నిప్పు

20:22 - November 9, 2017

ఒడ్సిపోయిన సుక్క సత్తయ్య సూపు, అమాయకంగున్నఅలంపూర్ ఎమ్మెల్యే, పంటకు నిప్పువెట్టుకుంటున్న రైతులు, మర్ఫా డ్యాన్స్ జేస్తున్న క్రికెటర్, విశాఖపట్నంల దిగిన బాలికాక.. ఈ అంశాలపై మల్లన్నముచ్చట్లను వీడియోలో చూద్దాం.....

14:44 - October 31, 2017

నల్లగొండ : జిల్లా మిర్యాలగూడ మండలం చిల్లాపురంలో ఓ రైతు ఆవేదనకు గురయ్యాడు. దోమకాటుకు గురైన తన 10 ఎకరాల వరి పంటను తగలబెట్టాడు. పంట ఎందుకూ పనికిరాకుండాపోవడంతో నార్షనాయక్‌ అనే రైతు పంటను కాల్చేశాడు. పూర్తి వివరాలకు వీడియో క్లిక్ చేయండి.

13:33 - September 29, 2017

విశాఖ : జిల్లా జీ మాడుగుల మండలం చదురుమాడిలో దారుణం జరిగింది. ఓ కసాయి కొడుకు తల్లిదండ్రులు, తమ్ముడిపై పెట్రోల్ పోసి నిప్పంటించారు. స్థానికులు ముగ్గురిని పాడేరు ఆసుపత్రికి తరలించారు. ఇద్దరి పరిస్థితి విషమంగా ఉందని డాక్టర్లు తెలిపారు. ప్రస్తుతం నింధితుడు పరారీలో ఉన్నాడు. కేసు నమోదు చేసుకున్న పోలీసులు నింధితుడి కోసం గాలింపు ప్రారంభించారు. పూర్తి వివరాలకు వీడియో క్లిక్ చేయండి.

16:32 - July 17, 2017

హైదరాబాద్ : 'రవితేజ నిప్పులాంటి వాడు..నిప్పుతో చెలగాటమాడుతున్నారు..శత్రుత్వం తమకు లేదు..ఎవరో కావాలని చేశారని అనుకోవడం లేదు..తన కష్టం మీద పైకి వచ్చాడు'..అంటూ రవితేజ తల్లి పేర్కొన్నారు. గత కొన్ని రోజులుగా డ్రగ్స్ రాకెట్ కేసు సినీ ఇండస్ట్రీని వణికిస్తున్న సంగతి తెలిసిందే. ఇందులో సినీ నటుడు రవితేజ..ఇతరులు కూడా ఉన్నారనే వార్త సంచలనం అయ్యింది. దీనితో ఆమె తల్లి 'రవితేజ' తల్లి సోమవారం స్పందించారు.

మత్తు ఏంటో తెలియదు..
డ్రగ్స్ వ్యవహారంలో తన కొడుకు పేరు రావడంపై హీరో రవితేజ తల్లి ఆవేదన వ్యక్తం చేశారు. రవితేజకు మత్తు పదార్థాలు సేవించే అలవాటు లేదని, కష్టపడి ఇంత స్థాయికి ఎదిగిన తన కుమారుడికి ఈ కేసుతో సంబంధం ఉందని అనడం తమకు బాధ కలిగిందన్నారు. ప్రస్తుతం అతను విదేశాల్లో ఉన్నందున స్పందించడానికి అందుబాటులో లేడని, పోలీసుల నుండి నోటీసు వచ్చిందన్నారు. 22వ తేదీన విచారణకు రవితేజ హాజరౌతాడని తెలిపారు.

కెల్విన్..ఎవడో తెలియదు..
నిజాయితీ ఎప్పటికైనా బయటపడుతుందని..ఏ టెస్టులకైనా తన కొడుకు రెడీ అని తెలిపారు. ఆరు నెలలకొకసారి ఆరోగ్య వైద్య పరీక్షలు చేయించుకుంటున్నాడని, గతంలో భరత్..రవితేజను డ్రగ్స్ కేసులో ఇరిక్కించారని తెలిపారు. భరత్ అలాంటి సర్కిల్ కు అలవాటు పడ్డాడని..మంచితనం కుర్రాడైన భరత్ మద్యానికి అలవాటు పడ్డాడని తెలిపారు. కెల్విన్..గెల్విన్ ఎవడో తెలియదని 'రవితేజ' తల్లి కుండబద్ధలు కొట్టారు. మరింత సమాచారం కోసం వీడియో క్లిక్ చేయండి.

10:45 - May 26, 2017

చిత్తూరు :జిల్లాలో ఓ ప్రవైట్‌ బస్సు కాలిబూడిదయింది. వి.కోట మండలం తోటకానుమ గ్రామ సమీపంలో గుర్తు తెలియని వ్యక్తులు బస్సుకు నిప్పంటించారు. ఘటనపై సమాచారం అందుకున్న పోలీసులు కేసు నమోదు చేసి విచారణ చేపట్టారు.

 

10:22 - February 27, 2017

ఒడిశా : మావోయిస్టులు రెచ్చిపోయారు. ఫారెస్టు డిపోకు నిప్పు పెట్టడం కలకలం సృష్టించింది. ఈ ఘటన గడ్చిరోలీ జిల్లా రొంపెల్లి గ్రామంలో చోటు చేసుకుంది. సుమారు 70 మంది మావోయిస్టులు గ్రామానికి చేరుకుని డిపోకు నిప్పు పెట్టారు. దీనితో వందల సంఖ్యలో ఉన్న కలప దుంగలు కాలిబూడిదయ్యాయి. కేంద్ర, రాష్ట్ర ప్రభుత్వాలు గ్రీన్ హంట్ ను నిలిపివేయాలని డిమాండ్ చేస్తూ వాల్ పోస్టర్లు అతికించారు. గ్రీన్ హంట్ కు వ్యతిరేకంగా మావోయిస్టులు ఈ రోజు బంద్ కు పిలుపునిచ్చారు. భారత్ బంద్ కు మద్దతివ్వాలని గ్రామంలో ప్రదర్శన కూడా నిర్వహించారు. రోడ్లపై చెట్లు నరికివేయడంతో రాకపోకలు స్తంభించాయి.

18:44 - January 30, 2017

ఖమ్మం : రైల్వేస్టేషన్‌ సమీపంలో వ్యక్తి కిరోసిన్‌ పోసుకుని నిప్పంటించుకునేందుకు యత్నించాడు. దీంతో ఉద్రిక్తత చోటుచేసుకుంది. రైల్వేస్టేషన్‌ సమీపంలో రోడ్డుకు ఇరువైపులా ఉన్న షాపులను మున్సిపల్ అధికారులు తొలగించే ప్రయత్నం చేశారు. దీన్నిషాపు యజమానులు అడ్డుకున్నారు. ఒకరు కిరోసిన్‌ పోసి నిప్పంటించుకునేందుకు యత్నించగా.. స్థానికులు అడ్డుకున్నారు. మరిన్ని వివరాలను వీడియోలో చూద్దాం...

 

16:45 - January 30, 2017

కృష్ణా : జిల్లాలోని ఎ. కొండూరు మండలం కంబంపాడు మదర్‌ థెరీసా అనాధాశ్రమంలో అమానుషం జరిగింది. అక్రమాలను ప్రశ్నించినందుకు హాస్టల్ వార్డెన్ ఘాతుకానికి పాల్పడ్డాడు. విద్యార్థిపై పెట్రోల్ పోసి నిప్పంటించాడు. మదర్‌ థెరీసా అనాధాశ్రమంలో చెప్పినమాట వినలేదంటూ వార్డెన్‌ వెంకటేశ్వరరావు ప్రవీణ్ అనే విద్యార్థిపై పెట్రోల్‌పోసి నిప్పంటించాడు. తీవ్రగాయాలపాలైన బాధితున్ని ఎవరికీ తెలియకుండా రహస్యంగా విజయవాడ ప్రభుత్వాస్పత్రిలో చేర్పించారు. విద్యార్థి శరీరం 70 శాతానికి పైగా కాలిపోయింది. అతని పరిస్థితి విషమంగా ఉంది. విద్యార్థికి తల్లిండ్రులు లేరు. బాలుడు అనాథ. దీంతో అతని బంధువులు పోలీసులకు ఫిర్యాదు చేశారు. అయితే పోలీసులు మాత్రం వారి ఫిర్యాదును తీసుకోలేదు. మరోవైపు ప్రవీణ్ ఆత్మహత్యకు పాల్పడినట్లు వార్డెన్ చెబుతున్నారు. కాగా హాస్టల్ లో వార్డెన్ చేస్తున్న అక్రమాలను ప్రశ్నించినందుకు విద్యార్థిపై ఈ ఘాతుకానికి పాల్పడినట్లు తెలుస్తోంది. మరిన్ని వివరాలను వీడియోలో చూద్దాం.... 

 

11:03 - January 28, 2017

రంగారెడ్డి : జిల్లాలో దారుణం చోటుచేసుకుంది. కన్నకూతురిపై తల్లి దాష్టీకానికి పాల్పడింది. కూతురుని కంటికి రెప్పలా కాపాడాల్సిన తల్లి కడతేర్చాలనుకుంది. జిల్లాలోని ఫరూఖ్‌నగర్‌ మండలం చిత్తగూడెంలో పిండి పారపోసిందన్న కారణంతో 9 ఏళ్ల కూతురుపై కన్నతల్లి కిరోసిన్‌ పోసి నిప్పంటించింది. చిన్నారిని చికిత్స నిమిత్తం షాద్‌నగర్‌ ప్రభుత్వ ఆస్పత్రికి తరలించారు. పరిస్థితి విషమంగా ఉండటంతో మెరుగైన వైద్యం కోసం ఉస్మానియా ఆస్పత్రికి తరలించారు. వైద్యులు చిన్నారికి చికిత్స అందిస్తున్నారు. మరిన్ని వివరాలను వీడియోలో చూద్దాం...

 

19:06 - December 25, 2016

తూర్పుగోదావరి : జిల్లాలో గుర్తు తెలియని వ్యక్తులు వరికుప్పలకు నిప్పు పెట్టారు. రాపాక, నల్లగుంట గ్రామాల్లోని 35 ఎకరాలకు సంబంధించిన వరి కుప్పలను తగులబెట్టారు. స్థానికంగా ఉండే ఓ వ్యక్తే ఈ పని చేశాడని గ్రామస్థులు ఆరోపిస్తున్నారు. సంఘటన స్థలానికి చేరుకున్న పోలీసులు కేసు నమోదు చేసుకొని దర్యాప్తు చేస్తున్నారు. 

 

Pages

Don't Miss

Subscribe to RSS - నిప్పు