నెల్లూరు

17:42 - November 14, 2018

నెల్లూరు: భారత అంతరిక్ష పరిశోధన సంస్థ ఇస్రో ఖాతాలో మరో విజయం చేరింది. జీఎస్ఎల్వీ మార్క్ 3-డీ2 ప్రయోగం విజయవంతమైంది. ఈ రాకెట్ ద్వారా 3వేల 423 కిలోల జీశాట్-29 ఉపగ్రహాన్ని తొలిసారి కక్ష్యలో ప్రవేశపెట్టింది. పదేళ్ల పాటు దేశ సమాచార రంగానికి జీశాట్-29 ఉపగ్రహం సేవలు అందించనుంది. ప్రయోగం సక్సెస్ కావడంతో శాస్త్రవేత్తల్లో ఆనందం నెలకొంది. ఇస్రో ఛైర్మన్ శివన్ శాస్త్రవేత్తలను అభినందించారు.
నెల్లూరు జిల్లాలోని సతీశ్‌ ధావన్‌ స్పేస్‌ సెంటర్‌ షార్‌ నుంచి బుధవారం(14వ తేదీ) సాయంత్రం జీఎస్‌ఎల్‌వీ మార్క్‌3 డీ2ను ప్రయోగించారు. ముందస్తుగా నిర్ణయించిన సమయం ప్రకారమే సాయంత్రం 5.08 గంటలకు జీఎస్‌ఎల్‌వీ-మార్క్‌3డీ2 వాహక నౌక నింగిలోకి దూసుకెళ్లింది. కౌంట్‌డౌన్‌ ప్రక్రియ మంగళవారం మధ్యాహ్నం 2.50 గంటలకు ప్రారంభమైంది. అనుకున్నట్లుగానే రాకెట్‌ ఎలాంటి అవాంతరాలు లేకుండా నింగిలోకి దూసుకెళ్లింది. జీఎస్‌ఎల్‌వీ-మార్క్‌3డీ2 వాహక నౌక కమ్యూనికేషన్‌కు సంబంధించిన జీశాట్‌-29 ఉపగ్రహాన్ని కక్ష్యలోకి మోసుకెళ్లింది. జీశాట్-29 సమాచార వ్యవస్థకు కీలకం కానుంది. గ్రామీణ ప్రాంతాల్లో హైస్పీడ్ ఇంటర్నెట్ సేవలు అందుబాటులోకి రానున్నాయి.
జీశాట్‌-29 ఉపగ్రహంలో కేయూ, కేఏ బ్యాండు పేలోడ్‌లు ఉన్నాయి. ప్రధానమంత్రి డిజిటల్‌ ఇండియా కార్యక్రమంలో భాగంగా ఇస్రో జీశాట్‌-29కు రూపకల్పన చేసింది. దీనిద్వారా మరో రెండు నూతన అంతరిక్ష సాంకేతికతలపై అధ్యయనం చేయనున్నారు. జీశాట్‌ సిరీస్‌లో మూడు ఉపగ్రహాలను పంపాల్సి ఉంది. ఇందులో జీశాట్‌-19 ఉపగ్రహాన్ని 2017 జూన్‌లో శ్రీహరికోట నుంచి కక్ష్యలోకి పంపారు. తర్వాత జీశాట్‌-29 ఉపగ్రహాన్ని బుధవారం(14వ తేదీ) నింగిలోకి పంపారు. చివరగా జీశాట్‌-11 ఉపగ్రహాన్ని డిసెంబర్ 4న యూరోపియన్‌ స్పేస్‌ పోర్టు నుంచి పంపేందుకు ఇస్రో సన్నాహాలు చేస్తోంది.

14:46 - November 14, 2018

నెల్లూరు : ప్రస్తుతం సెల్ఫీ దిగడం ఓ మోజు అయిపోయింది. సెల్ఫీ కోసం ప్రమాదాలను సైతం లెక్క చేయడం లేదు. అత్యంత ప్రమాదకరమైన ప్రదేశాలలో, క్రూరమృగాలతో సెల్ఫీ దిగుతూ ప్రాణాల మీదికి తెచ్చుకుంటున్నారు. ఎత్తైన కొండలు, బీచ్‌లో, ఎత్తైన భవనాలపై, ప్రయాణిస్తున్న రైళ్లు, వాహనాలలో సెల్ఫీ దిగుతూ ప్రాణాలను కోల్పోతున్నారు. తాజాగా మరో సెల్పీ ప్రమాద ఘటన చోటుచేసుకుంది. సెల్ఫీ సరదా ఓ యువకుడి ప్రాణం తీసింది. 

పాముతో సెల్ఫీ దిగుతూ యువకుడు మృతి చెందాడు. సరదాగా పాముతో ఫొటొ దిగాలనుకున్న యువకుడి ప్రాణాలు గాల్లో కలిసిపోయాయి. జిల్లాలోని సూళ్లూరుపేట మండలం మంగళంపాడులో పాముల ప్రదర్శనతో జీవనం సాగించే వ్యక్తి వద్ద ఉన్న సర్పాన్ని యువకుడు మెడలో వేసుకుని ఫొటొ దిగడానికి యత్నించాడు. ఈ క్రమంలో పాము కాటువేయడంతో సదరు యువకుడు ప్రాణాలు కోల్పోయాడు.

 

11:08 - November 12, 2018

అమరావతి: తిత్లీ తుపాను నష్టం నుంచి  ఉత్తారంధ్ర తేరుకోక ముందే మరో తుపాను ఆంధ్రప్రదేశ్ ను వణికించేందుకు సిధ్దమవుతోంది . దీనికి "గజ తుపాను"గా అధికారులు నామకరణం చేశారు. ఆగ్నేయ బంగాళాఖాతంలో ఏర్పడిన తీవ్రవాయుగుండం తుపానుగా మారి ఈనెల 15న చెన్నై-నెల్లూరు మధ్య తీరం దాటే అవకాశం ఉందని  వాతావరణ విభాగం అధికారులు అంచనా  వేస్తున్నారు. గజ తుపాను ప్రస్తుతం పశ్చిమ వాయువ్య దిశగా గంటకు 11 నాట్ల వేగంతో కదులుతోందని అధికారులు చెప్పారు.
గజ తుపాను నెల్లూరు జిల్లా శ్రీహరికోటకు 900 కిలోమీటర్ల దూరంలో కేంద్రీకృతమై ఉంది 
దీని ప్రభావంతో రాగల 24 గంటల్లో  4 గంటల్లో దక్షిణ కోస్తా, ఉత్తర తమిళనాడు తీరాల్లో ఓ మోస్తరు నుంచి భారీ వర్షాలు కురుస్తాయి
తీర  ప్రాంతాల్లో  గంటకు 45-55 కి.మీ. ల వేగంతో గాలులు వీస్తాయి
గజ తుపాను కారణంగా ప్రకాశం, నెల్లూరు జిల్లాల యంత్రాంగం అప్రమత్తంగా ఉండాలి 
మత్స్యకారులు సముద్రంలోకి చేపలవేటకు వెళ్లవద్దు 
నెల్లూరు జిల్లాలో తుపాను పరిస్ధితిని ఎదుర్కోటానికి మండలానికో ప్రత్యేక అధికారిని నియమించారు. 
కృష్ణపట్నం పోర్టులో 2వ నెంబరు ప్రమాద హెచ్చరిక జారీ చేశారు 

12:49 - November 10, 2018

నెల్లూరు : రోడ్ల వెంట తిరిగే పందులు రోగాలకు కారణాలుగా మారతాయని తెలుసు. కానీ ఆసుపత్రిలో ఓ పంది పెట్టిన చిచ్చు పోలీసు కేసుల వరకూ వెళ్లింది. ఇదేమిటి అనుకుంటున్నారా? నిజమేనండీ బాబూ..

government hospital కోసం చిత్ర ఫలితంరోగాలు కలగజేసే పందులను ఏరివేసేందుకు చేపట్టిన మున్సిపల్ సిబ్బంది పెల్లెట్ గన్‌తో వేటకు బయలుదేరారు. సంతపేట ప్రాంతంలో ఓ పందిని కాల్చే ప్రయత్నంలో ఓపెల్లెట్ గురి తప్పి ఓ బాలుడికి తగిలింది. దీంతో బాలుడిని ప్రభుత్వ సర్వజన ఆసుపత్రికి చికిత్స నిమిత్తం తీసుకెళ్లారు. బాలుడిని పరీక్షించిన డాక్టర్ పరశురామ్ ప్రథమ చికిత్స చేసిన అనతరం మెడికో లీగల్ కేసు కింద కేసు నమోదు చేయాలని చెబుతూ బాలుడిని ఎక్స్‌రేకు పంపిచారు. అదే సమయంలో అక్కడికి చేరుకున్న ఆసుపత్రి సూపరింటెండెంట్ రాధాకృష్ణ రాజు వైద్యుడిపై ఆగ్రహం వ్యక్తం చేశారు. మెడికో లీగల్ కేసు కింద కేసు ఎవరు పెట్టారంటూ మండిపడ్డారు. తనక్కూడా ఆ రూల్స్ తెలుసని..పరశురామ్ డాక్టర్ పై ఫైర్ అయ్యారు. దీంతో సూపరింటెండెంట్ రాధాకృష్ణ పరశురామ్‌ ను నోటికొచ్చినట్లుగా తిడుతు..చేయి చేసుకోవటంతో రాధాకృష్ణ రాజుపై దుర్గామిట్ట పోలీస్ స్టేషన్‌లో ఫిర్యాదు చేశారు. కాగా బాధిత బాలుడికి పెల్లెట్ ను తొలగించటంతో  ప్రాణాపాయం తప్పిందని, ఒకటి రెండు రోజుల్లో డిశ్చార్జి చేస్తామని వైద్యులు తెలిపారు.

 

07:28 - November 4, 2018

నెల్లూరు : నగరంలో కాల్పుల కలకలం రేగింది. గుర్తు తెలియని దుండగులు జరిపిన కాల్పుల్లో ఓ వ్యక్తి మృతి చెందాడు. ఫతేఖాన్‌పేట, ,రైతు బజార్ వద్ద వ్యాపారి మహేంద్రసింగ్‌పై ఇద్దరు దుండగులు వెనుక నుంచి వచ్చి కాల్పులు జరిపి, పరారయ్యారు. ముసుగు ధరించి వచ్చిన దుండగులు మహేంద్రసింగ్‌పై మొత్తం నాలుగు రౌండ్లు కాల్పులు జరిపినట్లు తెలుస్తోంది. మహేంద్రసింగ్ శరీరంలోకి నాలుగు బుల్లెట్లు దూసుకుపోయినట్లు పోలీసులు భావిస్తున్నారు. అతనికి తీవ్ర రక్త స్రావం కావడంతో సమీపంలోని ఆస్పత్రికి తరలించారు. అస్పత్రిలో చికిత్స పొందుతూ మహేంద్రసింగ్ మృతి చెందాడు. దీంతో నెల్లూరు జిల్లా పోలీసులు హైఅలర్ట్ ప్రకటించారు. ఎక్కడికక్కడ వాహనాలను పోలీసులు తనిఖీ చేస్తున్నారు.

20:13 - October 28, 2018

నెల్లూరు : జిల్లాలోని రంగనాయులపేటలో విషాదం నెలకొంది. భర్త మృతి చెందాడని మనస్థాపంతో భార్యతోపాటు ఇద్దరు పిల్లలు ఆత్మహత్యాయత్నానికి పాల్పడ్డారు. బాలిక మృతి చెందింది. వివాహిత, మరో బాలిక పరిస్థితి విషమంగా ఉంది.

రంగనాయులపేటలోని గొల్లల వీధిలో కొండల్ రావు, సుజాత దంపతులు. తమ ఇద్దరు పిల్లలు విష్ణువర్ధిని, దివ్యలతో కలిసి గత కొన్నేళ నుంచి గొల్లల వీధిలో నివాసముంటున్నారు. కొండల్ రావు రియల్ ఎస్టేట్ వ్యాపారి. రెండు రోజుల క్రితం వ్యాపారం నిమిత్తం అతను హైదరాబాద్‌కు వెళ్లాడు. అక్కడ ఓ హోటల్‌లో కొండల్ రావు హార్ట్ అటాక్ గురై మృతి చెందారు. 

అయితే హైదరాబాద్‌కు వెళ్లిన తన భర్త తిరిగి వస్తాడని భార్య, తన తండ్రి తిరిగి వస్తాడని పిల్లలు ఎదురు చూస్తున్నారు. అదే ప్రాంతంలో ఉన్న ఒక లాండ్రీ షాప్‌కు కొండల్ రావు చనిపోయాడని ఈరోజు సమాచారం వచ్చింది. కొండల్ రావు మృతి చెందాడన్న సమాచారాన్ని భార్య సుజాత, ఆయన పిల్లలకు అందజేశారు. దీంతో ఇక తండ్రి లేడని పిల్లలు, భర్త లేడని భార్య తీవ్ర మనస్థాపానికి గురయ్యారు. ఈక్రమంలోనే తమ ఇంట్లోని ఫ్యాన్‌కు ఉరి వేసుకుని భార్య, పిల్లలు ఆత్మహత్యాయత్నం చేసుకున్నారు. విష్ణువర్దిని అనే బాలిక అక్కడికక్కడే మృతి చెందింది. 

వారి ఆత్మహత్యాయత్నాన్ని గమనించిన స్థానికులు వారిని రక్షించే ప్రయత్నం చేశారు. కాగా అప్పటికే విష్ణువర్దిని అనే పాప మృతి చెందింది. సుజాత, దివ్యలను రక్షించి వెంటనే స్థానిక ప్రైవేట్ ఆస్పత్రికి తరలించారు. వీరి పరిస్థితి విషమంగా ఉంది. ఈఘటనతో రంగనాయులపేటలో విషాదఛాయలు అలుముకున్నాయి. పోలీసులు కేసు నమోదు చేసుకుని, విచారణ చేస్తున్నారు.
 

08:21 - October 25, 2018

విశాఖపట్నం : నగరంలో భారీ అవినీతి సోదాలు జరగనున్నాయి. ఈ దాడుల అనుబంధంగా విజయవాడ, నెల్లూరు,గుంటూరు నగరాలలో కూడా ఐటీ సోదాలు జరిగే అవకాశమున్నట్లుగా సమాచారం. ఈ నేపథ్యంలో ఐటీ బృందాలు ఇప్పటికే విశాఖ నగరానికి చేరుకున్న క్రమంలో ఈరోజు తెల్లవారుఝామునుండే ఐటీ దాడులు కొనసాగుతున్నాయి. గాజువాక, దువ్వాడ ఎస్ఈజెడ్ లో సోదాలు కొనసాగుతున్నాయి. దువ్వాడలోని టీజీఐ కంపెనీ, ట్రాన్స్ వరల్డ్ బీచ్ శాండ్ కంపెనీలలో అధికారులు తనిఖీలు కొనసాగిస్తున్నారు. 
ఇప్పటికే ఏపీలోని పలుచోట్ల ఐటీ అధికారులు సోదాలు నిర్వహించిన విషయం తెలిసిందే. విశాఖలోని పారిశ్రామికవేత్తలు, టీడీపీకి చెందిన కీలక నేతలు, చిట్ ఫండ్ సంస్థలు, రియల్ ఎస్టేట్ కంపెనీల్లో ఈ సోదాలు నిర్వహిస్తున్నారు. ఇందుకోసం తెలంగాణ, ఒడిశా, తమిళనాడు, కర్ణాటక రాష్ట్రాలకు చెందిన ఐటీ అధికారులు ఇప్పటికే విశాఖకు చేరుకుని తనిఖీలను కొనసాగిస్తున్నారు. 
 

22:08 - October 23, 2018

నెల్లూరు : జిల్లాలో విద్యార్థుల మధ్య ఘర్షణ నెలకొంది. ఓ విద్యార్థి మరో విద్యార్థిపై బీర్ బాటిల్‌తో దాడికి పాల్పడ్డాడు. సూళ్లూరుపేట ప్రభుత్వ కళాశాలలో మనోజ్‌, సురేష్ మధ్య ఘర్షణ జరిగింది. తన చెప్పును తీసుకురానందుకు మనోజ్ అనే విద్యార్థిపై సురేష్ బాటిల్‌తో దాడి చేశాడు. తీవ్రంగా గాయపడిన మనోజ్‌ను స్థానిక ఆస్పత్రికి తరలించారు. మద్యం మత్తులో సురేష్ దాడి చేశాడని విద్యార్థులు అంటున్నారు. సురేష్‌పై పోలీసులు కేసు నమోదు చేసుకుని, దర్యాప్తు చేస్తున్నారు. 

 

17:27 - October 21, 2018

నెల్లూరు : జిల్లాలో ఫారెస్ట్ ఆఫీసర్ నిర్వాకం బట్ట బయలైంది. పెళ్లి చేసుకుంటానని ఓ మహిళను అధికారి మోసగించాడు. పెళ్లి చేసుకుంటానని మహిళ నుంచి రూ.5 లక్షలు తీసుకుని..జాతకాలు కలవడం లేదంటూ పెళ్లికి నిరాకరించాడు. యువతిపై అధికారి దాడికి పాల్పడ్డారు. తెనాలి ప్రభుత్వాస్పత్రిలో చికిత్స పొందుతున్న బాధితురాలిని మహిళా కమిషన్ చైర్ పర్సన్ నన్నపనేని రాజకుమారి శిరీషను పరామర్శించారు. బాధితురాలికి అండగా ఉంటామని హామీ ఇచ్చారు.


నెల్లూరు జిల్లాకు చెందిన ఫారెస్ట్ ఆఫీసర్ మన్నేపల్లి హరికుమార్ గతేడాది రెండో పెళ్లికి వధవు కావాలని, తాను ప్రభుత్వ ఉద్యోగినని పేపర్‌లో ప్రకటన ఇచ్చాడు. తెనాలికి చెందిన శిరీష..స్థానికంగా ట్యూషన్లు చెప్పుకుంటూ జీవనం కొనసాగిస్తోంది. పేపర్ ప్రకటనలోని ఫోన్ నెంబర్‌కు శిరీష ఫోన్ చేసింది. ఫోన్ చేయడంతో హరికుమార్‌తో శిరీషకు పరిచయం ఏర్పడింది. అయితే మొదటి భార్యకు విడాకులు ఇచ్చి శిరీషను పెళ్లి చేసుకుంటానని చెప్పాడు. మొదటి భార్యకు విడాకులు ఇచ్చేందుకు రూ.5 లక్షలు కావాలని.. ఆ డబ్బు తన దగ్గర లేదని.. శిరీషను డబ్బు ఇవ్వాల్సిందిగా కోరాడు. మొదటి భార్యకు విడాకులు ఇచ్చాక...ఆ తర్వాత శిరీషను పెళ్లి చేసుకుంటానని చెప్పాడు. దీంతో అతనిని నమ్మిన.. శిరీష అప్పు చేసి రూ.5లక్షలను హరికుమార్‌కు ఇచ్చింది.

 
ఆ తర్వాత హరికుమార్ సక్రమంగా స్పందించడం లేదు. దీంతో ఆత్మకూర్ పోలీస్ ష్టేషన్‌లో యువతి ఫిర్యాదు చేసింది. అయితే అక్కడి పోలీసులు పట్టించుకోలేదు. ఆ తర్వాత తెనాలి టూటౌన్ పోలీస్ స్టేషన్‌లో ఫిర్యాదు చేసింది. అయితే ఇది కౌన్సిలింగ్ నిర్వహించాల్సిన అంశం కావడంతో పోలీసులు హరికమార్‌ను పిలిచి కౌన్సిలింగ్ నిర్వహించారు. పోలీసుల కౌన్సిలింగ్‌కు హరికుమార్ స్పందించలేదు. శిరీషను వివాహం చేసుకోవడానికి అతను ముందుకు రాలేదు. ఈక్రమంలో రెండు రోజుల క్రితం శిరీషపై హరికుమార్ దాడి చేశాడు. హరికుమార్ తనపై దాడి చేసినట్లు శిరీష తెనాలి టూ టౌన్ పోలీస్ స్టేషన్‌లో ఫిర్యాదు చేసింది. తీవ్రంగా గాయపడిన శిరీష ప్రభుత్వాస్పత్రిలో చికిత్స పొందుతున్నారు. మహిళా కమిషన్ చైర్ పర్సన్ నన్నపనేని రాజకుమారి శిరీషను పరామర్శించారు. బాధితురాలికి అండగా ఉంటామని హామీ ఇచ్చారు. నిందితుడు హరికుమార్‌ను వెంటనే అరెస్ట్ చేయాలని పోలీసులను ఆదేశించారు. 

 

22:03 - October 13, 2018

నెల్లూరు : నగరంలో కామాంధుడు దారుణానికి ఒడిగట్టాడు. అభంశుభం తెలియని ఇద్దరు చిన్నారులపై అత్యాచారయత్నానికి పాల్పడ్డాడు. కల్లూరు కాలనీలో ఆషీమ్ అనే వ్యక్తి కరెంట్ పని చేస్తున్నాడు. 6, 8 సంవత్సరాలున్న ఇద్దరు చిన్నారులకు మాయమాటలు చెప్పి ఇంట్లోకి తీసుకెళ్లాడు. ఇంటికి తాళం వేసి..నోట్లో గుడ్డలు కుక్కి చిన్నారులపై అసభ్యంగా ప్రవర్తించాడు. వారిపై అత్యాచారాయత్నం చేశాడు. ఇంట్లో చెబితే చంపేస్తామంటూ చిన్నారులను బెదిరించాడు. వారిలో ఓ బాలిక పరిస్థితిని గమనించిన తండ్రి నిలదీయడంతో అసలు విషయం వెలుగుచూసింది. స్థానికులు నిందితునికి దేహశుద్ది చేశారు. తాళ్లు, వైర్లతో కట్టేసి పోలీసులకు అప్పగించారు. ఆషీమ్‌ను పోలీసులు అదుపులోకి తీసుకున్నారు. చిన్నారులను ఆస్పత్రికి తరలించారు. 

 

Pages

Don't Miss

Subscribe to RSS - నెల్లూరు