నెల్లూరు

13:39 - August 15, 2018

నెల్లూరు : అదో మారుమూల ప‌ల్లె.. క‌నీసం బ‌స్సు సౌక‌ర్యం కూడా స‌రిగా ఉండ‌ని గ్రామం.. కానీ ఆ ఊరిపేరు దేశభక్తికి మారు పేరుగా అనిపిస్తుంది. అక్కడి యువ‌త దేశం కోస‌మే పుట్టారా అనిపిస్తుంది. ఆ ఊర్లో తిరిగితే.. ఇంటికో సైనికుడు తార‌స‌ప‌డతాడు. నెల్లూరు జిల్లా సీతారామపురం మండ‌లంలో దేశభక్తి పల్లెగా పేరుపొందిన దేవిశెట్టిప‌ల్లెపై ప్రత్యేక కథనం..

దేశభక్తికి మారు పేరు... దేవిశెట్టిప‌ల్లె
నెల్లూరు జిల్లా సీతారామపురం మండ‌లంలోని దేవిశెట్టిప‌ల్లెను.. ముద్దుగా దేశ‌భ‌క్తి ప‌ల్లె అని పిలుచుకుంటారు ఈ ప్రాంత వాసులు. ఈ మారుమూల గ్రామంలో ఇంటికో సైనికుడు ఉన్నాడంటే ఆశ్చర్యమేస్తుంది. ప‌దో త‌ర‌గ‌తి పాసైతే చాలు జై జ‌వాన్ అంటూ దేశ‌సేవ‌కు వెళ్ల్తారు ఇక్కడి యువత. ఆర్మీ, నేవీ, ఎయిర్ ఫోర్స్‌.. ఇలా త్రివిద ద‌ళాల్లోనూ ఆ ఊరి యువకులు క‌నిపిస్తారు. 120 కుటుంబాలున్న ఈ గ్రామంలో.. ఒక్కో ఇంటి నుంచి ఇద్దరు, ముగ్గురు యువ‌కులు సైన్యంలో ఉండటం ఈ ఊరి ప్రత్యేక‌త‌.
55 మంది వ‌ర‌కు ఆర్మీలో జ‌వాన్లు,సుబేదార్లు, నాయ‌క్ సుబేదార్‌..
ఈ గ్రామస్థులు 55 మంది వ‌ర‌కు ఆర్మీలో జ‌వాన్లుగా ప‌నిచేస్తున్నారు. సుబేదార్లుగా, నాయ‌క్ సుబేదారుగా, హ‌వ‌ల్ధార్లుగా మరికొందరు ప‌నిచేస్తున్నారు. వీరిలో ఒక‌రు మేజ‌ర్‌గా కూడా ఉన్నారు. మ‌రో 50 మందికి పైగా ఆర్మీలో సివిలియ‌న్ ఉద్యోగాల్లో ఉన్నారు. నేవీలో ఇద్దరు, ఎయిర్ ఫోర్స్‌లో ఆరుమంది, గోవా పోలీసులుగా న‌లుగురు, ఆంధ్రా పోలీసుగా ఒక‌రు, అగ్నిమాప‌క శాఖ‌లో ఒక‌రు విదులు నిర్వర్తిస్తున్నారు. అలాగే గోవాలో పీడ‌బ్య్లుడీ విభాగంలో ఏడు మంది ఉద్యోగాలు చేస్తుండ‌గా, మ‌రొకొంద‌రు ప్రైవేటు ఉద్యోగాల్లో ఉన్నారు.
వెంకటసుబ్బయ్యతో ఆర్మీ ప్రస్థానం ప్రారంభం
1976-77లో ఆర్మీకి ఎంపికైన వెంకటసుబ్బయ్యతోనే ఈ ఊరినుంచి ఆర్మీ ప్రస్థానం మొదలైందని చెప్పొచ్చు. ఆయన్ను ఆర్మీ దుస్తుల్లో చూసిన యువతకు దేశ‌ర‌క్షణ‌పై ఆస‌క్తి పెరిగిందని గ్రామస్థులు చెబుతారు. ఒక‌రిద్దరితో మొద‌లై నేడు 160 మంది వ‌ర‌కు చేరారు. త్రివిద ద‌ళాల్లో ఉన్న త‌మ గ్రామ యువ‌త‌ను చూసి గ్రామస్థులు మురిసిపోతుంటారు.
మే నెలలో ఆ గ్రామంలో సందడే సందడి..
మే నెల వస్తే.. ఈగ్రామంలో సంద‌డి మొద‌ల‌వుతుంది. ఉద్యోగ రిత్యా వేర్వేరు ప్రాంతాల్లో ఉండే వారంతా సొంత ఊరికి చేరుకుంటారు. కుటుంబ స‌భ్యుల‌తో క‌లిసి మూడు నుంచి నాలుగు వారాల పాటు సంద‌డి చేస్తారు. ఇదే సమయంలో కొందరు పెళ్లి కూడా చేసుకుని వెళ్తుంటారు. మొత్తానికి దేవిశెట్టిపల్లి యువత దేశభక్తిలో ఆద‌ర్శంగా నిలుస్తోంది. 

09:13 - August 15, 2018

నెల్లూరు : 72వ స్వాతంత్ర్య దినోత్సవం సందర్భంగా నెల్లూరు జిల్లాలో సైకత శిల్పి చెక్కిన జాతీయ నాయకుల చిత్రాలు ఆకట్టుకుంటున్నాయి. చిల్లకూరు మండలం ఏరూరుకు చెందిన మంచాల సనత్‌కుమార్‌.. సముద్ర తీరంలో దేశ నాయకుల చిత్రాలను సైకతంతో ఏర్పాటు చేశారు. ఐ ల్‌ ఇండియా అంటూ సైకతం ద్వారా శుభాకాంక్షలు తెలిపారు. ఇది ప్రజలు ఎంతగానో ఆకట్టుకుంటోంది.

15:26 - August 10, 2018
18:38 - August 9, 2018

నెల్లూరు : జిల్లా సీతారాంపురంలో విషాదం నెలకొంది. స్కూల్‌లో ఆడుకుంటూ పెన్ను క్యాప్‌ మింగిన మూడో తరగతి విద్యార్థి వినయ్‌..ఊపిరి ఆడక అపస్మారకస్థితికి చేరుకున్నాడు. గమనించిన స్థానికులు ఆస్పత్రికి తరలించగా.. చికిత్స పొందుతూ వినయ్‌ మృతి చెందాడు. 

13:45 - August 7, 2018

నెల్లూరు : జిల్లా రావూరు పోలీస్‌ స్టేషన్‌ దాడి ఘటన ఎస్‌ఐ దురుసు ప్రవర్తన వల్లే జరిగిందని, ఎస్‌ఐను వెంటనే సస్పెండ్ చేయాలని డిమాండ్‌ చేశారు ఏపీ సీపీఎం రాష్ర్ట కార్యదర్శి మధు. రావూరు హరిజనవాడలో పర్యటించిన మధు అక్కడి స్థానికులతో మాట్లాడి వివరాలు తెలుసుకున్నారు. అక్రమంగా అరెస్ట్ చేసిన దళితులను 15 రోజుల్లోగా విడుదలచేయకుంటే అన్ని దళిత, ప్రజాసంఘాలను కలుపుకొని ప్రభుత్వానికి వ్యతిరేకంగా పోరాడుతామంటున్న మధుతో టెన్ టివి ఫేస్‌ టు ఫేస్‌ నిర్వహించింది. మరిన్ని వివరాలను వీడియోలో చూద్దాం... 

 

12:01 - August 6, 2018

నెల్లూరు : జిల్లా గంగాధర నెల్లూరులో కన్న బిడ్డలనే.. తండ్రి కడతేర్చిన ఘటన చోటు చేసుకుంది. కసాయి తండ్రి వెంకటేశ్‌ తన ముగ్గురు పిల్లలైన పునీత్‌, సంజయ్‌, రాహుల్‌లను నీవా నదిలో పడేశాడు. దంపతుల మధ్య వివాదమే ఈ ఘటనకు కారణమని తెలుస్తోంది. 

19:31 - August 5, 2018

నెల్లూరు : పట్టణంలో మంత్రి నారాయణ క్రికెట్ ఆడుతూ సందడి చేశారు. పట్టణంలోని వీఆర్సీ కళాశాల మైదానంలో ఏర్పాటు చేసిన సిఎం క్రికెట్ కప్ పోటీని నారాయణ ప్రారంభించారు. క్రికెట్‌ జట్లకు కిట్లను అందజేశారు. ఈ సందర్భంగా మంత్రి నారాయణ క్రికెట్ ఆడుతూ అందరినీ అలరించారు. క్రీడల్లో రాష్ట్రాన్ని ముందు ఉచ్చాలనే ఉద్దేశంతో పోటీలు ప్రారంభించామని నారాయణ అన్నారు. 

12:09 - August 5, 2018

నెల్లూరు : హ్యాపీ సండేలో పాల్గొన్న మంత్రి నారాయణ పాల్గొని చిందులు వేశారు. నెల్లూరు జిల్లాలో ఆదివారం సందర్భంగా ఎన్టీఆర్ పార్కులో కార్పొరేషన్ అధికారులు 'హ్యాపీ సండే' పేరిట ఓ కార్యక్రమం ఏర్పాటు చేశారు. ఈ సందర్భంగా ఆయన మాట్లాడుతూ యాంత్రిక జీవనంలో అలిసిపోయిన వారు ఒత్తిడిని అధిగమించడానికి ఈ కార్యక్రమం నిర్వహించడం జరిగిందని మంత్రి తెలిపారు. అంతర్జాతీయంగా ప్రకటించిన ఆనందదాయకమైన దేశాల్లో భారత్ 122వ స్థానంలో నిలిచిందన్నారు. క్రీడలు, పర్యాటకం, కళలకు ప్రజలు ప్రాధాన్యతనివ్వాలని పిలుపునిచ్చారు. దీనివల్ల ఆనంద ఆంధ్రప్రదేశ్ ను సాధించవచ్చన్నారు. 

16:44 - August 3, 2018

నెల్లూరు : జిల్లాలోని రాపూరు సోలీస్‌ స్టేషన్‌పై దళితులు చేసిన దాడిపై ఎస్సీ,ఎస్టీ కమిషన్‌ స్పందించింది. కమిషన్‌ సభ్యులు బద్దెపూడి రవీంద్ర ఆధ్వర్యంలో ఘటనపై విచారణ చేపట్టారు. పలువురు దళిత సంఘాలు, ప్రజా సంఘాల నాయకులతో కలిసి స్టేషన్‌కు వెళ్లి, డీఎస్పీ రాంబాబుతో పాటు ఫిర్యాదు దారుడు జోసఫ్‌తో రవీంద్ర మాట్లాడారు. అనంతరం దాడికి జరిగిన కారణాలను అడిగి తెలుసుకున్నారు. 

18:32 - August 2, 2018

నెల్లూరు : జిల్లా రాపూరు పోలీస్ స్టేషన్ పై దళితులు చేసిన దాడిని ఉన్నతాధికారులు సీరియస్‌గా తీసుకున్నారు. ఇప్పటికే దాడికి పాల్పడ్డ వారిలో పలువురిని అరెస్టు చేయగా.. మరికొందరి కోసం గాలింపు చేపట్టారు . దీంతో తమను కూడా అరెస్ట్‌ చేస్తారనే భయంతో హరిజనవాడలోని స్థానికులంతా ఇళ్లను వదిలి పారిపోయారు. దీంతో ఇళ్లన్నీ బోసిపోయాయి. దీనిపై మరింత సమాచారాన్ని వీడియోలో చూద్దాం.. 

Pages

Don't Miss

Subscribe to RSS - నెల్లూరు