్సీ, ఎస్టీ అట్రాసిటీతో పాటు పలు సెక్షన్‌ల కింద కేసు నమోదు చేశారు. విధుల్లో నిర్లక్ష్యం వహించిన పోలీస్‌ అధికారి రాజేష్‌ కశ్యప్‌ను పై అధికారులు సస్పెండ్‌ చేశారు.

దళితులు గుర్రంపై ఊరేగడం కూడా నేరమే! రాజస్థాన్‌లో పెళ్లిరోజు గుర్రంపై ఊరేగినందుకు అగ్ర కులస్తులు కొందరు ఓ దళితుడిని చితకబాదారు. భిల్వారా జిల్లా గోవర్ధన్‌పుర గ్రామంలో ఏప్రిల్‌ 29న ఈ ఘటన జరిగింది. ఈ ఘటనపై ఎస్‌సి/ఎస్‌టి చట్టం కింద కేసు నమోదు చేసిన పోలీసులు ఏడుగురిని అరెస్ట్‌ చేశారు. దాడిలో గాయపడ్డ పెళ్లికొడుకును ఆసుపత్రిలో చేర్చారు. గత నెల మార్చిలో గుజరాత్‌ భావనగర్‌ జిల్లాలో కూడా గుర్రంపై ఊరేగిన ఓ దళితుడిని అగ్రవర్ణాలకు చెందిన కొందరు కొట్టి చంపారు. సామాజిక వివక్షను తట్టుకోలేక చాలామంది దళితులు బౌద్ధమతంలో చేరుతున్నారని బిజెపికి చెందిన ఎంపి ఉదిత్‌ రాజ్‌ చెప్పారు. బిజెపి పాలిత రాష్ట్రాల్లోనే దళితులపై దాడులు పెరిగిపోయాయని, తప్పుడు కేసులు బనాయిస్తున్నారని ఆయన పేర్కొనడం గమనార్హం. 

13:34 - May 2, 2018

నెల్లూరు : అతను చేసేది అటెండర్ ఉద్యోగం... కూడబెట్టింది కోట్ల రూపాయల ఆస్తులు... రావాణాశాఖలో కేవలం అటెండర్ గా పనిచేస్తున్న వ్యక్తి రూ.80కోట్లు అక్రమాస్తులను కూడగట్టాడు. కానీ ఏసీబీ అధికారులకు పక్కాగా దొరికిపోయాడు. ఇవాళ నెల్లూరులో ఏసీబీ దాడులు కొనసాగుతున్నాయి. కో..ఆపరేటివ్ బ్యాంకులోని రెండు లాకర్లను అధికారులు తెరిచారు. భారీ మొత్తంలో బంగారం గుర్తింపు, విలువు కోట్లలో ఉంటుందని గుర్తించారు. రవాణా శాఖ అటెండర్ నరసింహారెడ్డి ఇంటిపై నిన్న ఏసీడీ దాడులు చేసింది. అతని ఆస్తులు చూస్తే మాత్రం ఎవరికైనా షాక్‌ తగలాల్సిందే. ఒకటి కాదు.. రెండు కాదు.. ఏకంగా 80 కోట్లకుపైగా అక్రమ ఆస్తులు కూడబెట్టాడు. నెల్లూరు జిల్లా ఉప రవాణాశాఖలో పని చేస్తున్న నరసింహారెడ్డి ఇంటిపై ఏసీబీ అధికారులు దాడులు చేశారు. నెల్లూరులోని నివాసంతో పాటే.. ఆరు ప్రాంతాల్లో ఏక కాలంలో దాడులు చేశారు. తనిఖీల్లో 80 కోట్లకు పైగా ఆస్తులు గుర్తించారు. 50 ఎకరాల భూమికి సంబంధించిన డాక్యుమెంట్లు, 18 ప్లాట్లు, రెండి కిలోల బంగారం, ఏడున్నర లక్షల నగదు గుర్తించారు. నరసింహారెడ్డి భార్య పేరుపై కూడా అనేక ఆస్తులున్నట్లు గుర్తించారు. నరసింహారెడ్డికి గత కొంతకాలంగా ప్రమోషన్లు వచ్చినా... వెళ్లకుండా అక్కడే అటెండర్‌గా కొనసాగుతున్నాడు. అయితే.. ఇందులో బినామీ ఆస్తులు ఉండవచ్చని అధికారులు భావిస్తున్నారు. 

 

18:44 - April 15, 2018

అమెరికా : సిరియాలో అమెరికా వైమానిక దాడులపై ఆ దేశం ప్రజలు ఆగ్రహం వ్యక్తం చేస్తున్నారు. యుద్ధం వద్దంటూ.. శాంతి ప్రేమికులు వైట్ హౌస్ ముందు నిరసన ప్రదర్శన నిర్వహించారు. అమెరికా, దాని మిత్ర దేశాల దాడులకు అమాయక ప్రజలు బలైపోవడం బాధాకరమన్నారు. అధ్యక్షుడు ట్రంప్ ఇప్పటికైనా.. సిరియాపై దాడులను ఆపేలా ఆదేశాలు జారీచేయాలని వారు డిమాండ్ చేశారు. సిరియా రసాయన ఆయుధాలు ప్రయోగిస్తుందని ఆరోపిస్తూ.. శుక్రవారం రాత్రి నుంచి అమెరికా, బ్రిటన్, ఫ్రాన్స్ వైమానిక దాడులు చేపట్టాయి.

 

Pages

Don't Miss

Subscribe to RSS - దాడులు