నల్లగొండ

09:37 - February 5, 2018

నల్లగొండ : నల్లగొండ ఎర్రగొండగా మారింది. సీపీఎం మహాసభలు నేడు రెండో రోజు కొనసాగున్నాయి. నేడు సభలో భవిష్యత్ ఉద్యమ కార్యక్రమాలపై చర్చించనున్నారు. మరింత సమాచారం కోసం వీడియో చూడండి.  

08:20 - February 5, 2018

నల్లగొండ : నల్లగొండ పట్టణం ఎర్రగొండగా మారింది. ప్రధాన వీధులన్నీ అరుణవర్ణశోభితమయ్యాయి. సీపీఎం తెలంగాణ రాష్ట్ర ద్వితీయ మహాసభల సందర్భంగా నల్లగొండ పట్టణం ఎరుపెక్కింది. పట్టణంలోని లక్ష్మీ గార్డెన్స్‌లో సీపీఎం మహాసభలు ఘనంగా ప్రారంభమయ్యాయి.

సీపీఎం శ్రేణులు భారీ ర్యాలీ
మహాసభల ప్రారంభసూచికగా నగరంలో సీపీఎం శ్రేణులు భారీ ర్యాలీ నిర్వహించాయి. రెడ్‌ వాలంటీర్లు కవాతు నిర్వహించారు. ఎర్రజెండాలు చేతబూని రెడ్‌షట్‌ వాలంటీర్లు నిర్వహించిన కవాతు ప్రధాన వీధుల గుండా సాగింది. స్థానిక సీపీఎం కార్యాలయం దొడ్డికొమురయ్య భవన్‌ నుంచి ప్రారంభమైన ఈ కవాతు...మహాసభలు జరుగుతున్న ప్రాంగణం లక్ష్మీ గార్డెన్స్‌ వరకు కొనసాగింది. ఈ కవాతులో సీపీఎం పొలిట్‌బ్యూరో సభ్యుడు బీవీ రాఘవులుతోపాటు రాష్ట్ర సీపీఎం నాయకత్వం పాల్గొంది.లక్ష్మీగార్డెన్స్‌లో జరిగిన బహిరంగ సభలో సీపీఎం జాతీయ ప్రధాన కార్యదర్శి సీతారాం ఏచూరీ పాల్గొన్నారు. కేంద్ర, రాష్ట్ర ప్రభుత్వాలపై విమర్శలు గుప్పించారు. కేంద్ర బడ్జెట్‌లో సామాన్యులపై పన్నుల భారం మోపారని విమర్శించారు. ధనికులపై పైసా పన్నువేయలేదని... కార్పొరేట్‌ శక్తులకు, సంపన్నులకు మోదీ ప్రభుత్వం వత్తాసుపలుకుతోందని దుయ్యబట్టారు. రైతుల రుణాల మాఫీ చేయమంటే డబ్బులు లేవన్న కేంద్ర ప్రభుత్వం... సంపన్నులు తీసుకున్న రెండు లక్షల కోట్ల రూపాయల రుణాలు మాఫీ చేయడం సిగ్గుచేటన్నారు.

దళితులు, మైనార్టీలపై దాడులు పెరిగాయి
కేంద్రంలో బీజేపీ అధికారంలోకి వచ్చాక దళితులు, మైనార్టీలపై దాడులు పెరిగాయని సీపీఎం పొలిట్‌బ్యూరో సభ్యుడు బీవీ రాఘవులు ఆందోళన వ్యక్తం చేశారు. పసిపిల్లలు మొదలుకొని పండు ముదుసలి వరకు లైంగిక దాడులు ఎదుర్కొంటున్నారని ఆవేదన వ్యక్తం చేశారు. అందుకే బీజేపీ నుంచి భారత దేశానికి విముక్తి కల్పించేందుకు ప్రతిఒక్కరూ పాటుపడాలని పిలుపునిచ్చారు.రాన్నున్న రోజుల్లో వామపక్షాలు అధికారంలోకి రావడం తథ్యమని సీపీఎం రాష్ట్ర కార్యదర్శి తమ్మినేని వీరభద్రం అన్నారు. టీఆర్‌ఎస్‌, కాంగ్రెస్‌లకు ప్రత్యామ్నంగా ఎదుగుతున్నామన్నారు. రాజ్యాధికారమే లక్ష్యంగా సీపీఎం కార్యకర్తలు పనిచేయాలన్నారు. ఇందుకోసమే బహుజన లెఫ్ట్‌ ఫ్రంట్‌ ఏర్పడిందన్నారు.సీపీఎం మహాసభలు 7వ తేదీ వరకు కొనసాగనున్నాయి. భవిష్యత్‌ ఉద్యమ కార్యక్రమాలపై ఈ మహాసభల్లో చర్చించనున్నారు.

08:16 - February 5, 2018

నల్లగొండ : ఇటీవల దారుణ హత్యకు గురైన మున్సిపల్ చైర్‌ పర్సన్‌ లక్ష్మి భర్త బొడ్డుపల్లి శ్రీనివాస్‌ సంతాప సభ నల్గొండ పట్టణంలో జరిగింది. సభకు పార్టీ సీనియర్ నేతలతో పాటు... కార్యకర్తలు భారీగా హాజరయ్యారు. శ్రీనివాస్‌ ఆత్మకు శాంతి చేకూరాలంటూ కాంగ్రెస్ నాయకులు శ్రద్ధాంజలి ఘటించారు.బొడ్డుపల్లి శ్రీనివాస్‌ది ముమ్మాటికి టీఆర్‌ఎస్‌ నాయకులు చేయించిన హత్యేనని కాంగ్రెస్‌ నేత కోమటిరెడ్డి వెంకట రెడ్డి ఆరోపించారు. హత్యలు పిరికివారే చేస్తారని... తాను హత్యలు చేయడం ప్రారంభిస్తే నల్లగొండ మురికి కాలువల్లో అన్ని మొండాలే ఉంటాయన్నారు కోమటి రెడ్డి వెంకట్‌ రెడ్డి. తాను చంపాలనుకుంటే టీఆర్‌ఎస్‌ కార్యకర్తలు ఎవరూ మిగలరని కేసీఆర్‌పై మండిపడ్డారు. కాని తాను అలాంటి వ్యక్తిని కాదని కాంగ్రెస్‌ పార్టీ తనకు ఆ తత్వం నేర్పలేదన్నారు.

జోలికొస్తే ఊరుకునేది లేదు
కాంగ్రెస్ కార్యకర్తల జోలికొస్తే ఊరుకునేది లేదని హెచ్చరించారు టీపీసీసీ చీఫ్ ఉత్తమ్ కుమార్ రెడ్డి. బొడ్డుపల్లి శ్రీనివాస్ హత్యలో జిల్లా మంత్రికి సంబంధం ఉందని ఆయన ఆరోపించారు. తనకు ప్రాణ హాని ఉందని శ్రీనివాస్‌ సీఎంను కోరినప్పటికీ ఎవరూ స్పందించాలేదన్నారు. శ్రీనివాస్‌ హత్య వెనకాల రాజకీయ కుట్ర ఉందని రేవంత్‌ రెడ్డి ఆరోపించారు. శ్రీనివాస్ కుటుంబానికి కాంగ్రెస్‌ పార్టీ అండగా ఉంటుందన్నారు. బొడ్డుపల్లి శ్రీనివాస్‌ హత్యపై సీబీఐ విచారణ జరిపించాలని కాంగ్రెస్ నేతలు మరోసారి డిమాండ్ చేశారు. ఇందుకోసం ఢిల్లీకి వెళ్లైనా పోరాడతామన్నారు. 

18:26 - February 4, 2018

నల్లగొండ : ఉద్యమాల పురిటిగడ్డ నల్లగొండలో సీపీఎం రాష్ట్ర ద్వితీయ మహాసభలు ఘనంగా ప్రారంభమయ్యాయి. మహాసభల ప్రారంభసూచికంగా నల్లగొండ పట్టణంలో భారీ ర్యాలీ నిర్వహించారు. రెడ్‌షర్ట్‌ వాలంటీర్స్‌ కవాతు నిర్వహించారు. భారీ ఎర్రజెండాలు చేబూని సీపీఎం అగ్రనేతలు ర్యాలీలో పాల్గొన్నారు. దీంతో నల్లగొండ ఎర్రగొండగా మారింది. అనంతరం లక్ష్మీ గార్డెన్స్‌లో బహిరంగ సభ నిర్వహించారు. 

 

17:42 - February 4, 2018

నల్గొండ : కేంద్ర బడ్జెట్‌లో సామాన్యులకు వాగ్దానాలేతప్ప... పెద్దగా నిధుల కేటాయింపు జరుగలేదని సీపీఎం జాతీయ ప్రధాన కార్యదర్శి సీతారాం ఏచూరీ విమర్శింవచారు. సామాన్యులపై పన్నుల భారం మోపిన కేంద్రం... ధనికులపై పైసా పన్ను వేయలేదన్నారు.  మోదీ ప్రజలకు ఇచ్చిన ఏ వాగ్దానాన్ని అమలు చేయలేదని ధ్వజమెత్తారు.  నల్లగొండలో జరుగుతున్న సీపీఎం రాష్ట్ర ద్వితీయ మహాసభల్లో ఆయన పాల్గొన్నారు. ఈ సందర్భంగా మాట్లాడుతూ.. రైతుల రుణమాఫీ చేయాలంటే డబ్బులు లేవని చెప్తోన్న మోదీ ప్రభుత్వం.... సంపన్నులు తీసుకున్న రెండు లక్షల కోట్లను  మాఫీ చేయడం సిగ్గుచేటన్నారు. సంపన్నులు, కార్పొరేట్లకు మోదీ ప్రభుత్వం వంతపాడుతోందని దుయ్యబట్టారు.  బీజేపీ దేశంలో అధికారంలోకి వచ్చాక.. ఆర్థిక, సామాజిక దోపిడీ పెరిగిందన్నారు. వీటికి వ్యతిరేకంగా జరుగుతున్న ఉద్యమాలను పక్కదారి పట్టించేందుకు బీజేపీ మతరాజకీయాలకు పాల్పడుతోందని ఆరోపించారు. 


 

12:45 - February 4, 2018
11:23 - February 4, 2018
09:31 - February 4, 2018

నల్లగొండ : నేటి నుంచి నల్లగొండలో సీపీఎం తెలంగాణ రాష్ట్ర ద్వితీయ మహాసభలు జరగునున్నాయి. ఈ మహాసభలు నాలుగు రోజులు పాటు జరుగుతాయి. ఈ సభల్లో సీపీఎం జాతీయ నాయకులు పాల్గొననున్నారు. ఈ సందర్భంగా కాసేపట్లో రెడ్ షర్ట్ వాలంటీర్లు కవాత్ నిర్వహించనున్నారు. మరింత సమాచారం కోసం వీడియో క్లిక్ చేయండి. 

07:53 - February 4, 2018

నల్లగొండ : దారుణ హత్యకుగురైన మున్సిపల్‌ చైర్‌పర్సన్‌ లక్ష్మీ భర్త శ్రీనివాస్‌ హత్య కేసులో ట్విస్ట్‌ల మీద ట్విస్ట్‌లు వెలుగు చూస్తున్నాయి. ఇది మామూలు హత్యకాదని... పక్కా ప్లాన్‌గా జరిగినట్టు ఆధారాలు రుజువు చేస్తున్నాయి. నిందితుల కాల్‌డేటాతో ఈ వ్యవహారం మొత్తం వెలుగుచూస్తోంది. మొత్తం శ్రీనివాస్‌ మర్డర్‌ మిస్టరీ వీడుతోంది. శ్రీనివాస్‌ది రాజకీయ హత్యేనంటూ మొదటి నుంచి ఆరోపిస్తున్న శ్రీనివాస్‌ భార్య లక్ష్మీ, కోమటిరెడ్డి బ్రదర్స్‌ ఆరోపణలకు మరింత బలం చేకూర్చే విషయాలు వెలుగులోకి వచ్చాయి.

శ్రీనివాస్ అలా వచ్చీరాగానే చుట్టుముట్టింది...
శ్రీనివాస్‌ హత్య జరిగిన రోజు రాత్రి 7.30కు మిర్చిబండి దగ్గర గొడవ జరిగింది. ఈ గొడవే అదేరాత్రి 11.40 నిమిషాలకు శ్రీనివాస్ హత్యకు దారి తీసింది. కొందరు తనను కొడుతున్నారంటూ మెరుగు గోపీ.. బొడ్డుపల్లి శ్రీనివాస్‌కు ఫోన్ చేశాడు. దీంతో శ్రీనివాస్‌ ... మోహన్‌తో కలిసి అక్కడికి వెళ్లాడు. అప్పటికే సిద్ధంగా ఉన్న నిందితుల ముఠా శ్రీనివాస్ అలా వచ్చీరాగానే చుట్టుముట్టింది. ఆ తర్వాత హత్య చేసింది. ఇదే సమయంలో మోహన్ అక్కడి నుంచి అదృశ్యమయ్యాడు. శ్రీనివాస్ హత్య జరిగిన ప్రదేశం నుంచి ఉన్నట్లుండి గంటన్నరపాటు అదృశ్యమైన మోహన్.. ఆ తరువాత పోలీస్ స్టేషన్‌లో దర్శనమిచ్చాడు. అయితే మోహన్ ఆ గంటన్నరపాటు ఎక్కిడికి వెళ్లాడు అనేదే సస్పెన్స్‌గా మారింది. శ్రీనివాస్‌ నిందితుల కాల్‌డేటా ఇప్పుడు సంచలనం సృష్టిస్తోంది. కాంగ్రెస్‌ నేతలు ఆరోపిస్తున్నట్టు శ్రీనివాస్‌ హత్యకేసులో నకిరేకల్‌ ఎమ్మెల్యే వేముల వీరేశం బయటకు వచ్చింది. ఎమ్మెల్యే మెడకు ఈ కేసు చుట్టుకుంది. ఎమ్మెల్యే వేముల వీరేశం కజిన్‌ సోదరులైన వేముల సుధీర్‌, వేముల రంజిత్‌తో... నిందితులు రాంబాబు, మల్లేశం టచ్‌లో ఉంటున్నారు. రెండు నెలలుగా వీరి మధ్య అనేక ఫోన్‌ సంభాషణలు జరిగాయని కాల్‌డేటా బయటపెట్టింది. 24వ తేదీన హత్య జరిగడానికి ముందు.. ఆ తర్వాత కూడా రాంబాబు, మల్లేష్‌ ఫోన్స్‌ నుంచి రంజిత్‌, సుధీర్‌కు ఫోన్‌కాల్స్‌ వెళ్లాయి. 25వ తేదీన కూడా నిందితులు వేముల బ్రదర్స్‌తో ఫోన్‌లో మాట్లాడినట్టు తెలుస్తోంది. నిందితులు హత్య చేసిన తర్వాత నేరుగా వీరేశం ఇంటికెళ్లి దాచుకుని ఆ తర్వాత లొంగిపోయినట్టు చెబుతున్నారు. శ్రీనివాస్‌ హత్య వివరాలు వేముల వీరేశానికి వేముల బ్రదర్స్‌ రంజిత్‌, సుధీర్‌లు తెలియజేసినట్టు కాల్‌డేటా స్పష్టం చేస్తోంది.

వివాదాస్పదంగా రిమాండ్‌ రిపోర్ట్‌ .. కేస్‌ డైరీ
మరోవైపు శ్రీనివాస్‌ హత్యకేసులో పోలీసుల రిమాండ్‌ రిపోర్ట్‌ .. కేస్‌ డైరీ వివాదాస్పదంగా మారాయి. రిమాండ్‌ రిపోర్ట్‌, కేస్‌ డైరీని కోట్‌ చేస్తూ ఈ కేసును సీబీఐకి అప్పగించాలంటూ శ్రీనివాస్‌ భార్య లక్ష్మీ హైకోర్టులో పిటిషన్‌ వేశారు. రిమాండ్‌ రిపోర్టులో పొంతనలేని కథనాన్ని రాయించారని ఆమె ఆరోపించారు. మూడు వారాల్లో కేసు దర్యాప్తు ప్రమాణ పత్రాల్ని సమర్పించాలని ఎస్పీ శ్రీనివాస్‌ను హైకోర్టు ఆదేశించింది. కోర్టు జోక్యం చేసుకోవడంతో దర్యాప్తులో డొల్లతనం బయటపడక తప్పదనే ఆందోళన పోలీసు వర్గాల్లో వ్యక్తమైంది. అందుకే టూటౌన్‌ సీఐ, కేసు దర్యాప్తు అధికారిగా ఉన్న వెంకటేశ్వర్లును అజ్ఞాతంలోకి పంపినట్టు చర్చ నడుస్తోంది. శ్రీనివాస్‌ కేసును తిరగదోడేందుకు పోలీసులు సిద్ధమవుతున్నారు. అదే క్రమంలో దర్యాప్తు సక్రమంగా చేయకుండా ఏకపక్షంగా వ్యహరించిన డీఎస్పీ, ఎస్పీలపై వేటుపడే అవకాశాలున్నాయన్న చర్చ నడుస్తోంది.

19:36 - February 3, 2018

నల్లగొండ : సీపీఎం తెలంగాణ రాష్ట్ర ద్వితీయ మహాసభలకు ఉద్యమాల గడ్డ నల్లగొండ వేదిక కానుంది. మూడేళ్ల కార్యక్రమాలను సమీక్షించుకోవడంతో పాటు రాష్ట్ర స్థాయిలో భవిష్యత్‌ ఉద్యమ కార్యాచరణను ఈ మహాసభల్లోనే రూపొందించనున్నారు. గత ఉద్యమాలకు భిన్నంగా తెలంగాణలో లాల్‌ నీల్‌ జెండాలతో సామాజిక, వర్గ పోరాటాలకు సీపీఎం శ్రీకారం చుట్టిన తర్వాత తొలిసారిగా మహాసభలు జరుగుతున్నాయి. ప్రభుత్వ ప్రజా వ్యతిరేక విధానాలపై ఇప్పటికే చాలా ఉద్యమాలు చేపట్టామని.. భవిష్యత్తులో చేయబోయే పోరాటాలపై ఈ సమావేశాల్లో చర్చిస్తామని సీపీఎం రాష్ట్ర కార్యదర్శి తమ్మినేని వీరభద్రం తెలిపారు. 

 

Pages

Don't Miss

Subscribe to RSS - నల్లగొండ