నాగార్జున

11:13 - May 19, 2017

టాలీవుడ్ లో ఓ జంటపై సోషల్ మాధ్యమాల్లో రకరకాలైన వార్తలు వైరల్ అవుతుంటాయి. వారి సంబంధించని విషయాలపై అభిమానులు ఆసక్తి కనబరుస్తుంటారు. టాలీవుడ్ మన్మథుడు 'నాగార్జున' తనయుడు 'నాగ చైతన్య'..’సమంతల' వివాహం ఈ సంవత్సరంలో జరగనుందని తెలుస్తోంది. ఇటీవలే వారి నిశ్చితార్థం కూడా జరిగిపోయింది. అయితే పలు సందర్భాల్లో దిగిన ఫొటోలను 'సమంత' సామాజిక మాధ్యమాల్లో పోస్టు చేస్తోంది. కానీ తనకు మాత్రం అలా చేయడం నచ్చదని 'నాగ చైతన్య' పేర్కొంటున్నట్లు తెలుస్తోంది. వ్యక్తిగత విషయాలను సోషల్ మీడియాలో పంచుకోవడం నచ్చదని, కానీ శ్యామ్ మాత్రం ఫొటోలూ తీస్తూ పోస్టు చేస్తూ ఉంటోందన్నారు. కానీ అలా నచ్చకపోయినా తాను మాత్రం ఎంజాయ్ చేస్తున్నట్లు, పెళ్లికి ముందు ఈ ఎమోషన్స్..సెలబ్రేషన్స్ జీవితంలో ఒక్కసారి మాత్రమే వస్తాయని ఓ ఇంటర్వ్యూలో నాగ చైతన్య పేర్కొన్నట్లు సమాచారం. నాగ చైతన్య, రకూల్ ప్రీత్ సింగ్ జంటగా నటిస్తున్న 'రారండోయ్ వేడుక చూద్దాం' సినిమా ఈనెల 26న విడుదల కాబోతున్న సంగతి తెలిసిందే.

10:48 - May 18, 2017

‘కంగ్రాట్స్ కోడలా' అంటూ 'సమంత'ను టాలీవుడ్ మన్మథుడు అక్కినేని నాగార్జున అభినందించారు. నాగార్జున తనయుడు 'నాగ చైతన్య'..’సమంత'లు త్వరలో ఒక్కటి కాబోతున్న సంగతి తెలిసిందే. ఇటీవలే వీరి ఎంగేజ్ మెంట్ జరిగింది. అనంతరం ఇరువురు పలు చిత్రాల్లో నటిస్తూ బిజీగా మారారు. నాగ చైతన్య, రకూల్ ప్రీత్ సింగ్ జంటగా నటిస్తున్న 'రారండోయ్ వేడుక చూద్దాం' అనే సినిమా రూపొందుతోంది. ఈ సినిమా సాంగ్స్ ను యూ ట్యూబ్ లో విడుదల చేస్తున్నారు. ఈ సినిమాకు సంబంధించి నాగార్జున..సమంతల మధ్య ఫోన్ లో చాటింగ్ జరిగింది. ఈ చాటింగ్ జరిగిన తీరును నాగార్జున సోషల్ మీడియాలో పోస్టు చేశారు. 'కంగ్రాట్స్‌ కోడలా..' అని నాగార్జున పేర్కొంటే, 'లవ్‌ మామా' అని సమంత మెసేజ్‌ చేసింది. 'రారండోయ్‌ వేడుక చూద్దాం' సినిమాలో అక్కినేని నాగచైతన్య చాలా బాగున్నాడనీ, 'ఎవ్రిథింగ్‌ వర్క్స్‌' అని సమంత చెప్పుకొచ్చింది.

10:58 - May 17, 2017

చాలా ఏళ్ల తరువాత రీ ఎంట్రీ ఇచ్చి 'ఖైదీ నెంబర్ 150'తో తన సత్తా ఏంటో 'చిరంజీవి' చూపెట్టాడు. దీనితో నెక్ట్ సినిమాపై భారీ అంచనాలు నెలకొన్నాయి. ఈ చిత్రంపైనే చిరు పూర్తిగా దృష్టి కేంద్రీకరించినట్లు తెలుస్తోంది. కానీ చిత్రం ఎప్పుడు ప్రారంభమవుతుందా ? విలన్..హీరోయిన్ ఎవరనే దానిపై అప్పుడే చర్చలు ప్రారంభమయ్యాయి. 'రామ్‌ చరణ్‌' మొన్న 'నాన్నగారి 151వ చిత్రం ఆగస్టులో ప్రారంభిస్తాం' అని స్వయంగా ప్రకటించినా నిర్ధిష్టమైన తేదీని మాత్రం వెల్లడించలేదు. తాజాగా ముహూర్తం ఖరారు చేసినట్లు టాక్. చిరంజీవి బర్త్ డే అయిన ఆగస్టు 22వ తేదీన చిత్రానికి క్లాప్ కొట్టవచ్చునని ప్రచారం జరుగుతోంది. రెగ్యులర్‌ షూటింగ్‌ మాత్రం సెప్టెంబర్‌ నుంచి మొదలు కానుందని, తెలుగు, తమిళ్‌ భాషల్లో నిర్మాణమయ్యే ఈ చిత్రానికి రామ్ చరణ్ నిర్మాతగా వ్యవహరించనున్నారు. సురేందర్‌ రెడ్డి దర్శకత్వం వహిస్తున్నారు.

10:29 - May 17, 2017

వరుస హిట్స్ తో మంచి జోరు మీదున్న 'నాని' వైవిధ్యమైన కథా చిత్రాలు ఎంచుకుంటూ దూసుకెళుతున్నాడు. లవర్ బాయ్..ఫ్యామిలీ హీరోగా ముద్ర పడిన ఈ హీరో నచ్చిన పలు చిత్రాలకు గ్రీన్ సిగ్నల్ ఇచ్చేస్తున్నాడు. 'నిన్ను కోరి'..'ఎమ్ సీఏ' సినిమాలతో బిజీగా ఉన్న 'నాని' ఓ నిర్ణయం తీసుకున్నాడని తెలుస్తోంది. మల్టిస్టారర్ సినిమాకు 'నాని' ఓకే చెప్పినట్లు సోషల్ మాధ్యమల్లో తెగ వార్తలు వచ్చేస్తున్నాయి. యంగ్ హీరోలతో పోట నటిస్తున్న సీనియర్ హీరో 'నాగార్జున' సరసన నటించేందుకు 'నాని' అంగీకరించినట్లు టాక్. ప్రస్తుతం నాగ్ 'రాజు గారి గది-2' సినిమాలో నటిస్తున్న సంగతి తెలిసిందే. గతంలో 'నిఖిల్' తో కలిసి 'నాగార్జున' మల్టీస్టారర్ సినిమా చేస్తున్నాడనే వార్తలు వచ్చాయి. అదే సినిమాను 'నిఖిల్' కు బదులుగా 'నాని'తో చేస్తున్నాడా ? అనేది తెలియరావడం లేదు. దీనికి సంబంధించిన విషయాలు త్వరలోనే తెలియనున్నారు.

11:28 - May 10, 2017

అక్కినేని నాగార్జున కుమారుడు అక్కినేని నాగచైతన్య క్షమించాలని కోరడం ఏంటీ ? అని అనుకుంటున్నారా ? ఓ సినిమాను ఆలస్యంగా చూసినందుకు క్షమాపణలు చెప్పారు. ప్రముఖ దర్శకుడు రాజమౌళి తెరకెక్కించిన 'బాహుబలి -2' సినిమా విడుదలై విజదుందుంభి మ్రోగించిన సంగతి తెలిసిందే. చరిత్రలో ఏ సినిమా సాధించని రికార్డులు ఈ సినిమా సాధించింది. ఏకంగా వెయ్యి కోట్లు కొల్లగొట్టింది. ఈ చిత్రాన్ని చూసిన పలువురు చిత్ర ప్రముఖులు రాజమౌళి దర్శకత్వ ప్రతిభ..నటులపై ప్రశంసల జల్లుకు కురిపించారు. ఇటీవలే 'నాగచైతన్య' ఈ చిత్రాన్ని చూసి చిత్ర యూనిట్ ను అభినందించారు. ట్విటర్‌ వేదికగా ఆ చిత్ర యూనిట్‌ సభ్యులకు సెల్యూట్‌ చేశారు. ఆలస్యమైనందుకు క్షమించమన్నారు. ప్రస్తుతం ఆయన కల్యాణ్‌ కృష్ణ దర్శకత్వంలో 'రారండోయ్‌ వేడుక చూద్దాం' చిత్రంలో నటిస్తున్న సంగతి తెలిసిందే. ఇందులో రకుల్‌ప్రీత్‌ సింగ్‌ కథానాయికగా నటిస్తున్నారు. త్వరలో ఈ చిత్రం ప్రేక్షకుల ముందుకు రానుంది.

15:11 - May 7, 2017

అక్కినేని నాగార్జున తనయుడు 'నాగ చైతన్య' మెగా ఫ్యామిలీ వారు వెళుతున్న దారిలో వెళుతున్నాడా ? అంటే అవుననే సమాధానం వస్తోంది. ఇటీవలే మెగా హీరోలు నటించిన పలు చిత్రాల ఆడియో వేడుకలు నిర్వహించకుండానే యూ ట్యూబ్ లలో రోజుకొకటి..రెండు రోజుల ఒకటి విడుదల చేసిన సంగతి తెలిసిందే. తాజాగా 'నాగ చైతన్య' నటిస్తున్న 'రారండోయ్ వేడుక చూద్దాం' సినిమా పాటలను కూడా ఆన్ లైన్ లో విడుదల చేస్తున్నారు. 'బుగ్గచుక్క పెట్టుకుంది సీతమ్మా. సీతమ్మా!.. కంటి నిండా ఆశలతో మా సీతమ్మ... తాళిబొట్టు చేతబట్టి.. రామయ్యా!.. రారండోయ్ వేడుక చూద్దాం. సీతమ్మను, రామయ్యను ఒకటిగా చేద్దామంటూ'.. .సాగే టైటిల్‌ సాంగ్‌ను శనివారంనాడు ఆన్‌లైన్‌లో ఆవిష్కరించారు.
నాగచైతన్య, రకుల్‌ప్రీత్‌సింగ్‌ జంటగా నటించిన ఈ చిత్రాన్ని అన్నపూర్ణ స్టూడియో బేనర్‌లో నిర్మిస్తున్న సంగతి తెలిసిందే. 'సోగ్గాడే చిన్నినాయన' ఫేమ్‌ కళ్యాణ కృష్ణ దర్శకత్వం వహిస్తున్న ఈ సినిమా ఈనెల 19న విడుదల చేసేందుకు సన్నాహాలు చేస్తున్నారు. ఇదిలా ఉంటే ఆదివారం సాయంత్రం 4.30 గంటలకు ఈ పాటకు సంబంధించిన 30 సెకన్ల టీజర్‌ రిలీజ్‌ చేస్తామని, త్వరలోనే ఇదే పాటకు 90 సెకన్ల వీడియోను విడుదల చేస్తామని నిర్మాత నాగార్జున వెల్లడించారు.

14:26 - April 18, 2017

నాగార్జున తనయుడు 'అఖిల్' హిట్ కోసం తాపత్రయపడుతున్నాడు. తన మొదటి చిత్రం 'అఖిల్' ప్రేక్షకాదరణ పొందకపోయేసరికి సినిమా విషయంలో చాలా గ్యాప్ తీసుకున్నాడు. అనంతరం ఇటీవలే తన కొత్త సినిమాను సెట్స్ పైకి తీసుకెళ్లాడు. 'ఇష్క్’, 'మనం, ‘24’ వంటి చిత్రాలతో ఫామ్‌లో వున్న డైరెక్టర్ విక్రమ్ కుమార్ డైరెక్ట్ చేస్తున్న ఈ సినిమాను 'నాగార్జున' తన సొంత ప్రొడక్షన్స్‌పై నిర్మిస్తున్న సంగతి తెలిసిందే. తాజాగా ఈ సినిమా గురించి ఓ ఆసిక్తకరమైన వార్త హల్ చల్ చేస్తోంది. ఈ సినిమాలో 'అఖిల్' కి విలన్ గా 'అజయ్'ని ఎంపిక చేసినట్లు టాక్. ‘ఇష్క్', ‘24’ చిత్రాల్లో 'అజయ్' నటించారు. మళ్లీ తన తరువాతి సినిమాకు అతడిని ఎంపిక చేశారని తెలుస్తోంది. ఆల్రెడీ అజయ్ కి సంబంధించిన షూటింగ్ ప్రారంభించినట్లు సమాచారం. మరి అఖిల్..అజయ్ మధ్య జరిగే సన్నివేశాలు ఎలా ఉంటాయో సినిమా విడుదలయ్యే వరకు వేచి చూడాల్సిందే. 

11:09 - April 15, 2017

సినిమా ఇండస్ట్రీ లో సెంటిమెంట్స్ ఉంటాయి. లక్కీగా కొన్ని సార్లు వర్క్అవుట్ ఔతాయి కూడా. అక్కినేని ఫామిలీ ఈ విషయాన్నీ బాగా నమ్మినట్టుంది. నాగార్జున కి హిట్ ఇచ్చిన డైరెక్టర్ తో వారసుడి సినిమాకి ఓకే చెప్పి సెట్స్ మీదకి తీసుకెళ్లింది. 'నాగార్జున'కు ఉన్న 'మన్మధుడు' అనే పేరును సార్ధకం చేసిన సినిమా 'సోగ్గాడే చిన్ని నాయన'. 'నాగార్జున' డ్యూయెల్ రోల్ చేసి మెప్పించిన సోషియో ఫాంటసీ ఫిలిం సోగ్గాడే చిన్ని నాయన. ఈ సినిమాలో నాగార్జున సరసన రమ్యకృష్ణ తో పాటు లావణ్య త్రిపాఠి స్క్రీన్ ని పంచుకున్నారు. ప్రతి ఫ్రేమ్ లో అందాన్ని చూపించిన ఈ సినిమాకి డైరెక్టర్ కళ్యాణ్ కృష్ణ. హంస నందిని, అనసూయ వంటి హాట్ అండ్ గ్లామర్ బ్యూటీ లని మంచి సాంగ్ లో వాడేసి మాస్ పల్స్ టచ్ చేసాడు డైరెక్టర్. మొత్తానికి ఈ సినిమా నాగార్జున ఖాతాలో హిట్ గా పడింది. 'ప్రేమమ్' సినిమాతో నటనలో పర్ఫెక్షన్ చూపించాడు నాగ చైతన్య. 'అక్కినేని' వారసుల్లో గుడ్ జాబ్ అని ఆడియన్స్ తో అనిపించుకున్న నటుడు నాగ చైతన్య. మలయాళం మూవీ 'ప్రేమమ్' కి తెలుగు టచ్ ఇచ్చి ఆడియన్స్ కి కొత్త ఫీల్ ఉన్న ఫిలింని అందించాడు డైరెక్టర్ చందు మొండేటి. ఈ సినిమాలో 'నాగచైతన్య' వేరియషన్ ఉన్న పాత్ర ప్లే చెయ్యడం వల్ల అతనిలో నటన బాగా హై లెట్ అయింది. 'ప్రేమమ్' సినిమా తెలుగు స్క్రీన్ మీద హిట్ కొట్టింది. 'నాగచైతన్య' ప్రెజెంట్ ఒక ఫామిలీ ఎంటర్టైనర్ లో నటిస్తున్నాడు. షూటింగ్ కూడా స్పీడ్ గా జరిగిపోతోంది. ఈ సినిమాకి డైరెక్టర్ కళ్యాణ్ కృష్ణ. 'సోగ్గాడే చిన్నినాయనా' సినిమాతో హిట్ ఇచ్చిన కల్యాణ కృష్ణని రిపీట్ చేశారు అక్కినేని ఫామిలీ. నాగ‌చైత‌న్య హీరోగా ర‌కుల్ ప్రీత్ సింగ్ హీరోయిన్‌గా 'రా రండోయ్‌..వేడుక చూద్దాం' అనే ఫ్యామిలీ ఎంట‌ర్‌టైన‌ర్ రూపొందుతోంది. ఈ చిత్రంలో జ‌గ‌ప‌తిబాబు ఓ కీల‌క‌పాత్ర‌లో న‌టిస్తున్నాడు. నాగ‌చైత‌న్య సాఫ్ట్‌వేర్ ఉద్యోగి పాత్ర‌లో క‌నిపించ‌బోతున్నాడు. ఈ సినిమాను స‌మ్మ‌ర్ సంద‌ర్భంగా మే 19న విడుద‌ల చేయ‌డానికి స‌న్నాహాలు చేస్తున్నార‌ట‌. సెంటిమెంట్ ఎంతవరకు వర్కౌట్ అవుతుందో చూడాలి మరి.

10:46 - April 3, 2017

టాలీవుడ్ మన్మథుడు నాగార్జున తనయుడు 'అఖిల్' కొత్త చిత్రంలో నటిస్తున్నారు. సినిమా షూటింగ్ ఆదివారం రాత్రి ప్రారంభమైంది. అక్కినేని నాగేశ్వరరావు మునిమనువరాలు సత్య సాగరి క్లాప్ నివ్వగా దర్శకుడు కె.రాఘవేంద్రరావు కెమెరా స్విచ్చాన్ చేశారు. దేవుడి పటాలపై తొలి షాట్ ను చిత్రీకిరించారు. విక్రమ్ కె. కుమార్ దర్శకత్వంలో అన్నపూర్ణ స్టూడియోస్, ‘మనం' ఎంటర్ ప్రైజస్ పతకాలపై ఈ చిత్రాన్ని నిర్మిస్తున్నారు. ఇందుకు సంబంధించిన కొన్ని ఫొటోలను ట్విట్టర్ ద్వారా షేర్ చేసుకున్నారు నాగార్జున. 'ఓపికకు తెరపడింది. అఖిల్ మూవీ ప్రారంభమైంది. పూజ చేసి ప్రాజెక్టు మొదలుపెట్టాం' అని ట్వీట్ చేశారు. హీరో అఖిల్ అక్కినేని, దర్శకుడు విక్రమ్ కె కుమార్, నిర్మాత అక్కినేని నాగార్జున, అక్కినేని అమల, నాగ చైతన్య, సుప్రియ, ఎ. నాగ సుశీల, సుమంత్, సుశాంత్, యార్లగడ్డ సురేంద్ర ఈ కార్యక్రమానికి హాజరయ్యారు. 'అఖిల్' తన మొదటి చిత్రం పరాజయం కావడంతో చాలా గ్యాప్ తీసుకున్నారు. ఈ చిత్రాన్ని 'నాగార్జున' ప్రతిష్టాత్మకంగా తీసుకున్నట్లు తెలుస్తోంది.

14:04 - March 29, 2017

అక్కినేని నాగార్జున తనయుడు 'అక్కినేని నాగచైతన్య' నటిస్తున్న తాజా చిత్రం సైలెంట్ గా షూటింగ్ జరుపుకొంటోంది. ఈ చిత్రానికి 'రారండోయ్ వేడుక చూద్దాం' అనే టైటిల్ ఫిక్స్ చేసినట్లు అన్నపూర్ణ స్టూడియోస్ బ్యానర్ పై ఈ టైటిల్ రిజిష్టర్ అయ్యిందని అప్పట్లో వార్తలు వెలువడ్డాయి. ప్రస్తుతం ఇవన్నీ నిజమని తేలింది. ఎందుకంటే 'ఉగాది' పండుగ సందర్భంగా 'నాగచైతన్య' నటిస్తున్న కొన్ని లుక్స్ విడుదలయ్యాయి. కళ్యాణ్ కృష్ణ డైరెక్షన్ లో ఈ చిత్రం రూపొదిద్దుకుంటున్న సంగతి తెలిసిందే. ఎవరూ ఊహించని రీతిలో నాగ్ తన ట్విట్టర్ లో లుక్స్ ని పోస్టు చేశారు. విడుదల చేసిన రెండు లుక్స్ లో మొదటిది తనది అని, రెండోది కళ్యాణ కృష్ణదని నాగ్ పేర్కొన్నారు. ఒక పోస్టర్ లో చైతూ గంభీరంగా ఉంటే..రెండో పోస్టర్ లో టైటిల్ కు తగ్గట్టు చైతూ, రకూల్ ప్రీత్ సింగ్ లున్నారు. మరి ఈ రెండు పోస్టర్ లలో అభిమానులకు ఏవి నచ్చుతాయో చూడాల్సిందే.

Pages

Don't Miss

Subscribe to RSS - నాగార్జున