నాని

15:08 - September 23, 2018

హైదరాబాద్ : యువసమ్రాట్ కింగ్ నాగార్జున, నేచురల్ స్టార్ నాని కాంబినేషన్ లో తెరకెక్కిన ‘దేవదాస్’ విడుదలకు సిద్ధమైన సంగతి తెలిసిందే. ఈ నేపథ్యంలో సినిమాలోని నటీనటులు దేవదాస్ ప్రమోషన్ లో బీజీగా ఉన్నారు. ఈ సందర్భంగా నాగార్జున నానికి సంబంధించిన ఓ సీక్రెట్ ను బయటపెట్టారు. నాని ఫోన్ పిచ్చోడని వెల్లడించారు.

‘నానికి ఫోన్ చూడడం అలవాటుగా మారిపోయింది. అందులో ఏం చూస్తాడో నాకయితే తెలీదు. పక్కనే అందమైన అమ్మాయి ఉన్నా పట్టించుకోకుండా ఫోన్‌నే  చూస్తుంటాడు. ఫోన్ లో గంటలుగంటలు గడుపుతూ దాసు(దేవదాస్ లో నాని పేరు) నాకు చిరాకు తెప్పిస్తుంటాడు. మీకు చిరాకు తెప్పించే స్నేహితుడు ఎవరో ట్యాగ్ చేయండి’ అని ఓ వీడియోను ట్విట్టర్‌లో నాగార్జున పోస్ట్ చేశారు. శ్రీరామ్ ఆదిత్య దర్శకత్వం వహిస్తున్న దేవదాస్ ఈ నెల 27న ప్రేక్షకుల ముందుకు రానుంది. 

09:01 - September 21, 2018

హైదరాబాద్ : దేవదాస్ మూవీ ట్రైలర్ రిలీజ్ అయింది. దేవదాస్ ట్రైలర్ ఆకట్టుకుంటోంది. మూవీ ప్రీ రిలీజ్ ఈవెంట్ సందర్భంగా ట్రైలర్ విడుదల చేశారు. నాగార్జున, నాని కథానాయకులుగా నటిస్తున్న చిత్రం దేవదాస్‌. ఆకాంక్ష సింగ్‌, రష్మికా మందన్నా నటిస్తున్న ఈ మూవీకి శ్రీరాం ఆదిత్య దర్శకత్వం వహిస్తున్నాడు. ఇప్పటికే చిత్రీకరణ పూర్తి చేసుకున్నదేవదాస్‌ ప్రస్తుతం నిర్మాణాంతర కార్యక్రమాలను జరుపుకొంటోంది. ప్రీ రిలీజ్‌ ఈవెంట్‌  సందర్భంగా అక్కినేని నాగార్జున చిత్ర ట్రైలర్‌ను అభిమానులతో పంచుకున్నారు. అంతా భ్రాంతియేనా.. జీవితాన వెలుగింతేనా.. అనే పాత దేవదాసు సినిమాలోని పాటతో ట్రైలర్‌ మొదలవుతుంది. ఈ చిత్రం సెప్టెంబర్‌ 27న ప్రేక్షకుల ముందుకు రానుంది. 

 

11:50 - September 19, 2018
టాలీవుడ్ లో భిన్నమైన కథలు ఎంచుకుంటూ ఇతర హీరోలతో టాలీవుడ్ మన్మథుడు నటిస్తూ ప్రేక్షకులను మెప్పిస్తున్నాడు. తాజాగా నేచురల్ స్టార్ నానితో కలిసి ఈ మన్మథుడు రోమాన్్స చేయబోతున్నాడు. శ్రీరామ్ ఆదిత్య దర్శకత్వం వహిస్తున్న ఈ చిత్రంలో ఆకాంక్ష సింగ్‌, రష్మిక మందన్నా కథానాయికలుగా నటిస్తున్నారు. వైజయంతి మూవీస్‌, వయాకమ్‌ 18 మీడియా ప్రై.లి పతాకంపై అశ్వినీదత్‌ ఈ సినిమాను నిర్మిస్తున్నారు. ఈ చిత్ర ఆడియోను త్వరలోనే విడుదల చేయడానికి సన్నాహాలు చేసేస్తున్నారు. 
ఇటీవలే చిత్ర టీజర్ విడుదలైన సంగతి తెలిసిందే. దీనికి అభిమానుల నుండి భారీ స్పందనే వస్తోంది. సినిమా వినోదాత్మకంగా తీర్చిదిద్దుతున్నారు. మణిశర్మ సంగీతం అందించిన ఈ చిత్రంలోని పాటలను 'దేవదాస్‌ ఆడియో పార్టీ' పేరుతో ఈ నెల 20న విడుదల చేయనున్నట్లు చిత్ర యూనిట్ పేర్కొంది. అన్ని కార్యక్రమాలు పూర్తి చేసి ఈ నెల 27న ప్రపంచ వ్యాప్తంగా గ్రాండ్‌గా సినిమాను విడుదల చేయనున్నారు
13:51 - September 12, 2018

తెలుగు సినిమా రంగంలో మల్టీస్టారర్ సినిమాలు ట్రెండ్ కొనసాగుతోంది. తన వయస్సు..చూడకుండా జోరుగా సినిమాలు చేస్తున్న హీరోల్లో ఒకరు ’నాగార్జున’. టాలీవుడ్ లో మన్మథుడిగా పేరొందిన ఈ నటుడు చిన్న..పెద్ద హీరోలతో నటిస్తున్నాడు. తెలుగు సినిమాలో నాచురల్ స్టార్ గా పేరు గడించిన ‘నాని’తో ‘నాగ్’ నటిస్తున్న సంగతి తెలిసిందే. వైజయంతీ మూవీస్‌ బ్యానర్‌పై నిర్మిస్తున్న ఈ సినిమాను యువ దర్శకుడు శ్రీరామ్‌ ఆదిత్య డైరెక్ట్ చేస్తున్నాడు. ఈ సినిమాకు ‘దేవదాస్’ పేరు ఖరారు చేశారు. ఈ చిత్ర టీజర్..లిరికల్ వీడియోలు సందడి చేస్తున్నాయి. 

'వినాయకచవితి' కావడంతో చిత్ర యూనిట్ లిరికల్ సాంగ్ ను రిలీజ్ చేసింది. ఈ సాంగ్ దుమ్ముదుమ్ము రేపుతోంది. వినాయక నిమజ్జన ఉత్సవానికి సంబంధించిన పాటను వదిలారు."లక లక లకుమీకరా లంబోదరా .. జగ జగ జగదోద్ధారా విఘ్నేశ్వరా . . లక లక లకుమీకరా లంబోదరా .. రకరకముల రూపాలు నీవే దొరా .. వెళ్లి రారా .. మళ్లీ రారా .. ఏడాదికోసారి మాకై దిగిరారా .." అంటూ ఈ పాట కొనసాగుతోంది. మణిశర్మ ఈ సినిమాకు సంగీతం అందిస్తున్నారు. రష్మిక మందన్న, ఆకాంక్ష సింగ్‌లు హీరోయిన్‌లుగా నటిస్తున్నారు. అన్ని కార్యక్రమాలు పూర్తి చేసి సెప్టెంబర్ 27న రిలీజ్ చేసేందుకు ప్లాన్‌ చేస్తున్నారు. 

10:48 - July 6, 2018

"దేవదాసు''సినిమా అక్కినేని నాగేశ్వరావు సినీ చరిత్రలో కలికితురాయిగా మిగిలిపోయింది. నూనూగు మీసాల యువకుడి వయస్సులోనే బరువైన పాత్రలో నటించిన పెద్ద అక్కినేనికి "దేవదాసు''ఓ చరిత్ర అని చెప్పవచ్చు. నాగేశ్వరరావు నటించిన ఆణిముత్యాల్లాంటి చిత్రాల్లో "దేవదాసు'' కి ఒక ప్రత్యేక స్థానం వుంది. ఈ సినిమా తెలుగులోనే కాక దక్షిణభారత చలనచిత్ర పరిశ్రమలో సంచలనం సృష్టించింది. ఇప్పడు తాజాగా ఇదే టైటిల్‌తో సీనియర్ అక్కినేని వారసుడుగా పరిశ్రమలో అడుగు పెట్టిన నాగార్జున మరో దేవదాసుతో రానున్నారు. ఈ సినిమాలో మల్టీస్టారర్ గా రూపొందుతోంది. ఈ సినమాలో మరో స్టార్ నాచ్యురల్ స్టార్ నాని.

'దేవదాస్' అనే టైటిల్ గుర్తుకు వస్తేనే చాలు మందు సీసాలు గుర్తుకొస్తాయి. అలాంటిది 2018 'దేవదాస్' టైటిల్ పోస్టర్‌లో మాత్రం తుపాకులు, బుల్లెట్లు ఉండటం చూస్తుంటే.. మూవీ వైవిధ్యంగా ఉంటుందనే విషయం ఇట్టే అర్థమైపోతోంది.

ప్రముఖ నిర్మాత సి.అశ్వనీదత్ తన సొంత బ్యానర్ వైజయంతీ మూవీస్ పతాకంపై నిర్మించనున్నారు. ఈ మల్టీస్టారర్ చిత్రానికి సంబంధించిన ఫస్ట్ లుక్‌ను తాజాగా విడుదల చేశారు. ఈ చిత్రానికి దేవదాస్ అనే టైటిల్‌ను ఖరారు చేశారు. ఈ విషయాన్ని జూలై 5వ తేదీన అధికారికంగా ప్రకటించారు. ఈ క్రమంలో హీరో నాగార్జున ఫస్ట్ లుక్ పోస్టర్ ను తన ట్విట్టర్ లో పోస్ట్ చేశారు. "మీ అండ్ దాస్" అంటూ ట్వీట్ చేశారు. ఈ చిత్రానికి శ్రీరామ్ ఆదిత్య దర్శకత్వం వహించనున్నారు. మణిశర్మ సంగీత బాణీలు సమకూర్చనున్నారు. నాగార్జున సరసన ఆకాంక్షా సింగ్‌ హీరోయిన్‌గా నటిస్తుండగా.. "ఛలో" ఫేం రష్మిక మందన నానికి జోడీగా ఎంపిక చేసినట్టు సమాచారం. ఇప్పటికే 65 శాతానికిపైగా షూటింగ్‌ పూర్తి చేసుకున్న దేవదాస్ సెప్టెంబర్‌‌లో విడుదల చేసేందుకు ప్లాన్‌ చేస్తున్నారు. 

21:45 - June 11, 2018

హైదరాబాద్ : సోషల్‌ మీడియాలో తనపై కొంత కాలంగా ఆరోపణలు చేస్తున్న నటి శ్రీరెడ్డిపై న్యాయపరమైన చర్యలకు దిగుతున్నట్లు సినీ హీరో నాని తెలిపారు. అనవసర ఆరోపణలతో శ్రీరెడ్డి తన పరువుకు భంగం కలిగిస్తోందంటూ లాయర్‌ ద్వారా నోటీసులు ఇచ్చారు. ఏడు రోజుల్లోగా సిటీ సివిల్‌ కోర్టుకు సమాధానం ఇవ్వాలని నాని లాయర్‌ చెప్పారు. ట్విటర్‌లో ఈ నోట్‌ను నాని తన అభిమానులతో పంచుకున్నారు. దీనిపై స్పందించిన శ్రీరెడ్డి న్యాయపరంగానే పోరాడుదాం అని ట్వీట్‌ చేశారు. 

11:46 - June 4, 2018

తెలుగులో 'బిగ్ బాస్' సాధించిన విజయంతో మరో బిగ్ బాస్ ప్రేక్షకుల ముందుకు వచ్చేస్తోంది. ఈ ముహూర్తం కూడా ఆసన్నమైంది. మొదటి బిగ్ బాస్ కు ఎన్టీఆర్ వ్యాఖ్యాతగా అదరగొట్టాడు..కామెడీ, సమయస్ఫూర్తి..వీటి తోటు ఎన్టీఆర్ వాక్చాతుర్యం వెరసి 'బిగ్ బాస్ ' సూపర్ హిట్ అయ్యింది.ఈ నేపథ్యంలో 'బిగ్ బాస్ '2 లో మరింత జోష్ తో..మరింత హాట్ హాట్ గా ప్రేక్షకుల ముందుకు వచ్చేస్తోంది. అసలే జోష్ కు మారుపేరుగా వుండే నాని ఈ షోలో మరింత జోష్ పుట్టించనున్నాడు. ఇప్పటికే ప్రోమోలతో ఉత్సాహాన్ని రేకెత్తిస్తున్న ఈ నాచ్యురల్ స్టార్ యాంకరింగ్ కోసం..ఈ షోలో పాల్గొనే సెలబ్రిటిలు ఎవరా? అనే ఉత్కంఠతతో ప్రేక్షకులు ఎదురు చూస్తున్నారు.

ముహూర్తం దగ్గరపడుతున్న 'బిగ్‌బాస్' సీజన్ 2..
తెలుగు 'బిగ్‌బాస్' సీజన్ 2 ప్రసారానికి ముహూర్తం దగ్గరపడుతోంది. ఈ షోకు వ్యాఖ్యాతగా నేచురల్ స్టార్ నాని ఈల వేస్తూ సీజన్‌-2కు వచ్చేస్తున్నాడు. 'జూన్ 10.. 100 రోజులు.. 16 మంది సెలబ్రిటీలు.. 1 బిగ్ హౌస్.. బిగ్ బాస్ 2'తో నాచురల్ స్టార్ రాబోతున్నాడు. 'ఏదైనా జరగొచ్చు' రెడీగా ఉండడంటూ నాని తన అభిమానుల్లో, ఔత్సాహికుల్లో మరింత ఆసక్తి పెంచుతున్నాడు. ఈ షో స్టార్ మాలో సోమవారం నుంచి శుక్రవారం వరకు రాత్రి 9.30 గంటలకు, శని, ఆది వారాల్లో రాత్రి 9 గంటలకు ప్రసారం కానుంది. ఇప్పటికే పలు షోలలో అలరించిన నాని ఈ బిగ్ బాస్ 2లో ఏవిధంగా ప్రేక్షకులను, పాల్గొన్నవారిని ఎలా ఆకట్టుకోనున్నాడో చూడాలి..

12:07 - May 24, 2018

సీనియర్ హీరో తో యంగ్ హీరో స్క్రీన్ ని పంచుకోబోతున్నాడు . వరుస హిట్ సినిమాలతో స్పీడ్ లో ఉన్న ఈ యంగ్ హీరో తన నెక్స్ట్ సినిమాని మల్టి స్టారర్ గా చేస్తున్నాడు . కంటెంట్ ఉన్న కథలతో హిట్ ట్రాక్ లో ఉన్న యంగ్ డైరెక్టర్ తో చేస్తున్న ఈ సినిమా గురించి తెలుసుకుందాం..

ప్రెజెంట్ రామ్ గోపాల్ వర్మ ఆఫీసర్ సినిమాలో బిజీ గా ఉన్నాడు నాగార్జున .తెలుగు సినిమా ఇండస్ట్రీ లో మల్టి స్టారర్ సినిమాలు తక్కువే అని చెప్పాలి . ఇప్పుడు ట్రెండ్ మారింది స్టార్ హీరో ఐన సరే సబ్జెక్టు డిమాండ్ చేస్తే మల్టి స్టారర్ చెయ్యక తప్పదు అదే ట్రెండ్ ని ఫాలో అవుతూ ఇప్పుడు నాగార్జున అండ్ నాని కలిసి నటిస్తున్న విషయం తెలిసిందే .ఆర్ జి వి సినిమా తరువాత నాగ్ మల్టి స్టారర్ రిలీజ్ అవుతుంది .

వరుస హిట్ సినిమాలతో జోష్ లో ఉన్న మినిమమ్ గ్యారంటీ హీరో నాని ఈ మధ్య రెగ్యులర్ సినిమాలు చేస్తున్నాడు అనే టాక్ తెచ్చుకున్నాడు .అందుకే నాని ఇప్పుడు ట్రాక్ మార్చాడు. తాను ఎంచుకునే సబ్జక్ట్స్ లో వైవిధ్యం ఉండేలా చూసుకుంటూ ఆడియన్స్ కి ఎంటర్టైన్మెంట్ ఇస్తున్నాడు . రీసెంట్ గ రిలీజైన కృష్ణార్జున యుద్ధం సినిమాలో నాని డ్యూయెల్ రోల్ చేసిన విషయం తెలిసిందే .

నానీ నాగార్జునని ఒకే స్క్రీన్ పైన చూసే టైం దగ్గరలోనే ఉంది .దాదాపు సగభాగం షూటింగ్ పూర్తి చేసుకున్న ఈ చిత్రం రీమేక్ అని తెలుస్తోంది. ఓ హిందీ సినిమాను ఇన్ స్పిరేషన్ గా తీసుకుని మూవీ చేస్తున్నాడట దర్శకుడు శ్రీరామ్ ఆదిత్య. 2007లో వచ్చిన బాలీవుడ్ మూవీ జానీ గద్దర్ కు రీమేక్ గానే.. నాగ్-నాని మల్టీస్టారర్ కథ సిద్ధమైందట. ఈ రీమేక్ అంశాన్ని త్వరలోనే పబ్లిక్ గా అనౌన్స్ మెంట్ కూడా చేయాలని ఫిక్స్ అయ్యారట. డైరెక్టర్ శ్రీరామ్ ఆదిత్య ప్రీవియస్ సినిమా శమంతకమని మంచి టాక్ తెచ్చుకుంది .

11:50 - May 24, 2018

సినిమా పరిశ్రమలో కష్టపడి ఎటువంటి బ్యాక్ గ్రౌండ్ లేకుండా పైకి వచ్చిన నటులలో నాని ఒకరు. విభిన్నమైన నటలన, న్యాచ్చురాలిటీని ప్రదర్శించే నాని ఇప్పటికే నాచ్యురల్ స్టార్ గా పేరు తెచ్చుకున్నాడు. వరుస హిట్స్ సాధిస్తు..విభిన్నమైన నటనను ప్రదర్శిస్తూ నాని విజయాలతో దూసుకుపోతున్నాడు. గతంలో ఒక తమిళ సినిమా చేసిన ఆయన, ఇప్పుడు మరో తమిళ సినిమా చేస్తున్నాడు. సముద్రఖని దర్శకత్వంలో 'వేలన్ ఎట్టుత్తిక్కుమ్' అనే సినిమా రూపొందుతోంది. ఈ సినిమాలో నాని సరసన కథానాయికగా అమలా పాల్ నటిస్తోంది. అవినీతి .. అక్రమాలపై పోరాడే ఒక యువకుడిగా ఈ సినిమాలో నాని కనిపించనున్నాడు. సామాజిక సందేశంతో కూడిన యాక్షన్ మూవీగా ఈ సినిమా రూపొందుతోంది. జీవీ ప్రకాశ్ అందించిన సంగీతం ఈ సినిమాకి ప్రత్యేక ఆకర్షణగా నిలుస్తుందనే వార్తలు వస్తున్నాయి. ఈ సినిమాతో నానికి తమిళనాట కూడా క్రేజ్ పెరిగే అవకాశం ఉందనే వార్తలు సినిమా పరిశ్రమలో చక్కర్లు కొడుతున్నాయి. 

19:27 - April 14, 2018

సందీప్ కిషన్ హీరోగా వచ్చిన వెంకటాద్రి ఎక్స్ ప్రెస్, ఎక్స్ ప్రెస్ రాజా సినిమాలతో సక్సెస్ ఫుల్ డైరెక్టర్ గా పేరు తెచ్చుకున్న మేర్లపాక గాంధీ కృష్ణార్జున యుద్ధం సినిమాలో రియల్ స్టార్ నానితో డ్యుయల్ రోల్ చేయించి మరో బిగ్గెస్ట్ సక్సెస్ ను అందుకున్నాడు. ఈ సినిమాలో మాస్ క్యారెక్టర్ లో చిత్తూరు జిల్లా యాసతో నాని చితక్కొట్డాడు. ఆ యాసతో ఇప్పటివరకూ పెద్దగా సినిమాలు రాలేదు. దాన్ని గమనించిన గాంధీ తన స్థానిక యాసతో మరో హిట్ ను కాదు కాదు బిగ్గెస్ట్ హిట్ ను అందుకున్నాడు. ప్రముఖ సినీ రచయిత మేర్లపాక మురళికి గాంధీ కుమారుడు కూడా. చిత్తూరు జిల్లా, రేణిగుంట మండలం, వెదుళ్ళచెరువు గ్రామంలో జన్మించిన గాంధీ..సినిమాలపై వున్ ఆసక్తితో చెన్నైలోని ఎల్. వి. ప్రసాద్ సంస్థలో సినిమా రంగానికి చెందిన మెలకువలు నేర్చుకున్నాడు. ఆ తర్వాత హైదరాబాదుకు వచ్చి 2013 లో వెంకటాద్రి ఎక్స్ ప్రెస్ సినిమాతో దర్శకుడిగా ప్రయానం ప్రారంభించి తన ప్రతిభతో వరుస హిట్స్ ను అందుకుంటున్నాడు. తండ్రి మేర్లపాక మురళి ప్రముఖ రచయిత మరియు విలేఖరి. ప్రముఖ వార్తా పత్రిలకు పనిచేశాడు. ఆయన రాసిన 24 నవలలు స్వాతి వారపత్రికలో ప్రచురించబడ్డాయి. ఈయనకు చే గువేరా అంటే అభిమానం ఉండటంతో కుమారుడికి అదే పేరు పెట్టాడు, కానీ ఊర్లోని వాళ్ళకి ఆ పేరు పలకడం చేతకాకపోవడంతో అతని ఐదో యేట గాంధీ అని పేరు మార్చాడు. 

Pages

Don't Miss

Subscribe to RSS - నాని