నల్గొండ

21:56 - December 10, 2017

నల్గొండ : తమది అభివృద్ధి దాహమైతే... కాంగ్రెస్‌ది అధికార దాహమన్నారు మంత్రి హరీష్‌రావు. నాగార్జునసాగర్‌ వ్యవస్థాపక దినోత్సవాన్ని పురస్కరించుకుని సాగర్‌ ప్రాజెక్ట్‌ సందర్శించారు. సాగర్‌ నుంచి ఎడమ కాలువకు నీరు విడుదల చేసిన మంత్రి... చివరి ఆయకట్టుకు నీరు అందించడమే తమ లక్ష్యమన్నారు. టీఆర్‌ఎస్‌ ప్రభుత్వం చేస్తున్న అభివృద్ధిని ప్రపంచ వ్యాప్తంగా గుర్తిస్తుంటే... ప్రతిపక్షాలు కోర్టుకు వెళ్లి అడ్డుకునే ప్రయత్నం చేస్తున్నాయన్నారు. 

నాగార్జునసాగర్‌ ప్రాజెక్టు 63వ వ్యవస్థాపక దినోత్సవం పురష్కరించుకుని మంత్రులు హరీష్‌రావు, జగదీష్‌రెడ్డి ప్రాజెక్ట్‌ను సందర్శించారు. ప్రాజెక్ట్‌ సమీపంలో నెహ్రూ విగ్రహానికి పూల మాలలు వేసి నివాళులర్పించారు. సాగర్‌ వ్యవస్థాపక దినోత్సవం సందర్భంగా సాగర్‌ నుంచి ఎడమ కాలువకు నీటిని విడుదల చేశారు. 

యాసంగి కోసమే సాగర్‌ నుంచి ఎడమ కాల్వకు నీటిని విడుదల చేసినట్లు హరీష్‌రావు తెలిపారు. సాగర్‌ నుంచి 4 లక్షల ఎకరాలకు నీరు ఇవ్వడమే తమ లక్ష్యమన్నారు. వచ్చే ఏడాది ఏప్రిల్‌ నాటికి చివరి విడత నీరు విడుదల చేస్తామన్నారు. సాగునీటి పారుదల శాఖ అధికారులు అద్భుతంగా పని చేస్తున్నారని వరల్డ్‌ బ్యాంక్‌ మనల్ని అభినందించారని హరీష్‌రావు అన్నారు. అధికారులంతా రైతులకు అందుబాటులో ఉండాలన్నారు. 

ఇక మంత్రులు ఉదయసముద్రం ప్రాజెక్ట్‌ పనులను కూడా పరిశీలించారు. కాంగ్రెస్‌ వల్లే ప్రాజెక్ట్‌ ఆలస్యమైందన్నారు. ప్రాజెక్ట్‌ పనులు త్వరితగతిన పూర్తి చేసి... ఫిబ్రవరి వరకు నీళ్లు అందిస్తామన్నారు హరీష్‌రావు. 

తమది అభివృద్ధి దాహమైతే... కాంగ్రెస్‌ అధికార దాహన్నారు హరీష్‌రావు. కాంగ్రెస్‌ హయాంలో సాగర్‌ ఆధునీకీకరణ పనులు 30శాతం మాత్రమే జరిగితే.... మూడేళ్లలో 65 శాతం పనులు పూర్తి చేశామన్నారు. అధికారం కోసమే కాంగ్రెస్‌ రాజకీయ పునరేకీకరణ అవసరమంటుందని... సిద్దాంతాలు పక్కనపెట్టి విపక్షాలు అధికారం కోసం పాకులాడుతున్నాయన్నారు. కాంగ్రెస్ నాయకులు అడుగడుగునా కోర్టుల కేసులతో ప్రాజెక్టులను అడ్డుకుంటుందన్నారు. ఇక సాగర్‌ నుంచి ఎడమ కాలువకు నీరు విడుదల చేయడం పట్ల రైతులు సంతోషం వ్యక్తం చేస్తున్నారు. 

16:58 - December 10, 2017

నల్గొండ : తమది అభివృద్ధి దాహమైతే.. కాంగ్రెస్‌ది అధికార దాహమని మంత్రి హరీశ్‌రావు అన్నారు. నాగార్జున సాగర్ 63వ వ్యవస్థాపక దినోత్సవం సందర్భంగా సాగర్ ఎడమ కాలువకు మంత్రి జగదీశ్ రెడ్డితో కలిసి నీటిని విడుదల చేశారు. యాసంగి కోసమే సాగర్ నుంచి ఎడమ కాల్వకు నీటిని విడుదల చేసినట్లు మంత్రి స్పష్టం చేశారు. సాగర్ నుంచి 4 లక్షల ఎకరాలకు నీరు ఇవ్వటమే తమ లక్ష్యమని మంత్రి తెలిపారు. నార్కట్‌పల్లి మండలంలో ఉదయ సముద్రం ఎత్తిపోతల పథకం పనులను పరిశీలించారు. 

 

13:29 - December 7, 2017

నల్గొండ : శాలిగౌరారంలో ప్రియుడి ఇంటి ముందు ప్రియురాలు ధర్నా చేపట్టింది. పెళ్లి చేసుకుంటానని నమ్మించి ఇప్పుడు నిరాకరిస్తున్నాడని ప్రియురాలు వాపోయింది. ఇటుకల పహాడ్ గ్రామానికి చెందిన గాజుల నాగరాజు, అదే గ్రామానికి చెందని మౌనికలు మూడేళ్లుగా ప్రేమించుకుంటున్నారు. ఒకే సామాజిక వర్గం కావడంతో పెళ్లి చేసుకోవాలని మౌనిక కోరింది. దీనికి నాగరాజు ఒప్పుకోలేదు. అనంతరం గ్రామ పెద్దల సమక్షంలో పంచాయతీ జరిగింది. పెళ్లి చేసుకొనేందుకు ఒప్పించారు. కానీ అప్పటి నుండి కనిపించకుండా పోయిన నాగరాజు మంగళవారం ఇంటికి వచ్చాడు. ఈ విషయం తెలుసుకున్న మౌనిక అతని ఇంటికి చేరుకుని నిలదీసింది. పెళ్లి చేసుకోవాలంటే రూ. 15 లక్షలు కట్నం తీసుకరావాలని నాగరాజు చెప్పడాని పేర్కొంటూ మౌనిక ధర్నా చేపట్టింది. 

11:53 - December 7, 2017

యాదాద్రి జిల్లా : చిన్న చిన్న వాటికే విద్యార్థులు తీవ్ర మనస్థాపానికి గురవుతున్నారు. క్షణికావేశంలో బలవన్మరణాలకు పాల్పడుతూ తల్లిదండ్రులకు తీరని శోకం కలిగిస్తున్నారు. తాజాగా జిల్లాలోని రాజుపేట మండలం రఘునాథపురం జెడ్పీ స్కూల్ లో అటెండర్ మందలించడానే కారణంతో ఓ విద్యార్థి తనువు చాలించాడు. వెంకటేష్ అనే విద్యార్థి 9వ తరగతి చదువుతున్నాడు. బుధవారం మధ్యాహ్న భోజనానికి లైన్ లో వెంకటేష్ నిలిచి ఉన్నాడు. లైన్ తప్పి ముందుకు రావడంతో అక్కడనే ఉన్న స్కూల్ అటెండర్ మందలించినట్లు తెలుస్తోంది. అంతేగాకుండా బెత్తంతో కొట్టినట్లు సమాచారం. తీవ్రమనస్థాపానికి గురైన వెంకటేష్ ఇంటికి వెళ్లి సమీపంలో ఉన్న చెట్టుకు ఉరేసుకుని మృతి చెందాడు. విషయం తెలుసుకున్న కుటుంబసభ్యులు కన్నీరుమున్నీరవుతున్నారు. ఘటనకు కారణమైన అటెండర్ పై చర్యలు తీసుకోవాలని డిమాండ్ చేస్తున్నారు. 

11:19 - December 6, 2017
10:31 - December 4, 2017

నల్గొండ : జిల్లాలోని అడవిదేవులపల్లి మండలం చిట్యాల గ్రామంలో రెండు వర్గాల మధ్య పాతపక్షలు భగ్గుమన్నాయి. చిట్యాలలో పిట్టల సాయన్న, బొమ్మనబోయిన నాగేశ్వరరావు వర్గాల మధ్య కొంతకాలంగా భూవివాదాలు కొనసాగుతున్నాయి. పొలం నుంచి మట్టి తరలింపు వివాదాస్పదంగా  మారింది. దీనిని  ప్రశ్నించిన నాగేశ్వరరావు కుటుంబ సభ్యులపై సాయన్న వర్గీయులు దాడి చేశారు. ఇళ్లలోని ఫర్నిచర్‌ను ధ్వంసం చేసి, రెండు బైక్‌లు దహనం చేశారు.  ఈ గొడవల్లో గాయపడ్డ ఇద్దర్ని మిర్యాలగూడ ప్రభుత్వ ఆస్పత్రికి తరలించారు. పోలీసులు కేసు  నమోదుచేసి దర్యాప్తు చేస్తున్నారు. 
 

 

08:14 - November 25, 2017

నల్గొండ : జిల్లాలో ఓ ఆర్టీసీ డ్రైవర్ ఘాతుకం వెలుగులోకి వచ్చింది. మహిళపై అత్యాచారయత్నం చేయబోయి నిప్పంటించి పరరాయ్యాడు. ఇందులో రెండు భిన్నమైన వాదనలు వినిపిస్తున్నాయి. ఈ ఘటన చండూరు (మం) బోడనపర్తిలో చోటు చేసుకుంది. భర్త మృతి చెందడంతో అరుణ అనే మహిళ 8 ఏళ్ల బాబు..పాపతో నివాసం ఉంటోంది. కూలి పని చేసుకుంటూ జీవనాన్ని నెట్టుకొస్తోంది. ఈమెపై ఆర్టీసీ డ్రైవర్ గా పనిచేస్తున్న నర్సింహగౌడ్ కన్నేసినట్లు తెలుస్తోంది. పలుమార్లు లైంగికంగా వేధించినట్లు సమాచారం. ఈ క్రమంలో బుధవారం రాత్రి నర్సింహగౌడ్ ఆమెపై అత్యాచారయత్నం చేసేందుకు ప్రయత్నించాడు. అరుణ ప్రతిఘటించడంతో ఆమెపై కిరోసిన్ పోసి నిప్పంటించి పరారైనట్లు తెలుస్తోంది. ఇందులో మరో వాదన కూడా వినిపిస్తోంది. తనపై ఎలాంటి అఘాయిత్యానికి పాల్పడవద్దని..లేనిపక్షంలో తాను కిరోసిన్ పోసుకుని ఆత్మహత్య చేసుకుంటానని అరుణ చెప్పినట్లు వాదన వినిపిస్తోంది. అప్పటికే కిరోసిన్ పోసుకున్న అరుణకు నర్సింహగౌడ్ నిప్పంటించినట్లు సమాచారం. పరారీలో ఉన్న నిందితుడి కోసం పోలీసులు గాలింపులు చేపడుతున్నారు. అరుణ చనిపోవడంతో ఇద్దరు పిల్లలు అనాథలుగా మారిపోయారు. వీరికి న్యాయం చేయాలని..నిందితుడిని కఠినంగా శిక్షించాలని గ్రామస్తులు డిమాండ్ చేస్తున్నారు. మరి పిల్లలకు న్యాయం జరుగుతుందా ? లేదా ? అనేది చూడాలి. 

16:28 - November 14, 2017

నల్గొండ : బాలల దినోత్సవం రోజున పలు విషాద ఘటనలు చోటు చేసుకున్నాయి. హైదరాబాద్ లోని ఓ ప్రైవేటు స్కూల్ లో సంప్ లో పడి విద్యార్థి మృతి చెందిన సంగతి తెలిసిందే. తాజాగా నల్గొండ జిల్లాలో విషాద ఘటన చోటు చేసుకుంది. కాల్వలో పడి విద్యార్థి మృతి చెందాడు. అక్కాలాయిగూడెంలో జిల్లా పరిషత్ ఉన్నత పాఠశాలలో విజయేందర్ చదువుకొంటున్నాడు. స్కూల్ లో కాలకృత్యాలు తీర్చుకొనేందుకు బాలురకు సౌకర్యం లేదు. దీనితో మంగళవారం కాలకృత్యాలు తీర్చుకొనేందుకు విజయేందర్ తోటి విద్యార్థి సైదులుతో కాల్వకు వెళ్లాడు. ప్రమాదవశాత్తు విజయేందర్ అందులో పడిపోయాడు. సైదులు ఓ చెట్టును పట్టుకోవడంతో ప్రాణాలతో బయటపడ్డాడు. ఈ విషయం తెలుకున్న తల్లిదండ్రులు కన్నీరుమున్నీరుగా విలపిస్తున్నారు. 

08:31 - November 13, 2017
10:35 - November 11, 2017

Pages

Don't Miss

Subscribe to RSS - నల్గొండ